17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Беларусь — у лідэрах па нарошчваньні прамых інвэстыцыяў у эканоміку Польшчы ў 2023 годзе
Аб’ём прамых інвэстыцыяў Беларусі ў польскую эканоміку склаў на канец 2023 году 3141,4 млн эўра. Прырост за 2023 год склаў амаль 1,6 млрд эўра. Лепшая дынаміка па прыросьце назіралася толькі па прамых інвэстыцыях з Ірляндыі.
Па назапашаных прамых інвэстыцыях у эканоміку Польшчы Беларусь апярэджвае Літву, Латвію, Эстонію, Славаччыну, Вугоршчыну, Партугалію і іншыя краіны:
https://smarturl.click/Ee3Z1
«Ордэр на арышт Лукашэнкі можа быць выдадзены ў наступным годзе», — Латушка
Як прыцягнуць да адказнасьці ў Міжнародным Крымінальным судзе рэжым Аляксандра Лукашэнкі? Якія зьмены ў стратэгічным дыялёгу беларускіх дэмсілаў з ЗША могуць адбыцца пасьля ўступленьня на пасаду Дональда Трампа? — Адказвае кіраўнік Народнага антыкрызіснага ўпраўленьня, прадстаўнік Аб’яднанага пераходнага кабінэту ў справе транзыту ўлады Павал Латушка:
🎥 ВІДЭА цалкам: https://youtu.be/1bTHhsuykDY
Фэстываль касплэю, канцэрт рок-гурту «Псыхея», выстава жывапісу. Якія імпрэзы сёлета адмянялі ў Беларусі і што на гэта ўплывала
«Адсутнасьць нейкіх умоваў, правілаў гульні. Незразумела, як сябе паводзіць і што рабіць, каб тваю імпрэзу на 100% не адмянілі». Якія культурныя падзеі адмяняюць у Беларусі і што на гэта ўплывае.
https://smarturl.click/gpnAB
Сталі вядомыя дэталі працэсу «Беларуськалію» супраць Літвы, які прыпынялі, бо Менск ня мог заплаціць арбітражу
Пазоў «Беларуськалію» супраць Літвы будзе разглядаць Пастаянны арбітражны суд у Швайцарыі (Permanent Court of Arbitration, PCA), які раней спыніў працэс, бо беларускі бок ня змог унесьці аванс у памеры 300 тысяч эўра для пачатку разгляду яго пазову.
https://smarturl.click/VDpMn
Мэмарандум, які ня здолеў абараніць ад вайны. Чаму не працуюць гарантыі ядзерных дзяржаў
Гарантыі з боку Расеі ня дзейнічаюць, РФ нічога гарантаваць ня можа. Таму дамова паміж Беларусьсю і Расеяй аб гарантыях бясьпекі, якую мяркуецца падпісаць падчас плянаванага візыту Ўладзіміра Пуціна ў Менск, з самага пачатку выглядае сумнеўнай, піша Валер Карбалевіч з нагоды 30-годзьдзя падпісаньня Будапэшцкага мэмарандуму.
https://smarturl.click/l510Y
Беларуса Сяргея Ерамеева, якога вінавацяць у тэрактах на БАМе, пакінулі пад арыштам
У матэрыялах сьледзтва гаворыцца, што міны ён браў са схованкі ў Наваполацку.
https://smarturl.click/aJ07q
У Нью-Ёрку забілі гендырэктара найбуйнейшай страхавой кампаніі ЗША
Забойства адбылося прыкладна ў 6:40 каля гатэлю на Шостай авэню на Мангэтэне ў Нью-Ёрку. Браян Томпсан ішоў на сход інвэстараў UnitedHealth.
https://smarturl.click/8EWm0
5 сьнежня 1917 году ў Менску пачаўся Першы Ўсебеларускі зьезд (кангрэс). Кангрэс абвясьціў права беларускага народу на незалежнасьць і самавызначэньне, а таксама прыняцьце дэмакратычнай форму ўраду. У ночы з 17 сьнежня на 18 сьнежня 1917 году Першы Усебеларускі зьезд быў разагнаны бальшавікамі. Будынак менскага гарадзкога тэатру, у якім адбываўся І Усебеларускі кангрэс, цяпер — Тэатар імя Янкі Купалы.
5 сьнежня 1947 году нарадзіўся Алесь Разанаў, беларускі паэт і перакладчык (памёр 26 жніўня 2021 году).
5 сьнежня 1994 году на нарадзе кіраўнікоў краінаў АБСЭ быў падпісаны Будапэшцкі мэмарандум. Згодна з гэтым дакумэнтам Вялікабрытанія, ЗША і Расея гарантавалі Беларусі, Казахстану і Ўкраіне бясьпеку і тэрытарыяльную цэласнасьць.
