834
Haitham Al-Lami
#شهادة_الزهراء ع
#أومت_بديها_اعالشريعه
#طور_الفايزي
# حال الإمام علي ع يوم شهادة الزهراء ع
▪︎... بعدما دفنها أمير المؤمنين في ملحودة قبرها أنشد قائلاً :
نفسي عَلى زَفَراتِها مَحبوسَةٌ
يا لَيتَها خَرَجَت مَعَ الزَفَراتِ
لا خَيرَ بَعدَكَ في الحَياةِ وَإِنَّما
أَبكي مَخافَةَ أَن تَطولَ حَياتي
وجهك تغيّر يا علي ابموتت الزهره
إنّ إلى الله الأمر وبالقلب حسره
ام بيتك الليله بسفر وحدك ابعبره
وحشة وحزينه دِنيتك صارت بعدها
الله يِعينكْ عالمصاب مَظل إلك حيل
شمعة حياتك انطفت واموحش الليل
تسمع يتامى تنتحب ودموعها اتسيل
وين امنه راحت ما إجت يصرخ ولدها
تنظرهم الليلة وتلوج والحزن خيّم
محني ضلوعك عالفقد مخنوق بالهم
ماتت حزينه فاطمه ام ضلع المهشم
خالي مكان البيه دفو وبعد شيردها
إشقد تمنيت العمر اوياها الزكيّه
إشقد تمنيت القبر ضمكم سويّه
نار البعد نار الحطب تِسعر جريّه
تذكرها من نادتك ولسطره على خدها
🖊خادمة أبي الفضل
اليالي الفاطمية يدنيا
يدنيا اشـــــــــــــويه ارحميني
على كبر الـــــــــــــزهره دليني
حلم روحي الصبوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
علميني ســـــــــــــر كبر الضوه مدفون وين بياكتر
بس مـــــــــــــره وديني له خل يخمد بروحي الجمر
كوديلي جفي اخــــــذيني له مجتوفه اديج بياعذر
هاج اخذي عيني ومره بس خليني اشم عطر الكبر
انا ابكلبي بقت حسره
اشوف الفاطم حضره
وكبرها يضوي نوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
ماله اثــــــــــــر ليش الكبر شنهي السبب يادنيتي
وانه ادور مــــن كسر وياحجي اليوصف كسرتي
مخنوكه روحي ومنفجع وبخدي تسجب دمعتي
تهدم جبل يــــــــــــذبل اذا فوكاه اذبن حسرتي
ردتت امشيله انا بكسره
وشم اتــــــــرابه لو مره
الكلب يبست جذوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
يادنيه ارشـــــــــــــديني منو امشيله ويوصلني له
بياديره كبر ام الحسن تنــــــــشدني روحي معلعله
مدفونه يـــــــــــــم حيدر علي لو يم ولدها بكربله
اليمته اضــــــــــل انشد انا والدمعه عل خد هامله
عصن عمري بده يذبل
وتعبت وماوصلت الحل
الحزن راسمني صوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
أمنية كلبي المنـــــــــــكسر المالحضه عايف دمعته
اوصل كبرها ام الــــــــــحسن وبحركه اشمن تربته
كالو ابوصــــــــــالح تـــــــــــــره يدليني بيه بجيته
المهدي ينــــــدله الكبر والمــــــــــهدي طالت غيبته
متى اسمع أتى القائم
ويصيح اهنا كبر فاطم
هنا كبر الطهوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
يمته ويبو صالح ســـــــــــوه اتعنه كبر ام الحسن
ونكعد ونبجي عله الضلع ونسوي مجلس بالصحن
ونموت حركه مــــن البجي عله راحت باليل انسبن
نذكــــــــرهن الفوك الهزل الدمعتهن مغركه الضعن
السبي البجه دمه المهدي
يدنيه غــــــــــيره ماعدي
يرب عجل ضهوره
كبر مولاتي ازوره
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
قال الامام الصادق ع : ( نحلت جدتي فاطمه حتى صارت كالخيال )
……………………………………………………………
كالخيال .. ورده ذبلها الكسر
كالخيال .. و انذبح غصن العمر
هذا حال امك يل اموزّر هظم
حيل نحلت والجلد لاح العظم
آ يمهدي .... آ يمهدي
……………………………………………………………
الجانت تزهي ليل نهار . امسويه البيت چن جنه
الطير امن الصبح غبّاش . ابضحكة سِنها يتغنه
وهسه الوجه ماكو امن الدمه گطره
صفرة لون من گد شدة العصره
ابوجها و رسمت اجفوف النذل سطره
اثر للموت ظلت عينها الحمره
والادين .. بيهن اتنشف الدمع
والادين .. امجرحات امن الجذع
عينها و دمعتها عن حيدر تظم
حيل نحلت والجلد لاح العظم
آ يمهدي .. آ يمهدي
……………………………………………………………
يمهدي وشدة الشدات . لو رادت هوه اتشمه
ضلعها و النفس مرتين . صاعد نازل ايلجمه
يعني الريّه تتجرح ابكل شهگه
الضلوع اتكسرن واعليها منطبگه
ابلون امتونها ريّتها هم زرگه
يمهدي امك طوال اليوم مختنگه
والحُسين .. ايكلها اصيرلج هوه
والحُسين .. دمعه والحسره سوه
اتكله باجر حافر الجسمك يطم
حيل نحلت والجلد لاح العظم
آ يمهدي .... آ يمهدي
……………………………………………………………
يمهدي الظهر شكل اهلال . امك صارت امحدبه
عمر اثمنطعش لاكت . ابـ ميه الشافها ايحسبه
السبحه الخضره ظلت تنحب اعليها
من گد ما تشاهد رجفة ايديها
ومن گد الحراره امن المرض بيها
نار الجبهه حتى التربه تچويها
بالصلاه .. تسمع اصوات السمه
بالصلاه .. كلها تصرخ فاطمه
الحور والاملاك بالنوح ولطم
حيل نحلت والجلد لاح العظم
آ يمهدي .... آ يمهدي
……………………………………………………………
اليتوجّع ابلايه اشعور . چلمة آه يطلعها
بس الزهره تحبسها . خاف الحسن يسمعها
الزاد اتصبّه هي ورغم متألمه
لان حسين ابد ما ياكل اللگمه
الا الخبزه من ايد ام حسن امه
يشبع من يشوف ابوجهه مبتسمه
اتشربه ماي .. وچفها يم حلگه ارتعش
اتشربه ماي .. تدري بيه يشبع عطش
