روايات يمنية📚🇾🇪

16 февраля 2025 19:11

.

البـارت 310 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


نجيب: يمااه قوى قوى يماااه روحي شوفي لي رواان راضيها وراسي لها

أم نجيب: سلامة رأسك ياابني بس مستحيييل بعد كل اللي عملته بروان عاد ترضى ترجع لك وين نودي وجوهنا من الناس

نجيب بترجي: يماه عشان ابنك عشان كل لحظة شفتي فيها نجيب مفتهن ومرتاح حاااولي، الله يرضى عليييك يماااه ماعاد سبر لي شي بعد روان كل شي عدم بدونها

أم نجيب بقلة حيلة: طيب طيب قوم وصلني

نجيب فرح قام وصلها،، وصلوا لجنب بيت العم كامل

@rewayatyamania المصدر الأول للروايات

في بيت أبو روان

دخلت أم نجيب أهَّلت فيها أم روان وسهَّلت ودخلتها مهما يكون المرة في نص بيتها وأم روان أصيلة ما ترجع الضيف، وخصوصاً أم نجيب لها مكانة في قلوبهم

أم نجيب: تسلممي يا أم روان كيف حالكم كيف هي روان؟

أم روان رجعت لزعلها: آه آه أيش اقلك على روان وإلا أيش أخلي

أم نجيب مقهورة عليها: داعيها بحاكيها

أم روان راحت تصيح لروان: روان يابنتي أم نجيب تشتي تحاكيش

روان بدون نفس: أيش تشتي؟! ما بنزل قولي لها راقدة

أم روان: يابنتي الله يرضى عليش إنزلي شوفي المرة أيش تشتي

روان نفخت: طيب

نزلت روان وسلمت على أم نجيب

أم نجيب: تسلممي يابنتي أنتي كيف حالك

روان رفعت أكتافها وأشرت لنفسها: نفس ما تشوفيني يا عمة

أم نجيب إقتهرررت على حالة روان وردة ذااابلة بمعنى الكلمة،، إقتهرررت وييين روان اللي كانت قبل سنين

أم نجيب بدأت تتكلم: شوفي يابنتي وأنا دارية مالي حق أجي وأكلمك بسس والله يا روان نجييب نااااادم ومستعد يجيب راسه عشان رضاش بس...

روان بدون أي تعبير بوجهها: نادم!!! هه

أم نجيب: فكرري يابنتي

روان: يا عممة كلامك على عيني وراسي بس موضوع نجيب لا تفتحيه لي أنا غلطت مرة وجبت للإنسان اللي خذلني فرصة وغدرني مرررة ثانية أنا ماعاد بجيب لأي إنسان أي فرررصة غدرني إن عاد يغدرني مرة ثانية ، أنا مكتفية من نجيب ومن وليد قد قلبي منهم ملاااان وما عاد بقبلها لنفسسي وإذا عطيتها صدقييني يا عممة واللي خلقهم سبع ما تكون الفرصة إلا إنتقام فأنتي إقنعي نجيب وخليه يلتفت لحياته وينساااني بعييد عنه

أم نجيب: كم قد حاولنا معه ما رضي ما عاد يوثق بحد إلا بك وناااااادم

روان: وأنا ماعاد بوثق بأحددد وما أدخل وكان بيفكر قبل لا يتهمني بشرفي قبل ما يفكر إن انا أفعل هكذا يتحمل نتيجة أغلاطه مثل ما أنا متحملة نتيجة إختياراتي، ويستاهل البرد من ضيع دفاااه ونقطة نهاااية السطر

أم نجيب: هذا أنتي عطيتي وليد فرصة!

روان: أنا جبت لنفسي فرصة أنتقم من إبنك بس هذا الإنتقام دمررني لكن أنا الآن تاركة نجيب وتاركة وليد ومستحيل أرجع لواحد منهم اللي فيني مكفيني من الإثنين، أنتي ياعممة على عيني وراسي أما تفتحي لي موضوع نجيب فعفواً الأبواب كلهم مغلقة لكم، جي كضيفة على عيني ورأسي أما تجي تفتحي موضوع نجيب عفوووووواً


أم نجيب خرجت ونجيب كان منتظر لها بأحر من الجمر

نجيب بلهفة: هااا يمااه أيش

أم نجيب بعصبية: أيش هااا أيش رضيت لي بالإهانة قالت إذا أجيت لهم بسببك الباب مغلق بوجهي

نجيب بيأس: خلااص يمه ما عاش من يرضى لك بالإهانة

أم نجيب: شووف حياااتك ياابنيي وخلوا لهذه البنت حالها

نجيب بقلة حيلة وهو يشوف آخر طيف لروان يروح من يده وبدمعة قفزت من عيونه: إن شاء الله خير يمه

أم نجيب أقتهررت على إبنها: الله يعوضك يا إبني ويعوض روان

نجيب: يااااارب
.
.

في اليوم الثاني

آسيا رغم الجرح اللي فيها وإنخذالها من حسام ومن المشاكل اللي أتجمعت عليهم بوقت واحد، راحت للجامعة أول ما وصلت الجامعة كان في عيوون تراقبها فجأة أبتسم إبتسامة مليانة فرح وشووق

آسيا وهي داخلة القاعة

بشرى بفرح: آسيا!!!

آسيا بدون نفس إلتفتت لها: هلا

بشرى نبعت تحضنها، آسيا بهذيك اللحظة كانت تتمنى هذا الحضن اللي يلم شتاتها بادلتها الحضن

بشرى بلهفة: وينك يابنت والله أشتقنا لش

آسيا شبه ميته: تسلمي أنا فدالش

بشرى تتلفت وراها: أممم ويين حسام؟!

آسيا: بعد المحاضرة بكلمك

بشرى: تمام

إستمرت المحاضرة وآسيا مش مركزة ومشتته والدكتور ملاحظ عليها لإنها شاطرة كذلك بشرى وإنتهت المحاضرة

بشرى: تعالي نجلس هنا

آسيا: يلا

بشرى: أيوة آسيا أيش قلتي ماله حسام؟!

آسيا لأن تحب بشرى وتثق فيها: بشرى أنا بنفصل عن حسام وخلاص ماعاد فيش شي بيجمعنا غير عيالنا

بشرى مصدووومة: منك صدق؟!  وليييش؟!

سكتت ورجعت: لا تقووولي رفأ!!!!

آسيا بدموع نزلت رأسها: أيه مع الأسف

بشرى مسكت يد آسيا: حسبنا الله ونعم الوكيل على كل من كان سبب لدمووعك

آسيا تكمل: إتخيلي يا بشرى حتى بفترة حملي كانت نفسيتي زي الزفت تعرفي تقلبات الحمل.......


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

16 февраля 2025 19:10

.

البـارت 308 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


لاا كل شي عليك يا آسيا أنا كل شي فعلته لحالي لحااالي وأنت ماشاء الله عليك لقيت اللي يسلي عليك أشتيي أعرف حاجة واحدة رفأ هذه اللي تلجأ لها بكل وقت هل هي اللي حملت لك عيالك، أو هي اللي ربيتهم، وسكتتهم لما بكيوا وإلا وقفت على رأسهم لمن مرضوا؟!!! لاااا ماهيييش هييي والكلااام الحااالي لهااا، لكن خلاااص إتحملت لما  أخي إياد يرجع بكلمه بكل شي لكن أخي غارق مصايب
.
.

عند يزن...

وهو نازل بيدوروا على سارة سمع كل اللي حصل بينهم

يزن ماتحمل وبعصبية: حسااااام وخبط الباب بقوته

آسيا وحسام نكزوا، وآسيا سمعت الصوت وراحت تفتح الباب وهي تبكي ما أستحملت حضنت يزن

يزن سمح لها تخرج ما بقلبها من بكاء وبحنية الأخ: آسيا يا عيوني روحي جمعي ثيابك وما عاش من بيكسرك ويستغل غياب أبي وغيابي عنك

آسيا راحت تلف ثيابها وهي منهارة من البكاء ومن التراكمات

حسام مقهور: صلِ على رسول الله يا إياد مش هكذا

إياد بان عرق العصبية بجبينه وهجم على حسام يضربه: أنا حذرتك يا حسام حذرتك وقلت لك لا تخليني أوريك الوجه الثاني وأنت تعامل أختي بهذه الطريقة حذذذرتك لكن أنت ما سمعتش لتحذيري الآن تحمل تصرررفي

حسام يمسح الدم اللي بوجهه: إياد خليك عاقل وأفهمني

يزن بعصبية أكبر: آسيا يلا خطينا

ووجه كلامه لحسام: من اليوم إنسى إنه معك مرة إسمها آسيا والطلاق بيتم وطلق سكتة بسكتة بيناتنا الثلاثة بس عشان محد يعرف وتزيد مشاكلنا، الواحد اللي فيه مكفيه ولمن ينحلوا المشاكل إحنا بنعلن طلاقكم

حسام يعشق آسيا: ما بطلق ونجوم السماء أقرب

يزن بهدوء ونبرة تهديد: بتطلق يا حسام أختي مش لعبة عندك إذا أنت مش صاينها ، معاها إثنين أخوة يصونوها ويشلوها بين عيونهم أنا بشلها الآن وبشل عيال أختي معايا وما أشتيك حتى تقرب صلا عيالها ما دام إنك حتى ما قدرتهاش وما قدرتش إنك تسأل على عيالك فأنسى عيالها

يزن أخذ آسيا ومشيوا وساعدها بحمل وِد معاها ووداها لبيت أبو هند، وصلوا للبيت يزن دق الباب فتحت داليا الباب وفي راسها مئة سؤال أيش جابهم وليش حال آسيا هكذا والشنط: أهلاً أهلا أهلاً إتفضلوا

دخلوا وإياد خرج من غرفته لما سمع صوت يزن

إياد: ها يزن أيش الأخبار؟!...

سكت لما شاف آسيا وعيالها وحالها المبهذل من البكاء

آسيا دخلت للغرفة مع داليا ماعاد تتحمل تشوف وجه إياد اللي جرحها و هي قلبها من الجروح مليان

يزن شاف إياد: إياد آسيا بتجلس هنا معاكم

إياد بدون نفس: ولييش!!

يزن بهدوء: إياد أنت الآن مضطر تتحملها، آسيا أختك وبحاجتك

إياد قلق: أيش فيها؟!

يزن حكى لإياد كل شي وإنه ناوي يطلقها من حسام

إياد زعل عليها: تمام بس ما أضمن لك أن انا بقدر أوقف معاها أو أخرجها من حالتها وبواجبي كأخ هي بحالها وأنا بحالي

يزن رفع إصبعه لقلب إياد: هذا لو قلبك رضي أنا أعرفك يا إياد الوقفة اللي وقفتها مع الغريبة (يقصد فيها داليا) ما بتقصر مع أختك اللي من لحمك ودمك

إياد شاف له بدون ما يتكلم

يزن: أنا الآن شخرج أدور على سارة

إياد: لحظة شاجي معك

آسيا منهاااارة قووووي وداليا حاضنة لها وتواسيها وتهديها

آسيا منهاااارة ووجهها محمر من كثر البكاء: لا يا داليا أنتي مش فاهمة أنا متحملة له وساكتة وهو يزيد بها

داليا مقهورة عليها: والله أنا فاهمة بس الآن إهدئي من شان جهالك أنتي مُرضعة

آسيا صاحت بقوتها وبتشتج: تموووت تموووت أنا ما أشتيها ما اشتي أي شي يخص أبوها

داليا مسكتها تهديها: إستهدي بالله يا عمررري لا تفعلي هكذا برووحك من شان صحتك، من شان عائلتك لا تنهاري أنتي كمان يا آسيا الكل محتاج لك، سارة ورانيا محتاجين لك

آسيا بدت تتراجع ورجعت حضنت داليا وبكت
الجهال كانوا يبكوا وخصوصاً وِد

أم هاني دخلت وعيونها مدمعة على آسيا شلت الجهال وخرجت

داليا تمسح ظهرها: أنتي الآن إرتاحي وأنا بتصرف معاهم

داليا خرجت وراحت للمطبخ تعمل لهم شي يأكلوا، سكتوا الجهال رجعت لاعبتهم

أم هاني دخلت خلت آسيا تمتد بالسرير حتى ما غيرت البالطو وأرتجمت مثل الميتة ودخلت بنوووم عمييق

@rewayatyamania المصدر الأول للروايات

عند حسام أتصل لرفأ

رفأ: هلا يا روحي ليش غلقت التلفون؟

حسام بعصبية: رفأ أقول لك من الآن اللي بيننا إنتهى لا عاد تتصلي فيني ولا عاد أشتي أسمع خبرك

رفأ مصدومة: حسام أيش فييي؟!

حسام ناقص يبكي: أنخرررب بييييتييي يا رفأ أنخرررب آسيا عرفت بكل شي وأخذت العيال ومشت، يابنت الناس كل واحد يروح بطريقه

حسام غلق التلفون قبل ما رفأ ترد تارك لها بوسط دوامة مش فاهممة أيش حصصل

حسام خرج الشريحة من تلفونه وقحصها ورجم وقرر يبدأ يغير حياته من النقطة.........





📚 @rewayatyamania  🇾🇪

روايات يمنية📚🇾🇪

16 февраля 2025 19:08

.

البـارت 306 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


لو غفر لك إبنك ، إيااااد إبنك اللي تركتييه وما كنتي معه في أصعب أوقاته، ما كنتي موجوده وقت إحتاجك، وقصرررتيي بححقه كثيييرر، تجي تقولي أنا معك وأنا أمك وما بقصر بحقك وهذا واجبي وووو أنتي ما أديتي وااجببك مع إبببنكك،  أنتي قصرررتي بحق إبنكك كثيير، إنتي تركتي أبنك لغيرك تربيه وتحتوييه وتكون معه بكل وقت بدون ما يحتاجها لإنها جنبه على طوول وتكون له أم أم بمعنى الكلمه، لا تجي تقولي بكون لك أم وأنتي لإبنك عجزتي تأدي هذا الواجب وتعطيه حقه

الكل بككى من كلامه يزن وآسيا وداليا وأم إياد ما عاد عرفت أيش ترد وأيش تقول وهي تشوف لعند يزن، وبرأسها إنه هو إبنها إياد ، وترجع تشوف لعند إياد ، ما قدرت تنطق بحرف أو تتكلم أبدا

ومحد فاهم شعور ومقصد إياد إلا يزن وداليا اللي مقهورين كثيير علييه وعارفين إن كلامه موجه لها من إياد إبنها مش من يزن ابن سحر

قربت آسيا لعنده ومسكت يده: يزن أنا بنفسي أعرفك من زمان وبنفسي أكون معك وأتعرف عليك أكثر ، وأنا كنت أنتظرك من زماان وأنا أشوفك الشخص الوحيد اللي باقي بحياتي وكنت أعتبرك أخي الوحيد ومنتظرة لهذه اللحظه اللي أشوفك فيها وأحضنك
رفعت يدها وزاد بكاها: شوف شوف الاسوارة اللي رسلتها لي مع إياد من يوم ما وصلتني لليوم ما خلستها

يزن وإياد شافوا الاسوارة ودمعت عيونهم، وإياد يتذكر لما يزن اختارها لآسيا ما نسيها

قربت منه عشان تحضنه بس إنصدمت إن إياد تراجع ومنعها تقرب منه وتحضنه

إياد مقهوووور بقووووة: أنا أنا إبن الجزارة الذي محد سأل عنه واللي كلكم نابذين له وتاركينه وما تشتوه بينكم ، آسيا إبعدي أنا مش متقبلك ، ولامتقبل أي أحد فيكم ، أنتي اللي سكتي 
ورضيتي باللي عمله جدي وانا مش قادر أتقبللك أبداا

آسيا: بس أنا ما سكتت جددي هو اللي منعني و..

قاطعها إياد بقسوة: آسيا ما أشوف لش أي مبرر ولا أي عذرر بإنك ترضي لا تحاولي تبرري ولا أي شي لأن مثلك مثل أمك مالكم أي عذر عندي ومستحيل أسامحكم

يزن إقتهر من كلامه على إبن الجزارة ماعاد عرف هو خرج ما بقلب إياد أو خرج ما بقلب يزن الكلام إللي يشتي يقوله قاله إياد بدله، ماعاد عرف يزعل على نفسه أو يزعل على أخوه

إنصدمت آسيا من كمية القسوة اللي شافتها من يزن " إياد " ما توقعت تكون هذه ردة فعله ، أخوها اللي كانت تنتظره من زماان ، وحاطة فيه كل الأمل وإنتتظرته وتقول بس يجي يزن بيتغير كل شيء
خرجت للحوش وهي تحس بصدمة وضيااع ، حست إنها إنخذلت بقووة ، لحقها يزن ومسكها ، شاف دموعها وحضنها وضمها لصدره

آسيا بشهقات: ما توقعت يا إياد ، يزن أخي اللي كنت أنتظره ، اللي كنت منتظرة اللحظه اللي أشوفه فيها ، وأكلمه وأحضنه واقول له كل شيء وأكلمه عن الأيام والسنين اللي مرت عليا وأنا لوحدي وانا أصبر نفسي بأمل إن يزن باقي معي وإن يزن أخي حتى لو هو بعيد هو أخي اللي بيكون سند لي ، وبيعوضني عن كل شيء ، انتظرته كثييير ، وكنت كرهتك حتى لما جيت ومع كل مواقفك ما كنت متقبلة لك وعاملتك أسوأ معاملة بس الصدمة إن أخي إللي كنت أنتظره وأحببه طلع يكرهني ومش متقبلني وكسرني بكلامه، بعكس أخي اللي كنت مش متقبلته وأكرهه هو اللي كان معي ويحبني وأحتواني بككلل شي

يزن مقهور على أخته وأخوه وأمه رقية: يا آسيا جيبي ليزن وقته ، هو عاش أشياء كثيرة وحس بالخذلان من الكل وشاف إن أنتم تاركين له ونابذين له أنتي جيبي له وقته أعرف أخي أعرف هو الآن يقول لش هكذا ولكن بيرجع والله بيرجع وبيتقلبك وبيكون معك إنتي بس أهدئي الآن

آسيا بكت أكثر: أنا آسفه يا إياد على كل شيء أنا آسفه على تعاملي معك وتصرفاتي معك بس ما قدرت أسامحك على اللي فعلته بي واللي فعلته بأمي..

يزن حبها: انا متأكد بيجي يوم وتسامحيني

آسيا حضنته بقووووة وحب كبير له بس كل ما ذكرت كل أوقاتها وحاجتها له وهو مش موجود قلبها يوجعها ويمنعها من إنها تسامح

@rewayatyamania المصدر الأول للروايات

عند أم إياد

أوجعها الكلام اللي سمعته كثيير، بس اللي زاد وجعها هو الشعور اللي بداخلها إن هذا الكلام ما طلع من يزن، وإنما طلع من إياد إبنها ، إحساس بداخلها يقول إن هذا كلام إبنها الحقيقي ، مش إبن سحر

أم إياد مسحت دموعها: شوف أنا أشوفك الآن إبني، ما أقدرش أشوفك غير إبني ، مدري ليش إحساسي يقول لي إنك قطعه مني، رغم إنك مش جزء مني، بس أنا بعرف كيف أكسب رضاك يا يزن،  وبعرف كيف أنا أقدر أكون لك بمثابة أم وما بستسلم ولا أسمع لكلامك، أنا عارفة إنك مجروح من الذي حصل ومن الذي فعله جدك وفعلناه بس أنا بصلح كل شي...

خرجت وشافت آسيا تبكي بحضن يزن وأم هاني راحت تكلمها

داليا قربت من إياد: ...





📚 @rewayatyamania  🇾🇪

روايات يمنية📚🇾🇪

16 февраля 2025 19:08

.

البـارت 304 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


بيان بحب كبير لهمدان: أنا ما ثقلتها عليه بس همدان واعدني بدم الشيخ بكر للإنتقام، والا أنا منتظرة زواجنا حبي لهمدان كبيييير كبيييير وشوقي له يذبحني يا إيمان بس همدان الآن بخطر كم من شيخ يشتوا رأسه بكلم أبي يعقد لنا بصنعاء مااشتيش عرس ولا إشتي شي يكفيني أعيش معه بأمان بعيد عن الثارات لأن والله يا إيمان لو يموت بموت من القهر يكفي أخي لكن الله لا يوريني فيه مكروه وياااارب موتي قبل موته.....

ما كملت كلامها إلا وصوت الرصاصة اللي سمعتها إيمان إخترقت صدر بيان والدم بدأ يملي زنتها

تجمدت إيمان من الخوف والرعب إلتفتت شافت ظهر الشيخ بكر وصرخت صرخة وجععع مع القهر والبكاء: بيااااااان بيااااااااااااان

مسكتها بعدين فلتتها حطت يدها على فمها وإنهاااارت: بياااان قوووووا قوووووووا قوووووميييي بياااااااااااان......
.
.

في صنعاء

همدان قبضه قلبه ومش مرتاح وحركته ركزوا عليه الشباب

حسام قلق: همدان مالك؟

همدان حس بضيق كبير: جا لي ضيق وكأنه أبو الهنوف ما بيوافق

ياسر إقتهر: أنطق خير ياأخي

همدان أخذ الصحة وفتحها عشان يشرب ويده إرتجفت وأمير وزياد والشباب قلقوا

أمير سحب الصحة: همدان مالك؟

همدان ما قدر يتحكم برجفته: جا لي ضيق لا تقلقوا خلوكم

خرج همدان بصعوبة وأمير ما إرتاح لحقه وزياد بعدهم وياسر وقف

يزن مسكه: أنا بخرج أنت خليك هذه مشكلة رانيا تمام

ياسر جلس ومش مطمن ويزن لحق الشباب وإياد يشوف لفيكتور وخااايف وفيكتور حس إنه إياد برأسه شي عرف إن جان وصل له

@rewayatyamania المصدر الأول للروايات

خارج الخيمة

همدان بعد القات ويتنفس بصعوبة وأمير يفحس يسار صدره وزياد يفرك يد همدان المثلجة

يزن رفع همدان: همدان أرفع رأسك خذ نفس عميق وازفره وإهدأ

همدان بدأ يطبق اللي طلبه يزن حس جسمه كله منمل وملامحه تغيرت وبشرته البيضاء تحولت لحمراء والشباب يحاولو يهدووه

أمير شربه ماء: هدأت؟

همدان بضيقة صدر: أيوة الحمدلله

سمعوا أصوات غضب إرتفعت من الخيمة الكل إلتفت صلا الخيمة

زياد: أيش حصل؟؟

دخلوا بسرعة شافوا شيخ كبير من الشيوخ واقف

الشيخ بعصبية: جتك جاهه وشيوخ من كل مكان وجاء لبابك قبائل ما شافها لا صديق ولا عدو وترجعنا خايبين ترفض طلبنا

أبو الهنوف إقتهر: دم بنتي ما يبرده إلا الدم

حسام ما تحمل وقف بكل عصبية: بنتك اللي......

