rehtelbon | Неотсортированное

Telegram-канал rehtelbon - ريحة البن ☕

4397

الاسم :- سئلت ذات مرة ما سر ذاك الاسم؟ صرخت ِملأ صمتي المكبوت في دواخل الفنون إنه اسمها حروفه تطايرت تشكلت تألقت تعلقت بشخصي الضعيف فصار اسم شخص ما ... بداخلي. - ريحة البن .

Подписаться на канал

ريحة البن ☕

ما قد كتبت لنا
سيصيبنا يا ربْ

نزلت بنا البلوى
ضاق الفضاء الرحب

فافرغ لنا صبرا
واربط على ذا القلب

واكتب لها فرجا
من حيث لا نحسب

#حفظ_الله_السودان
#محمد_عبدالواحد

Читать полностью…

ريحة البن ☕

ارائكم و مقترحاتكم لتطوير القناة .
اكتبوها لنا 👇

Читать полностью…

ريحة البن ☕

حال الناس مفرق
أصلح حالنا يا رب
أحيينا الشعائر
وقلنا الصبح قرب
العيد ياهو اصبح
والناس حالها مغرب
ألحق يا البتلحق
عملنا تراهو هضرب

#امجد_اسماعيل

ربنا يصلح أحوال العباد و البلاد
كل عام و الجميع بخير
أعاد الله العيد علينا بالخير والعافية

Читать полностью…

ريحة البن ☕

تهفو المشاعر للمشاعر

أبدا
وما للشوق آخر

قلبي
إذا الحجّاجُ ساروا
همّ من صدري يسافر

تهفو لزمزم والصفا

تسمو بروحي
طائفا

لبّيك ربّي
ذي ذنوبي
أنت أكرم من عفا

تهفو أكفي للسما

أدعو بمكةَ محرما

ويغصّ صوتي
بالدموع
إذا الفؤاد تكلّما

تهفو المشاعر للمشاعر

أبدا
وما للشوق آخر

قلبي
إذا الحجّاجُ ساروا
همّ من صدري يسافر

يا ربّ بلّغنا المنى

اقبل
بجودك توبنا

ها قد أتينا ع رفات
لقد أفضنا من منى

جئنا نلبّي محرمين

زمرا
نسبّح طائفين

لبّيك وحدك ربنا

ها قد أتينا طائعين.

تهفو المشاعر للمشاعر

أبدا
وما للشوق آخر

قلبي
إذا الحجّاجُ ساروا
همّ من صدري يسافر

#محمد_عبدالواحد

Читать полностью…

ريحة البن ☕

#ليت_قلبي_مُحرِمٌ

لبيك ربي ليت قلبي مُحرِمٌ
أشتاقُ مكةَ والحجيجُ قد احتمى
ياربُ أفرحني بما أكرمتهم
واجعل فؤادي في ظلالِكَ مفعما

فـبِنيةِ الإحرامِ سارَ حنينُهم
وتوشـحَ الإيمانَ نوراً مُسلِما
من موكبِ الميقاتِ فاحَ عبيرُهم
عطرا تناثرَ في الفيافي ملهما

وقفوا علي عرفاتِ فيضَ تهافتٍ
بعد القدومِ على الديار تنسّْما
قامت قلوبُ الساجدينَ لربِّهم
وبأصدقِ الدعواتِ مَدَّت سُلَّما

زادوا بتشريفِ الإفاضةِ حبَهُم
جمعٌ وتقديمٌ وقلبٌ قد هما
فصفيةٌ طافت به فلتنفروا
وقفَ الحبيبُ مُحدثاً ومُسلِّما

أقدامُهم عطشى لإقدامِ الصفا
سُقيا لهم من كلِ فجٍ زمزما
سعياً كهَاجرَ والسرابُ يُعيدُها
حقاً لها في الحج أن تتكرما

ورموا مع الجمراتِ كل ذنوبهِم
رجعوا كما وُلِدو جَنيناً قد نما
وإلى الزوالِ على الثلاثِ جِمارهم
قبل المبيتِ تراهُ كلٌ قد رمى

فتقبلَ اللهُ الحجيجَ ومن مضى
جاؤو رضاً بين الوجوهِ مُوسَّما
وتباركت أعمالَهم بشرى لهم
صعَدت أهازيجُ التسامحِ للسما

برٌ وغفـرانٌ وعَـودٌ أحمدٌ
نورُ القلوبِ على الجبينِ تكَلما
لبيكَ ربي ليت قلبي مُحرِمٌ
أشتاقُ مكةً والحجيجُ قد احتمى

#محمد_المهندس
🕌🕋

Читать полностью…

ريحة البن ☕

العيد .. الخير .. الفرحة .. النور ..
الناس .. الضاحكة.. تغني .. سرور ..
بسمة .. و دعوات .. آمال .. و زهور ..

