16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Зяленскі пракамэнтаваў вынікі размовы Трампа і Пуціна
https://smarturl.click/JDYlg
Прэзыдэнт Украіны сказаў: «Мы заўсёды падрымлівалі ідэю не наносіць удараў па энэргетычных аб'ектах, а таксама па аб'ектах у моры, па вытворчасьці харчовых прадуктаў і па транспарце. Цяпер нам трэба зразумець дэталі гэтага пагадненьня. Мы гэтага ня ведаем. Без Украіны гэтыя рэчы папросту ня будуць рэалістычнымі».
«Вольных купалаўцаў» узнагародзілі прэміяй Міністэрства культуры Польшчы
https://smarturl.click/ny979
Тэатральная трупа «Вольныя купалаўцы» ўзнагароджаная ў Польшчы прэміяй з Фонду прасоўваньня культуры — гэта дзяржаўная праграма ў Польшчы, якую рэалізуе Міністэрства культуры. Праграма накіраваная на падтрымку разьвіцьця культуры і мастацтва ў краіне праз сацыяльную дапамогу артыстам.
Расейскае дзяржаўнае агенцтва ТАСС паведаміла, што Пуцін паінфармаваў Трампа пра абмен ваеннапалоннымі паміж Расеяй і Ўкраінай, 175 на 175, які адбудзецца 19 сакавіка.
https://smarturl.click/xBv7Z
У заяве Крамля гаворыцца пра пазыцыю расейскага боку, што галоўнай умовай дыпляматычнага разьвязаньне канфлікту павінна стаць «поўнае спыненьне замежнай ваеннай дапамогі і прадастаўленьня разведвальнай інфармацыі Кіеву».
Ці можа Эўразьвяз стаць «вайсковай супэрдзяржавай»? Аналіз Свабоды
https://smarturl.click/O0EkD
Усяго праз два тыдні пасьля саміту Эўрапейскага зьвязу, дзе лідэры блёка абяцалі выдаткаваць мільярды на абарону ў «паваротны момант для Эўропы», яны вяртаюцца ў Брусэль на новае пасяджэньне 20-21 сакавіка.
На гэты раз лідэры ЭЗ будуць працаваць над плянамі для ўзмацненьня абароннай аўтаноміі Эўропы на фоне пастаянных сумненьняў адносна абавязаньняў ЗША абараняць эўрапейскія краіны і даваць ваенную дапамогу Ўкраіне.
Нямеччына прагаласавала за гістарычнае павелічэньне выдаткаў на абарону
https://smarturl.click/e58lb
Нямецкія заканадаўцы прагаласавалі за тое, каб дазволіць значнае павелічэньне выдаткаў на абарону і інфраструктуру. Больш за дзьве траціны дэпутатаў бундэстагу, што неабходна для зьменаў, ухвалілі такое рашэньне ў аўторак.
З 19 сакавіка мяжу Беларусі і Латвіі нельга будзе перасякаць пешшу або на ровары
https://smarturl.click/4kjBD
Міністэрства ўнутраных спраў Латвіі на прапанову Дзяржаўнай памежнай аховы ўводзіць абмежаваньні на пункце пропуску «Патэрніекі» (зь беларускага боку Грыгараўшчына) на мяжы зь Беларусьсю.
Выйшаў новы даклад пра катаваньні ў Беларусі, у якім сьведкі расказваюць пра жорсткасьць ГУБАЗіКу
https://smarturl.click/Adp73
Міжнародны камітэт расьсьледаваньня катаваньняў у Беларусі апублікаваў расьсьледаваньне, у якім падаў новыя доказы сыстэмных катаваньняў і жорсткага абыходжаньня з беларусамі, якія бралі ўдзел у пратэстах.
Расьсьледаваньне пад назвай «„Сардэчна запрашаем у гестапа“: катавальня ГУБАЗіКа у асобах» раскрывае асобы некаторых сілавікоў, адказных за рэпрэсіі і гвалт супраць мірных грамадзян у ходзе падзей 2020 году і пазьней.
