16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Беларусі вырасьлі тарыфы на жыльлёва-камунальныя паслугі і электрычнасьць
https://smarturl.click/e01Yk
Тарыфы на ацяпленьне, электрычнасьць і гарачую ваду вырасьлі ў чэрвені 2025 году.
Чакаецца, што ў ліпені беларусы атрымаюць плацёжкі за некаторыя паслугі па падвышаных тарыфах, піша «Люстэрка».
У прыватнасьці, тарыф на цеплавую энэргію для патрэб ацяпленьня і гарачага водазабесьпячэньня цяпер складае 27,2323 рубля за 1 Гкал (было 24,7187 рубля). Плату падвысілі на 10,2% (да 27,2323 рубля за 1 Гкал). Для двухпакаёвай кватэры ў Менску на 50 квадратных мэтраў, у якой прапісаны адзін чалавек, за спажыты аб’ём ацяпленьня ў 1,0163 Гкал па новых тарыфах трэба заплаціць 27,68 рубля. Гэта на 2,56 рубля больш, чым было б за травень. Для кватэр, у якіх ніхто не зарэгістраваны, а таксама для «дармаедзкіх» тарыфы паднялі з 1 студзеня. Яны прыкладна ў 4,8 разы вышэйшыя за льготныя.
Фота ілюстрацыйнае
Саміт БРІКС у выніковай дэклярацыі згадаў вайну ва Ўкраіне, але асудзіў толькі напады на расейскія цывільныя аб’екты
https://smarturl.click/gg6Yw
У 31-старонкавай дэклярацыі саміту БРІКС у Рыа-дэ-Жанэйра Ўкраіна згадваецца толькі адзін раз, пры гэтым «найбольш рашуча» асуджаюцца нядаўнія напады на Расею.
Удзельнікі саміту БРІКС у Рыа-дэ-Жанэйра ў выніковай дэклярацыі выказалі надзею на мірнае пагадненьне ў вайне паміж Расеяй і Ўкраінай, дзякуючы бягучым дыпляматычным намаганьням.
На саміце выступіў міністар замежных спраў Беларусі Максім Рыжанкоў.
На фота: саміт краін БРІКС, Рыа-дэ-Жанэйра, Бразылія, 6 ліпеня 2025 году
Сьледчыя заявілі, што пажар, у якім загінулі бабуля і ўнучка, адбыўся з-за падпалу
Па факце пажару ў вёсцы Культура (Пухавіцкі раён Менскай вобласьці), у якім 5 ліпеня загінулі бабуля і ўнучка, завялі крымінальную справу, паведаміў Сьледчы камітэт Беларусі (СК).
Сьледча-апэратыўная група, якая працавала на месцы здарэньня, з прыцягненьнем супрацоўнікаў МНС устанавіла, што пажар узьнік у выніку падпалу, гаворыцца ў прэс-рэлізе.
На фота: вынікі пажару. Крыніца — Сьледчы камітэт Беларусі
Расея не спыняе атакі на Ўкраіну, у Харкаве – 27 параненых
У ноч на 7 ліпеня расейскія войскі атакавалі Харкаў.
Як паведаміў мэр горада Ігар Церахаў, у выніку ўдару дронамі раненьні атрымалі 27 чалавек у двух раёнах Харкава.
Расейскія войскі рэгулярна абстрэльваюць Украіну з розных відаў узбраеньня – ударнымі дронамі, ракетамі, кіраванымі авіябомбамі.
Кіраўніцтва Расеі зьняпраўджвае тое, што расейская армія наносіць мэтанакіраваныя ўдары па цывільнай інфраструктуры і мірным насельніцтве.
Украінская ўлада і міжнародныя арганізацыі кваліфікуюць гэтыя ўдары як ваенныя злачынствы Расейскай Фэдэрацыі і пераконваюць, што яны маюць мэтанакіраваны характар.
