16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Тлумачым з Гурневічам. Як КДБ Беларусі вэрбуе інфарматараў: тры спосабы
🎥 https://www.youtube.com/watch?v=agUfpUudxiU
Спэцслужбы многіх краінаў вэрбуюць інфарматараў. Для спэцслужбаў у аўтарытарных краінах, такіх як Беларусь, гэта жыцьцёвая неабходнасьць. Дзьмітры Гурневіч паглядзеў, як беларускія спэцслужбы вэрбуюць інфарматараў і ці мае юрыдычную сілу такая дамова аб супрацоўніцтве.
Галоўнае за 19 лютага
🇪🇺 Эўразьвяз узгадніў 16-ы пакет санкцый супраць Расеі і Беларусі да трэцяй гадавіны вайны
👨🏻⚖️ Некалькі дзясяткаў тысяч прысудаў могуць перагледзець у Беларусі пасьля зьменаў у Крымінальным кодэксе
❗️Пасьля выхаду расьследаваньня пра тое, як Беларусь экспартуе ў ЭЗ алей з рапсу з акупаваных тэрыторыяў Украіны, Літва спыніла транзыт беларускага алею
🇺🇸 Трамп назваў Зяленскага «дыктатарам бяз выбараў» і заклікаў яго «дзейнічаць хутка»
🇺🇦 Зяленскі: ЗША дапамагаюць Пуціну выйсьці з ізаляцыі, мяне проста цяпер памяняць не атрымаецца
👫 Лукашэнку зьняважылі 245 разоў, дзяржаве здрадзілі 45 чалавек. Праваабаронцы расказалі, як беларусы «займаліся экстрэмізмам» у 2024-м
👮🏻♂️ Тлумачым з Гурневічам. Як КДБ Беларусі вэрбуе інфарматараў: тры спосабы
🎥 «ПіК Свабоды». Пазьняк — пра перамовы з Лукашэнкам, намеры Трампа і будучыню Ўкраіны
✍🏻 Якімі маглі б быць эўрапейскія міратворцы ва Ўкраіне і наколькі гэта рэалістычна? Аналіз Свабоды
🧍♂️ У ДНК беларусаў, безумоўна, ёсьць выразны балтыйскі генэтычны складнік, — гісторык Вадзім Сідараў
📞«Баюся, што ён не падыме слухаўку». Як беларускія палітэмігранты спрабуюць дапамагаць старым сваякам, якія засталіся на радзіме
Трамп назваў Зяленскага «дыктатарам бяз выбараў» і заклікаў яго «дзейнічаць хутка»
https://smarturl.click/Ee2BV
Прэзыдэнт ЗША рэзка раскрытыкаваў прэзыдэнта Ўкраіны, назваўшы Ўладзіміра Зяленскага «дыктатарам», які рызыкуе страціць сваю краіну, калі ня будзе «дзейнічаць хутка». Таксама Дональд Трамп напісаў, што «Зяленскі, верагодна, хоча захаваць „кармушку“», відавочна, маючы на ўвазе заходнюю дапамогу.
Згодна з украінскім заканадаўствам, выбары ва Ўкраіне ня могуць праводзіцца ва ўмовах ваеннага становішча, якое дзейнічае з моманту пачатку поўнамаштабнага ўварваньня Расеі ў лютым 2022 году.
Зяленскі: ЗША дапамагаюць Пуціну выйсьці з ізаляцыі, мяне проста цяпер памяняць не атрымаецца
https://smarturl.click/B61Xj
Прэзыдэнт Украіны Ўладзімір Зяленскі сёньня заявіў, што каманда амэрыканскага прэзыдэнта Дональда Трампа дапамагае Расеі выйсьці зь міжнароднай ізаляцыі, якая стала наступствам поўнамаштабнага ваеннага ўварваньня ва Ўкраіну. Таксама ён адказаў на заявы Трампа аб неабходнасьці правядзеньня выбараў ва Ўкраіне, якія павінны папярэднічаць падпісаньню мірнай дамовы.
