834
Haitham Al-Lami
بويه بويه وين هالغيبه صحت
بويه بويه ليش راسك بالطشت
انه رقيه. انه رقيه
**
امدلله ومحد يمسها. بعمري البنيه
بالصياط اشلون انطك. وامشي مسبيه
بقوته السلاب جرني. وخذه الترجيه
ونجوت بالنار عكبك. بويه رجليه
بويه بويه. اذني دم كلها شفت
بويه بويه ليش راسك بالطشت
**
امن السهر والتعب بويه ذبلت عيوني
ردت اشبكنك وحضنك. ما يخلوني
عالرمح يفترلي راسك. من يضربوني
والشمر ايده ثكيله. وزورگ امتوني
بويه بويه. تدري من بعدك ضعت
بويه بويه. ليش راسك بالطشت
**
الشوك بالعاشر سحگته. وهذا دم رجلي
امن العساكر ديري بالج. عمتي اتگلي
طفله مرعوبه واسيره. ما شفت مثلي
حافيه اركض بالصحاري. والرمل يغلي
بويه بويه. وبالحبال اتجتفت
بويه بويه. ليش راسك بالطشت
**
من وصلنه الشام تدري غربه غربتنه
الناس ملتمه علينه وتجري دمعتنه
بالخرابه بيتونه. وحاله حالتنه
وهند فوك الكاع كعدت. حين شافتنه
بويه بويه. الراس عمي اركض رحت
بويه بويه. ليش راسك بالطشت
***
بالطشت تدري التقينه. غالي وي غالي
ردتك اتنشف دمعتي. وتنضر الحالي
اذكر اشلونج رقيه. الراس كلالي
وكتله اريد اوياك اموتن. هسه هنيالي
بويه بويه. وفوكك بلهفه متت
بويه بويه. ليش راسك بالطشت
***
تمت
تحسين الخفاجي
الباب من اجذوع وتطك الضلع
ونصلب زيد الشهيد بهل جذع
*ابباب الزچيه اصبح حطب…وهل مره بيه زيد انصلب ..*
ونصلب زيد الشهيد بهل جذع…
//////////////////
ضلت تون ام الحسن مو بس ضلع ياذيها
إوصَف الضلوع اتكسرن وردت الباب اعليها
هل مره ونتها علت ودمعة الم تجريها
تنظر الزيد اتذكرت باب ولهب وج بيها
من الجذوع النايحه و متمرمره
نار منهن والصلب بيهن جره
*بس جمر ماينطن رطب ..وهل مره بيه زيد انصلب*
ونصلب زيد الشهيد بهل جذع
////////////////
فوك الجذع يبقه سنه وجثته اتضل مصلوبه
زيد الشهيد ابن النبي وبكصته مكتوبه
مثل الحسين ابكربله وعمامته مسلوبه
جده الحجر شك جبهته زيد بسهم مصيوبه
والحجر صاير سهم بيه انرمه
ومثل جده جبهته انترست دمه
*ابسهم الغدر حيف انظرب… وهل مره بيه زيد انصلب..*
ونصلب زيد الشهيد بهل جذع
////////////
راية حسين ابيمنته وياعلي اتحزم بيها
بالكوفه اعلن ثورته بالدم إيوَقع اعليها ..
حط الدمه للخاتمه ونار الظلم يطفيها
ظالم ابن عبد الملك واهل النبي ايعاديها
زيد قرر والشهاده الخاتمه
وعهد ويه حسين وقع بالدمه
*
*_ثارك يبو اليمه انكتب… وهل مره بيه زيد انصلب*_*
ونصلب زيد الشهيد بهل جذع
////////////////////
لا هذا مو حيدر علي الطايح غدر بالكوفه
ولا مسلم الضل وحده والبايعوه اتعوفه
بس هذا مشهد للغدر واهل الغدر معروفه
البايعوا نكثوا بالعهد والكل نكر معروفه
هذا زيد ابن علي ابن الحسين
الكوفه غربه إوَّحده ابنص ظالمين
*
*ماچنهم احرار وعرب… وهل مره بيه زيد انصلب**
ونصلب زيد الشهيد بهل حذع
////////////////
من بعد ما زيد انكتل وجثته اتوسدت كبره
قرر ابن عبد الملك كبر الشهيد يحفره
طلع الجثه الطاهره وبالصلب يصدر امره
بعد الصلب صار الحرك ابنهر الفرات اتذره
وانكتل وانصلب جثته تحترك
وزيد خالد بقه بدروب العشك
*إعله حسين وناته إونِحب… .وهل مره بيه زيد انصلب*
/////////////////////
نسالكم الدعاء
احمد الطيب الحلي
رحلة عشك مشينه لارض الوفاء
كل الطرق تؤدي إلى كربلاء
هلا يازاير هلا
المشي لحسينك حله. إلى كربلاء
ــــــــــــــــــــــــــــــــــــــــــــــــــــــــــــــــــــــــ
استعدو ياهالغيارى
اكتبوا اجمل عباره
الزياره اعظم زياره واحله زياره
مشينه وعشكه يحفنه
وعلمنه رف بجتفنه
للحسين نوصل حلفنا ونمشي بقراره
مشاي مشاي فوك امتونك يرف العلم
مشاي مشاي كاصد كربله حافي الجدم
مشاي مشاي راسك مرتفع فوك القمم
من كبره صاحك حسين. يزاير هلا
اليوم بعشكم اتفيض. ارض كربله
هلا يازاير هلا
المشي لحسينك حله إلى كربلاء
ــــــــــــــــــــــــــــــــــــــــــــــــــــــــــــــــــــــــ
تعبنه. ومحلى تعبنه
بالحسين. هايم كلبنه
عشكنه. اليطوي دربنه جايبنه حبنه
اجينه. بلهفه اجينه
لكينه. الراحه بمشينه
ترف شوك. الرايه بدينه زواره صحنه
جيناه جيناه. من يم البحر حد النحر
جيناه جيناه. مشايه وحده بينه الفخر
جيناه جيناه. يستاهل تعبنه والسهر
مانتعب ونواصل. بعد بالمسير
درب المشي نريده فلا ردنه غير
هلا يازاير هلا
المشي لحسينك حله إلى كربلاء
ـــــــــــــــــــــــــــــــــــــــــــــــــــــــــــــــــــــــ
عظيمة رحلتنا هايه
نواسي ضعن السباية
عشكنه ماله نهايه وحبه هدايه
نزوره جينا بدمعنه
اعله حبه. الغالي جمعنه
بخدمته. الله رزقنه من البدايه
الله الله. عن هالخدمه لا مانبتعد
الله الله. من عدنه اخذ عطره الورد
الله الله مشايه وخدم إلى الأبد
خدمه ومشي عمرنه. ولطم عالصدر
يكضي ويه ابو رقيه. حلات العمر
هلا يازاير هلا
المشي لحسينك حله إلى كربلاء
ــــــــــــــــــــــــــــــــــــــــــــــــــــــــــــــــــــــــ
يزاير. اشما تتعب اكثر
يعينك. مولاي الاكبر
اويه الحسين. تربح متخسر احله تجاره
اجرها. شكبره خطوتك
تقبل. الله خدمتك
يمشاي. حلوه مشيتك. بدرب الزياره
حياك حياك. يالتمشي ودمع عينك يهل
حياك حياك. اسمك سجلاه ابو الفضل
حياك حياك. خادم من صدك كول وفعل
يالكاصد بدمعتك. لارضِ الحسين
اسمك تسجل انت. منَ الزائرين
هلا يازاير هلا
المشي لحسينك حله إلى كربلاء
ــــــــــــــــــــــــــــــــــــــــــــــــــــــــــــــــــــــــ
نصبنه. خيمة حزنه
خدمها تنكط محنه
للحسين. فدوه عمرنه. الخدمه فخرنه
تعب حر. لا مايهمنه
ولا يوم. يبرد عزمنه
نجيله. يرفرف علمنه. وهوه يلمنه
لحسين لحسين. خل انفهمه هسّه المافهم
لحسين لحسين. مليوينه هالمرّه قسم
لحسين لحسين. مشايه احنه ياناس وخدم
