16743
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
👆🏻Запытайся ў Дубаўца. Калі спартовец падпісаў ліст «за Лукашэнку», ці значыць гэта, што ён — праўладны?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Думаю, ягоны подпіс — голая фармальнасьць, якой патрабуе крывадушная сыстэма. Так было ў савецкія часы, калі членства ў КПСС давала магчымасьць рэалізавацца ў прафэсіі, але зусім не абавязкова сьведчыла пра камуністычныя погляды. Чалавек можа хлусіць сыстэме, але заставацца шчырым у адносінах да жыцьця, працы і іншых людзей. Праўладнасьць спартоўца можа выяўляцца ў чым заўгодна, толькі ня ў спорце.
Георгі Маляўскі — першы з актораў-купалаўцаў, хто пайшоў з жыцьця, не дачакаўшыся вяртаньня ў родны тэатар
Заслужаны артыст Георгі Маляўскі памёр на 78-м годзе жыцьця, паведамляе «Люстэрка». Маляўскі доўгія гады працаваў у Купалаўскім тэатры і сышоў зь яго трупы ў 2020 годзе.
https://smarturl.click/9zw65
Плывец Ігар Бокі выйграў трэці залаты мэдаль на Паралімпіядзе
На Паралімпійскіх гульнях у Парыжы у фінальным заплыве на дыстанцыі 400 мэтраў вольным стылем беларускі паралімпіец, які выступае пад нэўтральным сьцягам, фінішаваў першым.
https://smarturl.click/2qRZA
У Беларусі абмяжуюць продаж алькаголю. Калі і на колькі
Час абмежаваньня продажу на розных тэрыторыях адрозьніваецца. На пахваньні, вясельлі і юбілеі забарона не распаўсюджваецца.
https://smarturl.click/VDx4g
У Беларусі будуць вучыць школьнікаў, як дапытваць і абшукваць
Модуль «Будучы сьледчы» ўключае асваеньне прыёмаў допыту, вочнай стаўкі, апазнаньня, агляду месца здарэньня, ператрусу. Школьнікаў пазнаёмяць з «прынцыпамі і падставамі ўжываньня фізычнай сілы».
https://smarturl.click/RAZBm
«У Беларусі яшчэ ёсьць шанец», — былы камандуючы войскамі NATO Філіп Брыдлаў
«Я ведаю, што шмат хто са мной не пагодзіцца. Але я думаю, што Беларусь спрабавала балянсаваць, а ня стаць канкрэтна на чыйсьці бок».
https://smarturl.click/Yz6Yl
Судзьдзя, які ўзаконіў арышт журналісткі Радыё Свабода, грамадзянкі ЗША і Расеі, хаваў амэрыканскае грамадзянства сваіх дзяцей
Вярхоўны судзьдзя Татарстану Рызван Юсупаў хаваў, што ў ягоных дзяцей — Гаяза і Наілі — ёсьць грамадзянства ЗША.
У чэрвені 2024 Юсупаў прызнаў законным рашэньне суду Казані арыштаваць журналістку Радыё Свабода Алсу Курмашаву. Яе абвінавачвалі ў «фэйках» пра ўзброеныя сілы Расеі, а таксама ў тым, што яна, маючы грамадзянства ЗША, не данесла на сябе ў Мінюст як «іншаземная агентка».
https://smarturl.click/ny6Yb
Ня толькі пажыцьцёвая ўлада. Пра што задумваюцца дыктатары, калі ім спаўняецца 70
Ці толькі праблема захаванасьці і непарушнасьці ўласнага рэжыму турбуе дыктатараў на схіле іхнага веку? Разважае Віктар Багдзевіч.
https://smarturl.click/w9nRQ
445 гадоў таму войскі караля і вялікага князя Стэфана Баторыя вызвалілі Полацак ад маскоўскай акупацыі
31 жніўня 1579 году войскі караля і вялікага князя Стэфана Баторыя вызвалілі Полацак. Перад тым захоплены маскоўскім царом Іванам IV горад 16 гадоў быў пад акупацыяй, быў разрабаваны, тысячы палачан былі забітыя або выведзеныя ў маскоўскае рабства. Некаторыя гісторыкі мяркуюць, што менавіта тады, пры пажары ў Сафійскім саборы, зьнік полацкі летапіс.
