16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Наступствы ўчорашняй атакі на Ўкраіну: у Дніпры загінулі 18 чалавек і яшчэ 2 — у горадзе Самар
https://smarturl.click/mBlWo
«У жалобе ўся Днепрапятроўшчына. Гэта боль, які адгукаецца ў кожным сэрцы. Ён ніколі не зьнікне», — напісаў кіраўнік Днепрапятроўскай абласной адміністрацыі Сяргей Лысак у Telegram.
25 чэрвеня — пяць гадоў з моманту затрыманьня журналіста Свабоды Ігара Лосіка
https://smarturl.click/qBbz0
Ад восені 2024 году Ігара трымаюць ў СІЗА КДБ у Менску. Інфармацыі аб яго стане вобмаль.
Дачцэ Ігара Лосіка Паўліне сёлета споўнілася 6 гадоў.
Вызваленьня Ігара Лосіка дамагаюцца міжнародныя арганізацыі, урады і палітыкі дэмакратычных краін: Дзяржаўны дэпартамэнт ЗША, Рабочая група ААН, Эўрапарлямэнт, Хэльсынская камісія і Камісія правоў чалавека імя Тома Лантаса Кангрэсу ЗША і інш.
У траўні сусьветная кааліцыя мэдыяарганізацыяў One Free Press Coalition уключыла Ігара ў сусьветны топ-10 зьняволеных журналістаў.
Зьявілася праграма Будслаўскага фэсту
Фэст пройдзе 4-5 ліпеня пад дэвізам «Міласэрнасьць Божая — давяраем Табе». У праграме пакуль не пазначана, хто ўзначаліць галоўную сьвятую Імшу ў час фэсту. Вернікі чакаюць, хто гэта можа быць новы Апостальскі нунцый, які павінен прыехаць у Беларусь бліжэйшым часам.
⛪️ Фэст, які з 1992 году ладзіцца ў Будславе, слаўны тым, што дзеля ўдзелу ў ім выходзяць пешыя пілігрымкі з розных гарадоў Беларусі.
У 2018 годзе UNESCO ўключыла Будслаўскі фэст у сьпіс нематэрыяльнай культурнай спадчыны чалавецтва. Гэта адна з галоўных рэлігійных падзей ва ўсёй Беларусі.
📋 Праграма Будслаўскага фэсту-2025: https://smarturl.click/5ZWGo
Галоўнае за 26 чэрвеня на Радыё Свабода❤️
📌«Навічка вядуць у штаб зь мехам на галаве». Новае пра забойства Вітольда Ашурка і парадкі ў шклоўскай калёніі
📌Калі інтарэсы Беларусі і Лукашэнкі супадаюць?
📌Чаго Лукашэнка хоча ад Трампа?
📌Вашынгтон гатовы спрыяць выхаду Менску з палітычнай ізаляцыі, — палітоляг Казакевіч
📌Расьсьледаваньне «Бюро»: Беларускія сілавікі гадамі пакрывалі наркагандляроў
📌Эўразійскі банк разьвіцьця спрагназаваў істотны рост цэнаў і курсу даляра ў Беларусі
📌«А кажуць жа, што кожны чалавек — гэта цэлы сьвет». Цытаты Кузьмы Чорнага, актуальныя і цяпер
📌У Грузіі чатырох лідэраў апазыцыйных партый асудзілі на пазбаўленьне волі
Тэрміналы «Белпошты» болей ня будуць прымаць карткі
«Белпошта» аб’явіла аб зьмяненьні правілаў аплаты ў сваіх плацёжна-даведачных тэрміналах. З 1 ліпеня 2025 году ўсе такія прылады будуць працаваць толькі з гатоўкай. Расплаціцца карткай праз тэрмінал больш не атрымаецца. Скарыстацца можна будзе толькі гатоўкай.
Прычыны адмовы ад безнаяўнай аплаты ў тэрміналах у «Белпошце» не назвалі.
Да гэтага тэрміналы «Белпошты» дазвалялі аплочваць паслугі як гатоўкаю, так і банкаўскімі карткамі. Цяпер выкарыстоўваць картку ўсё яшчэ можна, але толькі праз апэрацыйнае акно ў самім паштовым аддзяленьні.