لآخر نفس نخدمك. نظل ياحسين
الخدمه ذمه عدنه. يبونه الحنين
هلا يازاير هلا
المشي لحسينك حله إلى كربلاء
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
يادنيه طالت فرگته وحيل انشغل بالي
ليليه اشوفه منذبح وراسه برمح عالي
من تسلب گلبي شيب
*
بالطيف جني بكربله وبگلبي الاحزان
شفت الحسين اعله الثره ويگلي عطشان
وزينب شفتها محيره وماعدها خوان
بين الزلم زينب متحيره وتنحب وبالغربه تتعذب شفتها
ما ينوصف همها من حرگو اخيمها ما ظل اخو يمها شفتها
تتراكض ابين العده وياحيره حيرتها
وگفت على التل بالدمع وتحشم اخوتها
يمه زينب گلبي شيب
***
ما ادري وين انطي الوجه محتاره وحدي
راحو بنيني بكربله وكل غالي عندي
كل همي ابو اليمه عدل وماهمني ولدي
حسين اغله من روحي وهو اكبر اجروحي مابطلت نوحي اشوفه
تتراكض ايتامه وحترگت اخيامه وما تنعد اسهامه اشوفه
نايم لگيته عله الترب ويون اسمعنه
متعوب وجروحه شكثر والطعنه عالطعنه
ناري تلهب گلبي شيب
***
اتعنه لحسين الشمر بعيوني انظره
حط سيفه شفته برگبته وظل يحز نحره
وبنحره طبرات اثنعش طبره عله طبره
من انگطعت انفاسه بمهره رجع داسه وشال برمح راسه نظرته
خيول اعتنت عشره سحگن على صدره وضلوعه متكسره نظرته
من الحوافر والسحگ صدره انطحن شفته
عطشان گطعو منحره وتسلبت جثته
شگد تعذب گلبي شيب
****
اركض رحت للمشرعه والدمعه بالعين
الحگ يعباس الشمر حز نحر الحسين
شفته رميه عله النهر ماعنده جفين
مگطوعه جفينه وصاب السهم عينه ما يلحگ حسينه تگطع
ما تنعد اجروحه وگبله گضت روحه والرايه مطروحه تگطع
مگطعينه عباس العده والعين ممروده
وراسه تهشم بالعمد وعله الارض جوده
حاله يصعب گلبي شيب
***
النار بخيم زينب دوت من يطفيها
اتلم باليتامه والخيم حرگت اديها
وبسوطه اشوفنه الشمر يفتر عليها
بسوطه يألمها وحرگوهن اخيمها ماظل اخو يمها غريبه
رُقيه اصد ليها سلبو تراچيها واسمع بواچيها غريبه
حضرو زينب للسبي وبالحبل جتفوها
وشلون عالنوگ الهزل زينب يصعدوها
هي تنحب گلبي شيب
****
فزيت واسمع ناعي اجه ينعه المصيبه
حاجيني عن ابني صحت واسمع نحيبه
گلي گضو ولدج ذبح وزينب غريبه
ياناعي حاجيني ماگتلك ابنيني انشد على حسيني وحبيبي
گلي انسحگ صدره وضامي انگطع نحره ظل عاري عالغبره حبيبي
ظل بصحاري كربله محد اجه وشاله
وزينب خذوها ميسره ومحتاره بعياله
من تغرب گلبي شيب
***
تمت
ميثم العمري
آنا بالمشايه
شعر ـ دكتور كاظم المعقلي
&&&&&&&&&&&
ابصفَر لاتسأل عليه ابإيدي شايل رايه
وكل سنه من اليوم الاول آنا بالمشايه
المشي ايغيض العِدا
خلها عندك قاعده
آنا بالمشايه
~~~
عهدي هذا من الزغر وقعته اله
مشيي لحسين ابصفر ماابدله
امشي من ابعد مسافه لكربله
ابمشيي اواسي المنتظر هو وهله
لابرد لاحر يهمني سهله كلها لعَينه
گلبي مو رجليه تمشي ونبضه بسم احسينه
أمشي ودموعي جِرِيه
ونار ابو الاكبر سريه
للابد مشتعله بيه......... وتلتهب
بيها عنوان القضيه
حب ابو سكينه ورقيه
ايخطه دم الجعفريه....... وينكتب
دمعي يهمل عالوجن ماينكطع
هذا شان الشيعي لمن ينفجع
سالك دروب الفدا
خلها عندك قاعده
آنا بالمشايه
~~
آمشي بس مكسور خاطر بالدرب
وهيّه مو تمشي الرجل يمشي الگلب
اويه الملايين الاجت شرق وغرب
كلها تصرخ ياحسين وتنتحب
عافت الكل واعتنتله روجه تلحگ روجه
بالدروب المستقيمه وبالدروب العوجه
تمشي تمشي ولاتبالي
عدها يبقى الغالي غالي
.تحسب ايام وليالي....... ولا تِهِم
خلي الجْدام اتتورّم
كلها بحزام اتتحزّم
لاتهم من يطلع الدم... ياجدم
خلي الغـْبار ايتجمع علوَجِه
تمشي من كل الدروب وتتجه
بالنهج متوحده
خلها عندك قاعده
آنا بالمشايه
~~~~~
امشي ودموعي اعلى خدي اتهل دمه
حزني هسه اخترته وكته وموسمه
دربي عالايام أحسبه امقسّمه
باربعينه اتلاگه وي بت فاطمه
من تصل للتل غريبه كون أنا اتلگاها
أرد اواسيها ابدموعي ونلطم آنا اوياها
اهناكَ يم تل المآسي
أرد أعزيها إو أواسي
أرد ادگ يمها اعلَى راسي..وابچي دم
وأرد اذكّرها ابرقيه
وبرضيع الغاضريه
ومن تعدت آل اميه.... اعلى الخيم
وادري زينب عدها طف طول الدهر
يمها نبلة حرمله ورايه ونهر
والجثث متمدده
خلها عندك قاعده
آنا بالمشايه
~~
آنا من الخطوه الاولى ابمشيتي
چن احس دَخنـْة خِيام ابريّـتي
وتنحبس وبصدري تخنگ عبْرِتي
وحمره تحت اضلوعي تسعر جمرتي
امشي وببالي المصيبه وچنها توها اگبالي
چني امشي اويه السبايا اوقيّدتني احبالي
امشي والخطوه ثگيله
وتوگف ابعيني العقيله
وروحي تسرح للعليله... التنتظر
من يرد ظعن السبايا
ابلا رجال ابلايه رايه
وتسمع ابناعي الضحايه..ام الگمر
وأشعر اعيوني ابغواش وتنغشي
آنا عايش واقعه ومو بس مشي
بالمسير امأيده
خلها عندك قاعده
آنا بالمشايه
~~~~~
هالشعاير بيها حفظ الواقعه
اتحيي بيها البلسماء السابعه
بيها تمشي وبيها ردت راجعه
وبظهرها التمشي قوه الدافعه
جذب قوه من الحسين وتجذب اهل الغيره
لاسهر بيهم يأثر لا تعب لاغَيره
تحسب ايام وثواني
اتهل الدموع وتعاني
كلها متحضره وتتاني..... ايهل صفر
تحيي بالممشه الشعيره
هاي الجموع الغفيره
اتشابكت مثل الظفيره.....التنظفر
هايه سُنّه وماتغيرها السُنَن
تعزيه لآخر صفر لأم الحسن
هالجموع الوافده
خلها عندك قاعده
آنا بالمشايه
~~~~~
شيعه احنا انواسي حيدر والنبي
ونحرگ ابمشيتنا گلب الناصبي
بينا بس الكله غيره وكل أبي
وتبقىٰ نار البينا تسعر عالسبي
ابد ماتطفىٰ الحراره وللابد مسعوره
عالرؤوس العلعوالي والجثث منحوره
نهج هذا ومانعوفه
بكل زمان الطف نشوفه
وگبر ابو الاگبر نطوفه.. ابكل زمن
ياسفينتنا الامينه
واحنا ركاب السفينه
نلتقي بيوم اربعينه...... بالصحن
بالسبايا اوياهن انهل الدمع
باللطم لازم نكسرك ياضلع
وتبقى نارك واگده
خلها عندك قاعده
آنا بالمشايه
~~~~~.