Пазьняк — пра дамову з Лукашэнкам, намеры Трампа і будучыню Украіны
❓Задавайце вашы пытаньні ў камэнтары пад відэа на Youtube.
https://youtube.com/live/wGlrIqyS0lM
Сёньня а 20.30 менскага часу лідэр Руху «Вольная Беларусь» Зянон Пазьняк у гадзінным жывым эфіры Свабоды адкажа на пытаньні Дзьмітрыя Гурневіча пра сэнс магчымых перамоваў з рэжымам Лукашэнкі, пра плян Дональда Трампа завершыць вайну ва Украіне і яго ўплыў на Беларусь.
Купала, Колас, «Песьняры», БЕЛАЗ і дранікі — маркеры беларускай ідэнтычнасьці
https://smarturl.click/yqLmB
Група сацыёлягаў на чале з Філіпам Біканавым летась у сьнежні правяла дасьледаваньне на тэму беларускай ідэнтычнасьці. Што паказалі вынікі?
Лукашэнку зьняважылі 245 разоў, дзяржаве здрадзілі 45 чалавек. Праваабаронцы расказалі, як беларусы «займаліся экстрэмізмам» у 2024-м
https://smarturl.click/ppJo2
Паводле Сьледчага камітэту, з 2020 году ў Беларусі зафіксавана 22 500 злачынстваў «экстрэмісцкай» накіраванасьці. Летась па іх было вынесена 1762 крымінальныя прысуды. Людзей саджаюць у турму і за фінансавую і харчовую дапамогу, і за яе атрыманьне.
Асіповічы засталіся без вады праз начную аварыю
https://smarturl.click/yqLbB
Лякалізацыя месца пашкоджаньня ўскладнялася праз прамерзласьць грунту, растлумачылі ў мясцовым водаканале. Да 9-й раніцы службы павінны былі падключыць і другі водазабор «Паўднёвы». У горадзе таксама арганізуюць дастаўку вады цыстэрнамі.
Дэлегацыя Палаты прадстаўнікоў Беларусі прыме ўдзел у зімовай сэсіі Парлямэнцкай асамблеі АБСЭ. Апазыцыі там ня будзе
https://smarturl.click/AdwOM
Рыхтуецца 24-я сэсія Парлямэнцкай асамблеі АБСЭ. Ад Беларусі там будуць толькі прадстаўнікі ўладаў, якіх летась туды не запрасілі. А вось прадстаўнікі беларускай апазыцыі на сэсію не прыляцяць.
Былога прэзыдэнта Бразыліі Жаіра Балсанару абвінавацілі ў спробе дзяржаўнага перавароту
https://smarturl.click/5OmXp
Згодна з дакумэнтамі, пададзенымі пракуратурай, былому прэзыдэнту Бразыліі Жаіру Балсанару выставілі абвінавачаньні ў змове дзеля дзяржаўнага перавароту з мэтай адмяніць вынікі выбараў 2022 году і ня даць свайму апанэнту Лулу да Сілву ўзяць уладу.
Беларусь экспартуе ў Эўразьвяз рапсавы алей з акупаваных тэрыторыяў Украіны, — расьсьледаваньне БРЦ
https://smarturl.click/yqLZj
Журналісцкае расьсьледаваньне выявіла схему паставак рапсавага алею зь Беларусі ў Эўразьвяз, сыравінай для якога служыць рапс, вывезены Расеяй з акупаваных тэрыторыяў Украіны.
19 лютага, у 1989 годзе, у Менску адбыўся першы дазволены ўладамі мітынг пад бел-чырвона-белымі сьцягамі
У мітынгу на стадыёне «Дынама» ў Менску ўзялі ўдзел дзясяткі тысяч чалавек. Яго арганізавалі аргкамітэту БНФ і Канфэдэрацыя беларускіх суполак. Прынятая на мітынгу рэзалюцыя патрабавала скасаваць замацаваную ў Канстытуцыі кіроўную ролю камуністычнай партыі, а таксама вярнуць гістарычную сымболіку, зрабіць яе дзяржаўнай.