Кіраўнік Днепрапятроўскай вобласьці Ўкраіны Сяргей Лысак паведаміў пра тое, што павялічылася колькасьць ахвяр расейскага ўдару па гораду Дніпро. 15 чалавек загінулі, звыш 200 параненыя, зь іх як мінімум 12 у шпіталях у цяжкім стане.
Ёсьць сярод параненых і немаўля, якому меней за паўгода.
2 чалавекі загінулі ў Самары, 14 параненыя.
Што тычыцца будынкаў Дніпра, дык расейскім ударам зьнявечаныя навучальныя і мэдыцынскія ўстановы, адміністрацыйныя будынкі і будынкі Дзяржаўнай службы надзвычайных сытуацый, пасажырскі цягнік.
Пашкоджаныя 46 шматпавярховых будынкаў, 41 прыватны дом, некалькі інтэрнатаў, больш за сто аўтамабіляў. А таксама запраўка, станцыя тэхнічнага абслугоўваньня, гаспадарчыя пабудовы, гандлёвыя павільёны, крамы.
Сталі вядомыя падрабязнасьці пра беларуса, які кінуў на падлогу двухгадовага хлопчыка ў маскоўскім аэрапорце
Расейская паліцыя ў аэрапорце Шарамецьева выявіла, што 31-гадовы беларус, які кінуў дзіця на падлогу, пасьля чаго тое знаходзіцца ў коме, быў у стане наркатычнага ап’яненьня.
Гэта адбылося ўначы. Мужчына прыляцеў у Маскву рэйсам з Каіру і быў у зоне выдачы багажу.
Матывы злачынства застаюцца нявысьветленымі, невядома, ці беларус 1994 году нараджэньня быў у гэты момант прытомны. Пазьней расейскія паліцыянты вызначаць ступень цяжкасьці шкоды, нанесенай здароўю дзіцяці. Ад гэтага залежыць кваліфікацыя дзеяньняў мужчыны.
«Навічка вядуць у штаб зь мехам на галаве». Новае пра забойства Вітольда Ашурка і парадкі ў шклоўскай калёніі
У межах кампаніі «Тыдзень супраць катаваньняў» актывісты «Прававой ініцыятывы» прэзэнтавалі грамадзкае расьсьледаваньне «Катаваньні і жорсткае абыходжаньне ў папраўчай калёніі № 17 горада Шклова».
Што, на думку праваабаронцаў, сьведчыла пра асаблівы ціск на Вітольда Ашурка, які прывёў да трагедыі? Дэталі тут: https://smarturl.click/Axew9
У Менску працягваюць павялічваць колькасьць камэр відэаназіраньня
Намесьнік начальніка ўпраўленьня дзяржаўнай аўтаінспэкцыі Менску Дзяніс Лівановіч паведаміў, што ў Менску да канца году павялічыцца колькасьць «разумных» відэакамэр.
Як паведамілі ў ДАІ, новыя камэры змогуць вызначаць праезд на чырвонае сьвятло, няпропуск пешаходаў, непрышпілены рамень, няправільную паркоўку і іншыя правапарушэньні. Цяпер гэтыя камэры праходзяць тэставаньне на магчымасьць выкарыстаньня гэтых функцый. Сёлета ў сакавіку мініствр унутраных спраў Беларусі Іван Кубракоў заяўляў, што ў краіне ўжо працуюць прыблізна 60 тысяч «разумных» камэр відэаназіраньня.
У 2023 годзе ў Менску былі ўсталяваныя больш за 6 тысяч камэраў відэаназіраньня, і але плянавалі стварыць умовы для разьвіцьця сеткі да 30 тысяч. Тады ж зьявілася інфармацыя, што Дэпартамэнт фінансаў і тылу Міністэрства ўнутраных спраў Беларусі закупляе сыстэмы відэаназіраньня, відэакамэры і іншае абсталяваньне на суму 912 200 беларускіх рублёў.
Пасьля выбараў 2020 году сілавікі ў Беларусі актыўна выкарыстоўваюць плятформу для распазнаваньня асобаў KIPOD, каб шукаць удзельнікаў пратэстаў. Камэры адыгралі важную ролю ў арыштах сотняў пратэстоўцаў і апанэнтаў улады.