و أطفال .. أطفال

صلوات .. طاهرات .. و زيارة .. جار
و ذبيح .. شربوت .. الصاج ..في النار
عيدية .. سلام .. جلسات .. و حوار

و أطفال .. أطفال

حبان .. اصحاب .. أهل أو .. أغراب ..
و بعاد ..لكن .. في القلب .. قراب ..
شباك .. الروح.. فاتح.. ترحاب
و الشوق .. بيخلي .. الباب.. في.. الباب
الفرحة ..تلم ..شايبين .. و شباب

و أطفال .. أطفال

#مجاهد_الكاروري

Читать полностью…

ريحة البن ☕

وانا كل ما اقول الجية متين ؟

بتقول لي بجيك في العيد

وبلم في صرة توب الريدة عقاب صبري

وبقول ليك

خيييييييير

...للحول ما بعيد

ونصهنج من الشوق ونصن

وتمر ايام وشهور واعوام ...والنار بتزيد

والهم بيزيد

وظروف ما بتدي حريف ....

ودموع تتجارى وﻻ بتقيف

....وما بجيب الفرحة عناد ام ايد

اها كل عام يا غالي وات الخير

كل عام وعيونك لسة بخير

كل عام وظروفنا اخير...يا الغالي وانت

#نهي_الكباشي

Читать полностью…

ريحة البن ☕

أهو ده العيد هسه علي الابواب .. و انا بيني و بينك الف حجاب

أنا بيني و بينك سكة شوق .. و منافي محنة و هم و غياب

أهو ده العيد هسه على الأبواب

و الناس فرحانة و بتغني ..

علشان العيد لمة أحباب

بتخيل جيتك في كل عيد

أعياد بتمر و انا مستني

و أتخيل صورتك جمب الباب

رسل لي مرة و طمني

رسل مع فجر العيد جواب

أهو ده العيد هسه علي الابواب .. و انا بيني و بينك الف حجاب

أنا بيني و بينك سكة شوق .. و منافي محنة و هم و غياب

العيد متردد يا غالي .. خايف من يجي و يلقاك مافيش

خايف ما يلاقي فرح أطفال

لا يلاقي عيون بتغني جمال

ما يلاقي عروس تديو شبال

بيسألني عليك العيد و بقول

وين البي شوفتو الفرحة تعيش؟

أهو ده العيد هسه علي الابواب .. و انا بيني و بينك الف حجاب

أنا بيني و بينك سكة شوق .. و منافي محنة و هم و غياب

#محمود_الجيلي

Читать полностью…

ريحة البن ☕

جات تهنيني و تشارك
شايلة طيب بعض الازاهر
وكل أسلحة المعارك
مدت إيد مليانة ريدة
وفتحت كل المدارك
انتي ياخ عيدي البعيشو
ياتو يوم العيد ببارك؟

#ودمسيخ

Читать полностью…

ريحة البن ☕

مع إنو الدنيا قبايل عيد
التخا شرا
والنيل بخر
والشمس إنقلبت لي برا
وبكينا قصيد
والناس مشغولة بخرفانه
والبلد التنضم خرفانه
انا دايره شهيد
انا دايره شهيد
انا دايره شهيد
واضان الخوف عملت طرشه
ومع إنو الدنيا قبايل عيد
انا لابسه حداد
على دم اخوانا الراح ساهي
والتار البيش
ح نعيش
ميتين
والدين
في رقاب الحكام شين
والشين
لمتين
خايفين
ساكتين
نحنا الكفار الخرابين
وهم اهل الدين
المعصومين
وحق البنزين
حق الغلبان
حق الورنيش
حق كيس العيش
حق الشحاد
حق عمو حسين سيد الكارو
حق السافر وقطع اخبارو
حق المويه
حق وفويه
...
حق وفويه !!!

