16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Зяленскі запатрабаваў рэакцыі ЗША на ўдары па энэргааб’ектах у Херсоне
https://smarturl.click/W3En4
Прэзыдэнт Украіны Ўладзімір Зяленскі на прэс-канфэрэнцыі ў чацьвер заявіў, што хацеў бы атрымаць рэакцыю ЗША на расейскія ўдары па Херсоне, у тым ліку па абʼектах энэргетычнай інфраструктуры. Ён абвінаваціў Расею ў парушэньні дамоўленасьцяў, дасягнутых на перамовах дэлегацый Расеі і ЗША ў Саудаўскай Арабіі, падчас якіх прапаноўвалася ўвесьці мараторый на абстрэлы энэргетычных абʼектаў як з расейскага, так і з украінскага боку.
Томас Вайлер атрымаў Ляйпцыскую кніжную прэмію за пераклад кнігі «Я з вогненнай вёскі...»
https://smarturl.click/Q1900
Томас Вайлер стаў ляўрэатам Ляйпцыскай кніжнай прэміі за найлепшы пераклад. Ён уганараваны за пераклад зь беларускай мовы кнігі «Я з вогненнай вёскі...» Алеся Адамовіча, Янкі Брыля і Ўладзімера Калесьніка. Пра гэта паведаміў на сваёй старонцы ў Фэйсбуку пісьменьнік Альгерд Бахарэвіч:
«Вось жа, дзьве з чатырох (!) найважнейшых кніжных прэмій выставы дасталіся сёлета беларускім кнігам у нямецкім перакладзе. І абедзьве пераклаў Томас Вайлер. Такога не бывала яшчэ ніколі ў гісторыі. Віншую майго дарагога перакладчыка!»
У новы пакет санкцый ЭЗ уключылі кампанію нямецкага дэпутата Дорнаў, якога падазраюць у выкарыстаньні працы палітвязьняў
https://smarturl.click/AdvBO
Рада Эўрапейскага зьвязу 27 сакавіка ўвяла санкцыі супраць 25 фізычных і 7 юрыдычных асоб Беларусі. Агулам цяпер у эўрапейскім санкцыйным сьпісе 312 фізычных і 47 юрыдычных асоб зь Беларусі. Ад сёньня там і ТАА «Цыбулька-Бел» з аграгарадку Гуды Лідзкага раёну.
Раней паведамлялася, што ўладальнікам «Цыбулькі-Бел» зьяўляецца дэпутат фэдэральнай зямлі Саксонія ад ультраправай партыі «Альтэрнатыва для Нямеччыны» Ёрг Дорнаў, якога падазраюць у выкарыстаньні працы беларускіх палітвязьняў.
Удзельнікі сустрэчы ў Парыжы: зараз ня час здымаць з Расеі санкцыі
https://smarturl.click/z25XE
Францыя, Вялікая Брытанія і іншыя краіны так званай кааліцыі ахвочых, як і Ўкраіна, заявілі пра несвоечасовасьць паслабленьня або адмены санкцый у дачыненьні да Расеі цяпер. Пра гэта па выніках сустрэчы прадстаўнікоў каля 30 краін у Парыжы, якая прайшла ў чацьвер, заявілі прэзыдэнт Францыі Эманюэль Макрон і прэм’ер-міністар Вялікабрытаніі Кір Стармэр.
Стваральніца «Вольнага хору» раскрывае таямніцы легендарнага руху
https://youtu.be/2zKSJPtU6Ec
Праскую студыі Свабоды наведала адна са стваральніц і дырыгентка «Вольнага хору» Галіна Казіміроўская напярэдадні выступу ў Чэскім музэі музыкі. Яна расказала, чым адрозьніваецца «Вольны хор» 2020 году ад «Вольнага хору»-2025, якім чынам атрымлівалася сьпяваць у самых розных месцах Менску ў 2020-м, а таксама патлумачыла, чаму ня пойдзе на канцэрт Мэладзэ, і што адбываецца, калі чалавек сьпявае.