На фота: наступствы расейскіх абстрэлаў Харкава
🗓 Асноўныя падзеі 29 чэрвеня
🔸 «Каб вярнуць вам вашу свабоду». Маск абвясьціў пра стварэньне ўласнай палітычнай партыі
🔸Лёд і сьмятана не дапамогуць. Разьбіваем папулярныя міты аб тым, як усьцерагчыся ад сьпёкі
🔸Рутэ: Кітай можа справакаваць Расею атакаваць NATO
🔸Пасьля рашэньняў дзяржорганаў Літвы — зьняволеньне ў Беларусі. Расьсьледаваньне парталу Delfi
🔸«Беларусы ганарацца агульнай спадчынай». Ціханоўская павіншавала Літву з Днём дзяржаўнасьці
🔸Зьезд КПРФ аб’явіў памылковым даклад Хрушчова пра культ асобы Сталіна
🔸Сёньня — апошні дзень тэрміну, які Іран даў мільёнам афганцаў, каб добраахвотна пакінуць краіну
🔸Генсакратар Рады Эўропы: Наша прыхільнасьць да свабоднай Беларусі застаецца непахіснай
🔸«Гэта не кібэратака». Стала вядома, што выклікала блэкаўт у Чэхіі
🏔 На поўначы Расеі падчас маратону загінулі мужчына і жанчына
Прычынай гібелі мог стаць холад. Іншыя ўдзельнікі апавялі, што ў гарах, дзе яны беглі, ішоў сьнег, а каменьне пад нагамі было коўзкім.
Сьледчыя завялі крымінальную справу за аказаньне паслуг, якія не адпавядаюць патрабаваньням бясьпекі.
Забег у Хібінах пазыцыянуецца арганізатарамі як «самы складаны». Яны папярэджваюць пра непрадказальнае надворʼе, ад сьпёкі да завірухі, вецер і ападкі ў спалучэньні з камяністымі схіламі і горным рэльефам.
🔗 Крыніцы — Mash, svoboda.org.
🇮🇷 Сёньня — апошні дзень тэрміну, які Іран даў мільёнам афганцаў, каб добраахвотна пакінуць краіну
У сакавіку Іран абвясьціў, што больш як 4 мільёнам нелегальных афганскіх мігрантаў трэба да лета пакінуць краіну. Пры канцы траўня быў пазначаны канкрэтны дэдлайн — 6 ліпеня.
🔸 Іран патлумачыў рашэньне эканамічнымі цяжкасьцямі і праблемамі бясьпекі — асабліва пасьля абмену ракетнымі ўдарамі з Ізраілем у чэрвені.
🔸 Сотні афганцаў абвінавацілі ў шпіянажы, заявіў прадстаўнік ААН. Ёсьць сьведчаньні пра катаваньні.
🔸 З пачатку году Іран пакінулі больш ад 800 тысяч да 1,2 мільёна афганцаў.
🔸 Некаторых высылаюць нават з сапраўднымі візамі.
🔸 ААН і Чырвоны Крыж папярэдзілі, што змогуць дапамагчы толькі 10% з тых, хто вяртаецца.
🇵🇰 Пра намер выслаць сёлета 3 мільёны афганцаў заявіў і Пакістан.
🔗 Крыніца — rferl.org
📉 Беларусь стала трэцяй у антырэйтынгу банкруцтваў
Прычына — рэзкае зьмяненьне тэндэнцыі. У 2023 годзе колькасьць збанкрутаваных бізнэсаў у краіне рэзка зьнізілася. А ў 2024-м вярнулася прыблізна да ўзроўню 2022 году. У адсотках гэта вылілася ў +39%. А больш атрымалася толькі ў Сынгапура (+40%) і Ўкраіны (+126%), вынікае з справаздачы кампаніі Dun & Bradstreet.
Значна больш банкруцтваў за мінулае пяцігодзьдзе было ў чацьвёртым квартале 2021-га.
Затое ў 2022-м, калі сытуацыя выраўнялася, Беларусь заняла 1-е месца ў рэйтынгу краін з самым вялікім працэнтам зьніжэньня банкруцтваў (−49%).
Калі глядзець яшчэ далей у гісторыю, то ў лідэрах па банкруцтвах будзе 2014 год.