الحج صالح حس باللي يشتي يقوله صرخ بأعلى صوته: حسااااام أسكت

حسام سكت بقهر وياسر وقف وخرج قبل ما يفقد أعصابه ويتبلى بأبو الهنوف الآن

يزن مسكه: ياسر وقف

ياسر فاااقد أعصابه دهف يزن: يزن وخررر وخليني بحالي

مشي ويزن لحقه وإياد خرج بسرعة بعدهم

أمير دخل ووقف قدام أبو الهنوف: أنت متأكد إنك بترد هذولا الرجال كلهم؟

أبو الهنوف ما رد وقف ينسحب من بهذلة الناس وأهل حارته له إللي أعتبروه ما عنده قبيلة

هاني وقف بتعب من كل شي يواجهه بعد بعد: كل القبائل اللي حضروا اليوم حضروا على عيني وراسي بس لي طلب منكم أنو نخيم بالحارة وما نستسلم إلا لما يتنازل

الكل لبى الطلب ماعدا القليل اللي إعتذروا بسبب أعمال أو مشاكل وهاني طلب من رواد يفتح خيمة ثانية عشان يناموا بدون تزاحم ورواد ما قصر

إياد يهدي ياسر: ياسر أرجع عشان تقنع القبائل يجلسوا لا نستسلم من يوم

يزن: أتفق مع كلام إياد باقي وقت خلينا نحاول

ياسر هدأ: لا إله إلا الله

يزن وإياد: محمد رسول الله

فيكتور عند باب الخيمة يدور على يزن والبقية شافهم جايين وأرتاح

فيكتور مقهور على شكل ياسر: ماذا هناك شباب؟

يزن: قصة طويلة سنخبرك كل شي

إياد: يزن أدخل أنت وياسر بكلم فيكتور

يزن أشر بمعنى تمام ودخل ياسر طلب نفس طلب هاني ورواد إرتاح إن فيكتور مع أصحابه ما بيضيع فتركه وراح يختار خيمة عشان يبدؤوا بتركيبها

إياد: فيكتور لمَ أنت هنا؟

فيكتور أخذ نفس: جان هنا لحقت به أعلم ماالذي برأسه ، داليا وأنت

إياد غمض بقهر: لقد أحسست بهذا ، و لكن عندما رأيتك لم أعد قادراً على فهم شيء

شافه وإبتسم: الزي اليمني جعلك أجمل وأوسم

فيكتور شاف نفسه وإبتسم: أرأيت ذلك

إياد إختفت ملامحه وهو يفكر كيف يتخلص من جان

فيكتور: مالذي يشغل تفكيرك؟

إياد بهم: إياك أن يعلم يزن وياسر بموضوع غرفة الدعارة

فيكتور: لا تقلق لن يعلموا بذلك ابداً

إياد بغلب: لقد صورها ذلك الحقير فيديو

فيكتور إنصدم وصرخ: ماذاااا؟؟

إياد أخذ نفس: لم أكن أعلم ولكن وصل لي الفيديو في صباح الأمس

فيكتور بعصبية: ذلك الوغد الحقير لن يفلت من عمله الدنيء هذا
.
.

جاء رواد ونصبوا الخيمة الثانية توزعوا الرجال وخزنوا مع أهالي الحارة بدؤوا يرصفوا السيارات بعد بعد لما........





📚 @rewayatyamania  🇾🇪

روايات يمنية📚🇾🇪

16 февраля 2025 19:06

.

البـارت 302 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


في السجن

رانيا إرتزحت بتعب ووجع إبتسمت لما شافتها جلست

أروى: اليوم باين أنتي أشكل

رانيا: الحمدلله

أروى: رانيا ليش محد زارك من بعد المحكمة ليش محد سائل عنك

رانيا إبتسمت لها بهدوء: أعرف أهلي مستحيل يتركوني بس أكيد مشغولين بمصيبة أختي وأخي والا يدوروا لي حل مدري
وبقلق: بس بنفسي حد يجي إشتي أطمن على سارة وهاني قلبي يأكلني أكل عليهم

أروى مسكت يدها: الله يطمنش عليهم يا عيوني

رانيا نزلت دموعها: يارب
.
.

عند سارة

حست بتعب شديد وألم في ظهرها من البرد وقساوة العمود عليها شدة الجوع متعبها رغم مالها نفس تأكل وقلقة مافيش أي حركة لطفلها اللي داخلها نزلت دموعها وهي تتمنى ولو بوسادة تريح عليها رفعت رأسها وبكيت بقوة

سارة ببكاء أحرق صدرها: لا تفلتيني يا رانيا لا تفلتيني
وبكت أكثر: إستودعتك أختي يا الله إستودعتك أختي يااااارب خارجها كما خارجت يوسف من البئر ويونس من بطن الحوت ونجيها مثل ما نجيت موسى من السحر وإبراهيم من النار ياالله أنا قلبي تعب تعب ماعاد أتحمل وجع أكبر من اللي بقلبي يااااارب
.
.

في الفندق

رواد بدل وتجهز: أماه الغداء جاهز

أم رواد: أيوة بس ماعاد بقيش ماء شرب كثير أنزل جيب بسرعة عشان أقدم

رواد يخرج: يلا قدمي أمد أطلع

أسيناد جلست: أبي إتصل قال عاده متأخر بالأردن

أم رواد: ليش؟

اسيناد: قال طلع له مشروع جديد بيكمله وبيرجع يربح كثير بعد هذا المشروع

أم رواد: الله يرزقه

نزل رواد شل ماء للشرب شاف فيكتور عيونه تتنقل بين الأطباق راح لعنده

رواد: يبدو أنك محتار أي طبق ستختار!

فيكتور شافه وإبتسم: بالحقيقة نعم ف أنا لا أعلم بوجباتكم هنا

رواد رد له الإبتسامة وبكرم عربي يمني: لا تختار أي طبق فقط تعال معي

فيكتور راح مع رواد وقصده بيأخذه مطعم أو شي بس إستغرب وهو يطلعه مطلع وقف الأصانصير قدام جناحهم وفتح الباب

رواد: الله الله طريق

أسيناد قامت بسرعة ودخلت للمطبخ وغلقت

أم رواد: من جاب معه؟

أسيناد رفعت يدها بمعنى مدري

رواد دخل: تفضل إدخل

فيكتور دخل: لماذا أحضرتني إلى هنا

رواد: اليوم أنت ضيفي لنتناول الطعام معاً

فيكتور جلس وإنحرج: لم يكن هنالك داعِ لهذا

رواد: أنت ضيفي وهذا واجبي

أسيناد بدأت تجهز مع أمها: فيكتور

أم رواد: من فيكتور

أسيناد: هذا واحد من أمريكا جابه رواد لهنا

أم رواد: و لأنك مديرة العلاقات العامة طبعاً تعرفيه

أسيناد إبتسمت وجهزت كل شي وصيحت لرواد يشل غداهم

@rewayatyamania المصدر الأول للروايات

بعد نص ساعة

رواد: أسوو وأنا فدا لاختي أسكه أختاري لفيكتور ثوب من أثوابي وكوت وشال وخرجي له صندل (وأنتم بكرامة) وعسيب

أسيناد: عتشله معك؟

فيكتور: أيوة

أسيناد: وكيف أقنعته؟

رواد: ضبح في الفندق بخرجه يجي معي يغير جو

أسيناد أشرت بمعنى تمام وراحت لغرفة رواد إختارت له ما يلبس وكوتهم ورواد أخذهم ودخل الديوان لبس فيكتور وقبع له ولبسه ساعة وخاتم عقيق يمني

رواد إبتسم: يا وساااااامة

فيكتور مبتسم: ماذا؟

رواد أعجبه شكل فيكتور: بنت الذين يا أسيناد طقمتي له كوت وشال زيتي مع الثوب الأبيض حين عيونه خضر والله إنش تنفعي تكوني بالمودل والتصاميم تلبسيهم على ذوقك ذواقة

فيكتور ما فهم شي: ما الذي تقول لا أفهم شيء مما قلت؟!!

رواد وقف جنبه: أنا البيج ناسبني لأني أسمر والله إنها ذواقة خلاص بعتمد كشخاتي عليها

فيكتور مبتسم ومش فاهم شي ورواد خرج مع فيكتور عشان يستقبلوا الرجال وأسيناد تشوف من خلف الباب أول ما وقف عشان يلبس الصندل (وأنتم بكرامة) شافته واضح وشافت له بإعجاب كبيييير ولأول مرة تعجب بشخص بحياتها كلها ، قلبها خفق من شكله باللبس الصنعاني غلقت الباب

أسيناد مبتسمة بقوتها: هذا أول واحد أشوفه بالثوب وأعجب فيه هذا الإعجاب كله بعد رواد ياربي وسامة أمريكية وشياكة يمنية أحلى من هذا الجمال ما شفت ما شفت ولا بشوف

سمعت غلاق الباب عرفت أنهم خرجوا
.
.

في ساحة الفندق

الرجال متجمعين كل من بسلاحه وقاته رغم ممنوع الدخول بالسلاح بس رواد كلم حراس الفندق خرجوا وتحركوا صلا حارة أبو الهنوف
.
.

في حارة أبو الهنوف

موكب السيارات تتوقف سيارة بعد سيارة حصل إزدحام كبيييير في الحارة وكل أهل الحارة تجمعوا نزلوا الكل ومشيوا بعد الحج صالح اللي على يمينه ويساره عياله وشيوخ كبااار والشباب وكلهم مسلحين وأول ما شافوهم عرفوا إنهم جوا لعند أبو الهنوف و أبو الهنوف شافهم وإقتهر من الحشود الكبير اللي بيحرجوه ، شيخ الحارة طلب منهم يدخلوا للخيمة وفعلا دخلوا للخيمة وامتلت ماعاد فيش مكان إلا مكان ممر لو حد يشتي يخرج من قوة الحشود رغم الخيمة كبييييرة.......




📚 @rewayatyamania  🇾🇪

روايات يمنية📚🇾🇪

15 февраля 2025 20:20

💜

بـارتـات يـومنا الســبت 👆🏻😍

روايات يمنية📚🇾🇪

15 февраля 2025 20:18

.

البـارت 299 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح عصب: أيش بيخرج سارة وعادها ما صحيت!!

يزن حس بدوار جلس وقبض يده نبضات قلبه تسارعت نزلت دموعه: خطفوها

رعب سيطر على قلوب الكل من كلمة يزن وهاني ماعاد قدر يتمسك إرتزح على الكنب وسودت الدنيا بعيونه

أبو هاني بصوت متقطع: مم.... من خطفها

ياسر: ايش تقولوا خطف أيش إحنا عاد إحنا ما خارجنا الأولة الثانية تنخطف؟؟

حسام مش مستوعب: لا مش مخطوفة لا يمكن في شي في شي ثاني أنتوا دورتوا عليها سواء بالمستشفى؟؟

هاني يغمض عيونه ويفتحها عشان يشوف سواء: مترنا المستشفى تمتير ما حصلناها

رامي صرخ: وأنتوا وين كنتوا وييين؟؟

الحج صالح عصب أكثر: تركنا البنت عند إثنين رجال خطفوها من عندكم؟؟

يزن عاده تحت تأثير الصدمة: أنا رحت أشتري العلاج وهاني راح يقطع ورقة الكشافة والفحوصات رجعنا وهي مش موجودة

أبو ياسر صرخ: كييففف مش موجودة كيييفففف؟؟

هاني بخووووف: سارة مخطوفة

الكل بدأ يستوعب وياسر مسك رأسه بوجع ويزن خرج وهاني والبقية لحقوه

هاني: إياااااااد على وين؟

يزن: ندورها

واحد من كبار القبيلة شاف الحج صالح: أيش في؟

الحج صالح خايف من السمعة: على حفيدتي بيروحوا يدوروا لها حل ومخرج
.
.

في بيت أبو هند

إياد ماسك رأسه بصداع وهم كبير: أكيد جان أكيد هو الحيوان أكيد هو اللي فعل هذا الشي عشان يهددها ويتزوجها أكيد إنه الآن باليمن أكيد

سمع صوت رنة تلفونه شاف المتصل ياسر ورد

إياد: ها ياسر في أي تطورات على قضية رانيا؟

ياسر بتردد: سارة مخطوفة يا إياد الآن إحنا ندور عليها

إياد وقف بخوف: كيييف ويزن ويزن يا ياسر وين يزن

ياسر: أنا بعده بيسوق ساع المجنون وكأنه بيحصلها على أي رصيف أنت روح للمستشفى وشوف ما حصل وأرفعوا قضية على المستشفى

إياد غلق وراح للمستشفى على طول وصل وعمه قدامه

أبو ياسر شاف لإياد ودموعه طارفة

إياد بخوف: أيش في يا عم شفت الكاميرات؟

ابو ياسر أشر بمعنى أيوة وإياد دخل يشوف

@rewayatyamania المصدر الأول للروايات

في بيت الحج صالح

آسيا ترجف من قوة البكاء: كيف مخططوفة كييف من بيخطفها وليييششش

أم حسام تهديها: آسيا إهدئي أنتي مرضعة ضروري تهدئي حرام عليش

داليا تهدي آسيا وهي تحتاج من يهديها لأن سارة أقرب صديقة لها

أم إياد بخوووف: الله يحميها يارب، ياالله كيف عيوقع بهاجر لو عرفت الآن

داليا خرجت من جنب آسيا ودخلت للغرفة الثانية بدأت نوبات بكاءها ضمت نفسها وأجهشت ببكاء هستيري على سارة
.
.

في بيت أبو هند

سمعت كلام إياد بس مش عارفة أيش الموضوع بس حست إنه متعلق ببناتها إتصلت للكل محد يرد عليها تأكدت إنه حصل شي توضت وصلت قرأت قرآن ودعت ربها بكل مخاوفها
.
.

مر الوقت وبيت الحج صالح كله مزحوم رجع الكل وكل واحد صورته مقلوبة أخس من الثاني

أبو هاني إنهدت قوته وماتت أعصابه: بنتي راحت ضاعت مني ضاعت

الحج صالح شافهم: مالقيتوا لها أي أثر؟

الكل: ولا أي أثر

الحج صالح: والمستشفى؟؟

اياد: رحت أنا وعمي علي وقلنا بنرفع عليهم قضية بس ما بنقدر سارة خرجت مع الخاطف برضاها

يزن بكل عصبيته: إلاااا ينفعععع ينففععععع خرجت من المستشفى مششششش بخييييررر وعادها تحتت الخطررر والله أعلم إبنها عايييشش أو مييتتت وخرجت مع واحد بدون أمر خروج من المستشفى والتأكيد على صحتها وخرجت مع واحد مش ولي أمرهااااا هذا ضدهم وينفع نرفع بهم شكوى

حسام: كلام إياد صح قادرين نرفع شكوى

أبو ياسر: ايوة أنا مع كلام إياد وبنرفع شكوى بس الآن البنت وينها

الحج صالح: بنبلغ الشرطة يدوروا عليها ويحققوا بالموضوع

هاني هموم الدنيا فوق رأسه: أيش فعلتوا عشان رانيا؟

الحج صالح: رفض وبنروح بكرة مع جاهه وقبائل أكثر بيجوا مع ياسر ونحاول مرة ثانية

هاني خرج: أنا معي حل

الحج صالح شاف الشباب: الحقوه لا يفعل مصيبة

الشباب قاموا وراحوا بعد هاني والحج صالح وقف إياد

الحج صالح: يزن خليك

إياد إلتفت له: أيش؟

الحج صالح: المشاكل كبيرة وما كنت أهتم لوجودك بس دخلة هذا البيت ماعاد أشتيك تدخله بالذات إن كل قبيلتنا هنا

إياد إبتسم بقهر: ما دخلت عشانك ولا عشان مكانتك ولا قبيلتك ولا أنا معترف فيك كجد لي حتى، يعني لا أنت تحبني ولا أنا أحبك ولو إنها وقاحة أقول هذا الكلام لك بس دخلت بيتك هذا عشان أخي إياد وعشان ياسر وعمي علي وبسسس أما أنت ما تعني لي أنت وقبيلتك أي شي معي ثلاثة هنا بمليون قبيلة وإذا إضطريت أدخل بدخل عشانهم لأن لو تجمع قوتك وقوة كل قبائلك عشان تمنعني منهم ما بيفيد قوتكم شي

خرج بعد الشباب وأبو ياسر شاف لعند أبوه بنص عين

الحج صالح إكتتببدد من كلام إياد اللي جلطه: مالك أنت الثاني؟

أبو ياسر بسخرية: قبيلتك اليوم......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 20:17

.

البـارت 297 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أسيناد: هل ستعمل المرأة الأعمال الشاقة مثل البناء نيابة عن الرجل بينما الرجل ينتظرها في البيت ليطهو ويقوم بأعمال المنزل عوضاً عنها!؟

فيكتور: لا ولكن المساواة هي حق

أسيناد إرتزحت بثقة: إذا لنطبق  المساواة بين الرجل والمرأة ، و عليكم أن تتساووا مع المرأة ولتحملوا أنتم وتلدون عوضاً عنها لنحقق المساواة

فيكتور ضحك بدون شعور: يبدو أن تلك النظرية المختلفة هي التي ستقنعني

أسيناد: نحن لدينا حرية المرأة في ديننا

فيكتور ربع يده: وما تلك الحرية ، وأنتن لا تستطعن حتى لباس ما يحلو لكن!؟؟

أسيناد: ألم أقل لك أن ديننا الإسلامي ، يعامل المرأة كشيء ثمين لا يحصل عليه إلا من تعب لأجله ، الحرية لديكم هي الملابس والتصرف بما تشاء به المرأة ،  والحرية لدينا مختلفه وهي لم تقلل من شأننا بل ترفعه

فيكتور: وكيف ذلك؟

أسيناد: حريتنا بحدود الدين والإلتزام به وبأوامره ، فمثلاً  كان في زمن ما قبل الإسلام المرأة تُدفن وهي حية وهو شيء كان يُعرف بوأد البنات ، فقد كانت تُدفن وهي حية منذ صغرها لتموت وتسلب كُل حقوقها منذ أول لحظاتها في الحياة ، ولكن جاء الإسلام وحررها وأعطاها جميع حقوقها وأولهم حقها بالحرية ، حرية المرأة في حقها بالعيش وحريتها في إختيار شريك حياتها ، وحريتها في إختيار مستقبلها ، وإعطاء حقها بحرية التعبير عن نفسها ومعتقاداتها وأفكارها وحتى دينها ، و معايير الحرية تختلف من مجتمع لآخر ومن شخص لآخر حسب إعتقاده ، فهناك من ترى ان لها الحرية في التخلي عن دينها ومن تقول انا مسلمة ولكن حريتي أن أخلع حجابي فللأسف ترى أن حريتها هذه مثلا في ترك دينها وغيره ، ولكن ذلك دون أن تدرك أنه بسبب غزو أتانا من مجتمعكم وتأثرت به بعض المجتمعات والأفراد ، وإذا لنتحدث عن حريتكم، هل الحريه لديكم أن للمرأة أحقيه وحرية أن تقيم علاقات غير شرعية لا محدوده مع رجال غرباء وتضيع نفسها وكل حقوقها دون أن تدرك! ؟؟ ، أما نحن فحريتنا أن نختار شريك حياة واحد بذل الكثير في سبيل أن نجتمع مع بعضا حلالاً وهذا يحافظ على حق المراة لدينا فما رأيك من هو أعز للمرأة بحريتها وحقوقها ، الإسلام أم دينكم ومعتقدات مجتمعكم؟؟

فيكتور: قبل الجواب عن سؤالك أجيبيني، ما الضرر من إقامة علاقة حب و....

أسيناد: ليس الضرر في علاقة الحب بل الضرر في الطريقة التي قامت وتسير عليها هذه العلاقة ،  فيجب أن تبنى على الحلال ،  إذا لأجيبك بطريقة تفهمها ، إن أقامت المرأة علاقة حب كما تسميها وهي علاقه غير شرعية مع الرجل وحملت المرأة بطفل ثم إنفصلا وكان ذلك دون زواج ، فلا يسجل ذلك الطفل بإسم والده ، فهل ترى ذلك عادلاً بحق الطفل والأم ؟؟

فيكتور: لا

أسيناد: صحيح ذلك هو ضياع الحقوق بحد ذاته ، وحسناً في مجتمعكم شائع أن للمرأة حرية إقامة علاقات مع عدة رجال ، وقد شاهدت برنامج أمريكي،  البرنامج محتواه أن تأتي الأم مع طفلها ويستدعون الرجال الذين أقامت معهم علاقات غير شرعية ، لتكتشف من والد طفلها ، ألا تشعرون أن بذلك مهانة للمرأة وطفلها وللرجل الذي لا يعرف من هو إبنه؟  و أذكر أيضا أن في حلقة من الحلقات خضع رجال كثيرون لتحليل ال DNA من أجل معرفة من والد طفل ولكن لم يتطابق حمض أين منهم مع حمض الطفل ،  إذا فوالده غير معروف ، يعني هو مجهول النسب ، وتعرض الطفل لحالة مرضية نفسية هل هذه هي حريتكم التي تتسبب في ضياع الحقوق ؟؟ حريتكم وحرية المرأة لديكم ما هي إلا سلعة يستطيع أي أحد الحصول عليها بدون أي ثمن فهي أرخص من الرخص ذاته ، وحريتنا ثمنها غالي ، ونتيجة ذلك الثمن أن يعيش الطفل مع والديه دون أن يشعر بإهانة لخضوعه لفحوصات أو غيرها، إذا أخبرني يا سيد

فيكتور: ماذا؟

أسيناد: هل مرض الإيدز منتشر في مجتمعكم؟

فيكتور: أجل

اسيناد: لماذا؟؟

فيكتور: السبب الأكبر في إنتشارها هو العلاقات..

سكت فيكتور وهو يشوف لإبتسامة أسيناد

فيكتور بإستغراب: هل هذا المرض منتشر هنا؟

أسيناد بإبتسامة: لا

فيكتور سكت

أسيناد إنتصرت بالحوار: ما يحرمه ديننا الإسلامي هو لصالح البشر وليس لتقييدهم ، فهو يحافظ على صحة المرء وحسن سمعته وعفته وتطهيره لذا فهو يختلف عن باقي الديانات الأخرى

@rewayatyamania المصدر الأول للروايات

في المستشفى

راحوا زياد وهمدان عند أبو همدان وكان أبو روان معه بينما أمير راح لعند عمه

أبو همدان: هاه همدان أيش تشتي يا ولدي

همدان: ياباه أكيد سمعت باللي حصل مع بنت عمي طه وزوجة هاني

أبو روان: أيوة معروف قتلتها بسبب مشاكل

همدان: أيوة وجوا قبيلتهم كلها ووقع حشد كبير أنو يتنازلوا عن القصاص بدية بس أبو الهنوف.......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 20:15

.

البـارت 295 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الدكتورة شافتهم: وين سارة

يزن ما أستوعب: كيف وين سارة؟

الدكتورة: مش موجودة

هاني جنن: كيف مش موجودة هي ما صحيت حتى كيف بتقوم ووين بتروح

يزن ترك هاني ودخل الغرفة برعب: مش موجودة يا هاني

هاني صرخ: وينن راحتتت

يزن خرج وصرخ: وين المريضة اللي كانت هنا في أي دكتور أو ممرض شلها......
.
.

الحج صالح قاطعهم: وأنا جيت طالب منه التنازل عن القصاص ويقبل مني الدية من الريال للمليار أنا وكل أملاكي فداه مقابل العفو عن حفيدتي

الكل: الله يعزك...... والنعم..... هذا الكلام اللي ينقال.... ووووو إلخ....

شيخ الحارة: هاه أيش قلت يا محمد؟

أبو الهنوف شافهم: أولاً كل القبائل الحاضرة اليوم فوق عيني ورأسي، بس آسف طلبكم مرجوع وروح بنتي مش مقابله دية ، ما أرضى إلا بمقابل روح بالروح

الكل إنصدم كيف يرجع كل هذه القبائل والحشود وأبو الهنوف خرج وشيخ الحارة إستحى

ياسر خرج نفس عميق وأمير ورامي شدوا عليه عشان يهدأ والحج صالح وأبو هاني وأبو ياسر ساكتين مقهووورين

شيخ الحارة شافهم: العفو لكل القبيلة لكن خلوا الموضوع معي أنا شاكلمه وإن شاء الله لكم طلبكم

الحج صالح وقف بشموخه والكل وقف بعده

الحج صالح: بنتواصل معك إن تراجع تراجع وإن ما تراجع هو و قبيلته

خرجوا وكل أهل الحارة جالسين يتكلموا إنه ما ينفعش اللي عمله أبو الهنوف ولازم يقنعوه
.
.

