16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Ва Ўкраіне ў міжнародны вышук абвясьцілі ўраджэнца Беларусі за ваенныя злачынствы на Херсоншчыне
https://smarturl.click/vwl2v
Да вайны ураджэнец Беларусі Сяргей Вайда быў настаяцелем Сьвята-Усьпенскага храму ў хутары Хавердоўскі ў Паўлаўскім раёне Краснадарскага краю. Ён актыўна ўдзельнічаў ва ўсіх мерапрыемствах Кубанскага казацкага войска, прадстаўнікі якога першымі падтрымалі ваеннае ўварваньне Расеі ва Ўкраіну.
На фота: наступствы расейскага абстрэлу Белазёркі, дзе ураджэнец Беларусі ўчыніў ваеннае злачынства. Населены пункт вызвалілі з акупацыі ў лістападзе 2022 году, але расейскія войскі наносяць па ім штодзённыя ўдары
Прадстаўнікі ЗША і Ўкраіны пачалі перамовы ў Саудаўскай Арабіі. Хто ў складзе дэлегацый
https://smarturl.click/opL4n
У саудаўскай Джыдзе пачаліся важныя перамовы паміж Украінай і ЗША. Журналісты ненадоўга ўвайшлі ў пакой, каб убачыць абодва бакі, калі сустрэча пачалася ў гатэлі ў партовым горадзе Чырвонага мора ў аўторак, піша AP.
Дзяржсакратар ЗША Марка Рубіё ўсьміхаўся на камэру, у той час як украінскія чыноўнікі сядзелі без выразаў твару за сталом насупраць.
Міністар замежных спраў Саудаўскай Арабіі прысутнічаў на перамовах. На заднім пляне стаялі амэрыканскі, саудаўскі і ўкраінскі сьцягі. Чыноўнікі не адказвалі ні на якія гучныя пытаньні.
На фота: Дзяржсакратар ЗША Марка Рубіё пасьля прыбыцьця ў Джыду. 10 сакавіка 2025
Авіярэйсы зь Менска ў маскоўскія аэрапорты «Ўнукава», «Шарамецьева» і «Дамадзедава» і ў адваротным кірунку затрымліваюцца на некалькі гадзін.
Гэта вынікае з графіку чаканьняў прылёту і адлёту самалётаў зь Менску і Масквы, які можна пабачыць на афіцыйным сайце Нацыянальнага аэрапорту «Менск».
У той жа час, на сайце не паведамляюць аб прычынах затрымак. Імаверна, гэта стала наступствам інтэнсіўнай атакі дронаў на расейскую сталіцу.
На ілюстрацыі: скрын з афіцыйнага сайту Міжнароднага аэрапорту «Менск»
«Чаму чалавек павінен цябе чакаць 10 гадоў?» Гісторыі палітвязьняў, якія разышліся з партнэрамі праз зьняволеньне
https://smarturl.click/Adpe9
Пасьля 2020 году тысячы чалавек сядзелі і працягваюць сядзець за кратамі ў Беларусі за палітыку. Ня ўсіх дачакаліся з турмы іхнія партнэры або сужэнцы. Некаторыя палітвязьні вырашылі самі скончыць адносіны, на якія паглядзелі інакш. Імаверна, хтосьці разрывае саюз дзеля бясьпекі сваёй або іншых людзей. Нехта — праз розьніцу ў палітычных поглядах. Прычын можа быць больш.
Расказваем тры гісторыі былых палітвязьняў, якія рассталіся з партнэрамі ў турме або пасьля яе. Мы не называем сапраўдныя імёны суразмоўцаў дзеля бясьпекі іх і іхніх блізкіх. Ва ўсіх былыя партнэры засталіся ў Беларусі.
Фота ілюстрацыйнае
Стала вядома яшчэ аб адным беларусе, які ваяваў на баку Расеі і трапіў у палон Украіны
https://smarturl.click/Zy2mW
Беларус расказаў, што паходзіць зь Віцебска. Яго рыхтавалі на штурмавіка 47 дзён. Ён служыў у 123-й мотастралковай брыгадзе і напісаў заяву на расейскае грамадзянства.