Праваабаронцы перадалі ў Міжнародны крымінальны суд доказы злачынстваў супраць чалавечнасьці, у якіх вінавацяць улады Беларусі
https://smarturl.click/vwZxG
Доказы магчымых злачынстваў супраць чалавечнасьці, учыненых прадстаўнікамі ўладаў Беларусі, падалі 20 сакавіка ў офіс пракурора Міжнароднага крымінальнага суду (МКС) шэсьць беларускіх і міжнародных праваабарончых арганізацыяў. Пра накіраваньне доказаў паведаміў Прваваабарончы цэнтар «Вясна».
Супраць Судаленкі завялі новую завочную справу. Праваабаронца адказаў, чаму гэта цалкам незаконна
https://smarturl.click/AdvOO
Сьледчы камітэт Беларусі завёў чарговую крымінальную справу нібыта за «спрыяньне экстрэмісцкай дзейнасьці» супраць праваабаронцы і былога палітвязьня, зноў асуджанага на пяць гадоў калёніі завочна Леаніда Судаленкі.
У Літве далей шукаюць зьніклых амэрыканскіх вайскоўцаў. Што вядома на раніцу 27 сакавіка. ФОТА
https://smarturl.click/JD1yw
Напярэдадні вызначылі магчымае месца здарэньня, у вадаёме знайшлі тракавы браняваны транспарт, у якім, як мяркуюць, ехалі вайскоўцы.
Польшча абмежавала права падаваць хадайніцтвы аб міжнароднай абароне на мяжы з Беларусьсю
https://smarturl.click/z25YE
Пастанова ўрада Польшчы прадугледжвае, што права на падачу хадайніцтва аб выдзяленьні міжнароднай абароны абмяжоўваецца на мяжы зь Беларусьсю тэрмінам на 60 дзён.
Тлумачым з Гурневічам. Як адбывалася інаўгурацыя Лукашэнкі
ВІДЭА: https://youtu.be/2fRKxHtFbKY
Лукашэнка сёмы раз кляўся, што будзе служыць беларускаму народу і выконваць Канстытуцыю. У Менску адбылася інаўгурацыя. Прапаганда рабіла шмат патугаў, каб прадаць гэта як сьвята.
Сёньня — Міжнародны дзень тэатру
27 сакавіка — Міжнародны дзень тэатру, устаноўлены кангрэсам Міжнароднага інстытуту тэатру ў 1961 годзе.
Пяць гадоў таму 27 сакавіка 2020 году праз каранавірус Купалаўскі тэатар паказаў спэктакаль „Паўлінка“ анлайн, за адзін вечар яго паглядзелі 27 тысяч чалавек.
Цяпер «Вольныя купалаўцы» — аб’яднаньне былых актораў Нацыянальнага акадэмічнага тэатру імя Янкі Купалы, якія пакінулі Беларусь пасьля пратэстаў 2020 году. Яны выступаюць у Польшчы і гастралююць па Эўразьвязе.
Больш падзей 27 сакавіка ў гісторыі чытайце ў матэрыяле «Ўжо сёньня»: https://smarturl.click/Q19Qq
Экс-прэзыдэнт Бразыліі Балсанару зноў паўстане перад судом
https://smarturl.click/aJ2xJ
Вярхоўны суд Бразыліі большасьцю галасоў прыняў рашэньне прыцягнуць да суда былога прэзыдэнта краіны Жаіра Балсанару. Яго абвінавачваюць у спробе дзяржаўнага перавароту пасьля пройгрышу на выбарах 2022 году.
