16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Спэцпасланьнік Трампа сказаў у інтэрвію Такеру Карлсану, што Ўкраіна пагадзілася правесьці выбары прэзыдэнта
Стыў Уіткоф сьцьвярджае, што ўлады Ўкраіны пагадзіліся правесьці выбары прэзыдэнта ў краіне. Карлсан задаў пытаньне аб тым, ці будуць выбары ва Ўкраіне, бо расейскія ўлады лічаць Уладзіміра Зяленскага «нелегітымным» прэзыдэнтам і адмаўляюцца падпісваць зь ім мірную дамову.
«Так, яны адбудуцца. Яны ўжо пагадзіліся на гэта», — сказаў Уіткоф.
У гэтым жа інтэрвію спэцпасланнік Дональда Трампа зазначыў, што «самым вялікім пытаньнем» вайны Расеі супраць Украіны стаў статус анэксаванага Крыма і акупаваных украінскіх тэрыторый.
«Яны расейскамоўныя, там прайшлі рэфэрэндумы, на якіх пераважная большасьць насельніцтва заявіла, што хоча быць пад уладай Расеі. Я думаю, што гэта ключавое пытаньне ў канфлікце. Так што гэта першае. Калі гэтае пытаньне будзе вырашана, мы будзем весьці вельмі, вельмі пазытыўныя размовы», — лічыць Уіткоф. https://smarturl.click/8EGpx
Беларуская лацінка / Biełaruskaja łacinka: ТЭСТ
Вы, пэўна, ведаеце, што беларуская мова традыцыйна мае дзьве графічныя сыстэмы, дзьве азбукі — кірыліцу і лацінку. Ці добра валодаеце лацінкай? Praviercie siabie! https://smarturl.click/mBO9
23 сакавіка дзень памяці Антона Луцкевіча
23 сакавіка 1942 году памёр Антон Луцкевіч, беларускі палітычны дзеяч, публіцыст і навуковец.
Антон Луцкевіч быў ініцыятарам абвяшчэньня незалежнасьці Беларускай Народнай Рэспублікі, аўтарам Трэцяй устаўной граматы і прэмʼер-міністрам БНР.
Больш пра падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня».
https://smarturl.click/W3EDk
На фота Антон Луцкевіч.
У Турэччыне на акцыях пратэсту з-за арышту мэра Стамбула затрымалі больш за 300 чалавек
https://smarturl.click/2qnMm
Экрэма Імамаглу, мэра Стамбула, лічаць галоўным палітычным праціўнікам прэзыдэнта Эрдагана.
МУС абвінаваціў дэманстрантаў у спробе «парушыць грамадзкі парадак і справакаваць хаос».
Экрэм Імамаглу быў затрыманы раніцай 19 сакавіка. Яго і яшчэ каля 100 чалавек абвінавацілі ў карупцыйных злачынствах і стварэньні злачыннай групы, якая займалася вымагальніцтвам у бізнэсу.
Імамаглу, якога Рэспубліканская народная партыя рыхтуецца вылучыць кандыдатам у прэзыдэнты, назваў справу палітычна матываванай.
На фота: падчас пратэстаў у Турэччыне.
Прэм’ер Польшчы Туск пабываў на мяжы зь Беларусьсю
https://smarturl.click/Zy0av
Дональд Туск наведаў памежную заставу ў горадзе Крынкі Падляскага ваяводзтва, які мяжуе з Бераставіцкім раёнам Горадзенскай вобласьці.
Ён заявіў, што Польшча дасягнула «98% эфэктыўнасьці затрыманьняў» нелегальных мігрантаў, якія імкнуцца перасячы мяжу зь беларускай тэрыторыі.
Паводле яго слоў, агулам на мяжы зь Беларусьсю знаходзіцца 11 тысяч вайскоўцаў, памежнікаў і паліцыянтаў.
На фота міністэрства нацыянальнай абароны Польшчы нарада з удзелам кіраўніцтва польскага ўраду ў Крынках.
Кампанія Boeing выйграла тэндэр на выраб зьнішчальніка шостага пакаленьня F-47
https://smarturl.click/AdvEY
У ЗША паведамілі пра перамогу карпарацыі Boeing у тэндэры на распрацоўку зьнішчальніка шостага пакаленьня.