Пра іншыя падзеі 19 лютага ў гісторыі чытайце ў матэрыяле «Ўжо сёньня»: https://smarturl.click/5Omop
Існуе вялікая імавернасьць, што ўлады будуць паступова адпускаць цэны, — эканамістка Лузгіна
https://smarturl.click/W3WkO
«Цэны і цяпер паступова растуць, але пакуль выключна ў дазволеных жорсткіх межах. Далейшае захаваньне такога моцнага рэгуляваньня цэнаў вельмі кепска адбіваецца на стане прадпрыемстваў і ў цэлым на эканоміцы. У 2024 годзе эфэктыўнасьць працы кампаніяў, асабліва ў гандлі, рэзка зьнізілася», — адзначае Анастасія Лузгіна.
Галоўнае за 18 лютага
🗣 У Эр-Рыядзе прайшлі перамовы Расеі і ЗША наконт вайны ва Ўкраіне. Пра што дамовіліся бакі
✍🏻 Нобэлеўскія ляўрэаты папрасілі Трампа дапамагчы вызваліць палітвязьняў у Беларусі
🙍🏻♂️ Навіны палітвязьняў: журналіст Ігар Карней схуднеў на 15 кіляграмаў, мае праблемы з сэрцам
👫 Пакаяньне за палку каўбасы. Расказваем, як рэжым Лукашэнкі за дапамогу сем’ям палітвязьняў асудзіў 39 чалавек
❗️«Трэба зыходзіць з таго, што чат-бот ужо ўзламаны». Як засьцерагчыся ад фальшывых акаўнтаў і чатаў
🇺🇦 🇺🇸 Што зробяць з рэжымам Лукашэнкі? Стратэгіі Кіева і Вашынгтону не супадаюць
🎥 «ПіК Свабоды»: Ці здолее Трамп зьмяніць Беларусь?
💸 Існуе вялікая імавернасьць, што ўлады будуць паступова адпускаць цэны, — эканамістка Лузгіна
Кожны чацьвёрты беларус заўважыў зьніжэньне сваіх даходаў, — вынікі апытаньня BEROC
https://smarturl.click/0evOW
Пра зьніжэньне сваіх даходаў заявілі 24,7% рэспандэнтаў, якія прынялі ўдзел у штоквартальным апытаньні дасьледчага цэнтру BEROC. Больш за палову апытаных (52%) назвалі прычынай рост цэнаў, кожны пяты — зьмяншэньне замоваў (колькасьці кліентаў), 19% — зьмену курсу беларускага рубля да замежных валют, 15% — скарачэньне заробкаў, 13% — скасаваньне прэміі.
Шэраг эўрапейскіх лідэраў асудзілі заяву Трампа, які назваў Зяленскага «дыктатарам»
Абнаўляецца: https://smarturl.click/XyvXz
Кіраўніца МЗС Нямеччыны Аналена Бэрбак заявіла, што апісаньне Трампам Зяленскага як дыктатара было «абсурдным» і што сапраўды ва ўмовах дыктатуры ў Эўропе «даводзіцца жыць людзям у Расеі і ў Беларусі», а канцлер Нямеччыны Оляф Шольц заявіў, што «няправільна і небясьпечна адмаўляць дэмакратычную легітымнасьць прэзыдэнта Зяленскага». Таксама словы Трампа асудзілі ў Нарвэгіі і Фінляндыі. Абнаўляецца
Пазьняк — пра дамову з Лукашэнкам, намеры Трампа і будучыню Украіны
❓Задавайце вашы пытаньні ў камэнтары пад відэа на Youtube.
ЖЫВЫ ЭФІР: https://youtube.com/live/wGlrIqyS0lM
Пачаўся эфір Свабоды, у якім лідэр Руху «Вольная Беларусь» Зянон Пазьняк адкажа на пытаньні Дзьмітрыя Гурневіча пра сэнс магчымых перамоваў з рэжымам Лукашэнкі, пра плян Трампа завяршыць вайну ва Ўкраіне і яго ўплыў на Беларусь.