كربله قصة جرح....طفله ابوها منذبح..
تمشي اهلها عالرمح.. راحو
تحاچي عمتها بهضم ..عمه شنهو هلضلم
هذه واقع لوحلم ...راحو
ــــــــــــــــــــــــــــــــــــــــــــــــــــــــ
عمه أحچيلي يزينب شنهو ياعمه الجره
ليش محترگه خيمنه وللسبي صرنه سره
عمه سلبولي التراچي..وأذني ملچومه تره
وينه الأكبر والحسين وهليصدهم
وينه كفالي يجي يشوف ويردهم
طالت الغيبه يعمه شو بعدهم
طول غياب الأهل ..
خاف يخلصلي الأمل .
مشه عبدلله ورحل
راحو
ــــــــــــــــــــــــــــــــــــــــــــــــــــــــ
رقيه خليني اگلج..مهد عبدلله خله
مرمي عباس و يلكبر .بيهم انه معلعله
والحسين وصدره مرمي وگلبه بسهام ابتله
ضامي عطشان الأبو عمه دليله
كلها فزعتله تسلبه الكل تجيله..
ماله أخوه اليمه تفزعله وتشيله
عالترب وبلانحر
بلايا چفين الگمر
ودعي ذيج الصور
راحو
ــــــــــــــــــــــــــــــــــــــــــــــــــــــــ
أنگلب عمه وضعنه..تحضري لدرب اليسر
من اشوف يگيدونج ماكو واحد. ينكسر
بس الحسين اعله رمحه من يشوفج ينقهر
ينهضم بيج ويصيح يارقيه
وسفه يبنيتي يسمونج سبيه
بويه چم يوم وتره تجيني اليه
صبري بويه بكربله
الدنيه صارت مايله
والدج كل الأله
راحو..
ــــــــــــــــــــــــــــــــــــــــــــــــــــــــ
بعد ماخلص دربها وصلت الديره يزيد
السوگ لاكاها بهلاهل وهيه مگيوده بحديد
بالحجر ضربو اخوها البقه بعلته وحيد
طببوهم من بعدها بنص شماته
راس الحسين بعصه يضربو عداته
كل حقدهم ماخلص لچمو بناته
يحرگ بگلب الضعن
الماطبگ الهم جفن
الفارگو الهم وطن
راحو
ــــــــــــــــــــــــــــــــــــــــــــــــــــــــ
والطشت جابو لألها نحر ابوها بيه طلع
وشبگت الراس بحضنها ونحر يم منحر وكع
رقيه طفلها موتوها والهوه منها انگطع
اربع سنين اليتيمه كل عمرها
بديرة الشام بغرب باقي گبرها
لسه باقي ياخلگ طفله أسرها
بغربه محنية ضهر
لسه مايل هالدهر
شافت اشكال القهر....
راحو
مقتدى الشبلاوي
قصيدة ( ها رقيه ) عندما رأت في الخرابه ابيها في المنام وكأنه يسألها
هــا رقيــه اشلونچ زرگه ليش امتنونچ
الحمره البخدﭺ توج بروحي جمره
هاي مو حمرة ورد لا هـاي سطره
هــا رقيــه هــا رقيــه
****
ليل السبي وذاك الخطر
بعيـِون ذبلــهـا الســهـر
مــر بيها ابوهــا بالحلم زيـاره
شاف المتن ينزف دمه
بـدمعـه رقـيــه تكلـمـه
انظــر يبويـه للدمّــه يتجاره
بــويــه .... أتبيـن يبـويـه بالمـشي اليتيمــه
بــويــه .... من بعدك بسوط انضرب هضيمه
بــويــه .... خيمــه الابو وإني فگّدت الخيمه
تجري بويه اعيوني مــوتتني اظنــوني
آه يــا نار السبي جمــرتها جمــره
هاي مو حمرة ورد لا هاي سطره
****
گلّتله والمــدمع جــره
نـــار بُعــدك مــوجـره
ومن اسال يگلولي هسه الجيّـه
يا بويــه بحضانك چــنت
طير وعلى غصنك عشت
محلاهــا بأحظان الابـو البنيّه
بــويــه .... يـاذي الهجر يالرحلتك طويله
بــويــه .... خليني يمّــك بويه انــام الليله
بــويــه .... حيلي تهدم أنته عمري وحيله
الهوه أيِجرح انفاسي طفله شيّب راسي
عمري من بعدك گضيته حسره حسره
هــاي مــو حمرة ورد لا هـــاي سطره
****
يا بويه بالدمعه انتظر
يا ليلـه انتظــرك تمــر
وي روحي يوميه اگولن هايه
يوميه اتــاني جيّـتـك
لابــــد تمِــر ببنيَـتّك
عطشانه الك مو للفرات ومايه
بــويــه ..... تــدريها البنيّه شكثــر حنينـه
بــويــه ..... گلبي يبويه مــا بطل ونينــه
بــويــه ..... مشتاكه بنتك والدي الحزينه
ارد اشــم ثيــابك ليش طال غايبك
أحلم الغــايب يجيني مــره عطــره
هاي مو حمرة ورد لا هاي سطره
*
تنشدني عن عودي ذبل
يـــا بويه اليفارگ أهل
ميت يبويه بس جسد تشوفه
يــا بويه وبخــدي الأثر
نفس الگطع منك نحر
مطبوعه بويه من اثر چـفُوفه
بــويــه ..... ذبّـاحـك التــارك اثـــر بديــه
بــويــه .... شوفني من بعد السبي المنيه
بــويــه ..... ما تنوصف مـن بعـِدك الرزيه
چفي چنت تشمّه هسه يگطر دمّه
بعبره يسألها وتــرد أعليه عبــره
هاي مو حمرة ورد لا هاي سطره
***
يـا بويه رايح لــو تظل
ويــاك اخـذني للأجــل
وين العزيزه بويه والخــرابــه
كل ساعه روحـي تنلـچم
تستمع بس صوت الشتمْ
زغيره ودليلي يا كبّـر مصــابه
بــويــه ..... بقصر الشماته واگفه سبيه
بــويــه ..... ومــا ﭽني ذيـچ الغاليه رقيه
بــويــه ..... بذيـچ الخرابه شقدمو هديه
راسك أنته الغالي بويه عذب حالي
بويه واسهام الشماته اهناك نظره
هاي مو حمرة ورد لا هاي سطره
****
الشاعر
موسى البديري
وين هاشم خلهه تنصب فاتحه
ميت وگيد المصيبه الجارحه
........................................