وبي بركة دعانا ودعوة الحجاج ,,
للميت شهادة
وللمعتقل إفراج ,,
للظالم إبادة
الطاغية الحجاج ,,
وحقوق الوطن تمرق لغاية الضفه ,,,
أولاد الرجال إيدم توازي الكفه ,,,
والخيل الأصيل بظهر ويبان في اللفه ,,,
وانا افرح واشوف للعيد طعم يا داب ,,
والتخا ينبهل فوق للرسين كبآب ,,
والشمس التبق ضي الغنا الرباب ,,
ويادابك أهني العيد على الأصحاب ,,

#ايمان_متوكل

Читать полностью…

ريحة البن ☕

في أعظم الأعياد
كل عام و انتو بخير
ينعاد على السودان
بالراحة و التغيير
و الثورة ثورة شعب
و السلطة سلطة شعب
و يعم بلدنا الخير
تتقالد الأفراح
نلفاها بالبشِّير
زغرودة كم شبال
من أم جناها صغير
من شبَّ و السودان
في قلبو حبو كبير
لا ساوم الأحزاب
لا العسكر الكضاب
لا خاف ولا يوم هاب
حرية التعبير
في حلمو وطنو عظيم
يستاهل التعمير
نلحق ركاب بلدان
عدونا فاتو كتير

و نعرّف التاريخ
مين نحن في الميزان
توبنا و جلاليبنا
و هوية السودان
و حضارة رامية بعيد
في مغبر الأزمان
تاريخ نضال ناصع
و قضية عادلة كمان
قدر القضية نضال
و اصلو البثور ما خان
كل عام و انتو بخير
و الجاي وطن عمران
و القابلة متحدين
مرصوص هنا البنيان
كل عام و انتو بخير

#مجاهد_كاروري

Читать полностью…

ريحة البن ☕

‏لم يجدوا طريقاً آخراً يا ربِّ

‏صحراءُ الضياع أحَنُّ من حضن البيوت
‏على الأقل، سيخسرون نَضار بشرتهم فقط .
‏و لأنه الأمل الوحيد
‏و أرخص الطرقات
‏يرضون الخسارة

‏في هذه الصحراء
‏كانوا واثقين من الوصول
‏تمسّكوا بسراب مصرَ
‏و حينما خرجوا تماماً عن مدى صوت الرصاص
‏أصابهم صمت الرمال
‏و لم تصل منهم عبارة

#محمد_عبدالقادر

Читать полностью…

ريحة البن ☕

بكر بالبنيه.... والله حظو سعيد
في زول بيسقو الريده... من وريد لي وريد
الجنيات جناين ... والبنات نوار
وكن بقن رتاين... يضو ليك الدار
اللطاف ولداين... وفي التقيله حجار
ياخي بختنا بيهن.. وبالقمير الزار
الله فوق سونن والبريق الشال
ياما في عيونن... نلقى راحة البال
يا الله كيف بدونن.. يبقى كيف الحال
ديل تيراب أماتنا... يا ما جابو رجال
شوف كليمة يابا... مارقه زي سلسال
تروى فينا سرابه... وزي مطر هطال
كان ندور او نابا... لو طالت الاجال
هن البفلن شيبنا... وهن البقولو تعال

#ابراهيم_جابر

Читать полностью…

ريحة البن ☕

ندقدق في الحنين اجراس
اذا جرس المحنة رطن
رطن صوت الولف دوباي
اذا جوة الحنايا سكن
سكن جوانا حس الخوف
شلع جوة العيون وبكن
بكن من حرقة التاريخ
وكت قسم ترابو شكن
شكن للبارئ سوء الحال
وكت لون الحنين دكن
دكن دك قسمنا النيل
اريت نونات عيونو رون
رون كمين صبر للجاي
اذا ريح الجنوب هبن
هبن يا صحاري الشوق
قالدن للسما وكبن
كبن فينا مطر الفال
اذا نبت الفرح شبن
شبن في موايق الروح
ومن تعقيدو اتفكن
وغنن للولف دوباي
يرقص فينا حس الفن
ندقدق في الحنين اجراس
اذا جرس المحنة رطن ....