يزن خرج وصرخ: وين المريضة اللي كانت هنا في أي دكتور أو ممرض شلها

هاني ويزن إنتظروا الرد محد رد راحوا للرسيبشن يسألوا

الرسيبشن: لا المريضة ما خرجت وما عندها أي موعد مع أي دكتور

الدكتورة بخوف: أنا الدكتورة المختصة بها محد بيتدخل بمرضها والمريضة ما صحيت وحالتها مش مستقرة

يزن شافهم بتهديد: تعرفوا لو مختفية وما حصلناها هذا يعني إنكم تودعوا المستشفى هذا

هاني بدأ يدور بكل الغرف ويزن في كل مكان وكل واحد منهم شبه مجنون من الخوف

@rewayatyamania المصدر الأول للروايات

في بيت أبو هند

إياد غلق الفيديو وعيونه محمرة من الشرار: صوروها كمان

وبغضب شديد: من اللي فعل هكذا و ما يشتي، غريمي جان
وبحدة حقد: جيت لليمن يا جان الكلب جيييتتتت لعند غريمك برجلك

وقف وفتح الدولاب شل صندوقه إللي محد يعرف رمزه غيره فتحه وحط الفلاشة يخبيها لا تشوفه داليا أخذ الكيس اللي فيه الملابس اللي لبسوه لداليا هذاك اليوم شد على الكيس بحقد

إياد بنار الإنتقام: قرب الوعد اللي وعدته لداليا

رجع الكيس شاف دفتر مذكرة أمه سحر ،  أخذ نفس عميق بنفسه لو يقراه بس هو عارف تماما هذا الدفتر لمن...
.
.

في بيت الحج صالح

الكل روح و إمتلأ البيت والبنات جلسين بالشفة الأخيرة شقة شرف

في المجلس الكل مخزنين والحج صالح والكل جالسين معاهم

شيخ القبيلة: إحنا جينا يا حج صالح وفعلنا الواجب بس شكله ماهوش حق قبيلة و الأذن منك راجعين لبلادنا قبل المغرب

الحج صالح: والنعم فيكم، وفيتوا وكفيتوا وما قصرتوا فعلتوا الواجب انا لكم شاكر لكن بعد العشاء إتعشوا ورافقتكم السلامة

ياسر وقف: أنا عندي طلب من القبيلة

الكل بأصوات مختلفة: قووول ، أبشر..... أأمر..... قول وبإذن الله ما نردك وووووو الخ......

ياسر برفعة رأس: ما نشتيش نستسلم من أول محاولة وفضلاً كلكم ضيوفي لما نخارج بنت عمي بنروح مرة ومرتين وعشر

الكل بدون تردد: أبشر.... رؤوسنا لك.... أنت أمرت وإحنا ننفذ....

ياسر إبتسم لهم: وكلكم فوق عيوننا وراسنا والبيت بيتكم

خرج وأشر لأبوه وأبو ياسر لحقه والحج صالح خرج لعندهم

الحج صالح مسك كتف ياسر: والنعم يا ياسر والضيوف مش ضيوفك ضيوفي كمان أنت.....

ياسر قاطعه: آسف يا جد هذولا قبيلتك وضيوفك بس هذا طلبي وهذه مسؤوليتي أنا بتكفل فيهم

الحج صالح إبتسم ربت على كتفه ومشي

أبو ياسر: قول يا ياسر أيش تشتي ولك عيوني

ياسر تنهد: أنا سحبت كل فلوسي من أمريكا وإستخدمت منها الله أعلم بتكفيني أو لا وأنت داري الآن كل القبيلة ضيوفي بحتاج صرفتهم من غير الغداء والصبوح والعشاء كم معك أنت ؟

أبو ياسر إبتسم: تسألني كم معي وأنا تاجر، كل حسابي يفداك ويفدي ضيوفك بجيب لك رمز حسابي وأسحب كم ما إحتجت

ياسر فرح وبهدوء: وقفتك ياباه...

أبو ياسر قاطعه: ليش أنا أبوك، دعمي لك مش وقفة هذا واجبي ولا تنسى البنت اللي تشتي تخارجها هي بنت أخي

أبو هاني يسمعهم بدون ما يركزوا خرج وعيونه مدمعة و هو يشوف لعند ياسر
.
.

في المستشفى

يزن وقف وهو يلهث أول ما شاف هاني

هاني بخوف كبير: ما حصلتها وأنت؟؟

يزن أشر بمعنى لا

يزن برجفة من اللي يقوله: سارة مخطوفة

هاني إرتخت أعصابه فقد توازنه ويزن مسكه

هاني بتعب: من بيخطفها؟

يزن: ...


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 20:14

.

البـارت 293 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


هاني فتح البرقع وتفحصها شاف ليزن برعب: ما تتنفس

رانيا مكانها منهارة ويزن نسي كل شي مسك سارة من يدها ودخل راسه من تحت كتفها: هاني شلها معي

هاني مسكها من الطرف الثاني وحسام ورامي خرجوا بسرعة يشغلوا سيارة وهند لحقتهم

أبو هاني بكي وعيونه عند رانيا وشوية عند سارة مش عارف عند من يروح يشوف ياسر كيف يحاول يهدي رانيا ما قدر يتصرف

أبو ياسر مسك كتفه: إلحق بنتك أنا بكون مع رانيا

أبو هاني أشر بمعنى تمام وخرج وأبو ياسر وآسيا وداليا و نجاة وأم هاني وروان راحوا لعند رانيا يهدوها ويحاولوا يقووها

ياسر يمسح دموعه: رانيا إهدئي بنخارجك قبل الإعدام بنخارجك لا تخافي

داليا حاضنة لها: قوا يا رانيا إهدئي أنا فدالش

أبو ياسر بحنية: رانيا وقفي بكاء وصلِ على رسول الله

قاطعهم جيته وصوته

إياد: يا عم أقدر أحاكيها

أبو ياسر بعد وإياد جلس مكانه

إياد لأول مرة يكلم حد منهم: محد فاهم شعورك الآن هنا مثلي يا رانيا

رانيا رفعت عيونها وشافته وهي منهاااارة

إياد تنهد بقهر: أنا وصل لإذني هذا الحكم بحقي وعشت الحكم حتى طلعت لمنصة الإعدام حتى أعدموني بس لحقوني قبل ما يشلني الموت بلحظات ، رانيا محد يموت ناقص عمر عشت من أول وجديد وحبل المشنقة كان حول رقبتي ومثل ما فرجت عليا بتفرج عليش ربك مع المظلوم

رانيا هدأت من كلامه: أنت معك حظ بس أنا......

إياد قاطعها: أنا معي رب وربي هو رب كل الناس خلي إيمانك قوي على ما شفت محبة الناس لك محد بيتركك

رانيا شافت لعند ياسر وبكيت وياسر ما تحمل يشوفها هكذا تركهم وخرج أستغرب من وجودهم واضح جداً له إن زياد وهمدان يهدوا أمير

همدان مقهور: أمير إمسح دموعك بتهون وتفرج

أمير بإختناق وحرقة قلب ووجع : حكموا عليها إعدام البنت الوحيدة اللي دخلت حياتي بدون ما أعرفها حتى حكموا فيها إعدام قلبي يوجعني يا همدان يوجعني

زياد أقتهر على أمير: بنلاقي لها حل أنت إهدأ

أمير نزلت دموعه: كيف أهدأ كيف يا زياد كيييففف البنت داخل حالتها حالة محكوم فيها إعدام إعداااام

ياسر غمض عيونه ونزلت دموعه بدون ما يسمع شي بس من شكل أمير عرف إنه يحبها

همدان لمح ياسر: إمسح دموعك ياسر جايي لعندنا

أمير مسح دموعه بسرعة ألتفت وشاف ياسر

ياسر وجهه محمر من الألم: باقي ٩ أيام بنلاقي لها حل ما بنسكت لما نشوفها تنعدم

أمير أبتسم له إبتسامة كذابة: أنا معك يا ياسر بنقذ حبك لو كلفني حياتي

ياسر تركهم وخرج وبينه وبين نفسه: حبي والا حبك يا أمير !؟؟

@rewayatyamania المصدر الأول للروايات

في السجن

دخلت رانيا بهدوء جلست مكانها ونزلت دموعها بصمت

أروى جلست جنبها: رانيا مالك، أيش حكموا بحقك؟؟

رانيا بهدوء: إعدام يوم السبت الثاني

الكل شافوها مقهورين رغم اللي حصل بينهم ماعدا جيهان ما أهتمت أبداً

واحدة من السجينات: ليش قرروا الحكم بهذه السرعة؟

رانيا بقهر: طالبين قصاص بأسرع وقت مشكلة لما يكون عدوك بيده سلطة

أروى بفضول: رانيا أيش قصتك ليش قتلتي؟

رانيا ما ردت وجلست تبكي بإنهيار والكل يحاول يهديها بس بدون فائدة
.
.

في المستشفى

الكل على أعصابهم والبقية اللي كانوا مع رانيا وصلوا شوية وخرجت الدكتورة

الدكتورة بشبه عصبية: البنت كانت بخطر وقلت لكم فيها ضغط حمل يعني ترتاح من كل المشاكل أيش قلتوا لها؟؟

الحج صالح ماعاد يتحمل: أيش فيها يا دكتورة تكلمي

الدكتورة شافتهم بنص عين: قدرنا ننقذها بصعوووبة لكن الجاهل اللي في بطنها الله أعلم كيف حاله مااقدرش أحدد لكم هو عايش أو ميت بنريع لبكرة ونفحص مرة ثانية ونشوف إذا عاده عايش أما سارة وضعها خطير جداً جداً، وما بكذب عليكم يمكن بأي لحظة تخسر حياتها بسبب إهمالكم لحالتها

تركتهم وكل واحد حالته أخس من الثاني ماعاد عرفوا على أيش يزعلوا بالضبط أرواحهم متدمرة من الأسبوع هذا ، مشي يزن جسد بدون روح مسكه إياد وخرجوا في نفس الوقت اللي فيه همدان وأمير وزياد يهدوا ياسر

رامي وحسام جلسوا جنب هاني اللي باين عليه مش مستوعب شي كأنه ميت ميييتتت

رامي مقهور من حالته: هاني تكلم

هاني مبلووود: أيش أقول يا رامي أنا مريع أخرج عشان أقتلها بس أختي قتلتها وبتلحقها إعدام والا أختي الثانية اللي يمكن بأي لحظة تموت

حسام: أنت كأنك مش مستوعب شي هاني إستوعب ونزل دمعة حتى وأنت على حالة الطنان من أيام
.
.

في حوش المستشفى

إياد مقهور على أخوه: تجاوزت الخطر مرة بتتجاوزها مرة ثانية

يزن يحاول يكون قوي: إياد إلا سارة لو حصل لها شي ماعاد بتحمل بالأول كل عائلتي تبروا مني لأني إبن جزارة وبعدين أمي وأبي ماتوووا وأنت بعيد عني واليوم سارة أنا ليش أخسر كل شي بهذه الحياة ليش أخسر.......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 20:11

.

البـارت 291 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أبو ياسر راح للقسم أصدروا العفو أخذه وراح للسجن قدم لهم الورقة وأعفوا عن ياسر

هاني أبتسم بدون روح: تخارجت

ياسر مسك كتفه: وأنت بتتخارج يوم الربوع

هاني تنهد: ريت والله عشان أقتلها وأخلص قلبي يحرقني حرق إني ما قتلتها

ياسر أقتهر: إنساها وفكر بنفسك كم بتجلس تفكر بها وبسارة

هاني مكبود: سارة أشتي أعالجها من الجرح هذا لكن هنوف أشتي أقتلها بسبب غدرها روح يا ياسر لا تخلي عمي يريع أكثر

ياسر حضن هاني وخرج شاف أبوه سلم عليه وطلع السيارة بدون نفس

ياسر بقهر: أنتم أقنعتوها تتنازل؟؟

أبو ياسر: لا هي بكامل إرادتها البنت تحبك المفروض تفهم من نفسك إنها ما بتخليك مسجون وطبيعي تتنازل

ياسر: وينها الآن أشتي أشوفها وأتطمن عليها

أبو ياسر: ما تقدرش الآن لأنها بالسجن

ياسر عصب: كيف تروح قبل ما أخرج وأشوفها وأنت داري ما بيسمحوا لحد يشوفها إلا أبوها وعمها وخالها وأخوها وزوجها وأنا ولا شي من هذا كيف بشوفها ما بيخلوني أدخل حتى معاك

أبو ياسر عصب مثله: ياسر إهدأ
تحكم بعصبيته: كيف بتخرج وهي ما فعلت الإلتزام.. الإلتزام فعلته بالسجن خلاص غلق الموضوع

ياسر أقتهر بقوته: مافيش خبر عن سارة!

أبو ياسر إبتسم: صحيت

ياسر فرح بسرعة بعد الضبح: اللهم لك الحمد اللهم لك الحمد أجبر قلوب الكل بعافيتها يارب

أبو ياسر: يارب
.
.

في شقة جان

قدر يوفر شقة متقاطعة يعني هو بغرفة وصالة وحمام ( عزكم الله ) وبينه وبين شقة البنات باب لكن حاليا هم مجتمعين يخططوا كيف يعرفوا مكان إياد وداليا

جان: حسناً سأعتمد هذه الخطة للوصول إليهم

وشاف لينا: هل أنتِ مستعدة لتصبحي عروس جميلة

لينا أبتسمت بخبث: أجل مستعدة..

@rewayatyamania المصدر الأول للروايات

في السجن

رانيا قامت بتعب وبسبب تجبيس يدها المكسورة كانت تحاول تفتح العلاج وما قدرت جت واحدة متوسطة العمر فتحت لها العلاج ورانيا شربت بدون ما تشكرها أخذت المرهم وبدأت تحطه بعشوائية لأنه مافيش مرايات بالسجن والبنت سحبت المرهم وبدأت تحطه لها فوق الجروح

رانيا بسخرية: كان نفسي أشكرك بس أمس تجرحي واليوم تداوي!؟

أروى: آسفة مش قصدي توصلي لهذه الحالة

رجعت لها كل شي وربطت الأدوية ورانيا تمددت مطنشة الكل وتحاول تنام
.
.

مر يوم ، في المستشفى عند سارة كانت ممددة على السرير ، جسد بدون روح ، وتشوف للسقف وبالها رايح لبعييد ، حتى إنها ما أنتبهت لمن دخلت للغرفة وصيحت لها عدة مرات

روان: سارة سارة!

أنتبهت لها سارة: هاه

روان جلست جنبها على السرير: كيفك يا روحي

سارة نزلت دموعها بدون ما ترد

روان بانكسار: أنا عارفه كيفك الآن وكيف حالك عااارفة تماام شعورك يا سارة ، وفاهمتك لأني قد عشته من قبل ، وأنتي عارفه أيش عشت وبأيش مريت ، تعرضت للخيانه والغدر والخذلان مش مرة، كثيير مرات ومن نفس الأشخاص ، حتى إني ما تبت وتعلمت من أول مره ، لا كنت أعطيت فرصة لمن غدرني إنه يغدرني من جديد  ويخدعني ويخونني ويكسرني ويحطمني وكل شيء وأنتي بنفسك قد شفتي الحالة اللي وصلت لها ، أنا فاهمة شعورك وحاسة بك يا سارة ، بس أنتي لا تستسلمي لضعفك ولكل شيء ، سارة لا تنسي إنك حامل وإن بداخلك روح ، إبنك يا سارة لازم تقوي نفسك عشانه وما لازم تتعبي عشانه وعشان لا تفقديه ، ما أقول لك لا تعيشي وجعك لا عيشي عيشي وجعك وشعورك أبكي إكتئبي إحزني إعملي أي شي يمكن يخفف عنك شعورك بس تذكري إن إبنك موجود وأنتي لازم تكوني قوية عشانه لا تخلي اللي حصل ينهيش وتوقف حياتك عليه لا أنتي لازم تتجاوزي كل شيء لأن أنتي معك شي يساعدك تتجاوزي ولازم تقوي عشانه وهو إبنك

سارة تشوف السقف ودموعها تنزل بصمت
.
.

في يوم الربوع

الكل متوترين وعلى أعصابهم رايحين صلا المحكمة ورانيا وهاني حالتهم حالة سارة عرفت وعندت تروح ومحد رضي عشان ما تكتشف موضوع رانيا لكن عنادها مخليها تتجاهل كلامهم ، قدرت تسحب من رامي أين المحكمة وعنوانها بطريقة غير مباشرة وقبل دخول هاني دخلت سارة

آسيا خافت: سارة!

سارة مشيت بخطوات بطيئة شافت مكان جنب أمها وداليا جلست

يزن بخوف: أيش جابها كيف عرفت تجي؟؟

رامي خفع رأسه: أنا الغبي سحبتني بالكلام

ياسر ما تحمل وضربه: والله لو أنت جاهل ما تسحب منك الآن كيف نتخارج من هذه المصيبة

حسام بقهر: من يومك حق نثرات بس مش لهذه الدرجة يا حيوان

إياد شاف يزن: الأفضل تكلموها الآن قبل ما تدخل رانيا وتنصدم

وقف يزن عشان يكلمها بس وقفته على دخول القاضي الكل وقف جلس القاضي وأشر لهم بالجلوس

القاضي: دخلوا المتهمين

دخلوا هاني وسارة عيونها........





📚 @rewayatyamania  🇾🇪

روايات يمنية📚🇾🇪

15 февраля 2025 19:24

.

البـارت 289 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو ياسر مقهور: لا مش متنازل

يزن أقتهر: يا عم أيش تقول، بيقول إن ياسر يمكن يروح فيها مؤبد

رامي: لا تكون ناوي تستمر بالقضية، هذا إبنك إبنك

أبو ياسر: أيوة بستمر بالقضية

الكل أقتهر....

أبو ياسر يكمل كلامه: ما بتنازل إلا إذا تنازلت رانيا، هذا حق رانيا مش عشان إبني بسكت على حق بنت أخي ومحد له الحق يقرر ويتنازل هذا حق رانيا هي لوحدها اللي تضررت

الكل أرتاحوا ماعدا مدير السجن

يزن براحة: دام على رانيا رانيا ما بتسمح إن ياسر يجلس دقيقة في السجن

أبو ياسر: أي حين ما صحيت هي تقرر

خرجوا من السجن وراحوا للقسم يشوفوا ياسر
.
.

في القسم

يزن: ما كلمت هاني بشي؟

ياسر: لا ولا بكلمة

حسام: كيف وضعه؟

ياسر تنهد: ما يحتاج أقول معروف وضعه

شافهم: كيف رانيا

أبو ياسر: الحمدلله بخير

ياسر خايف بيجنن: قولوا مالها؟

رامي ما يشتيش يقلقه كثير: كسر بيدها ورضوض بس

ياسر أقتهر: من فعل فيها هذاك الوحشية

يزن: السجينات

ياسر: رفعتوا قضية عليهم؟؟

يزن: رفعنا بس ما نشتيش نكملها

ياسر أستغرب: ليش؟

أبو ياسر شرح له كل شي

ياسر بعصبية: لا مش متنازل أنا حتى لو رانيا تنازلت وخلوني أسير خلف الشمس ما بتنااااازل بحق رانيا أبداً أبداً ما بسكت ، هن مش رجال أروح أقاتلهن هن بنات وحق البنت اللي أحبها بأخذه من وسط عيونهم

يزن ضبح: وأيش بتستفيد؟

ياسر: أنو حق رانيا ما راح

حسام بقهر: لو كنت ما تشتيش حق رانيا يروح كنت بتتحكم بأعصابك لكن اللي سويته أنت روحت حقها

ياسر كان بيتكلم بس رامي قاطعه

رامي: تعتقد رانيا بترضى تخليك مسجون؟؟ البنت بتتنازل بحقها بكل سهولة ولا إنها تشوف فيك أقل ضرر

ياسر أقتهر من قلبه: يا سعم مدير السجن مسككم من اليد اللي توجعكم اللي هو أنا

يزن براحة إن الموضوع بيد رانيا: هو مسكنا من اليد اللي توجعنا أيوة لكن مسك رانيا من اليد اللي توجعها أكثر بدون ما يعرف

@rewayatyamania المصدر الأول للروايات

مر الوقت على يزن وهو قوي شديد عشان يكون قوة لهاني وياسر والأهم من هذا كله يكون قوة لسارة لما تصحى، لكن إياد منتظر له متى يستسلم لمشاعره
.
.

بعد يومين

في المستشفى

الكل عند رانيا يتحمدوا لها بالسلامة وفارحين إنها صحيت بس مقهورين من وجهها المشوه من كثر الضرب

رانيا: كيفها سارة؟

أم هاني بكت: للآن ما صحيت

رانيا نزلت دموعها: ياالله

آسيا تمسح دموعها: رانيا سارة بتصحى قريب قالت الدكتورة تجاوزت الخطر

رانيا بقهر: تكذبي عشان تواسيني

داليا: لا ورب الكعبة إنه صدق قالت حتى بتصحى خلال ٤٨ ساعة

رانيا فرحت: بحجر الله لا فرحتوني على الفاضي

داليا أبتسمت لها: والله أكلمك من صدق

رانيا نسيت وجعها وفرحت من الخبر اللي سمعته

أم إياد: الآن إشربي العصير وكلي عشان تكوني بخير

رانيا بخوف: قرروا متى المحكمة؟

أم حسام: أيوة يوم الربوع

رانيا تثلجت أطرافها: واليوم إحنا أيش

الكل: الأحد

رانيا كتمت حاولت ما تنزل دموع الخوف وقلبها ينبض بشدة والكل فاهمين شعورها الآن إذا هم خائفين فكيف هي
.
.

في مبنى ثاني

خال أسامة: ما ينفعش ما تروح تعزي أخوك ولا رحت الدفن حتى

أبو أسامة: هو السبب بمقتل إبني وبنته خليه يتعذب من وجعه الآن

أما أم أسامة تشوف لهم سكتة ماحد يعرف يشرح أو يفهم وجعها
.
.

في عدن

بعد ما سأل من وين يحصل سيارات السفر اللي توصله لصنعاء وقف وبيده الشنطة تبع الملابس ولابس ملابس صيفية وحاطط نظارة شمسية يشوف ساعته كم الوقت

فيكتور: متى ستبدأ بالتحرك

صاحب سيارة السفر: ماافهمش إنجليزي أيش يقول هذا؟

نزلت الكتاب من قدام عينها: قال متى بتتحرك

صاحب السيارة: قولي له باقي بس راكب

شافته: بقي فقط راكب واحد ومن ثم سيتحرك

فيكتور: حسناً شكرا لك ، و لكن هل سأجد كوفي هنا

أشرت له على كافي: هناك

فيكتور حط شنطته وراح يشتري أستغربت وضحكت قهر من تصرفه نزلت من فوق السيارة ووقفت جنب الشنطة لما رجع

فيكتور: ماذا تفعلين هنا ألم تكوني بداخل السيارة؟

ردت عليه: أنت لست في أمريكا الآن لتضع حقيبتك وتذهب سيسرقونها احرص على مستلزماتك

رجعت مكانها وصاحب السيارة حط شنطة فيكتور فوق دخل فيكتور ومد لها قهوة

فيكتور: قهوة شكر

أخذت القهوة ورجعت تقرأ الكتاب ولأن فيكتور عاش مدة طويلة مع يزن والشلة ملتزم بعادات ودين اليمن
.
.