مات زين العابدين اليله مات
خلص عمره حايطاته النايبات
مات واجفوفه ابحديد امنيشنات
وياهو ينعاله وتنوح النايحه
...........................................
مات من تمم ابوه فرض الصلا
وانتصر دمه على اصحاب البلا
سبب موته مو ابسم من كربلاء
اشما ذكرهه ادموعه عالخد طايحه
................................................
مات من شاف الحسين ابلا غسل
وبيه حسرات السبي وركب الهزل
اشما ذكر زينب مشت مدمع يهل
وعن اخوه ابلا محمل رايحه
.............................................
ابو الباقر خلص اسنينه ابألم
وگلبه من الفرگه نصين انجسم
يبجي كلما ينذكر راعي العلم
الجثة العباس بالدم سابحه
................................................
نار واخيام وحرم هيمه اوسبي
الشيل ضهره ماگدر يحبي حبي
بيه لوعه ابعلو التل الزينبي
شاف نحر حسين شمر الذابحه
.............................................
ماله خوان النعش صاحت عليه
وال هاشم موته من سبله اديه
كون وكت الموت ابو الاكبر يجيه
وغمض اعيونه وقراله الفاتحه
خادم اهل البيت علي الزرگاني
عزيز امه انسحك بالخيل
واجته اخته تلمه بليل
ماخذهه التعب كل حيل ما بيهه
1
من سابع سمه وينظرهه رب الكون
كعدت يم اخوهه ابلايه شوف ام عون
حارت جسم اخوهه اتلمه مدري اشلون
مسحوك اعله طوله وما بقتله امتون
حارت … تجمع ،،،
جسمه ابيا حيل
صاحت … يارب …
طشروو بالخيل
طشروو خيرك اعله الكاع ... وكل حافر اخذله امتاع
من اضلوع اخوي الداست اعليهه
............2............
أجت بس ما اجه وياهه يويلي الحيل
وخطوات الدرب كظتهه عثره بليل
متّربه العبايه وساحكتهه الخيل
كوه اجر نفسها والطريق اطويل
لطمت ،، ونت ..
لحسين اهواي
أوصلّت … وحشه ..
الموته ابلا ماي
توضت زينب بدمعات
اوقرتله الفاتحه لوعات
وصلاة الوحشه صلّتهه بنواعيهه
_3_
من بعد الدواره الدورتهه اهواي
وصلت يم اخوهه الفاكده اجم راي
اجته وجايبه وياهه طاست ماي
تكله اكعد اروي اضماك عوف اضماي
جيتك .. خويه ..
اتكله بعنوان
اكعد … واروي…
الجبد العطشان
جبت الماي إلك يحسين
بس راسك أجيبه امنين
اشربك ماي من النحر تاليهه
==4==
بدت تجمع بخوهه الما بقاله امعين
واول شي تجمعه رادت الضلعين
ما كدرت تلمهن مارديهن زين
ظلت بالأرض تحفر تدور حسين
بلكت … تلكه …
أشويه من المات
حفرت .. شافت ..
ضلعه ولجمات
يصب نحره اعله طوله دموم
وجرح شابك جرح ملجوم
يفز حسين كل ما مدت ايديهه
...............
5
فرشت شيلت امهه ابمصرع المذبوح
وكل ساعه تشد منة جرح مفتوح
واتوخر التراب البل نحر وتنوح
ومن كد ما بجتله منهه طلعت روح
صورت .. زينب ..
تبجيله عيون
خلت ،،، كلشي ..
ينوح اويه ام عون
حزنهه اخته اعله ذبحه اهواي
بكثر ما عطشوه للماي
لذلك بجت الكون ابواجيهه
...............
6
ابسرعه الليله عدة عالعقيله ابساع
ما لحكت تودع حسين خوش اوداع
ولا كدرت تعوفه امطشر اعله الكاع
الوكت من عدهه ضاع بخنصره الي ضاع
خلَصت .. ليلة
حادي المقتول
أدور … خنصر
ضايع بالجول
عليهه ابسرعه طر الانهار
أتعبت بس ما لكتله آثار
ضاع الخنصر وظلت مآسيهه
::::::::::::::::::::::::::::::::::
✍🏻💔 كلمات موسى الخادم
راح اكتــــب اصعب كلمـــه بتاريــخ الاحــزان
الـسـاتـر كـل الـعـالـم ثـوبـه ضـامـي وعـريـان
والـحـافـر شـگ اهـدومـه
لامـا كـو أصـعـب مِـن يـومـه
بـتـاريخ الأحـزان
_______
تـدوس الـخـيـل واهـدوم وجـلـد تـشـلـع
جـلـد الـطـف عـلـى هـذا الـوضـع يـگـشـع
الـخـيـل اتـگـول ثـار وتـاخـذه امـربـع
عـظـم صـدره اعـلـه رمـل الـگـاع ظـل يـطـبـع
وابـالـي اتـدور احـچـايـه ومـاتـنـظـم يـا نـاس
بـهـذا الـمـوقـف شـيـسـوي لـو شـافـه الـعـبـاس
ويـشـوفـه ابـنـص الـحـومـه
لامـا كـو أصـعـب مِـن يـومـه
بـتـاريخ الأحـزان
________
يـلـوج مـن الـعـطـش والـخـيـل رِضـنّـه
وشـيـبـه مـن دمـائـه الـطـاهـره اتـحـنّـه
يـزحـف راد بـس لـلـخـيـمـه يـتـعـنّـه
ابـنـص الـجـيـش نـسـوانـه اسـمـعـن ونّـه
يـوگـف يـوگـع واجـروحـه چـانـت حـيـل هـواي
ولـكـم مـاعـدكـم غـيـره بـس جـيـبـولـه الـمـاي
راح انـطـيـكـم مـعـلـومـه
لامـا كـو أصـعـب مِـن يـومـه
بـتـاريخ الأحـزان
________
بـأنـفـاسـه الأخـيـره و چـان يـتـلـوّه
صـد اعـلـه الـنـهـر والـشـوف بـالـگـوّه
يـا عـبـاس لـحّـگ راحـت الـخـوّه
بـعـزيـزك شـوف حـافـر خـيـلـهـا شـسـوّه
يـا عـبـاس الـحـگ لـيـه اوخّـر عـنـي الـخـيـل
لـو بـيـه آنـه اتـعـنـالـك لاچـن ويـن الـحـيـل
شـيـل مـن حـسـيـن اهـمـومـه
لامـا كـو أصـعـب مِـن يـومـه
بـتـاريخ الأحـزان
_________
سـهـم صـدره الـطـلـع يـا نـاس مـن ظـهـره
فـوگـاهـا تـروكـه الـخـيـل واتـكـسـره
وكـل هـذا الـكـلام اتـشـاهـده الـزهـره
وتـگـض اضلوعـهـا واتـذب ألـف حـسـره
الـزهـره اتـشـاهـد هـالـمـنـظـر بـس بـحـسـره اتـلـوع
يـا يـمـه آنـه امـجـربـتـهـا ومـكـسـورتـلـي اضلـوع
آنـه الـزهـره الـمـظـلـومـه
لامـا كـو أصـعـب مِـن يـومـه
بـتـاريخ الأحـزان
_________
مـحـمـد يـنـظـر وتـتـنـازف ادمـوعـه
ولـيـدي الـچـنـت اشـمّـه امـكـسّـره اضلـوعـه