#اسلام_النحاس

Читать полностью…

ريحة البن ☕

انا بس طريتك جا المطر
سيرتك فتيل ريحة انكسر
رش الوجود مطرة وملامح غيمة
تشبه فرحتي و هبشة وتر
سالت غناوي و انفعال ساعة حنين
انا في امان ما دام غرامك هو الخطر

#ماجدولين_سعد

Читать полностью…

ريحة البن ☕

بعد اربعطاشر سنة خدمة في ثانوي 😂✋️
#رواية #التقاء_ساكنين
#ديوان #يجدكم_بخير

من #دار_الأجنحة_للنشر .. للعزيز الشاعر متوكل زروق
تصميم الغلافين للفنان المبدع Ashraf Alazhary
شكراً بلا عدد لتحملكم وصبركم وطول بالكم و 🙂

سأقدم لاحقاً منشور شكر وتقدير مفصل لكل من ساعدني ودعمني وقدم لي المشورة والعون.
#محمد_المهندس

Читать полностью…

ريحة البن ☕

هذي حياتُكَ
في فصولِ كتابِها
فـاقرأ بقـلبِكَ إنَّ قلبكَ يُخبِرُكْ

هي ساعةٌ
في موكبينِ تسابقا
تأتي وتمضي والسنينُ تُعثِرُكْ

ما كـانتِ
الدنيا تُغَّيِرُ وَجـهـها
لكن دربكَ يلتقـيكَ ويهـجُرُكْ

فاقطف
حنينكَ للصباحِ محبةً
نَفْحُ الحنينِ من الأحبةِ يزهِرُكْ

واكتُب
خِتامـاً من تحياتِ الرضا
يوماً ستنعاكَ العيونُ وتشكرُكْ

#كذلك_الخروج
#محمد_المهندس

Читать полностью…

ريحة البن ☕

أنعِم واكرِم ذاكَ دلالُ الغِيد
أغدَقَ قلبي سحراً يومَ العيد

حُلوُ الطلةِ طالَ صَباهُ بأمسي
دندن عند الهدأةِ أحلى نشيد

أنتً الفرحةُ والعيديةُ والتذكارُ
وأنتَ بطرفي نجمٌ غير بعيد

غمز فرمزَ ثلاثَ ليالٍ كيف الحالُ
وأسكر أنكر أمكر ظل شريد

منهُ أفرُ إليهِ أقرُ بما لا أقوى
أغوى حباً كاد شذاهُ يكيد

ما أحلاهُ أراهُ يثيرُ غماماً
قام يداعبُ أرضي كيف يريد

أغلى من .. بل أعلى أجلى
جلَ البارئ كيف براهُ وحيد

حادَ عنِ الضدين وبين البينِ
تهادى يرمي طْعماً ثم يصيد

رقَصَ مع أحلامي يشدو عطفاً
يخفضُ صوتَ النبضِ أصدُ يزيد

صافحَ حقلَ الصبحِ وهللَ كبرَ
صبَّ قصادَ الكعكِ كؤوس قصيد

قال تعالَ رُحتُ فرِحتُ أتيتُ أبيتُ
أعيدُ الكرةَ تحتَ الرغبةِ والتهديد

جابَ بكلِ دروبِ حنيني حتى حيني
همسَ ملياً حتى ذُبنا "وجابً العيد"
#محمد_المهندس

كل عام وأنتم بخير
ماعندنا صورة جديدة .. قديم بس ومعاها صرة ✋️

Читать полностью…

ريحة البن ☕

جات سيرة العيد
والناس بتهني وبتبارك
وانا بتتبارك بي الطافوا هناك
الشافو الكعبة وزاروها
الريد والشوق ساكن في القلب
لي زيارة مكة وسجدة قرب
الروح تشحتف وتعطش تب
ترويها صلاتنا علي الغالي
السيرتو تخلي القول حالي
صلواتنا عليك يا سيد الناس
وسلامنا عليك في كل ثانية
يوصلك ويغمرنا الاحساس
يملانا الحب

#ماجدولين_سعد 🕋🕌
(كل عام وانتم بخير وحجا مبرورا لكل حجاج بيت الله ولكل من حج بقلبه)

