17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Мая кампанія пацярпела ад неабдуманых дзеяньняў апазыцыі». Што цяпер зь фірмай, на экранах якой у Беларусі ў лютым паказалі зварот Ціханоўскай
Кампанія Legion 104, якая займалася разьмяшчэньнем рэклямы на экранах, цяпер у працэсе ліквідацыі, супрацоўнікі звольніліся. Дырэктар кампаніі Андрэй Смаляк праходзіў падазраваным у крымінальнай справе, але цяпер — у статусе сьведкі, распавёў ён выданьню @mediazona_by. Падрабязьней:
https://smarturl.click/nyOzp
Суд у Баўгарыі стаў на бок беларуса, якому адмовілі ў прытулку. Будзе новы разгляд справы
Першапачаткова міграцыйныя ўлады Баўгарыі палічылі, што просьбіту абароны нічога не пагражае ў Беларусі, якую ён пакінуў «бесьперашкодна і легальна».
https://smarturl.click/2qmJR
Салдаты з Паўночнай Карэі на вайне супраць Украіны. ВІДЭА
Ёсьць першыя факты ўдзелу вайскоўцаў з Паўночнай Карэі ў вайне на баку Расеі. Пакуль што пацьверджаныя зьвесткі толькі пра іх баявыя дзеяньні ў Курскай вобласьці, частку якой часова займаюць украінскія войскі. Там сама карэйцы зазналі і першых стратаў.
Украінскі бок паведамляе пра намеры расейцаў выкарыстоўваць салдат з КНДР і на тэрыторыі Ўкраіны. Падрабязнасьці ў відэа Свабоды.
Хісткая глеба: Як выглядаюць расейскія вайсковыя базы у Сырыі
Фатаграфіі, зробленыя падчас кіраваньня зрынутага прэзыдэнта Сырыі Башара Асада, паказваюць жыцьцё ўнутры паветраных і вайскова-марскіх аб’ектаў Расеі ў гэтай блізкаўсходняй краіне.
https://smarturl.click/4k04g
У Віцебску судзяць лекара, які выгукнуў «Слава Ўкраіне!»
Да затрыманьня Аляксандар Рандарэнка працаваў у Віцебску доктарам. Мяркуецца, ён сваяк былога галоўнага акушэра Віцебску Ігара Рандарэнкі, які памёр у 2018 годзе.
https://smarturl.click/3kApk
У Маскве ад выбуху загінуў начальнік войскаў РХБА Расеі
Выбух адбыўся каля жылога дому на Разанскім праспэкце. Разам з генэрал-лейтэнантам Ігарам Кірылавым загінуў і ягоны памочнік. Ёсьць падазрэньне, што выбухоўка была ў самакаце, які падкацілі пад пад’езд.
https://smarturl.click/LYOQX
17 сьнежня 1886 году нарадзіўся Мікола Равенскi, беларускі кампазытар, дзеяч паваеннай эміграцыі, які паклаў на музыку верш-малітву Натальлі Арсеньневай «Магутны Божа».
17 сьнежня 1924 году, роўна 100 гадоў таму, утворанае прафэсійнае аб’яднаньне беларускіх кінэматаграфістаў і фатографаў «Белдзяржкіно». У гонар гэтай падзеі 17 сьнежня адзначаецца Дзень беларускага кіно.
Больш пра падзеі і даты гэтага дня ў гісторыі Беларусі і сьвету чытайце тут:
https://smarturl.click/z2V9J
Страляніна ў школе ў ЗША: прынамсі 5 забітых
У хрысьціянскай школе ў горадзе Мэдысан, штат Вісконсін, ЗША, адбылася страляніна. Паліцыя паведамляе, што сама меней 5 чалавек загінулі, як мяркуецца, сярод іх і нападнік.
Паведамляецца аб параненых, якіх даставілі ў бальніцы, але дакладная колькасьць пацярпелых не называецца. CNN паведамляе, што сярод параненых вучні і супрацоўнік школы.