Пра іншыя падзеі і даты гэтага дня ў беларускай і сусьветнай гісторыі чытайце ў матэрыяле:
https://smarturl.click/ZyAZy
Галоўнае за 30 жніўня
📌 Аднагодак Траволты і Burger King’а. Якімі былі сьвет і Беларусь у год нараджэньня Лукашэнкі
📌 Пуцін, Валодзін, патрыярх Кірыл, арцыбіскуп Станеўскі. Хто і як павіншаваў Лукашэнку з 70-годзьдзем
📌 Новыя ўмовы для рамесьнікаў, прадметы і спэцыяльнасьці ў школах і ВНУ. Што зьменіцца ў Беларусі з 1 верасьня
📌 Беларускія дэмакратычныя сілы заклікалі заходнія краіны не прызнаваць прэзыдэнцкіх выбараў 2025 году
📌 Песьню на верш Янкі Купалы прызналі экстрэмісцкай
📌 Хроніка перасьледу 30 жніўня: За «экстрэмізм» асудзілі байкера з Воршы; масавы вырак у Бярозе за пратэсты ў 2020-м
📌 «ПіК Свабоды». Да чаго Лукашэнка рыхтуе прапагандыстаў
https://smarturl.click/xBX6Q
📌 Прапаганда адпрацоўвае не ідэалёгію, а словы Лукашэнкі, — мэдыяэкспэртка Ірына Сідорская
📌 «Алесі і Рагнеды, Кастусікі і Ўршулькі». Беларуская школа ў Варшаве назьбірала 500 вучняў з 28 краін сьвету
📌 «Узмацненьне» мяжы, пэдсавет і юбілей Лукашэнкі. Вынікі тыдня з Карбалевічам
Песьню на верш Янкі Купалы прызналі экстрэмісцкай
Як стала вядома, яшчэ на пачатку 2024 году рашэньнем суду Барысаўскага раёну Менскай вобласьці экстрэмісцкай прадукцыяй быў прызнаны відэакліп і тэкст песьні «Ня быць скотам» гурту «Ляпіс Трубяцкі». Судовая пастанова была прынятая 26 студзеня 2024 году.
Тэкст песьні цалкам складаецца з радкоў верша Янкі Купалы «Хто ты гэткі?», напісанага клясыкам у часы нацыянальнага адраджэньня пачатку ХХ стагодзьдзя. Песьня «Ня быць скотам» адкрывала альбом «Грай», які выйшаў у 2013 годзе.
https://smarturl.click/Ee0WW
Да чаго Лукашэнка рыхтуе прапагандыстаў
Лукашэнка рыхтуе сваіх прапагандыстаў да прэзыдэнцкіх выбараў. У чацьвер ён правёў нараду па пытаньнях інфармацыйнай палітыкі. Апрача яго самога, у ёй бралі ўдзел яшчэ чатыры асобы. Дэталі невядомыя, бо нарада была зачыненай. Але агульны пасыл прасачыўся. Госьці “ПіКа Свабоды”: Надзея Белахвосьцік, галоўны рэдактар Мэдыя IQ, беларускага праекту пра мэдыяпісьменнасьць, а таксама гісторык і палітолаг Аляксандар Фрыдман.
https://youtu.be/lL4KJ3-WKlI
Украіна зьбіраецца спыніць транзыт расейскай нафты праз трубаправод «Дружба», які праходзіць і ў Беларусі
Раней улады Ўкраіны заявілі пра спыненьне транзыту экспартных паставак расейскага газу ў Эўразьвяз.
https://smarturl.click/W3zd9
Беларускія дэмакратычныя сілы заклікалі заходнія краіны не прызнаваць прэзыдэнцкіх выбараў 2025 году
Сьвятлана Ціханоўская і Павал Латушка падчас сустрэч з эўрапейскімі партнэрамі заклікалі іх не прызнаваць вынікаў будучых прэзыдэнцкіх выбараў у Беларусі, бо адсутнічаюць умовы для іх свабоднага правядзеньня.
https://smarturl.click/yqyJ3
Новыя ўмовы для рамесьнікаў, прадметы і спэцыяльнасьці ў школах і ВНУ
Таксама праезд для школьнікаў стане дармовым, у беларускіх школах зьнікне асобны прадмет «Гісторыя Беларусі», а базавая стаўка для бюджэтнікаў вырасьце на тры рублі. Расказваем, якія зьмены чакаюць беларусаў з пачаткам восені.
https://smarturl.click/5On6G
85 гадоў таму пачалася Другая сусьветная вайна
1 верасьня 1939 году нацысцкая Нямеччына напала на Польшчу, у складзе якой тады былі Віленскае, Наваградзкае, Беластоцкае і Палескае ваяводзтвы — там жылі беларусы, шмат зь іх трапілі ў шэрагі Польскага войска, Корпусу аховы памежжа ды іншых фармаваньняў, якія першымі пачалі збройнае супрацьстаяньне нацыстам. Першыя бомбы ўпалі на Горадню і Баранавічы ў верасьні 1939 году.