Што каманда Ціханоўскай прапануе краінам NATO ў кантэксьце эўрапейскай бясьпекі
https://smarturl.click/b5oRL
Сёньня Сьвятлана Ціханоўская на Адкрытым форуме NATO ў Гаазе прадставіла дакумэнт Red Paper. У ім акрэсьлены рызыкі, якія рэжым Лукашэнкі стварае для бясьпекі Эўропы, і прапанаваны шляхі іх вырашэньня.
📌 Рэжым Лукашэнкі, узмацняючы залежнасьць ад Крамля, ператварае Беларусь у пляцоўку для расейскай агрэсіі і пагражае ўсходняй мяжы ЭЗ.
📌 Неабходна спалучаць ціск на рэжым Лукашэнкі з доўгатэрміновым узаемадзеяньнем і падтрымкай беларускага грамадзтва (незалежныя СМІ, грамадзянская супольнасьць, культурны і адукацыйны абмен).
📌 Галоўная мэта — інтэграцыя Беларусі ў агульнаеўрапейскія мэханізмы бясьпекі, эканомікі і культуры, што аслабіць Расію і ўмацуе ўсходні фланг ЕС.
Расея нанесла ракетны ўдар па Дніпры. Пашкоджаныя інфраструктура, гімназія, цягнік з пасажырамі. Ёсьць загінулыя
Улады Днепрапятроўскай вобласьці паведамілі аб сэрыі пацэльваньняў па аб’ектаў у абласным цэнтры.
«У Дніпры праз варожую атаку пачаўся пажар. Пашкоджана цывільная інфраструктура, у тым ліку, інтэрнат, гімназія, адміністрацыйнае памяшканьне. Пашкоджаны цягнік. Траўмы атрымалі яго пасажыры», — паведаміў у сваім Telegram-канале кіраўнік Днепрапятроўскай вобласьці Сяргей Лысак.
Паводле яго, адна з ракет пацэлілі і па горадзе Самар. «Паўсюль, на жаль, ёсьць загінулыя і пацярпелыя», — адзначыў ён.
Фота — @suspilnednipro, @dnipropetrovskaODA
Расьследаваньне «Бюро»: Беларускія сілавікі гадамі пакрывалі наркагандляроў
https://smarturl.click/w45oA
Журналісты расьсьледніцкага праекту @buroBY знайшлі сьведчаньні, што сьледзтва па гучнай справе аб опіюмных наркотыках праігнаравала паказаньні на сілавікоў, у тым ліку пра магчымыя сувязі зь Мікалаем Карпянковым, цяперашнім намесьнікам міністра ўнутраных спраў Беларусі.
У 2019 годзе ў Менску асудзілі 29 чалавек у справе аб 14 тонах маку і макавай саломкі, якую нелегальна завезьлі ў Беларусь.
Паводле «Бюро», у справе ёсьць сьведчаньні таго, што гандаль наркотыкамі гадамі пакрывалі супрацоўнікі сілавых ведамстваў.
На допытах гучалі імёны «апекуноў» і былі названыя расцэнкі за «спрыяньне». Аднак гэтую інфармацыю сьледзтва праігнаравала.
Ізраіль заявіў пра абстрэл Іранам і прыгразіў жорсткім адказам
Ізраільскія вайскоўцы заявілі, што выявілі запускі ракет з тэрыторыі Ірану ў бок Ізраілю. Міністар абароны Ізраіля Ізраіль Кац загадаў правесьці высокаінтэнсіўныя апэрацыі супраць цэляў у Тэгеране ў адказ на парушэньне Іранам перамірʼя, перадае Reuters.
Менш як за тры гадзіны да гэтага прэзыдэнт ЗША Дональд Трамп заявіў, што ўступіла ў сілу перамірʼе паміж Ізраілем і Іранам. Бакі, кожны з сваімі агаворкамі, раней пагадзіліся на спыненьне агню.
Ва Ўкраіне расказалі пра задачы сваёй выведкі перад вучэньнямі «Захад-2025»
У Дзяржаўнай памежнай службе Ўкраіны не выключаюць расейскіх правакацый з тэрыторыі Беларусі падчас вучэньняў «Захад-2025».