Зьнішчальнік паступіць на ўзбраеньне пад назовам F-47.
ВПС ЗША хочуць атрымаць новы самалёт, што валодае далёкасьцю, хуткасьцю і прыхаванасьцю, якія дазводяць яму супрацьстаяць сучасным і пэрспэктыўным сыстэмам узбраеньня патэнцыйных супернікаў, напрыклад, Расеі і Кітая.
Мяркуецца, што гэтыя зьнішчальнікі будуць суправаджацца ў баявых вылетах аўтаматызаванымі бесьпілётнікамі-кампаньёнамі.
Графічная візуалізацыя, прадастаўленая ВПС ЗША, паказвае плятформу самалёта новага пакаленьня F-47
Лёнданскі аэрапорт «Хітроў» цалкам аднавіў працу пасьля пажару
https://smarturl.click/O05zz
У пятніцу больш за 1300 рэйсаў былі адмененыя.
Пажар на падстанцыі абясточыў аэрапорт і больш за 60 000 бліжэйшых аб’ектаў.
Паліцыя заявіла, што не разглядае інцыдэнт як падазроны, хоць расьсьледаваньне працягваецца.
На фота аэрапорт «Хітроў».
Пасланьнік Трампа прызнаў, што галоўная праблема ўрэгуляваньня вайны ва Ўкраіне — статус акупаваных Расеяй тэрыторыяў
https://smarturl.click/w9WB7
Паводле слоў спэцпрадстаўніка прэзыдэнта ЗША Стывена Ўіткафа, гэтыя тэрыторыі дэ-факта знаходзяцца пад кантролем Расеі, і галоўная дыскусія ў тым, ці прызнае іх сьвет расейскімі.
Украіна і краіны Захаду не прызналі маніпулятыўныя рэфэрэндумы на акупаваных Расеяй тэрыторыях.
Прэзыдэнт Ўкраіны Зяленскі раней расказаў аб прынцыпах мірнага пляну, які прадставяць партнэрам у ЗША: «Украіна не прызнае акупацыю Расеяй тэрыторый».
На фота спэцпрадстаўнік прэзыдэнта ЗША Стывен Уіткаф.
Памёр былы падвойны агент КДБ і МІ-6 Алег Гардзіеўскі
https://smarturl.click/AdpvY
Былы агент савецкай і брытанскіх выведак Алег Гардзіеўскі памёр на 87-м годзе жыцьця ў сваім доме ў Вялікай Брытаніі.
Ён змог уцячы з СССР у апошні момант перад выкрыцьцём, пазьней у яго быў завочны вырак да расстрэлу, які не адмянілі і ў сучаснай Расеі.
На фота Алег Гардзіеўскі.
Галоўнае за 21 сакавіка
📌 У Беларусі працягваюць судзіць за дывэрсіі на чыгунцы, пакаралі за гэта як мінімум 34 чалавекі
📌 Улады Беларусі плянуюць скараціць пералік тавараў, на якія рэгулююцца цэны. Што гэта значыць?
📌 Дыпляматы эўрапейскіх краінаў усклалі кветкі да мэмарыялу ў Хатыні ў гадавіну зьнішчэньня вёскі
📌 «Гэта робіцца „на адчапіся“». Як беларускія заводы судзяцца за скасаваньне санкцыяў. БМЗ ужо двойчы прайграў такі суд
📌 Лукашэнка выказаўся за стварэньне майнінгавых фэрмаў у Магілёўскай вобласьці
📌 15 незалежных беларускіх СМІ і тры мэдыяарганізацыі падпісалі Кодэкс этыкі журналістаў
📌 «І лёд пад мной ня хруснуў». Антаніна Канавалава распавяла, як рызыкавала жыцьцём, уцякаючы зь Беларусі
📌 Падзеі тыдня: Абстрэлы Ўкраіны пасьля размовы Трампа з Пуціным. Ці блеф «Арэшнік»? Дзень Волі для Лукашэнкі
📌 Інаўгурацыя Лукашэнкі і Дзень Волі. Вынікі тыдня з Карбалевічам
📌 Урад Украіны зацьвердзіў палажэньне аб блякаваньні тэле- і радыёвяшчаньня з тэрыторыі Беларусі
Трамп паведаміў пра абмеркаваньне мірнай дамовы па Ўкраіне, якая ўключае «падзел тэрыторый»
https://smarturl.click/Zy33d
Прэзыдэнт ЗША Дональд Трамп паведаміў пра абмеркаваньне спыненьня агню ва Ўкраіне і анансаваў мірную дамову, у рамках якой будзе вырашанае пытаньне «падзелу тэрыторый». Пра гэта Трамп сказаў падчас прэс-брыфінгу ў Белым доме.