اوليدها امن الماي باجر ينحرم
حيل نحلت و الجلد لاح العظم
آ يمهدي .... آ يمهدي
……………………………………………………………
مو بس ضلع يالمهدي . گلب امك اشد كسره
انعصرت مره يم الباب . ولمحسن الف عصره
ابنيّها الما تهنت تنظر ارسومه
ومن صيحة يـ محسن غدت محرومه
وسط المهد ما شافت اله نومه
ولا لفت اگماط اخضر على اهدومه
وللطفوف .. يسرح ابفاطم فكر
وللطفوف .. طفل والدم منثر
بالسهم عبدالله اصبح منفطم
حيل نحلت و الجلد لاح العظم
آ يمهدي .... آ يمهدي
……………………………………………………………
عافت ضلع والبسمار . الزهره ابتها ملتهيه
تدري الجذع باجر سوط . وفوگ النوك مسبيه
ييمه وبابي كلش يشبه خيامج
باجر جمر يمه ايحفّر اجدامج
اخيّج ينولي و ينّحر جدامج
وموش ابروحج اتحيرين بيتامج
هم يموت .. خدرج العاش ابفخر
هم يموت .. ويه عباس الگمر
اشعظم ليل الوحشه يا يمه اشعظم
حيل نحلت و الجلد لاح العظم
آ يمهدي .... آ مهدي
……………………………………………………………
✍️ ( سيد خضر الزاملي )
جينه ننشد فاطمه اعل اجنينها
صدگ حال الباب بينه و بينها
…………………………………………………………
جينه ننشد فاطمه و نحمل جرح
جرح غُمگ البير يتذره ابملح
صدگ بالبسمار محسن منذبح
صدگ شج ابرگبته مثل الرمح
و رگبته عن الجسد ممحينها
جينه ننشد فاطمه اعل اجنينها
…………………………………………………………
جينه ننشد وانعرف منها الخبر
صدگ وياها الطفل هم انعصر
والگلب مثل الضلع هم انكسر
اشوف ابنها ابين تربان اندثر
لشوفة الكاروك شوغه ابعينها
جينه ننشد فاطمه اعل اجنينها
…………………………………………………………
صدگ هم بالنار يالزهره انجوه
عاش بس بالظلمه ماشاف الضوه
ولا شهگ بنفاسه نسماته الهوه
محسن و دمعاتج الصگطن سوه
و روحج اعل ابنيّج مأذينها
جينه ننشد فاطمه اعل اجنينها
…………………………………………………………
ننشدج من طاح هم ناح وبجه
ابجلمة اليمه يفاطم هم حجه
من اذه البسمار هم گال وشجه
ابحضنج ولو على التربان انتجه
وهم على جفوفج وضع جفينه
جينه ننشد فاطمه اعل اجنينها
…………………………………………………………
صدگ زينب حضّرت ليه المهد
لازمه اگماطه وتگل لمها اشبعد
يمته اسمع صوت محسنّه انولد
يمه اخوتي اثلاثه يزداد العدد
وياها فرحان الحسن و حسينها
جينه ننشد فاطمه اعل اجنينها
…………………………………………………………
يا هو الاصعب يم حسن وكت الدفع
طفل من احشائج اصبح منگطع
لو جذوع العصرت و كسرت ضلع
لو من ايد الطاغي وجهج منصفع
عين حمره اعله الوصي اتغطينها
جينه ننشد فاطمه اعل اجنينها
……………………………………………… ..........
اثنينكم ما شفتوا شي من العمر
هو طير وما عرف معنى الفجر
وانت ورده وبيها مذبوح العطر
موش بالبستان تسكن بالكبر
اثمنطعش فوگ التراب اجبينها
جينه ننشد فاطمه اعل اجنينها
…………………………………………………………
✍️ ( سيد خضر الزاملي)
مقطع صوتي من ملا هيثم اللامي
Читать полностью…
يالعندي أغلى من هذا الهوه
هل ليله بــــــــس نبقى سوه
كلبج على الفـــــــــــركه نوه وكلبي انجوه
طولي بالمـــــــــــوادع هوه
وخدي بـــــدمع عيني ارتوه
جرح البـــــــــــعد ماله دوه ومات الضوه
يالطــــــــولج اكبالي تبده
شدتت افراكج والله شده
اليغفه بكبر يــــاهو اليرده
تعاي يالكتلني اغيابج
تعاي منتضر يم بابج
تعاي دمعي شو ماجابج
ــــــــــــــــــــــــــــــــــــــــــــــــــــــــــــــــــــــــ
عيني بـــــــــــدمعها محزمه
يالــــــــذكرياتج مـــــــوألمه
ميت عـــــــلـــــــي يافاطمه ودمعه دمه
بكل ذكره ضليت انجرح
يوميه الف ذبحه انذبح
جن ليل عمري بلا صبح مات الصبح
يالغايبه وكلبي يودج
افكد حياتي من افكدج
كون العمر لا طال بعدج
عذاب ضلتي من دونج
عذاب تره افراك اعيونج
عذاب ولدج يريدونج
ــــــــــــــــــــــــــــــــــــــــــــــــــــــــــــــــــــــــ
بلحـــــــــــضة وداعج صيحت
وكلي على وجهي طـــــــــــحت
هـــــــــــوه انتي لو انه المتت والله حرت
بياضـــــــــــحكه اضيع حسرتي
وانهو على طـــــــــــولي دمعتي
ياجلــــــــمه تجـــــــــــبر كسرتي ياهضمتي
مهضوم من يوم المشيتي
وشيبي ترس كلبي والحيتي
يم بيتي فكدج هجم بيتي
بجيت بدمعتي حاجيتج
بحيت فدوه ردي البيتج
بيجت يم هلا احتاجيتج
ــــــــــــــــــــــــــــــــــــــــــــــــــــــــــــــــــــــــ
انه علي العفـــــــــــتيني اون
ونفاسي ثكـــــــــــلها الحــــزن
ليله العـــــــــــيونج احــــــــن يم الحسن
جنت مـــــــن اشوفج اطمئن
يالكـــــــتلتج كلــــــــمت وأن
ذبلانه يـــــــــــا اجمل غصن يم الحسن
يالطولج بنص الكبر نام
وياج راحت احلى الايام
بعدج زماني مادري شضام
عجيب هل زمن اذاني
عجيب بس اون خلاني
عجيب بموتتج بجاني
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
( ميلاد السيّدة زينب )
صلّوا صلّوا عالنبي
هذي زينب بنْت علي
--------------------
ياللّي تسألني أخبرك بالأدله الفاضله
عندنا تبيان واضح للعقول الجاهله
روح و اقرأ بالمصادر شاللّي صار ابكربله
زينب الحوره العقيله اعلينا آيه نازله
هالأمر واضح جلي
