16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Лукашэнка абавязаў наймальнікаў адказваць за работнікаў-мігрантаў
https://smarturl.click/7vvmG
Аляксандар Лукашэнка 21 траўня падпісаў указ пра «падвышэньне ролі наймальнікаў у галіне зьнешняй працоўнай міграцыі», паведаміла ягоная прэс-служба.
Пад Кіевам разьвіталіся з маладою маці, якая закрыла сабой сына ад атакі дрона
Паводле відавочцаў, падчас атакі жанчына закрыла сабой свайго 4-гадовага сына Марка. Хлопчык атрымаў раненьні, але выжыў. Цяпер ён у лякарні.
Пацярпелі таксама бацькі ейнага мужа Сяргея. Сам ён служыць на лініі фронту.
Уначы 18 траўня Расея атакавала Ўкраіну сотнямі бесьпілётнікаў «Шахед».
Зьявілася інфармацыя пра забойства ў Мадрыдзе ўкраінскага палітыка Партнова, былога паплечніка Януковіча
https://smarturl.click/kZZ1O
Як піша Reuters, невядомы ўзброены чалавек або людзі застрэлілі былога ўкраінскага палітыка Андрэя Партнова ў сераду раніцай каля школы ў багатым прыгарадзе Мадрыда. Агенцтва спасылаецца на крыніцу, блізкую да расьсьледаваньня ў паліцыі.
Партноў быў блізкім паплечнікам былога прэзыдэнта Ўкраіны Віктара Януковіча, які быў зрынуты падчас Эўрамайдана ў 2014 годзе.
Ці мае Эўразьвяз «карты», каб ціснуць на Расею? Аналіз Свабоды
https://smarturl.click/Reejb
Эўрапейскія лідэры пагражалі «маштабнымі» санкцыямі супраць Расеі, калі яна не пагодзіцца на 30-дзённае спыненьне агню, прапанаванае прэзыдэнтам ЗША Дональдам Трампам. Расея не пагадзілася, і эўрапейскія краіны заяўляюць, што зараз працуюць над пакетам санкцыяў. Але аналітыкі настроеныя скептычна.
Польшча ня будзе адпраўляць войскі ва Ўкраіну, а засяродзіцца на ахове мяжы зь Беларусьсю і Расеяй
https://smarturl.click/6WWlj
«Мы ня будзем уводзіць польскія войскі ва Ўкраіну.
Наша задача — і мы робім гэта для сябе, але і для ўсёй Эўропы — ахоўваць эўрапейскую і польскую мяжу з Расеяй і Беларусьсю з дапамогай нашых салдат...» — сказаў прэм'ер-міністар Польшчы Дональд Туск.
«Месца эвакуацыйнага збору». Ліст Сяргея Дубаўца да менскага сябра пра чалавечную будучыню Беларусі
https://smarturl.click/133le
«На маю думку, будучыня — гэта ўяўленьне. І ў гэтым сэнсе, па-мойму, яна ў Беларусі найлепшая ў сьвеце. У нас выдатная краіна, супэрскія людзі і мы ўяўляем будучыню такой, якую нельга не любіць. Цяперашняя цёмная рэальнасьць толькі падкрэсьлівае такую пэрспэктыву», — піша Сяргей Дубавец.
Візавы цэнтар Італіі ў Менску прыпыніў прыём запытаў на вэрыфікацыю
https://smarturl.click/mBBAm
Да канца ліпеня гэтага году цэнтар прыпыніў прыём запытаў на вэрыфікацыю празь вялікі аб’ём апрацоўкі.
Для абвінавачаных у „справе AbzasMedia“ запыталі 11-12 гадоў пазбаўленьня волі. Сярод фігурантаў журналіст Свабоды
https://smarturl.click/aRRqq
Агулам сем азэрбайджанскіх журналістаў, арыштаваных у гэтай справе, абвінавачваюцца ў кантрабандзе, незаконным прадпрымальніцтве, легалізацыі маёмасьці, атрыманай злачынным шляхам, ухіленьні ад выплаты падаткаў і іншых артыкулах.
Гэтыя абвінавачванні прадугледжваюць пакараньне ў выглядзе пазбаўленьня волі на тэрмін да 12 гадоў.