Асноўнае за 26 сакавіка
📌 4 амэрыканскія вайскоўцы загінулі ў Літве каля мяжы зь Беларусьсю
📌 Лукашэнка ў футарале. Як улады прасоўваюць прапагандысцкую кнігу і колькі яна каштуе дзяржаве
📌 Жанчыне, якая падчас выступу Луганскага тэатру ў Белдзяржфілярмоніі выгукнула «Слава Ўкраіне», далі 20 сутак
📌 Прадукцыю «Беларуськалію» перайменавалі і прадаюць Эўразьвязу ў абход санкцыяў — расьсьледаваньне БРЦ
📌 Тбіліскі суд часткова задаволіў скаргу беларускага праваабаронцы Кісьляка на адмову ў прытулку
📌 «Белавія» зьбіраецца закупіць некалькі самалётаў у абыход санкцыяў
📌 Грамадзяніна Ізраілю затрымалі ў Беларусі. Пасьля катаваньняў яму ўдалося выехаць
📌 «Лукашэнка незаменны для расейскай вайны», – аўтар кнігі пра Расею як імпэрыю, ірляндзкі прафэсар О Бяхань
📌 Гэты галоўны фактар перадвызначыць, што Лукашэнка зробіць зь Беларусьсю ў наступныя пяць гадоў
📌 «Гісторыя на Свабодзе». Пабудаваць нацыянальную дзяржаву могуць толькі беларусы, „літвінскі праект“ нежыцьцяздольны, — Вадзім Сідараў
📌 Былыя беларускія палітвязьні расказалі, як ім у зьняволеньні дапамагала Радыё Свабода
Менскі гадзіньнікавы завод выпусьціў лімітаваную калекцыю да 101-годзьдзя з дня нараджэньня Васіля Быкава
https://smarturl.click/ba8jl
На заводзе падкрэсьлілі, што стварылі калекцыю «з глыбокай пашанай да творчасьці Васіля Быкава і яго ўплыву на нацыянальную культуру».
Грамадзяніна Ізраілю затрымалі ў Беларусі. Пасьля катаваньняў яму ўдалося выехаць
https://smarturl.click/opAqW
Паводле інфармацыі ізраільскай прэсы, мужчыну арыштоўвалі за «экстрэмісцкія падпіскі». Як паведамляе ізраільскае выданьне Ynet, грамадзянін Ізраілю, які прыехаў у Беларусь з жонкай і дзецьмі, быў затрыманы і прайшоў празь цяжкія фізычныя і псыхалягічныя катаваньні. Цяпер ён вызвалены і вярнуўся ў Ізраіль.
Імя пацярпелага на просьбу ягонай сям’і не называюць. Таксама невядома, ці ён рэпатрыянт зь Беларусі.
Сытуацыя рэальнай палітычнай барацьбы. Чаму рэжым так зацята ваюе з апазыцыяй за мяжой
https://smarturl.click/RAbQ8
Апазыцыя ў замежжы зьяўляецца паўнапраўным прадстаўніком калі і не большасьці, то вельмі значнай часткі беларускага народа, яна набыла легітымнасьць, піша палітычны аглядальнік Свабоды Валер Карбалевіч.
Асноўнае за 27 сакавіка
📌 У Горадні затрыманы былы палітвязень. МУС сьцьвярджае, што ён аказаў супраціў і нават зламаў руку міліцыянту
📌 Польшча абмежавала права падаваць хадайніцтвы аб міжнароднай абароне на мяжы зь Беларусьсю
📌 У новы пакет санкцый ЭЗ уключылі кампанію нямецкага дэпутата Дорнаў, якога падазраюць у выкарыстаньні працы палітвязьняў
📌 Праваабаронцы перадалі ў Міжнародны крымінальны суд доказы злачынстваў супраць чалавечнасьці, у якіх вінавацяць улады Беларусі
📌 Супраць Судаленкі завялі новую завочную справу. Праваабаронца адказаў, чаму гэта цалкам незаконна
📌 Альгерд Бахарэвіч у Ляйпцыгу атрымаў прэстыжную прэмію за свой «экстрэмісцкі раман»
📌 Томас Вайлер атрымаў Ляйпцыскую кніжную прэмію за пераклад кнігі «Я з вогненнай вёскі...»
