16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Праваабаронцы заклікалі міжнародную супольнасць працягваць ціск на рэжым Лукашэнкі
https://smarturl.click/8EGob
«Выкарыстоўваць усе даступныя дыпляматычныя сродкі» для ціску на рэжым Аляксандра Лукашэнкі з мэтай спыненьня рэпрэсій і вызваленьня палітвязьняў заклікалі міжнародную супольнасьць 24 сакавіка дзесяць беларускіх праваабарончых арганізацый. Іх сумесная заява апублікаваная на сайце праваабарончага цэнтру «Вясна» і прымеркаваная да маючай адбыцца інаўгурацыі Аляксандра Лукашэнкі.
У 2024 годзе ў Беларусі выяўлена больш за паўмільёна выпадкаў дэпрэсіі
https://smarturl.click/XyzeZ
Беларусь па выніках 2024 года займае 8-е месца ў сьвеце па колькасьці «псыхічных разладаў», кожны чацьвёрты жыхар краіны «пакутуе на трывожна-дэпрэсіўныя разлады або разлады адаптацыі». Пра гэта паведаміла на прэсавай канфэрэнцыі ў Менску 24 сакавіка спэцыялістка псыхалягічнага аддзяленьня «Рэспубліканскага навукова-практычнага цэнтру псыхічнага здароўя» (РНПЦПЗ) Сьвятлана Далжэнка.
ЖЫВЫ ЭФІР. Курс даляра. Цана на бэнзін. Электрамабілі
❓Задавайце вашы пытаньні ў камэнтары пад відэа на Youtube:
https://www.youtube.com/live/8RI-Rkl2mWU
А 20 30 паводле менскага часу вядучая Ганна Соўсь ў жывым эфіры «ПіКа Свабоды« абмяркуе з эканамісткай Алісай Рыжычэнкай і эканамічным блогерам і прадпрымальнікам Аляксандрам Кныровічам, куды коціцца эканоміка Беларусі.
🔸 Як уплывае на беларусаў падзеньне курсу даляра?
🔸 Ці працягне даражэць бэнзін?
🔸 У якой валюце цяпер найлепей захоўваць грошы?
🔸 Чаму беларусы сталі болей пакупаць электрамабіляў?
«Непазьбежна адбудзецца вяртаньне». Чаму таньнее даляр і што будзе з курсам далей
https://smarturl.click/0eVEW
На таргах 24 сакавіка даляр зноў зьнізіўся адносна беларускага рубля, цяпер ён каштуе 3,13 рубля. Паступовае зьніжэньне амэрыканскай валюты назіраецца з пачатку году. Тады даляр каштаваў 3.47 рублі. Чаму так адбываецца і чаго чакаць далей, расказваем.
У Пішчалаўскім замку вырашылі разьмясьціць аб’екты грамадзкага харчаваньня і адміністрацыйныя памяшканьні
https://smarturl.click/aJ2D5
Пра прыстасаваньне Пішчалаўскага замка пад цывільны аб’ект падчас нарады ў Менгарвыканкаме распавёў дырэктар КУП «Менская спадчына» Аляксандр Кохан: «На тэрыторыі комплексу плянуецца захаваньне пяці будынкаў, — сказаў Кохан. — На ніжніх паверхах плянуем разьмясьціць аб’екты грамадзкага харчаваньня, апэратарамі якіх выступяць дзяржаўныя прадпрыемствы. На паверхах вышэй мяркуецца разьмясьціць адміністрацыйныя памяшканьні. Акрамя таго, праект тэрыторыі комплексу прадугледжвае пляцоўку для культурна-масавых мерапрыемстваў».
Суд у ЗША разглядае пазоў Радыё Свабодная Эўропа / Радыё Свабода аб аднаўленьні фінансаваньня
https://smarturl.click/LYB2A
Слуханьне пазову, пададзенага Радыё Свабодная Эўропа / Радыё Свабода (РСЭ/РС) супраць Агенцтва глябальных мэдыя ЗША (USAGM), «каб пазьбегнуць непапраўнай шкоды» трансьлятару ад спыненьня гранту, ухваленага Кангрэсам, пачынаецца 24 сакавіка ў судзе ў Вашынгтоне.