Цяпер разам з Андрэем Лапатнёвым ва ўкраінскім палоне знаходзяцца яшчэ тры грамадзяніна Беларусі: Яўген Камянькоў, Артур Яфрэмаў і Дзьмітры Ананчык.
На ілюстрацыйным фота: расейскія падразьдзелы на пляцы ў Растоўскай вобласьці
11 сакавіка 1941 году ў зьняволеньні памёр Аляксандар Уласаў, рэдактар і выдавец першай беларускай газэты «Наша Ніва». У 1918 годзе ўвайшоў у склад Рады Беларускай Народнай Рэспублікі. У кастрычніку 1939 году Ўласаў быў арыштаваны НКВД і перавезены ў Менск. У лістападзе 1940 году асуджаны на 5 гадоў канцлягераў за «шпіёнска-правакатарскую дзейнасьць».
Пра іншыя падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня»:
https://smarturl.click/W3VRe
Сацсетка Х «завісла» па ўсім сьвеце, Маск заявіў аб буйной кібэратацы
Карыстальнікі сацыяльнай сеткі Х (былы Twitter) у панядзелак паведамлялі аб шматлікіх збоях у яе працы. Паведамленьні паступалі з розных краін сьвету. Падпісчыкі скардзіліся на немагчымасьць увайсьці ні ў свой акаўнт, ні на сайт Х, а таксама на праблемы з адпраўкай і атрыманьнем паведамленьняў і абнаўленьнем стужкі навіназ. Па паведамленьнях друку, адказнасьць за напад узяла на сябе прапалестынская хакерская групоўка Dark Storm Team.
https://smarturl.click/xBvYn
Лібійскія спэцназаўцы праходзілі вышкал у Беларусі
Прэс-служба лібійскай арміі выклала фатаздымкі падрыхтоўкі вайскоўцаў 36-га батальёна спэцназу Лібійскай нацыянальнай арміі, зробленыя, верагодна, у Беларусі ў канцы лютага 2025 году. На кадрах — навучальны цэнтар МУС «Волаўшчына».
Батальён падпарадкоўваецца сыну лідэра арміі Садаму Хафтару. У паведамленьні адзначаецца, што стажыроўка лібійскіх спэцназаўцаў у Беларусі адбывалася на загад кіраўніка ЛНА Халіфа Абу аль-Касіма Хафтара.
https://smarturl.click/W3Vye
Што трэба ведаць пра заўтрашнія амэрыкана-украінскія перамовы ў Саудаўскай Арабіі
https://smarturl.click/ppb52
Падчас жорсткай размовы ў Авальным кабінэце прэзыдэнт ЗША Дональд Трамп сказаў свайму ўкраінскаму калегу Ўладзіміру Зяленскаму: «Цяпер у вас няма картаў».
Цяпер, калі Зяленскі прыбывае ў Саудаўскую Арабію, дзе ўкраінская перамоўная дэлегацыя 11 сакавіка будзе ўдзельнічаць у перамовах з афіцыйнымі асобамі ЗША наконт патэнцыйнага мірнага пагадненьня, карты Кіева будуць адкрытыя ў поўнай меры. Пра гэта піша аналітык Радыё Свабода Рэйд Стэндыш.
Кіраўнік Дзярждэпартамэнту ЗША Марка Рубіё аб’явіў аб закрыцьці 83% праграм USAID
Кіраўнік Дзярждэпартамэнту ЗША Марка Рубіё абʼявіў аб закрыцьці 83% праграм Агенцтва міжнароднага разьвіцьця ЗША (USAID). Аб гэтым ён напісаў у сацыяльнай сетцы X (былы Twitter).
Рашэньне, паводле яго, прынята па выніках шасьцітыднёвай праверкі: «У рамках 5200 кантрактаў, якія зараз адмяняюцца, дзясяткі мільярдаў даляраў былі выдаткаваныя такім чынам, што не паслужылі (а ў некаторых выпадках нават нашкодзілі) асноўным нацыянальным інтарэсам ЗША», — напісаў ён.