Ціханоўская папрасіла ў эўрапейскіх міністраў падтрымкі незалежных СМІ і грамадзянскай супольнасьці
https://smarturl.click/VDQ9j
18 сакавіка Сьвятлана Ціханоўская наведвае з працоўным візытам Брусель. Раніцай яна прыняла ўдзел у сустрэчы міністраў краін ЭЗ у эўрапейскіх справах. Яна заклікала міністраў да актыўных дзеяньняў, каб вывесьці Беларусь з палітычнага крызісу, паведаміла яе прэсавая служба.
На фота: Сьвятлана Ціханоўская, міністар па эўрапейскіх справах Польшчы Адам Шлапка, эўракамісарка ў пытаньнях пашырэньня ЭЗ Марта Кос. Брусэль, 18 сакавіка 2025
Польшча і краіны Балтыі агучылі пляны выхаду з дамовы аб супрацьпяхотных мінах, спасылаючыся на пагрозу ад Расеі
https://smarturl.click/EeLp5
Польшча і тры балтыйскія краіны заявілі ў аўторак, што хочуць выйсьці з міжнароднай канвэнцыі, якая забараняе супрацьпяхотныя міны з-за растучай пагрозы з боку Расеі для прыфрантавых дзяржаў NATO, паведамляеAP.
Міністры абароны Польшчы, Літвы, Латвіі і Эстоніі выступілі з сумеснай заявай, што яны «аднагалосна рэкамэндуюць выйсьці з Атаўскай канвэнцыі» — міжнароднай канвэнцыі аб забароне супрацьпяхотных мін, якая ўступіла ў сілу ў 1999 годзе.
Яны сьцьвярджаюць, што сытуацыя з бясьпекай уздоўж усходняга флянгу NATO «фундамэнтальна пагоршылася» пасьля таго, як яны падпісалі Канвэнцыю аб забароне супрацьпяхотных мін, і што «ваенныя пагрозы краінам-сябрам NATO, якія мяжуюць з Расеяй і Беларусьсю, значна ўзрасьлі».
Фота ілюстрацыйнае
КДБ дадаў у «сьпіс тэрарыстаў» зьняволенага кіраўніка зьліквідаванай партыі «Зялёныя»
https://smarturl.click/gpGY2
Камітэт дзяржаўнай бясьпекі абнавіў сьпіс «асоб, якія маюць дачыненьне да тэрарыстычнай дзейнасьці» — там зьявіліся прозьвішчы яшчэ дванаццаці чалавек.
Цяпер у «тэрарыстычным сьпісе» 1259 чалавек, з іх больш за 550 — беларусы.
Улады Беларусі выкарыстоўваюць сьпіс тэрарыстаў для ўзмацненьня ціску на няўгодных і палітычных апанэнтаў, пагаршэньня становішча палітвязьняў у турмах.
На фота: кіраўнік зьліквідаванай партыі «Зялёныя» Зьміцер Кучук, архіў.
Якія імпрэзы да Дня волі 25 сакавіка рыхтуюцца за мяжой. Сьпіс
https://smarturl.click/EeLb5
Дзень Волі сёлета будуць актыўна адзначаць беларусы ў эміграцыі, у Беларусі зьбірацца на гэтае сьвята пасьля 2020 году небясьпечна.
Сьвятлана Ціханоўская апублікавала ў сваім тэлеграм-канале сьпіс імпрэз да Дня абвяшчэньня незалежнасьці БНР 25 сакавіка, у якіх можна будзе ўзяць удзел беларусам у эміграцыі. Адзначаць масава галоўнае беларускае грамадзкае сьвята ў Беларусі цяпер небясьпечна.
На фота: сьвяткаваньне Дня волі ў Вільні, 25 сакавіка 2022
Міністар аховы здароўя Беларусі сказаў, што ў лекараў «годныя заробкі», і назваў лічбу
https://smarturl.click/YzDQ0
«На цяперашні момант сярэдні заробак лекара ў нашай краіне складае 3189 рублёў. Гэта паказьнік, якім мы можам ганарыцца. Мы імкнемся да дасягненьня мэтавага паказьніка ў 150% ад сярэднерэспубліканскага заробку, і сёньня мы блізкія да яго выкананьня», — працытавала выданьне «Люстэрка» Аляксандра Хаджаева зь ягонага інтэрвію тэлеканалу СТВ.