بعد مرور الوقت وصلوا لصنعاء ونزل مش فاهم وين يروح

شافته: إلى أين ستذهب؟

فيكتور بتلبك: حقيقةً لا أعلم

أشرت له: تعال معي

أستغرب وراح بعدها شافها حضنت واحد وأستغرب

أشرت لأخوها: هذا جاء من أمريكا مش فاهم وين يروح

رجعت تشوف لعند فيكتور: إنه أخي

فيكتور سلم عليه: تشرفت بمعرفتك

رواد: لي الشرف.........


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 19:22

.

البـارت 287 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر حمل مسك السرير ووقفهم: ماااالهاااا ماااالهاااا؟؟

أمير مسكه: ياسر مالك؟؟

ياسر دهف أمير والدكتور وصرخ بخوف شديد وجنووون: من فعل برانيا هكذا من؟؟؟

الدكتور دهف ياسر: البنت تحتاج نعالجها والا بتموت مش وقتك الآن

ياسر جن جنونه ألتفت مسك الشرطي وضربه: أيش فعلتوا لهاااا أيييشششش ؟؟

أمير يسحب ياسر بس ياسر أقوى ولأول مرة يظهر ياسر وحشيته ضرب الشرطي بكل قوته ، همدان وزياد ورجال ثانيين تدخلوا وسحبوا ياسر

أمير دهف ياسر بعصبية: مجنون أنت كيف تضرب عسكري لابس ثياب الأمن أنت هكذا تعديت على دولة تعرف كيف بيفعلوا بك؟؟؟

ياسر مش مهتم: وين الدولة والأمن ورانيا بهذا الوضع وييينننننن؟؟

العساكر مسكوا ياسر: تعال معانا للقسم

ياسر يحاول يقاوم بس ما قدر دخلوه لسيارة الشرطة وتحركوا للقسم وأمير لحقهم بسرعة

همدان أقتهر: كأنها لعنة نزلت عليهم والله العظيم، الآن كيف نكلم الشباب كم جهدهم وكم بيتحملوا

زياد: ضروري نكلمهم عشان يكونوا مع البنت لو أحتاجوا لها علاجات أو شي

طلعوا ووقفوا بعيد والشباب ركزوا عليهم راحوا لعندهم

رامي: قلتوا أمير نازل بتروحوا

يزن: ليش طلعتوا أمير وياسر وينهم؟

همدان بتردد: وقعت مشكلة مع ياسر وشلوه العساكر وأمير لحقهم

رامي خاف: أيش حصل أيش من مشكلة مع ياسر؟؟

يزن أقتهر: هو الآن مقهور بيسوي من أطرف شي مشكلة طيب ،  المشكلة كبيرة أو بيتخارج بسرعة؟؟

الشباب سكتوا ويزن قلق

حسام: زياد همدان تحاكوا

إياد يتسمع سكتة

همدان: شكله حصل شي بالسجن أخت هاني هنا بالمستشفى

الشباب بصوت واحد وكلمات مختلفة: ماهوو، أيييشششش، كيييف، ما بتقوووول؟؟؟

الكل سمعوا وراحوا لعندهم

آسيا بخوف: أيش في؟

أبو ياسر: مالأصواتكم هكذا حصل حاجة؟؟

زياد: جابوا رانيا من السجن مدري مالها وياسر لما شاف حالتها ضرب عسكري قوي العسكري الآن يتعالج وشلوا ياسر للقسم

آسيا بكت: رانيااا قلتوا

داليا مسكت رأسها: يارب أيش عاد باقي أخس من هكذا مصايب

أبو هاني صاح: وين بنتي الآن وينها؟؟

أبو ياسر تركهم ونزل بسرعة والبقية لحقوه ماعدا الحج صالح اللي ماعاد يقدر يمشي خطوة واحدة وإياد اللي بقي بعيد عنه

@rewayatyamania المصدر الأول للروايات

في القسم

مدير القسم كتب تقرير بجريمة ياسر وأمير جنبه

أمير: ممكن طلب اذا ما عليك أمر

الضابط: تفضل!

أمير: لا تحطه بنفس السجن اللي فيه هاني

الضابط: للأسف هنا مافي إلا مكانين سجن واحد إمتلأ والثاني إللي فيه هاني فاضي بكرة بيحولوهم كلهم للسجن

ياسر: خلي واحد بدلي يروح سجن هاني وأنا أدخل السجن المليان

الضابط: ما نقدرش لأن بيخرجوهم الصبح وأنتم بعد الظهر للسجن يعني هكذا والا هكذا بتلتقوا في السجن

ياسر شاف لعند أمير بقهر

أمير: طيب أقدر أكلمه لوحده؟

الضابط أشر له بمعنى تمام وأمير أخذ ياسر لبعيد شوية

أمير: إنتبه.....

ياسر قاطعه: ماناش مجنون أكلم هاني إن أخته قتلت مرته وإنها الآن الله أعلم أيش فيها بدبر كذبة لا تقلق

أمير: هذا اللي كنت أشتيه اللي فيه يشيب الرأس لو عرف بيموت موتة مرة واحدة

ياسر: طمني عليها

أمير: بطمنك وبنخارجك بسرعة

ياسر تركه أخذوه وراحوا للسجن دخل وجلس جنب هاني وهاني إنتبه لوجود واحد بس ما عرف من هو مستمر يشوف لزاوية السجن

ياسر: ما أعتقدش رمشت عيونك

هاني عرف صوته بس ما أهتم ولا جاب ردة فعل من صدمته الكبيرة ولا حتى التفت لعنده: أيش جابك أيش فعلت؟

ياسر: تضاربت أنا وواحد

هاني بدون ما يهتم: كيفها سارة؟

ياسر بكذب: بخير

هاني ضحك بقهر: بخير؟؟ كيف بخير هي شافت زوجها يخونها مع أعز صاحباتها

ياسر: بس إستوعبت اللي شافته ، زاعلة بس مستوعبة

هاني: لا تكذب أعرف أختي وأعرف وجعها الآن أعرفه

ياسر سكت بدون ما يرد وحسه عندهم وعند رانيا
.
.

في أمريكا

الضابط: هل ستخبرهم أن والدهم ما زال على قيد الحياة؟؟

فيكتور: لا لن أخبرهم، فذلك إحتمال ضئيل يجب أن أتاكد أولاً

الضابط: سأخبرك بما علمته اليوم

فيكتور شده الفضول: ماذا؟؟

الضابط: غداً موعد طائرة جان سيذهب إلى اليمن

فيكتور بخوف وصدمة: ماذا؟؟؟؟

الضابط: سيذهب هو والفتاتان يارا ولينا

فيكتور مش مستوعب: جان حسناً يستطيع الذهاب من أجل داليا فهو شاب أمريكي غني يذهب أينما يشاء ، و لكن لينا ويارا كيف ذلك لا يستطعن الذهاب برحلات طويلة بسبب عائلاتهم؟؟

الضابط: تحققت بالأمر و لم أجد السبب

فيكتور مسك رأسه: ماذا سيفعل ذلك الأحمق

الضابط: لا أعلم لذا سأوكلك بمهمة

فيكتور: ماذا؟

الضابط: لقد أتممت لك كل الإجراءات ستذهب بالرحلة التالية إلى اليمن، رحلتهم ستكون صباحاً ، ورحلتك مساءً إذهب ف نحن.......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 19:18

.

البـارت 285 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أبو هاني صرخ: عليييي!!!

أبو ياسر بعصبية: أنت السبب في كل شي ، أنت ومرتك روحوا ملح لكن أنا في عيالك أيش ذنبهم يروحوا ضحية مرضك وتهورك وعنادك أنت ماعاد تهمني كنت أخي بس خسرنا الأخوة لكن عيالك لا والله إني لك عدو يا طه أناااا لك عدو ، ككللل عياااالك راحوا بيوم واحد يووووم واحد ، ما أكتفيت بإنك تعيش بالماضي حقك وحدك رحت تعيشه أنت وعيالك وتسحبهم للمستنقع باللي أنت عايش فييه وتضييعهممم ، أنت غريمي باللي حصل لهم أنتتت غريمي يا طه أننتتتت ، وأنا حلفت لك إبني بيشل البنت اللي يحبها لو يروح راسي ، عنادك اللي ما فادك شي ولا بيفيدك ، وأنا بشل رانيا لولدي ووقفني بعد اليوم لو أنت رجال

شاف لعند أم هاني بعدين لعند أخوه: أنتم الإثنين غلطانين بحقهم أنتم الإثنين ، لو أنت نسيت الماضي ورجمته وراك وكسبت مرتك ما حصل كل هذا ، ولو هي تهتم بعيالها كانت بتعرف كيف تكسبك لكن كل واحد منكم عاند الثاني الآن هذه نتيجة عنادكم شوفوها ، أنا وهند عارفين كيف نكسب ياسر لكن أنتم عاد معاكم وقت؟؟ كان بيكون لو ما تطلقتوا لكن الآن ما بتقدروا تفعلوا شي

الحج صالح أقتهر: سنوات طويلة من عمرهم ما حاولوا يكسبوا فيها بعضهم جلسوا بس يعايروا بعضهم والعقاب ما جاء لهم جاء في عيالهم

يزن دمعت عيونه: لو عيالهم يستاهلوا سهل بس عيالهم ما يستاهلوا يتحملوا أغلاطهم

أم هاني تبكي بحضن هند: سبرت صح، سبرت علاقتك بعلي علي يحبك صح؟

هند نزلت دموعها وأشرت بمعنى أيوة وأم هاني أقتهرت بس ما أهتمت لقهرها ومشاعرها مصايب عيالها أكبر من أنو تفكر بهذا الشي جلست تبكي بحرقة على عيالها أما علي هو وجع مخفي مخفي جداً الآن مجرد التفكير محرم عليها، هو زوج أختها بروح وقلب مش جسد بس....

ياسر ما تحمل يسمع كل الكلام خرج لخارج على جية الشباب

يزن وإياد جلسوا جنب ياسر

يزن مقهور: ياسر، الله أعلم إيش بيحكموا برانيا بس خلي إيمانك قوي

إياد شد عليه: اللي يشوفك بيقول أعدموها إهدأ يااخي

ياسر عيونه محمرة وقلبه يحترق دموعه تنزل بإنسياب ويشعر بإختناق وبكائه مكبود

أمير تقدم لعندهم: ماله ياسر يا شباب؟

همدان قلق: في شي جديد؟

يزن أشر بمعنى أيوة

زياد بخوف: أيش حصل يا إياد؟؟

يزن بغبنة: بنت عمي أخت هاني قتلت مرة هاني

همدان بخوف: سارة؟

يزن تنهد: لا سارة طالع تاعبة

أمير أرتجفت يداته وصوته تقطع من الخوف: ر... را....رانيا؟؟

يزن أشر بمعنى أيوة وأمير أقتهر بدون شعور نزلت دموعه الكل فاهمين ماعدا إياد إستنكر رجفته وردة فعله أما ياسر منزل راسه يبكي ما شاف دموع أمير

أمير مسح دموعه حاول يسيطر على نفسه ومشاعره: ياسر!

ياسر شاف لأمير: قلب صاحبك موجوع يا أمير

أمير وقفه: ما عاش ما يوجع قلبك

مسك ياسر من يده سحب مفتاح سيارة همدان من يد همدان خرج ياسر لفوق السيارة ومشي

إياد مستغرب: ليش أمير زعل على رانيا؟

يزن أخذ نفس: أمير تقدم لرانيا من قبل أكيد يحبها

همدان نكر بسرعة: لا مش يحبها هو مقهور على ياسر تعرف علاقتهم كيف قوية حتى وهم بأمريكا ٢٤ ساعة يتواصلوا

زياد وهمدان حسهم عند أمير وياسر مقهورين عليهم

@rewayatyamania المصدر الأول للروايات

أمير وقف السيارة على مرتفع فاضي طفا السيارة وخرج شوية وياسر فتح وخرج بعده

أمير: أتركك لوحدك؟

ياسر أشر بمعنى لا: خليك
تنهد: بنفسي أتكلم بس مافيش كلام داخلي قهر مااقدرش أوصفه بالكلام بس خليك خليك

أمير ما رد شاف دموع ياسر ما وقفت شاف قدامه ونزلت دموعه

ياسر حس فيه: تحبها!؟

أمير بوجع: لا بس مقهور عليك

ياسر أخذ نفس عميق: ليش ما تزوجت للآن أنت كنت ناوي تتزوج بس لما خربت خطبتك من بنت عمي ماعاد خطبت؟

أمير بهدوء: ما حصل نصيب

ياسر: أكتسرت نفسك من الزواجة بعد بنت عمي؟؟

أمير بكذب: للآن ما لقيت البنت اللي تناسبني بس

ياسر شافه بغموض: ضروري تتزوج إذا ما تزوجت ما بقدر أتزوجها بحس بالذنب إني وقفت نصيب صاحبي

أمير بصدق ممزوج بوجع: بتزوج بس بعد ما تتزوج أنت عشان لو ما وقع نصيب بينك وبينها بتزوجها أنا

ياسر دهفه بمزح: أمير!!

أمير ضحك: لا تصدق بس أوعدني لو تخارجت من مصيبتها إنك تتزوجها أنا بس أشتي توصل لي دعوة عرسكم بكون أسعد إنسان

ياسر أقتهر: وعد ووعد إنك أول واحد تستلم دعوة عرسنا وأفرحك قبل الكل

أمير أبتسم وبينه وبين نفسه وأنا وعد أدعي لكم بالسعادة وأفرح لكم ووعد لرانيا اللي ما تعرف حبي لها إني ما أتزوج غيرها يحرمين عليا نساء الأرض مثل ما تحرم عليا ملاك

أمير بضيق: متى المحكمة حقها؟

ياسر مكبوووود: أقرب وقت مع هاني

نزلت دموعه خرج صوت أنفاسه المكتومة مسك العمود وخرجت شهقاته

أمير مسك كتف ياسر........


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

15 февраля 2025 19:14

.

البـارت 283 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


إياد: يمكن منهارة باللي حصل مع أخوتها

يزن تركهم ولحق رانيا على دخلة الحج صالح وطه وعلي مش عارفين بشي وإياد جلس عند غرفة سارة عشان هذه البنت اللي عذبت أخوه والآن تتعذب من قدرها البائس والحج صالح يشوف إياد بنص عين وإياد مطنش وجود الكل تماماً
.
.

في بيت أبو الهنوف

أبو الهنوف يبكي: رحممتتتتككك يا الله في قلوبنا رحممتتتكككك

أم الهنوف مسحت دموعها بحقد: أنا بلغت الشرطة غير القصاص ما يرضيني وغير رووووح رانيا مااشتتيييششش تفهههممم

أبو الهنوف حضن بنته وشد عليها: الروح بالروووح وروح بنتي ثمنها غالي غاااالي
.
.

في بيت الحج صالح

وصلت الشرطة ودقوا الباب وأم إياد خرجت تفتح

الشرطي: هذا بيت الحج صالح ال......

أم إياد قلقت: أيوة هذا

الشرطي: وين رانيا طه ال.......

أم إياد أستغربت: في المستشفى بس ليش؟

الشرطي: مستشفى أيش

ام إياد: مستشفى ال...... بس ما جاوبتني ليش؟؟

الشرطي ما جاوب راح هو وبقية الجنود لفوق سيارات الشرطة وتحركوا صلا المستشفى

@rewayatyamania المصدر الأول للروايات

في المستشفى

وصلت أم هاني وهند سألين على سارة وطلعين على طلعة حسام ويزن

أم هاني تبكي: بنتي وين بنتي سارة مالها؟؟

الحج صالح يهديها: بنتش بخير لا تخافي

أم هاني ببكاء أكثر: وهاني أيش مصير هاني أيش مصيره؟

يزن: الله أعلم أيش بيكون مصيره الله يستر

حسام: الموضوع موضوع شرف بإذن الله القضية لصالحه

يزن: قالوا بيحددوا أقرب موعد للمحكمة
.
.

عند رانيا

رانيا فتحت عيونها المغوشة: الهنوف!

داليا مسكت يدها و تبكي: رانيا الحمدلله صحيتي

ياسر ورامي أستغربوا

نجاة: إهدأي الآن

ياسر بقلق: مالها الهنوف؟؟

رانيا خافت وقامت: بروح عند سارة بروح عند أختي

نجاة برفض: لا مافيش إرتاحي

رانيا قامت بعناد رغم صياح الكل فوقها

داليا: طيب امسكيني عشان لو سومتي

رانيا أستندت على داليا وطلعوا لعند سارة

أم هاني بخوف: رانيا مالك!!

رانيا جلست فوق الكرسي بإرهاق وماردت عليهم

آسيا قربت من رانيا: كلمني إياد وحسام إنك دوختي مالك؟

رانيا تتهرب وتشووف بس لعيونهم

داليا تغير الموضوع: آسيا وين كنتي

آسيا ببكاء: كنت أكلم الدكتورة عشان وضع سارة للأسف وضعها أخطر مما توقعنا

أبو هاني شاف الشرطة: أيش جاب الشرطة؟

رانيا خافت ومسكت آسيا وأنهارت: لا تخليهم يشلوني يا آسيا لا تخليهم يشلوني

الكل شافوها وأنصدموا من شكلها وخوفها وإنهيارها

الشرطة وقفوا قدامهم: من رانيا طه؟؟

رانيا ما تحملت قرحت بالبكاء من الخوف وداليا ونجاة حضننها

أبو هاني بخوف: أنا أبو رانيا قولوا أيش في؟؟

الشرطي: إحنا جينا نعتقلها ، بنتك متهمة بقتل الهنوف ال.....

خبر مثل الصاعقة نزلت على قلوب الجميع أم هاني ما تحملت فقدت توازنها تماماً وأبو هاني بانت عروقه من الصدمات المتتالية والحج صالح بدأت أنفاسه تتقطع وأبو ياسر سحب رانيا وخباها وراه مش مستوعب والكل حالتهم حالة

ياسر تحت تأثير الصدمة: لا لا هي ما خرجت من المستشفى

رانيا ما تحملت وأنهارت من شدة رعبها وهلعها: والله مش بقصدي والله والله إنها نكعت وماتت والله العظيم إسألوا نجاة إسألوها إسألوا داليا حتى والله ما كان قصدي والله والله والله

أبو ياسر حضنها: إهدئي إهدئي ، تمام بنشوف لك حل

أبو هاني راح لعندها رفع يده بيضربها لكن ياسر تدخل بسرعة ووقف قدامها وجت الضربة في كتفه

أبو هاني بعصبية: ياسر وخر

ياسر يهديه: يا عم إهدأ رانيا ما قتلتها سمعتها أيش قالت

الحج صالح صرخ بغضب: و ليييششش تسير لبيت البنت و تضربهااا داخل بيتها

ياسر عاده مش مستوعب ولا مصدق: من حرقتها على أخوتها اللي عاشوه اليوم أخوها و أختها مش قليل
و بحدة صوت و غضب: و إذا كلكم بتعاقبوها أنا بكون معاها

يزن يشوف للكل: إحنا معاها

أبو ياسر ماسك رانيا قوي: محد بيقرب منها و لحد يقول لها الآن و لا كلمة إللي فيها مكفيها

أم هاني تبكي بتعبب: أيش فعلتي يا رانيا أيشش فعلتي

الشرطي: الآن إفسحوا لنا المجال عشان الشرطيات يشلوها

فسحوا الشباب و الشرطيات دخلين

آسيا قامت دهفت الشرطيات و تبكي: لا محد بيشلها لا بنت عمي و أعرفها مستحيل تقتل مستتتحيييل

رانيا مسكت آسيا تتخبى

حسام و يزن سحبوا آسيا و إياد عيونه على أخته بدون أي شعور، و الشرطيات مسكو رانيا حطين الكلبشات على يدها و شلوها و أبو ياسر لحقهم و أبو هاني بعدهم

يزن دهف ياسر: ياسر هيا

ياسر يشوف رانيا ومش مستوعب: ليش شلوها!!!

يزن نفخ بضبح و راح و رامي مسك ياقة ياسر و سحبه

رامي: البنت بيحبسوها إستوعب

الحج صالح جلس بهبوووط و حسام مسكه

حسام شاف لإياد بقهر: يزن ليش واقف تعال......




📚 @rewayatyamania  🇾🇪

روايات يمنية📚🇾🇪

16 февраля 2025 19:10

.

البـارت 309 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


حسام خرج الشريحة من تلفونه وقحصها ورجم وقرر يبدأ يغير حياته من النقطة هذه ويرجع آسيا لأن فكرة خسرانها تخوووفه

رفأ حاولت تتصل له ومغللقق إستوعبت: أييش أنا لعبة أو كيييف؟

رجعت إتصلت بس مغلق عاودت الإتصال كمان مغلق

رفاء بعصبية رجمت التلفون لفوق سريرها وصاحت: آاااااااااااااه

بدأت ترجف وتبكي مسكت رأسها: يا ربييي الآن أيش أفعل أيييش؟!! أنا مااقدرش أعيش بدون حسام مااقدرررش

قامت وأخذت التلفون وإتصلت جاها الصوت: هلااا برفأ كيفك يا قلبي

رفأ ببكاء: أسيناد أنا بحاجتك

أسيناد عدلت جلستها: خيير مالك أيش فيه صوتك؟

رفأ زاد بكاها: وقعت مشكلة بيني وبين حسام وحسام حتى صيح فوقي

أسيناد: إهدئي الآن وتعالي لعندي للجناح

رفأ: طيب بدبر لي أي كذبة وأجي

أسيناد: طيب

وغلقت التلفون

أسيناد بينها وبين نفسها: الله أعلم أيش سوت هذه البقرة تدخل النصيحة من أذن وتخرجها من الثانية هه الله يستررر

@rewayatyamania المصدر الأول للروايات

بعد نص ساعة وصلت رفأ للفندق وهي مستعجلة كانت بتدكم بشخص

رفأ بدون ماتشوف له: عفواً

رواد ما إنتبه عليها وكمل طريقه

رفأ دقت باب الجناح ودخلت على طول لعند أسيناد

أسيناد حضنتها وسلمت عليها، رفأ نفس الشي وأسيناد سألتها أيش حصل ورفأ بدأت تكلم لأسيناد

رفأ تبكي بقوة: أتمشكلت مع حسام وحسام يقول لي أنه أنا السبب، إتخيلي يا أسيناد يقول لي أنا السبب أنا أيش دخلني هو اللي غلط مش انا

أسيناد بجدية: لا يا رفأ أنتي الغلطانة

رفأ: أناااا؟!!

أسيناد تكمل: أيوة أنتي اللي ماتركتيه

رفأ إقتهرت: هو اللي ماتركني هو اللي رجع بكل قوته وحبه لي

أسيناد برفض: لا يا رفأ لو كنتي تركتيه كان بيتركك وأنا قلت لك بيجيش وجع رأس لكن أنتي ما تفهممي، إطررحي مكانك مكان آسيا وجي وإكتشفي إن زووجك إللي تحبيه يكلم وحدة ثانية، أيش موقفك قولي؟!!! كل شي غلطك الآن لو إنخرب بيتهم من السبب؟؟

رفأ مادريت أيش تقول لأن فعلاً كلام أسيناد صح: طيب أنا أيش ذنبي؟!

أسيناد: إفهممي يا رفأ كان بيدك إنتي تمتنعي من حسام الآن بيت البنت إنخرب ، والذنب ذنبك

رفأ بكت أكثر: أسيناد أنا جيت لك عشان أهدأ مش تزيدي تعاتبيني وتلقي السبب عليا

أسيناد إقتهرت عليها: لا لا لأن أنا صاحبتك وأتمنى لك الخير كلمتك هكذا وبعاتبك وبغلطك لكن هذه المرة روحي أنتي وصلحي هذه الغلطة

رفأ: كيييف؟!!!

أسيناد بجدية: إتواصلي مع آسيا وفهميها

رفأ ببكاء: وحبي، وحبي لحسام والسنيين اللي حبيته فيهم أيششش!!

