17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Менску на коўзанцы памёр мужчына
Паводле некаторых сьведчаньняў, мужчына ўрэзаўся ў борт і яму нейкі час аказвалі дапамогу. Нібыта ён быў на коўзанцы з жонкай і сынам. Сэанс спынілі, а грошы людзям вярнулі.
https://smarturl.click/ZyDE2
Два чалавекі загінулі ў Херсоне пасьля атакі расейскага дрону
Таксама расейцы ўначы атакавалі Бравары пад Кіевам — аскупкі дрону ўпалі на шматпавярховік.
https://smarturl.click/M19gV
На выявах — наступствы нядаўніх расейскіх атак на Херсон і Херсонскую вобласьць
Далёка ад радзімы, але блізка да яе гісторыі. Натальля Гардзіенка пра Янку Запрудніка і новую кнігу пра яго
«Янка Запруднік» — кніга пад такой назвай папоўніла бібліятэку Згуртаваньня беларусаў сьвету «Бацькаўшчына» ў сэрыі «Людзі эміграцыі».
З куратаркай сэрыі Натальляй Гардзіенкай пагаварылі пра асобу Янкі Запрудніка, яго грамадзкі, навуковы й творчы чын, лёс спадчыны, а таксама пра пераемнікаў ідэі беларушчыны ў асяродках новых эмігрантаў у ЗША.
https://smarturl.click/aJ1Od
35 гадоў таму перамагла рэвалюцыя ў Румыніі
22 сьнежня 1989 году ў Румыніі перамагла народная рэвалюцыя, скіраваная супраць рэжыму Нікалае Чаўшэску. Сам ён быў неўзабаве расстраляны разам з жонкай.
Пра іншыя падзеі, што адбыліся 22 сьнежня ў розныя гады чытайце ў падборцы Ужо сёньня.
https://smarturl.click/4k08W
Чаму мы адчуваем хранічную стому і як яе пазбыцца
Газэта The New York Times пагутарыла зь некалькімі лекарамі, якія займаюцца лячэньнем разладаў сну і хранічнай стомы.
https://smarturl.click/1dap5
Беларускі спорт у 2024-м: працяг ізаляцыі, посьпех Сабаленкі, паралімпійскі рэкорд Бокага
Беларусь сёлета не жыла спортам нават у час летніх Алімпійскіх гульняў, што прайшлі ў Парыжы. Аднак за гэтыя 12 месяцаў усё адно адбылося нямала адметных падзей, якія сталі гістарычнымі. Свабода ўзялася пералічыць іх.
https://smarturl.click/w9Ag8
Дональд Туск пасля наезду ў Магдэбургу прысьпешвае больш жорсткае візавае заканадаўства
Зьмены будуць тычыцца, сярод іншага, выдачы студэнцкіх віз, а таксама выдачы дазволаў на працу іншаземцам.
https://smarturl.click/yqQ1J
У Волагдзе адкрылі помнік Сталіну. За Пуціным у Расеі іх зьявілася каля сотні
Быў «запыт з боку грамадзкасьці».
https://smarturl.click/vwmyG
Калі слабее імпэрыя. Як уцячы і не вярнуцца ў назойлівыя абдымкі Масквы
На працягу некалькіх мінулых тыдняў уражаны сьвет са зьдзіўленьнем назіраў за тым, як Сырыя імкліва перастае быць сфэрай улыву Масквы — бяз колькі-небудзь прыкметнага супраціву з боку апошняй.
