16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«У асноўным па 30-35 эўра». Хто і як працягвае ахвяраваць грошы на дапамогу сем’ям палітзьняволеных
https://smarturl.click/Qb1n1
Фонд BySol абвесьціў чарговы збор «на летнія вакацыі» для дзяцей палітвязьняў. Заяўкі ўжо падалі бацькі больш як 170 дзяцей.
Зборы на дапамогу дзецям палітвязьняў фонд BySol пачаў у 2021 годзе. Зараз яны праходзяць некалькі разоў на год.
Ужо сёньня: 80 год таму БССР стала адной зь дзяржаў-заснавальніц ААН
Дэлегацыя БССР брала ўдзел у міжнароднай канфэрэнцыі ў Сан-Францыска, скліканай па ініцыятыве СССР, Вялікабрытаніі і ЗША, што выпрацоўвала Статут ААН. 27 красавіка 1945 году Выканаўчы камітэт канфэрэнцыі аднагалосна прыняў рашэньне аб уключэньні Беларускай ССР у лік першапачатковых чальцоў ААН, адзначыўшы яе ўклад у перамогу над фашызмам.
Пра іншыя падзеі 28 красавіка ў гісторыі чытайце ў матэрыяле «Ўжо сёньня»: https://smarturl.click/13dYy
Выбух у порце на поўдні Ірана: пяць чалавек загінулі, больш за 700 параненыя.
https://smarturl.click/qBlWd
У суботу, 26 красавіка, у порце на поўдні Ірана адбыўся магутны выбух і пажар, якія, як мяркуецца, зьвязаныя з пастаўкай хімічнага інгрэдыенту, які выкарыстоўваецца для вырабу ракетнага паліва, паведамляе Associated Press.
26 красавіка 1986 году адбыўся выбух на чацьвёртым блёку чарнобыльскага рэактара. Аварыя на ЧАЭС лічыцца самай вялікай тэхнагеннай катастрофай XX стагодзьдзя. Традыцыйна з 1989 году ў гэты дзень у Менску адбывалася мэмарыяльнае шэсьце — Чарнобыльскі шлях. Але ўжо некалькі год акцый у Беларусі няма — мэмарыяльныя акцыі беларусаў праходзяць за мяжой 26 і 27 красавіка.
У Вільні Сьвятлана Ціханоўская разам з дыпляматамі і амбасадарамі Літвы, Польшчы, Эстоніі, Гішпаніі, ЗША, Харватыі, Францыі, Ірляндыі, Чэхіі і Нідэрляндаў усклала кветкі да помніка Маці Чарнобыля. У Варшаве адбыўся мітынг–рэквіем памяці Чарнобыльскай трагедыі з удзелам Кіраўніка НАУ Паўла Латушкі, ксяндза Вячаслава Барка і іншых.
Больш фота
Шэраг дэмакратычных арганізацый пры падтрымцы Аб’яднанага пераходнага кабінэта Беларусі прынялі Рэзалюцыю да 39-годзьдзя катастрофы на Чарнобыльскай атамнай станцыі.
«Вельмі сымбалічная сустрэча, якая мае патэнцыял стаць гістарычнай, калі мы дасягнем сумесных вынікаў».
https://smarturl.click/vdwa2
Прэзыдэнт Украіны Ўладзімір Зяленскі пракамэнтаваў сустрэчу ў Трампам у Рыме.
Ад аварыі 1982 году да расейскай акупацыі. Ці шмат вы ведаеце пра Чарнобыль? ТЭСТ
https://smarturl.click/xa4n
Малавядомая аварыя на 1-м рэактары, трансуранавыя элемэнты і эгіпецкія піраміды, злачыннае маўчаньне і расейская акупацыя.
Праверце, ці зможаце Вы адказаць на восем пытаньняў пра найбуйнейшую аварыю ў гісторыі атамнай энэргетыкі і яе наступствы для Беларусі.