🇺🇦 Зяленскі пасьля размовы з Трампам: ЗША гатовыя дапамагчы Patriotʼамі
Прэзыдэнт Украіны Ўладзімер Зяленскі назваў размову з прэзыдэнтам ЗША Дональдам Трампам 5 ліпеня «найлепшай» і «самай прадуктыўнай». Зяленскі падзякаваў Трампу за «гатоўнасьць дапамагаць» у пытаньні супрацьпаветранай абароны, падкрэсьліўшы, што «менавіта Patriot — ключ да абароны ад балістыкі».
🇺🇸Трамп назваў размову «стратэгічнай» і заявіў, што Ўкраіне патрэбныя для абароны Patriot (на фота).
🇷🇺3 ліпеня Трамп меў тэлефонную размову з расейскім прэзыдэнтам Уладзімерам Пуціным і застаўся ёй расчараваны.
🗣 «Здаецца, ён хоча ісьці да канца, проста працягваць забіваць людзей, гэта не вядзе да дабра», — сказаў Трамп.
🔗 Крыніца — radiosvoboda.org
🇧🇦 Суд Босьніі і Гэрцагавіны адмяніў ордэр на арышт прэзыдэнта Рэспублікі Сэрбскай Міларада Додзіка
Гэта адбылося 5 ліпеня пасьля таго, як ён добраахвотна прыйшоў у пракуратуру.
Разам з тым Додзік павінен пэрыядычна адзначацца і выконваць іншыя меры забароны, якія могуць пераглядацца кожныя два месяцы.
Крымінальны перасьлед Додзіка пачаўся ў 2023 годзе пасьля таго, як ён падпісаў закон, які прадугледжваў невыкананьне рашэньняў Канстытуцыйнага суду Босьніі і Высокага прадстаўніка ў Рэспубліцы Сэрбскай. Гэтыя законы пазьней былі адмененыя Канстытуцыйным судом.
Сёлета ў лютым суд у Сараеве завочна асудзіў Додзіка да 1 году зьняволеньня і 6 гадоў забароны на палітычную дзейнасьць.
Міларад Додзік па-ранейшаму ўзначальвае Рэспубліку Сэрбскую — аўтаномны рэгіён у складзе Босьніі і Гэрцагавіны.
У лютым 2024 году ён сустракаўся ў Менску з Лукашэнкам.
🔗 Крыніца — slobodnaevropa.org
🇨🇳 Марк Рутэ: Кітай можа справакаваць Расею атакаваць NATO 🇷🇺
Генэральны сакратар NATO Марк Рутэ лічыць, што ў выпадку, калі Кітай вырашыць сілай вярнуць Тайвань, Сі Цзіньпін можа папрасіць Уладзімера Пуціна адцягнуць увагу Эўропы нападам на тэрыторыю Альянсу.
⠀
Расея, паводле Рутэ, аднаўляе вайсковы патэнцыял зь неверагоднай хуткасьцю.
Цяпер яна выпускае ў 3 разы больш боепрыпасаў за 3 месяцы, чым усе краіны NATO разам — за год.
⠀
У якасьці рашэньня ён прапаную мацаваць адзінства NATO і супрацоўнічаць з Інда-Ціхаакіянскім рэгіёнам у абароне і тэхналогіях.
🔗 Крыніца — The New York Times.
🧑💻 Па-беларуску — сьцісла! Моўны ТЭСТ
https://smarturl.click/w4188
Ёсьць нямала эканомных беларускіх словаў, якімі замяняем цэлыя словазлучэньні. Такому беларускаму слову часта няма аднаслоўнага адпаведніка і ў іншых мовах, напрыклад у расейскай.
Прайдзіце тэст — і беларуская мова надалей будзе ашчаджаць ваш час!