Сярэдні заробак да аплаты падаткаў у ахове здароўя ў студзені 2025 году складаў 2049,1 рубля, што на 118,6 рубля менш у параўнаньні з сьнежнем 2024 году (2167,7 рубля). Лекары ў студзені атрымалі 3793,8 рубля, што перавысіла паказьнікі мінулага месяца, калі іх заробак складаў 3723,2 рубля.
Фота ілюстрацыйнае
«Беларускую ваенную прамысловасьць рыхтуюць да новай вайны ў 2029 годзе»
https://www.youtube.com/live/h868RfpKQP4
У большасьці беларускіх прадпрыемстваў, якія вырабляюць ваенную прадукцыю для Расеі, выхад на найвялікшыя вытворчыя магутнасьці заплянаваны на 2027-28 год, кажа Ўладзімер Жыгар, прадстаўнік арганізацыі былых сілавікоў BelPol:
«Зыходзячы з той інфармацыі, якой валодаем мы, зыходзячы з таго, што мы бачым па розных дакумэнтах, з таго, як прадстаўнікі Берасьцейскай, Горадзенскай і Гомельскай вобласьці езьдзяць на тэрыторыю Расейскай Фэдэрацыі і глядзяць, як там ствараюцца умацаваныя збудаваньні, умацаваныя раёны, мы разумеем з высокай доляй верагоднасьці, што гэта не накіраванае толькі на цяперашнюю вайну ва Ўкраіне».
Галоўнае за 17 сакавіка
📌 У Брусэлі выказалі падтрымку Радыё Свабода і Голасу Амэрыкі. З заявамі выступілі кіраўнікі МЗС Чэхіі і Літвы
📌 «Не ўяўляю беларускія СМІ без Свабоды»: Палітыкі, праваабаронцы і журналісты выказваюцца ў падтрымку Радыё Свабода
📌 Японца Наканісі Масатосі асудзілі да 7 гадоў калёніі за «агентурную дзейнасьць»
📌 «ПіК Свабоды». Чаму рэзыдэнцыя Лукашэнкі — хабар ад расейскага алігарха?
📌 «Вясна»: у Беларусі паводле «тэрарыстычных артыкулаў» КК асудзілі 133 чалавек
📌 У Менску паведамілі аб пачатку рэканструкцыі закрытага ўладамі Чырвонага касьцёла
📌 У Беларусі зафіксавалі першы выпадак сьмерці падлетка ад электроннай цыгарэты
📌 У Беларусі зьнялі з паказу аскараносны мультфільм «Плынь». Гэтага дамагаліся аўтары
📌 Стала вядомая прычына часовага закрыцьця пункту пропуску на мяжы Беларусі і Латвіі
ЖЫВЫ ЭФІР. Чаму рэзыдэнцыя Лукашэнкі — хабар ад расейскага алігарха? Тлумачыць прадстаўнік BelPol
❓Задавайце вашы пытаньні ў камэнтары пад відэа на Youtube:
https://www.youtube.com/live/h868RfpKQP4
А 20.30 паводле менскага часу на Youtube-канале Свабода Premium у жывым эфіры расказвае Ўладзімер Жыгар, прадстаўнік арганізацыі былых сілавікоў BelPol.
Сярод іншага, ён адкажа на такія пытаньні:
🔸Якія доказы, што рэзыдэнцыя «Краснасельскае» за дзясяткі мільёнаў даляраў з трыма дамамі на агульнай плошчы 11 гектараў сапраўды належыць Лукашэнку?
🔸Колькі беларускіх камэрцыйных прадпрыемстваў бяруць удзел у пастаўках зброі Расеі і абыходзе санкцыяў?
🔸Якую інфармацыю пра ваеннае супрацоўніцтва з Расеяй Лукашэнка хацеў бы схаваць?
«"Свабода" патрэбная беларусам, каб супрацьстаяць прапагандзе, а таксама русіфікацыі і паўзучай акупацыі з боку Расеі».