أسيناد عصبت: رفأاااا إعقلي لو حسام يحببك كنتي أنتي الأولى مش يخليك إحتياط لنقصه العاطفي

ومسكت يد رفأ إللي تبكي: رفأ ما فيك سخى تكوني تسلية لواحد ما عرف قدرك الآن كلميي آسيا

رفأ برفض: لا لا مستحييييل مستحيييل أكلمها، عادي عادي خليه يفلتها ويتزوجني

أسيناد عصبت وصاحت فوقها شوية وتضربها: بعد كل الكلام اللي سمعك هو عادك تشتي تكوني زوجته لييش بايعة نفسك ليييش هذا كله، ليش تحسسي نفسسك إن خلاص حسام ماعاد في حد بعده، والله يا رفأ بتلاقي العوض بس صلحيي غلطك

رفأ إنهارت بالبكاء وحضنت أسيناد

أسيناد سمعت باب غرفتها يندق وبعدين إنفتح

رواد: أسين..... وفجأة ركز لوحدة مقفية ظهرها وحاضنة أخته

أسيناد أشرت له يخرج

رواد أستحى وخرج بسرعة قبل ما تشوفه رفأ

رفأ من كثر بكاها وحرقة قلبها ماعاد ركزت على دخوول رواد للغرفة

أسيناد مسكت وجه رفأ بيدها: يا رووحي والله ما يستاهل دمععة من عيووونك، إهدأي الآن أقوم نطلب لنا عصير ليم تبردي داخلك

رفأ ضحكت لأن تعرف ما يهديها إلا عصير الليمون
وأسيناد خرجت وهي تتلفت تدور رواد وناوية له شافته بالصالة يدور راحت وخفعته

اسيناد بعصبية هادئة: أنا مليووون مررة أقول لك غرفتي لا تدخلها إلا لما تدق الباب

رواد بوجع: أححح أححح قد دقيت

أسيناد عقدت حواجبها: وبعد ما تدق لو ماوصلك صوتي لا تدخل صح و إلا لا؟!!!

رواد يمسح الخبطة بألم: أححح ماهي هذه يدك تقولي إلا يد شقااااه

أسيناد كانت بتضربه: أيششش قلتتتت؟!!

رواد رفع يده: خلاااص ناااهي فهمنا ما عاد بدخل غرفة الملكة

رواد وطأ صوته وبإهتمام: من هذه اللي تبكي هكذا من مات عليها

أسيناد بدأت تعصب: روااااااد!
أستوعبت: أنت مش كنت خاطي الشغل؟! أيش جاابك؟

رواد: يااختتي أيش دخلش يخ

خطى للشغل وحسه وباله عند هذه البنت اللي جالسة تبكي
.
.

في بيت نجيب

نجيب مهمووم: أماااه

أم نجيب: ها يبني أيش فيك تحتاج شي

نجيب: يمااه قوى قوى يماااه روحي شوفي لي رواان راضيها وراسي لها

أم نجيب: سلامة رأسك ياابني بس مستحيييل بعد كل اللي عملته بروان عاد ترضى ترجع لك وين.......


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

16 февраля 2025 19:09

.

البـارت 307 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


خرجت وشافت آسيا تبكي بحضن يزن وأم هاني راحت تكلمها

داليا قربت من إياد: هذا البكاء كله ليش؟؟ لأنك مش قادر تسامحهم، او لأن أمك بتقول لك هذا الكلام وأنت بحاجه أمك؟؟

إياد مراكم لداخله: داليا خلاص

داليا بإصرار: لا مش خلاص أنت تبكي لأنها أمك ولأنك أنت بحاجتها الآن وبحاجة إنك تحضنها  بس أنت تكابر على نفسك وتقول ما بتسامح ولا أنت بنفسك تسامح

عصب إياد بقووه من كلامهاا: لاا مشش صحح أنا بكييت على نفسي وعلى حاااالتتتي وعلى اللي فعلووووه فيينيي وفي أخيييي يزن إذا كاان يزنن ساامحهم فأنا مستحيل أسامحهمم على كل شي عملوه بحقي وحق أخي يزن وحق أمي سحر وأبي

راح و ترك داليا، وداليا جلست وهي تبكي وتدعي بقلبها إن الله يجمع شملهم ويبعد عنهم كل هذه المشاكل والهم

@rewayatyamania المصدر الأول للروايات

في بيت الحج صالح

آسيا روحت من بيت أبو هند هي وأمها وهي مكسوورة مدمرة من كلام أخوها اللي جرحها جددداً ووجعها ما توقعت إن هذه ردة فعل يزن "إياد " إللي تتمنى تتعرف عليه من سنين وتقول عنه أخوها وأعترفت فيه لوحده وعكس أخوها إياد " يزن " ، إللي واقف معاها ويحبها،، طلعت آسيا لشقتها مكسووورة وعلى دخلتها لشقتها سمعت كلام حسام

حسام: وهذا كل اللي حصل الكل يدور على سارة وإن شاء الله نحصلها والبيت حالتهم حالة المهم أنتي ياروحي كيف حالك يا عيوني طمنيني عليش...

آسيا حمروا عيونها وما أستحملت داهمت الغرفة بقوة ورزعت الباب لما حسام نكز

آسيا بغبببنة: أنا بطمننك علييهااا يا حسام
وهزرت التلفون من يده وغلقت...
 
آسيا وصلت لحدها من كل شي من الكتمان ، من المشاكل ، من التراكمات ، من إهمال حسام لها وأنانيته ، من كسرة يزن " إياد " لها إنفجرت ما عاد إتحملت كلام حسام ورفأ ما عاد قدرت تتحكم بأعصابها

آسيا بصياح و عصبية: أيششش دخلك تكلم رفأ عن مشاكلنا هااااه؟! من تكووون قليييي من تكوووون؟!  من هييي تخليها جزء يعرف مشاكلنا العائلية، مشاكلنا ما تخرج لأحد، وأنا ساااكتة لك يا حساام، بالمستشفى بلعناها توصل فيك البجاحة أنت وهي لهنا يا شيخ عيب عليك ما ناقشت مشاكلنا معي!!!! تروح لعند رفأ ما تطمنت علياااا أنا وأنا المكسوووورة أنا هم أهللللييي مش أهلهااا اللي بهذه المصايب وبدل ما تطمن عليااا تروح تطمن عليها!!!!!! أنا أسكت لك وأنت تزود بها

حسام يقاطعها: آسيا.....

آسيا بصوت أرفع:  آسيا أيييييش أيششششش!!!! أنا سكت لك عشان عيالي و أنا بكل لحظة أقول حسام بيتغير حسام بيقل لكن لااا لاااا

سكتت شوية ومسكت راسها وببكاء:  أنت أنت وعدتني بعرسنا أنا شتغير أنا شتصلح، أنا رجعت إنسان ثاني لكن لا ، أنت أنت مكانك حسام ما تغيرت أنا اللي إنخدعت فيك أستغلييت ضعفي لا أب ولا إياد اللي كان السند اللي أرتكي عليه إيااد رااح وأنت أستغليت نقطة ضعفي

رفعت أصبعها لعند صدره: أنت إنسان أناني ما تحب إلا نفسك وهواءك، أنا سكت وقلت يلا إياد جاء وقلت بتخارج منك بس أشوف إياد من مصيبة لمصيبة، تحسبني بجلس أسكت لك لمتى؟!!!!  سكوووتي هو اللي خلاااك تتمادى معايا لكن مش لهذه الدرجة يا حسام أنا مفلتة لك البيت أقسم بالله ما عاد انا جالسة لك ببيت وما عاد انا راجعة لك أبدددداً وأنت بتشوف آسيا الجديد ولا أنت ولا جدك عاد بتقدروا تجلسوني وأتحمل غثااااك

حسام مسك آسيا وبخوف لا تروح منه: يا آسيا أنا فدالش خليني أفهممك

آسيا هزرت يدها: أيشششش تفهمننننني أيششش تقولي مثلاً ما عرفت أشكي لك رحت أشكي لحبيبتي!!!! شي مثل عين الشمس خيااااااانة خياااااانة جعلني أعدممممك وعادك تشتي تبرر شوووف شوووف أيششش يحصصل مع عيال خالي طه كللل مشاااكلهم من الخياااااانة هع خلاااص يا حسام خلاااص اللي بيننا إنتهى وإلا والله ثم والله يا حسام لأخلي حياتنا مثلهم وأخس وأنت بتشوف فخلي لي حاااالي

حسام بترجي وللحظة أدرك خوفه من خسارتها: جيبي لي فرصة فرررصة أشرح لك

آسيا تشنجت وبكل عصبيتها ضربته بصدره: أصصصصص أصصصص فرصصصة أيششش
وبضحك ممزوج ببكاء: جبت لك فرص مش إلا فررصة مرة ومرتين وثلاث وعشر علشان أحمي علاقتنا
وبعتاب: كم مرااات أحتجتك فيها يا حساام وخصوصاً بفترات حمللي ماحسيت فيها إنك زوجي لكن لا ما تحملتني ولا وقفت معي لأنك أناني رحت تدور على الحنان إللي ناقصك أتخيل حتى عيالك عمرك ما مسكتهم معي لو بكوا تسكتهم ، لاا كل شي عليك يا آسيا أنا كل شي فعلته لحالي لحااالي وأنت ماشاء الله عليك لقيت اللي يسلي عليك أشتيي أعرف حاجة واحدة رفأ هذه اللي تلجأ لها بكل وقت هل هي اللي حملت لك عيالك، أو هي اللي ربتهم، وسكتتهم لما بكيوا وإلا وقفت على رأسهم لمن مرضوا؟!!!......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

16 февраля 2025 19:08

.

البـارت 305 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


جاء رواد ونصبوا الخيمة الثانية توزعوا الرجال وخزنوا مع أهالي الحارة بدؤوا يرصفو السيارات بعد بعد لما وصلت للحارات الثانية عشان يفتحوا طريق وعيال الحج صالح وأحفاده جلسوا بالمخيم ما رجع إلا حسام والحج صالح عشان ما يكونوا النسوان لحالهم ويزن وهاني راحوا للشرطة مافيش أي خبر

ومر يومين وهم يدوروا سارة صباح وليل والعصر يتفضوا لقضية رانيا وياسر مع إرهاق عائلته من المشاكل جاب طباخين وما سمح لحد يصرف فلس واحد حتى أبو رانيا وهاني بنفسهم لأنه هو اللي طلب هذه القبائل وأعمام همدان عرفوا بمقتل بيان وخبوا الموضوع عن أبو همدان وهمدان وزياد عشان مشكلة رانيا إعتذروا من هاني وياسر وراحوا يدفنوا والدنيا مقلووووبة قلب
.
.

في المستشفى

أبو روان: أيوة لكن أيام تشتي تكلمني بموضوع وما كلمتني من المشاكل

أبو همدان: أيه والله قصة بنات طه أشغلتنا المهم يا صديقي الغالي أنا من زمان وأنا أشتي أكلمك بموضوع مهم وأطلبك طلب

أبو روان: قول وأعتبره تم

أبو همدان فرح: قول وعد

أبو روان بدون أي تردد: وعد

أبو همدان عدل جلسته: أشتي أطلب منك بنتك نجاة لإبني زكريا

تغيرت ملامحه على طول وبأقل من دقيقة العرق ملأ وجهه وأبو همدان ركز وإقتهر من ملامحه اللي تبين جوابه وأبو روان ندم إنه إستعجل ووعده

أبو همدان: كامل مالك ساكت؟

أبو روان وقف وبرفض تام: لا طلبك مرفوض يا عبدالله أنا بنتي مش ناوي أزوجها

أبو همدان وقف مصدوم من ردة فعله ماعاد قدر يعاتبه بالكلمات بس عاتبه بالنظرات خرج و هو مصدوووووم كيف أقرب الناس له رفض طلبه بينما أبو روان جلس على مكتبه فتح أزرار شميزه وبدأ يأخذ نفس بصعوبة ويده ترتعش شل قلص ماء وشربه

أبو روان: ايش هذه المصيبة أيش اللي تختبرني فيه يارب شكل الحقيقة قربت شكلها قربت بيعرف أكيد بيعرف من رفضي إن نجاة بنته


عند أبو همدان

دخل مكتبه مقهوووور حبه لنجاة كبببيييير لدرجة يشتيها تكون زوجة واحد من عياله ما قدر يتحكم بقهره مش قهر رفض طبيعي هذا قهر رفض من صديقه وأقرب الناس له رفض يجيب بنته لولده هو بقلبه مكانة كبيرة لنجاة

@rewayatyamania المصدر الأول للروايات

في بيت الحج صالح

أم إياد شافت يزن: إياد شلني لعند أخوك يزن أتعرف عليه وأكلمه ، تعرف كنت بروح له من قبل ، بس مع المشاكل والظروف الذي وقعت هذي الأيام ما قدرت أروح

آسيا حطت وِد: أيوة وأنا كمان أشتي أتعرف عليه من زمان الله يأخذ كل اللي حصل وما خلانا نقدر نلتقي به

سكت يزن شوية يفكر وهو أصلا مشغول كثير بإختفاء سارة وخايف عليها كثير

آسيا أشرت له: إياد بتودينا!؟؟

يزن صحصح: أيوه أيوة تجهزوا ويلا بشلكم لعنده

تجهزوا ونزلوا وقد يزن شغل السيارة طلعوا وتحركوا
.
.

في بيت أبو هندد

دخل يزن ومعه أم إياد وآسيا ، إستقبلهم إياد وداليا وأم هاني

الوضع متوتر بقووه والكل متوتر وأم إياد مش عارفه أيش تقول أو أيش تتكلم وكيف تبدأ بالكلام مع إياد

وإياد واقف ويشوف للحوش من الطاقة

أم إياد بتردد: كيف حالك يزن يا إبني

إياد يشوف للحوش: ......

أم إياد إقتهرت: عارفه يا إبني إنك زاعل مننا، وبرأسك إن كلنا مانشتيك بيننا ، أو إننا راضيين باللي يعمله جدك ، بس لا يا إبني ، يشهد الله عليا إني أعتبرك مثل إبني وغلاوتك من غلاوة أخوك إياد ، حتى بفترة ظروفك وبوقت كنت فيه مسجون كنت أدعي لك كثير وأهمك كأنك إبني اللي أنا خلفته ، وأنا حسيت هذا واجبي ، لأن أمك ما قصرت بحق إبني وأنا ما بقصرش بحقك، يمكن أنت تفكرني مثل ما فكر إياد في البدايه إني أنا فلته وبرضايا بس لا هذيك كانت غلطة عمري ودفعت ثمنها سنيين وسنيين من عمري، ولكن أنا هذه المره بصحح الغلطة، وبتكون أنت أبني مثل ما كانت سحر أم لإبني إياد

ما تحمل إياد وبكى بقوة من كلامها حاول ما يطلع صوت بكاه وبسرعة مسح دموعه، وإن هذا الكلام طالع من أمه الحقيقية ، بس هو مش قادر يتقبل ، مش قادر يتقبلها ، صوت بداخله يصرخ " طيب أنا إبنك أنا إبنك إللي تركتيه وفلتيه وما كنتي معه في أكثر الأوقات إللي إحتاجك تكوني جنبه فيها....

إياد بقوة: تشتي تكوني أم لي؟؟؟ تشتي تكوني أم ليزن؟؟ جايه تقولي إني بكون أمك بتكوني أم لإبن سحر وأنتي حتى لإبنك الحقيقي ما قدرتي تكوني أم له ؟؟؟؟؟؟ مافيش عذر بيغفر لللك مافيش عذر بيغفر لك عندي ، لو غفر لك إبنك ، إيااااد إبنك اللي تركتييه وما كنتي معه في أصعب أوقاته، ما كنتي موجوده وقت إحتاجك، وقصرررتيي بححقه كثيييرر، تجي تقولي أنا معك وأنا أمك وما بقصر بحقك وهذا واجبي وووو أنتي ما أديتي وااجببك مع إبببنكك،  أنتي قصرررتي بحق إبنكك كثيير، إنتي تركتي أبنك لغيرك.ِ.....


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

16 февраля 2025 19:07

.

البـارت 303 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


موكب السيارات تتوقف سيارة بعد سيارة حصل إزدحام كبيييير في الحارة وكل أهل الحارة تجمعوا نزلوا الكل ومشيوا بعد الحج صالح اللي على يمينه ويساره عياله وشيوخ كبااار والشباب وكلهم مسلحين وأول ما شافوهم عرفوا إنهم جوا لعند أبو الهنوف وأبو الهنوف شافهم وإقتهر من الحشود الكبير إللي بيحرجوه

شيخ الحارة طلب منهم يدخلوا للخيمة وفعلا دخلوا للخيمة وإمتلت ماعاد فيش مكان إلا مكان ممر لو حد يشتي يخرج من قوة الحشود رغم الخيمة كبيييييرة جدا لأن رواد عرف إنه في حشود قبائل كثيرة بالإضافة للناس اللي حشدهم فعمل إحتياطه رغم ذلك الحضور أكبر لدرجة من شاف ما صدق أطفال الحارة ماعاد قدروا يلعبوا من زحمة السيارات الطرق في الحارة تغلقت نهائيا وصل رواد وجماعته ب ٧ سيارات ماعاد عرفوا فين يوقفوهم وقفوا في الحارة الثانية ومشيوا رجل وقبل الدخول بالموضوع دخل رواد برفقة جاهه وناس كبار وعلى يمينه فيكتور

ياسر شاف رواد وجماعته وإبتسم: والنعم

هاني فرح: والله والنعم هذا الآدمي لبس حسام رجع اخ ونعم الأخ لنا

يزن ضيق عيونه: اللي جنب رواد كأنه معروف؟

إياد وقف بصدمة: فيكتور؟؟؟

ياسر وقف: مستحيل كيف فيكتور!

يزن وقف بعدهم مش مصدق ولا مستوعب: والله إنه فيكتور

ياسر بدأ يركز: هذا أيش جابه من متى وهو هنا

إياد خاف من الفيديو: مستحيل لا لا مستحيل فيكتور رجال

جلس من الخوف من اللي بباله وياسر ويزن خرجوا بسرعة صليه

فيكتور فرح: يزن ياسر إياد

رواد شافه وإستغرب: من أين تعرفهم؟

هاني شاف إياد: من فيكتور هذا

إياد: صاحبنا في أمريكا

رامي: أيش جابه؟

إياد سكت وبينه و بين نفسه: لا أبدا فيكتور ما يفعلها لا هو حما داليا بغيابي وهو حافظ على شرفها بس أيش جابه؟

يزن حضن فيكتور وبعده ياسر وفيكتور حضنهم مش مصدق إنه وصل لهم قبل ما يراسلهم

رواد: أنتوا من وين تعرفوا بعض؟

ياسر: من أمريكا هذا صاحبنا وأخونا

رواد إبتسم: والنعم لي الشرف إنه وصل لعندي

يزن: يا محاسن الصدف

دخلوا وجلسوا مع بعض بدؤوا يتكلموا وفيكتور مش فاهم أي شي

@rewayatyamania المصدر الأول للروايات

في بلاد همدان

إبن أخ الشيخ: يا عم في مشكلة بصنعاء طلعوا أخوة الشيخ عبدالله والقبائل عشان يوقفوا مع الشيخ عبدالله

الشيخ عبد الرحمن: أهااااا الحشود عشان يوقفوا مع قاتل حفيدي

إبن أخ الشيخ: هذه فرصة للإنتقام

الشيخ عبد الرحمن: ما قصدك؟

الشيخ بكر إبن الشيخ عبدالله: يعني وقت أشل بدل دم إبني

الشيخ عبد الرحمن: كييف بننتقم؟؟

إبن أخ الشيخ: يعني تقتل بنت الشيخ قائد اللي مسك المشيخه بعد هروب الشيخ عبدالله

الشيخ عبد الرحمن عصب: وأيش دخل البنت وإحنا إنتقمنا زمان وقتلنا بنت الشيخ عبدالله

الشيخ بكر: ياباه بعد مقتلها أخوها همدان قتل أخييي

الشيخ عبد الرحمن عصب أكثر: هم يقتلوا رجال وإحنا نقتل البنات ونغدرهم غدر

إبن أخ الشيخ: يا شيخ أنت سلمت مشيختك لإبنك بكر بس هذه سمعة إبنك ما قدر يشل حق أخوه من همدان

الشيخ عبد الرحمن: يشل إنتقامه من همدان مش من بنت الشيخ قائد

الشيخ بكر وقف: لا بشله من بنت الشيخ قائد لأن هكذا بنتقم من همدان مش من الشيخ قائد

الشيخ عبد الرحمن: أيش دخل البنت؟

إبن أخ الشيخ: يا عم كل القرية تعرف حب همدان لبنت الشيخ قائد وخطبتهم موقفة لما يشلوا بدم أخوها مننا

الشيخ بكر: أيوة ياباه وأنا بحرمه من البنت اللي يحبها مثل ما حرمني من أخي

خرج وإبن أخ الشيخ إبتسم إنه قدر يولعها والشيخ بكر راح صلا الجبل لكن لفته وجودها

الشيخ بكر إبتسم: هذا اللي يقولوا عنه الحظ السعيد

خلس صنادله (عزكم الله) وبدأ يمشي بخطوات بطيئة من مسافة بعيدة

إيمان: وما طلعوا صنعاء يسووا؟

بيان: قال أبي ، صاحب همدان معه مشكلة خطيبته قتلت مرة أخوها ومحكوم فيها إعدام الآن يحاولوا يخلوا أبوها يعفي بدية

ايمان: أووووه والقهر، وأنتي أيش مصيرك مع همدان بتجلسوا معلقين لما تشلوا دم أخوش ؟؟

بيان مقهورة: أنا راضية المهم دم أخي ما ينسكت عنه وهمدان صابر وواعدني ينتقم لأخي

إيمان: بس هو قد إنتقم وقتل أخو الشيخ بكر

بيان إلتفتت لها: اللي قتل أخي هو الشيخ بكر وبغير دمه مااشتيش

إيمان إقتهرت: همدان يحبك يا بيان لا تثقليها عليه

بيان جلست وحطت الجرة: خلينا نربخ شوية

إيمان جلست جنبها: .......

بيان بحب كبير لهمدان: أنا ما ثقلتها عليه بس همدان واعدني بدم الشيخ بكر للإنتقام، والا أنا منتظرة زواجنا حبي لهمدان كبيييير كبيييير وشوقي له يذبحني يا إيمان بس همدان الآن بخطر كم من شيخ يشتوا رأسه بكلم أبي يعقد لنا بصنعاء مااشتيش عرس ولا اشتي شي يكفيني أعيش معه بأمان بعيد عن الثارات......


/channel/+Ecxq_OzMYh40M2E0



📚 @rewayatyamania  🇾🇪

روايات يمنية📚🇾🇪

16 февраля 2025 19:05

.