У сьвеце пачаў распаўсюджвацца новы варыянт COVID-19. Хвароба мае адзін спэцыфічны сымптом
Паводле экспэртаў, новы штам не выклікае больш сур’ёзных сымптомаў, чым папярэднія мутацыі, але мае здольнасьць часткова абыходзіць імунную рэакцыю. Сусьветная арганізацыя аховы здароўя (СААЗ) ужо надае пільную ўвагу гэтаму варыянту.
https://smarturl.click/Y3xOM
Тузін бэстсэлераў гэтага лета: дэтэктывы, трылеры, жаночыя раманы. Расказваем, што пачытаць у адпачынку
Пагаварылі зь беларускімі выдаўцамі, якія прэзэнтавалі свае «тройкі» сьвежых лёгкіх кніг, выдадзеных па-беларуску.
https://smarturl.click/9ojy4
У Тэхасе ад імклівай паводкі загінулі як найменш 24 чалавекі, вада змыла хрысьціянскі летнік
Наймацнейшыя залевы выклікалі раптоўную паводку на рацэ Гуадалупа ў Тэхасе, у выніку чаго загінулі як мінімум 24 чалавекі, дзясяткі зьніклі. Сярод іх – 23 дзяўчыны з хрысьціянскага летняга лягеру Camp Mystic, які разьмяшчаўся на беразе ракі. Паводле мясцовых уладаў, узровень вады ўзьняўся на восем мэтраў усяго за 45 хвілін, што не пакінула часу на эвакуацыю.
Улады прызнаюць, што, нягледзячы на штармавыя прагнозы, маштабы бедзтва сталі непрадказальнымі. У Тэхасе адмянілі ўсе сьвяточныя мерапрыемствы з нагоды Дня незалежнасьці. Выратавальныя работы працягваюцца.
https://smarturl.click/gg6dR
«Табе канец!». Ліст да менскага сябра пра беларускае адзінства
https://smarturl.click/p24YX
Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.
На фота: Сяргей Ціханоўскі на мітынгу ў Варшаве, 26 чэрвеня 2025, ілюстрацыя
У Тэхасе маштабная паводка, ёсьць ахвяры
У цэнтральнай частцы штату Тэхас (ЗША) працягваецца паводка, якую выклікалі моцныя залевы, калі за некалькі гадзін выпала месячная норма ападкаў.
Як паведаміла агенцтва Reuters, колькасьць ахвяр раптоўнай паводкі дасягнула сама меней 78 чалавек, у тым ліку 28 дзяцей, бо пошукі дзяўчынак, якія зьніклі бязь вестак у летніку працягваліся, а боязь новых паводак прымусіла эвакуяваць валянтэраў-ратавальнікаў.
Фота агенцтва AFP
25 гадоў таму быў выкрадзены тэлеапэратар Дзьмітры Завадзкі
https://smarturl.click/3QX4g
Дзьмітры Завадзкі, беларускі журналіст, супрацоўнік Грамадзкай расейскай тэлевізіі (ОРТ, цяпер — Першы канал) зьнік 7 ліпеня 2000 году, на той момант яму было 27 гадоў.
Раніцай таго дня Завадзкі выехаў з дому ў Нацыянальны аэрапорт Менск сустракаць Паўла Шарамета, карэспандэнта ОРТ па Беларусі, які прылятаў з Масквы. Машыну знайшлі на стаянцы аэрапорту з павыціранымі адбіткамі пальцаў, Зьмітра ў ёй не было. З тых часоў Завадзкага больш ніхто ня бачыў.
Фота зь вечарыны памяці Зьмітра Завадзкага ў Менску, архіў
📅 7 ліпеня 1882 году нарадзіўся Янка Купала
А таксама
▪️ЗША анэксавалі ў Мэксыкі Каліфорнію (1846).
▪️Японія напала на Кітай і пачалася Другая ўсясьветная вайна ў АЗіі (1937).
▪️Зьнік бязь вестак журналіст Зьміцер Завадзкі (2000).
▪️У Лёндане ад тэрактаў загінулі 52 чалавекі (2005).
🎉 Нарадзіліся: Лявон Вітан-Дубейкаўскі, Ян Чачот, Шаміль, Густаў Малер, Ліён Фэйхтвангер, Антон Борык, Пʼер Кардэн, Рынга Стар, Вінцук Вячорка.
🕯 Пайшлі з жыцьця: Жыгімонт ІІ Аўгуст, Леў Сапега, Ян Чэрскі, Антоні Ґаўдзі, Артур Конан Дойл, Яўген Ляцкі, Іван Макей.