Нараджэньне ў музэі Багдановіча, 4 гады легальнай працы з 29. Як паўставала «Вясна»
https://smarturl.click/ReAXm
За 29 гадоў працы «Вясны» была дапамога тысячам беларусаў, ператрусы, канфіскацыя тэхнікі, затрыманьні і арышты супрацоўнікаў, суды за праваабарончую дзейнасьць. Зараз чацьвёра кіраўнікоў «Вясны» за кратамі. Праваабаронцы, якія на волі, працуюць у новых умовах эміграцыі.
Праваабарончаму цэнтру «Вясна» — 29 гадоў.
За гэты час працы «Вясны» была дапамога тысячам беларусаў, ператрусы, канфіскацыя тэхнікі, затрыманьні і арышты супрацоўнікаў, суды за праваабарончую дзейнасьць. Зараз чацьвёра кіраўнікоў «Вясны» за кратамі. Праваабаронцы, якія на волі, працуюць у новых умовах эміграцыі.
https://smarturl.click/ReAXm
«Тады, у 1996 годзе, ніхто ня верыў, што той рэжым здушэньня грамадзянскіх свабодаў, дэмакратыі замацуецца на такі доўгі тэрмін. Мы меркавалі, што гэта часовая праца, год-два нам трэба будзе ёю займацца. Але жыцьцё склалася так, што гэта стала асноўнай справай для дзясяткаў беларускіх праваабаронцаў», — расказваў Бяляцкі.
Расказваем, як паўставала «Вясна».
У Расеі знайшлі шкодныя элемэнты ў беларускіх малацэ і птушцы, у Беларусі — у расейскіх і кітайскіх слодычах
https://smarturl.click/MG1VR
Расьсельгаснагляд знайшоў шкодныя бактэрыі ў прадукцыі адразу чатырох беларускіх прадпрыемстваў. Беларусь забараніла продаж на сваёй тэрыторыі некаторых слодычаў з Расеі і Кітаю.
Галоўнае за 25 красавіка
📌Альбанія прыпыніла «бязьвіз» для беларусаў
📌«Атрымлівала пагрозы блізкім і родным». Што вядома пра зьнікненьне Мельнікавай празь месяц пошукаў
📌Растуць чэргі на выезд зь Беларусі ў Эўразьвяз — цяпер у іх 1675 легкавікоў, большасьць на мяжы з Польшчай
📌Сярэдні заробак чыноўнікаў у Беларусі на 20,9% перавышае сярэднія заробкі па краіне
📌Інфармацыя пра 150 тысяч пакістанцаў як тэст для грамадзтва і ўлады
📌Чыноўнікі сустрэліся з жыхарамі на размову пра адстойнік фэкаліяў пад Жодзінам
📌Пакістанцы, рэпрэсіі і «прэзыдэнцкі запаведнік». Вынікі тыдня ад Карбалевіча
Чэргі на беларуска-полськай мяжы зноў растуць. Што адбываецца?
Польшча называе ўмовы, пры якіх рух вернецца да звыклага парадку, а зь Беларусі тлумы мігрантаў працягваюць штурмаваць мяжу з Эўразьвязам. Пра становішча на памежжы апавядаем у відэа.
Сярэдні заробак чыноўнікаў у Беларусі на 20,9% перавышае сярэднія заробкі па краіне
https://smarturl.click/0Bebn
Сярэдні намінальны налічаны заробак бюджэтнікаў у сакавіку 2025 году вырас на 2,6% у параўнаньні з лютым (або на 50,5 рубля) і склаў 1990,5 рубля да выплаты падаткаў.
Інфармацыя пра 150 тысяч пакістанцаў як тэст для грамадзтва і ўлады. Аналіз Валера Карбалевіча
https://smarturl.click/mBpDO
На сёньня нічога невядома пра практычную рэалізацыю ідэі завезьці ў Беларусь 150 тысяч пакістанцаў. Цалкам магчыма, што гэты праект не закончыцца нічым. Аднак сама тэма выклікала вялікія жарсьці — абмеркаваньні ў сацыяльных сетках, мэдыя. Улады былі вымушаныя рэагаваць у сваім звычайным стылі.