Пасьля кансультацый з Кангрэсам Дзярждэпартамэнт мае намер больш эфэктыўна кіраваць астатнімі праграмамі — гэта каля 1000 праграм, адзначыў Рубіё.
https://smarturl.click/baZaV
Каб не заседжваліся. Чаму Лукашэнка памяняў Галоўчанку на Турчына
https://smarturl.click/0e3BL
Лукашэнка ў сваёй кадравай палітыцы кіруецца прынцыпам, паводле якога чыноўнік не павінен доўгі час заставацца на ключавой пасадзе. Каб не расла ягоная адміністратыўная вага, якая зь цягам часу можа перарасьці ў вагу палітычную. Бо ў краіне можа быць толькі адзін палітык, і ніякай канкурэнцыі ён не пацярпіць.
Піша Валер Карбалевіч.
«Чалавек, які ніколі там не працаваў». Што значыць прызначэньне Галоўчанкі ў Нацыянальны банк
https://smarturl.click/l5oA5
Паўла Калавура, які кіраваў Нацбанкам больш за 10 гадоў, адправілі ў адстаўку. Галоўны банкаўскі рэгулятар узначаліў былы прэм’ер-міністар Раман Галоўчанка. Расказваем, што гэта значыць.
На фота: Раман Галоўчанка, архіў
Стала вядома, што дэлегацыя М’янмы дамаўлялася ў Беларусі аб пастаўках зброі
https://smarturl.click/kjpjX
Як паведаміла выданьне Mizzima News Media, заснаванае ў 1998 годзе ў Індыі вэтэранамі дэмакратычнага паўстаньня ў М’янме ў 1988 годзе, у часе візыту ён правёў сустрэчы з афіцыйнымі асобамі і ўзяў удзел у бізнэс-форуме, які прайшоў у менскім «Прэзыдэнт-гатэлі».
«У часе візыту Мін Аунг Глайнг абмеркаваў пытаньні эканамічнага і гандлёвага супрацоўніцтва і бясьпекі, уключаючы пастаўкі зброі», — адзначаецца ў матэрыяле выданьня.
Журналісты нагадалі, што ў справаздачы прадэмакратычнага руху Justice for Myanmar за 2022 год Беларусь была адзначаная як адна з краін, якія пастаўляюць зброю ваеннаму рэжыму М’янмы.
На фота: Мін Аўнг Глайнг і Аляксандар Лукашэнка 7 сакавіка 2025 году
Лукашэнка прызначыў Галоўчанку кіраваць Нацбанкам, а прэм'ерам стаў Турчын
https://smarturl.click/xBvB4
Галоўчанка быў адзіным зь беларускіх прэм’ераў, якога можна лічыць сілавіком. У 1997 годзе ён быў прызначаны галоўным спэцыялістам Савету бясьпекі, дзе прапрацаваў пяць гадоў. Тры гады пасьля гэтага працаваў у Генэральнай пракуратуры загадчыкам аддзелу.
Турчын дагэтуль кіраваў Менскім аблвынкамам. Да таго быў першым намесьнікам прэм'ер-міністра, яшчэ раней ён кіраваў апаратам Савету Міністраў. Эканаміст, кандыдат эканамічных навук. Да 2016 году працаваў памочнікам прэзыдэнта – галоўным інспэктарам па Гомельскай вобласьці.
На фота: Аляксандар Турчын, архіў
Прэзыдэнт ЗША пракамэнтаваў імавернасьць спыненьня дзяржаўнага фінансаваньня
https://smarturl.click/Q1zMw
Прэзыдэнт ЗША Дональд Трамп заявіў, што ўрадавага «шатдаўну» ня будзе, паколькі прапанаваны законапраект аб фінансаваньні ўраду будзе ўхвалены.