Падрабязьней пра падзеі і даты 7 ліпеня чытайце тут🔽
https://smarturl.click/ReRE8
🇪🇺 Генсакратар Рады Еўропы Ален Берсэ: «Наша прыхільнасць новай — свабоднай — Беларусі застаецца непахіснай»
https://smarturl.click/vd2VG
✅ Роўна 3 гады таму Рада Еўропы разарвала кантакты з рэжымам Лукашэнкі за падтрымку вайны Расеі супраць Украіны, але не з народам Беларусі.
🤝 У 2022 годзе створана кантактная група Рады Еўропы для сувязі з беларускімі дэмсіламі і грамадзянскай супольнасцю.
🗣 «Кантактная група Рады Эўропы па Беларусі — гэта пасланьне: перамены пускаюць карані нават там, дзе адмоўлена ў дэмакратыі і заглушаюцца правы чалавека. Шлях можа быць доўгім, але наша прыхільнасьць новай — свабоднай — Беларусі застаецца непахіснай», — падкрэсьліў Ален Берсэ (на фота).
🔗 Крыніца — «Позірк»
🇷🇺 Зьезд КПРФ аб’явіў памылковым даклад Хрушчова пра культ асобы Сталіна
На зьезьдзе Камуністычнай партыі Расейскай Фэдэрацыі 5 ліпеня прынялі рэзалюцыю пра даклад Хрушчова, зроблены амаль 70 гадоў таму.
ℹ️ Даклад Мікіты Хрушчова «Пра культ асобы і яго наступствы» прагучаў на закрытым пасяджэньні ХХ зьезду КПСС 25 лютага 1956 году. У ім віна за масавы тэрор і злачынствы другой паловы 1930-х — пачатку 1950-х гадоў усклалдалася асабіста на папярэдняга кіраўніка СССР Сталіна. Дакумэнт лічыцца пачаткам хрушчоўскай адлігі.
Цяпер КПРФ назвала даклад «памылковым і палітычна прадузятым».
♾️ Акрамя таго, яна зноў абрала сваім старшынёй 81-гадовага Генадзя Зюганава. Ён займае гэтую пасаду з 1993 году.
🔗 Крыніца — ria.ru
🇱🇹 «Беларусы ганарацца агульнай спадчынай». Ціханоўская павіншавала Літву з Днём дзяржаўнасьці
Сьвятлана Ціханоўская павіншавала Літву з Днём дзяржаўнасьці — днём каранацыі Міндоўга.
🗣 «Беларусы ганарацца агульнай спадчынай і глыбока ўдзячныя Літве за сяброўства і падтрымку ў нашай барацьбе за свабоду», — напісала яна ў сацсетцы 📱.
📊 Літва прыняла тысячы беларусаў, якія ратаваліся ад рэпрэсій пасьля выбараў 2020 году. Цяпер беларусы — другая па колькасьці нацыянальная група сярод замежнікаў з дазволам на жыхарства ў Літве (пасьля ўкраінцаў).
Паводле Дэпартамэнту міграцыі, на 1 ліпеня 2025 году іх было больш за 52 тысячы, што на 10 тысяч менш, чым летась, перадае «Позірк».
6 ліпеня літоўцы сьвяткуюць Дзень дзяржаўнасьці — у гонар каранацыі Міндоўга, першага і адзінага караля Літвы, што сымбалізуе нараджэньне літоўскай дзяржаўнасьці і адзінства краіны.
🇱🇹 Пасьля рашэньняў дзяржорганаў Літвы — зьняволеньне ў Беларусі
Літоўскі партал Delfi апублікаваў расьсьледаваньне, якое датычыцца рашэньняў Дэпартамэнту міграцыі Літвы ў дачыненьні да некаторых беларусаў, у тым ліку тых, хто прымаў удзел у баявых дзеяньнях на баку Ўкраіны.
⛔️ Прычыны адмоваў, паводле Delfi, часта грунтуюцца на мінулай працы ў беларускіх дзяржаўных установах, нават калі гэтая праца не была зьвязаная зь сілавымі структурамі. Людзі ў такіх выпадках могуць быць прызнаныя «патэнцыйнай пагрозай нацыянальнай бясьпецы».
