16743
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
85 гадоў таму быў заключаны пакт Молатава-Рыбэнтропа аб ненападзе паміж СССР і Нямеччынай
23 жніўня ў 1939 году ў Маскве быў падпісаны пакт аб ненападзе паміж СССР і Нямеччынай, вядомы як пакт Молатава-Рыбэнтропа. Сакрэтны пратакол да гэтага пакту прадугледжваў падзел сфэраў уплыву паміж бальшавіцкай і фашысцкай імпэрыямі.
Больш падзей 23 жніўня ў гісторыі чытайце ў матэрыяле «Ўжо сёньня»: https://smarturl.click/VDJL7
Трэцяя асобная штурмавая брыгада УСУ заявіла пра пачатак наступу ў Харкаўскай вобласьці
Як сьцьвярджае прэс-служба брыгады, у выніку контратак яна «ўзяла пад кантроль батальённы раён абароны акупантаў, варожыя ўзводныя, ротныя апорныя пункты і прасунулася ўглыб фронту амаль на 2 км²». Паводле брыгады, штурмавыя дзеяньні адвялі ўдар праціўніка з кірунку Макееўкі і зьнялі напружаньне зь іншых адказных участкаў фронту на палосах суседніх брыгадаў.
«Асноўнай задачай апэрацыі было зьбіцьцё наступальнага патэнцыялу 20-й арміі Расеі. На цяперашні момант гэтая задача выкананая», — заявіў камандзір брыгады Андрэй Білецкі.
Колькасьць выпадкаў клешчавога энцэфаліту ў Беларусі павялічылася амаль удвая
З пачатку 2024 году ў Беларусі зарэгістравалі больш за 200 выпадкаў клешчавога віруснага энцэфаліту і больш за 1150 выпадкаў лайм-барэліёзу, што больш у 1,9 і 1,2 разы адпаведна, чым за аналягічны пэрыяд летась.
Больш за ўсё захворваньняў клешчавымі інфэкцыямі — на Берасьцейшчыне і Горадзеншчыне. У ліпені беларусы нават прасілі Мінздароўя зрабіць прышчэпку ад кляшчоў бясплатнай, аднак у ведамстве не пабачылі ў гэтым неабходнасьці:
https://smarturl.click/aJb1g
Паром у расейскім порце «Каўказ» затануў
У Апэратыўным штабе Краснадарскага краю паведамілі, што «ў выніку атрыманых пашкоджаньняў паром у акваторыі порту „Каўказ“ затануў».
«Асяродкаў узгараньня на тэрыторыі самога порта няма», — адзначылі ў ведамстве.
У расейскім порце «Каўказ» у Краснадарскім краі ўзьнік пажар — меркавана, пасьля ракетнай атакі
Апэратыўны штаб Краснадарскага краю заявіў, што ў порце «Каўказ» быў атакаваны чыгуначны паром з паліўнымі цыстэрнамі, у выніку ўзьнік пажар. Яго плошча і інфармацыя пра пацярпелых удакладняюцца. Ведамства абвінавачвае ў атацы УСУ. Украіна пакуль не камэнтавала гэтую інфармацыю.
Раней украінскія і расейскія крыніцы паведамілі пра меркаваныя ракетныя ўдары па раёне паромнай пераправы з Краснадарскага краю ў анэксаваны Крым:
https://smarturl.click/babQ8
На літоўскім палігоне ў Пабрадзе прадэманстравалі ўмацаваньне мяжы зь Беларусьсю і Расеяй
На палігоне генэрала Сільвестраса Жукаўскаса прадэманстравалі першы з 27 паркаў контрмабільнасьці, якія плянуецца стварыць для ўмацаваньня мяжы зь Беларусьсю і Расеяй на выпадак агрэсіі. Парк будзе папаўняцца іншымі сродкамі перашкодаў:
https://smarturl.click/DaGDz
«Прапаноўвалі зарабляць на хворых украінскіх дзецях». У якія пасткі трапляюць беларусы пры працаўладкаваньні за мяжой
«Дырэктар таго офісу пры размове нічога канкрэтнага пра сфэру дзейнасьці не сказаў, ухіляўся ад адказу. Потым даў мне куратара, таксама беларуса, які мусіў мяне на працягу дня ўсяму навучыць. Гэта аказаўся брудны бізнэс — зьбіраць ахвяраваньні на нібыта хворых украінскіх дзяцей». Беларусы расказваюць пра пасткі падчас пошуку працы за мяжой.