بـعـالـم ثـانـي بـس الآه مـسـمـوعـه
تـره جـدك مـحـمـد لـوعـتـه لـوعـه
يـا جـد بـچـيـت الـدنـيـا وبـچـيـت الأكـوان
مـذبـوح ومـاشـارب مـي مـن الـحـر ذبـلان
واخـتـلـت هـالـمـنـظـومـه
لامـا كـو أصـعـب مِـن يـومـه
بـتـاريخ الأحـزان
________
✍️ أحمد علي البغدادي
محرم الحرام 1448 هـ
يابويه___حط عينك وسط اعيوني
يابويه___احچيلك عالضربوني
يابويه___ليش الناس اياذوني
يابويه__يابويه
بويه گلي كلمه وحده
فدوه بس افتحلي عينك
گلبي بويه گمت اسمعه
نبضه بس يصيح وينك
يابويه من ساعة رحت هجمت الناس اعلينه
شي بالحجر شي بالعصي والوادم اتسب بينه
بس ردت اسئلك عن امر ياذنب المسوينه
شحچيلك ___وشصار بليل العاشر
شحچيلك___اضلوعك جاباها الحافر
شحچيلك___واتهل ادموع الناظر
يابويه__يابويه
بويه تدري عمتي زينب
من بعد ذيچ الرزيه
اختك الچانت اميره
هسه سموها السبيه
اتلم بينه واتطفي الخيم والوادم ايشتموها
شي بالسياط وبالحجر يابويه ويضربوها
ماتلحگ اتجر النفس من الضرب تعبوها
يازينب___اطفال ونترجاها
يازينب___يابويه وتعبناها
يازينب___الله اليدري ابلواها
يابويه___يابويه
الكوفه من طبينه ليها
بويه شحچيلك شوصف
راح اموت ومانسيته
الصار بيه اشلون موقف
وانه على ظهر الهزل اطفالهم اذوني
يگلولي ماعندچ ابو ايضحكون وايضربوني
واتحملت كل هالالم وابچي وتهل اعيوني
يضربوني___يابويه اتصيح اشفافي
يضربوني___گتلهم چا مو كافي
يضربوني___من طگهم زرگه اچتافي
يابويه__يابويه
الشام اخ الشام بويه
الوادم اندارت علينه
شي اطگنه وشي اتسبنه
وكلها فرحانه بسبينه
بطبولها الوادم اجت والناس شو فرحانه
كلها علينه اتكالبت محد وگف ويانه
والحادي من گد الضرب انجر نفس ما خلانه
بس راسك___يتحرك لو ضربونه
بس راسك___دم ايصب من اعيونه
بس راسك___يتعمدون ايديرونه
يابويه___يابويه
بعد هالرحله الطويله
وهايه قصتنه العجيبه
بويه هسه اوياك اخذني
ولاتخليني غريبه
راح اسد عيني وبالحلم مر بيه طيب جروحي
وانه اطيبن بس اذا وياك تاخذ روحي
مارايد اخلص هالعمر بس بدموعي نوحي
خليني___ارحل ماشوف اجروحك
خليني___تنشد روحي ابنص روحك
خليني___مااريد اجروحي اتلوحك
يابويه ___يايويه
__
✍️احمد علي البغدادي
وبذاك السوگ يحسين اشصار
وازغــار اكــبار ترمينــه احجار
شحچيلك يحسين
بس تهمل هالعين
يحسين اشصار
____
دخلنه السوگ والوادم تسب بينه
ماندري الذنب شنهو المسوينه
اسهام اعيونهم لمن تصد لينه
وماكو احد فزع يمنه ويحامينه
خويه اتمنيت كونك وياي
بنياتك هاي رادت حمـاي
خويه نروح لوين
بس تهمل هالعين
يحسين اشصار
__
اغمض اعيوني واتخيل تحوطوني
اتصور خيلكم تفتر على اضعوني
وافز من هالخيال وافتح اعيوني
والواقع يگول اخواني عافوني
مـن ارفع عين توگع عالراس
مره اعله حسين مره لعباس
شسوه وياي البين
بس تهمل هالعين
يحسين اشصار
__
تدگ اطبولهم والناس فرحانه
لهاي الناس فرجه ايزيد سوانه
الضعن يمشي وتروش الناس ويانه
اشما نندار بــحجــار اتلگانــه
مــره يضربون مــره يشتمون
لحگ يحسين شتصير ام عون
والــــناس امتانين
بس تهمل هالعين
يحسين اشصار
__
هم بهم علي السجاد خطواته
وي نگل الجدم تذبحني حسراته
مريض امگيد وعينه اعله عماته
تــــدگ بگلوبنه يحسين اهــاته
حـــــال السجاد اذانه هــواي
يحسين ايموت لوشاف الماي
يتذكـــركـــم زين
بس تهمل هالعين
يحسين اشصار
___
مشينه اجساد والارواح عفناها
خويه ارواحنه يمكم نسيناها
العشره اوياكم ابصفكم دفناها
والراحت بعد چا وين نلگاها
خويه اتمنيت تطلع احلام
وانضل وياك لاكوفه وشام
يـــاروحي اتضلين
بس تهمل هالعين
يحسين اشصار
____
جديد
✍️احمد علي البغدادي
من گالولي زينب جابو الماي"
گلتلهم عليمن چا بعد جاي؟
يماي أنت استمع زين
عطشنه لوجه الحسين
ياماي.. ياماي
_______
ما نروه بعد للموت ما نروه
العطش مو ماي، لچن ريحة الخوه
سنة ونص راح أظل بالفرگة أتلوه
أنه المن إخوتي مأخوذة بالگوه
تره العطشان مو عالماي عطشان
عطشنه إحنه الصدگ بفراگ الخوّان
بعد نلگاهم منين؟
عطشنه لوجه الحسين
ياماي.. ياماي
____
أنه المذبوح أخوي حسين گدامي
وآنه الحرمة الغريبة الحِرگوا خيامي
ما يرويني ماي وتبرد آلامي
وأخوي حسين گدامي انذبح ضامي
كل عمري البقه راح أبقى أشتاگ
شتتوقع يماي تطفّي الفراگ؟
وإنته امرافگ العين
عطشنه لوجه الحسين
ياماي.. ياماي
____
ماكو أنته چنت ياماي بالعاشر
بس هواي چنت بدمعة الناظر
تتلظى اليتامه وتكسر الخاطر
ويم جرفك لأبو اليمة ظهر كاسر
من توادعوا ياماي ما جيت
شجاك ويم رجلهم ما تبديت؟
من عالفرگة ناوين
عطشنه لوجه الحسين
ياماي.. ياماي
____
شنتروه وگلبنه شيطفي نيرانه؟
العطش ياناس من حسين خلانه
يماي الدنيا كلها اندارت اويانه
وآنه كل العمر راح أبقى عطشانه
أشوف الماي وأذكر گطعة الراس
واتمعن وأشوف اچفوف عباس
وأتذكر مبعدين
عطشنه لوجه الحسين
ياماي.. ياماي
_____
عبد الله الطفل منك يحرمونه
عن شفته غبت بس أنت بعيونه
طفل عطشان فوگاها يذبحونه
حسين اينوح لوليده يشوفونه
شلون گـلوبهم واتحملت هاي؟
شتتوقع بعد تروينه ياماي؟
العطش مو مرة مرتين
عطشنه لوجه الحسين
ياماي.. ياماي
_____
✍️احمد علي البغدادي
لشهادة السجاد ع
.
.
.