«Цяпер задача падразьдзелаў выведкі адсачыць поўную інфармацыю пра тое, якія сілы Расея выкарыстае на тэрыторыі Беларусі ў часе гэтых вучэньняў, і, уласна, дзе яны будуць праходзіць», — сказаў сьпікер Дзяржаўнай памежнай службы Ўкраіны Андрэй Дземчанка.
Ізраіль пацьвердзіў спыненьне агню з Іранам
Адпаведная заява зьявілася на сайце ўраду. Пра што ў ёй гаворыцца:
📍Мэта апэрацыі была дасягнута — Ізраіль пазбавіўся ад пагрозы свайму існаваньню, зьнішчыўшы ядзерны і балістычны патэнцыял Ірану.
📍Армія абароны Ізраілю дасягнула поўнага кантролю над небам Тэгерану, нанесла сур’ёзныя страты вышэйшаму ваеннаму кіраўніцтву Ірану і зьнішчыла дзясяткі ключавых урадавых аб’ектаў.
📍 Удары па Іране вяліся і ў апошнія содні перад перамір’ем. Былі атакаваныя ўрадавыя абʼекты ў Тэгеране, забітыя сотні ўдзельнікаў іранскага апалчэньня і адзін навуковец-ядзершчык, сьцьвярджае ўрад Ізраілю.
🇺🇸 Ізраіль падзякаваў «прэзыдэнту Трампу і Злучаным Штатам за іх падтрымку ў абароне і за іх удзел у ліквідацыі іранскай ядзернай пагрозы».
📍«У сьвятле дасягненьня мэтаў апэрацыі, і ў поўнай каардынацыі з прэзыдэнтам Трампам Ізраіль пагадзіўся на прапанову прэзыдэнта аб двухбаковым спыненьні агню».
📍Таксама Ізраіль папярэдзіў, што жорстка адкажа на любое парушэньне спыненьня агню.
ПАРЭ прызнала Лукашэнку датычным да вывазу ўкраінскіх дзяцей
Парлямэнцкая асамблея Рады Эўропы (ПАРЭ) унесла дапаўненьне ў прынятую рэзалюцыю, у якім гаворыцца, што Аляксандар Лукашэнка нясе адказнасьць за прымусовае перамяшчэньне ўкраінскіх дзяцей з тэрыторый, акупаваных Расеяй.
Рэзалюцыя «Прававыя аспэкты агрэсіі Расейскай Фэдэрацыі супраць Украіны» была прынята 24 чэрвеня, перадае «Позірк».
Папраўку ў яе ўключылі з ініцыятывы Паўла Латушкі — кіраўніка Народнага антыкрызіснага ўпраўленьня (НАУ) і сябра дэлегацыі Каардынацыйнай рады, напісаў ён у «Тэлеграме».
Ужо сёньня: 120 гадоў зь дня нараджэньня Пятруся Броўкі; пяць гадоў таму затрымалі Ігара Лосіка
🔸25 чэрвеня 2025 году спаўняецца чатыры гады, як блогер і журналіст Радыё Свабода Ігар Лосік за кратамі.
🔸У гэты ж дзень у 1905 годзе нарадзіўся Пятрусь Броўка, беларускі грамадзкі дзяяч, пісьменьнік, паэт і перакладчык. У 1967–1980 гадах Броўка быў галоўным рэдактарам Беларускай савецкай энцыкляпэдыі, пераемніцай якое стала Беларуская энцыкляпэдыя.
Больш падзей 25 чэрвеня ў гісторыі чытайце ў нашай падборцы: https://smarturl.click/xVd9Z
Дэфіцыт кадраў на кінастудыі «Беларусьфільм»
Больш за трыццаць вакансій мае Нацыянальная кінастудыя «Беларусьфільм», вынікае з інфармацыі на афіцыйным сайце Службы занятасьці, заўважыла выданьне Reform. Кінафабрыка шукае намесьнікаў гендырэктараў, дырэктараў падразьдзелаў, адміністратараў, адмыслоўцаў, артыстаў, мастакоў-дызайнэраў кампутарнай графікі, касьцюмэраў, архівістаў, кладаўшчыкоў.
Намесьніку гендырэктара прапаноўваюць 3000 рублёў, дырэктару студыі ігравых фільмаў — 1500-2100 рублёў, галоўнаму бухгальтару — 1800-2800 рублёў, артысту драмы — 1200-1500 рублёў.