Дыпляматы эўрапейскіх краінаў усклалі кветкі да мэмарыялу ў Хатыні ў гадавіну зьнішчэньня вёскі
https://smarturl.click/jk55y
Пра гэта паведаміў кіраўнік прадстаўніцтва Эўразьвязу ў Беларусі Стэн Нэрлаў. У сваім акаўнце ў Х ён напісаў:
«82 гады таму нацысты спалілі датла беларускую вёску Хатынь разам з жыхарамі. Сёньня ў мэмарыяле «Хатынь» дыпляматы Эўразьвязу, Вялікай Брытаніі і Швайцарыі ўшанавалі памяць незьлічоных жыцьцяў, загінуўшых у жорсткай вайне. Няхай новыя пакаленьні ніколі не зазнаюць паўтарэньня. #NeverForget»
Лукашэнка выказаўся за стварэньне майнінгавых фэрмаў у Магілёўскай вобласьці
https://smarturl.click/Da990
Ідэю стварэньня майнінгавых цэнтраў у Магілёўскай вобласьці падтрымаў Аляксандр Лукашэнка, заявіў журналістам 21 сакавіка пасьля сустрэчы зь ім старшыня Магілёўскага аблвыканкаму Анатоль Ісачэнка. Працэс майнінгу зьвязаны з высокім спажываньнем электраэнэргіі. Сёлета ў студзені Лукашэнка выказаў меркаваньне, што другую атамную электрастанцыю можна было б пабудаваць на поўдзень ад Магілёва.
У Расеі за антываенную пазыцыю на 16 гадоў зьняволеньня засудзілі дысыдэнта савецкіх часоў
https://smarturl.click/l5oMM
Першы Заходні акруговы вайсковы суд у Пецярбургу прызначыў 16 гадоў пазбаўленьня волі публіцысту і праваабаронцу, дысыдэнту часоў СССР Аляксандру Скобаву нібыта за «апраўданьне тэрарызму» і «ўдзел у тэрарыстычнай супольнасьці». У апошнім слове Скобаў, у прыватнасьці, сказаў:
«Сёньня мяне будуць пытаць, ці прызнаю я сябе вінаватым. Дык вось, тут абвінавачваю я! Абвінавачваю сьмярдзючую трупань і кіроўную пуцінскую зграю ў падрыхтоўцы, разьвязваньні і вядзеньні агрэсіўнай вайны, у ваенных злачынствах ва Ўкраіне, у палітычным тэроры ў Расеі, у разбэшчваньні майго народу. І гэта я пытаю тут прыслужнікаў рэжыму: ці вы прызнаяце сябе вінаватымі ў саўдзеле ў пуцінскіх злачынствах?»
У МУС Беларусі назвалі хлусьнёй зьбіцьцё расейскага коміка і прыгразілі адказнасьцю за паклёп
https://smarturl.click/1dn2Y
Намесьнік міністра ўнутраных спраў, начальнік крымінальнай міліцыі Беларусі Генадзь Казакевіч паведаміў, што 17 сакавіка ў Нацыянальным аэрапорце «Менск» затрымалі Арцемія Астаніна на запыт расейскіх сілавікоў, якія яго шукалі праз падазрэньне ў «распальваньні варожасьці».
Ён падкрэсьліў, што «пры затрыманьні і этапіраваньні гэтага грамадзяніна якая-небудзь фізычная сілы і іншыя недазволеныя мэтады да яго не прымяняліся. Беларускія сілавікі дзейнічалі цалкам адпаведна нацыянальнаму заканадаўству».
Пра тое, што супрацоўнікі сілавых органаў Беларусі падчас затрыманьня зламалі рэбры і хрыбетнік расейскаму стэндап-коміку Арцемію Астаніну, заявіў ягоны адвакат.