На здымку Фарыд Мэхралізадэ перад адным з судовых паседжаньняў
Раскамнагляд безвынікова паскардзіўся ў Amazon на беларускае выданьне «Новы час»
https://smarturl.click/VRRq4
Раскамнагляду не спадабалая зьмесьціва, публікаванае «Новым часам». Расейскае агенцтва падало скаргу ў Amazon, на плятформе якога месьціцца люстэрка сайту.
У Беларусі затрымалі 11 кіраўнікоў буйной сеткі крамаў сэканд-хэнду
https://smarturl.click/5ZZJ3
Паводле Камітэту дзяржкантролю Беларусі, яны нібыта раздрабнілі бізнэс на 12 фірмаў, у выніку чаго сэканомілі на падатках 3,8 мільёна рублёў.
У чэрвені запусьцяць аўтобусны маршрут зь Беларусі да мяжы непрызнанай Абхазіі
https://smarturl.click/Y33qA
Аўтобусы будуць ехаць да пункту пропуску „Псоу“, разьмешчанага на мяжы Расеі і самаабвешчанай рэспублікі Абхазія, якая паводле міжнародных законаў зьяўляецца часткай Грузіі.
Цана дарослага білету — 345 беларускіх рублёў (105 даляраў), дзіцячага — 241,5 рубля (73 даляры).
«Там няма чаго ўзломваць». Стваральнік «Новай Беларусі» адпрэчыў заяву пра выцек зьвестак карыстальнікаў
https://smarturl.click/OLLqa
Раніцай 19 траўня блогер Сяргей Пятрухін апублікаваў відэа, у якім юнак Аляксей Бурбіцкі заявіў пра выцек базы дадзеных карыстальнікаў плятформы «Новая Беларусь».
Эўрапейская рада зацьвердзіла 17-ы пакет санкцыяў Эўразьвязу, накладзеных на Расею за разьвязаную супраць Украіны вайну
https://smarturl.click/Ree4l
Пад санкцыі трапілі:
🚢 амаль 200 караблёў расейскага «ценевага флёту»,
👤 6 юрыдычных асобаў і 21 чалавек.
Сярод іх — беларуская грамадзянка Натальля Судлянкова. У Чэхіі яе абвінавацілі ў супрацы з расейскімі спэцслужбамі.
Звароту ад электронных кніг да папяровых паспрыяла эміграцыя беларусаў пасьля 2020-га. Kamunikat.org адзначае 25-гадовы юбілей
https://smarturl.click/vdd4g
Днямі спаўняецца 25 гадоў беларускай інтэрнэт-бібліятэцы Kamunikat.org, якая была заснаваная і папаўняецца ў Беластоку. Яе наведнікі — пераважна беларусы.
Пагаварылі з польскім журналістам, этнічным беларусам Яраславам Іванюком, які прыдумаў інтэрнэт-бібліятэку «Камунікат», чвэрць стагодзьдзя рупіцца за яе разьвіцьцё і пашырыў справу аднайменным выдавецтвам.
20 траўня палітвязьню, блогеру і журналісту Радыё Свабода Ігару Лосіку спаўняецца 33 гады.
Гэта ўжо пятыя народзіны, якія наш калега сустракае за кратамі.
У Польшчу зь Беларусі спрабавала трапіць рэкордная сёлета колькасьць мігрантаў
https://smarturl.click/Y33va
Амаль 300 чалавек!
Папярэдні рэкорд году быў усяго паўтыдня таму, 17 траўня, калі Польшча спыніла 223 спробы мігрантаў незаконна перайсьці мяжу.
Агулам жа за год суседзі Беларусі з краін Эўразьвязу налічылі больш як 12 тысяч спробаў незаконнага перасячэньня мяжы зь беларускай тэрыторыі, падлічыў «Позірк».
«Арктычная брыгада», якую амаль зьнішчылі пад Харкавам. Што за вайскоўцы з Расеі прыяжджалі на парад у Менску
https://smarturl.click/8ppA0
На парадзе ў Менску 9 траўня зьявілася тэхніка аднаго з элітных расейскіх вайсковых фармаваньняў — 200-й мотастралковай брыгады зь Печангі.
Брыгада ўдзельнічала ў баях пад Харкавам у 2022 годзе і панесла там значныя страты.
Цяпер гэты падразьдзел зноў у фокусе ўвагі — разам з тэхнікай, якая можа мець дачыненьне да ядзернай інфраструктуры.