Чакаецца, што Палата прадстаўнікоў, якую ачольваюць рэспубліканцы, прагаласуе за рэзалюцыю 11 сакавіка, паколькі ў канцы тыдня фінансаваньне заканчваецца. Гэты дакумэнт забясьпечыць фінансаваньне ўраду да 30 верасьня.
На фота: Дональд Трамп
Зьявіліся фота зь перамоваў дэлегацый ЗША і Ўкраіны ў Джыдзе
ЗША прадстаўляюць дзяржсакратар ЗША Марка Рубіё, дарадца ЗША па нацыянальнай бясьпецы Майк Уолц, Украіну - міністар замежных спраў Андрэй Сыбіга, кіраўнік Офісу прэзыдэнта Андрэй Ярмак і міністар абароны Рустэм Умераў.
/channel/radiosvaboda/75566
У Кіргізстане сьцьвярджаюць, што Менск гатовы «перадаць» экс-прэзыдэнта краіны Бакіева, калі таго не пасадзяць
https://smarturl.click/kjp82
Менск і Бішкек вядуць перамовы аб перадачы Кіргізстану экс-прэзыдэнта гэтай краіны ў Цэнтральнай Азіі Курманбека Бакіева, які атрымаў прытулак у Беларусі, заявіў агенцтву «Кабар» дзейны кіргізстанскі кіраўнік Садыр Жапараў.
Курманбек Бакіеў прыбыў у Беларусь на запрашэньне Аляксандра Лукашэнкі і атрымаў беларускае грамадзянства.
На фота: Курманбек Бакіеў пасьля ўцёкаў у Менск, 2010
Расеец, падазраваны ў шпіянажы, — кандыдат на высокую пасаду ў АБСЭ галіне бясьпекі ў Сэрбіі і Цэнтральнай Азіі. Расьследаваньне Свабоды
https://smarturl.click/vwlYv
Расейскага дыплямата, адкліканага з Брусэля на фоне распачатай бэльгійскімі ўладамі шпіёнскай чысткі, прапанавалі на пасаду кіраўніка бялградзкай місіі найбуйнейшага ў Эўропе органа бясьпекі. Гэта паказала сумеснае расьсьледаваньне Радыё Свабода/Радыё Свабодная Эўропа і шэрагу эўрапейскіх СМІ.
Масква вылучыла Дзьмітрыя Іярданідзі кандыдатам на кіраўніка місіі Арганізацыі бясьпекі і супрацоўніцтва ў Эўропе (АБСЭ) у Сэрбіі. Раней Іярданідзі быў намесьнікам кіраўніка місіі АБСЭ ў Босьніі і Герцагавіне, ён мае вялікі досьвед працы на Балканах.
Ягоная кандыдатура вылучаная ў той час, як Злучаныя Штаты і эўрапейскія ўрады выказваюць усё больш крытыкі на адрас «шкоднай» расейскай дзейнасьці ў рэгіёне, за які адказвае рэгіянальны орган бясьпекі 57 краінаў зь сядзібаю ў Вене.
На ілюстрацыі Дзьмітрый Іярданідзі, каляж
У Беларусі з пачатку году адбылося 115 лясных пажараў — найбольш у Берасьцейскай і Гомельскай абласьцях
https://smarturl.click/M1W4a
«Гараць лясы, балоты, гінуць цэлыя экасыстэмы зь іх жыхарамі. У мінулыя выходныя ўзгараньні фіксавалі ва ўсіх абласьцях, за выключэньнем Віцебскай. Па ўсёй берасьцейскай вобласьці праз высокія клясы пажарнай небясьпекі часова ўвалі забарону на наведваньне лясоў. Чырвоным пазначылі на інтэрактыўнай мапе Мінлясгасу і два раёны Гомельскай вобласьці — Веткаўскі і Петрыкаўскі», — адзначаецца ў паведамленьні міністэрства.
На ілюстрацыйным фота: пажар у рэспубліканскім заказьніку «Простыр» на самай беларуска-ўкраінскай мяжы 10 лютага 2025 году.