هذي زينب بنْت علي
--------------------
من أحاديث الإمامه إلك أنقل و استمع
او على كيفك من تصدّق بيّه لو ما تقتنع
الموالاه للعقيله من الدين اهيَ الفرع
او إذا متواليها زينب أبد لا ما تنتفع
في جهنم تنصلي
هذي زينب بنْت علي
--------------------
من وحي السجّاد أنقل هالحديث المعتمد
مصدره واضح او لنّه ترى مضمون السند
عالمه او فاهمه زينب ما يفهّمها أحد
و ابصغر سنها تفسّر قل هو الله أحد
ما كو شك ابهالحچي
هذي زينب بنْت علي
--------------------
إكتمل بدر السعاده و الفرح بينا اكتمل
و ابذكر زينب الحوره لينا نوّر هالمحل
كل موالي الليله منّا وردة الفرحه حمل
او جينا نبعث هالتهاني للوصي خير العمل
خل نسافر للغري
هذي زينب بنْت علي
--------------------
هذي زينب من يحبها فاز بالجنّه ترى
او يحتضي ابكلّ اليريده ابدنيته او بالآخره
إهيَ روح الزهره أمها او من الباري طاهره
يا سلام الله عليها او على بوها حيدره
و اعلى جدها الهاشمي
هذي زينب بنْت علي
--------------------
يا إلهي ابجاه زينب إگضي الحاجه لنه
او نحيي هالفرحه العظيمه ابهالسنه و ابكل سنه
احنا غير الحوره زينب لا وسيله عندنه
و الله يكتبنا ابفضلها مع المهدي كلّنه
ننصر المهدي الولي
هذي زينب بنْت علي
--------------------
ليلة السبت : ٢ / ٥ / ١٤٣٩ هـ
الخادم الأقل : حسن البوخضر
لولادة السيدة زينب ع السلام
مبروك ياحيدر علي يمرتب
مبروك هليله ولادة زينب
هليله فرحانين بأخت الحسن وحسن
///////
هليلة مولدياخلك
مولد عظيمة شان
هاي العقيله بت علي
وبت سيد الاكوان
جدها الرسول المصططفى
يانبعة الريحان
هليله ابد ماتنوصف
والفرحه كل امجان
حتى الكمر بالطاهرة يتعجب
يازينة الأم زينب وزينة أب
مثلج ياحرة منين
يخت الحسن وحسين
:::::٠٠
//////////
مثل امها زينب عالمه
ولما فهمم يفهم
عالمه غير معلمه
بنت النبي الاكرم
المايقتدي بأم الخدر
طول العمر يندم
بت الولي وأخت الولي
من كل علم تلهم
تتبع نهجج للحرم يتوجب
المستورة عند الله بسترها تنحب
وعد اليواعد دين
يخت الحسن وحسين
/////////
رسمت طريق الطاهرة
رغم الذي المرها
رغم الخطر رغم السبي
كل كتب تذكرها
مامثل زينب بالستر
ياهو الينكرها
بيها العفيفه تفتدي
تسلم بمحشرها
والي تخالف وين تالي المهرب
والتقتدي تسلم ولاتتعذب
ماتصفك الجفين
يخت الحسن وحسين
::::::::::
تخلص الدنيه وماتظل
والحسن هذا يروح
بالج يخدعج منضرج
صفي الكلب والروح
بالدنيه موجود العفو
بعدة فلا مسموح
مقبول بالدنيه العمل
بالأخرة مذبوح
التتبع دربها هيه نشفع ليها
هاي الكريمه والله لمعليها
وتفوز بالدارين باخت الحسن وحسين
؛:::::::::::::::::::::::::
باجر اشحاله المختلف
ياترا من يوكعونه
شعملت وياه أم المخدر
بالمحشر يسئلونه
واغلال من نار وجمر
صبح ومسه يكيدونه
باجر شمر وال الشمر
بنارالاشد تلكونه
بنار العذاب الماتكف بس تلهب
للأبد بيها خالد ويتعذب
يانار يانارين
:::::::::::
خادم خدام السيدة زينب عليها السلام
علي داود سلمان المياحي
2022/12/3
ابوذيات
بـحـطـب وابنـار هالـظـالـم بلاهه
اهروش الـگـلب فـگـدِ امـي بلاهه
اشـوف البـيـت ضـل خـالي بلاهه
وبَعـد مدري الزمان اشظـام ألـيـه
*-----------------------*-----------------*
لـذات الــنـبــي راعـوا لاذت اُمنه
عصابه وموش صحبه لاذت اُمنه
ابـهـجـوم الــدار گــوه لاذت اُمنه
وره الباب وكسر ضلـع الـزچـيـه
*----------------------*-------------------*
الـزمـن مايـرحـم الـمـكـسـور يودار
واعـذرنـه الـدمــع كـل يـوم يودار
مـا ادري ابـسـجـن ضـلـيـت يودار
مضلمه ابكـل وكـت عـگـب الزچيه
*------------------------*-------------------*
أديــرن ردت عــمـــري مادرلهه
الزچيه اشلون دمـعـي مادرلهه
اعله ابونه الألم تخفي مادرلهه
الضلع مكسور والسطره خفيه
*---------------------*------------------*
✍خادم الزهراء ع
الشاعر رعد الجريخي
/channel/rdeaa
/channel/rdeaa
طـافـيـه الليله المدينه انـوارها
الزهره طلعت بالنعش من دارها
ـــــــــــــــــــــ
وحشه هالليله المدينه ومظلِمه
النور مات وطفت شمعة فاطمه
والهواشم تــــــــــنـحب ومتألمه
والحـزن حوّط جــــميع اكتارها
ـــــــــــــــــــــ
ظلمه صارت والضوه دافن ضوه
السورة الكوثر تـنـوح القل هوه
واخـــتنگ لمصابها حـــتى الهوه
وكل گلب یـحــــمل الم بسمارها
ـــــــــــــــــــــ
سكتّه طـلـــعـها علي للـمــــــگبـره
امن الهواشم ليش ماحضرت مره
وحـشـه يـاوسفه تــروح الطاهره
لاگرايـــب بـــــالدفن لا جـــــارها
ـــــــــــــــــــــ
ابـليــــل طلعها علي وكت الدفن
وعالجــنازه منحني مثل الغصن
وذاب من ثگل الدمع حتى الجفن
مثل متذوب الشموع ابـــــنـارها
ـــــــــــــــــــــ
شيع الزهره علي حافي الجِدم
امصيبته اتهد الرواسي والقمم
امدنگ اعلى الگاع وينوح ابألم
ماتت الچان الوحي خــــطارها
ـــــــــــــــــــــ
كالغريبه وسفه دفنــــوها البتول