Шмат вакансій мае і Тэатар-студыя кінаактора, якая ўваходзіць у структуру «Беларусьфільму».
10 чэрвеня на кінастудыю прыяжджаў Лукашэнка, які і дагэтуль крытыкаваў стан рэчаў у беларускім кінематографе. Ён зноў запатрабаваў здымаць якаснае і самаакупляльнае кіно. Тады ж міністар культуры Руслан Чарнецкі, сам актор паводле спэцыяльнасьці, адрапартаваў, што ўжо нібыта пачаўся працэс вяртаньня якасных кадраў на кінастудыю.
Кіраўнік «Беларусьфільму» Дзьмітры Сямёнаў абяцаў прыступіць да здыманьня сэрыялаў, якія знойдуць водгук у гледача.
Пра дэталі таго візыту Свабода пісала на сайце. Аналітык Валер Карбалевіч пазьней адзначыў — цяпер няма ніякіх перадумоў, каб сьцьвярджаць, што на кінастудыі пачнуць здымаць якасныя стужкі.
The Telegraph: Эўропа будуе на межах зь Беларусьсю і Расеяй новую «жалезную заслону» зь мільёнамі супрацьпяхотных мін
Ад Лапляндыі на поўначы Фінляндыі да Люблінскага ваяводзтва на ўсходзе Польшчы на межах Эўропы хутка паўстане новая «жалезная заслона».
З-за пагрозаў Расеі пяць краін-суседзяў РФ умацоўваюць сваю абарону, зьвяртаючыся да сродкаў, якія сьвет спрабаваў назаўжды забараніць. Аб гэтым піша брытанская The Telegraph.
Фінляндыя, Эстонія, Латвія, Літва і Польшча абвясьцілі аб намеры выйсьці з Атаўскай канвэнцыі 1997 года, якая забараняе супрацьпяхотныя міны. У канцы чэрвеня ўсе пяць дзяржаваў, як чакаецца, афіцыйна паведамяць ААН аб выхадзе з канвэнцыі, што дасьць ім магчымасьць з канца году вырабляць, назапашваць і ўжываць такія боепрыпасы. Іх межы зь Беларусьсю і Расеяй складаюць агулам 3460 кілямэтраў.
Як праходзіць гэты працэс? https://smarturl.click/ggwbA
Вярхоўны суд ЗША ухваліў дэпартацыю мігрантаў
У ЗША Вярхоўны суд адмяніў папярэдняе рашэньне суду ў Бостане аб прыпыненьні дэпартацыі мігрантаў у трэція краіны, піша DW.
«Запускайце самалёты для дэпартацыі», — адрэагавала міністэрства ўнутранай бясьпекі (МУБ) краіны.
«Калі б гэтыя актывісты-судзьдзі дамагліся свайго, замежнікі, якія настолькі па-барбарску сябе паводзяць, што іх уласныя краіны не хочуць прымаць іх назад, уключаючы асуджаных забойцаў, гвалтаўнікоў дзяцей і наркагандляроў, свабодна шпацыравалі б па амэрыканскіх вуліцах», — патлумачыла сваю сваю пазыцыю МУБ.
У заяве міністэрства таксама зазначаецца, што цяпер супрацоўнікі МУБ могуць «ажыцьцяўляць свае законныя паўнамоцтвы» і дэпартаваць імігрантаў без сапраўдных дакумэнтаў «у краіну, якая гатовая іх прыняць». «Запускайце самалёты для дэпартацыі», — абвяшчае апошняя фраза ў гэтым паведамленьні.
Пра праграму «добраахвотнай самадэпартацыі» і пратэсты супраць рашэньня Трампа можна прачытаць на сайце Свабоды.
Эўразійскі банк разьвіцьця спрагназаваў істотны рост цэнаў і курсу даляра ў Беларусі
Паводле прадстаўніка ЭАБР Антона Даўгавечнага пасьля істотнага росту беларускай эканомікі за два мінулыя гады, каля 4 %, сёлета захоўваюцца «павышаныя тэмпы разьвіцьця».