Паліцыя перакрыла дарогі і папрасіла людзей пазьбягаць гэтага раёну — усё яшчэ праводзяцца паўторныя ператрусы будынку і транспартных сродкаў.
https://smarturl.click/W3Qa4
Моцны вецер на Горадзеншчыне парушыў электразабесьпячэньне 71 населенага пункту, на Берасьцейшчыне — 42
На захадзе Беларусі 16 сьнежня бушуе непагадзь. Пра наступствы моцнага ветру, які дасягаў хуткасьці 26 м/с, паведамляе ўрадавае агенцтва БЕЛТА.
Зафіксаваныя пашкоджаньні дахаў 11 прыватных жылых дамоў у Горадні і Слоніме, Ваўкавыскім, Зэльвенскім і Наваградзкім раёнах. У вёсцы Туркі Слонімскага раёну разбураны кароўнік. Акрамя таго, вецер паваліў чатыры навагоднія яліны: тры ў Горадні і адну ў Заслаўі.
Фота ілюстрацыйнае.
https://smarturl.click/l5pR6
Адносіны Украіны з Лукашэнкам у мінулым — украінскі амбасадар па асобых даручэньнях Кізім
Беларусь павінная стаць часткай абмеркаваньня на мірных перамовах па Ўкраіне, але незразумела, хто павінен яе прадстаўляць. Такое меркаваньне ў інтэрвію выданьню Reform.news выказаў украінскі амбасадар па асобых даручэньнях Ігар Кізім.
Кізім лічыць, што Лукашэнка назаўжды разбурыў адносіны з Украінай, падтрымаўшы расейскую агрэсію.
«Сёньня наўрад ці можна казаць аб „аднаўленьні“ стасункаў Украіны з Лукашэнкам. Мяркую, гэта ўжо ў мінулым. Гэта ўжо гісторыя нашых адносінаў. У нас быў нядрэнны ўзровень гандлёва-эканамічных адносінаў, але падтрымаўшы расейскую агрэсію, мне здаецца, Лукашэнка назаўжды страціў для Беларусі пяцімільярдны прэміяльны ўкраінскі рынак», - сказаў на заканчэньне Ігар Кізім.
https://smarturl.click/ppWLX
Ня толькі Віктар Лукашэнка карыстаецца дарагімі джыпамі з Эміратаў. Падначаленае Аляксандру Лукашэнку дзяржаўнае прадпрыемства «Белтрансспэцаўта» валодае аўтапаркам каля 900 машын і распараджаецца мільёнамі бюджэтных даляраў. Расьсьледаваньне Радыё Свабода высьветліла, якія машыны пастаўляюць для кіраўніка Беларусі, ягонай сям’і, аховы і чыноўнікаў.
Глядзіце цалкам на ютубе Радыё Свабода https://youtu.be/3Au9qsQefsg
Асад не зьбіраўся сыходзіць у адстаўку да апошняга моманту
Былы прэзыдэнт Сырыі Башар Асад у адмысловай заяве паведаміў, што не зьбіраўся сыходзіць у адстаўку і не думаў прасіць аб прытулку ў дні наступу ўзброенай апазыцыі.
Пра гэта піша расейскае інфармацыйнае агенцтва «РИА Новости». Гаворачы аб падзеях у Сырыі, Асад заявіў, што з Дамаска спачатку накіраваўся ў Хмеймім — месца знаходжаньня расейскай вайсковай авіябазы, дзе і даведаўся аб падзеньні сталіцы.
У заяве сьцвярджаецца, што заставацца прэзыдэнту ў краіне пасьля захопу ўлады «тэрарыстамі» было бессэнсоўна.