البـارت 301 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


أبو روان إبتسم وأشر بمعنى أيوة وراح  وحسام دخل قال لهن يتجهزين واخذ طريق وخرجين لبيت أبو روان وياسر بدأ يتواصل مع الشباب

همدان: لا اليوم قبائلنا ضيوفنا بنجي بعد الغداء

ياسر: لا وعزة جلال الله أنهم ضيوفنا كم بتغدوا ضيوفكم وضيوف أمير وأنت تعرف أمك لوحدها والله إنه الزعل منك أنت وأمير والله

أبو همدان قال لهمدان خلاص يوافق وفعلا وافق همدان وياسر إتصل لزياد ونفس الخبر مع الكل وتحركوا وبدأت الحشود لبيت الحج صالح وإمتلأ

يزن حسه عند سارة: هذولا كلهم فين بيخزنوا؟؟

رامي: أنا من رأيي نفعل خيمة اليوم للتخزينة

حسام: هذا الحل المناسب

أبو هاني: الضيوف كثااار لو يفتحوا كل بيوت الحارة ما تكفي

الحج صالح: إفعلوا خيمة كبيرة

هاني: أنا بكلم رواد

ياسر: خليه يرسل حسابه لعندي عشان أحول له فلوس الخيمة

الحج صالح: مش كل شي عليك الخيمة على حسابي

ياسر بهدوء: هذولا ضيوفي يعني كل شي عليا

محد حب يعانده لأن العناد معه الآن بيسبب مشكلة

خرج هاني تلفونه وفهم رواد كل شي ورواد جنن من قصتهم ترك كل العرسان وسلمهم لصاحبه بالشغل وأخذ أكبر خيمة طلب من عمال ينصبوها في حارة أبو الهنوف وراح

@rewayatyamania المصدر الأول للروايات

في حارة أبو الهنوف

الكل مستغربين أيش الخيمة اللي تتركب الآن ومافيش أي عرس أو مناسبة بالحارة سألوا العمال قالوا ما يعرفوش
.
.

في الفندق

دخل رواد جناحهم بعد ما خلص إتصالاته وطلب من ناس كبار يجتمعوا بعد الغداء

أم رواد: مالك اليوم مش بشغلك؟

رواد يقلب ثيابه: معانا مشكلة يمه كلمي أسيناد تكوي كوتي بخرج وأرجع

أسيناد دخلت عنده: أي كوت؟

رواد مسك خدها وقبصها: شياكتي اليوم عليش أشتي أكون شيخ الشيوخ

أسيناد عقدت حواجبها: عتخطب من ورانا؟

رواد إبتسم: لا بس اليوم عنخزن مع قبائل كل قبيلة أعسر من الثاني المهم اليوم أكشخ على ذوقك

أسيناد: ابشر كم معي رواد أنا

رواد حبها ومشي: يلا أنا بتروش

أسيناد مسحت خدها: حبة المصلحة
.
.

في بيت الحج صالح

ياسر: خلونا نروح نشوف مركز الشرطة لو في خبر عن سارة

يزن دخل: إجلس بس مافيش أي خبر

ياسر إقتهر: نخرج كلنا ندورها نخرجها من تحت الأرض

هاني مسك كتفه: إرتاح وخلينا الآن بمشكلة رانيا هي كمان تحتاج لمخارجة

حسام جلس جنب هاني: هاني مالك؟

هاني بقهر: وأنا اقول خلينا بمشكلة رانيا حسيت وكأني نذل أفكر بأختي ومطنش الثانية

حسام يهديه: أنت ما أهملت ولا طنشت سارة أنت ما رقدت حتى أنت ويزن ورامي وياسر وأنتم تدوروا عليها

يزن حاسس بهاني: الآن نروح نحل مشكلة رانيا وبنرجع ندور على سارة

ياسر بهمس: يزن سارة ما تتركها دور عليها أنا بكمل والحقكك

يزن بقهر: لا يا ياسر أنت ما تفلتني ولا دقيقة وأنا ما بفلتك اليوم بإذن الله اليوم محلولة بعدها بدورها بخرجها من الأرض السابعة لو كانت فيه

ياسر إقتهر ما عرف على من يزعل بالضبط على رانيا أو هاني أو سارة أو يزن أو يزعل على نفسه سمع صوت سيارات وأمير إتصل

ياسر وقف: جوا الرجال

الكل خرج يستقبلوا لحضور كبييير وسيارات ملت الحارة وأغلقت طرقها قبيلة بعد قبيلة من الخط العام للحارة وقبيلة الحج صالح كلهم خرجوا والكل مسلحين يستقبلو بقية القبائل

حيا الله الرجال..... حياكم الله يا رجال الرجال...... أرحبووو والنعم بالقبائل...... يا مرحب بالشيوخ..... حياكم الله على الرأس والله...... الخ.......

الرجال متوزعين على أرصف الحارة والموكب كبيييير جدا كل قبيلة تنزل تسلم على قبيلة وياسر ويزن وهاني وحسام ورامي يرحبوا لما وصلوا همدان وقبيلته همدان وقف معاهم يرحب كذلك أمير وزياد وأبو روان وكل رجال الحارة من شاف هذا الحضور المهيب خرج ووقف معاهم ،

دخلوا الكل لبيت الحج صالح وما كفى فتحوا بيت جارهم اللي جنبهم وهو كبير جداً وتوزعوا الشباب على البيتين وأبو هاني في بيتهم وأبو ياسر في بيت جارهم
.
.

في بيت أبو روان

يطبخين وكل واحدة حالتها أخس من الثانية ماعاد عرفوا من وين يلقوها

آسيا نزلت دموعها: نص الشعب اليمني جاء أكيد بيعفي عن رانيا صح؟

روان بقهر: إن شاء الله

نجاة جلست وغطت عيونها وبكيت: ياالله رحمتك بصاحبتي يارب ياالله رحمتك برانيا وسارة

داليا مسحت دموعها: مش وقت البكاء خلونا ننجز

أم إياد حسها عند أم هاني: الله يكون بعون قلبك يا هاجر
.
.

في الظهر

بدأ تقديم الغداء حصلت وليمة كبيييرة أكبر من أي عرس ممكن ينشاف ولكن أهل بيت الحج صالح محد قدر يذوق لقمة من همومهم كذلك ببيت أبو روان ولا واحدة أكلت إلا آسيا غصبوها غصب عشان بنتها أكلت شوية....
.
.

في السجن

رانيا إرتزحت بتعب ووجع إبتسمت لما شافتها.......




📚 @rewayatyamania  🇾🇪

روايات يمنية📚🇾🇪

15 февраля 2025 20:19

.

البـارت 300 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


الحج صالح إكتتببدد من كلام إياد اللي جلطه: مالك أنت الثاني؟

أبو ياسر بسخرية: قبيلتك اليوم ما نفعوك حتى بإنقاذ حفيدتك بنشوف لو بكرة بيقدروا
.
.

وقف هاني ونزل ويزن وقف بعده ونزل هو والشباب وإياد بعدهم ودخلوا لقسم الشرطة

الضابط متعاطف جداً مع قضيتهم واللي عاشوه: ها هاني أأمر في شي؟

هاني بإحترام كبير له: ما يؤمر عليك ظالم جيت عشان قضية الهنوف

الضابط بإهتمام: قول

هاني: أنا ولي أمر الهنوف والوصي عليها قبل أبوها حتى

الضابط: أيوة طبعاً شي معروف

هاني بجدية وبدون أي تردد: أنا أعفي عن رانيا ومتنازل عن قضية قتلها

الشباب كلهم فرحوا وجاهم أمل كبير وأولهم ياسر

الضابط تنهد بقهر: للأسف يا هاني أنت ما تقدرش

هاني بقهر وهدوووء: ليش؟؟

الضابط: أولاً لان حصل بينكم مشاكل مسبقة وخيانة زوجتك ثانياً لأن المتهمة هي أختك فرفع عليك القلم من القضية هذه لأن طبيعي أي شخص ما بيسمح بحكم إعدام لأخته

قبض قلبه من شدة الألم واليأس وقف وخرج واليأس داهم الجميع جلس في الأرض قدام المركز وملامحه شاااااحبة

يزن جلس ومسكه: بنلاقي لها مخرج يا هاني

هاني شبه ميت: ما قدرت أنقذ ولا واحدة منهن أنا بس بالإسم أخ لهن ولكن بالفعل أنا ولا شي، الأخ هو سند أخته وظهرها يحميها بس أنا ايش لا رانيا ولا سارة ما قدرت أنقذ واحدة منهن
وبحرقة أحرقت صدره: كنت أدفع روووحي عشانهن لكن وقت الجد ووقت هن بحاجتي أنا ما قدرت ما قدرت أكون لهن الأخ ما قدرت أحميهن كل واحدة منهن بخطر وأنا من شارع لشارع مش عارف على من أقلق أكثر أو حتى.....

يزن وقفه: هاني وحد الله ياأخي

هاني غمض عيونه: لا إله إلا الله

يزن: خلينا نقوم نروح الآن وبنحصل سارة ونخارج رانيا بس الصبر ياأخي الصبر

ياسر مقهوووور على سارة لكن يراقب يزن منتظر متى يستوعب وأيش نهاية التبلد اللي يحسه الآن بنفس الوقت عيون إياد على يزن منتظر للشي اللي منتظر له ياسر وروحوا وإياد روح لبيت عمته

@rewayatyamania المصدر الأول للروايات

في بيت أبو هند

أم هاني فتحت الباب ومسكت إياد وإياد خاف من ردة فعلها لما شافته

إياد: أيش في يا عمة؟

أم هاني تبكي: إستحلفتك بالله يا يزن أستحلفتك بالله تقول لي أيش في أيش حصل رانيا ما رضيوش يتنازلوا أيش في سارة صح سارة حصل لها شي؟؟ إبنها مات؟؟ هي خرجت من الخطر؟ لا زاد حالتها خطر صح؟؟ هاني أكيد هاني حصل بهاني شي هدووئه مش مطمني أنا دارية يكتم داخله دارية أكيد هو صح يا يزن صح؟؟

إياد إقتهر على حالة عمته الهستيرية وبكاءها وهو يشوف لخوفها على كل عيالها أي مصايب نزلت عليها مرة واحدة تبخرت قوته وفلتت أعصابه حضنها ولأول مرة يحضن شخص من العائلة اللي يكرهها بس حالتها تضعف الحجر بدأ يهديها ومش عارف كيف يكلمها وإذا كلمها بيقتلها اللي فيها مكفيها

إياد يهديها وبحنية: أنا فدالش يا عمة إهدئي عشان أكلمك إهدئي

أم هاني بدأت تلقط انفاسها بكت بحضن إياد لما إرتاحت رفعت رأسها ومسحت دموعها

أم هاني: قول من مِن عيالي؟

إياد بتردد وخوف عليها: سارة

أم هاني شدت على يده: مالها سارة مالها؟

إياد إرتجفت يده مش قادر يتكلم وأم هاني ركزت وقلقت

أم هاني تغيرت ملامحها لملامح الخوف: مالها يا يزن؟

إرتجفت شفايف إياد وبتردد: مختفية

أم هاني تركت يده وملامحها ما تغيرت

إياد بسرعة: بس بيدورها بيحصلوها الكل يدور عليها يا عمة والله لحصلها لش والله وعد وعد يزن يا عمة

أم هاني وقفت حست الدنيا تدور مشيت خطوتين وفقدت وعيها وإياد مسكها وسحبها لغرفتها رش عليها ماء لما صحيت

أم هاني نزلت دموعها: بنتي راحت

إياد سكت وهو مقهور عليها

أم هاني بهدوء لكن داخلها عواصف وأنهيارات: راحت الرووووح
.
.

في صباح اليوم الثاني
قدام بيت الحج صالح

الحج صالح: البيت ملان والبنات مش قادرات يتحركين كيف بنسوي

أبو روان سمع: سلام الله عليكم

الكل: وعليكم السلام

أبو روان: يا حج صالح لا تقلق بيتي بيتك قول لهن يجين البيت ويطبخوا عندي وأنا بكون عندكم وهكذا ياخذوا الكل راحتهم

أبو ياسر: والنعم والله

الحج صالح إبتسم: رجال إبن رجال وأخ رجال تم

أبو روان: اليوم الغداء علينا ضيوفنا وضيوفكم

أبو طه: ضيوفك

أبو روان: دعيت قبيلتي والقبائل اللي نعرفها عشان نروح اليوم معاكم عشان هكذا غداء الكل عليا اليوم

ياسر حلف: لا والله الكل ضيوفي أنا وأنا بغديهم

أبو روان: بس قد جهزنا أنفسنا وإتقضينا من أمس خلاص علينا

ياسر: فوق عيني بس تم ولا نردك باقي قبائل كثيرة جايين والغداء اليوم علينا وعليك

أبو روان إبتسم وأشر بمعنى أيوة وراح  وحسام دخل قال لهن يتجهزين واخذ طريق وخرجين لبيت........


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

15 февраля 2025 20:18

.

البـارت 298 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


أبو روان: أيوة معروف قتلتها بسبب مشاكل

همدان: أيوة وجوا قبيلتهم كلها ووقع حشد كبير أنو يتنازلوا عن القصاص بدية بس أبو الهنوف رفض عشان هكذا جيت أكلمك ياباه أنا بتواصل مع أعمامي يجمعوا قبيلتنا ويجوا

أبو همدان إقتهر على مشاكل بيت الحج صالح: أنا بتواصل معاهم وبنحشد أنت تواصل مع اخوالك وانت يا زياد

زياد: أنا بتواصل معاهم الآن

أبو روان: وأنا بتواصل مع قبيلتنا أما أهل زوجتي مااقدرش أتواصل معاهم بسبب مشاكل بنتي روان بإبنهم خلاص بإذن الله نفعل تجمع قبائل يطرح أبو الهنوف تحت الأمر الواقع

الكل: إن شاء الله

كل واحد بدأ يتواصل مع شيوخ قبائلهم وشيوخ القبائل تواصلوا مع بقية المشايخ والكل لبى الطلب
.
.

في بيت عم أمير

عم أمير: أبشر بعزك يا أمير ومن كلامك عن العائلة أنا كلمني أبوك من قبل إنك تقدمت من هذه العائلة من قبل

أمير بصراحة: بصراحة يا عم البنت المحكوم فيها إعدام هي نفسها اللي كنت تقدمت لها

عم أمير إقتهر: أيش قلت، أمير كون صريح معي أنت تحب البنت هذا واضح جايي تطلبني وقلبك مكسور خايف عليها ليش وقفت الخطبة تكلم

أمير يحب عمه قوي وكلمه بكل شي

عم أمير تنهد بقهر: رجااال والنعم كسرت قلبك وخبيت ما فيه لكن أبشر هذا الطلب كنت بلبيه بحكم القبيلة بس الآن بلبيه عشان أخارج البنت اللي حبها إبن أخي

أمير إبتسم وعم أمير إتصل لقبيلتهم وشيوخها وامير خرج راح بيت أخواله

@rewayatyamania المصدر الأول للروايات

في بيت اخوال أمير

خال أمير الكبير: هاه أمير قول أقلقتنا من لما إتصلت أيش الموضوع المهم

امير: فزعتكم يا خال وبيضوا وجهي مع أهل صاحبي

خال أمير الصغير: وجهك أبيض من يومه قول أيش طلبك؟

أمير: أخت صاحبي قتلت مرة أخوها بالغلط والحكم مقاصصة إعدام نشتي نحشد قبائل ونطالب أهلها بالتنازل عن القصاص بالدية

خال أمير الكبير: لا حول ولا قوة الا بالله، الله المستعان أبشر يا أمير أبشر بقبائل عسرة

امير: والنعم فيكم الآن خاطركم بروح أكلم أصحابي يجوا مع أهاليهم ونروح بجاهه كبيرة
.
.

عند يزن وهاني

يزن مسك رأسه: الآن أي طريق نروح

هاني ضرب الدركسون بقوة: خلاص مخطوووفة واضحة واضحة

يزن ماسك أعصابه: خلينا نروح صلا البيت نتأكد

هاني جنن: مش في البيت مش في البيت اللي خرجها ما نعرفه والسيارة مش سيارة أي حد من البيت

يزن ما يشتيش يقلق هاني بخوفه: خلينا نروح نشوف لو حد عارف شي

هاني لف بالسيارة وراح صلا بيتهم
.
.

عند سارة

سارة بتعب: أيش جابنا لهنا يا عم وأيش اللي قلت بتوريني

قبل ساعتين

أبو أسامة يراقب هاني ويزن ضبح إنتظار يروحوا شاف الدكتورة طلبت من يزن يجيب أدوية وهاني يروح يدفع تكاليف الفحوصات ويجيب السندات شاف الكل راح حتى الدكتورة دخل لعند سارة وهو برأسه خطة كيف يخرجها بس سهل عليه الوضع لما شافها فتحت عيونها

سارة بعد ثواني إستوعبت الموجود: عمو

أبو أسامة قومها: سارة تعالي معي بوريش شي فعله أسامة عشانك

سارة بقهر: مااشتيش ما يهمنيش أسامة يا عم ولا اللي فعله عشاني قد خانني مااشتيش أشوف شي منه

أبو أسامة: سارة عشان عمك هذا آخر طلب من أبوش الثاني تعالي معي لأني أعرف هذا بيريح أسامة في قبره

سارة أشرت بمعنى تمام إحترام لعمها لا آكثر، ساعدها تلبس بالطو وطرحة والبرقع وخرج وهو منتبه على تنكره بملابسه الوسيعة والكوفية منتبه لا يرفع رأسه عشان لا تلقطه الكاميرات

في الوقت الحالي

أبو أسامة: ادخلي وشوفي

سارة أشرت بمعنى تمام ودخلت شافت هنجر فااااضي وبااارد

سارة إلتفتت له: أيش هذا؟

أبو أسامة مسكها وجلسها ترتزح على العمود: أنتي إرتاحي الآن بوريش

سارة جلست وبدأت تقلق وتخاف وحست في شي مش طبيعي شافت عمها دخل جيبه خرج يده وهجم عليها بسرعة حاولت تدافع بس ما لحقت إلا ويده حول أنفها تخدرت وغمضت عيونها

"الواقع اسوأ من ما تظن، فهو اسود من ليل غاب فيه القمر، واخبث من قلب شيطان"


أبو أسامة رجم المنديل بخوف: كان المنديل عشان هاني اللي قتل إبني بس جاء من حظك دام صحيتي من غيبوبتك

ربطها وشد عليها بقوة: حفيدي لي، بضطر أخليش عايشة لما تولديه بعدين بتصرف معش وأقتلش بعد أخوش ، بسببكم مات إبني ووحيدي

وقف وخرج شغل سيارته وتحرك

أبو أسامة: الآن خليني أشوف لك طريقة يا هاني
.
.

في بيت الحج صالح

هاني ويزن دخلوا شافوا البيت مليان دوروا على الشباب كلموهم يكلموا البقية يجتمعوا

الكل مجتمعين في الصالة

أبو هاني: أيش في وليش فلتوا سارة لوحدها بالمستشفى

يزن بخوف: فلتنا سارة؟

أبو ياسر إستغرب من ردة فعل يزن: أيوة، والا عند من تركتوها عند يزن؟

يزن بدأ يخاف أكثر من قبل: محد منكم خرج سارة؟

الحج صالح عصب: أيش بيخرج سارة وعادها ما صحيت

يزن حس بدوار جلس وقبض يده نبضات قلبه...




📚 @rewayatyamania  🇾🇪

روايات يمنية📚🇾🇪

15 февраля 2025 20:16

.

البـارت 296 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


هاني إرتخت أعصابه فقد توازنه ويزن مسكه

هاني بتعب: من بيخطفها؟

يزن: نشتي نتأكد من الكاميرات تبع المستشفى

هاني أشر له بالموافقة وطلبوا من إدارة المستشفى يفتحوا التسجيلات وفعلا شدهم واحد لابس كوفية ومش واضحة ملامحه ماسك بنت مثل هيئة سارة وهي تمشي بتعب شافوه طلع فوق سيارة ومشي ومش عارفين من هو

يزن بخوف: منو هذا من اللي بيشل سارة؟!!

هاني تركه وخرج بسرعة ويزن خرج بسرعة طلعوا فوق السيارة ومشيوا بنفس إتجاه السيارة اللي أخذت سارة
.
.

في بيت الحج صالح

همدان: أنا بجمع كل قبيلتنا وما بيقصروا وبإذن الله بكرة وهم هنا ونروح من جديد

زياد: قبيلتي هي قبيلة همدان بس بحشد بقبيلة أخوالي كمان

أمير: وأنا بتواصل مع عمي يجمع قبيلتنا

رامي: والنعم فيكم يا شباب

همدان وقف: إسمحوا لي الآن بروح أتواصل مع قبيلتنا وقبيلة أخوالي

أمير: وأنا بتواصل مع عمي وأخوالي لا تقلق يا ياسر بإذن الله كل شي تمام

ياسر: بإذن الله

حسام: ورديتوا لنا خبر

زياد: ولا يهمكم

@rewayatyamania المصدر الأول للروايات

في كافي الفندق

فيكتور وقف قدامها: هل تسمحين لي بالجلوس؟

أسيناد أبعدت الكتاب: تفضل

جلس: لن يسبب لكِ ذلك مشاكل؟ ، أنا أعلم بعاداتكم ومعتقداتكم سيسيء إليكِ الآمر....

أسيناد قاطعته: لا عليكِ أنا مديرة العلاقات العامة في الفندق وهذه هي مهنتي أن أكون بجوار الزائرين أو السُياح ، وكما هو معروف عملي يتطلب فَن الإقناع لذا إرتاح ولا تحمل هماً

فيكتور إرتاح: في الحقيقة رغبت بالجلوس والحديث معك لا أعلم لماذا

أسيناد إبتسمت: ماذا تشرب؟

فيكتور: قهوة باردة

أسيناد: حسناً

طلبت قهوة باردة لفيكتور وطلبت لها قهوة مع قليل من السكر

فيكتور: ما الكتاب الذي تقرأينه؟

أسيناد: كتاب لأنك الله، و هو كتاب ديني

فيكتور أخذ القهوة: أنتم تعتزون بدين الإسلام كثيراً

أسيناد: نعم

فيكتور: هل تؤمنين بدينك وبكل ما فيه بهذا القدر الكبير؟

أسيناد: أجل ، أؤمن به أكثر من كل شي

فيكتور: دينكم يقول أن هناك حياة آخرة !

اسيناد: أجل

فيكتور: وكيف نصدق ذلك؟ أنا لا أرى حياة آخرة ، بل أرى أن الحياة مرة واحدة فقط ، فلمَ لا نستمتع بها ونتقيد بدين يحرم ملذات الحياة مثل ما يفعل دينكم ، فهو أكثر دين يقيد من إتبعه بأوامره ..

أسيناد أغلقت الكتاب وطرحته فوق الماسة: ديننا يحافظ لا يقيد

فيكتور: كيف يحافظ؟

أسيناد: على سبيل المثال في معتقداتكم ومجتمعكم هناك المساواة بين الرجل والمرأة

فيكتور: أجل و في دينكم ذلك غير موجود

أسيناد: في ديننا حرية للمرأة وحفظ لمكانتها لا المساواة بينها وبين الرجل ،  فكيف للمرأة أن تتساوى مع رجل ، هذه معتقداتكم وأفكاركم التي تحاول أن تغزوا مجتمعنا

فيكتور: وما الذي يجعلك مقتنعة أن المرأة لا تتساوى مع الرجل؟؟

أسيناد حطت القهوة وشبكت أصابعها ببعض وبثقة: في ديننا يُسمح للرجل بالزواج من أربع نساء في وقت واحد ولكن المرأة لا تستطيع إلا بعد إنفصالها من زوجها السابق أو إن توفى زوجها ، وبعد أن تنتهي من قضاء عدتها ، لماذا برايك؟ في واضح الأمر قد ترى أن هذا ظلم للمرأة ولكن لنرى الأمر من منظور أعمق ، أولا لا التعدد بالزواج يكون لشروط وأحكام ، والشرط الأهم إذا ما نوى أحد أن يعدد أن يكون عادلاً مع كل زوجاته في تعامله وفي كل شيء ، وإن لم يفعل سيؤثم على ذلك ، أيضا ، لمَ شُرع ذلك للرجال دون النساء ، أولا هذا للحفاظ على المرأة وعلى نفسها وعفتها وبيتها ، فالمرأة في الإسلام شيء ثمين ، لا يملكه إلا شخص واحد ولا يمكن مشاركته أبداً ، ولكن يحل للرجل أن يتزوج بأربعة وكما ذكرت لك هناك شروط وأحكام يجب أن يتبعها ، وفي هذا عفه للرجل والمرأة في آن واحد ،  وإن طالبنا بالمساواة فلا توجد مساواة بينهم او أشياء يتساوون بها في ديننا بل لكل منهم حق وواجب

فيكتور: وماذا غير الزواج؟

أسيناد: السفر مثلاً ، في مجتمعكم تستطيع المرأة السفر بمفردها فتصبح عرضة للتحرش ولكن في ديننا لا يُسمح بذلك وهذا ليصون شرف المرأة المسلمة والحفاظ عليها و على عفتها ، في دينكم ومجتمعكم تطالبون بالمساواة بين المرأة والرجل وفي هذا ظلم كبير ، ولكن في ديننا حفظ لمكانة المرأة وعزتها ورفع لشأنها

فيكتور: لماذا قد تكون المساواة بينهم ظلم برأيك؟

أسيناد: حسناً ، المرأة بطبيعتها ضعيفة بقوتها الجسدية فهل تتساوى مع الرجل بالقوة والبنيه الجسدية؟؟

فيكتور: وما دخل ذلك؟

أسيناد: هل ستعمل المرأة الأعمال الشاقة مثل البناء نيابة عن الرجل بينما الرجل ينتظرها في البيت ليطهو ويقوم بأعمال المنزل عوضاً عنها!؟

فيكتور: لا و لكن المساواة........