https://smarturl.click/l5gVm
Затрыманых у Нямеччыне беларускіх турыстаў адпусьцілі, яны вяртаюцца на радзіму
Беларуская амбасада і прэс-сакратар МЗС Анатоль Глаз паведамілі пра затрыманьне і заявіла, што прымала неабходныя захады для хуткага вызваленьня суайчыньнікаў.
https://smarturl.click/w9dZb
«Становішча рэжыму Лукашэнкі цяпер нават менш трывалае, чым у 2020-м», — Міхаіл Кірылюк
Праўнік «Народнага антыкрызіснага ўпраўленьня» адвакат Міхаіл Кірылюк настойвае, што толькі рашучасьць і павелічэньне ставак можа прывесьці да выніку ў барацьбе з рэжымам, і заяўляе, што дэмакратычным сілам, магчыма, варта прайсьці этап падзелу.
https://smarturl.click/XyblA
Раней забруджаныя радыяцыяй землі Гомельскай вобласьці аддадуць у гаспадарчы абарот
Зямельныя ўчасткі ў Кастрычніцкім раёне Гомельскай вобласьці агульнай плошчай 16,6452 гектара, прадастаўленыя адкрытаму акцыянэрнаму таварыству «Майсееўка», выключылі з радыяцыйна небясьпечных і рашэньнем ураду перавялі ў гаспадарчае выкарыстаньне.
https://smarturl.click/Adkg4
Горш толькі ў Расеі. Чаму Беларусь прайграе «бітву за ўраджай» амаль усім суседзям
«Стратныя гаспадаркі ня могуць набыць добрае абсталяваньне, добрыя ўгнаеньні». Як Беларусь прайграе «бітву за ўраджай» і зьбірае з гектара менш збожжа, чым Украіна, Польшча, Літва і Латвія.
https://smarturl.click/Yzb9V
Лукашэнка падпісаў указ аб рамеснай дзейнасьці. Што мяняецца для рамесьнікаў Беларусі
Пералік відаў рамеснай дзейнасьці значна скароцяць у параўнаньні зь цяперашнім. Рамесьнікам цяпер нельга карыстацца прамысловымі машынамі і абсталяваньнем. За «экстрэмізм» рамесьнік можа пазбавіцца права працаваць паводле аплаты рамеснага збору.
Усе асноўныя зьмены: https://smarturl.click/VDJ9Z
«Гісторыя на Свабодзе»: Беларусы сярод працоўных мігрантаў у даваенных Латвіі і Эстоніі мелі найвышэйшы рэйтынг, — Юры Грыбоўскі
Што штурхала беларусаў міжваеннай Польшчы на працоўную эміграцыю ў Эстонію і Латвію? Як ім там жылося? Ці змаглі яны стварыць у тых краінах свае нацыянальныя і зямляцкія арганізацыі або далучыліся да ўжо існых? —Пра гэта і іншае гаворым зь беларуска-польскім гісторыкам Юрыем Грыбоўскім:
ВІДЭА: https://www.youtube.com/watch?v=yr0YdRJBpCo
Тлумачым з Гурневічам. Як Натальля Пяткевіч становіцца новай Качанавай
Аляксандар Лукашэнка штодзённа можа загадваць жаданьні. Побач зь ім жаночае трыё — і ўсе Натальлі, тры грацыі: Натальля Эйсмант, Натальля Качанава і Натальля Пяткевіч. Апошняя працуе на новай пасадзе ўжо амаль 2 месяцы.
Журналіст Дзьмітры Гурневіч паглядзеў, чым яна займаецца, прынамсі ў публічнай прасторы.