وهيَّ بت خير البشر طه الرسول
كون نبچي اعليها بالدمع الهمول
الدمعه عالزهره عجيبه اسرارها
ـــــــــــــــــــــ
اليدفن ابأيده حـبـيـبه ينكسر
ونـعلم ابـكسر الگلب ماينجـبر
وعلي اتجرع بالفگد مر الصبر
صار يـتـمنى الدفن بــجوارها
ـــــــــــــــــــــ
علي ايگول اعلى الوديعه استُرجعت
روحي جانت فاطمه وروحي اطلعت
شيعتها مدري روحي اتشيعت
بحكمته الباري شهيده اختارها
ـــــــــــــــــــــ
حيدر بشار الدراجي
#نعـي
عليها مـن تـصـب الماي بهـداي
خاف اظلوعها يعـورهـن الماي
بعدها آثار طبگات الجذع هاي
بصدر امي يبويه الخلفت داي
سيد حسين الياسري
#اللهم_عجل_لوليك_الفرج
/channel/rdeaa
صاح ابأحزان .. عم ياسلمان
حيدر نوحه .. الموت البضعه
فگد الزهره .. الكاسر ضلعه
ـــــــــــــــــــــــــــــــــــــــــــ
نــاده يسلمان ابحزن حيدر علي وابحــسره
حيلي انهدم لمن شفت بعيوني حال الزهره
نــار الغَضَه بِيِّه أحس وابروحي هالمتوجره
گسر الضلع لو ينــجبر كسر الگـلب شيجبره
داحي البيبان...ينحب باشجان
واعله ام بيته...ايهل الدمعه
فگد الزهره ...الكاسر ضلعه
ـــــــــــــــــــــــــــــــــــــــــــ
ايگله يــسلمان الجــرح ماتنـگضي سالفته
من غـمّـضت عين النــبي وغسلته وچفنته
ومن وسدت ام الحسن موت النبي اتذكرته
اليدفن احبابه بالگبر يحسبهه روحه الميته
ويتمنى الموت.. ويصيح بصوت
لامااريدن .. هاي الوسعه
فگد الزهره.. الكاسر ضلعه
ـــــــــــــــــــــــــــــــــــــــــــ
الفاگد خـليله ومـهجـته ليله يـخـلّص وحــشه
ويگضيها حسرات او ألم ومايل يضل بالممشه
وتـصير شده نـومتـه ويـتـــــاني وكت الغبشه
الفاگد مـثل ام الحــــــــسن يتمنى نومة نعشه
چانت وياه.. كلشي ابدنياه
الفرگة فاطم .. حيدر ينعه
فگد الزهره.. الكاسر ضلعه
ـــــــــــــــــــــــــــــــــــــــــــ
المالان گـلبه امن الشدد عـالـزهره منهد حيله
مكسور خـاطر ياخـلگ بــيـــده التراب ايهيله
والحالته اتــــــــحن السمه ودم و دمع تبچيله
ام بيته منه هاجرت وهالفرگه يدري اطويله
هاي الزهراء.. ام الارزاء
هذا الموت.. المابي رجعه
فگد الزهره.. الكاسر ضلعه
ـــــــــــــــــــــــــــــــــــــــــــ
اليفگد أعز واحد تـــره اتضيگ الوسيعه ابعينه
وبوجهه ينشاف الحزن وبـالغربه يگضي اسنينه
واليكتم ابـگـلبه الجـرح ايـــــظل يفرك ابچفينه
وحـيدر فـگـد جـنة عدن ساعتــــــها الله ايعينه
ام زينـــب هاي.. يهواها اهواي
وراحت من چف.. حيدر شمعه
فگد الزهره.. الكاسر ضلعه
ـــــــــــــــــــــــــــــــــــــــــــ
حيدر بشار الدراجي
يَا أَيُّهَا الْمِسْمَار
اُقْصُصْ لَنَا الْأَخْبَار
وَاحْكِ الْرَزايَا الْمُؤْلِمَة
فَالْيَوْمَ يَوْمُ الْمَحْكَمَة
والثأرُ حَان
ــــــــــــــــــــــــــــــــ
من بعد الظلم والجور ابو صالح بزغ نوره
لچنها ابريِّـته الانفاس لُـمَّـه الزهره مجموره
للصار ابهجوم الدار ينصب محكمه ابدوره
والبسمار يستدعيه شاهد يشرح الصوره
قُمْ وَاشْرَحِ الْأَنْبَاء
عَنْ قَاتِلِ الزَّهْرَاء
تَبَّتْ يَدَاهُ الْآثِمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
بسمار البتول ابصوت يحچي وفاطمه الموضوع
يَسائل علجره اعليها حضُّر للمصيبه ادموع
حين الهجمو الأرجاس چنت متخفي بين اجذوع
ومن دفعو عليها الباب لُـمَّـك كسّروها اضلوع
ذَنْبِي بِدَفْعِ الْبَاب
لَمْ أَمْنَعِ الْأَعْرَاب
أَرْجُو لِحَالِي الْمَرْحَمَة
فَالْيَوْمَ يَوْمُ الْمَحْكَمَة
ــــــــــــــــــــــــــــــــ
الباب المستعر بالنار أحر من جمره سواني
ومن دفعو على امك حيل دم مُهجتها طفاني
ابگلبها اتشم لون دخان إعرف هذا دخاني
ومن گلب امك اتعديت لگليب الجنين آني
لَوْ كَانَ لِي سُلْطَان
لَفَتَكْتُ بِالشَّيْطَان
أَفَهَلْ تَرَى لِي مَكْرُمَة
فَالْيَوْمَ يَوْمُ الْمَحْكَمَة
ـــــــــــــــــــــــــــــــــ
يبو صالح واذا تسأل علصار ابهذاك اليوم
واحد سطر خد اُمَّك ونزَّل من جفنها ادموم
واحد زرگه من السوط خلاها ابمتنها ارسوم
واحد بيها ظل يرفس وبقت ما بيها حيل اتگوم
سَلْ قُرْطَهَا الْمَنْثُور
عَنْ خَدِّهَا الْمَسْطُور
سَلْ ضِلْعَهَا عَنْ هَاشِمِه
فَالْيَوْمَ يَوْمُ الْمَحْكَمَة
ـــــــــــــــــــــــــــــــ
كل هذا الجره اعليها وما حشمت داحي الباب
عينيني يفضه اتصيح بالبسمار صدري انعاب
ومحسن صگط من عندي يفضه ومرمي بالاعتاب
محسن والضلوع اتهون ولا ينهتك خيط احجاب
قَدْ قَدَّمَتْ ضِلْعَيْن
كَيْ لَا تَرَاهَا الْعَيْن
ثَأْراً لِتِلْكَ الْعَالِمَه
فَالْيَوْمَ يَوْمُ الْمَحْكَمَه
ــــــــــــــــــــــــــــــــــ
يمهدي ام الحسن صارت خيال وچنها سعفه ابريح
وساعه من بعد ساعه عليها ينغشي واتطيح
ترفع بالدعاء بس أيد گوّه اتمِّم التسبيح
ماتت ناقمه اعليهم تعتيم الگبر تلميح
مَا الْحُكْمُ يَا سُلْطَان
هَلْ يُصْلَبُ الْجِبْتَان
بِئْساً لِأَهْلِ الْمَشْأَمَة
فَالْيَوْمَ يَوْمُ الْمَحْكَمَةِ