Аднак экспэрт адзначыў, што раней беларускую эканоміку «выцягвала» прамысловасьць, але цяпер яна становіцца гірай на нагах. Паводле яго Расея перастала купляць беларускія тавары ў ранейшых аб’ёмах.
Падрабязьней пра аналіз тут: https://smarturl.click/B4eY0
У Менску абмяжуюць рух у час саміту і форуму ЭАЭС
У сувязі з правядзеньнем мерапрыемства ў пэрыяд з 25 па 27 чэрвеня ў цэнтральнай частцы беларускай сталіцы на асобных участках праспэкту Незалежнасьці, праспэкту Пераможцаў і МКАД будуць уводзіць часовыя абмежаваньні руху ўсіх відаў транспартных сродкаў, у тым ліку грамадзкага. Пра гэта апавясьціла сталічная ДАІ.
Беларусь у 2025 годзе старшынюе ў Эўразійскім эканамічным саюзе і 26–27 чэрвеня будзе прымаць саміт кіраўнікоў дзяржаваў і Эўразійскі эканамічны форум.
Колішні прэм’ер Беларусі і экс-старшыня калегіі Эўразійскай эканамічнай камісіі Міхаіл Мясьніковіч напярэдадні форуму ў Менску заявіў, што «ніхто ня ставіў задачу, як абыходзіць санкцыі».
Калі інтарэсы Беларусі і Лукашэнкі супадаюць?
Якія гарантыі атрымаў Лукашэнка ад прадстаўнікоў прэзыдэнта ЗША? Ці вызваленьне часткі палітвязьняў азначае спыненьне рэпрэсій? Што зьменіцца, калі вызваляць іншых знакавых палітвязьняў і ўсіх палітвязьняў? Наколькі вялікая дапамога ім усім спатрэбіцца?
Наступствы візыту прадстаўнікоў прэзыдэнта Трампа і вызваленьне палітвязьняў абмяркоўваем а 16-й гадзіне паводле менскага часу ў жывым эфіры з прадстаўніцай правааабарончай ініцыятывы dissidentby Марынай Касінеравай і прадстаўніком руху «Вольная Беларусь», палітолягам Паўлам Вусавым.
ВІДЭА 📹 https://www.youtube.com/watch?v=WaL42Sfg5zQ
Ашурку пагражалі пераводам у «нізкі статус», а на відэа, паказаным на БТ, магчыма, быў ня ён
У сумеснай працы Міжнароднага камітэту па расьсьледаваньні катаваньняў у Беларусі і ПЦ «Вясна» прыводзяцца сьведчаньні пра сьмерць Вітольда Ашурка.
• Адразу пасьля «карантыну» Ашурка перавялі ў штрафны ізалятар.
• Яму пагражалі пераводам у атрад для зьняволеных зь «нізкім статусам». Гэта зрабіла б яго ізгоем паводле «зонаўскіх законаў» і ў спалучэньні з палітычным перасьледам зрабіла б умовы яго існаваньня невыноснымі.
• Былыя зьняволеныя мяркуюць, што Ашурак не хацеў выходзіць з ШІЗА праз гэтыя пагрозы.
• Яны кажуць, што Вітольда Ашурка білі, прычым, магчыма, у штабе калёніі, дзе няма камэр відэаназіраньня.
• На апублікаваным сьледчымі органамі відэа (дзе мужчына падае і б'ецца галавой), паводле сьведак, насамрэч быў не Вітольд Ашурак, а іншы зьняволены, які нібыта сам прызнаваўся ў гэтым.
📹 У 2021 годзе Свабода зьняла фільм пра жыцьцё і сьмерць Вітольда Ашурка
Вугоршчына блякуе пашырэньне Эўразьвязу. Што будзе з Украінай, Малдовай і санкцыямі
https://smarturl.click/dwJ3l
Пасьля саміту NATO ў Гаазе, лідэры ЭЗ зьбяруцца ў Брусэлі 26 чэрвеня на Эўрапейскую раду.
Польшча, якая з студзеня старшынюе ў Эўразьвязе, спадзявалася, што афіцыйныя перамовы пра далучэньне Ўкраіны і Малдовы пачнуцца ў першым паўгодзьдзі. Аднак гэтыя пляны ня спраўдзіліся.