Доля гарадзкіх жыхароў, якія аддаюць перавагу беларускай мове, за год вырасла з 7 да 11 працэнтаў, — дасьледаваньне
https://smarturl.click/VDY3j
Доля гарадзкіх жыхароў, якія лічаць за лепшае размаўляць на беларускай мове, у 2024 годзе склала 11%; «час ад часу» на ёй размаўлялі 44% гараджан. Расейскай мове аддаюць перавагу 88% апытаных, час ад часу ёй карыстаецца 5%, сьведчаць вынікі дасьледаваньня «Беларуская ідэнтычнасьць у 2024 годзе», падрыхтаванага сацыёлягамі Філіпам Біканавым і Канстанцінам Несьцяровічам.
Што пра продкаў беларусаў расказвае іх ДНК
🎥 https://www.youtube.com/watch?v=lML6TN0exnY
✍🏻 https://smarturl.click/Ee2B5
Хто такія беларусы паводле генэтычных дасьледаваньняў? Маюць яны балтыйскі субстрат, вугра-фінскі ці наогул яго ня маюць? Ці прыходзілі славяне ў Беларусь або ў Беларусі яны і ўзьніклі? Пра гэта і іншае гаворым з этнолягам, дактарантам Карлавага ўнівэрсытэту ў Празе Вадзімам Сідаравым.
Літва спыніла транзыт беларускага алею, вырабленага з украінскага рапсу пасьля выхаду расьсьледаваньня БРЦ
https://smarturl.click/ppJa2
Даччыная кампанія дзяржаўных «Літоўскіх чыгунак» LTG Cargo пасьля выхаду журналісцкага расьсьледаваньня пра тое, як Беларусь экспартуе ў ЭЗ алей з рапсу з акупаваных тэрыторыяў Украіны, у тым ліку транзытам празь Літву, аб’явіла, што правядзе ўнутранае расьсьледаваньне і перапыніла перавозкі беларускага алею, паведамляе LRT.
У Літве паставілі спэктакль пра падзеленыя беларускія сем’і
https://smarturl.click/jk1oj
Звальненьне з палітычных матываў, эміграцыя і немагчымасьць прыехаць нават на пахаваньне родных — на сцэне паказалі рэальнасьць, у якой сёньня жывуць беларусы.
Якімі маглі б быць эўрапейскія міратворцы ва Ўкраіне і наколькі гэта рэалістычна? Аналіз Свабоды
https://smarturl.click/z2bYZ
Дыпляматычныя намаганьні ў спыненьні вайны ва Ўкраіне рэзка актывізаваліся ў апошнія дні, што прымусіла эўрапейскія краіны з новай сілай абмяркоўваць магчымасьць адпраўкі міратворчых сіл.
Расея тры гадзіны запар атакавала Адэсу, частка горада — безь сьвятла і цяпла, чацьвёра параненых
https://smarturl.click/3kzoZ
У Адэсе ў выніку расейскага ўдару пашкоджаньні атрымала цывільная інфраструктура — дзіцячыя паліклініка і садок, шыбы павыляталі ў шматпавярховых дамах, пашкоджана падстанцыя.
250 тысяч жыхароў Адэсы засталіся безь цяпла і сьвятла.
У папы Рымскага двухбаковае запаленьне лёгкіх, ягоны стан застаецца складаным
https://smarturl.click/Ee2yg
Праз стан здароўя папы адмянілі юбілейную аўдыенцыю, а імшу з нагоды Юбілею дыяканаў 23 лютага ў саборы Сьвятога Пятра ўзначаліць арцыбіскуп Рына Фізыкела. На аўдыенцыі, падобна, будзе беларуская дэлегацыя.
Трамп стаў «больш упэўненым» у дасягненьні пагадненьня аб Украіне пасьля перамоваў у Эр-Рыядзе
https://smarturl.click/2qxDA
Прэзыдэнт ЗША Дональд Трамп заявіў, што адчувае сябе «значна больш упэўненым» у дасягненьні пагадненьня аб спыненьні вайны ва Ўкраіне пасьля перамоваў 18 лютага ў Саудаўскай Арабіі паміж прадстаўнікамі ЗША і Расеі.