ــــــــــــــــــــــــــــــــ
سيد علي عبدالزهره الناجي
عگيلي
مصابج يالزهره يهد حيلي
ننصبلج مآتم للدوم
نبجي والگلب مالوم
نعازي حسينكم مهظوم
ويصيح شلون تخليني
مالوم الليله والينه
حيدر فارك الله يعينه
باحزان يكضيها سنينه
ونارج شبت اه بدليلي
حزنان وحمره وعيونه
من شال ونعشج بمتونه
وحسين شلون يصبرونه
وشلون يصبره كليلي
زينب هالليله نواسيها
واعله امها الونه نعليها
طفله صغير وتخليها
وتنادي الليله اكعديلي
الله يعينج اه يالحره
من شفتي بعينج والزهره
مهدينه بثارها ننتظره
ومنهدم بمصابج حيلي
خادم اهل البيت عليهم السلام
حيدر علي العيساوي
موشح زهرائي
الزهره بدموع الحزن أرثيها
الليله انعيها و أون وأبچيها
١
الليله احچي للشهيده بالدمع
وأنحب ألها بصوت كسرات الضلع
گلبي ذايب بالحزن مثل الشمع
الليله والعن كلمن امأذيها
٢
بين دفعت بابها وذيچ الدموع
گام يبچي العرش آيات الخشوع
بالسمه يسمعون كسرات الضلوع
والملائك تنحب وتنعيها
٣
ابچي وجروح الگلب تنزف مرار
بين لحظات الألم والانتظار
ليش صدر الزهره مابين الجدار
ينعصر عصره غضب تاليها
٤
اشگد عمرها وتنعصر عصرة غضب
بين نار الفاجعه وذاك اللهب
الها حضرت ناس ماعدها أدب
وحيل مشكوك بنسبها وبيها
٥
الله لا يرحمها گوم الظالمه
البچت بفعلتها اركان السمه
ليش مادرون بيها فاطمه
الطاهره الباري السمه امعليها
٦
بروحي خليت الحبيبه أم الحسن
العاشت اعله الآه بيام المحن
المحسن وكسر الضلع چان الثمن
المثل فاطم حاير اشأنطيها
٧
فاطمه البروح عاشت للأبد
عهد ما أنساها أنطيها عهد
أمي غذتني محبه من المهد
وساكنه بروحي انه امخليها
٨
أرتجي من الزهره وبهاي الحروف
اتعاين اعليه رغم كل الضروف
أقسم اعليها بألم ذيچ الچفوف
عالحوايج تنظر وتگضيها
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
اويــــــلاه يـــــفاطم اويــــــلاه
علي ابـ آه بـــــدونچ علي ابـ آه
جمر دمعـه
على البضعه
أويلاه
ـــــــــــــــــــــــــــــــــــ
يم گبر فاطم تعنه حيدر وخانگته عبره
تعثر ابكل خطوه جدمه والنَفَس كل شهگه حسره
منحني ومو مثل الاول منكسر وايده اعله ضهره
يم حسن بشريني گلها ضلعچ ابيا حاله كسره
تشـافه عسنَّه تشـافه
وسافه خسرتچ وسافه
قهر ينعه
على البضعه
أويلاه
ـــــــــــــــــــــــــــــــــــ
سلّم اعليها ابنحيبه وناده يافاطم بدونچ
عيني ما ناشف دمعها ساعة الغُمضت عُيونچ
جيت اناشد يلحبيبه عن أثر شفته ابجفونچ
ازرگ امن السطره لونه ذبّل امن القسوه لونچ
بالــعيون سطرتچ بالعيون
والجفون يورمن والجفون
أثر صفعه
على البضعه
أويلاه
ـــــــــــــــــــــــــــــــــــ
يالحد گبر الوديعه ام حسن طمّنّي عنها
هوّدت ونّتها يمّك فاطمه لو بعده ونها
ينلچم متن البتوله هذا كل خوفي ابچفنها
يالحد شحچي وشسولف عن سياط الألمنها
نحيبي اشيبطل نحيبي
نصيبي أفارگ نصيبي
علي اشوضعه
على البضعه
أويلاه
ـــــــــــــــــــــــــــــــــــ
فاطمه وشاغلي بالي هلسؤال اشما اجيلچ
شوغة البسمار خفّت لو بعدها ابنص دليلچ
اچفوفچ امچوايه لَسَّه لا تگليلي دخيلچ
رحتي زعلانه وحزينه ما طفت جمرة غَليلچ
جريَّه دموعچ جريَّه
عليَّه تخافين عليَّه
بچه اتسمعه
على البضعه
أويلاه
ـــــــــــــــــــــــــــــــــــ
فاطمه الباب امن اصده علخدود ادموعي تجري
يلبتول وچن عصرتچ ينعصر بحزانه صدري
مُختصر وضعي ابغيابچ بالجزع راح اگضي عمري
تفارگيني ابسرعه قدرچ وانفجع بيچ انه قدري
غـــريبه يروحي غــريبه
الحبيبه جفتني الحبيبه
مثل شمعه
على البضعه
أويلاه
ـــــــــــــــــــــــــــــــــــ
راح ارد لدياري ميت ويه روحچ تبقه روحي
أرد اسمع اهل المگابر للمشت مظلومه نوحي
فاطمه اشكي لمُحمد علجرالچ هسه روحي
طه خيـضمد جروحچ مو مهم تنزف جروحي
الاگيه يجي ويوم الاگيه
احاچيه على الصار احاچيه
ذبل فِرعه
على البضعه
أويلاه
ـــــــــــــــــــــــــــــــــــ
سيد علي عبدالزهره الناجي
اليالي الفاطمية شابج العشره
شابج العشره وجيتلج بدموعي
كعديلي يالفركاج حاني اضلوعي
يالزهره وعيونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
يالزهرة اجيتج للكــــبر والدمعه تشرح حالي
ياغاليه وفكدج تـــــــــره ذبل رسوم الغالي
غيابج كسر طــولي كسر وبان الوجع بخيالي
وينغمي عليه من البجي لو ناشدوني اطفالي
وين أمنه راحت لمن يسئلوني
اسكت والتجاوب دموع عيوني
وليداتي يردونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
انه اكدر الكشي تـــــــــــره بس الفركتج مكدر
ماتلّـــــوي اذراعي كبل هسه بمشــــــيتي اتعثر
ذابل علي مشــــــــــــيب علي حكه علي يتغير
من الحسره احس بموادعج ضلعي يزهره تكسر
من غاب طولج جرحي صار بطولي
ومن امشي ولدي كامو يتجولي
وحين اليذكرونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
تدرين يالزهره بعلي مــــــــــوزين حاله خلافج
وذاك اليدك حـــــدر الضلع ايموت اذا ماشافج