Вугоршчына пасьлядоўна блякуе пачатак перамоў, а для кожнага кроку на гэтым шляху патрэбнае адзінагалоснае рашэньне ўсіх краін ЭЗ.
#rfe_rl
У Расеі паведамілі аб затрыманьні грамадзяніна Беларусі, які напаў на хлопчыка. Двухгадовае дзіця ў коме
Афіцыйная прадстаўніца Міністэрства ўнутраных спраў Расеі Ірына Волк паведаміла аб затрыманьні транспартнай паліцыяй у аэрапорце «Шарамецьева» мужчыны, які напаў на малалетняе дзіця.
Перад гэтым расейкі Telegram-канал Baza з спасылкай на свае крыніцы паведаміў аб інцыдэнце з удзелам 31-гадовага грамадзяніна Беларусі, які падышоў да чужога двухгадовага хлопчыка, узяў яго на рукі, а потым моцна кінуў яго на падлогу.
Хлопчык ударыўся галавой і страціў прытомнасьць. Яго шпіталізавалі ў дзіцячы клінічны цэнтар у Краснагорску, дзе лекары дыягнаставалі пашкоджаньні галаўнога мозгу. Хлопчык знаходзіцца ў коме.
Паводле відавочцаў, зламысьнік быў у неадэкватным стане.
🪙 У Беларусі апублікавалі статыстыку сярэдніх заробкаў. Яны павялічыліся менш, чым на 40 рублёў
https://smarturl.click/j74wj
ℹ️ У траўні намінальны сярэдні заробак склаў 2652,3 рубля. Гэта на 38,8 рубля больш (+1,5%), чым было ў красавіку.
📈 У Менску самы высокі намінальны заробак — 3504 рублі,
📉 на Віцебшчыне самы нізкі — 2229,8.
🧑💻 Найбольш зарабляюць у сфэры інфармацыі і сувязі — 5711,6.
👨🎨 Найменш — у галіне творчасьці, спорту і адпачынку — 1988,4.
Крыніцы: Белстат, «Позірк».
🇬🇪 У Грузіі чатырох лідэраў апазыцыйных партый асудзілі на пазбаўленьне волі
https://smarturl.click/zd6Lw
Палітыкаў пакаралі за тое, што яны не зьявіліся на пасяджэньне парлямэнцкай камісіі, якая расьсьледавала дзеяньні папярэдняга ўраду.
Заснавальнікі партыі «Лело – Моцная Грузія» Мамука Хазарадзэ (на фота) і Бадры Джапарыдзэ правядуць у зьняволеньні па 8 месяцаў, а заснавальнік партыі «Гірчы» Зураб Джапарыдзэ і лідэр партыі «Стратэгія Агмашэнэбэлі» Георгі Вашадзэ – 7 месяцаў. Ім таксама забаранілі 2 гады займаць дзяржаўныя пасады.
Вашынгтон гатовы спрыяць выхаду Менску з палітычнай ізаляцыі, — Казакевіч
https://smarturl.click/E1Gk5
Доктар палітычных навук, дырэктар інстытуту «Палітычная сфэра» Андрэй Казакевіч аналізуе, як улада і прапаганда тлумачаць вызваленьне палітвязьняў, адказвае на пытаньне, наколькі далёка ў дыялёгу з Менскам могуць пайсьці амэрыканцы і што ім можа прапанаваць Лукашэнка
📺 Прапаганда дае 2 лініі тлумачэньня апошніх падзеяў — «гуманітарную» і «шпіёнскую»
🧊 Няма пасылу, што адбываецца зьмена палітыкі.
🇺🇸 Калі Менск і надалей будзе імкнуцца да нармалізацыі стасункаў з ЗША, то гэта запатрабуе вызваленьня значнай часткі палітвязьняў.
⛔️ Чакаць хуткай адмены санкцыяў вельмі складана.
💣 Спадзявацца на істотнае паляпшэньне беларуска-амэрыканскіх дачыненьняў да заканчэньня вайны нэрэалістычна.
😶 Цяжка ўбачыць нейкую самастойную ролю Беларусі ў перамовах па замірэньні
«А кажуць жа, што кожны чалавек — гэта цэлы сьвет». Цытаты Кузьмы Чорнага, актуальныя і цяпер
https://smarturl.click/lA2kq