Расейскія ўлады заяўляюць аб атацы бесьпілётнікаў на Маскву і Маскоўскую вобласьць
https://smarturl.click/JDYdm
З раніцы 11 сакавіка аб выбухах паведамляюць жыхары шасьці раёнаў Масквы.
Дзясяткі бесьпілётнікаў атакавалі Маскву і Маскоўскую вобласьць, пашкоджаныя жылыя дамы — адзін чалавек загінуў, трое пацярпелі.
Акрамя Масквы, пра атаку БПЛА паведамілі жыхары Разані, дзе нібыта быў атакаваны ваенны аэрадром Дзягілева.
Украінскі бок не камэнтаваў гэтыя паведамленьні.
З пачатку поўнамаштабнага ўварваньня Расеі ва Ўкраіну ў 2022 годзе ўкраінскія гарады церпяць ад шматлікіх атак ракет і дронаў, гінуць людзі, разбураюцца дамы, у сваю чаргу расейскія рэгіёны рэгулярна падвяргаюцца абстрэлам і атакам бесьпілётнікаў.
Фота ілюстрацыйнае.
На рынак таксі ў Беларусі прыйдзе новы апэратар
Мабільны апэратар А1 зьбіраецца запусьціць новы агрэгатар таксі. Для гэтага кампанія набыла аднаго з удзельнікаў рынку — фірму «Баварыя». Раней гэты мабільны апэратар, працуючы пад назвай velcom, ужо рабіў спробу выйсьці на транспартны рынак.
https://smarturl.click/z2xlw
Галоўнае за 10 сакавіка
📌 Лукашэнка прызначыў Галоўчанку кіраваць Нацбанкам, а прэм’ер-міністрам стаў Турчын
📌 Каб не заседжваліся. Чаму Лукашэнка памяняў Галоўчанку на Турчына
📌 Ці зьнікне валюта з абменьнікаў? Чаго чакаць ад новага прэм'ера і старшыні Нацбанку
📌 Калі ў Лукашэнкі былі інаўгурацыі і першыя пасьля выбараў паездкі ў Расею
📌 У дворнікі зь дзьвюма вышэйшымі адукацыямі. Як жывуць памілаваныя Лукашэнкам экс-палітвязьні
📌 Пажары ў Беларусі працягваюцца, гараць тарфянікі ў Асіповіцкім раёне і трава ў пойме Прыпяці
📌 «Закрый гэты твар белай прасьцінай...» Ліст да менскага сябра пра вяртаньне
📌 Украінцы з акупаваных Расеяй тэрыторый едуць ва Ўкраіну празь Беларусь, — «Суспільне»
📌 АПК абмеркаваў з МУС Польшчы паскарэньне легалізацыі беларусаў і павелічэньне тэрміну дзеяньня дакумэнтаў
ЖЫВЫ ЭФІР. Ці зьнікне валюта з абменьнікаў? Чаго чакаць ад новага прэм'ера і старшыні Нацбанку
❓Задавайце вашы пытаньні ў камэнтары пад відэа на Youtube:
https://www.youtube.com/live/-ZNsOyPBrmE
Да чаго варта рыхтавацца беларусам пасьля прызначэньня новага прэм'ер-міністра і старшыні Нацбанку Беларусі? Ці можна чакаць зьменаў у эканамічным курсе і ці захаваецца рыначны абменны курс валют? Пра гэта ў жывым эфіры праграмы «ПіК Свабоды» разважае эканаміст, колішні кандыдат ў прэзыдэнты Беларусі Яраслаў Раманчук.
У дворнікі зь дзьвюма вышэйшымі адукацыямі. Як жывуць памілаваныя Лукашэнкам экс-палітвязьні
https://smarturl.click/M1WGE
У Беларусі пэрыядычна адбываюцца памілаваньні асуджаных за карупцыю і злоўжываньні ўладай чыноўнікаў. Некаторыя зь іх пасьля гэтага вяртаюцца на дзяржаўную працу. Аб тым, што чакае памілаваных палітзьняволеных, Свабодзе расказалі самі былыя вязьні.