Читать полностью…

ريحة البن ☕

ﻭﺁ ﺑﻐﺮﻱ ﺍﻟﺤﺠﻴﺞ ﺍﻟﻠﻴﻠﻪ ﺳﺎﻳﺮ
ﻋﻠﻲ اﻟﻔﻲ ﺑﻘﺎﻋﻪ ﻳﻜﺮﻡ ﻛﻞ ﺯﺍﻳﺮ
ﻣﺎﻧﻌﺎﻧﻲ ﺍﻟﻈﺮﻭﻑ ﻭﺗﺮﺍﻧﻲ ﺣﺎﻳﺮ
ﻋﺰﺍﻱ ﺍﻟﺸﻮﻕ ﻭﺍﺣﻴﺎﺀ ﺍﻟﺸﻌﺎﺋﺮ
....................................
ﻣﺘﻴﻦ ﻳﺎﺟﺪة ﺍﺣﺮﻡ ﻭﻓﻴﻚ ﺍﺩﻭﺑﻲ
ﻭﺍﻗﻮﻡ ﻟﻲ مكة ﻭﺇﺭﺟﻊ ﻟﻴﺎ ﺻﻮﺑﻲ
ﺍﻃﻮﻑ الكعبة ﺗﻤﻼ ﺩﻣﻮﻋﻲ ﺗﻮﺑﻲ
ﻭﻣﻨﺎﻱ ﻳﺎ ﺍﻟﻠﻪ ﺗﻐﻔﺮ ﻟﻲ ﺯﻧﻮﺑﻲ
...................................
ﻣﺪﻳﻨﺔ ﺍﻟﺨﻴﺮ ﻣﺤﻞ ﺳﻌﺪﻱ ﻭﺷﻔﺎﻳﺎ
ﺻﻼﺗﻲ ﻋﻠﻴﻬﻮ ﻳﻨﺒﻮﻉ ﺍﻟﻈﻤﺎﻳﺎ
ﺍﺯﻭﺭﻭ ﻧﺒﻴﻨﺎ ﻣﺼﺒﺎﺡ ﺍﻟﻌﻤﺎﻳﺎ
ﻭﺑﻤﻮﺕ ﺑﺎﻟﺤﺴﺮﻩ ﻛﺎﻥ ﻣﺎﻧﺘﻢ ﻣﻨﺎﻳﺎ
..................................
ﺗﺮﺍﻧﻲ ﻣﻌﻨﻲ ﻳﺎ اﻟﺤﺠﺎﺝ ﺳﻬﻴﺪ
ﺑﺮﺍﻧﻲ ﺍﻟﺸﻮﻕ ﻭﻛﻞ ﺻﺒﺎﺡ ﺑﺰﻳﺪ
ﻫﺬﺍ ﺍﻟﻌﺎﻡ ﻋﻠﻲ ﻋﺎﻡ ﻣﻮ ﺳﻌﻴﺪ
ﻻ ﺣﺠﻴﺖ ﻭﻻﻥ ﻓﻲ ﺍﻟﺤﺞ ﺷﻬﻴﺪ
..
#نزار_سراج 🕋🕌
اللهم تقبل من حجاج بيتك لهذا العام وردهم سالمين غانمين واكتب لنا حجة في القادم..
ونسألكم يا حجاج بيت الله من صالح الدعاء

Читать полностью…

ريحة البن ☕

لكن..
يُقاطِعُني المُؤذِّن أنَّ فجرَ العيدِ جاء
عفواً .. فما زال الكثيرُ مدى انتظاري.. كي.. أجيءَ .. كما أشاءْ
كعكٌ وحلوى ثمّ أعواد البخور
أمّي ودعواتٌ لتمنحَني السُّرور
وشيٌ وعطرٌ ثم جيرانٌ أزور
قف!
كلَّ عامٍ سيّدي.. وأنا وأنت كما نُريد
عيدٌ سعيدٌ سيِّدي.. عيدٌ سعيد
عمرٌ مديدٌ سيّدي..
والعيدُ هذا العامَ حتماً .. لونُ طلّتِهِ جديد

#غدير_شيخنا

Читать полностью…

ريحة البن ☕

يا ابوي:-
جانا عيد من دون وعودك
وامنياتك وطلتك
منظرك والهيبة حالك
نور مُحيَّاك قدلتك
ونحن نتشابي وننطط
لي قروش عيدية منك
قُبلة نتسابق عليها
وكل أمان الدنيا حضنك
تعدل العمة وتباشر
كل زول بي بسمتك
وديمة ديوانك معبى
ومابتفتر همتك

#ريم_الرفاعي

Читать полностью…

ريحة البن ☕

لمه فرحه بين اخواني
عندي العيد بكون عيدين
ابارك للبعيد والداني
حنينه هي دعوة الوالدين