Свабода расказвае, што вядома аб прыбыцьці ў Беларусь 200-й мотастралковай брыгады зь Печангі і чаму гэта выклікае пытаньні.
Праваабаронцы выступілі з Маніфэстам да Дня палітвязьняў: «Час вызваленьня — цяпер!»
https://smarturl.click/mBBmm
Яны заклікаюць дэмакратычных палітыкаў усяляк спрыяць вызваленьню палітвязьняў, бо іх становішча катастрафічнае.
На сакавік 2025 году ў Беларусі
• больш за 2600 палітычных зьняволеных цалкам адбылі тэрміны і выйшлі на волю,
• каля 1200 застаюцца за кратамі з палітычных матываў,
• як мінімум 8 чалавек памерлі ў зьняволеньні праз бесчалавечныя ўмовы,
• больш за 200 зьняволеных належаць да ўразьлівых групаў,
• дзясяткі знаходзяцца ў крытычным стане, нагадваюць праваабаронцы.
Трамп заявіў, што да канца ягонага тэрміну ЗША створаць супрацьракетны «Залаты купал»
https://smarturl.click/VRRZQ
У яе рамках амэрыканскую зброю ўпершыню разьмесьцяць у космасе.
Прэзыдэнт ЗША Дональд Трамп чакае, што сыстэма будзе «цалкам працаздольнай да канца яго тэрміну» (у 2029 годзе).
Пэнтагон даўно патрабаваў удасканаліць абарону ЗША ад найноўшых кітайскіх і расейскіх ракет.
Сэнатары ЗША патрабуюць ад Расеі вярнуць выкрадзеных украінскіх дзяцей да любога мірнага пагадненьня
https://smarturl.click/oVV0a
«Бесчалавечны і нічым не справакаваны напад Пуціна на Ўкраіну стаў пачаткам найбуйнейшай вайны ў Эўропе з часоў Другой сусьветнай вайны. Ён выкраў тысячы дзяцей, каб прамыць ім мазгі і русіфікаваць іх у спробе зьнішчыць іх культурную ідэнтычнасьць і спадчыну. Злучаныя Штаты павінны запатрабаваць вяртаньня гэтых дзяцей, перш чым падпісваць пагадненьне аб спыненьні вайны ва Ўкраіне», — сказаў кіраўнік двухпартыйнай сэнатарскай групы.
Кіраўнік Офіса прэзыдэнта Ўкраіны Андрэй Ярмак назваў гэтую рэзалюцыю «важным сыгналам з боку Злучаных Штатаў».
Ужо сёньня: Дзень салідарнасьці з палітвязьнямі Беларусі; гадавіна гібелі Вітольда Ашурка
https://smarturl.click/WRRYZ
21 траўня 2021 году ў шклоўскай калёніі пры нявысьветленых абставінах загінуў 50-гадовы палітвязень, беларускі патрыёт і грамадзкі дзеяч Вітольд Ашурак.
Беларусы ведаюць яго як палітычнага і грамадзкага дзеяча і палітвязьня, які загінуў пры нявысьветленых абставінах у шклоўскай калёніі.
Галоўнае за 20 траўня
📌Ігар Лосік пяты раз сустракае дзень нараджэньня ў няволі
Вайна з Касьцюшкам у Беларусі працягваецца. Зьніклі бюст, экспазыцыя і памятная шыльда
📌Эўразьвяз плянуе скараціць пэрсанал свайго прадстаўніцтва ў Беларусі
📌„Мы ганарымся сваім сынам“. Размова з бацькамі і блізкімі загінулага беларускага добраахвотніка Аляксея Аўдзея
📌Звароту ад электронных кніг да папяровых паспрыяла эміграцыя беларусаў пасьля 2020-га. Kamunikat.org адзначае 25-гадовы юбілей
📌У новы пакет санкцый ЭЗ супраць Расеі і Беларусі ўключылі Менскі завод колавых цягачоў
📌Чаму афіцыйны Менск заляцаецца да Ватыкану? Тлумачыць Валер Карбалевіч
Горацкая сельскагаспадарчая акадэмія скарачае колькасьць спэцыяльнасьцяў
https://smarturl.click/vddy5
У Горацкай акадэміі адмовіліся ад дзьвюх спэцыяльнасьцяў на вочным аддзяленьні, але павялічаць набор на некаторыя іншыя.