Калі ў Лукашэнкі былі інаўгурацыі і першыя пасьля выбараў паездкі ў Расею
https://smarturl.click/VDQRj
З дня выбараў 26 студзеня прайшло 43 дні. Паводле закону інаўгурацыя павінная праходзіць не пазьней за два месяцы пасьля выбараў. Калі адбудзецца інаўгурацыя сёлета і праз колькі дзён яна праводзілася пасьля папярэдніх выбараў? Пасьля папярэдніх выбараў інаўгурацыя, як правіла, праводзілася раней, чым сёлета. Адзінае выключэньне — 2020 год, пасьля тагачасных выбараў у краіне адбываліся беспрэцэдэнтныя паводле масавасьці і працягласьці пратэсты.
Піша Юры Дракахруст.
У Горадні бізнэсоўца судзяць за «паклёп на Лукашэнку»
https://smarturl.click/EeL1g
Бізнэсоўца Віталя Пятрэнку пачынаюць судзіць 10 сакавіка ў Горадзенскім абласным судзе, паведамляе «Вясна».
Яго вінавацяць паводле двух артыкулаў — «паклёп на Лукашэнку» (ч. 2 арт. 367 КК) і «распальваньне варожасьці» (ч. 1 арт. 130 КК). Судзьдзя — Мікалай Рачынскі.
Віталю Пятрэнку 46 гадоў, ён родам з Горадзеншчыны, з вёскі Міратычы Карэліцкага раёну, мае жонку і дзіця. Віталь займаецца бізнэсам, ён спэцыялізаваўся на сэндвіч-панэлях для будаўніцтва дамоў, з 2018 году ўзначальвае кампанію «Эўрапейскія будаўнічыя тэхналёгіі».
На ілюстрацыйным фота: суд Заводзкага раёну Менску
Стакгольмскі інстытут дасьледаваньня праблем міру: Беларусь выпала з дваццаткі экспартэраў зброі
https://smarturl.click/JDYDL
Найбольшымі экспартэрамі ўзбраеньня ў 2020 — 2024 гадах былі ЗША, Францыя і Расея, а імпартэрамі — Украіна, Індыя і Катар.
Беларусь утрымлівала 20 месца на рынку экспарту зброі цягам 2019-2023 гадоў.
На ілюстрацыйным фота: вінтоўка M19, вырабленая сэрбскай кампаніяй Zastava Arms.
Пажары ў Беларусі працягваюцца, гараць тарфянікі ў Асіповіцкім раёне і трава ў пойме Прыпяці
https://smarturl.click/aJkJX
Паводле МНС, з 6:00 9 сакавіка да 6:00 10 сакавіка ў Беларусі зьліквідавана 10 тарфяных пажараў на агульнай плошчы 2,645 гэктара. Акрамя таго, за гэты ж час патушана 245 пажараў травы і хмызьняку (39,711 га) і 18 лясных пажараў (13,461 га).
Больш за ўсё лясных пажараў ліквідавана ў Берасьцейскай вобласьці — 9; у Гомельскай — 4, Менскай — 3, Горадзенскай — 2.
На фота: загараньне сухой расліннасьці на паплавах Прыпяці. 10 сакавіка 2025
«Закрый гэты твар белай прасьцінай...» Ліст да менскага сябра пра вяртаньне
https://smarturl.click/jk5Bb
Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.
На фота: Менск, плошча Перамогі (архіў)
У Румыніі пачаліся пратэсты пасьля адмовы ў рэгістрацыі прарасейскага палітыка Джарджэску на новых выбарах
https://smarturl.click/aJkBX
Пасьля абвяшчэньня рашэньня Цэнтральнага выбарчага бюро (ЦВБ) Румыніі аб адмове ў рэгістрацыі Кэліна Джарджэску ягоныя прыхільнікі прарвалі паліцэйскае ачапленьне перад ЦВБ. Яны выгуквалі «Злодзеі!», «Здраднікі», «Свабода». Журналісты паведамлялі, што ў пратэсьце ўдзельнічалі сотні людзей.
На фота: перакуленая пратэстоўцамі машына тэлеканалу