مشــتاگ يـامــوت لـهــل الــغـاظــريه
مشــتاگ لحـسـين والعـمـتي الســبيه
اريد اهناك اشوف اشصار ماصار
بعدهي اجروحهم من كربله اكبار
اهل الغاظريه
___
هــايــموت اشــبـيك مــتأخــر عــليه
انــه زيــن الــعابــديـن وتــدري بــيه
انـه نـفــسـي الــبالحــبل شــدو اديه
الوالـــدي مــشتاگ والعـمـتي ورقـيه
اتمنيت يـمـي الحظـنـت راس ابــوها
اتمنيت تگعد هـسه ابحــظن اخــوها
ما اسئــلها عــن ايـديــها الـــزغار
بعدهي اجروحهم من كربله اكبار
اهل الغاظريه
___
العـمــتي يامـوت ابدلـيلي اشـــكـثر آلام
الـبعد ذبــح احـسين ماعاشت سوه ايام
بلــكــي جرح امتــونــهـا هالمــده ملــتام
وادري كلشـي ايطيب وتضل طبة الشام
الجـــمال من گال زينــب جايبــيها
الجـــمال شــمــتان ويــأشــر عليها
اخــاف الــذكــريات اتـوجر الـنار
بعدهي اجروحهم من كربله اكبار
اهل الغاظريه
___
إي يمـوت امتاني جفني يمته اطـبگه
الوالــدي مـشـتاگ حــيل وارد اشـبگه
ارد اشــم صدره ابكــثر مابيــه حـرگه
وخوفي والله امهشمات اظلوعه الـگه
محـتار يامـوت گـلي امنــين اشــمه
محـتار بحـســين خــايـف لا الــچمه
اخاف ايـگــول اخ ابـهــاي محتار
بعدهي اجروحهم من كربله اكبار
اهل الغاظريه
___
جــايــني يامـــوت شـو مــتأخر اهــــواي
اوياك احچي اشبيك ساكت احچي وياي
راحــو اخــواني عطــاشه ابحـسرة الـماي
عــلى عـــبد الله والاكـــبر هـــذا مبـــچاي
أخـوان عــندي الــواحد چــنه ورده
أخــوان راحــو چــن مــاي وتـبــده
عــن اعـــزاز گـــلبي مــاكو اخـبار
بعدهي اجروحهم مـن كربله اكبار
اهل الغاظريه
___
السم سره بعضاي واسئل مـوتي چا وين
وابچـي بـس مـو عـلى روحي عالبعيدين
حلـمي مـن وجـه ابو فاضل اتـرس العين
كــون يشبـگني واشــبگـه وعنـده چــفين
العبــاس عــمـي عنــوان القـداســه
العــباس لازم ابـوســه عـلى راســه
العــمود ابراسـه يــمكن تارك اثار
بعدهي اجروحهم من كربله اكبار
اهل الغاظريه
___
تمت والحمد لله
حيدر تركي الكربلائي
/channel/rdeaa
(السجاد ودفن الاجساد)
حسين ظل ابلا غسل هاي الچبيره
للگبر يـانـاس اخـذتـه بـالحصيــره
~
كأنّي بالامام ايسولف امصابه
زين العابدين ادموعه سچابه
يعينه الله البيده دافن احبابه
والمـحـد يـعـزيـه ويــدگ بابه
الچانت الوادم تگصده وتستشيره
للگبر يـانـاس اخذتـه بـالحـصيره
~
يگول آنه الدفنت احسين ابو اليمه
لمّيته ابـحصـيـره اضلوعه متهشمه
متوذر ابـوي اعلى الـثـره جـسـمــه
والـحـافر للامخيـم أخـذ هـدمــــــه
گلبي صار امن الحزن يوسعله ديره
للگبر يانـاس اخــذتـه بـالـحـصيـره
~
بعدني ابُدفنِته ومصابه هدّمني
واسمع صوت من نحره يكلمني
على صدري توسّد ياعلي إبني
عبدالله دفـنـتـه وگلبي مالِمني
ونحر اخوي ونحر ابوي ابفد حفيره
للگبر يـانـــاس اخذتــه بـــالحصيره
~
مايمشي النِفس وبصدري يتكسر
ونـه الـدافـن بـديه جـثـــة الاكبر
حيرني ابدفـنتـــه جسمه الاموذر
الضِمه امبين عليه اميبِس المنحر
ابلايه راس اشلون عالقبله اديره
للگبر يانـــاس اخذتـه بـالحصيره
~
تعنيت الشريعه واحترگ دمي
وبالگوه مشيت وياثگل جدمي
وبديه اشلون أدفن ياخلگ عمي
واچفوفه الگطيعه زيـدت همي
ياوسافه ايموت عمي الكله غيره
للگبر يانــــاس اخذته بـالحصيره
~
وين اهلي الهواشم واني بمصيبه
عن اعيوني شو غابو فرد غيبه
ولا واحد اجاني ونِدفن الهيبه
راحو كل هلي والراح شيجيبه
والعدو مايرحم وميت ضميره
للگبر ياناس اخذته بالحصيره
~
ضل بس النِفس والدمعه بـعـيونــي
ونه ابساعه فگدت احبابي تدروني
اويه ابوي احسين اتمنه يدفـنـوني
ويـم گبره تحظرون وتـواسونـــــي
ياكسرتي الوالدي وشعندي غيره
للگبر يانــــاس اخذته بـالحصيره
~
المصيبه اتهون كلها اشما جره اعليه
الهضيمه اشلون عمتي تمشي مسبيه
وتـطب ديـوان اميه وهـيـه عـــلويـه
ولاكن تـبـقـه زيـنـبـنـه قـيـــاديــــــه
مو اسيره عمتي بل كانت أميره
للگبر ياناس اخذته بـالحـصيـره
~
حيدر بشار الدراجي
نعي مفجع
الأمام السجاد (ع)
يخاطب السيده زينب( ع)
بعد وفاة السيده رقيه
تـصـعـب عَلـي تنــزل دمـعــتي
وگـبـال عـيـنـي مـاتـت اخـتـي
عَـمــه يـعـمــه اتـعـذّري انــتـي
زحمه العده اتـشـاهـد عَـبـرتـي
اتشَيّب الگـلب هـايه مـحـنـتـي
وهـل جـامـعـه حــزت رگـبـتـي
صبري انـكسر كـون انـكسـرتـي
خــافـن اثــر لـسـيـاط شـفـتـي
جـثـت رقـــيـــه لــــو دفـنـتــي
واشـكـم جــرح بـيـهـه حسبتي
أتحزمي ابصبر بـاچـر يـعـمـتـي
*---------------*---------------*
✍خادم الحسين ع
الشاعر رعد الجريخي
جتف بجتف رايه بضهر رايه
كــــــــل العراق اليوم مشايه
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
من البيشه نبديها راية حب نعليها
نجددله العهد
من اقصه الارض جينه تركض شوك رجلينه
ودرب الحب شهد
الزاير لو تعب حيله ابو السجاد يدعيله
مدد صحنه مدد
يمن كاصد للزياره
لك هاي اجمل بشاره يازاير الحسين
يهل ماشي للعشكته
حبيب سجل اسمك انته من الموالين
هذا العهد الحسين منطينه
زوار له بكل سنه يلكينه
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
زوار وخدم كلها حسين لي تكفلها
يلمها بصايته
باب القبله ينطركم يامية هلا يكلكم
حسين بشيبته
اقسم وحك ضلع امي ماضايع تعب يمي
وبشرو برحمته
هلا مشرفني بجيتك