ВІДЭА: https://youtu.be/JhZDcrboU_g
Каля 40 беларускіх турыстаў з грэцкім «шэнгенам» затрымалі ў Нямеччыне. Ім пагражае дэпартацыя
Як даведалася выданьне @zerkalo_io, каля 40 турыстаў, якія ехалі ў Гішпанію з грэцкімі шэнгенскімі візамі, затрымалі ў Нямеччыне, папярэдне — за парушэньне правілаў выкарыстаньня візаў. Візы анулявалі, цяпер беларусам пагражае дэпартацыя і магчымая забарона на ўезд у ЭЗ.
Пра здарэньне выданьню распавялі крыніцы. Інфармацыю пацьвердзілі ў турфірме, а таксама ў амбасадзе Беларусі ў Нямеччыне. Падрабязнасьці:
https://smarturl.click/DaGbZ
Ва Ўкраіне не фіксуюць правакацый і перамяшчэньня дадатковай вайсковай тэхнікі паблізу мяжы з боку Беларусі
«Цяпер сытуацыя такая, што мы ня бачым перамяшчэньня непасрэдна каля нашай мяжы ні тэхнікі, ні асабовага складу падразьдзелаў арміі Беларусі», — падкрэсьліў сьпікер Дзяржаўнай памежнай службы Ўкраіны Андрэй Дземчанка.
Ён, аднак, ня выключыў, што «каб дагадзіць Крамлю, Беларусь можа трымаць пэўныя свае сілы ў глыбіні свайго памежжа» на ўкраінскім кірунку. Пакуль ніякіх нестандартных сытуацый ці правакацыйных дзеяньняў за апошні пэрыяд на гэтым кірунку не заўважылі:
https://smarturl.click/w9dA8
Галоўнае за 22 жніўня
🇰🇿 Амбасадара Беларусі выклікалі ў МЗС Казахстану за выказваньні Лукашэнкі
☢️ Раней забруджаныя радыяцыяй землі Гомельскай вобласьці аддадуць у гаспадарчы абарот
✍🏻 Беларусь і Кітай падпісалі 28 дакумэнтаў аб супрацоўніцтве
🇺🇦 Украіна ўмацоўваецца ў Курскай вобласьці. У Бранску заявілі аб новай спробе прарыву
👫 «Прапаноўвалі зарабляць на хворых украінскіх дзецях». У якія пасткі трапляюць беларусы пры працаўладкаваньні за мяжой
🌾 Горш толькі ў Расеі. Чаму Беларусь прайграе «бітву за ўраджай» амаль усім суседзям
🎥 «ПіК Свабоды».«Лукашэнка стаў прэс-сакратаром Пуціна», — армянскі экспэрт
🙍🏻♂️ «Становішча рэжыму Лукашэнкі цяпер нават менш трывалае, чым у 2020-м», — Міхаіл Кірылюк
«Лукашэнка стаў прэс-сакратаром Пуціна». Экспэрт камэнтуе рэакцыю армянскай апазыцыі на заявы Лукашэнкі
Апазыцыя Армэніі запатрабавала разрыву дыпляматычных адносінаў зь Беларусьсю «да зьняцьця дыктатара Лукашэнкі з пасады», а амбасаду Беларусі ў Ерэване закідалі бульбай, яйкамі і памідорамі. Гэта рэакцыя на словы Лукашэнкі пра Армэнію ў інтэрвію тэлеканалу «Россия», дзе ён заявіў, што «армяне нікому не патрэбныя».
У эфіры «ПіКа Свабоды» заявы Лукашэнкі і рэакцыю на іх у Армэніі камэнтуе палітычны экспэрт Рубэн Мэграб’ян:
🎥 https://www.youtube.com/watch?v=5gthNee4X7U
Сёньня — гадавіна сьмерці Мікіты Крыўцова
Чатыры гады таму ў менскім лесапарку знайшлі павешаным цела беларуса Мікіты Крыўцова. Яму было 28 гадоў. Сьледчы камітэт тады адмовіўся пачынаць крымінальную справу, але забараніў сваякам адчыняць труну пад пагрозай крымінальнай справы.
У Расеі спынілі справу супраць пецярбурскага музэю за графіці «Жыве Беларусь» пад карцінай мастака
Справу супраць музэю сучаснага мастацтва «Эрарта» ў Пецярбургу спынілі з прычыны заканчэньня тэрміну даўніны прыцягненьня да адміністрацыйнай адказнасьці, піша РБК.