Беларусы за дзень сабралі грошы на лекаваньне Данііла Гаркавага
https://smarturl.click/mBpD9
У студзені ў Даніілу Гаркаваму дыягнаставалі рэдкую форму раку — саркому мяккіх тканін. Зь лістапада 2020 па сакавік 2025 году ён працаваў кіраўніком аддзелу зьнешніх сувязяў Офісу Ціханоўскай, але вымушана пакінуў каманду. На апэрацыю і спадарожнае лекаваньне неабходна 6436 эўра, Данііл зьвярнуўся з просьбай аб дапамозе да беларусаў.
У чарзе на выезду зь Беларусі ў Польшчу ўжо 1575 легкавых аўтамабіляў і 30 аўтобусаў
https://smarturl.click/MG1d3
Невялікая чарга сабралася і на выезд зь Беларусі ў Літву: у пункце пропуску Каменны Лог на 12-ю раніцы там стаялі 70 легкавікоў, у Беняконях — 30. На выезд у Латвію чэргаў не было.
У памежных чатах пішуць, што ў пункце пропуску «Брэст» за апошнія содні прапусьцілі 436 легкавікоў, якія зарэгістраваліся ў электроннай чарзе. Паводле прыблізных падлікаў, пры рэгістрацыі ў чарзе цяпер давядзецца чакаць больш за 3 дні.
За 30 гадоў кіраваньня Лукашэнкі дэфіцыт кадраў на рынку працы Беларусі вырас амаль у 9 разоў
https://smarturl.click/vdwGw
Колькасьць свабодных працоўных месцаў (вакансій), заяўленых арганізацыямі Беларусі ў органы па працы, занятасьці і сацыяльнай абароны, за апошнія 30 гадоў вырасла ў 8,8 раза (з 18 315 да 161 281), вынікае з праведзенага @pozirkonline аналізу зьвестак Нацыянальнага статыстычнага камітэту.
Паводле Белстату, за апошнія пяць гадоў насельніцтва Беларусі скарацілася на 300 тысяч чалавек, і гэта калі ня ўлічваць вынікаў масавай палітычнай эміграцыі.
Галоўнае за 26 красавіка
📌 Праваабарончаму цэнтру «Вясна» — 29 гадоў. Расказваем, як паўставала гэтая арганізацыя.
📌У Вільні і Варшаве прайшлі акцыі да гадавіны Чарнобыльскай трагедыі. Паглядзіце фатаздымкі
📌 У Ватыкане разьвіталіся з папам Францішкам. Дзясяткі кіраўнікоў дзяржаў і каля 200 000 вернікаў сабраліся на яго пахаваньне ў Рыме. Пачытайце, як гэта было, і паглядзіце фатаздымкі.
📌 Там жа, у Рыме, прэзыдэнт Украіны Ўладзімір Зяленскі сустрэўся з прэзыдэнтам ЗША Дональдам Трампам. Зяленскі пасьля адзначыў, што «сустрэча мае патэнцыял стаць гістарычнай».
📌 Выбух у порце на поўдні Ірана: пяць чалавек загінулі, больш за 700 параненыя
150 дзён пратэстаў — у Тбілісі праходзіць «Марш свабоды».
https://smarturl.click/OL078
У акцыі бяруць удзел бацькі, сваякі, сябры і прыхільнікі людзей, затрыманых па крымінальных артыкулах пасьля ўдзелу ў праэўрапейскіх мітынгах. Менавіта бацькі арыштаваных узначалілі шэсьце.
26 красавіка 1986 году адбыўся выбух на чацьвёртым блёку чарнобыльскага рэактара. Аварыя на ЧАЭС лічыцца самай вялікай тэхнагеннай катастрофай XX стагодзьдзя. Традыцыйна з 1989 году ў гэты дзень у Менску адбывалася мэмарыяльнае шэсьце — Чарнобыльскі шлях. Але ўжо некалькі год акцый у Беларусі няма — мэмарыяльныя акцыі беларусаў праходзяць за мяжой 26 і 27 красавіка.