يخادم طب هاذه لبيتك مفتوح المضيف
هلا يمكحلها عيني
أرحب بل يجيني وبكربله ضيف
ما انسه واحد كلها اسجلها
زواري بين اعيوني شايلها
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
مواكبنه الحسينيه كرم كلها وعزوبيه
فخر والله فخر
شجاعه وغيره ومروه اهل ملكه وهل نخوه
يكحلون النضر
الله يزيد ويبارك بدرهم كلمن يشارك
يدعيله الكمر
ابو فاظل يندعيلك يزاير ويشده حيلك
اهلن يمشاي
خطواتك الامامك ترفع قدر مقامك
يم سيد الماي
بالخدمه لو بالمشي ويانه
اتحرسه عين حسين مولانه
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
دعوت حب اللاهيه الكل خدام ابو رقيه
مخطوطه بالذهب
ماقصرتو بالخدمه عند حسين ابو اليمه
ماضاع التعب
بالخير الله يجزيكم حسين لي يعليكم
ويوزع الرتب
تره ابو الاكبر يحبكم
وابد ماضايع تعبكم عنده يزوار
عليكم شبحت عيونه
حسين يتنطر تجونه ياغلى خطار
هلن يخادم غدن تلكيها
وكلمن رتبته حسين ينطيها
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
شايب شفته بالموكب بالزاير اجه يرحب
يامية هلا
ادعولي يابعد راسي انه وكل هلي وناسي
فداه الكربله
يكول ودمعته يهلها خدمتي كون يقبلها
ابن عقد الوله
شايب اتحزم يوزع
بالخدم شفته يفزع خل نخدم الجاي
يالمعتني بهيامك
اذكر عطش امامك من تشرب الماي
بشيباتي اخدم للكصد زاير
كل همي ارضي الساحكه الحافر
نحو الحسين سائرون
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
/channel/rdeaa
بشر بشر للكمر مشايه
أثر أثر بالسمه ترف رايه
==========
الناس تكصد للكمر بالمركبات
واحنه نتعنه الكمر نزحف حُفات
بالعقيده راسخ الحب والثبات
واحنه رمز المفخره والتضحيات
نهر. نهر. ابد ماجف مايه
أثر أثر. بالسمه ترف رايه
==========
ترف رايات الكمر فوك السمه
وكفه وحده الخدم كلها امحزمه
وادم اعل التعب حيل معلمه
وهالعشك ياناس محد يفهمه
دهر. دهر. مايفسر الايه
أثر. أثر. بالسمه ترف رايه
==========
مشي متعنيه اجت كلها الدول
والكمر يم الكمر زاير نزل
والله هنياله الذي بصحنه انقبل
زاير ايسجله ابن خير العمل
حظر. حظر. للكفيل الغايه
أثر. أثر. بالسمه ترف رايه
==========
العجايب سبعه هالعالم تشوف
والعجايب كلها صارت بالطفوف
بقعه محدوده إوحوت كل الالوف
كعبه صارت والبشر بيها تطوف
فخر. فخر. معجزات هوايه
أثر. أثر. بالسمه ترف رايه
==========
والكواكب كلها متعنيه وتزور
والأرض وكفت فلا تمشي وتدور
معجزه وظلت علئ مر الدهور
كربلاء للعالم اتشع وتنور
كمر. كمر. كربلاء إمرايه
أثر أثر بالسمه ترف رايه
==========
الشاعر علي النائلي
"يا شَدِيدَ الْقُوى وَيا شَدِيدَ الْمِحالِ يا عَزيزُ يا عَزيزُ يا عَزيزُ ذَلَّتْ بِعَظَمَتِكَ جَميعُ خَلْقِكَ، فَاكْفِنى شَرَّ خَلْقِكَ يا مُحْسِنُ يا مُجْمِلُ يا مُنْعِمُ يا مُفْضِلُ يا لا اِلـهَ اِلاّ اَنْتَ، سُبْحانَكَ اِنّى كُنْتُ مِنَ الظّالِمينَ فَاسْتَجَبْناهُ لَهُ وَنَجَّيْناهُ مِنَ الْغَمِّ وَكَذلِكَ نُنْجِى المُؤْمِنينَ وَصَلَّى اللهُ عَلى مُحَمَّد وَآلِهِ الطَّيِّبينَ الطّاهِرينَ".
Читать полностью…
سيد الشهداء
هـاي الگــوم هـجـمـت وين مــنـواها
وحــيـد حــسين ظــل حـاير بـمـلگاها
========================
ظـل ابـحــده وحــاير يــدور الــعــين
لاصـاحــب بقه ولا أخـو يم حــســين
گــوم اتحزمت هاي الـعـرب صــوبين
تـطـلــب ثارهــا وبالـحـقــد مـسـراهـا
========================
مسراها بـحـقـد گــوم الـعـمـاها الشر
حــاير ابـو اليـمـه ومـامـش الـيـنـغر
هــذا الـكـاتـبـه الله وهـــذا الـمـگـدر
اجساد اخــوته اعـله الـترب خـلاهـا
========================
اجساد اخــوتـه تتراجف اعلـه الگاع
من تسمع ينادي حسين حيها أسباع
لا واحـــد يـجـاوب لافــزع فـــــزاع
لا واحــد عـلـيـه الـچـلـمــه رداهـــا
========================
ياچـلمـه يگول ويـفـرك بــراحــــه (راحة اليد)
صـاح اصحـابه مافزعهم اصـياحـه
يهل الـغــيره يل عـلـگـاع مرتاحـه
يبطال الـوغـــى ويلــيـوث ناداهـا
========================
ناداها بـحـسـرته وبالحــرم حاير
باوع علـخيم ضـل علـخـيم داير
دمه اعـلـه النسه والبلـخـدر فاير
ياهـو اطـفاله بالبر يـبـقـه وياهـا
========================
اطفاله غــدت بالـعـطـش تشكيله
چلمة مـــاي مـنـهـا ينهدم حــيلـه
عمكم هس يرجــع گــال للـعـيـله
وأخوته اعله الثره لاگت مناياها
========================
تلاگت هلصفوف وهجمت العدوان
صــاح الله وكـبـر واعـتنـه المـيدان
انه اربات هاشــم وانه ابن عــدنـان
رعبها اصــفوفها وطـشّـر ســراياها
=======================
=
طشـرهـا السرايا وگـطـفـاها الــروس
واعله خشومها وسط المعاره يدوس
ماثنّه بظــربته مــن يـهـد جــايــوس
وابطال الـحـــرب نسوان ســواهـــا
========================
✍️عباس مالك آل عفريت
نسألكم الدعاء
موشح ٠٠٠ زيد الشهيد عليه السلام
هذا زيد بمرقده وعنوانه
تخلّد وماتت قهر عدوانه
٠٠٠٠٠
هذا زيد ارباة زين العابدين
قاد ثوره وما خضع للظالمين
وبشعارة يا لثارات الحسين
حارب اهل الباطل بإيمانه
٠٠٠٠٠٠
ما غمض عالذلّه عين ولا هجع
فضّل الموت عله عمره وما ركع
ضحّه عمره لكن بدمّه ارتفع
استشهد وبارينه عظّم شانه
٠٠٠٠٠٠٠
اعلن الثوره ونهض زيد الشهيد
ضد هُشام الطاغية ومنهج يزيد
أنتصر عالظالم بدم الوريد