«Баюся, што ён не падыме слухаўку». Як беларускія палітэмігранты спрабуюць дапамагаць сталым сваякам, якія засталіся на радзіме
https://smarturl.click/mp25Q
Бацька Эміліі жыве ў Горадні, яму 80 гадоў. У мужчыны анкалёгія, перажыты інфаркт. Ён забараніў дачцэ вяртацца на радзіму з ЗША. Эмілія зьехала, каб ейнае дзіця не забралі ў прытулак. Яна сустракае Новы год з бацькам па тэлефоне і плаціць сябрам, каб тыя прыглядалі за татам. Свабода расказвае, як праз палітыку дзеці апынуліся ў іншай краіне, а старыя і хворыя бацькі засталіся ў Беларусі.
Гадзіньнік ад беларускага брэнду Hvilina атрымаў прэстыжную эўрапейскую прэмію ў галіне дызайну
https://smarturl.click/jk1lb
Калекцыя гадзіньнікаў Star Chronicle беларускай гадзіньнікавай мануфактуры Hvilina атрымала прэмію German Design Awards 2025 у катэгорыі «прадметы раскошы». Калекцыя натхнёная старажытнымі мітамі і легендамі Беларусі пра Месяц і Сонца, у дызайне выкарыстаныя элемэнты герба Францішка Скарыны, а задняе вечка гадзіньніка ўпрыгожанае выявай батлейкі.
Стала вядомае прозьвішча вызваленага ў Беларусі грамадзяніна ЗША. Пасьля беларускага СІЗА «ён страціў 20 кг вагі, зрок, ёсьць падазрэньне на сухоты»
https://smarturl.click/1dEBy
Як паведаміў тэлеканал «Дождь», мужчыну звуць Мікалай Шугаеў, яму 56 гадоў, ён мае ўкраінскае і амэрыканскае грамадзянства. З кратамі ў Беларусі ён правёў 5 месяцаў. Быў затрыманы ў чэрвені 2024 году за распаўсюд «экстрэмісцкіх» матэрыялаў, агулам правёў у ізалятары 56 дзён, пасьля чаго яго перавялі ў СІЗА па крымінальнай справе за абразу Лукашэнкі ў камэнтарах. На допытах мужчыну пыталі, ці працаваў ён калі-небудзь на выведку, ці займаўся вэрбаваньнем.
Цяпер мужчына знаходзіцца на рэабілітацыі ў мэдыцынскай клініцы, разьмешчанай на ваеннай базе ў Тэхасе (ЗША).
Ці здолее Трамп зьмяніць Беларусь
https://www.youtube.com/live/VCr3lt3rUjE
А 20.30 паводле менскага часу на Youtube-канале Свабода Premium пачнецца жывая трансьляцыя з удзелам доктара філязофіі, палітоляга Пётры Рудкоўскага. У размове зь ім Юры Дракахруст закране наступныя пытаньні:
➖ Якія вынікі перамоваў ЗША і РФ у Савудаўскай Арабіі?
➖ ЗША-Беларусь: Якія перавагі і хібы абмену аслабленьня санкцыяў на вызваленьня палітвязьняў?
➖ Якія пэрспэктывы мірнага пляну прэзыдэнта ЗША для Ўкраіны?
Далучайцеся да трансьляцыі, задавайце свае пытаньні!
Што зробяць з рэжымам Лукашэнкі? Стратэгіі Кіева і Вашынгтону не супадаюць
https://smarturl.click/B61mg
Зяленскі апошнім часам стаў актыўна прасоўваць тэму Беларусі. У Кіеве лічаць, што без вырашэньня «беларускага пытаньня» немагчыма казаць пра трывалы мір, Зяленскі бачыць Беларусь на заходнім баку ад «жалезнай заслоны».
Паводле інфармацыі NYT, ЗША вядуць кулюарныя перамовы пра ўгоду з рэжымам Лукашэнкі, каб дамагчыся вызваленьня палітвязьняў і дыстанцыяваньня таго ад Расеі. У чым стратэгіі Кіева і Вашынгтону адносна Беларусі не супадаюць, аналізуе Валер Карбалевіч.