حس اطفال فرح في الحي
صباح العيد تزيل البي
تهانيك من اهل واصحاب
اماني توصلك للباب
كل سنه و انتو طيبين
عموم ناسي البعاد وقراب
و عقبال من العايدين

#عاطف_شمبات

Читать полностью…

ريحة البن ☕

المهابةُ .. فالمهابة
نفرةٌ روتِ الصبابة
وقفةٌ في يومِ وعد
كيف واللقيا مُطابه
المناسكُ دربُ ناسكَ
والحجيجُ أتوا جنابه
دعوةٌ ترجو قبولاً
كلُ كفٍ دقَ بابه
فرحةُ الراجينَ نادت
يا تباشيرَ الإجابة
آبَ قلبٌ ذابَ صدقاً
تائبُ أهدى مآبه
كَبري يا ارضُ نوراً
وافردي ظلَ السحابة
واشهدي "إني مُباهٍ"
أزهرت جمعَ الرحابة
عاد بعد العيدِ غضٌ
ردد الكونُ ..حبابه

#يوم_عرفة
#محمد_المهندس

كل عام وأنتم بخير

Читать полностью…

ريحة البن ☕

ياسلاااااام على عيد بلادي
الجلاليب الكتيرة
صوت منادي :
عيد مبارك ...
والسلام الفي الأيادي
يا تبارك ...
وصوت طلق شفع تصنن
وحالتي يامريود تحنن
كل لحظة أشب وأتاوق
شوووووق يجنن

والوطن حبه ويروق
طول ما ليل الهم بهضلم
يعني بكرة شروق شروق
نحنا شاربين الحناضل
صفو دم كل الغلابه
والفضل يا يبقى سافر
أو يسافر
ومافضل في الصحبة فاضل
وما إنكسرنا
ما إنكسرنا
ولسه متماسكين نناضل

كل عام والجميع بالخير
والقابله في براحات وطن زي مانحب ح يكون
خالي من الحروب
#ايمان_متوكل

Читать полностью…

ريحة البن ☕

ﺍﺳﻌﺎﺭ ﺍﻟﻀﺤﻴﺔ ﺟﺰﻡ ﻣﻮﻟﻌﻪ ﻧﺎﺭ
ﻭﺍﻟﻜﺒﺶ ﺍﻟﻤﻬﻠﻬﻞ ﺯﺍﺩﻭ ﺳﻌﺮﻭ ﻭﻃﺎﺭ
ﻣﺎﺳﺘﻐﺮﺑﺘﻮ ﻳﻨﺰﻝ ﻓﻲ ﺟﺮﻳﺪﺓ ﺍﻟﺪﺍﺭ
ﻭﺑﺎﻟﺨﻂ ﺍﻟﻌﺮﻳﺾ ﺇﺗﺸﺮرﻛﻮ ﻛﻢ ﺟﺎﺭ

ﻛﻨﺎ ﺑﻨﻀﺒﺢ ﺍﻟﻌﺎﻟﻲ ﺍﺏ ﺳﻨﺎﻡ آﻟﻨﺎﺥ
ﻭﻛﻨﺎ ﺑﻨﺴﻨﺪ ﺍﻟﺰﻭﻝ ﺍﻟﻮﻗﻊ ﻭﺍﻟﺸﺎﺥ
ﻣﻦ ﺳﻌﺮ ﺍﻟﺨﺮﻭﻑ ﺇﺷﻜﻲ ﺍﻟﻤﻮﺍﻃﻦ ﺩﺍﺥ
ﻭﻛﺎﻳﺲ ﻓﺘﻮﻱ ﻳﻤﻜﻦ ﺇﺣﻠﻠﻮﻟﻮ ﻓﺮﺍﺥ

ﻛﻨﺎ ﻧﺼﺪﺭ ﺍﻟﻤﺎﺷﻴﻪ ﻭﻛﺒﺸﻨﺎ ﺭخيص
ﻭﻛﻨﺎ ﺑﻨﻜﺮﻡ البغشى ﻭﺃﺻﻠﻨﺎ ﻧﻔﻴﺲ
ﺇﻧﻄﻤﺴﺖ ﻗﻴﻤﻨﺎ ﻭﺇﺑﺘﻼﻧﺎ ﺍﺑﻠﻴﺲ
ﻭﺧﺎﻳﻒ ﺑﻜﺮﻩ ﻧﺼﺒﺢ ﻟﻠﻤﺠﺎﻋﻪ ﺍﻟﻤﻴﺲ