І міжволі ўзьнікла пытаньне: а ці ёсьць у сёньняшняй РФ сілы і магчымасьці, каб трымаць у падпарадкаваньні тыя сумежныя краіны і тэрыторыі, якія яна лічыць зонай сваіх імпэрскіх інтарэсаў? Разважае Віктар Багдзевіч.
https://smarturl.click/EeJn4
Што вядома пра кіроўцу, які наехаў на калядны кірмаш у Магдэбургу
50-гадовы выхадзец з Саудаўскай Арабіі з палітычным прытулкам у Нямеччыне, лекар-псыхіятар, антыісламіст.
https://smarturl.click/yqQpJ
👆🏻Запытайся ў Дубаўца. Чаму ЛГБТ ці чайлдфры, ці трансгендэраў называюць пагрозай нацыянальнай бясьпецы, большай за вайну?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Бо гэтыя людзі самі кіруюць сваім лёсам і жывуць ня ў статку. Задайце сабе пытаньне: ці адчуваў я калі-небудзь пагрозу ад такіх людзей? І вы адчуеце абсурднасьць самога пытаньня. Нават калі вы ўвогуле ведаеце такіх людзей, яны, думаю, нічым не настрашылі вас. Дык у чым праблема? Жыві, які ты ёсьць, і не замінай жыць іншым — народная этыка. Не рабі іншым таго, чаго не хацеў бы каб рабілі табе — хрысьціянская этыка.
💌 «Гісторыі тыдня» — самае цікавае за тыдзень у адным лісьце!
У суботняй рассылцы расказваем пра беларускіх герояў году ды вынікі году для беларусаў і Лукашэнкі, прагназуем, чаго чакаць далей і якой будзе «Беларусь пасьля 26 студзеня», і ня толькі!
👉🏻 Падпісвайцеся і атрымлівайце гатовую падборку штосуботу: http://eepurl.com/ijMaIv
Навошта Лукашэнка паехаў у Аман? Вынікі тыдня з Карбалевічам
Аляксандар Лукашэнка другі раз за 30 год свайго прэзыдэнцтва выправіўся ў Султанат Аман. Што азначае гэты візыт — тлумачыць палітычны аглядальнік Свабоды Валер Карбалевіч.
https://www.youtube.com/watch?v=SI5rFik3U5E
Галоўнае за 20 сьнежня
📌 «Кібэрпартызаны» назвалі афіцыйную прычыну сьмерці Ўладзімера Макея
📌 «ПіК Свабоды». Новы рэктар ЭГУ пра беларускую місію, стыпэндыі і высновы са скандалу з харасмэнтам
📌 У Варшаве напалі на дырэктара праграмы імя Каліноўскага Яна Маліцкага, у яго страсеньне мозгу
📌 Хроніка перасьледу: Затрыманьне стэндапэра, новае «экстрэмісцкае фармаваньне» і «хапун» у Дзяржынску
📌 Пяць кранальных гісторый беларускіх палітвязьняў у 2024 годзе
📌 Памерла ўдава Рыгора Барадуліна Валянціна Міхайлаўна
📌 Рэпрэсіі супраць журналістаў набылі катастрафічныя маштабы — праваабаронцы
📌 Танцы ў міліцэйскай форме. Чаму сілавікі крыўдзяцца на жарты ў TikTok
📌 «Пагартаць, памацаць і нават панюхаць». Гутарка з аўтарам кніжнага відэаблогу Макарам Валынкіным
Новы рэктар ЭГУ пра будучыню, грошы, літвінізм і скандал году
Ці зявіцца больш магчымасьцяў для беларусаў вучыцца ў Эўрапейскім гуманітарным унівэрсытэце ў Вільні? Наколькі адукацыя там улічвае цяперашнюю сытуацыю ў Беларусі? Чым скончыўся скандал з абвінавачваньнямі выкладчыка ЭГУ ў харасмэнце? Размова з новым рэктарам ЭГУ Вілюсам Шадаўскасам, які афіцыйна заступае на пасаду 6 студзеня.
https://youtu.be/thmuuKIEi7M
У Беларусі перастаў адкрывацца сайт газэты «Белорусы и рынок»
«Белорусы и рынок» — адно з першых прыватных СМІ ў Беларусі, спэцыялізуецца на эканамічнай тэматыцы.