Вядомыя беларусы выказаліся ў падтрымку Радыё Свабода
Галоўнае за 18 сакавіка
📌 Белы дом: Трамп і Пуцін пагадзіліся пачаць шлях да міру з 30-дзённай адмовы ад ўдараў па энэргетычнай інфраструктуры
📌 Парлямэнт Нямеччыны прагаласаваў за гістарычнае павелічэньне выдаткаў на абарону
📌 Выйшаў новы даклад пра катаваньні ў Беларусі, у якім сьведкі расказваюць пра жорсткасьць ГУБАЗіКу
📌 10 эўрапейскіх краін падтрымалі ініцыятыву Чэхіі пераняць ад ЗША фінансаваньне Радыё Свабода
📌 «ПіК Свабоды». Што Эўропа можа зрабіць для Беларусі, Украіны і сьвету?
📌 Ціханоўская папрасіла ў эўрапейскіх міністраў падтрымкі незалежных СМІ і грамадзянскай супольнасьці
📌 Аб’яднаны пераходны кабінэт Беларусі прыняў заяву аб падтрымцы дзейнасьці Радыё Свабода
📌 Новы прэм’ер Беларусі расказаў, ці плянуюць эмісію грошай для забесьпячэньня стабільнасьці эканомікі
📌 Ва Ўкраіне вырашылі прадаць на аўкцыёне арыштаваныя беларускія грузавікі
📌 У Польшчы за гандаль наркотыкамі судзяць дваіх беларусаў
📌 У Беларусі ўзброілі ахову калёніяў і дазволілі кіраўнікам папраўчых установаў праводзіць спэцыяльныя апэрацыі
Белы дом: Трамп і Пуцін пагадзіліся пачаць шлях да міру з 30-дзённай адмовы ад ўдараў па энэргетычнай інфраструктуры
https://smarturl.click/xBv7Z
Прэзыдэнт ЗША Дональд Трамп правёў тэлефонную размову з Уладзімірам Пуціным 18 сакавіка. Паводле прэсавай службы Белага дому, Трамп і Пуцін пагадзіліся пачаць шлях да міру з 30-дзённай адмовы ад ўдараў па энэргетычнай інфраструктуры паміж Расеяй і Ўкраінай.
Што можа Эўропа зрабіць для Беларусі, Украіны і сьвету?
Ці памяняецца палітыка Эўропы адносна Беларусі? Ці можа Эўразьвяз замяніць амэрыканскую падтрымку Ўкраіны? Ці возьме Эўропа на сябе цяжар «мяккай сілы»? На гэтыя пытаньні Юрыя Дракахруста ў праграме «ПіК Свабоды» адказвае палітычны аналітык Арцём Шрайбман.
https://youtu.be/HBqCnLYz-lc
10 эўрапейскіх краін падтрымалі ініцыятыву Чэхіі пераняць ад ЗША фінансаваньне Радыё Свабода
https://smarturl.click/ppb97
Чэскі міністар па справах Эўропы Марцін Дворжак паведаміў сёньня, што ініцыятыву яго краіны па пошуку фінансаваньня для Радыё Свабодная Эўропа/Радыё Свабода падтрымалі 10 краін Эўразьвязу.
Расейскага коміка затрымалі ў Беларусі пасьля жарту, у якім убачылі зьнявагу ўдзельнікаў расейскай вайны супраць Украіны
https://smarturl.click/B6oA0
Супрацоўнікі ГУБАЗіК паведамілі, што затрымалі ў Беларусі расейскага коміка Арцемія Астаніна, якога вінавацяць у глумленьні над удзельнікамі расейскай вайны ва Ўкраіне. Як паведамляе адзін з ТГ-каналаў беларускіх сілавікоў, ён нібыта хацеў празь Менск паляцець у трэцюю краіну. На канале выставілі ягонае фота каля мяжы Беларусі і Расеі зь мясарубкай на шыі.
Лукашэнка абмеркаваў з кіраўніком МЗС аднаўленьне даверу ў дачыненьнях з Захадам
https://smarturl.click/VDQ9Z
У той жа час міністар замежных спраў Максім Рыжанкоў не ўдакладніў, якія краіны маюцца на ўвазе.