На фота: намесьнік міністра ўнутраных спраў, начальнік крымінальнай міліцыі Беларусі Генадзь Казакевіч. Архіў
Расейскія дроны атакавалі Кіеў, загінулі тры чалавекі. Над Расеяй зьбілі 59 дронаў
У ноч на 23 сакавіка расейскае войска атакавала бесьпілётнікамі сталіцу Ўкраіны Кіеў. Паводле зьвестак гарадзкой адміністрацыі, тры чалавекі загінулі, у тым ліку пяцігадовае дзіця, яшчэ 10 атрымалі раненьні.
Сярод загінулых бацька і яго маленькая дачка. Самаму малодшаму пацярпеламу — 11 месяцаў. Паветраная трывога працягвалася больш за пяць гадзінаў. https://smarturl.click/w9B9W
Якія мясьціны ў Вільні зьвязаныя з БНР. Мапа і адрасы для наведваньня да Дня волі
https://smarturl.click/PQ8B
Незалежнасьць Беларускай Народнай Рэспублікі (БНР) была абвешчана амаль 107 год таму, 25 сакавіка 1918 году ў Менску.
Вільня на той момант усё яшчэ заставалася часткай беларускага палітычнага і культурніцкага кантэксту.
Тут жылі Антон Луцкевіч і Вацлаў Ластоўскі, які ўзначальвалі Раду народных міністраў БНР, а таксама іншыя прадстаўнікі беларускага руху.
Сёньня ў Вільні празь няспынныя рэпрэсіі на радзіме апынуліся дзясяткі тысяч беларусаў.
Горад зноў адыгрывае важную ролю ў беларускай палітыцы, хоць і належыць іншай дзяржаве.
Свабода прапануе чытачам невялікую прагулку па мясьцінах Вільні, зьвязаных з гісторыяй БНР.
Галоўнае за 22 сакавіка
22 сакавіка – дзень памяці Кастуся Каліноўскага
Два байцы палка імя Каліноўскага ўжо 1000 дзён у расейскім палоне, але дакладна іх лёс невядомы
Кампанія Boeing выйграла тэндэр на выраб зьнішчальніка шостага пакаленьня F-47
Лёнданскі аэрапорт «Хітроў» аднавіў працу пасьля пажару на электрападстанцыі
У Беларусі за мінулы год колькасьць эканамічных злачынстваў вырасла на 20 працэнтаў
Расея атакавала 4 вобласьці Ўкраіны, у Запарожжы загінула сям’я з трох чалавек
Пасланьнік Трампа прызнаў, што галоўная праблема ўрэгуляваньня вайны ва Ўкраіне — статус акупаваных Расеяй тэрыторыяў
Памёр былы падвойны агент КДБ і МІ-6 Алег Гардзіеўскі
«Толькі славяне». Як у расейскіх дзяржаўных тэндэрах дыскрымінуюць па расавай прыкмеце
Праз год пасьля тэракту ў цэнтры «Крокус», што пад Масквой, расейскія сьледчыя назвалі арганізатараў
https://smarturl.click/4kwMx
22 сакавіка адкрылі помнік у памяць аб загіблых у тэракце ў падмаскоўнай канцэртнай залі, у якім загінула 145 чалавек.
Мэмарыял зьявіўся роўна праз год пасьля тэракту ў горадзе Краснагорску Маскоўскай вобласьці каля «Крокус Сіці Хол».
Акрамя гэтага, Сьледчы Камітэт Расеі паведаміў аб завяршэньні сьледзтва ў дачыненьні да 19 абвінавачаных па справе аб тэракце.
«На падставе сабраных доказаў сьледзтва прыйшло да высновы, што тэрарыстычны акт быў сплянаваны і арганізаваны спэцслужбамі недружалюбнай дзяржавы ў мэтах дэстабілізацыі абстаноўкі ў Расеі», — сьцьвярджае СК Расеі.
Кітай гатовы да адпраўкі салдат ва Ўкраіну пасьля вайны
https://smarturl.click/jkMBY
Кітайскія дыпляматы зьвярнуліся ў Эўразьвяз з просьбай узяць удзел у міратворчых сілах на тэрыторыі Ўкраіны. Удзел КНР у ініцыятыве можа ўзмацніць ціск на Расею ў перамовах, паведамляе нямецкае выданьне Welt am Sonntag са спасылкай на свае крыніцы.
Гэта можа ўзмацніць ціск на Расею ў мірных перамовах.