ومرقده هذا اليشع برهانه
٠٠٠٠٠٠٠٠
هذا مرقد زيد مصلوب الجذع
بكل زمن يزهي بمناراته ويشع
وين طاغي عصره وين بيا وضع
انزال ونزال الحكم واعوانه
٠٠٠٠٠٠٠٠
زيد ابن زين العباد المؤتمن
باب للحاجات صار بكل زمن
قبّة تزهي بالسمه وحضره وصحن
كل وكت زواره بي ولهانه
٠٠٠٠٠٠٠٠٠
مجرّب ومعروف زيد ابفزعته
ما يرد محتاج گاصد حضرته
تشهد بهاي المعاجز شيعته
مفضّل علينه بكرم احسانه
٠٠٠٠٠٠٠٠٠٠
الله انطه لزيد جاه ومنزله
اباب صحنه تنحل اعظم مشكله
واليطيح بشده خل يكصد اله
مفتّحَه طول الوكت بيبانه
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
/channel/rdeaa
زينب ابحيره وينك يعباس
ﮔوم يا بدر الهواشم يل كــــفلت الـــــعايـــــــله
لحـﮓ أعله أختك عليها الزمن جار ابـــكربــله
ابصايتك منته الجبتهه امن المدينه امدلـــلــــــه
شـلون تقبلهه سبيه اتروح بت عقد الــــــــوله
وانته ابو الغيره تشهدلك الناس
بالــــــعقيله الموقف المر لون ﭼنت اتــــــشوفه
ﭼـــــــــــــا بقت دمعات عينك عل وجن مذروفه
الــــــــــحره يا عباس بعدك بالـــ أسر مـــﭼتوفه
تنسبي وللــــــــشام مره ومره لــرض الـــكوفه
امن الهضم ضاﮔت يابا الفظل كاس
من ألم لــــــمصاب ولــــــهم خلصتها اسنينهه
عاشت ابـــــــلوعه وعذاب الــحره الله ايعينهه
تالي يم ابن الـــــــــدعيه امـﭼــتفـات ايـديـنـهه
يا ﮔمر يسئـــلهه عنك يسئل أعله احسيــــــنهه
لـﭼن وﭼـفوفك ما دنـﮕــت راس
يا ﮔــمر ويزيد ﮔــلهه شفتي صنع الله الجليل
كل أهل بيتـــﭻ ضحايه وما بقالــﭻ بس عليل
ﭼن علي الكرار نادت بت علي حامي الدخيل
أهلي فازو بالـــــــشهاده وما رأيت الا الجميل
وما نذل حاشه حد ﮔطع الأنفاس
يــــــــــــا ﮔمر وبــــــمجلس ايزيد اختك وديوانه
ﭼني بالـــــــــــحره تنادي وزلزلت أركـــــــــــانه
أسعه سعيك يــــــــــا يزيد اشما ردت ويـــــــانه
والله ما تمحي ذكرنه ويبقه عـــــــالي الــــوانه
ابـــــمجلس الظالم ما هابت ارجاس
رغم الـــــــمصاب الــعليهه من الطفوف ويومه
وبرغم ذيـــــــــــﭻ المآسي الشاهدت بالـــــحومه
ضلت امخدره حيدر يــــــــــــــا خلـﮓ محشومه
وابــسماء الــــــــــطف تعالت نجمه بين انجومه
والعلي املاكه فــــــوﮔـاهه حراس
سيد علي عبدالزهره الناجي
مقطع صوتي من ملا هيثم اللامي
Читать полностью…
مقطع صوتي من ملا هيثم اللامي
Читать полностью…
مقطع صوتي من ملا هيثم اللامي
Читать полностью…
مقطع صوتي من ملا هيثم اللامي
Читать полностью…
مقطع صوتي من ملا هيثم اللامي
Читать полностью…
يلي شربت الماي. ٣ دگات
يلي شربت الماي. لاتنسه الحسين
لجلك نساه الماي. واتحمل البين🚩 😭
★★★★★
يلي شربت الماي. لاتنسه عطشان
من العذب محروم. دلاله ذبلان
اشرب وسلم اعليه. بدموع الاحزان
المَهَّد طريقك خير. جنه ورياحين
★★★★★
سلم على المظلوم. وأذكر احواله
ابحر وعطش چتال. ظلوا اعياله
وحال العليل شلون. وشماجراله
وأذكر امصاب أبدور. علزهره غالين
★★★★★
سلم على المظلوم. وأذكر رضيعه
المنذبح عطشان. بأول ربيعه
وهاي على گلب حسين أكبر فجيعه
طفل بسهم مذبوح صارت گبل وين
★★★★★
أذكر عطش عباس. يلتشرب الماي
ماشرب منه الچان. للحرم. رواي
غيرة وشجاعه ودين للخوة وفاي
مايمد چف لعداه. . الضحه چفين
★★★★★
أذكر عطش. مظلوم. بالغاضريه
دارت عليه الگوم. من كل ثنيه
حسين الوگع مرضوض فوگ الوطيه
وراس برمح مرفوع بيه رفعة الدين
★★★★★
الصادق يگول الماي كونك شربته
ومن تذكر العطشان حاله وغربته
العن يزيد اهواي. زيد ابلعنته
أجر وزوال ذنوب تكسب الدارين
الشاعر حسن لعيبي الحريشاوي ✍️
قصيدة (( انه السجاد )) من الارشيف
تسعــر جمـــرة مصـابي
يويلي لفرگـت أحبابــي
أنا السجــاد أنا الســجاد
* * *
أنه السجاد حزني أشلون أشرحنه
أحيـــراً يا خلگ مـــن أنسأل عنــه
أنه العمري گضيته بلــوعـه وبونـه
مصايـب كربلـــه دلالــــــي صابنه
مصايب كربله أبروحي
يلچمن گلبي وجروحي
أنا السجاد أنا السجاد
* * *
أنـــه السجـاد وبگلبي تظـــل جمـــره
لمـــن طــاح أبــــوي أتوســد الغبـــره
شفت شمر الرجس صاعد على صدره
وبسيفه الشمـــر يا وسفه حـــز نحره
أحير مـــن أنسأل عنــه
أحس نحري أنگطع منه
أنا السجاد أنا السجاد
* * *
شفت لوعة مصاب العاشر ويومـه
أبوي حسين حيف مسلبه أهدومـه
وتغسل من نجيع اليجري لدمومـه
وثلث تيام ظـــل أبساحة الحومــه
أجيــته أبلهفة العاشگ
وشبگته شبگ أمفـارگ
أنا السجاد أنا السجاد
* * *
أنه السجاد حاير مـــن ثكل همــي
أحسهه أبگلبي نار الحرگت أخيمي
عليل أنــه وتوسد عالنهــــر عمـي
بعد بيمن أشدن يا دهـــري عـزمي
الكفيل مگطعه أچفوفه
ونظرت الرايه ملفــوفه
أنا السجاد أنا السجاد
* * *
شفــــت آلام كثــره عذبـــاً حالـــي
تلولـــــي أم الرضيع أبمـهده الخـالي
سهم نحــــر الطفل بعده يتـــراوالي
وعليه حسين محني ودمعته أتلالي
مِحني شفــت أبو اليمه
يريت مصوب أبسهمه
أنا السجاد أنا السجاد
* * *
شفت عماتي هجـن مـن لفتنــه الخيل
ودمعهن يا وسف مـن المصاب يسيل
وشفت عمتي العقيله من الرزايا أتميل
تحشـم بالكفيل أتگلــه أجانـــه الليــل
ألحگ خــويه لضعوني
شفتهه وسالن أعيوني
أنا السجاد أنا السجاد
* * *
الشاعر
موسى البديري
مقطع صوتي من ملا هيثم اللامي
Читать полностью…