📚 @rewayatyamania  🇾🇪

روايات يمنية📚🇾🇪

15 февраля 2025 20:15

.

البـارت 294 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


يزن يحاول يكون قوي: إياد إلا سارة لو حصل لها شي ماعاد بتحمل بالأول كل عائلتي تبروا مني لأني إبن جزارة وبعدين أمي وأبي ماتوووا وأنت بعيد عني واليوم سارة أنا ليش أخسر كل شي بهذه الحياة ليش أخسر كل شي لو خسرت سارة ماعاد بتحمل هي كانت القوة الباقية لي عشان أقدر أعيش بس الآن حتى هي يمكن تروح بعد الكل وأعيش لوحدي كم جهدي يا إياد كم

إياد حب يخليه يعترف: سارة قوتك وكل الحياة البنت اللي مخلية لك تتمسك بالحياة، تحبها؟؟

يزن شاف لعنده وشعوره تلخبط: لا ما أحبها اللي براسك أنت وياسر مش موجود

إياد تنهد وبينه وبين نفسه: للآن تنكر بنشوف كم بتجلس تنكر ومتى بتعترف بحبك لها
.
.

خارج

همدان: طيب لو جمعنا قبيلتكم ورحنا لعند أبو الهنوف تتوقعوا بيتنازل ويقبل بدية؟

ياسر شاف لهمدان: صح والله ليش ما نجرب
حب رأس همدان: أفديك على هذه الفكرة

زياد أبتسم: بإذن الله محلولة كما قد راحوا لهم جاهة وناس أعتقد بيتنازلوا

أمير جاه أمل: مافيش وقت كلمهم اليوم يا ياسر يجمعوا القبيلة ويروحوا

ياسر أشر لهم بمعنى تمام دخل وطلب من الكل يجتمع

أبو ياسر: أيش في يا ياسر؟

ياسر شاف جده: يا جد أشتيك تتصل بكل القبيلة

الحج صالح: ليش؟

ياسر: أجمع القبيلة نروح لبيت أبو الهنوف نطلب منهم تنازل مقابل دية

هاني فرح: هذا حل هذا حل يا جد

يزن حضن ياسر: بإذن الله محلولة إطمئن

أبو هاني شاف أبوه: أنت إتصل من جهتك وأنا من جهتي وجمعنا القبيلة لبكرة ونتحرك

بدأ الكل يتصل وكل من لبى الطلب حتى بعضهم تحركوا صلا صنعاء وراحوا للفنادق عشان الحشد
.
.
في شقة جان

بدأ ينفذ الخطة لقي المتجر المطلوب قدر يطلع رقم إياد اليمني من جون راح إختار علبة الهدية حط الهدية داخلها وتواصل مع الشخص المطلوب

لينا بهدوء: هل أتممت الخطة؟

جان جلس: أجل

يارا تركتهم وراحت غرفتها

جان: عليكِ الإنتباه عليها كي لا تفسد شي

لينا: لا تقلق هي تريد زواج إياد مني

جان إرتزح: أياً يكن يجب أن تحذري وأن لا تنسي إياد هو الرجل الذي تحبه يارا

لينا بدأت تقلق بس طردت كل الأفكار من رأسها
.
.

في صباح اليوم الثاني

تجمعت القبيلة كلها قدام بيت الحج صالح والحشد كان كبير جداً ما كان في أحد عند سارة لأن الكل مشغولين بغداء الضيوف كأنه عرس كبييير إضطروا للذبيحة والكل مشغول ماعدا هاني ويزن اللي بقيوا عند سارة، وإياد في البيت لوحده وبقية الشباب مشغولين حتى أمير وهمدان وزياد ما تركوا ياسر ووقفوا معه بكل ما قدروا عليه غدوا والنسوان بدأين يغسولين والرجال كلهم تحركوا صلا بيت أبو الهنوف

@rewayatyamania المصدر الأول للروايات

في حارة الهنوف واسامة

فتحوا بيت شيخ الحارة لأنه أكبر بيت إمتلا بالناس وبدأ الحج صالح في كلامه

الحج صالح: إسمعوا يا أهل الحارة ويا شيخها ويا عاقلها، جيت أنا وأهلي وناسي وكل قبيلتي بسبب الموضوع اللي حصل بيننا وبين الأخ محمد ال...... ومثل ما تعرفوا بنته كانت زوجة حفيدي وبسبب مشاكل توقع بين أي عائلة تصايحت بنته مع حفيدتي وتضاربين وبسبب المضرابة اللي حصل بينهم حفيدتي بالغلط دهفت البنت وماتت وإنسجنت وكانت المحكمة أمس وبسبب مطالبة القصاص حكموا في بنتي إعدام

إرتفعت الأصوات والكلمات المختلفة من كل جهه، الله المستعان..... ما يسبرش وهو بالغلط المفروض يعفوا..... البنت ما كانت متعمدة حرام تروح إعدام..... وووووو الخ.....

أبو الهنوف سكت مستحي كيف إن الحج صالح ما فضحه وقال أصل المشكلة ومحد من طرفهم ذكر هذا الشي وستروا عليهم...

الحج صالح قاطعهم: وأنا جيت طالب منه التنازل عن القصاص ويقبل مني الدية من الريال للمليار أنا وكل أملاكي فداه مقابل العفو عن حفيدتي

الكل: الله يعزك...... والنعم..... هذا الكلام اللي ينقال.... ووووو الخ....
.
.

في بيت أبو هند

إياد نزل بعد ما جاب موقعه لصاحب توصيل الهدايا ومستغرب من بيجيب له هدية وهو ما يعرف أحد أتصل له صاحب التوصيل ونزل أستلم الهدية وطلع

جان شافه من بعيد وأبتسم: إذاً ذلك هو عنوانك

نزل الكوفية على عيونه وأبتسم بخبث وراح

إياد فتح الهدية شافها فلاشة شغلها في التلفون شده مجلد بإسم داليا بالإنجليزي فتحه شاف الفيديو وعرق من كل شعره ووجهه حمر من الغضب قبض على يده بعصبية ورصص على أسنانه وهو يشوف داليا راقدة في غرفة الدعارة و....
.
.

في المستشفى

الدكتورة أخذت المغذية من يد يزن: الآن بنعمل فحص للجنين إذا عايش بيكون تحرك وبنقدر نسمع نبضات قلبه

هاني جاء: هذه ورقة كشافة فحص الجنين

الدكتورة أخذتها راحت تفتح الباب وقفت بخوف

الدكتورة شافتهم: وين سارة

يزن ما أستوعب: كيف وين سارة؟

الدكتورة:.......





📚 @rewayatyamania  🇾🇪

روايات يمنية📚🇾🇪

15 февраля 2025 20:13

.

البـارت 292 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


القاضي: دخلوا المتهمين

دخلوا هاني وسارة عيونها على أخوها ودموعها تنزل كيف حالته وكيف بأسبوع ضعف وتعب هذا التعب كله وقف هاني بحاجز المتهمين والكل ألتفت لفتحة الباب شرطيتين ماسكين بنت وجهها ويداتها كلها علامات من الضرب هاني وسارة يشوفوها ومش عارفين من هي....

قربت رانيا ووضحت ملامحها خرجت شهقات ياسر من شكلها المضروب بوحشية ونزلت دموعه رانيا حطت عينها عليه ودمعت عيونها

هاني جنن: رانيا هذه رانيا أختي

سارة بدأت تركز أنصدمت: رانيااا!!!

هاني جن جنونه: مالها مالها من فعل فيها هكذا من؟؟؟

فقد أعصابه وخرج من حاجز المتهمين والعكسر كانوا بيوقفوه بس هاني دهفهم والقاضي أشر لهم بمعنى خلوه مشي بسرعة لعندها

هاني مش مستوعب مصدوم من منظرها خايف عليها: رانيا مالك من فعل بك هكذا؟!

شافها ما ردت سحبها لحضنه: رانيا تحاكي تحاكي

سارة وقفت وراحت لعندها مش مستوعبة خاااالص: رانيا أيش جابك هنا محبوسة وحالتك هكذا أيش في تكلمي مالك ماااالك تحاااكي!!

رانيا تشوف لعندهم وتبكي بدون ما ترد

سارة بخوف: أيش فعلتي يا رانيا؟؟!!

رانيا شافت للأرض وشهقت: قتلت الهنوف

نزل الخبر صاعقة على هاني وسارة للحظة توقفت قلوبهم: أيييشششش؟؟؟؟؟؟

رانيا شافتهم ونزلت دموعها: والله بدون قصد يا هاني والله العظيم بدون قصد تضاربت معاها ودهفتها نكعت وماتت

هاني ماسك رانيا  ومش مستوعب وسارة بكيت بقووووة

هاني عاده مصدوم: ومن فعل فيش هكذا الهنوف؟؟

رانيا أشرت بمعنى لا وزاد بكاها: الس الس السجيناااااااات وارتفعت شهقاتها: اااااااااه اااااااااااااه

هاني حضن رانيا وسارة يهديهن ومش قادر يستوعب للآن

القاضي دق بمطرقة الحكم: نبدأ الجلسة

الشرطيات أخذين رانيا لحاجز المتهمين كذلك العساكر أخذوا هاني ، وبدأت المحكمة وسارة تبكي مش فاهمة على أيش على كل اللي حصل أو على أختها أو على صديقتها اللي خانتها أو على أخوها اللي حاليا أخته قتلت مرته وقتلت صديقتها حست بدوخة بس تمالكت نفسها بقوة مر الوقت على المحاكمة وأنتهت

القاضي دق بمطرقة الحكم: بناء على ما عرض من أحداث وأدلة صدر حكم المحكمة بحق المتهم هاني طه آل....... بالعفو الأبدي وخروجه من السجن وذلك بناء على القانون........ أن لا يعاقب الرجل في مقتل خيانة الزوجة سواء كان قتله للزوجة أو للرجل الذي خانته معه و لذا تم الإعفاء عنه

@rewayatyamania المصدر الأول للروايات

الكل فرحوا لهاني ماعدا أم الهنوف وأبوها، ورانيا حضنت هاني بفرحة أما هاني كان شعوره بااااارد، عمق الوجع اللي يشعر به بسبب ما  تعرض له من خيانة كان أكبر بكثير من كل شعور وكل شيء ، وسارة بكيت بشعور متناقض بكيت إنه تم الإعفاء عن أخوها اللي قتل زوجها وعن ما تعرضت له من صدمات ، الشباب كل من حضن الثاني بفرحة وداليا حضنت أم هاني اللي ما وقفت بكاء من شدة فرحها والحج صالح غمض عيونه وهو يتحمد الله ويشكره وأبو ياسر فرح وبارك لأخوه أبو هاني اللي نزلت دموعه من الفرحة ونجاة نزلت خنة البرقع بكيت بفرحة شديدة بدون محد يركز وروان مسكتها فارحة لها

القاضي: أما عن قضية المتهمة رانيا وبناء على طلب ولي أمر المقتوله الهنوف بالقصاص، وأن المتهمة ليس لها علاقة بتلك الخيانة سوى مشاعرها العاطفية فتم الحكم بحق المتهمة الإعدام وذلك في يوم السبت الثاني أي بعد ٩ أيام من تاريخ إصدار الحكم ..

وضرب بالمطرقه ، رفعت الجلسة
خبر نزل كالصاعقة علييهم وقف كل خلية بجسمهم والرعب اللي داهم قلوب الكل

أرتفعت صرخات الكل وأولهم رانيا

رانيا فقدت أعصابها وانهارت تبكي وتحاول تخترق الحاجز بجنون: ما كان قصدي ما كان قصدي ما قتلتهاااااا ما قتلتهاااااا
أرتفع صوت بكاها وشهقاتها وأنفاسها بتتراجع: ما قتلتهاااااا ماااا قتلتهاااااا مش قصدي ياالله ياالله

هاني مسك أخته وحضنها نزلت دموعه ورانيا منهاااارة في حضنه: والله ما كنت أشتي أقتلها والله

ياسر جن جننووووونه: لا مشش عدل مش عدلللللل مش عددددل محد بيعدمها محد

قام بيروح لعندها وهو شبه مجنون وإياد ويزن وحسام ورامي يمنعوه بس ما قدروا مسكوه بكل قوتهم والكل مقهورين نزلت دموعهم مقهورين على رانيا لكن قاطع أصوات الكل المنهارة صوتهاااا

أم هاني صرخت بأعلى  صوتها: ساااااارررررة ساااااارررررة

داليا جننت: سااااارة قووومي سااااااارة ما بتتنفس إلحقوووهااا ما تتنفسسس

هاني ترك رانيا ونبع لعند سارة ويزن ترك الكل وبعد هاني والكل

آسيا صوتها يتقطع من البكاء: إسعفووووهااا إسرعوووا إسرررعووووواا

هاني فتح البرقع وتفحصها شاف ليزن برعب: ما تتنفس

رانيا مكانها منهارة و يزن نسي كل شي مسك.......





📚 @rewayatyamania  🇾🇪

روايات يمنية📚🇾🇪

15 февраля 2025 19:26

.

البـارت 290 ☆

مشـاعـر مسمـومـة 💜

للكـاتبـة: صفـاء السـامعـي

👌🏻👇🏻 😍
📚 @rewayatyamania  🇾🇪


فيكتور سلم عليه: تشرفت بمعرفتك

رواد: لي الشرف، نورت اليمن تعال معنا

فيكتور مستغرب كيف يرحبوا بغريب وكأنه قريب فتحوا السيارة طلع فيكتور جنب رواد وهي  وراءهم

فيكتور بفضول: هل لي أسأل سؤال بداعي الفضول

رواد: تفضل

فيكتور: هل سافرت بمفردها؟ لا أقصد ، ولكن لدي أصدقاء من اليمن لا تسافر الفتاة إلا بمحرم أنتم تقولون ذلك صحيح؟

رواد أبتسم: صحيح لم تكن بمفردها إن سائق سيارة السفر هو خالي

فيكتور فهم: حسناً أين سأذهب لا أعلم شيئاً

رواد: بحقيقة الأمر نحن نملك فندق إن أردت سأوصلك إلى هناك معنا

فيكتور فرح إنه مش ضايع: حسناً هذا ما أحتاج إليه

مشيوا وصلوا للفندق ونزلوا ماعدا رواد

رواد شاف أخته: إستأجري له غرفة أو جناح اللي يشتيه أنا بروح المحل اليوم معي عرسان ألبسهم

شافت أخوها: طيب أنت نهايتك تجنن أبي بهذا الشغل ومعك فندق سياح نياح

رواد ضحك ومشي وهي دخلت وفيكتور بعدها

فيكتور: هل ستبقين بالفندق؟

ردت عليه: بالحقيقة نحن نعيش في جناح يحتوي على ٦ غرف ومطبخ وحمام إنه كبير ومريح وجميل ، هنا مصدر رزقنا لذا والدي يحب العيش هنا أما نحن فمعتادون

فيكتور عجبه تصميم الفندق جداً وأضواءه وترتيبه والديكور: إنه جميل

وقفت وحجزت له غرفة ساعدته لما وصل لقدام الغرفة فهمته إنه لو أحتاج شي لمن يتصل لإنها تعرف الموظفين ومن هم عندهم اللغة الإنجليزية اللي بيقدر يتفاهم معاهم وتركته وراحت

فيكتور وقفها: لدي سؤال أخير من فضلك

جاوبته: ماذا؟

فيكتور بإحراج وإعجاب لجمالها وملامحها الطفولية وأسلوبها الإجتماعي الراقي: ما أسمك

إبتسمت له: أسيناد إسمي أسيناد

إبتسم لها بإحراج: أسم جميل تشرفت وأنا فيكتور

أسيناد أبتسمت له وطلعت لجناحها

@rewayatyamania المصدر الأول للروايات

عند سارة

فتحت عيونها مش متذكرة شي ولا مستوعبة فين هي ومن هي ألتفتت شافت شخص يشوفها من الباب ويبتسم بس ما عرفت منو هذا الشخص ولا شافته من قبل

إياد مبتسم: الحمدلله صحيت

تركها ونزل للغرفة اللي فيها رانيا اللي الكل مجتمعين عشان يكلموها

رانيا أقتهرت: وين ورقة التنازل وين أنا متنازلة المهم ياسر يخرج

أبو ياسر: أنتي متأكدة يا رانيا؟

رانيا: أيوة متأكدة عاد فيها سؤال مستحيل أخلي ياسر يوم واحد محبوس مستحيل

أبو ياسر أشر بمعنى تمام: خلاص بالحقيقة هم اليوم بيردوش للسجن وهناك تفعلي تنازل

رانيا بدأ الخوف يهجم عليها من السجن وشافتهم بنظرة كلها ترجي وإرتعاش شفايفها كأنها تقول لهم لا ترجعوني لهناك

أبو ياسر فهمها: والله واللي خلقهم سبع محد يقدر يمد يده عليش لأهد السجن عليهم وباللي فيهم

رانيا بس تبكيي

يزن شاف إياد وراح لعنده: مالك مبتسم؟

إياد: سارة صحيت

يزن صرخ بدون شعور من الفرحة: صحيت؟

تركه وطلع بسرعة والكل من كلمته وردة فعله عرفوا إن سارة صحيت الكل طلع ورانيا جلست تبكي من الفرحة إن أختها صحيت

يزن دخل لعندها: سارة وأخيراً وأخيراً يا أغلى الناس

سارة بتعب: إياد أيش حصل

يزن أبتسم ودمعت عيونه: إرتاحي الآن لا تسألي أي سؤال

سارة نزلت دموعها: كيفو هاني

الكل دخل شافتهم ماعدا هاني ورانيا غايبين

سارة غمضت عيونها وبكت: عاده محبوس طيب ورانيا وينها

آسيا بفرحة: رانيا في البيت ترتاح لأنها تجلس عندك للصبح وتروح المهم أنتي بخير لا تبكي ولا تسألي عن شي

سارة شافت لعند الكل وغياب هاني خلاها تستوعب كل شي نزلت دموعها ما أهتمت بوجود أحد أو سؤالهم عنها رجعت ذكرياتها وبكت بحرقة

يزن أقتهر لما شاف دموعها: سارة ليش تبكي هاني بيخرج توجعي قلبش ليش؟

سارة تبكي بحرقة: خلوا لي حالي الآن وأخرجوا فلتوني لحالي

أم هاني أقتهرت على بنتها: سارة

سارة صرخت: أخرجوووا أخرجووووا

الكل خرج خايفين عليها ترجع تدهور صحتها وسارة منهارة من البكاء يسمعوا بكاها لخارج يزن ما تحمل خرج وإياد لحقه يوقف معه
.
.

عند رانيا

رانيا تبكي: يعني بيشلوني قبل ما أشوف سارة

أم هاني تهديها وتبكي: سارة منهاااارة على هاني كيف لو عرفت كمان أنش قتلتي أعز صاحباتها وشافتك هكذا مشوهة

رانيا بكت أكثر: لا ما قتلت صاحبتها أنا قتلت البنت اللي غدرتها وغدرت أخي

أبو هاني حبها برأسها: رانيا ما تقدريش تشوفيها إرحمي حالها ببطنها جاهل

رانيا قامت تلبس وأمها ساعدتها خرجت من الغرفة والكل يبكي إنها بترجع للسجن طلعوها فوق سيارة الشرطة وراحوا للسجن وأبو ياسر لحقها عشان التنازل قدمت تنازلها ورجعت لمكانها جسد بدون روح ما أهتمت لوجود أحد ولا لنظراتهن قهرها على إنها ما شافت أختها أكبر من هذا الشي
.
.

أبو ياسر راح للقسم أصدروا العفو أخذه و راح للسجن قدم لهم الورقة وأعفوا......


/channel/rewayatyamania/53778



📚 @rewayatyamania  🇾🇪

روايات يمنية📚🇾🇪

15 февраля 2025 19:23

.

البـارت 288 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


فيكتور: ماذا؟

الضابط: لقد أتممت لك كل الإجراءات ستذهب بالرحلة التالية إلى اليمن، رحلتهم ستكون صباحاً ، ورحلتك مساءً إذهب ف نحن نحتاج إلى دليل أو أبسط إتهام لجان لكي أستطيع أن أوقع والده في شباكي

فيكتور بحدة: سأذهب، ذهاب جان إلى هناك واضح جداً سيرتكب خطأ وربما سيتسبب بأذيه بحق داليا وإياد، ذلك سيكون كافي لإيقاع والده ، طالما جان هو نقطة ضعفه، وسأستطيع حماية أصدقائي أيضاً بذهابي

الضابط: فيديو مقتل ذلك العجوز لن يكفي لدمار إبنه ، يستطيع إخراجه كإخراج الشعرة من العجين ، ولكن إن ثبت أن إبنه ذهب لدولة أخرى وأعتدى على مواطنيها ذلك سيوقعهم بمأزق لن يستطيعوا الخروج منه بسهولة ، وسأستطيع الإمساك به وتدميره ، إفعل ذلك  فيكتور؛ إفعلها واذهب وأعطينا ما نحتاج إليه ، أثبت ذلك حينها ستكون قضية دولة ضد دولة

فيكتور: لا عليك دع ذلك لي

الضابط أبتسم بإنتصار وفيكتور خرج يجهز أموره
.
.

في الكافي

لينا: عائلتي لا يعلمون بذهابنا إلى اليمن، لقد أخبرناهم أنها تدريبات في شركة بريطانية ولكن أين المبلغ؟

جان قدم لهن فلوس: هذا المبلغ ليصدقون أنك ذاهبة لتدريبات عمل، وسأرسل لعائلتكما كل شهر مبلغ حتى لا يشكون بأمركما ، بالمقابل فقط تزوجي إياد لاتخلص منه هذا هو شرطي وإياكِ الإقتراب من داليا أو إيذائها

يارا مقهورة كيف يقايضوا بحبيبها بس خلاص هم خسروا بعض وكل همها يتزوج بنت عمها ويستر عليها
.
.