https://smarturl.click/Da81E
Вынікі году. Беларусь — Расея: Лукашэнка пачаў адчуваць дыскамфорт ад сваёй ролі суагрэсара, — Аркадзь Мошэс
Дырэктар дасьледчых праграмаў Усходняга суседзтва і Расеі ў Фінскім інстытуце міжнародных дачыненьняў Аркадзь Мошэс заяўляе, што прыкметнай тэндэнцыяй году стала страта Лукашэнкам «цэнтральнага статусу» саюзьніка РФ, і адказвае на «вечнае» пытаньне, ці задавальняе Лукашэнка Маскву.
https://smarturl.click/XyVBM
👆🏻Запытайся ў Дубаўца. Ці дастаткова ў Беларусі ведаць адну расейскую мову?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Гледзячы зь Беларусі сёньня, быццам бы так. Насамрэч гэта ілюзія. Анамальная сытуацыя ня можа быць «назаўсёды», бо трымаецца ўрэшце на адным анамальным чалавеку — Лукашэнку. Тымчасам вакол Беларусі і ў шырокім сьвеце імкліва звужаецца абшар ужываньня расейскай мовы. Гэтаму спрыяе і натуральная цяга нацыяў да свайго, і агрэсіўная палітыка Расеі, зь якой ніхто ня хоча сябе асацыяваць. Тым часам беларуская мова — гэта проста наша мова, якая не заплямленая канатацыямі бесчалавечнасьці і хлусьні.
Усік перамог Ф'юры ўжо другі раз. Ён стаў абсалютным чэмпіёнам сьвету ў звышцяжкай вазе пасьля першага бою з Ф’юры ў траўні 2024 году.
Аляксандар Усік прысьвяціў сваю перамогу сваёй маці і ўсім маці Ўкраіны.
Што варта ведаць пра падзеі ў Беларусі і навокал 21 сьнежня і што пачытаць
Дзяржаўная тэлевізія паведаміла пра затрыманьне «кур’ераў фонду BYSOL». Кіраўнік фонду пракамэнтаваў
Дональд Туск пасля наезду ў Магдэбургу прысьпешвае больш жорсткае візавае заканадаўства
У Беларусь даставілі Бэтлеемскі агонь міру. Сёлета ўпершыню гэта леташні агонь
Беларускі спорт у 2024-м: працяг ізаляцыі, посьпех Сабаленкі, паралімпійскі рэкорд Бокага
Няўжо я сумую па прымусовых відэа? Наста Захарэвіч узгадвае часы, калі сілавікі публікавалі відэа з затрыманымі
Калі слабее імпэрыя. Як уцячы і не вярнуцца ў назойлівыя абдымкі Масквы. Разважае Віктар Багдзевіч
Аднавіліся пастаўкі расейскай нафты ў Беларусь. На Браншчыне падазраюць, што менавіта адбылося на трубаправодзе
На тле адсутнасьці тлумачэньняў мясцовыя жыхары выказвалі ў бранскіх інфармацыйных рэсурсах вэрсіі аб найбольш верагоднай прычыне здарэньня.
https://smarturl.click/8EDg2
Няўжо я сумую па прымусовых відэа
Хто б мог падумаць, што я ледзь не зь цеплынёй буду ўзгадваць часы, калі сілавікі публікавалі прымусовыя відэа з затрыманымі. І не, я не звар’яцела, не пераўтварылася ў пачвару і не палюбіла глядзець на катаваньні. Піша Наста Захарэвіч.
https://smarturl.click/3kABm
Дзяржаўная тэлевізія паведаміла пра затрыманьне «кур’ераў фонду BYSOL»
Кіраўнік BYSOL Андрэй Стрыжак: «Ня ўпэўнены ўвогуле ў іх існаваньні».
https://smarturl.click/YzRqj
У Беларусь даставілі Бэтлеемскі агонь міру. Сёлета ўпершыню гэта леташні агонь
Бэтлеемскі агонь напярэдадні Калядаў распаўсюджваюць каталіцкія скаўты. Яго запальвае дзіця або падлетак зь нязгаснай лямпады ў гроце Нараджэньня Гасподняга ў Бэтлееме, пасьля чаго адмысловым авіярэйсам яго дастаўляюць у Аўстрыю, адкуль разносяць па розных краінах.