Пратакол аб «дэманстрацыі нацысцкай сымболікі» на музэй склалі ў сярэдзіне ліпеня. Падставай стала графіці «Жыве Беларусь!» пад карцінай беларускага мастака (👆🏻фота @mediazona_by). Паліцэйскія экспэрты вырашылі, што лёзунг «Жыве Беларусь» быў сымбалем 13-га Беларускага паліцэйскага батальёна пры СД і 30-й грэнадэрскай дывізіі Вафэн-СС, нароўні з нацысцкім партыйным прывітаньнем:
https://smarturl.click/ppgB6
Палітвязьня з інваліднасьцю Гундара пазбавілі харчовых перадач, але дазволілі атрымаць мэдычную бандэроль
Да сакавіка 2025 году палітвязьня Ўладзімера Гундара пазбавілі харчовых перадач. Пра гэта стала вядома ад крыніцы, дасьведчанай ў справах палітвязьня.
https://smarturl.click/5O01D
Украіна ўмацоўваецца ў Курскай вобласьці. У Бранску заявілі аб новай спробе прарыву
На тле апэрацыі ўкраінскага войска ў Курскай вобласьці ўлады Расеі заявілі аб спробе прарыву з боку Ўкраіны 200 вайскоўцаў у Бранскую вобласьць. Ва Ўкраіне гэтай інфармацыі не камэнтуюць.
https://smarturl.click/1dzXo
Чужыя ў голым полі. Чаго бракуе новым эмігрантам зь Беларусі
Шматтысячная вымушаная эміграцыя беларускага грамадзкага актыву — гэта ня толькі траўма і праблемы абжываньня на новым месцы. Гэта яшчэ і вялікі патэнцыял у справе руху да пазытыўнах пераменаў у самой Беларусі, піша Сяргей Дубавец.
https://smarturl.click/kjb0o
🚴🏻 Увага, пошук!
Шукаем былых супрацоўнікаў менскага «Мотавела», якія працавалі на заводзе ў розныя часы — ад савецкіх да апошніх гадоў. Ананімнасць гарантуем!
📬 Сувязь з рэдакцыяй: Telegram: @SvabodaBelarus; Signal: +37068643669
Амбасадара Беларусі выклікалі ў МЗС Казахстану праз выказваньні Лукашэнкі
Пасьля пратэстаў у Армэніі выказваньнямі Лукашэнкі ў інтэрвію расейскаму тэлеканалу абурыліся на самым высокім узроўні ў Казахстане. Беларускае кіраўніцтва ў Астане заклікалі да «неабходнасьці аб’ектыўна ацэньваць пазыцыю Казахстану ў дачыненьні працэсаў, якія адбываюцца».
Расейскім прапагандыстам Лукашэнка заявіў, што некаторыя дзяржавы на постсавецкай прасторы «выкручваюцца», у адрозьненьне ад Беларусі, і «хочуць чагосьці ўзяць, а наўзамен нічога ня даць».
https://smarturl.click/0ex15
Дзень нараджэньня Ігната Буйніцкага — пачынальніка беларускага тэатру
Нарадзіўся 22 жніўня 1861 году. У 1910–1911 гг. трупа Буйніцкага адправілася на гастролі па Беларусі, выступіўшы з паказамі ў Дзісьне, Сьвянцянах, Паставах, Полацку, Нясьвіжы, Слуцку… У Менску, дзе тэатар ставіў «Моднага шляхцюка» Каруся Каганца і «Па рэвізіі» Марка Крапіўніцкага, артыстаў засыпалі ружамі. Пасьля спэктакляў Буйніцкага ў Пецярбургу й Варшаве газэты пісалі пра «калясальны посьпех» тэатру, што «будзіць у беларусаў пачуцьцё нацыянальнай годнасьці».
Рэжысэра і яго артыстаў расейскія ўлады ўзялі пад паліцэйскі нагляд, паказы пачалі забараняць. Уціск і матэрыяльныя праблемы змусілі зачыніць тэатар. Паводле згадкі аднаго з удзельнікаў трупы, Ігнат Буйніцкі памёр на сцэне падчас рэпэтыцыі.