في اليمن

وفي المستشفى تحديداً

الدكتور خرج والكل سأله عن رانيا

الدكتور: البنت فاقدة الوعي تعرضت لضرب عنيف جداً مما تسبب لها كسر بيدها وفك العضلات وأورام ورضوض وجرح وراء رقبتها خيطنا لها بس وضعها تمام تحتاج وقت لما تصحى

أم هاني بكيت: أنا ماعاد أتحمل ماعاد أتحمل

أم إياد وأم حسام وهند يهدئنها وآسيا تبكي ونجاة تهديها أما داليا تبكي بهدوووء ماعاد تقدر تستوعب كل شي يحصل

أبو ياسر خرج بعصبية: والله العظيم لهدم السجن على رؤوسهم والله

الشباب لحقوه والكل متحلفين وأبو هاني جلس

أبو هاني ماعاد قدر يتحرك بكي: هذا كله بسببي بسببي أنا

أم هاني تتذكر كلام أبو ياسر حست بالذنب وبدأت تستوعب أغلاطها: بسببنا كله بسببنا إحنا الإثنين

روان دخلت بخوف: أيش حصل؟

نجاة كانت قوية وأستمرت قوية بس أول ما شافت أختها أستسلمت حضنت روان وبكيت

روان سحبت أختها لخارج وآسيا وداليا قلقين على نجاة لحقنهم

روان مقهورة: نجاة عيوني إهدئي وقولي لي مالش يا عيون أختك

نجاة أنهارت: خانته بنت الكلب خانته وهو قتل زوج سارة هاني شاف مرته تخونه مع زوج أخته يا روان قتل أسامة ورانيا قتلت هنوف وأنا ما قدرت أسوي لهم شي

روان أنصدمت وما أستوعبت صرخت: نجااااة أسكتي

نجاة منهارة: يا روان أنتي وحدك تعرفي أنتي الوحيدة اللي تعرفي حبي لهاني وأني للآن ما قدرت أنساه أو أخرجه من قلبي والكل والكل يعرف رانيا أعز صاحبة رانيا أغلى صديقة بحياتي هي أقرب إنسانة لي أنا شفتها تقتل مرة هاني شفتها يا روان حبيبي قاتل صاحبتي قاتلة وأنا بس أتفرج لهم ما قدرت أسوي شي ما قدرت يا روان ما قدرت

روان حضنت أختها تهديها: إهدئي يا نجاتي أنا معك أنا معك يا روحي

آسيا أقتهرت شافت لعند داليا ونزلت دموعها: تحب هاني كانت تحب هاني

داليا مسحت دموعها: إفعلي نفسك ما سمعتي شي لا تحرجيها تعالي معي يا آسيا

داليا سحبت آسيا وآسيا كل روحها منهكة وكأنها جسد بلا روح

@rewayatyamania المصدر الأول للروايات

في السجن

أبو ياسر ضرب الماسة: أنا أقسم بالله مانا ساكت على اللي حصل مع بنت أخي وكلت أكبر محامي وهو جايي الآن برفع قضية ودع مهنتك

مدير السجن بخوف: إهدأ

يزن صرخ: أيش يهدأ بنت عادها أول يوم عندكم تتعرض لضرب عنيف خلا حياتها بخطر وتشتي نسكت لكم

مدير السجن: إحنا فتحنا ملف تحقيق وبنحقق مع الفاعلة وتتعاقب

حسام: هذا الكلام ما يمشيش معانا أنتم مش قادرين توفروا أمن المساجين وفاعلين أنفسكم تحموا الوطن من المجرمين؟؟

رامي بعصبية: بالأول إبدأوا بالأمن من عندكم بعدين خارج

مدير السجن فكر بحل: تعرض لجندي من عساكرنا للضرب العنيف من إبنكم ولأنه أعتدى عليه بالبدلة العسكرية إبنكم بيروح فيها خلف الشمس لأنه ماعاد بيشوف للشمس أصلا، إعتداء على جندي عسكري يعتبر إعتداء على الدولة نفسها وهذا بيخليه سجن طويل المدى يمكن مؤبد أو أضعف الإيمان مابين ١٠ إلى ١٥ سنة

يزن قلق على ياسر: أيش يعني؟

مدير السجن: يعني تتنازلوا على القضية نتنازل عن القضية ويخرج إبنكم من السجن بكرة

حسام: خلاص متنازلين

أبو ياسر مقهور: لا مش متنازل

يزن أقتهر: يا عم أيش تقول، بيقول إن ياسر يمكن.....




📚 @rewayatyamania  🇾🇪

روايات يمنية📚🇾🇪

15 февраля 2025 19:21

.

البـارت 286 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


ياسر مكبوووود: أقرب وقت مع هاني

نزلت دموعه خرج صوت أنفاسه المكتومة مسك العمود وخرجت شهقاته

أمير مسك كتف ياسر وسكت سمح له يخرج كل ما بقلبه من بكاء بدون ما يقاطعه

ياسر بإختناق: أنا مش مصدق مش مستوعب يا أمير هذه البنت كل حياتي كل حياتي لو حصل لها شي بموت قبلها، حياتي من الآن ظلمت كيف لو راحت أو حكموا فيها إعدام بتنتهي حياتي أنا مااقدرش أعيش بدونها أبداً

أمير كاتم كل مشاعره: إستهدي بالرحمن واذكر الله ما بيحصل شي بإذن الله خلينا نصبر ونحتسب ، الله معاها بإذن الله

ياسر جلس في الأرض متدمر منهار وأمير جلس يسنده بينما هو من يحتاج  السند بهذه اللحظة هداه لما خرج كل ما بقلبه من إنهيار خفف عنه شعوره ورجعوا للمستشفى
.
.

في السجن

رانيا مشيت بتشرب ماء وبالغلط دعست رجل واحدة لما دهفت رانيا وضربتها

جيهان تضرب رانيا: شكلش ما تستضيش لكن أنا بخليش تستضي

رانيا فقدت أعصابها ، تخيلتها الهنوف ما تحملت وضربت جيهان قوي جت واحدة سحبت شعر رانيا من وراها والكل تهجم على رانيا بقوتهم لأن جيهان صاحبة الكل ورانيا مجرد غريبة ضربوا رانيا بوحشية كل السجينات اللي عندها متورطات بجرائم قتل أو محاولة قتل خرج أبشع مافيهم في رانيا لما فقدت وعيها والدم سال منها

واحدة بخوف: ماتت؟!!

جيهان أفتجعت: مش وقتها تموت ، إحنا ما تخارجنا من القضايا اللي علينا لا نبتلي بهذه الآن

اروى سحبتها ورفعتها لحضنها: عادها عايشة قولوا لهم يجوا يسعفوها أسرعين

المسجونات دقين الباب بسرعة والشرطيات شافوا رانيا وحالتها والدم في الأرض خافين

الشرطية صرخت: من اللي فعلت هكذا؟؟

الكل سكت والشرطية عصبت شافت للشرطية اللي معاها: روحي خليهم يجهزوا سيارة الإسعاف بسرعة

الشرطية خرجت والثانية شافت لعندهن: بنفتح تحقيق بعد ما نسعف البنت الأفضل تعترفين قبل ما تشوفين يوم أغبر

طلعين شرطيات لبسين رانيا طرحة وروب نزلوها لسيارة الإسعاف وأنطلقوا للمستشفى

@rewayatyamania المصدر الأول للروايات

في المستشفى

آسيا شافت لتلفون حسام ولع ورن أقتهرت من الإسم مسكت التلفون وراحت لوحدها وردت

رفأ: حبيبي وينك قلقتني ولا إتصال ولا رسالة.....

آسيا قاطعتها بقهر: حبيبك مشغول جداً اليوم إصبري يكمل إنشغاله وبيكلمك

رفأ خافت: آسيا ؟

آسيا: سبحان الله كيف بتعرفيني ، أنا بكلم حبيبك إنك إتصلتي وأخليه يتصل لك لا تقلقي

طفت في وجهها وألتفتت لقيت حسام قبالها

حسام: آسيا


لم يكونوا أحباء، انما كانو خيبة منذ البداية ولكن لم نحسن النظر الا الى جانبهم المزيف..💔


آسيا رجمت له التلفون: إتصل بروحك ونبض الفؤاد حرام قلقت قوي عليك ، وقول لها إن عائلة الحج صالح اللي سمعتها زي المسك اليوم قتلوا إثنين تنتبه على نفسها لا توقع الثالثة ، سوتها رانيا ما بتعجز على آسيا

مشيت من جنبه وحسام مسكها بسرعة

حسام خايف يخسرها: آسيا !

آسيا دهفته: مش وقتك يا حسام خلي المشاكل هذه تحتل بالنسبة لك حسابك جاي ماناش لعبة عندك أسكت لك بس كل شي بوقته، إياد الآن مقهور على البنت اللي يحبها وهي بين الحياة والموت، ويزن مش معقولة أباشره بمشاكل أخته أول ما جاء اليمن صبرك كان أخ واحد اليوم إثنين لا أنت ولا جدك عادكم بتغصبوني

هزرت يدها وهي تشوفه بحقد

حسام يشوف لعيونها: كيف عرفتي إن إياد يحب سارة؟

آسيا: حسب الله إنه أخي

شافته بنظرات غريبة جداً تركته ورجعت لعندهم

آسيا أستغربت: عمة عائشة أماه أيش جابكم؟

أم حسام: خفنا قوي من كل اللي حصل أتصلت لرامي يجي لنا

آسيا: وعيالي؟

أم إياد: عند أم روان لا تقلقي

أم حسام مقهورة: كلمونا بكل شي كيف حال ياسر؟

آسيا مقهورة على ياسر: لا تسألي كان ساااااكت وبس دموعه تتكلم أنا اللي أكرهه قد انا أتمنى أشوف ضحكته والله من توقع أنو نشوف ياسر يبكي حسبي الله ونعم الوكيل باللي فعلوه أسامة والهنوف دمروا الكل بلحظة
.
.

في السجن

هاني يشوف لزاوية السجن مسك صدره وشدد: الهنوف مش بخير، قلبي مش مرتاح يا هنوف إحساسي يقول لي حصل لك شي قلبي اللي يحبك يا خاينة قلبي اللي يحبك يحس إنه حصل معك شي كوني بخير يا أحقر خلق الله كوني بخير

المسجون اللي مع هاني يراقبه مقهور على حاله وهو مش فاهم أي شي فكيف لو عرف باللي فيه
.
.

في المستشفى

دخلوا أمير وياسر على دخلة سيارة الإسعاف شافوا شرطيات وسيارة شرطة بعدهم ، شدهم المنظر وصابهم فضول

نزلوا رانيا ومشيوا بسرعة بالسرير النقال لداخل مروا من جنب ياسر لهف قلب ياسر بقلق وخوف شاف وجهها ورغم التشوه والضرب و الدم اللي مغطي ملامحها بس عرفها

ياسر حمل مسك السرير ووقفهم: ماااالهاااا ماااالهاااا؟؟

أمير مسكه: ياسر....ِ..





📚 @rewayatyamania  🇾🇪

روايات يمنية📚🇾🇪

15 февраля 2025 19:16

.

البـارت 284 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


الحج صالح جلس بهبوووط وحسام مسكه

حسام شاف لإياد بقهر: يزن ليش واقف تعال شل جدي معي شكله أرتفع له ضغط الدم أو هبط

إياد راح ومسك جده بدون نفس ودوه لأقرب غرفة وكلموا الممرضة تفحصه، فحصته شافته مهبط جدددداً أخذت مغذية وضربتها له

أم هاني تبكي: المصايب نزلت فوق جهالي مرة واحدة المصايب نزلت عليهم أيش فعلنا ياربي لتعاقبنا فيهم

هند تهديها: إستهدي بالله يااختي هذا إختبار من رب العالمين يختبر صبركم

نجاة حاضنة لآسيا: يا آسيا لا تخافي إحنا كنا معاها بنشهد إنه قتل مش متعمد

داليا: آسيا إهدئي لو صحت وعرفت سارة يمكن تموت هي وصلت لهذه الحالة لما عرفت أخوها قتل زوجها كيف لو زد تعرف إن أختها قتلت أعز صحباتها والله ما تنقهر عليهم هم قد خذلوها بس بتنقهر على أخوتها كم أنصدمت اليوم من زوجها وصديقتها وأخوها لو كمان عرفت إن أختها كمان والله بتموت من قهرها

آسيا تبكي وتتشنج: ياربي أنا مش مستووووعبة مش مستوووووعبة كل اللي حصل اليوم يارب إن كان حلم صحيني منه ياالله

إياد وقف عند باب غرفة سارة ومقهور عليها: زوجها خانها وصديقتها خانتها ، خانوها مع بعضهم وأخوها قتل زوجها وأختها قتلت صاحبتها ، هذه البنت كيف بتنسى كل هذا كيف بتعيش بواقع عمق الوجع الكبير هذا كيف بتتحمل عادها صغيرة على كل شي تعيشه، كون بعونها يارب وبعون قلب هاني ويزن ورانيا وياسر مااقدرش أتخيل فظاعة اللي حصل معاهم مش قادر
.
.

في قسم الشرطة

الضابط كمل يأخذ أقوالها: خلاص الآن بنحولك للسجن ما بنخليش هنا لبكرة ونحولك مافيش مكان مخصص لسجن النساء هنا

رانيا تبكي بصمت وياسر عيونه عليها دمعت عيونه وهو يشوف لحالتها ورامي ماسك لكتفه

الضابط شاف لعند الشرطيات: شلوها

الشرطيات أخذوها شافت للكل بنظرات عميقة مش مفهومة

أبو طه شاف للضابط: والآن كيف بيكون حكمها؟

الضابط: مدري

أبو ياسر: خلال كم بتكون المحاكمة

الضابط: أنا تواصلت مع الشباب عشان قضية هاني وكلمتهم إن المحكمة بتكون بأقرب موعد وبما إن القضية حق كريمته مرتبطة مع قضيته أنا بحاول أخلي محكمتهم بنفس اليوم ونفس الموعد هكذا بيسهل عليكم وعلينا

يزن تنهد بقهر: هذا الأفضل

الكل خرجوا وأبداً مش مستوعبين كل اللي حصل اليوم

@rewayatyamania المصدر الأول للروايات

في السجن

دخلوا رانيا للسجن اللي بتنام فيه شافت كيف الكل يشوفها ، الخوف والرعب مسيطر عليها مش مستوعبة وين هي كل خلية بجسمها ترجف وعيون السجينات مثل اللي بيأكلوها دعممتهم ومشت وكل ما جلست فوق فراش قالوا مكانهن دخلت شرطية ومعاها فراش ووسادة وبطانية لرانيا ورانيا فرشت حطت البطانية حولها كاااامل غطت رأسها بدأت بنوبة بكاء صامت عشان محد يحس
.
.

في المستشفى

ياسر يطلع الدرج وروحه منهكة ويزن وياسر يقووه وصلوا لقدام غرفة سارة

أم هاني ببكاء: وين رانيا وين بنتي؟؟

رامي شافها: شلوها للسجن

أم هاني حضنت أختها: لا إله إلا الله، لا إله إلا الله قلبي ماعاد يتحمل

أبو هاني جلس وقلبه يوجعه: هي غلطت غلطططتتتت ليييش راحت عند الهنوف ليييييششششش!!؟؟؟

أبو ياسر شافه وضبح: والله غلطت؟ صح رانيا غلطت، بس أنت كنت الصح طووووول هذه الفترة هاااا؟؟؟!!!

أبو هاني وقف: علي أنا مش ناقص لمشكلة معك

أبو ياسر صرخ بعصبية: هذذذاااا كلللله من البداااااية بسبببكككك بسبببكككك يا طه

أبو هاني صرخ: بسببي أيش اللي بسببي؟؟؟

أبو ياسر بعصبية أكبر: بسبب مرررضك بسبب أغلااااطك ، بسبب عناااادك ، وصلت عيالك كلهم للموووت ، إثنين على حبل المشنقة والمقاصصة وواحدة على سرير الموت، كله لييييششش لييييششششش عشان بنتك ما تتزوج إبني؟؟؟؟

أبو هاني أقتهر: علي..

أبو ياسر قاطعه ومش متحمل كل اللي حصل: رحتت تزوج بنتك لواحد ما سألت عنه لو سألت كنت بتعرف كم تقدم لبنت عمه وكنت بتعرف إنه هو ومرة إبنك يشتوا بعض وأنقذت بنتك وأنقذت إبنك بس لاااا عنااااااد رحت تزوجها بدووون ما تسأل عشان بسس رانيا ما تتزوج إبنني عجببكككك؟؟ ما رضيت بإبني اللي يحبها وبيصونها ، ورحت رجمت بنتك الثانيه لإبن الناس وشفت كيف فعل ببنتك وهو متزوجها وكيف إبني للآن صاين الثانية بدون ما يتزوجها حتى كلل قرااارااتك غللط بغلط

أبو هاني صرخ: أنت عارف ليش مااشتيش أزوج بنتي بإبنك ......

أبو ياسر ما تحمل قاطعه: لييييشششش لييييييششششش؟؟؟ ، عشان الماضي الآن خلي الماضي حقك ينفعك ويرجع لك عيالك ومرتك وعائلتك اللي أنت هدمتهاا بيداتك الثنتين

أبو هاني ضحك بسخرية: ماعادها مرتي

أبو ياسر بقهر: صح طلقتها عشان بنتك ما تتزوج إبني

أبو هاني صرخ: عليييي!!!

أبو ياسر بعصبية: أنت السبب في كل شي ، أنت ومرتك........




📚 @rewayatyamania  🇾🇪

روايات يمنية📚🇾🇪

15 февраля 2025 19:14

.

البـارت 282 ☆

مشـاعـر مسمـومـة 💜


👌🏻👇🏻 😍
📚 @rewayatyamania  🇾🇪


رانيا تبكي ومعصبة: فلتيني يا داليا والله ما أمشيها لها والله بشل حق ساررة وهااني منها والله لخليها تندم والله إنها وصلت سارة لسرير الموت واخييي مسجووون هي بتمووووت هيييي مش ساااارة هيي بتموووت وتلحق بالمعفنن حقهااا

داليا بصراخ: بتروحي للبنت بوسط بيتها مجنونه أنتي؟؟

رانيا عصبت أكثر: أيه بروح ومجنونة والله ما أخلي حق أخي وحق أختي وبشله منها

على نقاشهن جت نجاة

نجاة بخوف: أيش في يا بناات أيش وصل سارة لهذه الحالة وليش رانيا متحلفة بالهنوف؟؟

داليا: نجاة جيتي بوقتك أمانة شوفي رانيا وقفيها

رانيا فقدت سيطرتها: والله ما توقفني وبروح أخذ حق أخوتي من الهنووف والله

نجاة: فهموني أيش اللي حصل؟؟

داليا: الهنوف خانت هاني مع أسامة زوج سارة وهاني قتل أسامة ورانيا إلا تشتي تروح تأخذ حق أخوتها من الهنوف لأنها هي سبب كل شيء

نزل الخبر صاعقة على نجاة ، بس حاولت تتمالك نفسها:  كييف متى حصل كل هذا؟؟

داليا: اليوم

فهمت نجاة كل شي وبدأت تستوعب

رانيا راحت: لا تحاولين توقفني والله ولا شي بيوقفني بروح وأخذ حق سارة وهاني

داليا لحقتها: طيب خلاص أنا بجي معك

نجاة لحقتهن ومقهورة على هاني وسارة: وأنا كمان جاية

@rewayatyamania المصدر الأول للروايات

وصلين لبيت الهنوف ورانيا دقت بقوة

فتحت لهن أم الهنوف الباب ، ودخلت رانيا بإندفاع وتصرخ

رانيا بصرااااح: وييين الهنووف ويننهاا؟؟؟ بنت ال**

أم الهنوف خافت: ما عليش من بنتي ما تشتي منها؟؟؟

رانيا صاحت أكثر: لو بنتك مرة وعندها الشجاعة تخرج وتواجهني عشان أنتو اللي ما عرفتوووا تربوها أنا بربيييها

خرجت الهنوف بصعوبة من غرفتها: أيش في يا رانيا؟؟

رانيا شافتها وراحت لعندها: عادشش تسألي أييشش فيييي ، فوق الذي فعلتيه وفوق ما خليتي أخي يقتل زوج أختي وتترمل ويتيتم إبنها وهو عاده ما جاء للحياة من بعد خيانتك لهمم واخي محبوس وأختي بفراش الموت عاد النغفرة لللششش وتقووولي أيشششش أشتي أنا أشتتتي أربببييششش

تهجمت عليها وبدأت تضربها والهنوف تحاول تدافع عن نفسها ، قربت أم الهنوف تحاول تفرع لبنتها، بس مسكنها داليا ونجاة وحاولين يفرعين بينهن ويبعدين رانيا عن الهنوف بس رانيا بعدتهم ودهفت الهنوف من شعرها ورجع من أكتافها بقوووة وما أنتبهت إن اللي وراء الهنوف الدرج

الهنوف نكعت وتقلبت على الدرج لما أستقر جسدها عند آخر درجة وقف الكل خايفات ومصدومات من اللي حصل 

نجاة نزلت بسرعة تشوف الهنوف وتتحسس نبضها

رانيا مبلووووودة وقلبها بيوقف: نجاة كيفها

داليا حاطة يدها على فمها تكتم شهقات الرعب

نجاة شافت لعند داليا ورانيا برعب وخوف: مم.....ماتت

رانيا أصابها تبلد من اللي سمعته ووقفت كأنها صنم ، وأم الهنوف شافت لعند رانيا وكانت بتتهجم عليها ، داليا شافت أم الهنوف مسكت رانيا وسحبتها وخرجت مع نجاة بسرعة من البيت

أم الهنوف تصييح بكل قوتهااا: بنتيييييي أيييييش عمممملتيييي فيها يا مجرررررمة

وبهستيرية خرجت تجري بعدهن: تعااااااااالي تعااااااااالي يا مجرررررمة

بس البنات كانوا أسرع وهربوا

أم الهنوف رجعت لعند بنتها وجلست حضنتها وتبكي: هنوف ما متي هنوف قومي قووومي ياروووح أمش قووومي هنوووووف

بدأت تصرخ وتخبط وجههاا: هنوووف قوووووا قوووووا هنوووف يممه قوووومي فتتتحييي عيووونش فتتتحييييي
.
.

داليا تسحب رانيا: رانيا إخطي رانيا مالللشش

رانيا متبللللددددة ترجفف: هنووف ماتت صدق؟؟

نجاة تبكي: أيوة ماتت

رانيا أرتجفت أكثر ونزلت دموعها : أنا..... أنا قتلتها؟؟

نجاة تهديها: رانيا أنتي مش بقصدك مش بالعاني

رانيا ما قدرت تتحرك وبتلعثم: أنا قتلتها أنا قتلتها أنا قتلت

داليا سحبتها تهديها وطلعين فوق التكسي صلا المستشفى وطول الطريق يحاولين يهدين رانيا، وصلوا للمستشفى

ياسر شاف لرانيا وخاف: مالها رانيا؟

إياد شاف وضعها وعرف إنها رانيا

يزن ورامي وحسام راحوا لعندها

حسام بخوف: رانيا مالش؟

رانيا مرعووووبة: أنا.. أنا. أنا أنا

ياسر بخوف: رانيا أنتي أيش تكلمي!!

رانيا شافت لعيون ياسر وتبخرت قوتها ودووختت

داليا حضنتها وتبكي: يارررربي

نجاة مسكتها مع داليا: كلموا الدكتور يجي بنزلها الطوارئ

ياسر أفتتجععع: نجاة داليا مالها رانيا؟؟

نجاة وداليا ماسكات رانيا يودنها للطوارئ

نجاة: مش وقت الآن جيبوا شي نشلها ما قدرنا

رامي سحب سرير متحرك ونجاة وداليا طلعوها فوق السرير وياسر ورامي نزلوها بسرعة مفجوعين

حسام خايف: ماللبنت؟؟

إياد: يمكن منهارة باللي حصل مع أخوتها

يزن تركهم ولحق رانيا على دخلة الحج صالح وطه وعلي مش عارفين بشي وإياد جلس عند غرفة سارة.......




📚 @rewayatyamania  🇾🇪