У расьсьледаваньні прыводзяцца канкрэтныя прыклады.
1️⃣ Васіль Верамейчык. Ваяр палка Каліноўскага, паранены ў баях за Ўкраіну. Яму было адмоўлена ў прытулку ў Літве, што ў выніку прывяло да яго затрыманьня ў Віетнаме і выдачы ў Беларусь. Цяпер ён у СІЗА КДБ.
2️⃣ Аляксандар Клачко. Яшчэ адзін добраахвотнік Палка Каліноўскага, які доўгі час чакаў рашэньня па сваёй заяве на прытулак, сутыкаючыся зь цяжкасьцямі ў атрыманьні мэдыцынскай дапамогі. Статус уцекача ён атрымаў пасьля публічнага звароту да грамадзкасьці.
3️⃣ Марына. Беларуска, якая больш за шэсьць гадоў жыве ў Літве, замужам за грамадзянінам Літвы і мае зь ім дзіця. Яе дазвол на жыхарства быў скасаваны праз тое, што яна працавала ў дзяржаўнай установе Беларусі шмат гадоў таму, але яна адстаяла сваё права ў судзе.
4️⃣ Ганна Карпікава. Беларуска, якая спрабавала атрымаць дазвол на жыхарства ў Літве, каб жыць са сваёй літоўскай партнэркай. Ёй адмовілі, забараніўшы ўезд на пяць гадоў, праз тое, што яна паўгода працавала ў кол-цэнтры «Альфа-Банка» ў 2014 годзе. Яна падала ў суд, але прайграла.
☀️ Разьбіваем папулярныя міты аб тым, як усьцерагчыся ад сьпёкі
https://smarturl.click/MGmk4
🥛 Пры апёку трэба мазацца сьмятанай?
🌊 Калі вельмі горача, трэба хутчэй скочыць у ваду?
🧊 Чым халаднейшы напой, тым лепш ён астуджвае?
🧼 Халодны душ дапаможа адразу справіцца са сьпёкай?
☕️ Гарачая гарбата ў сьпякоту – добрая ідэя, каб прапацець і астудзіцца?
💨 Вэнтылятар уратуе ад усякай сьпякоты?
☕️ Калі ня хочацца піць — значыць, усё добра?
🍺Куфаль халоднага піва — выдатны рэцэпт на сьпякоту?
Разьбіраемся, якія парады на сьпякоту даюць вынік, а якія — толькі шкодзяць. І што рабіць, каб не давесьці сябе да цеплавога ўдару.
Прычынай блэкаўту ў Чэхіі стаўся абрыў кабэлю на галоўнай лініі перадачы
І гэта запусьціла ланцуг праблем:
🔌 спынілася вялікая вугальная электрастанцыя
🔌 іншыя лініі ня вытрымалі нагрузкі
🔌 выйшла з ладу частка сеткі — адключыліся 9 падстанцый
Улады падкрэсьліваюць:
❌ гэта не кібэратака,
❌ не праблема «зялёнай» энэргетыкі,
✅ прычына хутчэй у старых сетках і недахопе інвэстыцый.
🔗 Крыніца — @MinistrVlcek 📱
🚀 Маск абвясьціў пра стварэньне ўласнай палітычнай партыі
Ілан Маск паведаміў, што стварае новую палітычную сілу — America Party («Амэрыканская партыя»). Ён патлумачыў гэта тым, што, на яго думку, ЗША фактычна «жывуць у аднапартыйнай сыстэме, а не ў дэмакратыі, праз марнатраўства і карупцыю».
🗣 «Зь перавагай два да аднаго вы хочаце новую палітычную партыю — і вы яе атрымаеце. Сёньня створана America Party, каб вярнуць вам вашу свабоду», — напісаў Маск у сацсетцы 📱.
