Telegram-канал regaypeshin - ڕێگای پێشین: Неотсортированное

ڕێگای پێشین

20 апреля 2023 22:56

🍃 سوننه‌ت و ئادابەکان و هەندێک لە واجباتی نوێژی جه‌ژنی ڕەمه‌زان و قوربان 🍃

1- ئاماده‌بوون له‌ نوێژی جه‌ژن و خۆشۆردن و پۆشینی جلی جوان و باش.

2- سوننه‌ته‌ به‌ر له‌ ده‌رچوونت له‌ماڵ بۆ نوێژی جه‌ژن چه‌ند ده‌نكێك له‌ خورما بخۆیت، وه‌ بە وتر بیخۆیت، واته‌: به‌تاك بیخۆت، یه‌ك دانه‌، یان سێ دانه‌، یان پێنج دانه‌،وە ئەم تاک خواردنی خورمایە تایبەتە تەنها بە جەژنی ڕەمەزان و کاتەکانی تر سوننەت نیە بە تاک بخورێت،وە لە جەژنی قوربان سوننەتە هیچ نەخۆیت تاوەکو دەگەڕێیتەوە ماڵ لە سەربڕاوەکەی خۆت بخۆی والله اعلم.

3- سوننه‌ته‌ ته‌كبیر لێ بدەیت‌، بۆ پیاوان به‌ ده‌نگی به‌رز، وه‌ ئافره‌تان به‌ ده‌نگی نزم و سری، تا ئه‌وكاته‌ی ئیمام دێت بۆ نوێژی جه‌ژن دوای نوێژی جەژنی ڕەمەزان تەکبیرات تەواو دەبێت،وە لە جەژنی قوربان تاوەکو ڕۆژی چوارەمی جەژن دەمێنێت لە دوای نوێژەکان و کاتەکانی تر دەکرێت.

4- سوننه‌ته‌ له‌ چوونت بۆ نوێژی جه‌ژن كه‌ به‌ڕێگایه‌ك داده‌چیت له‌ كاتی هاتنه‌وه‌ ڕێگاكه‌ت بگۆڕیت.

5- نوێژی جه‌ژن دوای هه‌ڵهاتنی خۆره‌ به‌ئه‌ندازه‌ی رمێك کە دوای چارەگێک بۆ بیست دەقە دروستە والله اعلم، وه‌ به‌بێ بانگ و به‌بێ قامه‌ته‌، وه‌ به‌بێ وتنی ( الصلاة جامعة ).

نوێژی جه‌ژنیش: دوو ڕكاته‌،وە ڕای ڕاجح و بەهێز وابجە ئەم نوێژە له‌ ڕكاتی یه‌كه‌م حه‌وت ته‌كبیر ده‌كرێت، وه‌ له‌ ڕكاتی دووه‌م پێنج ته‌كبیر ده‌كرێت.
وە لەنێوان تەکبیرەکان دروستە زیکر بکرێت بە (سبحان الله والحمدلله ولا إله إلا الله والله أكبر) وە دروستیشە هیچ زیکرێک نەکرێت،وە دروستە لەگەڵ تەکبیرەکان دەست بەرز بکرێتەوە وە دروستیشە دەست بەرز نەکرێتەوە.

وه‌ سوننه‌ته‌ بۆ ئیمام كه‌وا به‌ده‌نگ له‌ ڕكاتی یه‌كه‌م سوڕه‌تی ( الأعلی ) بخوێنێت لە دوای فاتیحە، له‌ ڕكاتی دووه‌م ( الغاشیة )، یانیش سوڕه‌تی ( ق ) و ( القمر ) بخوێنێت.

وه‌ له‌ پاشاندا وتارێك ده‌درێت، ئاماده‌بوون تێیدا سوننه‌ته‌، وه‌ به‌یه‌ك وتار دەبێت نەک دوو وتار، به‌داخه‌وه‌ هه‌ندێك له‌ وتاربێژه‌كان وه‌كو وتاری هه‌ینی به‌ دوو وتار وتاری جه‌ژن ده‌ده‌ن!.

* ئه‌گه‌ر كه‌سێك نوێژی جه‌ژنی به‌ جه‌ماعه‌ت له‌ ده‌ست چوو، ده‌توانێت به‌ ته‌نها بیكات به‌و شێوه‌ی كه‌ باسكرا و تاوەکو نیوەڕۆ کاتەکەی دەمێنێت.

6- وه‌ سوننه‌ته‌ له‌كاتی جه‌ژنه‌ پیرۆزەكردن له‌ یه‌كتر بوترێت: ( تَقَبَّلَ اللَّهُ مِنَّا وَمِنْكُمْ ).

7- ڕۆژی جه‌ژن ڕۆژی دڵ خۆشی و دڵ فراوانی و خواردن و خواردنه‌وه‌ی پاك و حه‌ڵاڵه‌،نەک تازیە نوێکردنەوەو غەمباری و دڵناخۆشی کە شتانێکی ناشەرعین.

8- سوننه‌ته‌ كه‌وا به‌ پێ بچیت بۆ نوێژی جه‌ژن.

9- وه‌ سوننه‌ته‌ كه‌وا ئاماده‌ی وتاری جه‌ژن بیت و دانیشیت و گوێ له‌ وتاره‌كه‌ بگریت.

10-پێش نوێژی جەژن سوننەت نیە دوو ڕکات بکرێت،بەڵام سوننەتە كردنی دوو ڕكات نوێژ دوای ئه‌وه‌ی كه‌ له‌ نوێژی جه‌ژن گه‌ڕایته‌وه‌ ماڵەوە‌، واته‌ دوو ڕكات له‌ ماڵ بكه‌یت.
عن أبي سعيد الخدري رضي الله عنه قال :
((كَانَ رَسُولُ اللهِ صَلَّى اللهُ عَلَيْهِ وَسَلَّمَ لَا يُصَلِّي قَبْلَ العِيدِ شَيْئًا فَإِذَا رَجَعَ إِلَى مَنْزِلِهِ صَلَّى رَكْعَتَيْنِ )) رواه ابن ماجه، حسنه الألبانی في سنن ابن ماجه (1293)، و الإرواء (3 / 100).
واتە:
پێغەمبەری خوا صَلَّى اللهُ عَلَيْهِ وَسَلَّم پێش نوێژی جەژن نوێژی نەدەکرد،وە ئەگەر بگەڕایەوە بۆ ماڵەوە دوای نوێژی جەژن ئەوا دوو ڕکعاتی دەکرد.

تێبینی:بەڵام ئەگەر پێش نوێژی جەژن چوی ئەوا دروستە نوێژی تەحیەت ولمەسجد بکەیت و ئەمە پەیوەندی نیە بە پێش نوێژی جەژن.

وه‌رگیراوه‌ له‌ سایتی شێخ صالح الفوزان خوای گه‌وره‌ بیپارێزێت به‌ كه‌مێك ده‌ستكاری و زیاده‌وه‌.
http://www.alfawzan.af.org.sa/node/14073

📲 ڕێگای پێشین
/channel/Regaypeshin