Аднак сёлета ўпершыню за ўсю гісторыю акцыі ўсё іначай.
https://smarturl.click/8EDv2
Абедзьве палаты Кангрэсу ЗША ухвалілі законапраект, які дазваляе захаваць працу ўраду
Гэта адбылося ўсяго за некалькі гадзін да паўночы, калі афіцыйна сканчаецца тэрмін бягучага фінансаваньня ўраду.
https://smarturl.click/Q1xG0
Кроніка вайны: Беспілётнікі ударылі па Казані. Расея зноў атакавала Харкаў
-У Казані у некалькіх дамоў уляцелі беспілётнікі. Відэа публікуюць мясцовыя Telegram-каналы.
-У аэрапорце Іжэўска праз напады на Казань прыпыненыя палёты.
-У ноч на 21 сьнежня Расея зноў атакавала Харкаў «Шахедамі». Ёсьць пацярпелыя.
https://smarturl.click/mpowB
21 сьнежня 1934 году нарадзіўся Іван Чыгрынаў, беларускі празаік, драматург, перакладнік, публіцыст. У 1994-м Чыгрынаў атрымаў званьне народнага пісьменьніка Беларусі.
21 сьнежня 1991 году кіраўнікі 11 былых савецкіх рэспублік у Алма-Аце прынялі Дэклярацыю аб утварэньні Садружнасьці незалежных дзяржаваў і канстатавалі спыненьне існаваньня СССР. Такім чынам падпісаныя раней Белавескія пагадненьні былі пацьверджаныя фактычна. Да Беларусі, Расеі і Ўкраіны далучыліся іншыя былыя савецкія рэспублікі – за выняткам Грузіі, Латвіі, Літвы і Эстоніі.
Больш пра падзеі і даты гэтага дня ў гісторыі Беларусі і сьвету чытайце ў матэрыяле:
https://smarturl.click/EeJ3L
У Магдэбургу 11 чалавек загінулі на калядным рынку
У Магдэбургу ў цэнтральнай частцы Нямеччыны 11 чалавек загінулі, 60 пацярпелі на калядным рынку пасьля ўезду ў натоўп двух аўтамабіляў, паведамляе нямецкі друк. (Фота ілюстрацынае)
https://smarturl.click/XyVMA
МЗС Эстоніі: Мы не прызнáем выбары ў Беларусі і дапаможам іншым убачыць, што гэта фарс
Эстонія не прызнáе прэзыдэнцкія «выбары» ў Беларусі, заплянаваныя на 26 студзеня 2025 году, і іх вынікі. Гэта вынікае з камэнтара для ERR News генэральнага сакратара Міністэрства замежных спраў гэтай краіны Ёнатана Ўсевіёва (на здымку).
«Мы ня лічым, што ў студзені ў Беларусі пройдуць выбары. Калі рэжым абвесьціць, што выбары адбыліся, то мы, відавочна, дапаможам іншым убачыць, што гэта фарс», — прыводзіць словы дыплямата ERR News.
«На жаль, беларускі народ жыве пад дыктатурай», — дадаў генэральны сакратар МЗС.
https://smarturl.click/W3QQW
«Кібэрпартызаны» назвалі афіцыйную прычыну сьмерці Ўладзімера Макея
Ініцыятыва «Кібэрпартызаны» здолела здабыць дадзеныя аб памерлых у Рэспубліцы Беларусь ажно да 2024 году з афіцыйнымі прычынамі сьмерці. База ўтрымлівае дадзеныя і аб сьмерці былога міністра замежных справаў Уладзімера Макея. Паводле зьвестак, атрыманых «Кібэрпартызанамі», афіцыйная прычына сьмерці Макея — «іншыя недакладна пазначаныя і неўдакладненыя прычыны сьмерці».
У здабытай «Кібэрпартызанамі» бае ёсьць інфармацыя і пра прычыны сьмерці былога міністра транспарту і камунікацый Аляксея Аўраменкі. Названыя і іншыя гучныя імёны.
https://smarturl.click/5OQQD