«Некалі, — пісала ў тыя часы „Наша Ніва“, — калі прабудзіцца сьвядомасьць ува ўсяго беларускага народу, памяць Буйніцкага будзе сьвятой для ўсіх».
Больш падзей 22 жніўня ў гісторыі чытайце ў матэрыяле «Ўжо сёньня»: https://smarturl.click/M1Ywo
Стрыжак: вядома пра 18 вызваленых палітвязьняў. Прапагандысты агучылі імя яшчэ аднаго вызваленага
На вечар 21 жніўня вядомыя 18 прозьвішчаў вызваленых палітвязьняў (адно імя ўдакладняецца), паведаміў заснавальнік BYSOL Андрэй Стрыжак паведаміў. Гаворка ідзе пра 13 жанчын і 5 мужчын.
Стала вядома, што на волю выйшаў палітвязень Яўген Чуміла. Пра гэта сёньня паведаміў прапагандыст Юры Васкрасенскі. Раней сталі вядомыя прозьвішчы 9 палітвязьняволеных жанчын і аднаго мужчыны, што выйшлі на волю па ўказе аб памілаваньні, які Лукашэнка падпісаў 16 жніўня:
https://smarturl.click/M1YMo
Галоўнае за 21 жніўня
👫 На волю выпусьцілі палітвязьня Берасьнева, які мае праблемы са здароўем. Вядома 16 прозьвішчаў вызваленых
🥔 У Ерэване амбасаду Беларусі закідалі бульбай, яйкамі і памідорамі. У Беларусі адрэагавалі
👮🏻♂️Каля 40 беларускіх турыстаў з грэцкім «шэнгенам» затрымалі ў Нямеччыне. Ім пагражае дэпартацыя
🚌 У Беларусі за дзень разьбіліся два аўтобусы, ёсьць ахвяры
🧑🏻🦳«Бабулі дому састарэлых баяцца як агню». Гісторыя былога жыхара сацыяльнага прытулку
🙍🏻♂️Журналіст Радыё Свабода Андрэй Кузьнечык правёў за кратамі ўжо 1000 дзён
👭Пяць вызваленых праз памілаваньне палітзьняволеных жанчын мелі выйсьці на волю ў найбліжэйшыя месяцы, яшчэ дзьве — налета
👩🏼 Тлумачым з Гурневічам. Як Натальля Пяткевіч становіцца новай Качанавай
🎥 Што могуць чыноўнікі-партызаны і ці будзе раскол элітаў. Расказвае каардынатар «Кадравага рэзэрву для новай Беларусі»
🇺🇸 Дэмакратычная партыя зацьвердзіла Камалу Гарыс кандыдаткай на пасаду прэзыдэнта ЗША
Што могуць чыноўнікі-партызаны і ці будзе раскол элітаў
У Віцебску неўзабаве будуць судзіць 34-гадовага інспэктара па спорце і турызьме Верхнядзвінскага райвыканкаму Аляксея Кісялёва. Яго вінавацяць у экстрэмізьме. Справа датычыць «Кадравага рэзерву для новай Беларусі». Ці шмат сёньня апапэнтаў улады ўнутры чынавенства, ці ўплываюць яны на нешта і ці павінны заставацца ўнутры сыстэмы?
Пра гэта ў праграме «ПіК Свабоды» расказвае каардынатар «Кадравага рэзэрву для новай Беларусі» Юры Губарэвіч:
🎥 ВІДЭА цалкам: https://youtu.be/u55h4jB6auc
Беларускі мастак Аляксей Кузьміч выйшаў на волю з ізаляру ў Францыі
Мастак-акцыяніст Аляксей Кузьміч скончыў галадоўку, якую трымаў з 6 жніўня, і выйшаў на волю з ізалятару ў Францыі. Пра гэта ён сам паведаміў у Інстаграме. Як сказана ў пасьце, рыдлёўку, якой ён капаў магілу Ван Гога, яму не вярнулі. Паліцыя зьнішчыць яе як «сродак учыненьня злачынства»:
https://smarturl.click/xBgDZ