Больш тут:
https://smarturl.click/Q1xgp
«ПіК Свабоды». Спэцвыпуск «Людзі Свабоды» 2024 году
Беларускія кнігавыдаўцы сталі «Людзьмі Свабоды» 2024 году. Беларуская служба Радыё Свабода штогод прысуджае гэтую сымбалічную ўзнагароду тым людзям, якія пашыраюць межы свабоды для сябе, Беларусі і сьвету. Пра кнігавыдавецкую справу расказвае галоўная рэдактарка выдавецтва «Пфляўмбаўм», перакладчыца і пісьменьніца Алена Казлова. Адкуль бяруцца новыя чытачы беларускіх кніг?
https://youtu.be/fjFBt6bYKO8
Дырэктара сеткі будаўнічых гіпэрмаркетаў «Мацярык» будуць судзіць за пратэсты
Аб затрыманьні Аляксандра Аполькі стала вядома ў жніўні 2024 году.
Справу будзе разглядаць судзьдзя Іна Сівец 26 сьнежня 2024 году ў судзе Кастрычніцкага раёну Менску, даведалася @nashaniva
Бізнэсоўцу інкрымінуюць ч. 1 арт. 342 («Арганізацыя і падрыхтоўка дзеяньняў, якія груба парушаюць грамадзкі парадак, або актыўны ўдзел у іх»).
На фота Аляксандар Аполька зь мікрафонам
Суд у Тэгеране прысудзіў 10 гадоў зьняволеньня былому журналісту Радыё Свабода Рэзу Валізадэ
Па адбыцьці тэрміну Валізадэ, у якога, акрамя іранскага, ёсьць амэрыканскае грамадзянства, два гады ня зможа выяжджаць з краіны, жыць у Тэгеране і яго прыгарадах і далучацца да палітычных арганізацый.
https://smarturl.click/EeJ64
Бацька абвінавачанага ў згвалтаваньні і забойстве беларускі Лізаветы ў Варшаве стаў на калені перад сынам
У Варшаве прайшло другое паседжаньне ў справе аб згвалтаваньні і забойстве беларускі Лізаветы. Падчас перапынку ў паседжаньні, калі паліцыянты выводзілі абвінавачанага Дорыяна з залы суда, ягоны бацька знаходзіўся ў калідоры і, верагодна, пад узьдзеяннем эмоцый, стаў на калені перад сынам. Пасьля гэтага яго папрасілі адысьці далей ад залі суду. Разам з бацькам была бабуля Дорыяна С.
Прадстаўніца пацярпелага боку — сям'і і хлопца Лізы — адвакатка Эвэліна Здунэк расказала журналістам, што пракуратура запатрабуе для абвінавачанага пажыцьцёвага зьняволеньня:
https://smarturl.click/l5pGM
Банкір з атачэньня Януковіча, які хаваўся ад сьледзтва ў Беларусі, пераехаў у Эўразьвяз
Беларусь дала экс-банкіру статус уцекача, матывуючы гэта тым, што ва Ўкраіне яго перасьледуюць з палітычных матываў, і адмовіла ў экстрадыцыі. У далейшым з гэтай прычыны Інтэрпол выключыў Віктара Братко і зь міжнароднага вышуку.
https://smarturl.click/nyO4p
Дакумэнты Лукашэнкі здалі ў ЦВК безь ягонага ўдзелу. Ён у Амане
Аляксандар Лукашэнка 17 сьнежня знаходзіцца ў Амане зь візытам. У яго адсутнасьць па даверанасьці дакумэнты ў Цэнтральную выбарчую камісію здаў старшыня Фэдэрацыі прафсаюзаў Юры Сянько.
https://smarturl.click/AdZBy
Украінская служба Свабоды са спасылкай на крыніцы ў СБУ паведаміла, што падрыў расейскага генэрала ў Маскве зарганізавалі ўкраінскія спэцслужбы. Кірылава назвалі абсалютна законнай цэльлю.