Перад гэтым Маск заяўляў, што створыць партыю, калі Кангрэс ухваліць спрэчны закон пра падатковыя льготы, які прэзыдэнт Трамп назваў «вялікім цудоўным законам». Маск таксама прыгразіў, што кангрэсмэны, якія падтрымаюць гэты праект, прайграюць праймерыз у 2026 годзе.
У адказ Дональд Трамп абвінаваціў Маска ў тым, што той «атрымаў больш субсыдый, чым хто б там ні было ў гісторыі» і што бязь іх Tesla нібыта давялося б закрыць.
4 гады таму вынесьлі прысуд Віктару Бабарыку
6 ліпеня 2021 году суд у Менску паслаў у калёнію ўзмоцненага рэжыму на 14 гадоў прэтэндэнта ў кандыдаты на пасаду прэзыдэнта Віктара Бабарыку. Яго абвінавацілі нібыта ў атрыманьні хабару і адмываньні грошай. Віктар Бабарыка віны не прызнаў. Праваабаронцы лічаць яго палітвязьнем.
Таксама сёньня дзень народзінаў Марка Шагала, 120 гадоў Пятру Глебку.
Пра іншыя падзеі з датай 6 ліпеня можна прачытаць у публікацыі Ўжо сёньня.
Каляж: Belsat
Што адбылося ў Беларусі і зь беларусамі 7 ліпеня
Варшава пастанавіла дэпартаваць у Беларусь нападніка на Латушку. Гайдукевіч прапануе напады на апазыцыянэраў «залічыць пры вяртаньні»
У Польшчы памёр беларускі рэжысэр Андрэй Бардухаеў-Арол, адзін са стваральнікаў унікальнага гомельскага тэатру
«Будслаўскі фэст» праходзіць у Беларусі. Апостальскі нунцый прывез блаславеньне папы Льва XIV
Беларуска з ЗША не па сваёй волі аказалася гераіняй расейскай антызаходняй прапаганды: «Не давярайце расейскім СМІ наогул!»
Тузін бэстсэлераў гэтага лета: дэтэктывы, трылеры, жаночыя раманы. Расказваем, што пачытаць у адпачынку
Расея ўжыла пры ўдары па Харкаве «Шахеды» з затрымкай выбуху, якія могуць узрывацца і праз 20 гадзін
У адным з расейскіх ударных дронаў тыпу «Шахед /«Герань», якім Расея атакавала Харкаў 4 ліпеня, знайшлі аскепкавыя баявыя элемэнты, якія ўзрываюцца з затрымкай, – паведамляе ўкраінскі Міжрэгіянальны цэнтар гуманітарнага разьмініраваньня і хуткага рэагаваньня. Пасьля падзеньня такога дрона боепрыпасы выбухаюць адзін за адным з затрымкай ад 2 да 6 гадзін, а апошні – праз 20 гадзін. Гэта абцяжарвае працу па ліквідацыі наступстваў удару і ўяўляе небясьпеку для мірных жыхароў, якія могуць знайсьці неразарваныя суббоепрыпасы баявой часткі такога дрона.
Літовец, які шпіёніў за беларускай апазыцыяй, просіць абмяняць яго на літоўскіх шпіёнаў у Беларусі
Мантас Данелюс, які адбывае пакараньне ў турме ў Правенішкесе за шпіянаж на карысьць Беларусі, хоча, каб яго абмянялі на грамадзян Літвы, якія сядзяць у беларускіх турмах — ён ужо зьвязаўся з прэзыдэнтам Гітанасам Наўседам і літоўскай пэнітэнцыярнай службай з гэтай нагоды, паведамляе ELTA.
«Я хачу ў Беларусь, але не ў турму, а на свабоду, гэта значыць, каб мяне абмянялі на грамадзян Літвы, асуджаных у Беларусі за шпіянаж на карысьць Літвы: Алену Раманаўскене (6 гадоў), Андрэя Кобеля (9 гадоў), альбо вялікую групу прыхільнікаў Сьвятланы Ціханоўскай, якія сядзяць у беларускіх турмах і ўсё яшчэ чакаюць магчымасьці прыехаць у Літву, якую яны лічаць «абяцанай зямлёй», піша Данелюс у лісьце да журналіста ELTA.