У Беларусі істотна павялічацца сумы страхавых выплатаў аўтамабілістам па «эўрапратаколе»
https://smarturl.click/jkM8Z
Так званы «эўрапратакол» — спрошчаная працэдура афармленьня ДТЗ, якая дазваляе кіроўцам вырашыць усё на месцы, без прыцягненьня супрацоўнікаў ДАІ. Дзякуючы новым правілам карыстацца эўрапратаколам стане больш выгадна, асабліва пры нязначных аварыях.
ЗША і Ўкраіна правялі перамовы ў Саудаўскай Арабіі — украінскі бок ацаніў іх станоўча
https://smarturl.click/W3E6O
Вашынгтонская каманда не камэнтавала перамоваў з прадстаўнікамі Кіева, але міністар абароны Ўкраіны Рустэм Умераў заявіў, што сустрэча была «канструктыўнай і зьмястоўнай». Што далей?
Вітаўтас Ландсбэргіс праз 40 год пасьля прыходу да ўлады Гарбачова адказаў, чаму распаўся СССР і што будзе з Расеяй
https://smarturl.click/G63G5
У канцы 1980-х музыказнаўца Вітаўтас Ландсбэргіс стаў лідэрам літоўскага руху за незалежнасьць «Саюдзіс», а пазьней яго абралі кіраўніком Вярхоўнага савета краіны.
Тэракт у паліцэскім пастарунку ў Адэсе: загінула жанчына
https://smarturl.click/DaAee
Здарэньне, падобнае да тэракту, адбылося ўвечары 23 сакавіка.
Мэр Вашынгтона абвясьціла 25 сакавіка Днём Волі ў сталіцы ЗША
Мэр Вашынгтона Мюрыэль Баўзэр абвясьціла 25 сакавіка Днём Волі ў Вашынгтоне. Пра гэта са спасылкай на мэра сталіцы ЗША паведаміў старэйшы дарадца Ціханоўскай Франак Вячорка.
Як адзначыў Вячорка для Свабоды, «гэта сымбалічнае абвяшчэньне 25 сакавіка Днём Волі ў Вашынгтоне, і яно адбываецца чацьверты год запар».
Паводле Вячоркі ініцыятыва належыць кіраўніку вашынгтонскага аддзелу беларускай арганізацыі «БАЗА» Вячаславу Бортніку і беларускай дыяспары ў Вашынгтоне, якія падтрымліваюць добрыя адносны з уладамі гораду:
— Гэта напамін пра Беларусь і беларусаў, якія змагаюцца за свабоду. Будуць у іншых гарадах ЗША падобныя абвяшчэньні, узьняцьці бел-чырвона-белага сьцягу. Гэтая традыцыя пачалася дзесяцігодзьдзі назад яшчэ ў часы халоднай вайны, калі беларусаў падтрымлівалі як паняволены народ. Зараз зноў як паняволенаму народу нам патрэбная гэтая падтрымка і салідарнасьць. https://smarturl.click/0eVjn
Сыноптыкі прагназуюць дрэннае надвор’е ў панядзелак. Магчымы мокры сьнег
Аранжавы ўзровень небясьпекі праз кепскае надворʼе сыноптыкі працягнулі на панядзелак. Адпаведнае папярэджаньне апублікаваў Белгідрамет. Часам будуць ісьці дажджы, ноччу і раніцай па поўначы краіны магчымы мокры сьнег. https://smarturl.click/w9B4W
З нагоды Дня Волі АПК узнагародзіў Вольскага, Дубаўца, Лібера, Луцкіну, Юрконіса і яшчэ трох чалавек
Адпаведную пастанову напярэдадні Дня Волі падпісала кіраўніца кабінэту Сьвятлана Ціханоўская.
Крыжам Адраджэньня Беларусі (Братоў Луцкевічаў) узнагароджаны пісьменьнік, журналіст, выдавец Сяргей Дубавец.