На ілюстрацыйным фота кітайскія салдаты.
Лекары навучыліся прадказваць узроставыя хваробы па аналізе крыві ў маладзейшым веку
https://smarturl.click/5OwkG
Новы маштабны аналіз дасьледаваньня старэньня ад брытанскіх навукоўцаў паказвае, што біялягічны ўзрост чалавечага органа можа прадказаць рызыку такіх хваробаў, як рак, дэмэнцыя і хваробы сэрца.
Аўтары спрабавалі вымераць разрыў паміж узростам чалавека і біялягічным узростам дзевяці яго органаў: сэрца, крывяносных судзінаў, печані, імуннай сыстэмы, падстраўнікавай залозы, нырак, лёгкіх, кішэчніка і мозгу.
«Толькі славяне». Як у расейскіх дзяржаўных тэндэрах дыскрымінуюць па расавай прыкмеце
https://smarturl.click/JDY1q
Нягледзячы на законы, якія забараняюць дыскрымінацыйную практыку прыёму на працу, расейскія дзяржаўныя структуры рэклямуюць вакансіі з патрабаваньнем, каб патэнцыйныя кандыдаты мелі «славянскую зьнешнасьць», паказала расьсьледаваньне Радыё Свабодная Эўропа / Радыё Свабода.
У Расеі суд забараніў некалькі аб’яў аб вакансіях у інтэрнэце, у якіх шукалі кандыдатаў «славянскай зьнешнасьці»,
расейскія дзяржаўныя структуры працягваюць выкарыстоўваць падобную дыскрымінацыйную фармулёўку ў публічных тэндэрах.
На фота ўдзельнікі нацыяналістычнага маршу ў Маскве ў лістападзе 2019 года.
Чаму пасьля дамоўленасьцей Трампа і Пуціна працягваюцца ўдары соцень дронаў. Аналіз Свабоды
https://smarturl.click/Q1z96
18 сакавіка адбылася тэлефонная размова прэзыдэнтаў ЗША і Расеі Дональда Трампа і Ўладзіміра Пуціна. Пуцін пагадзіўся спыніць расейскія ўдары па ўкраінскай энэргетычнай інфраструктуры.
Але яшчэ да завяршэньня размовы расейскія ўдарныя беспілётнікі былі ў паветры.
Празь некалькі хвілін пасьля завяршэньня гутаркі па ўкраінскіх энэргетычных і іншых аб’ектах былі нанесеныя ўдары, якія працягваліся гадзінамі.
А Ўкраіна ўдарыла па комплексе нафтаправодаў на поўдні Расеі.
На фота наступствы ўдараў расейскіх баявых дронаў па станцыі хуткай дапамогі ў горадзе Крапіўніцкі, Украіна, 20 сакавіка 2025 году.
22 сакавіка 1864 году на віленскім Лукіскім пляцы расейскія ўлады пакаралі сьмерцю на шыбеніцы Кастуся Каліноўскага, палітыка, публіцыста, аднаго зь лідэраў нацыянальна-вызваленчага паўстаньня беларусаў, палякаў і літоўцаў 1863-1864 гадоў. Ён стаў нацыянальным героем беларусаў. Паўстанцкія атрады, узначаленыя Каліноўскім, дзейнічалі ў асноўным на тэрыторыі цяперашняй Беларусі і вялі ўзброеную барацьбу з войскамі Расейскай імпэрыі. У студзені 1864 году Каліноўскага схапілі царскія жандары ў Вільні. Ваенна-палявы суд пастанавіў пакараць яго сьмерцю. Яму было 26 гадоў. Парэшткі Кастуся Каліноўскага былі знойдзеныя і ў 2019 годзе ўрачыста перапахаваныя ў Вільні.
Больш пра падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня»:
https://smarturl.click/qldzV
Урад Украіны зацьвердзіў палажэньне аб блякаваньні тэле- і радыёвяшчаньня з тэрыторыі Беларусі
https://smarturl.click/w9WWm
Палажэньне аб сыстэме спэцыяльнага тэлерадыёвяшчаньня зацьвердзіў 21 сакавіка Кабінэт міністраў Украіны, паведаміў у сваім тэлеграм-канале прадстаўнік ураду ў Вярхоўнай Радзе Тарас Мельнічук. Сыстэма спэцыяльнага тэлерадыёвяшчаньня прызначаная для «блякаваньня сыгналаў наземнага тэлевізійнага вяшчаньня і радыёвяшчаньня ў FM-дыяпазоне», якія распаўсюджваюцца з тэрыторыі Расеі, Беларусі і Прыднястроўскага рэгіёну Малдовы.