📌 У Беларусь экстрадавалі кілера з «банды Марозава»
📌 Старонку амэрыканскага кінарэжысэра, які падтрымлівае беларускіх палітвязьняў, прызналі «экстрэмісцкай»
📌 Беларусь скасавала забарону на пастаўкі ўжыванага адзеньня зь Літвы. Але ёсьць нюанс
📌 Фатографка зь Беларусі стала адной з пераможцаў World Press Photo 2025
📌 Удзельнікі сустрэчы ў Парыжы: зараз ня час здымаць з Расеі санкцыі
📌 «Хтосьці з „Дыханием Питера“, а хтосьці з „Жыве Беларусь“». Стваральніца «Вольнага хору» раскрывае таямніцы
📌 Як Свабодная Эўропа / Радыё Свабода зьмяніла маё жыцьцё — аповед эўрапейскага рэдактара Рыкарда Юзьвяка
Лукашэнка ў футарале. Як улады прасоўваюць прапагандысцкую кнігу і колькі яна каштуе дзяржаве
https://smarturl.click/Adva3
У Беларусі ў пачатку 2025 году, акурат перад выбарамі прэзыдэнта, выдалі прэзэнтацыйную кнігу пра Аляксандра Лукашэнку пад назвай «Наш Президент», аўтарамі якой выступілі чыноўнікі і набліжаныя да ўлады дзеячы Аляксандар Радзькоў, Натальля Эйсмант, Уладзімер Пярцоў і Аляксандар Карлюкевіч. Свабода вывучыла, як бюджэтныя арганізацыі выдаткоўваюць сродкі на куплю кнігі пра Аляксандра Лукашэнку, якая выйшла да выбараў 26 студзеня.
У Горадні затрыманы былы палітвязень. МУС сьцьвярджае, што ён аказаў супраціў і нават зламаў руку міліцыянту
https://smarturl.click/EeQB4
Паводле зьвестак «Нашай Нівы», затрыманы — былы палітвязень Мікіта Самарын. 11 сьнежня 2020 году ён быў асуджаны на чатыры гады абмежаваньня волі з накіраваньнем у папраўчую ўстанову адкрытага тыпу паводле арт. 364 Крымінальнага кодэксу (гвалт альбо пагроза прымяненьня гвалту ў дачыненьні да супрацоўніка органаў унутраных спраў). Яго абвінавацілі ў распыленьні газу ў твар супрацоўніку АМАП.
У Беларусь экстрадавалі кілера з «банды Марозава»
https://smarturl.click/LYBQl
З Казахстану ў Беларусь экстрадавалі Віктара Рэцкага, аднаго з апошніх удзельнікаў «банды Марозава». Паводле пракуратуры, Рэцкі больш за 19 гадоў хаваўся ад праваахоўнікаў. Паводле апэратыўных зьвестак, мужчына ўваходзіў у склад злачыннай арганізацыі з 1992 году і выконваў ролю кілера. Ён учыніў шэраг забойстваў і іншых асабліва цяжкіх злачынстваў.
Расейскія войскі ўдарылі па гістарычным палацы расейскага князя Пацёмкіна ў Дніпры
https://smarturl.click/Q19n0
Як паведамілі ўлады, у выніку расейскай атакі баявымі дронамі ў Дніпры параненыя тры чалавекі, зьнішчаныя і пашкоджаныя больш за 60 аўтамабіляў, дзясяткі будынкаў, у тым ліку жылых дамоў, прадпрыемстваў, школа і ўстанова культуры.
Здымак з тэлеграм-каналу мэра Дніпра Барыса Філатава
Як Свабодная Эўропа / Радыё Свабода зьмяніла маё жыцьцё — аповед эўрапейскага рэдактара РСЭ/РС
https://smarturl.click/O05yO
Эўрапейскі рэдактар Радыё Свабодная Эўропа / Радыё Свабода Рыкард Юзьвяк патлумачыў, як беларускія пратэсты паўплывалі на ягоную працу і як зь ягонай сямейнай гісторыяй перагукаецца лёс Ігара Лосіка і іншых цяпер зьняволеных журналістаў РСЭ/РC.
Швэцыя абвясьціла «найбуйнейшы плян пераўзбраеньня з часоў халоднай вайны»
https://smarturl.click/w9BL8
🇸🇪 Прэм’ер-міністар Швэцыі Ульф Крыстэрсан 26 сакавіка абвясьціў, што Швэцыя плянуе павялічыць выдаткі на абарону да 3,5% ВУП. Што яшчэ ў швэдзкіх плянах?