Палітоляг, кіраўнік літоўскага офісу праваабарончай арганізацыі Freedom House Віціс Юрконіс уганараваны мэдалём «За плённую працу на карысьць Беларусі».
Гэтую ж узнагароду ўручаць польскаму палітолягу і праваабаронцу Паўлу Казанэцкаму, журналісту Зьмітру Лукашуку і аднаму са стваральнікаў незалежных грамадзкіх плятформ «Голас» і «Новая Беларусь» Паўлу Ліберу.
Мэдалём Францішка Скарыны ўзнагароджаны музыка, літаратар, мастак Лявон Вольскі.
Мэдаль Няскораных (мэдаль Ларысы Геніюш) уручаць былой палітзьняволенай, экс-супрацоўніцы Белтэлерадыёкампаніі Ксеніі Луцкіной.
Мэдалём «Гонар і годнасьць» уганараваны юрыст, палкоўнік юстыцыі ў адстаўцы Аляксандр Варапаеў. https://smarturl.click/Advxg
На акцыі ў гонар Дня Волі ў Варшаве ксёндз Барок заклікаў «гартаваць волю», бо «ідзе час вяртаць Беларусь»
«Самым галоўным сьвятам Беларусі» назваў Дзень Волі ксёндз Вячаслаў Барок, выступаючы 23 сакавіка перад удзельнікамі ўрачыстага мітынгу ў Варшаве.
«Яно сапраўды галоўнае для тых, хто разумее каштоўнасьць свабоды. Хто цэніць свабоду і хто любіць свабоду», — адзначыў сьвятар Барок. Паводле яго слоў, у Дзень Волі трэба ўзгадваць «шлях, які прайшоў беларускі народ».
«Мы свабодныя, — дадаў Барок. — А калі свабодныя, то і адказныя. За лёс нашай нацыі і нашай краіны. Мы бяром на сябе адказнасьць за нашу Беларусь. Бяром нават цяпер, калі краіна акупаваная».
Ён заклікаў беларусаў «не губляць сваіх крылаў». https://smarturl.click/VDWR0
Спэцслужбы Аўстрыі заявілі аб выкрыцьці ячэйкі дэзінфармацыі ў інтарэсах Расеі
https://smarturl.click/kj7JX
Упраўленьне дзяржаўнай бясьпекі і разьведкі (DSN) Аўстрыі заявіла аб раскрыцьці ячэйкі, якая плянавала і ажыцьцяўляла маштабную кампанію па дэзінфармацыі ў інтарэсах Расеі, накіраваную на аўстрыйскае грамадзтва. Мэтай кампаніі спэцслужба назвала «маніпуляваньне грамадзкім і палітычным меркаваньнем на шкоду Ўкраіне і на карысьць Расеі». Каардынатарам кампаніі сьледзтва назвала грамадзянку Баўгарыі. Яна затрыманая і прызнала віну.
Галоўнае за 24 сакавіка
📌 У Асіповічах разбудоўваюць інфраструктуру для расейскай ядзернай зброі? Спадарожнікавыя здымкі
📌 «ПіК Свабоды». Курс даляра, цана на бэнзін. Экспэрты тлумачаць, куды коціцца эканоміка Беларусі
📌 З 24 сакавіка больш чым на суткі будзе абмежаваны доступ да беларускіх сайтаў з-за мяжы
📌 У 2024 годзе ў Беларусі выяўлена больш за паўмільёна выпадкаў дэпрэсіі
📌 У Пішчалаўскім замку вырашылі разьмясьціць аб’екты грамадзкага харчаваньня і адміністрацыйныя памяшканьні
📌 У Беларусі зноў абвясьцілі аб праверцы баявой гатоўнасьці. Аб заканчэньні папярэдняй не паведамлялі
📌 У Беларусі істотна павялічацца сумы страхавых выплатаў аўтамабілістам па «эўрапратаколе»
📌 З Польшчы за 2 месяцы дэпартавалі больш за 200 беларусаў, сярод прычын — злоўжываньні з гуманітарнымі візамі
📌 У выведцы Ўкраіны паказалі, як выглядаюць дэталі ад беларускага заводу «Інтэграл» для расейскіх ракет
Расейскія войскі ўдарылі па Сумах, параненыя 74 чалавекі, у тым ліку 13 дзяцей
https://smarturl.click/3kyap
Выканаўца абавязкаў мэра гораду Арцём Кабзар паведаміў, што вядома пра 28 параненых, сярод іх — чацьвёра дзяцей. Пазьней у мэрыі ўдакладнілі, што пацярпелі 74 чалавекі, у тым ліку 13 дзяцей. Пашкоджаны шматкватэрныя жылыя дамы. Газазабесьпячэньне адсутнічае ў васьмі дамах, гарачая вада і ацяпленьне — у 18, халодная вада — у шасьці.