ﻣﻌﺮﻭﺽ ﻓﻲ ﺍﻟﺠﺰﺍﺭﻩ ﻭﻏﺎﻟﻲ ﻓﻲ ﺍﻟﻄﺎﻋﻮﻫﻮ
ﻓﻲ ﺍﻟﻤﻦ ﺿﻮﻗﻮ ﻗﻨﻌﻮ ﻭﺑﺎﻟﻌﺪﻡ ﺩﺍﻋﻮﻫﻮ
ﺍﻟﺨﺒﺮ ﺍﻟﻤﺆﻛﺪ ﻭﺷﻔﺘﻮ ﻣﺎﺯﺍﻋﻮﻫﻮ
ﺍﻧﺎ ﺑﻌﻴﻨﻲ ﺷﻒ ﺭﺑﻊ ﺍﻟﺮﺑﻊ ﺑﺎﻋﻮﻫﻮ

ﻳﺎﺣﻠﻴﻞ ﺍﻟﻀﺤﻴﺔ ﻭﻣﺬﺓ ﺍﻟﻜﺒﺸﻴﻦ
ﻭﻗﺒﻠﻲ ﺳﻨﻴﻦ ﺃﺃﻛﺪ ﺍﺑﻬﻈﻦ ﻣﺘﻴﻦ
ﺍﻟﺤﻴﺮﻧﻲ ﻓﻮﻗﻪ ﻏﻼﺗﻪ ﻳﺎﻟﻄﻴﺒﻴﻦ
ﻭﻻﺭﺍﺗﺒﻚ ﺑﺠﻴﺒﻪ ﻭﻻ ﺍﻟﻘﻠﻊ ﻻ ﺍلدين

#نزار_سراج

Читать полностью…

ريحة البن ☕

يا دابا صبّت عندكم ؟؟.. و حسيتو بي جو الخريف
و شعرتو بي ريحة الدعاش و الغيمة و الجو الظريف ؟
أنا لي سنين عايش كده .. متهني بالحب الشفيف
أنا أصلي بي شوفة الحبيب .. دائما بكون في جو لطيف :)

.......

يادابا صبت و القلوب .. بتغني بي نشوه و سلام

و فرحانة بالندى و الزهور .. مبسوطة بي الغيم و الغمام

أنا غايتو ما فارق معاي .. مادام حبيبي معاي دوام

ماليني احساس بالجمال .. و مغطي دنياي بالغرام

......

أنا لي سنين في جو لطيف .. لا فيو سخانة ولا غبار

لا فيهو ليل غربة و بعاد .. لا فيهو مواجع بالنهار

يادابا صبت عندكم .. صبت بعد طول انتظار

الحمد لله البقيت .. ماف زيي في العالم كتار

.....

بتحبو انتو مع الفصول .. خوف للشتاء و حب للخريف

تشتاقو للحب في الربيع .. و تغيبوا عز الدنيا صيف

أنا حبي أكبر من مطر .. و اكبر من الخوف و الظروف

انا حبي في كل الفصول .. و حبيبي هو الجو اللطيف

#محمود_الجيلي

Читать полностью…

ريحة البن ☕

غيمتين بونسو فيني بيك
التانيه قالت في خجل
انا قاعدة احب لون سمرتك
ودارت وشيها علي عجل
مسكينه دمعتا خانتا
ما عارفه انو الحب أجل
صبت مطر
طيفك علي الواطه البكر
دسالو في رحم الغياب
زي صرة حب وملانه شوق
حتان رحل
انا شفتهم بتوسوسو
لكني كت غرقان حنين
غالبني فيك من ادني حل
عاينت في طرف السما
شايفك تبللي في النجوم
عاينت في الكون
كان عموم
عاينت فيك محل محل
ما لقيت خلاف انك رؤوم
يازوله زي انك رحيق
فورا دخل
منك شعاع
كشفك علي
وكشفني فيك
يا سامقه زي عود النخل
طويله زي بال النبي
فسيحه زي صحرا وسهل
انا وانتي في الريد نختلف
فتحونا في الدم زي اهل
يا دايسه في الجرح القديم
يا دايشه درويشك بهل