Читать полностью…
400 мёртвых кароваў і скрадзены плот. У BelPol сьцьвярджаюць, што атрымалі закрыты даклад аб стане карупцыі на Гомельшчыне
Большасьць злачынстваў, пералічаных у «Інфармацыйнай запісцы», якой BelPol падзяліўся са Свабодай, не трапляла ў дзяржаўныя СМІ, пра іх ня згадвалася на сайтах судоў. Аднак адразу некалькі згаданых у дакумэнце чыноўнікаў і дырэктараў прадпрыемстваў пакінулі свае пасады неўзабаве пасьля дакладу.
https://smarturl.click/G64zZ
Вынікі году. Унутраная палітыка Лукашэнкі: галоўнае — утрымаць уладу
На працягу 2024 году любыя праблемы ў краіне кіроўная эліта разглядала з гледзішча бясьпекі рэжыму. Аляксандар Лукашэнка паўсюль бачыў пагрозы для ўласнай улады. І ўся палітыка грунтавалася ня столькі на вырашэньні актуальных задач і праблем, якія паўсталі перад краінай, колькі на нэўтралізацыі рэальных ці прыдуманых пагроз. Піша Валер Карбалевіч.
https://smarturl.click/JDpAk
Навукоўцы: на сонцы можа адбыцца гіганцкая ўспышка, якая пашкодзіць Зямлі
Новыя дадзеныя сьведчаць, што ў будучыні на Сонцы можа адбыцца надзвычай магутны і небясьпечны ўсплёск выпраменьваньня, які можа прынесьці сур'ёзную шкоду Зямлі, піша The New York Times.
https://smarturl.click/EeJy0
У Польшчы абвешчаны ў вышук беларус, якога падазраюць у датычнасьці да дывэрсіяў
Паліцыя Польшчы абвясьціла ў вышук 32-гадовага беларуса Юрыя Ворсу паводле артыкула КК аб падрыхтоўцы дывэрсіяў у інтарэсах замежных дзяржаваў. Пра гэта паведамляе інфармацыйнае агенцтва «Позірк» са спасылкай на польскую вышуковую базу.
Адзначаецца, што Ворса перасьледуецца паводле п. 7 арт. 130 Крымінальнага кодэксу Польшчы (учыненьне дывэрсіяў ці тэрактаў у інтарэсах замежнай выведкі), а таксама паводле артыкула аб удзеле ў арганізаванай злачыннай групоўцы.
Расказвае пра гэты і іншыя падобныя выпадкі зь беларусамі ў Польшчы больш падрабязна:
https://smarturl.click/67VgY
Галоўнае за 16 сьнежня
📌 Эўразьвяз ухваліў 15-ы пакет санкцый супраць Расеі і Беларусі
📌 У новы пакет санкцый Эўразьвязу трапілі беларускія судзьдзі, а таксама начальнікі СІЗА і калёній
📌 Выдаўцы беларускіх кніг — «Людзі Cвабоды – 2024»
📌 «ПіК Свабоды». Адкуль бяруцца новыя чытачы беларускіх кніг. Спэцвыпуск «Людзі Свабоды» 2024 году
📌 Віктар Лукашэнка карыстаецца джыпамі, прывезенымі з Аб’яднаных Арабскіх Эміратаў у 2019 годзе
📌 Затрымалі падазраваных у парушэньні пажарнай бясьпекі ў гандлёвым цэнтры «Беларусь» у Віцебску
📌 Бундэстаг прагаласаваў за вотум недаверу кацлеру Олафу Шольцу і роспуск ўраду Нямеччыны. 23 лютага — датэрміновыя парлямэнцкія выбары
📌 Афіцыйны Менск спадзяецца атрымаць месца за сталом перамоваў па заканчэньні вайны ва Ўкраіне
📌 Адносіны Украіны з Лукашэнкам у мінулым, — заявіў украінскі абмасадар па асобых даручэньнях Кізім
📌 Амбасада Беларусі ў Сырыі прыпыніла працу, дыпляматаў вывезьлі ў Менск
📌 Уявіць Беларусь як Сырыю. І не забыць пра Ўкраіну
Бундэстаг прагаласаваў за роспуск ўраду Нямеччыны. 23 лютага — датэрміновыя парлямэнцкія выбары
Гэта вотум недаверу кацлеру Олафу Шольцу.