Пра іншыя падзеі, якія адбываліся 1 верасьня - у публікацыі "Ўжо сёньня".
https://smarturl.click/vw3vy
«Жанчынам падалося, што Лукашэнка, гэты „пакаці-гарошак“, будзе ім абаронцам», — Сьвятлана Курс
У праекце «Сьведкі Лукашэнкі» пісьменьніца Сьвятлана Курс разважае пра тое, чаму, паводле сацыялёгіі, беларускія жанчыны на многіх выбарах падтрымлівалі Лукашэнку значна актыўней за мужчын.
https://smarturl.click/3kD2p
Што варта ведаць і што пачытаць на сайце Свабоды 31 жніўня
▪️«У Беларусі яшчэ ёсьць шанец», — былы камандуючы войскамі NATO Філіп Брыдлаў
▪️У Беларусі будуць вучыць школьнікаў, як дапытваць і абшукваць. Міністэрства адукацыі абнавіла факультатыў «Гатовы Радзіме служыць» для старшаклясьнікаў
▪️Кіраўніка БНФ засудзілі завочна. Высьветлілася, што адвакат за яго «прызнаў віну ў поўным аб’ёме»
▪️Яшчэ адзін расейскі дрон пасьля атакі паляцеў у Беларусь
▪️У Беларусі абмяжуюць продаж алькаголю. Час абмежаваньня продажу на розных тэрыторыях адрозьніваецца.
▪️Запытайся ў Дубаўца. Пра пазбаўленьне Ціханоўскай статусу нацыянальнай лідэркі, беларускі мэнталітэт і праўладных спартоўцаў
▪️Ня толькі пажыцьцёвая ўлада. Пра што задумваюцца дыктатары, калі ім спаўняецца 70. Піша Віктар Багдзевіч
СК пачаў праверку па факце «бесчалавечнага стаўленьня»
З пачатку 2024 году Польшча, Літва і Латвія спынілі больш як 26 000 спробаў мігрантаў нелегальна трапіць у Эўразьвяз зь беларускай тэрыторыі.
https://smarturl.click/AdzmM
Кіраўніка БНФ засудзілі завочна. Высьветлілася, што адвакат за яго «прызнаў віну ў поўным аб’ёме»
«Учора мне дыстанцыйна прысудзілі 4 гады калёніі і 24 тысячы рублёў штрафу», — паведаміў выканаўца абавязкаў старшыні Партыі БНФ Вадзім Саранчукоў.
https://smarturl.click/mpzYO
Павал Латушка папрасіў 12 000 стыпэндый эўрапейскіх ВНУ для беларусаў
І прапанаваў эўрапейцам яшчэ 5 крокаў для набліжэньня дэмакратычных пераўтварэньняў у Беларусі.
https://smarturl.click/ppAYA
УСУ: пасьля атакі на Ўкраіну адзін бесьпілётнік паляцеў у Беларусь
Узброеныя сілы Ўкраіны заяўляюць, што Расея ўначы атакавала Ўкраіну 52 бесьпілётнікамі «Shahed-131/136» з Курскай вобласьці. Вось што зь імі стала.
https://smarturl.click/Ee0bz
👆🏻Запытайся ў Дубаўца. Даносчыкі, якія кідаюцца на ўсё беларускае, наколькі яны небясьпечныя для нашай краіны?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
У іх у галаве перакулены сьвет. Навошта перасяляцца з Расеі ў Беларусь, каб тут рабіць Расею? Быццам самой Расеі няма ці яе мала. Другой Беларусі на сьвеце дакладна няма і яна каштоўная якраз сваёй самабытнасьцю. Па сутнасьці гэта гібрыдныя дывэрсанты, якія ўсё ператвараюць у пагромлены Данбас. Небясьпеку яны нясуць тады, калі іх фінансуе Расея. Калі ж яны робяць даносы «по зову души», дык шкоду нясуць хіба што грамадзкай атмасфэры. Як кажа расейская прымаўка, «в чужой монастырь со своим уставом не суйся».