Інаўгурацыя Лукашэнкі і Дзень Волі. Вынікі тыдня з Карбалевічам
https://www.youtube.com/watch?v=8ukB-kW2-xg
ЦВК Беларусі прызначыў інаўгурацыю Аляксандра Лукашэнкі на 25 сакавіка — Дзень Волі. Нарэшце вырашылася загадка, чаму ўлады цягнулі з гэтай працэдурай, нават хавалі дату яе правядзеньня. Тым часам Трамп і Пуцін правялі перамовы. Палітычны аглядальнік Свабоды Валер Карбалевіч пра галоўныя падзеі тыдня.
Абстрэлы Ўкраіны пасьля размовы Трампа з Пуціным. Ці блеф «Арэшнік»? Дзень Волі для Лукашэнкі
https://youtu.be/RlxPzAZVPyY
Расея абстрэльвае і разбурае сацыяльную інфраструктуру Ўкраіны. Які рэальны вынік тэлефоннай размовы Трампа з Пуціным? Ці зьявіцца ў Беларусі «Арэшнік» да канца году, як абяцае Вальфовіч? Ці сапраўды беларускую вайсковую прамысловасьць рыхтуюць да новай вайны ў 2029 годзе? І навошта Лукашэнку праводзіць інаўгурацыю ў Дзень Волі? Абмяркоўваем найважнейшыя падзеі тыдня з украінскім экспэртам – палітолягам Георгіем Чыжовым і аглядальнікам Свабоды Юрыем Дракахрустам.
«І лёд пад мной ня хруснуў». Антаніна Канавалава распавяла, як рызыкавала жыцьцём, уцякаючы зь Беларусі
https://smarturl.click/YzDZv
Нядаўна былая палітзьняволеная Антаніна Канавалава здолела эміграваць зь Беларусі ў адну з краін Эўропы, дзе аб’ядналася са сваімі дзецьмі. Некаторымі дэталямі эміграцыі яна падзялілася ў інтэрвію Свабодзе.
Давераная асоба Сьвятланы Ціханоўскай на выбарах 2020 году, былая мадэратарка тэлеграм-каналу «Армія з народам» Антаніна Канавалава, якая адбыла за кратамі больш за 4 гады, выйшла на волю ў сьнежні 2024 году паводле памілаваньня.
Улады Беларусі плянуюць скараціць пералік тавараў, на якія рэгулююцца цэны. Што гэта значыць?
https://smarturl.click/w9WVm
Цэнавае рэгуляваньне ўрад увёў у 2022 годзе, каб стрымаць інфляцыю.
Дзяржаўнае рэгуляваньне цэн прывяло да праблем сыстэмы гандлю. Як паведамляе Белстат, у студзені 2025 году рэнтабельнасьць сыстэмы розьнічнага гандлю склала 1,4%. У 2024 годзе ў краіне было 97 стратных арганізацый розьнічнага гандлю, (у 2023 годзе такіх было 88), гэта 14,4% ад іх агульнай колькасьці. Сума стратаў на адну такую арганізацыю скала 2,8 мільёна рублёў.
Такім чынам праз замарозку цэнаў урадам гандаль, па-сутнасьці, ператварыўся ў беспрыбытковую дзейнасьць. Скарачэньне пераліку тавараў, цэны на якія рэгулююцца, як чакаецца, паскорыць інфляцыю.
Паводле Белстату, у лютым 2025 году спажывецкія цэны ў Беларусі вырасьлі на 1,3%, а за 2024 год інфляцыя склала 5,2%.
Да ўвядзеньня цэнавога рэгуляваньня рэнтабельнасьць продажаў у беларускім розьнічным гандлі складала 3-5%.
На фота: менская крама, архіў
Антаніна Канавалава выйшла з-за кратаў у сьнежні 2024 году, а ў сакавіку 2025-га змагла выехаць зь Беларусі. Яна расказала Свабодзе, як плянуе цяпер сваё жыцьцё.
Читать полностью…