#عاطف_شمبات

Читать полностью…

ريحة البن ☕

سلامتك و العيون تبقالك الشوف
للمدي المدسوس ملبد خوف
و متمدد على حلقك
وجع عبرات تقيف عثرات
عشان الغنوة ما تمرق
مرتبة و الفراش يرقص على نورك
كرامتك قسموها فصوص
حنينك في الضمير مرصوص كما البنيان
عليك سميت جناي مخصوص
و ناديتك تعال في البال
بفرك ريدة في السهلة
و بفرد حسي بي مهلة
بقولك خير إذا كان الحنين تالت
كدي النمرق و نتوصابو تاني اتنين
سلامي عليك يا الثابت
مزعزعة روحي بين ريدك و بين قيدك
ولا غابت ملامحك فيني ما تابت
عيوني السكرة و الفترة
الغيوم خابت مطر من ضو عشق اول
و شوف سادس
إذا صبحت حواسك في الوطن سبعة
كدي النحسب دموعك في عيون الناس
و اغنيك في الغنا الفالت
نشاذك في الوتر معزوفة لي جنات
وكوثر من يقين مختوم
حلاوتك زايدة في الوجعة
الوطن ما مات و لا عيون الحنين فاتت
تعال ابقالنا ختت خير أكان حتت
شجرة الروح أواخر خدرة جواها و بقت صفرا
تعال انفره في الندرة
محل ختيت حنينك تنقلب خدرا
اكان مطرت في صخرة بتقوم شجرة
تعال نقرا السطور الأولى في نيلك
نشيل حيلك نوزعو حيل على الجنيات
ونتملابا هذي القيفة يا جلابا
ما بتتغابي في موجة البلد عرفة
هدى الصدفة اللقت جوة العشق صدفة
و بدت تسمع غناك من ضو
قبل ليلك يخش في الجو
نوزع لي مسامع الناس مواويلك
تفاصيلك مقسمة في
حبيبات من عرق مارق على جبهة
طفل واقف بنضف في قزاز اسود
ومادي الحوجة قدامو
وبسمة تضوي في وشين
ووش شين مادي اوهامو
تجاعيدك مقسمة حوجة في وش طفلة
شايلة لبان تبيع إحساسا في صينية
عز الحر
وخالة تجر كراعا عشان تبيع الشاي
و عم ملهوف علي بيتو
ولد مضطر
يلملم خاطرو في شنطة
و يشيلو سفر
دموعك ما بتغسل وجعة البلد
الصبح بي همو متعكر
رضاك ما طاب عشان كسر الحنين يجبر
مناك ما شاب عشان يديك ملامح لي حلم أصغر
غناك ما غاب
ولا غابت ملامح ريدك الفينا
بلد رغم الجروح في الروح
مرارتك في الحلق تنزل كما السكر

#ماجدولين_سعد

Читать полностью…

ريحة البن ☕

وانا طريد الموت ابحث عن ملاذ
هل يستقيم الظل لي
في اعوجاج القتل والذل والرصاص؟؟
بعض الرحيق نزفته
وجراحي لا تدري اتزرفني دموع
ام يغطيها الفراش...
بعد احتفاء الموت بي..
ظهرت جنود الخوف
تلبس حلة الزهو المقيت...
ماذا فعلتم ياكلاب الحرب
(رحم الجنجويد..).
وطني الذي مزقته...
أشلاء حب للسلام...
ونعقت مثل البوم فاليمت الحمام....
دوما عديم القيم محدود الرؤي...
اقتل بلا خجل
واشرب من دماء الطفل
والماخور في عقلي
ويكرهني الورى..
ماذا جنيت لاستحق الموت..ياهذا السواد...
الموت في وطني رخيص كالتراب..
هاذي البلاد ...
مسجونة الحزن الخراب...
حاربتهم بالضوء فشتتني البعاد....
فعبدت شيطان الاسي.
.سكنتني اغنية الحداد
ياربي من هذا النزيف الحر...
واوشحة السواد...
تتلفح الكل من ظلام السلطة( قتاله الولاد...)
من جوف هدير الاعتصام...
ظهرت ترانيم الحصاد...
ياوجعي من لوم الحروف
من شعر لا يسوي فتات اليوم
في كبد الظروف...
فاعيش..
يسكنني السكات...

#نصر_محي

Читать полностью…
Подписаться на канал