У Стамбуле паліцыя разагнала пратэсты каля ўнівэрсытэту
https://smarturl.click/AdvO4
Паліцыя выкарыстала пярцовыя балёнчыкі, гумовыя кулі і вадамёты супраць дэманстрантаў ранкам 27 сакавіка. Напружанасьць пасьля двух дзён адноснага спакою аднавілася. У краіне час найбуйнейшых антыўрадавых пратэстаў у краіне за больш чым дзесяць гадоў.
Што рабіць з «Пагоняй» на новых пашпартах. У Сейме Літвы сустрэліся літоўцы і беларусы
https://smarturl.click/9zgX4
У Сейме Літвы беларусы і літоўцы абмеркавалі змаганьне з рэжымам Лукашэнкі, праблемы жыцьця беларускай дыяспары ў Літве, інтэграцыю беларусаў і пытаньні бясьпекі ў рэгіёне. Абмеркавалі і тое, як літоўцам лепш называць Беларусь па-літоўску.
❗️❗️❗️Агенцтва Reuters раней сёньня працытавала генэральнага сакратара NATO Марк Рутэ пра тое, што зьніклыя ў Літве амэрыканскія вайскоўцы загінулі. Але пазьней прэс-служба NATO патлумачыла, што сьмерці не пацьверджаныя і пошукі працягваюцца. https://smarturl.click/mpx4o
Читать полностью…
Эстонскі парлямэнт пазбавіў права голасу грамадзянаў Беларусі і шэрагу іншых краін на мясцовых выбарах
https://smarturl.click/xBJ8J
26 сакавіка эстонскі парлямэнт вырашыў у паскораным парадку зьмяніць Канстытуцыю і пазбавіць права голасу грамадзян трэціх краін, у тым ліку Беларусі, на муніцыпальных выбарах у Эстоніі. За зьмену Канстытуцыі ў паскораным парадку прагаласавалі 92 дэпутаты, супраць былі 7 дэпутатаў.
Да прыняцьця гэтага закона разам з грамадзянамі Эстоніі і дзяржаў-сябраў ЭЗ у мясцовых выбарах маглі ўдзельнічаць замежнікі, якія жывуць у Эстоніі на падставе доўгатэрміновага віду на жыхарства або пастаяннага права на жыхарства, якія дасягнулі да дня выбараў узросту 16 гадоў, чыё пастаяннае месца жыхарства знаходзіцца ў адпаведных воласьці або горадзе.
Стала вядома, што зьніклыя на вучэньнях ў Літве амэрыканскія вайскоўцы загінулі. Гэтую інфармацыю пацьвердзіў генэральны сакратар NATO Марк Рутэ. https://smarturl.click/mpx4o
Амэрыканскае выданьне The New York Times піша са спасылкай на прадстаўнікоў амэрыканскай арміі, што машына вайскоўцаў магла патануць у балоце.
У сэктары Газа праходзяць пратэсты супраць ХАМАС
https://smarturl.click/M1J52
На поўначы сэктара Газа другі дзень працягваюцца пратэсты супраць радыкальнай групоўкі ХАМАС, прызнанай тэрарыстычнай у ЗША і Эўразьвязе. Цэнтрам пратэстаў стаў горад Бэйт-Лахія, дзе сотні людзей выйшлі на вуліцы, скандуючы: «ХАМАС — прэч!» Мітынгі праходзяць і ў горадзе Газа.
Структуры ХАМАС не камэнтуюць пратэсты. У іх мэдыя і сацсетках выкладзены фатаграфіі і відэа з пратэстаў, якія названы антываеннымі. Аднак патрабаваньні адхіленьня ХАМАС ад улады ў подпісах да гэтых публікацый ня згадваюцца. Ілюстрацыйнае фота: Сэктар Газа
Літоўскія СМІ Delfi і TV3 паведамілі са спасылкай на свае крыніцы, што зьніклыя на палігоне ў Літве амэрыканскіяя вайскоўцы загінулі. Афіцыйных пацьверджаньняў гэтаму пакуль няма. https://smarturl.click/mpx4o
Читать полностью…