У Таліне адкрылі Офіс дэмакратычных сілаў Беларусі
https://smarturl.click/vwZW2
Адкрыцьцё Офісу адбылося падчас працоўнага візыту ў Эстонію Сьвятланы Ціханоўскай. Кіраўніком Офісу будзе Віталь Малчанаў — прадстаўнік Ціханоўскай у Эстоніі і Латвіі. У сваёй прамове дэмакратычная лідэрка Беларусі заклікала «перашкодзіць Пуціну аднавіць Расейскую імпэрыю — турму народаў».
Арыштаванага мэра Стамбулу вылучылі кандыдатам у прэзыдэнты Турэччыны
https://smarturl.click/Advev
Апазыцыйная Народна-рэспубліканская партыя Турэччыны вылучыла кандыдатам у прэзыдэнты краіны арыштаванага і адхіленага ад пасады мэра Стамбулу Экрэма Імамоглу. На партыйных выбарах за яго аддалі галасы каля 15 мільёнаў чалавек. Гэта рашэньне партыі, востра апазыцыйнай прэзыдэнту краіны Рэджэпу Эрдагану.
У Асіповічах разбудоўваюць інфраструктуру для расейскай ядзернай зброі? Спадарожнікавыя здымкі
https://smarturl.click/2qnbD
Улады Беларусі імкліва разбудоўваюць вайсковую інфраструктуру ў Асіповічах, сьведчыць наш аналіз спадарожнікавых здымкаў. Паводле абарончых экспэртаў, менавіта тут могуць размясьціць расейскую ядзерную зброю. Пра гэта — у расьсьледаваньні Свабоды.
У Менску ў сувязі з інаўгурацыяй Лукашэнкі абмяжуюць рух
https://smarturl.click/DaA4e
Пры гэтым улады ў афіцыйных паведамленьнях пра зьмены ў руху ня згадваюць інаўгурацыі, а пішуць пра безыменныя «мерапрыемствы».
У выведцы Ўкраіны паказалі, як выглядаюць дэталі беларускага заводу «Інтэграл» для расейскіх ракет
https://smarturl.click/ba8on
Усе дэталі былі знойдзеныя на тэрыторыі Ўкраіны ў рэштках ракет пасьля расейскіх удараў.
З Польшчы за два месяцы дэпартавалі больш за 200 беларусаў, сярод прычын — злоўжываньні з гуманітарнымі візамі
https://smarturl.click/jkM4Z
Усяго за два першыя месяцы 2025 году з Польшчы дэпартавалі больш за 1300 замежнікаў, што на 85% больш, чым у мінулым годзе.
24 сакавіка — гадавіна пачатку «Менскай Вясны — 96»
24 сакавіка 1996-га прайшло масавае адзначэньне Дня Волі ў Менску. У шэсьці ўдзельнічалі каля 30 тысяч чалавек. Супраць удзельнікаў сьвята быў кінуты спэцназ, было арыштавана болей за 30 чалавек. На праспэкце Скарыны міліцыя і амон учынілі пабоішча. Дзень Волі— 96 распачаў масавыя акцыі супраць інтэграцыі Беларусі і Расеі, якія ўвайшлі ў гісторыю як «Менская Вясна — 96».