У Азэрбайджане на 18 гадоў асудзілі навукоўца — стрыечнага брата беларускага коміка
https://smarturl.click/mBBAn
Мужчына атрымаў адукацыю ў Беларусі і займаўся дасьледаваньнямі гісторыі свайго народу — талышоў — якія зазнаюць у Азэрбайджане моцнага ціску.
Як і ягоны стрыечны брат Ідрак, Ікбал моцна зьвязаны зь Беларусьсю, ён жыў у краіне і вучыўся.
Гісторык падкрэсьліў, што ўсе абвінавачваньні супраць яго беспадстаўныя, і ён ужо доўгі час знаходзіцца ў турме безь якіх-небудзь доказаў. Ён заявіў, што дасьледаваў мову і культуру талышоў, і назваў абвінавачваньні ў спробе распальваньня варожасьці паводле нацыянальнай прыкметы абсурднымі, патрабуючы апраўданьня.
Эўразьвяз плянуе скараціць пэрсанал свайго прадстаўніцтва ў Беларусі
https://smarturl.click/dwwQz
Гэта робіцца дзеля эканоміі і ў сувязі са зьменай прыярытэтаў. Скарачэньні закрануць краіны, да якіх Брусэль больш ня мае «моцнага інтарэсу». Сярод такіх называюць і Беларусь.
Чаму афіцыйны Менск заляцаецца да Ватыкану? Тлумачыць Валер Карбалевіч
https://smarturl.click/dwwqz
Афіцыйны Менск разьлічвае, што Ватыкан стане ня проста пасярэднікам ва ўзаемадачыненьнях Беларусі з Захадам, але і адвакатам рэжыму ў перамовах з заходнімі палітыкамі.
Схему ўзаемаадносінаў, калі Ватыкан ня ўмешваецца ва ўнутраныя справы Беларусі і не крытыкуе, улады хацелі б узяць за ўзорную мадэль для адносінаў паміж Менскам і Захадам.
Эўразьвяз скасоўвае штампы ў пашпартах на межах Шэнгенскай прасторы
https://smarturl.click/8ppg7
У пагадненьні Рады ЭЗ і Эўрапарлямэнту прапануецца ўвесьці новую сыстэму кантролю на межах за шэсьць месяцаў. Сыстэму хацелі ўвесьці яшчэ ў 2024 годзе, але тэрмін быў сарваны, у тым ліку праз пазыцыю Нідэрляндаў, Нямеччыны, Францыі. Дату пачатку паступовага запуску EES павінна вызначыць Эўракамісія.
❤️Ці шмат вы ведаеце пра Радыё Свабода?
https://smarturl.click/pG26
20 траўня 1954 году — дзень, калі Беларуская служба Радыё Свабода пачала сваю працу. Гэты тэст прысьвечаны гісторыі і сучаснасьці Свабоды.
«Мы ганарымся сваім сынам». Размова з бацькамі і блізкімі загінулага беларускага добраахвотніка Аляксея Аўдзея
https://smarturl.click/e00Vk
Беларус з пазыўным «Рыжы» загінуў ва Ўкраіне ў сярэдзіне красавіка. Яго цела застаецца ў «шэрай зоне».
Аляксея пакуль ня могуць эвакуяваць — пра гэта Свабодзе расказалі бацькі Аляксея.
Яны таксама распавялі, якім быў іх сын, чаму паехаў на вайну ва Ўкраіну і як яны ім ганарацца.
Вайна з Касьцюшкам у Беларусі працягваецца. Зьніклі бюст, экспазыцыя і памятная шыльда
https://smarturl.click/w44My
У Малых Сяхновічах Жабінкаўскага раёна, колішнім родавым маёнтку Касьцюшкаў, каля ўваходу ў музэй зьнік помнік Касьцюшку, а ў музэі — экспазыцыя, прысьвечаная слыннаму земляку.
А пад вёскай Касьцюшкава ў Горацкім раёне зьнікла шыльда на памятным камені.
Тадэвуш Касьцюшка — ураджэнец Беларусі, кіраўнік антырасейскага паўстаньня 1795 году, генэрал арміі ЗША, змагар за незалежнасьць Рэчы Паспалітай і Злучаных Штатаў Амэрыкі. Лічыцца нацыянальным героем Беларусі, Польшчы, ЗША.