Дзяржаўнае агенцтва ў гэтым кантэксьце нагадала, што Аляксандар Лукашэнка ў канцы 2024 году сьцьвярджаў, што ЗША нібыта зьвярталіся па пашырэньне дыпляматычнай прысутнасьці ў Беларусі. Аднак афіцыйных пацьвярджэньняў такіх просьбаў няма.
29 сьнежня 2024 году, знаходзячыся ў Ленінградзкай вобласьці Расеі Аляксандар Лукашэнка заявіў расейскім журналістам, што ЗША «ужо цэлы год просяць павялічыць штаты ў пасольстве да сотні чалавек».
На фота: Максім Рыжанкоў у АБСЭ ў лютым 2025 году. Архіў
Новы прэм’ер Беларусі расказаў, ці плянуюць эмісію грошай для забесьпячэньня стабільнасьці эканомікі
https://smarturl.click/xBvxn
«Адказваючы на пытаньне, якое, напэўна, хвалюе ўсё наша грамадзтва, аб тым, што зараз новы ўрад разам з Нацыянальным банкам надрукуе такую колькасьць грошай, што эканоміка абваліцца, будзе гіпэрінфляцыя, валютны курс абваліцца, хачу ўсіх супакоіць. [...] Ува ўрадзе і Нацыянальным банку працуюць дастаткова кампэтэнтныя людзі, якія разумеюць усе выклікі і рызыкі», — сказаў Аляксандар Турчын пасьля сустрэчы з Лукашэнкам.
Паводле яго, калі эмісія адбываецца ў разумных аб’ёмах, то гэта ня мае нэгатыўнага ўплыву на эканоміку. «Друкаваньне грошай без разумных падыходаў, паверце, гэтая сытуацыя ў нашай краіне выключана», — заявіў ён.
У Беларусі колькасьць наяўных грошай пачала расьці з 2022 году, калі за падтрыманьне расейскай агрэсіі супраць Беларусі пачалі ўводзіць эканамічныя санкцыі і магчымасьці замежнага гандлю для Беларусі звузіліся.
На фота: Аляксандар Турчын. Архіў
Ва Ўкраіне затрымалі беларуса за спробу перасекчы мяжу з падробленым пашпартам Малдовы. Яго выправадзяць з Украіны
https://smarturl.click/6718g
Беларус спрабаваў 11 сакавіка выехаць з тэрыторыі Ўкраіны ў кірунку Малдовы з падробленым малдоўскім пашпартам.
Як высьветлілі ў часе паглыбленай праверкі, пашпарт быў нядзейным — старонка з інфармацыяй аб асобе была наклеена паверх арыгіналу. Таксама былі падробленыя штампы аб перасячэньні дзяржаўнай мяжы на ўезд ва Ўкраіну.
У беларуса таксама знайшлі пасьведчаньне аб нараджэньні, выдадзенае ў 1983 годзе ў Менску, пасьведчаньне аб прыпісаньні да прызыўнога ўчастку Міністэрства абароны Беларусі, выдадзенае ў 2000 годзе, і працоўную кніжку на ягонае імя.
Раней яго ўжо затрымлівалі пры спробе незаконна перасекчы мяжу Ўкраіны з Польшчай.
На фота: украінскі памежны кантроль, архіў
У Беларусі ўзброілі ахову калёній і дазволілі кіраўнікам папраўчых устаноў праводзіць спэцапэрацыі
https://smarturl.click/jk5Gj
Намесьнік міністра ўнутраных спраў, камандуючы ўнутранымі войскамі Беларусі Мікалай Карпянкоў заявіў аб узбраеньні каравулаў, каб «супрацьдзейнічаць тэрарыстам».
«Яшчэ адзін наш рашучы крок, падтрыманы міністрам унутраных спраў: ва ўсіх папраўчых установах каравулы даўзброеныя і прайшлі дадатковую падрыхтоўку для эфэктыўнага супрацьдзеяньня тэрарыстам», — сказаў Мікалай Карпянкоў у інтэрвію выданьню sb.by.
Мікалай Карпянкоў таксама расказаў, хто складае аснову народнага апалчэньня.
На фота: намесьнік міністра ўнутраных спраў, камандуючы ўнутранымі войскамі МУС Беларусі Мікалай Карпянкоў на вучэньнях унутраных войскаў зь нестатутным шаўронам «па матывах» ПВК «Вагнэр». Архіў.