Маршалак польскага Сэйму: Калі Лукашэнку трэба транзытныя калідоры, ён мусіць вызваліць палітвязьняў
Польшча працягвае ціск на рэжым Лукашэнкі для вызваленьня Анджэя Пачобута і іншых палітвязьняў у Беларусі, сказаў маршалак польскага Сэйму Шыман Галоўня на канфэрэнцыі ў пытаньнях бясьпекі GLOBSEC, якая пачалася 30 жніўня ў Празе.
«На дыпляматычным узроўні мы робім усё магчымае, каб паслаць Лукашэнку сыгналы, што ён мусіць вызваліць палітвязьняў, — сказаў Галоўня, адказваючы на пытаньне Свабоды. — Што калі ён хоча адкрыцьця памежных пераходаў, калі ён хоча мець транзытныя калідоры, яму трэба супрацоўнічаць з намі ў гэтым пытаньні. Мы спрабуем паказаць, што калі ён ня будзе супрацоўнічаць, дык наступствы для яго, для ягонага рэжыму і для ягонай краіны будуць сапраўды складанымі».
https://smarturl.click/opmWO
«Узмацненьне» мяжы, пэдсавет і юбілей Лукашэнкі
Палітычны аглядальнік Свабоды Валер Карбалевіч падводзіць вынікі тыдня ў Беларусі.
https://youtu.be/hOjZNvSspRE?si=MDt91Fu5ULuJ-084
💌 «Гісторыі тыдня» — зьбіраем для вас самае цікавае ў адным лісьце!
Хто ўзначаліць Беларусь пасьля Лукашэнкі? Што насамрэч адбываецца зь беларускага боку мяжы з Украінай і ці ёсьць нагоды трывожыцца? Як беларусам абараніцца ад дэпартацыі з Эўразьвязу на радзіму, дзе іх чакае перасьлед? Ці могуць улады адмяніць угоду па продажы кватэры палітуцекача? Ці закрыюць Тэлеграм пасьля арышту Дурава?
Адказы на гэтыя і многія іншыя пытаньні — у матэрыялах Свабоды за гэты тыдзень. Усе іх мы зьбіраем у штосуботняй рассылцы — зручна, так вы нічога не прапусьціце!
Падпісвайцеся і чытайце: 👉🏻 http://eepurl.com/ijMaIv
Аляксандру Лукашэнку споўнілася 70 гадоў, трыццаць зь іх ён знаходзіцца ва ўладзе ў Беларусі
Параўналі тэрміны ва ўладзе зь іншымі кіраўнікамі краінаў.
На сьвяточных лінейках да пачатку ува ўсіх менскіх школах будуць дзяжурыць сілавікі
На сьвяточных лінейках 2 верасьня ў школах і гімназіях Менску будуць прысутнічаць супрацоўнікі Міністэрства ўнутраных спраў, паведаміла прэс-служба УУС Менскага гарвыканкаму.
Захады анансавалі «ў мэтах папярэджаньня супрацьпраўных праяў», сярод іншага заяўлена аб патрэбе дарожнай бясьпецы паблізу навучальных устаноў, якую забясьпечаць экіпажы ДАІ.
Пад «асаблівы кантроль» таксама возьмуць прылеглую да навучальных устаноў тэрыторыю, месцы масавага адпачынку грамадзян, паркі і сквэры.
Аднагодак Траволты і Burger King’а. Якімі былі сьвет і Беларусь у год нараджэньня Лукашэнкі
Аляксандар Лукашэнка кіруе Беларусьсю амаль палову жыцьця, 30 жніўня яму спаўняецца 70. У год яго нараджэньня насельніцтва Менску было ў пяць разоў меншае, чым цяпер, Крым толькі-толькі афіцыйна ўвайшоў у склад УССР, а ў этэры пачалі гучаць першыя перадачы будучай беларускай службы Свабоды, у сацсетках якой вы зараз бачыце гэтае паведамленьне. Расказваем, якімі былі Беларусь і сьвет у 1954-м — у год нараджэньня Лукашэнкі.
https://smarturl.click/RAZox
Хто і як павіншаваў Лукашэнку з 70-годзьдзем
30 жніўня Аляксандар Лукашэнка адзначае 70-годзьдзе. Пуцін да юбілею узнагародзіў яго ордэнам Андрэя Першазванага. Хто яшчэ павіншаваў?
https://smarturl.click/gpkey