Агулам у галасаваньні па пытаньні аб даверы ўраду ўзялі ўдзел 733 дэпутаты Бундэстагу. Перад пачаткам галасаваньня канцлер Оляф Шольц і лідэры парлямэнцкіх партый абмяняліся абвінавачваньнямі ў адрас адзін аднаго.
https://smarturl.click/G647g
Віктар Лукашэнка карыстаецца джыпамі, прывезенымі з Аб’яднаных Арабскіх Эміратаў у 2019 годзе
Расьсьледаваньне Свабоды пра аўтапарк «Белтрансспэцаўта», што ўваходзіць у склад Кіраўніцтва справамі прэзыдэнта, выявіла, што на балянсе гэтай арганізацыі знаходзяцца 4 джыпы Nissan Patrol, якія маглі быць прывезеныя Аляксандрам Лукашэнкам з Аб’яднаных Арабскіх Эміратаў у 2019 годзе. Грошы на іх аблугоўваньне выдзяляюцца зь дзяржаўнага бюджэту.
👉 Чытайце пад спасылкай
У новы пакет санкцый Эўразьвязу трапілі беларускія судзьдзі, а таксама начальнікі СІЗА і калёній
Эўразьвяз ухваліў 15-ы пакет санкцый у адносінах да рэжымаў Расеі і Беларусі. Матывацыя новых санкцыяў супраць афіцыйнага Менску — «у сувязі з сытуацыяй у Беларусі і ўдзелам Беларусі ў расейскай агрэсіі супраць Украіны».
Як паведамляецца, у санкцыйны сьпіс трапілі судзьдзі Вера Філонік, Ірына Прадун, Віталь Сініла, Вадзім Мазоль, Ніна Шастак, Ірына Майко, Васіль Бягун, Яўген Брэган, Аляксандар Мохараў, Алеся Осіпава, Віктар Новік.
Больш чытайце па спасылцы:
https://smarturl.click/W3Q54
Затрымалі падазраваных у парушэньні пажарнай бясьпекі ў гандлёвым цэнтры «Беларусь» у Віцебску
У пажары ў віцебскім гандлёвым цэнтры «Беларусь», які здарыўся 13 сьнежня, пацярпелі 20 чалавек. На наступны дзень Сьледчы камітэт распачаў крымінальную справу па факце здарэньня. Сёньня стала вядома аб затрыманьні падазраваных.
https://smarturl.click/2qm6X
Эўразьвяз ухваліў 15-ы пакет санкцый супраць Расеі і Беларусі
Пад абмежаваньні патрапілі 54 чалавекі і 30 арганізацый з Расеі, Кітая і КНДР. Як гаворыцца ў паведамленні Рады ЭЗ, прынятыя захады накіраваныя на барацьбу з абходам раней прынятых санкцый з дапамогай «ценявага флоту».
Санкцыі прадугледжваюць таксама ўключэньне ў санкцыйны сьпіс яшчэ 26 фізычных асобаў і дзьвюх юрыдычных асобаў зь Беларусі.
https://smarturl.click/qlvqB
Уявіць Беларусь як Сырыю. І не забыць пра Ўкраіну
Падзеньне дыктатуры Асада ў Сырыі для беларусаў выглядае як увасобленая мэтафара абсалютнай надзеі: дабро заўсёды перамагае і зьяўляюцца шанцы на будучыню. Асабліва з улікам таго, што ў сырыйскай і беларускай сытуацыі шмат падабенства.
https://smarturl.click/z2VEE