У Вільні Сьвятлана Ціханоўская разам з дыпляматамі і амбасадарамі Літвы, Польшчы, Эстоніі, Гішпаніі, ЗША, Харватыі, Францыі, Ірляндыі, Чэхіі і Нідэрляндаў усклала кветкі да помніка Маці Чарнобыля. У Варшаве адбыўся мітынг–рэквіем памяці Чарнобыльскай трагедыі з удзелам Кіраўніка НАУ Паўла Латушкі, ксяндза Вячаслава Барка і іншых.
Больш фота
Шэраг дэмакратычных арганізацый пры падтрымцы Аб’яднанага пераходнага кабінэта Беларусі, Офіса Сьвятланы Ціханоўскай прынялі Рэзалюцыю да 39-годзьдзя катастрофы на Чарнобыльскай атамнай электрастанцыі.
На плошчы Сьвятога Пятра ў Ватыкане сабраліся тысячы людзей, якія прыйшлі разьвітацца з папам Рымскім Францішкам.
Францішак стане першым папам, пахаваным за межамі Ватыкану за больш чым стагодзьдзе. Згодна зь яго запаветам, яго пахаваюць у рымскай базыліцы Санта-Марыя-Маджорэ, а не ў базыліцы Сьвятога Пятра ў Ватыкане, як многіх папярэдніх пантыфікаў.
Паведамляюць, што ўсяго на пляц Сьвятога Пятра і прылеглыя вуліцы прыйшлі каля 200 тысяч чалавек.
Больш фота тут
Сустрэча Трампа і Зяленскага адбылася ў Рыме, пра гэта паведаміў прэс-сакратар прэзыдэнта Ўкраіны Сяргей Нікіфараў.
«Сустрэча была і скончылася», — сказаў Нікіфараў журналістам.
Падрабязнасьці пакуль невядомыя.
Выданьне Sky News паведаміла, што Зяленскі і Трамп дамовіліся працягнуць размову пасьля пахаваньня папы Францішка.
На фота: прэзыдэнт ЗША Дональд Трамп і першая лэдзі Меланія Трамп на пахавальнай цырымоніі папы Францішка ў Ватыкане, 26 красавіка 2025 году
Дзясяткі кіраўнікоў дзяржаў сабраліся на пахаваньне папы Рымскага Францішка ў Ватыкане, якое адбудзецца 26 красавіка. Сярод іх — і прэзыдэнт ЗША Дональд Трамп, і прэзыдэнт Украіны Ўладзімір Зяленскі.
Ад Беларусі ў Ватыкан накіраваўся прадстаўнік Лукашэнкі старшыня Палаты прадстаўнікоў Нацыянальнага сходу Ігар Сергеенка. Прысутнічае таксама і прадстаўнік Офіса дэмакратычных сілаў дарадца ў пытаньнях дыпляматыі Дзяніс Кучынскі.
https://smarturl.click/e05RY
Больш за 2500 паліцэйскіх і 1500 салдат сочаць за бясьпекай падчас пахаваньня, якое, як чакаецца, зьбярэ каля 200 000 чалавек на плошчы Сьвятога Пятра і да 300 000 чалавек уздоўж 4-кіламетровага маршруту ад Ватыкана да месца пахаваньня папы ў базыліцы Санта-Марыя-Маджорэ.
Ужо сёньня: 39 гадоў чарнобыльскай катастрофе
26 красавіка 1986 году выбухнуў чацьвёрты блёк чарнобыльскага рэактара. Аварыя на Чарнобыльскай АЭС лічыцца самай вялікай тэхнагеннай катастрофай XX стагодзьдзя.