كالو يبـــــــعد الماغفن مخرب التراب اوصافج
أنه اليحبج مــــــــــن صدك وكلبي ابد ماعافج
من كثر بجيي عليج عميه عيوني
انـــــــــه علي وبيا علي يكوموني
بالمكبره شلونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
شوفيني كاضيني الحزن بالكوه احرك جدامي
يل والمج الله الـــي فركاج موش ولامي
غيابج احس مثل المرض ينهش بقه بعضامي
بلايه وجــــــــودج فاطمه ماريد اعيش ايامي
مثل اليتيم بداري كاعد وحدي
مكابل اصورج والدموع بخدي
مخربه الكبر لونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
لميت كل حـــــــــزن السلف لاجن شويه ألكيته
طـــــــــــولي يزهرة البالكبر مو طولج الخليته
يرد ميت لبيته تــــــــــره اليدفن بديه ام بيته
مالت قهر مــــــــــو للكُبر شيب اليطك بالحيته
اليفكد عزازه الحسره تترس كلبه
وبعيونه كـــل الناس تصبح غربه
يالذابله اجفونج
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
كل ما ازورج للكـــــــــبر تنكص سنه من عمري
يافاطمه سنين الهــــــــجر كسرن بموتج ضهري
ماتدري بجروحي الخـــــلك بس الله بيهن يدري
تمنيت مو كبرج تـــــــــــره ريت انه حفرو كبري
امن البجي ماتكمل بقت سالفتي
المفروض ادفنج بيَّه يافاطمتي
ادموعي اليخبرونچ
ميت علي بدونج
ــــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
مقطع صوتي من ملا هيثم اللامي
Читать полностью…
اتلث روايات.. والدمع واجب نـسيله
اتلث روايات.. الفاطمه الزهـره قليله
كل عمرنا كون يخلص بالمناحه
كل عمرنا كون يخلص بالمناحه
~~~
اتلث روايات العزاء الفاطمه الزهره
الخَدَم كلشي اتقدّم الهه وتشعر امقصره
الفاطمـيـه چن ليالي القَدِر بالفكره
والأجر بيها ايتضاعَف لليِهِل عَبره
اتلث روايات...تنفجع ارواح بيها
اتلث روايات ...نبچي عالزهره ام أبيها
للگلبها امن الوكت ماشاف راحه
كل عمرنه كون يخلص بالمناحه
~~~
هالخدم تشعر امقصرهَ وتذرف الدمعه
ليش الايام النحبها تخلص ابسرعه
عالضلع كون الموالي ينكسر ضلعه
وبعتني ايزور الزچيه ليلة الجمعه
اتلث روايات.. والحزن واضح علينه
اتلث روايات.. وابد ما يخلص بچينه
وبالعزيه اليخدم ادموعه سلاحه
كل عمرنا كون يخلص بالمناحه
~~~
الدمعه تنزل عالغوالي تحرگ الوجنه
مثلما احنه نحبها فاطمه اتحبنه
الغيرها المن نريد الدمعه والونه
احنه مثل اولادها ام حسين تحسبنا
اتلث روايات.. وهالخدامه ما نملها
اتلث روايات.. فدوه كلشي ايروح الها
ياگلبنه الأبد ماتـنـشف جـراحـه
كل عمرنا كون يخلص بالمناحه
~
ابكل روايات الشهاده للعزه نحضر
مريم التحضر الليله اتگابل المنبر
وآسيا تبچي ودمعها ابحرگه يتفجر
كلهن ايواسن خديجه بفاطمه الكوثر
اتلث روايات.. قائمه هاي المجالس
اتلث روايات.. بيها عالخدمه التنافس
واليقصر يرتجي منها السماحه
كل عمرنا كون يخلص بالمناحه
~~~
الكوثر الزهره اجينه ابدمعه سچابه
وبـالـگلب نـار المصيبه تـبـقى لهابـه
نرتجي الباري بدعانه ونطرق ابوابه
ايعجل ابطلعة المهدي الطول اغيابه
اتلث روايات.. ونندب المهدي ابدمعنه
اتلث روايات.. نـرتـجي ايـغير وضعنه
الدنيا ظلمه وننتظر يطلع صباحه
كل عمرنا كون يخلص بـالمنـاحـه
~~~
مسألة گبر الزچیه الضایع المخفي
بـالگلوب تهیج نـاره وابد ماتطفي
ثلث روايات ونحسهه النه ماتكفي
يـاوكت لم الاطايـب بـالعزاء نلفي
اتلث روايات.. لا گبـر يـمنـه ونـزوره
اتلث روايات.. المهدي نترجه حظوره
ثوب الاسود صبح للمهدي وشاحه
كل عمرنا كون يخلص بـالمـنـاحـه
~~~
حيدر بشار الدراجي
استشهاد الزهراء ع
اتوادعنه وآنه ضلعي مكسور
لام المصايب گلبي مفطور
****
انسيته جرحي من شفت زينب تنوح
حالي ما همني وبچيت الحالها
يمه يالزهره الحنونه اشما تصيح
ترتفع روحي وتكظ ابشالها
ويه كل دمعه التصب انظر خيام
يمكن الطف ظل يمر ابالها
شينشف دمعها
آنه افهم وضعها
حمره تظل العين
وما يخلص وجعها
ابالي هزيله ظلت اتدور
لام المصايب گلبي مفطور
****
يختلف وضعي و وضع زينب يناس
ابداري آنه وباچر اهيه ابشامها
احزامي مشدود ابعلي وبهل بنين
ابكربله زينب يطيح احزامها
مختنگ صدري وفقط حرگولي باب
لاچن اهيه اتشب عليها اخيامها
هينه والله ناري
ما فارگت داري
بغربه زينب شلون
وتركض بالبراري
حگه الدمع هالليله منثور
لام المصايب گلبي مفطور
****
يمها اخوها حسين گاعد والدموع
صبّن وحسيت تعمه عيونها
ايگلها يا زينب إصبري للطفوف
ويمسح حسين الغيور إجفونها
شلون حالچ من ترض صدري الخيول
والسيوف اتصك عليه اسنونها
ايگلها يالحبيبه
صبري اعله المصيبه
ضمّي زينب دموع
للطف يالغريبه
يمي يصبّر بيها مجبور
لام المصايب گلبي مفطور
****
ارد احاچيها وخنگ صدري العذاب
گوّه اتنفس كسيره ضلوعي
ارد اگلها ابخير ما همني المصاب
اتهيج عيني وأنفضح بدموعي
حاولت ايدي امدها وما اريد
محد ايفهما تره موضوعي
يا إيد الامدها
قنفذ شو مردها
سوطه فوگ المتون
لوعات اشيعدها
آهاتي مُرّه وظلت اتفور
لام المصايب گلبي مفطور
****
گربت انفاس الاخيره وباقي صوت