Больш пра падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня». https://smarturl.click/Yzm3e
«Пуцін ня хоча ўсёй Эўропы», — спэцпасланьнік Трампа напярэдадні перамоваў у Саудаўскай Арабіі
Спэцпрадстаўнік прэзыдэнта ЗША Стывен Уіткоф 23 сакавіка выказаў аптымізм напярэдадні пачатку важных перамоваў у Саудаўскай Арабіі аб спыненьні вайны ва Ўкраіне. У эфіры Fox News ён сказаў, што лічыць, што прэзыдэнт Расеі Ўладзімір Пуцін хоча міру.
«Пуцін ня хоча захопліваць усю Эўропу, сытуацыя моцна адрозьніваецца ад Другой сусьветнай вайны», — лічыць амэрыканскі перамоўшчык.
Раней на гэтым тыдні ў інтэрвію Такеру Карлсану Ўіткоф заявіў, што статус акупаваных Расеяй украінскіх рэгіёнаў зьяўляецца ключавым пытаньнем у вырашэньні вайны ва Ўкраіне.
Паводле яго слоў, гэтыя тэрыторыі дэ-факта знаходзяцца пад кантролем Расеі, і галоўная дыскусія ў тым, ці прызнае іх сьвет расейскімі. https://smarturl.click/kj7g6
Літва мае намер замінаваць мяжу зь Беларусьсю і Расеяй
Міністэрства абароны Літвы заявіла аб плянах выйсьці з Атаўскай канвэнцыі аб забароне супрацьпяхотных мін і анансавала маштабную закупку боепрыпасаў, у тым ліку 85 тысяч супрацьпяхотных мін на суму 50 млн эўра.
Пра гэта паведаміла міністарка абароны краіны Давіле Шакалене, падводзячы вынікі першых 100 дзён сваёй працы на пасадзе. https://smarturl.click/jkM7q
Найважнейшыя падзеі 23 сакавіка
У Варшаве ды іншых гарадах праходзяць акцыі з нагоды Дня Волі
«Мы не здаемся. А вы?» Фотагалерэя зь Дня Волі ў Варшаве
«МУС набірае „сур’ёзных мужыкоў“, якія служылі ў войску ў 70–80 гады», — Карпянкоў пра набор у «народнае апалчэньне» і залёт дронаў
Расейскія дроны атакавалі Кіеў, загінулі тры чалавекі. Над Расеяй зьбілі 59 дронаў
Папа Рымскі Францішак упершыню зьявіўся на публіцы пасьля хваробы
У Турцыі з санкцыі суду арыштавалі мэра Стамбула
З нагоды Дня Волі Аб’яднаны пераходны кабінэт узнагародзіў Вольскага, Дубаўца, Лібера, Луцкіну, Юрконіса і яшчэ трох чалавек
У Турцыі з санкцыі суду арыштавалі мэра Стамбула
У Турцыі ў нядзелю суд выдаў санкцыю на арышт мэра Стамбула Экрэма Імамаглу, якога абвінавачваюць у карупцыі. Яго затрыманьне раней на гэтым тыдні, 19 сакавіка, прывяло да адных з самых буйных пратэстаў па ўсёй краіне за больш як дзесяцігодзьдзе.
Імамаглу займае пасаду мэра Стамбула з 2019 года. Ён лічыцца асноўным палітычным супернікам прэзыдэнта Рэджэпа Эрдагана. https://smarturl.click/LYB3d
Папа рымскі Францішак упершыню зьявіўся на публіцы пасьля хваробы
Папа рымскі Францішак у нядзелю ўпершыню зьявіўся на публіцы больш чым праз пяць тыдняў адсутнасьці, зьвязанай з хваробай.
Пантыфік памахаў рукой з балькона рымскай бальніцы Джэмелі перад сваёй чаканай выпіскай з мэдустановы ў другой палове дня.
88-гадовы Францішак быў шпіталізаваны 14 лютага зь цяжкай рэспіраторнай інфэкцыяй, якая прывяла да самага сур’ёзнага пагаршэньня стану ягонага здароўя за 12 гадоў папства. https://smarturl.click/xBJVQ