Больш падзей гэтага дня — у адмысловай падборцы: https://smarturl.click/dwpok
Зяленскі заявіў, што ў ракетах паўночнакарэйскай вытворчасьці, якімі ўдарылі па Кіеве, ёсьць складнікі з ЗША
https://smarturl.click/7v1zR
Прэзыдэнт Украіны Ўладзімір Зяленскі заявіў, што ракета, выпушчаная Расеяй над Кіевам у ноч на 24 красавіка, якая трапіла ў жылы дом, у выніку чаго загінулі 12 чалавек, была выраблена ў Паўночнай Карэі. Ён дадаў, што прынамсі 116 кампанэнтаў ракеты былі імпартаваныя з іншых краін, а большасьць — у ЗША.
Пакістанцы, рэпрэсіі і «прэзыдэнцкі запаведнік». Вынікі тыдня ад Карбалевіча
ВІДЭА: https://youtu.be/6RXqtJrKCRE
Чаму ўлады сталі ахвярай уласнай прапаганды і як Лукашэнка 30 год разьвівае рэгіёны. Вынікі тыдня камэнтуе палітычны аглядальнік Свабоды Валер Карбалевіч.
Чыноўнікі сустрэліся з жыхарамі на размову пра адстойнік фэкаліяў пад Жодзінам
https://smarturl.click/5ZOE0
Непадалёк ад Жодзіны будуюць сажалку-назапашвальнік для адкідаў ад сталічнай каналізацыі. Гэта выклікала вострую рэакцыю жыхароў навакольных вёсак. Чыноўнікі зладзілі сустрэчу з жыхарамі, там было шмат эмоцый.
Каардынацыйная рада зьбіраецца правесьці выбары 13 траўня
https://smarturl.click/y6qmR
Выбары прызначылі пасьля таго, як зьнікла бязь вестак былая старшыня Анжаліка Мельнікава. 12 траўня паўнамоцтвы Мельнікавай пераходзяць намесьніцы Станіславе Гліньнік. На наступны дзень Каардынацыйная рада вырашыла выбіраць віцэ-старшыню.
Пасланьнік Трампа Ўіткаф чацьвёрты раз сустракаецца з Пуціным
https://smarturl.click/ReAWp
Уладзімір Пуцін прымае ў Крамлі спэцыяльнага пасланьніка прэзыдэнта ЗША Дональда Трампа Стыва Уіткафа. Гэта іх чацьвёртая асабістая сустрэча зь лютага 2025 году.
Беларускі мэталюргічны завод зьнізіў аб’ёмы вытворчасьці праз наступствы санкцыяў і «цэны на сусьветным рынку»
https://smarturl.click/WR3a9
Жодзінскі БМЗ зьменшыў аб’ёмы вытворчасьці: прадпрыемства працуе на ўзроўні 90% да мінулага году. На заводзе тлумачаць гэта тым, што санкцыі, вайна Расеі супраць Украіны і забарона праезду да Балтыйскага мора павялічваюць выдаткі на транспартаваньне мэталалому, які БМЗ закупляе ў Расеі.
У траўні 2022 году «Беларускі мэталюргічны завод» трапіў пад санкцыі Ўкраіны, у жніўні — ЭЗ і ЗША. Журналісты высьветлілі, што БМЗ працягвае гандляваць з Эўропай, абыходзячы санкцыі ЭЗ, празь літоўскія кампаніі.
26 красавіка беларусы ў сьвеце праводзяць Чарнобыльскі шлях. Дзе будуць акцыі
https://smarturl.click/3Qk3B
Да 39-й гадавіны аварыі на Чарнобыльскай атамнай станцыі беларускія апазыцыйныя партыі, актывісты незалежных грамадзкіх арганізацый, прадстаўнікі дыяспар традыцыйна ладзяць акцыі Чарнобыльскі шлях. Беларусы Польшчы, Літвы і ЗША ўжо анансавалі акцыі ў розных гарадах. Публікуем расклад.
У Беларусі ўлады абвясьцілі 26 красавіка працоўным днём у сувязі зь пераносам выходнага дня на 28 чысло перад Радуніцай.