ابنيتي زينب ارد اصيح بصوتي
حظر اچفاني علي وايصب دموع
للحبيبه ايصد لون تابوتي
امصاب محسن ما يهم حتى الضلوع
خايفه اتموت العقيله ابموتي
تلطم لن شفتها
الونه ماحملتها
آنه ابهاي الاحول
روحي سلمتها
الوحدّها باچر تحمل الجور
لام المصايب گلبي مفطور
****
الشاعر اياد الديراوي
نرفع ايات التهاني بهل مسيه
الليه مولوده العقيله الهاشميه
☆☆☆☆
مرج البحرين بالقـــــدره التقن
يعني حيدر التقه اويم الحسن
دره جـــابو ما يعــــــادلها ثمن
والوصف حاير بقه وحقه صفن
صفنت احروف القوافي الأبجديه
الليله مولـــــوده العقيله الهاشميه
☆☆☆☆
الليله فرحانه ملائـــكة السمه
واحمد المختار هنّه فـــــاطمه
اتعنو ايهنون حمــــــاي الحمه
هل خبر ما اجمله ومـا اعظمه
فرحه عدنه بالليـــالي الزينبيه
الليله مولوده العقيله الهاشميه
☆☆☆☆
يلي تسأل ونشغل بيك الفِكـر
حاظر اجوابي وابد ما انتظـر
الليه ستر الله نولد وي الخدر
من زغرها اتحد ويــاها الصبر
هيه غير امها اليسموها الزچيه
الليه مولوده العقيــله الهاشميه
☆☆☆☆
بهجة افـــــــراح وتهـاني والسرور
شفنه فرحه بطارف عيون الطيور
نزلن من الجنه عالمولــــوده حور
علگن شموع الفـرح نور اعله نور
الليله نجمات السمه حلوه وضويه
الليله مولـــــوده العقيله الهاشميه
☆☆☆☆☆
يا ثلث تنعــــــــــام والله والنعم
أمن العقيله الهاشميه اخت الزلم
چنها فـاطم وختلف بس الاسم
يااسمها العـــالي ومحاذي النجم
نعمه زينب نزلت الهاي البريه
الليله مولوده العقيله الهاشميه
☆☆☆☆☆
حيدر بشار الدراجي
مقطع صوتي من ملا هيثم اللامي
Читать полностью…
أداء ملا هيثم اللامي
الشاعر رعد الجريخي
ساعد الله قلبك يا علي
دمـعـي ايـسـيـل لـلـزهـره .. علاني
وجـرح بسمارهه الـشفتـه .. علاني
اليصـدلي گـام مـايـعـرف .. علي اني
غـزانـي الـشـيـب بوداع الـزچـيـه
*-----------------------*--------------------*
✍خادم الزهراء ع
الشاعر رعد الجريخي
قصيدة [ نار الفَگد ]
من مُصابِ أميرِ المؤمنين في فَقدِ الزهراءِ عليها السلام
حاير شضَمّد وآنه أبو تراب
كسر الضلع لو كسر الاغياب
...
١/ كسر الضلع لو نِفترض هاد
الكسر الظهر ما يِرهم اضماد
وآنه گَطعت النوم والزاد
عَگب أُم أبوها وأُم الأطياب
٢/ نار الفَگد ما تِطفي بالماي
اشوية الدمع والفاجعة أَهواي
زَهرة حياتي وريع دُنياي
لأجل الستر لاذت وَره الباب
٣/ النار تِطفي وتِبگه الجروح
والزَهرة ليش مُقرَّرة تِروح
چانت العِشرة الروح بالروح
كِلمة مَحنّة ولَمّة أحباب
٤/ الكل اجتماعِن فِرگة معلوم
وبالدُنيه هذا الحُكم مَرسوم
الفَرح ساعة والحُزن دوم
واعله النِحبهم نِلبس أنگاب
٥/ جَرّ النَفَس گُوّه عَلَي صار
بِعَيني طِفل وإبرَيتي بسمار
حَيدر بَگه إيصبّر الكرّار
وأَصوابي كِلش للعظم طاب
٦/ لَمِن نَعشها للدفن راح
طِحت وعَلَي بَيتي غِفل طاح
حَتّى علي هم يا علي صاح
واحد المَوت وكِثرة الأَسباب
٧/ قَلّ الصَبر واتهدّم الحيل
وانهاري صاير يِشبه اللَيل
وَيلي على الزهرا وآ ويل
اشلون بِوِجهه الزهرة تِنصاب
#محمد_الجماسي
فاطمه ... حُجة الله اعله الأرض واعله السمه
فاطمه ... سر ومـا أدراكَ مــا سر فـــاطمه
ـــــــــــــــــــــــــــــــــــــــــــــــــــــــــــــــــــــ
فاطمه وزهره وبتوله وراضيه ومرضيّه
الكوثر الحره الشهيده الطاهره العذريّه
العالمه المنصوره حجه اعله الحجج حوريّه
الشافعه الصديقه ام المصطفى النوريّه
فاطمه ... ابذكر اساميها نزول المرحمه
فاطمه ... سر وما أدراكَ ما سر فاطمه
ـــــــــــــــــــــــــــــــــــــــــــــــــــــــــــــ
بالحديث القُدسي گالو سر يفوق ادراكي
الله ما خالق مُحمد لا علي لولاكي
فاطمه ولا مو جُزافاً ربنه من سمّاكي
ينفطم من حر جهنم كل مُحب والاكي
فاطمه ... كتبو لسيرة حياتچ ترجمه :
فاطمه ... سر وما أدراكَ ما سر فاطمه
ــــــــــــــــــــــــــــــــــــــــــــــــــــــــــ
١٨ مُجمل عمرها بالسنين انقيسه
١٨ لكنها أعظم عابده وقدّيسه
سيدة حوه وخديجه وآسيه واُم عيسى
وكل خدر وحجاب لا شك هيَّ.ر اصل تأسيسه
فاطمه ... للسماء السابعه سابع سمه
فاطمه ... سر وما أدراكَ ما سر فاطمه
ــــــــــــــــــــــــــــــــــــــــــــــــــــــــــــ
خمسة احروف ابأسمها علعرش مكتوبه
بيهن آدم من توسل ربنه زاح اذنوبه
الباري نزلها لمُحمد تجلي عنّه اكروبه
وگال اليزعلها بعدي ما تفيده التوبه
فاطمه ... كلمن ايألمها گلبي ايألمه
فاطمه ... سر وما أدراكَ ما سر فاطمه
ــــــــــــــــــــــــــــــــــــــــــــــــــــــ
مريم الباري اصطفاها وبالذكر مذكوره
وفاطمه استقبالاً الهه ربنا نزل سوره
مريم ابعيسى التكلم آمنه ومسروره
وفاطمه قتلو طفلها وعلوجه مسطوره
فاطمه ... للولايه اول شهيد امقدّمه
فاطمه ... سر وما أدراكَ ما سر فاطمه
ــــــــــــــــــــــــــــــــــــــــــــــــــــــــــ
هيّه ( بابُ اللهِ لكنْ ) نار شبّو بابها