Трамп перад размовай з Пуціным заявіў, што многія элемэнты канчатковага пагадненьня па Ўкраіне ўзгодненыя
https://smarturl.click/671dg
Прэзыдэнт ЗША Дональд Трамп плянуе правесьці тэлефонную размову з Уладзімірам Пуціным 18 сакавіка.
Многія элемэнты канчатковага пагадненьня па Ўкраіне былі ўзгодненыя, але многае яшчэ трэба зрабіць, заявіў прэзыдэнт ЗША Дональд Трамп перад сёньняшняй тэлефоннай размовай з прэзыдэнтам Расеі Ўладзімірам Пуціным.
«Заўтра раніцай я буду гаварыць з прэзыдэнтам Пуціным аб вайне ва Ўкраіне. Многія элемэнты канчатковага пагадненьня былі ўзгоднены, але шмат яшчэ трэба зрабіць. Гінуць тысячы маладых салдат. Кожны тыдзень з абодвух бакоў гіне 2500 салдат, і гэта павінна спыніцца зараз, я вельмі чакаю размовы з прэзыдэнтам Пуціным», — напісаў ён у сацыяльнай сетцы Truth Social.
На фота: прэзыдэнт ЗША Дональд Трамп
18 сакавіка 1921 году паміж РСФСР і Польшчай была падпісаная Рыская дамова, згодна зь якой заходнія землі Беларусі перадаваліся пад уладу Польшчы, а ўсходнія ўваходзілі ў склад РСФСР. Тэрыторыя БССР на той час складалася з 6 паветаў Менскай губэрні. Якуб Колас пра гэта пісаў:
Нас падзялілі — хто? Чужаніцы,
Цёмных дарог махляры.
К чорту іх межы! К д’яблу граніцы!..
Нашы тут гоні, бары!
Больш пра падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня»: https://smarturl.click/4kjQX
Архібіскуп Кандрусевіч, які праходзіць хіміятэрапію, расказаў пра сваё анкалягічнае захворваньне
https://smarturl.click/0e3dL
Архібіскуп-эмэрыт Тадэвуш Кандрусевіч запісаў відэазварот, у якім паведамляе пра стан свайго здароўя. Зварот апублікаваны на YouTube-канале catholic. by
Герарх паведаміў, што два гады таму ў яго знайшлі рак — мэляному, пасьля чаго зрабілі апэрацыю. Потым Кандрусевіч пэрыядычна праходзіў абсьледаваньне. Два тыдні таму ў яго знайшлі мэтастазы ў лёгкіх.
Барацьба за справядлівы сьвет ці «Ялта 2»? Як Лукашэнка прэзэнтуе два супрацьлеглыя праекты сьветаўладкаваньня
Лукашэнка ў Маскве адначасова разважаў пра неабходнасьць змаганьня за справядлівы сьвет і вітаў права вялікіх дзяржаў ствараць міжнародную сыстэму пад свае патрэбы і інтарэсы. Ён не ўсьведамляе іх узаемавыключнасьць. Бо такі ягоны палітычны стыль і асаблівасьці сьвядомасьці.
Піша Валер Карбалевіч:
https://smarturl.click/vwlAR
У Літве заявілі аб датычнасьці расейскай выведкі да арганізацыі падпалу IKEA ў Вільні ў 2024 годзе
https://smarturl.click/0e3aW
Праваахоўныя органы Літвы перадалі ў суд справу супраць двух грамадзян Украіны, якіх абвінавацілі ў незаконным захоўваньні выбухоўкі і ўчыненьні тэрарыстычнага акту ў віленскім гандлёвым цэнтры IKEA 9 траўня 2024 году.
«Сабраныя зьвесткі дазволілі прыйсьці да высновы, што арганізатар — расейская вайсковая выведка. У гэтай частцы расьсьледаваньне працягваецца», — працытавала выданьне delfi.lt галоўнага пракурора Дэпартамэнту расьсьледаваньня арганізаваных злачынстваў Генэральнай пракуратуры Літвы Артураса Ўрбяліса.