هجمو اعليها وتخفّت للستر بعتابها
الثاني بالبسمار عمداً غمّگلها اصوابها
ضحّت ابمحسنها حتى اتحافظ اعله احجابها
فاطمه ... عاشت وماتت لغز ما نفهمه
فاطمه ... سر وما أدراكَ ما سر فاطمه
ـــــــــــــــــــــــــــــــــــــــــــــــــــــــــــ
سيد علي عبدالزهره الناجي
آه اعليچ يافاطمه
ــــــــــــــــــــــــــــــــــــــــ
يهب عطر الجنان امن الفظ احروفچ
يَـكعبه وقبلة الله اتلبي واتطوفچ
شگولن والرسول امقبل اچفوفچ
عهد يم الحسن وياچ ماعوفچ
انتي الماي لو مر ضمه
ــــــــــــــــــــــــــــــــــــــــ
يَمن گبل الوجود الرب رفع قدرچ
وجعل مُستودع لأسراره في صدرچ
الشمس شمسچ يَفاطم والبدر بدرچ
ونه اتشرف تُراب وأنسحگ حدرچ
سر والكون ما يفهمه
ــــــــــــــــــــــــــــــــــــــــ
يَحُجه اعله الحُجج مذكوره بِـرْوايه
يَكفو لحيدر وتكفيچ بس هايه
ابمقامچ راح اسولف بس هلحچايه
الچ كل الرُسل قَرَّت بالولايه
صيتچ ذاع أرض وسمه
ــــــــــــــــــــــــــــــــــــــــ
عظيمه ومن عظمتچ شرفاچ الرب
لرضاچ الباري يرضه وللغضب يغضب
أذن خيعونه لبمجلس عزائچ طب
إله اتكونين من حبل الوريد اقرب
عونه النال هلمرحمه
ــــــــــــــــــــــــــــــــــــــــ
خدم وابمجلسچ يافاطمه الزهره
علينه انريد منچ يم حسن نظره
نحلفچ بالضلع والعصره والسطره
خدم خلينا عد الهشمو صدره
للمخضوب شيبه ابدمه
ــــــــــــــــــــــــــــــــــــــــ
خدم خلينا للحرگوها خيمتها
وحبل شدو اديها وذبحو اخوتها
العقيله المن جلوس الليل صلتها
وأشدها اعيون أهل الشام شافتها
وإلها متون متورمه
ــــــــــــــــــــــــــــــــــــــــ
سيد علي عبدالزهره الناجي
اليالي الفاطمية
العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ
الله يلعن مــــــن حرك باب البتول
شنهي باجر عـــذره للباري شيكول
السطر خد الزهرة شيفيده اعتذار
غير نــــــــــار الحاطمه لا ما ينول
غـــــدا بسمار اليشهد عله الصار
الحــرك باب الزهرة خنيث وعار
غــــــدا ربنه يصلب امام الناس
الشــــــعل دار العتره يشعله بنار
لعنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ
هل سوال مــــــــــوجه لهل العلم
ليش صــــوت الضلع رادو ينكتم
انه راح احجيها طك بطك وكول
ماخــــــــــاف وراح اذكر بالأسم
عمر هــــوه القاتل قسم بالله
وليجامل هـــــاذه يصير وياه
السكت والجاملهم تره مئثوم
غــــدا سوفه يلقا عذاب الله
العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ
من عمر وتباعه انــــــــه أعلن براء
الحقيقه هــــــــاي مو شعر وهجاء
هوه اليطك حرمه هم يتسمه حيد
زلمه مـــــاحسبه وحك رب السماء
على الزلم ينــــعد فشل والله
وذكـــــــرنه بخيبر اذا ينساه
اليكلي بالحومه شجاع وحيد
ذكــــــــــــرنه بهدمه لمن ذباه
العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ
الزلمه مـــــــــــــــن يهد يكابل زلمه
موش يتــــــمراجل يضل عل حرمه
الزلم تحجي افعالها بوكت الحروب
وهوه وكـــــــت الحرب ينزع هدمه
جبان وماكـــــــــــــابل علي مره
لــــــــون يشرد حكه تره انعذره
لئن يدري بحيدر ابـــــــد ميهاب
مثل شطرت خيبر علي يشطره
العنة الله على قاتليك فاطمه
ــــــــــــــــــــــــــــــــــــــــــــــــــــــــــــــــــــــ
حسين عبد الزهرة الدراجي
نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي
#اللهم_عجل_لوليك_الفرج
ويلاه يفاطم يمه
ـــــــــــــــــــــــــ
يمولاتي الچ عهدي يظل طول العمُر
مآتم حزنچ احييها مثل ليل القدُر
يريته ابضلعي يايمه ألم ذاك الكسُر
عَلَي ترضين بس رايد فلا رايد أجُر
خادم نَضُرتچ همَّه
ويلاه يفاطم يمه
ـــــــــــــــــــــــــــ
لون زلمه يطگ حرمه يحسبوها جُبن
يفاطم وانتي بمتونچ اثر واعله الجفن
غضب الله ورسول الله على الگلچ وأن
يفاطم والحرگ بابچ وجوباً ينلعن
ملعون كفر بالنعمه
ويلاه يفاطم يمه
ـــــــــــــــــــــــــــ
جلالة قدرچ لساني يبينها گُصَر
يَحُجه اعله الحُجج صرتي بَمُر رب البشر
مداد اشعاري عن فضلچ اذا صار البحر
يجف يم الحسن وانه بعدني اول سطر
ياقمه فوگ القمه
ويلاه يفاطم يمه
ـــــــــــــــــــــــــــــــ
كتاب الباري واياته تخصّچ نازله
يكوثر واية القُربه تبين المنزله
يمشكاة الله يانوره يَـ باء البسمله
الچ في هل اتى الرفعه عبايه امفصله
ناڪر مقامچ أعمه
ويلاه يفاطم يمه
ــــــــــــــــــــــ
يتفاحه ابصلب طه يحورية اصل
رضاچ ورحمة الباري طريق ومتصل
خَدَمتچ مو لجل غايه الچ رايد وصل
واريد ابهلخدامه ابقه وابد ما انفصل
حبلچ ردت اعتصمه
ويلاه يفاطم يمه
ــــــــــــــــــــــــــ
يَسر ومحد يفهمه وابد ما ينوصُف
محيط انتي ونه ومثلي يغرگنا الجرُف
أنه المذنب ، انه العاصي مُقصر واعترُف
لچن من شعري يكفيني قبولچ بس حرُف
تكفيني هاي الخدمه
ويلاه يفاطم يمه
ـــــــــــــــــــــــــ
سيد علي عبدالزهره الناجي