Больш пра падзеі і даты гэтага дня ў гісторыі Беларусі і сьвету чытайце ў матэрыяле:
https://smarturl.click/W3o8X
Камітэт па правах чалавека ААН абавязаў улады Беларусі выплаціць кампэнсацыю Сяргею Ціханоўскаму
Камітэт ААН па правах чалавека пацьвердзіў парушэньне правоў Сяргея Ціханоўскага на свабоднае выказваньне меркаваньня з выкарыстаньнем мірнага сходу, гарантаваных кожнаму артыкуламі 19 і 21 Міжнароднага пакту аб грамадзянскіх і палітычных правах.
Хаця рэжым Лукашэнкі ў 2023 годзе дэнансаваў Факультатыўны пратакол да Міжнароднага пакту аб грамадзянскіх і палітычных правах, гэта не вызваляе афіцыйны Менск ад абавязацельстваў па выкананьні прынятых у ААН рашэньняў, кажа праваабаронца Леанід Судаленка. Паводле яго, цяпер дзяржава абавязаная прадаставіць Ціханоўскаму сродкі кампэнсацыі шкоды ў сувязі з парушэньнямі ягоных правоў:
https://smarturl.click/0eJm8
Тлумачым з Гурневічам. Граў нацыста і НКВДэшніка, танчыў у Тайляндзе: чым вядомы новы міністар культуры Чарнецкі
У Беларусі новы міністар культуры — Руслан Чарнецкі. Ён — актор тэатра і кіно, які заграў больш за 100 роляў, а яшчэ танцор, які больш за 2 гады працаваў у Тайландзе, і сьпявак.
2 сьнежня, прызначаючы Чарнецкага на пасаду міністра культуры, Лукашэнка засумняваўся: «Адзінае пытаньне: ці зможаце Вы ўсім кіраваць?» — спытаў ён. Зрэшты, сумневы ёсьць і ў новага міністра — прынамсі, былі год таму, калі Чарнецкі казаў, што ён «не адміністратар». Але ў адным Лукашэнка можа быць упэўнены. У чым? — Тлумачыць Дзьмітры Гурневіч:
🎥 ВІДЭА: https://www.youtube.com/watch?v=ounobiKku4g
Чаго можна чакаць ад візыту Пуціна ў Менск
Найбольш імаверныя тэмы чарговай сустрэчы Лукашэнкі і Пуціна — увод на тэрыторыю Беларусі новых відаў расейскіх узбраеньняў і роля Беларусі ў гіпатэтычных мірных перамовах па Ўкраіне, якія мае намер ініцыяваць абраны прэзыдэнт ЗША Дональд Трамп, піша аналітык Юры Дракахруст. Падрабязьней:
https://smarturl.click/O0Baa
ЗША паабяцалі «садзейнічаць прыцягненьню рэжыму Лукашэнкі да адказнасьці за парушэньні правоў чалавека»
Другі раўнд Стратэгічнага дыялёгу паміж ЗША і дэмакратычнымі сіламі Беларусі адбыўся 3–4 сьнежня ў Вільні. Ключавой тэмай абмеркаваньня сталі выбары 26 студзеня 2025 году ў Беларусі. Амбасада ЗША ў Беларусі падвяла вынікі Стратэгічнага дыялёгу:
https://smarturl.click/4k5Vm
Беларускую выцінанку ўключылі ў Сьпіс нематэрыяльнай культурнай спадчыны UNESCO
Адпаведнае рашэньне Міжурадавы камітэт UNESCO у пытаньнях нематэрыяльнай культурнай спадчыны прыняў сёньня.
Выцінанка — мастацтва выразаньня карункавых узораў з паперы. Яно распаўсюдзілася па Беларусі ў канцы ХІХ — пачатку ХХ ст. Тады выцінанкамі аздаблялі жыльлё. Пры канцы XX ст. выцінанку прызналі відам дэкаратыўна-прыкладнога мастацтва. У 2021 годзе беларускае мастацтва выцінанкі атрымала статус гісторыка-культурнай каштоўнасьці ў Беларусі:
https://smarturl.click/aJ0yd
Іранскую ляўрэатку Нобэлеўскай прэміі міру часова вызвалілі з турмы
Іран часова вызваліў ляўрэатку Нобэлеўскай прэміі міру Наргес Махамадзі ў сувязі са станам здароўя.
https://smarturl.click/2q4zZ
Другі Стратэгічны дыялёг ЗША і беларускага дэмакратычнага руху абмяркоўвае, як наблізіць зьмены ў Беларусі і быць гатовымі да іх
На парадку дня сэсіі Стратэгічнага дыялёгу 4 сьнежня ў Вільні галоўная тэма — як дасягнуць сувэрэннай, стабільнай і дэмакратычнай Беларусі, а таксама праблемы правоў чалавека і палітвязьняў, прыцягненьня да адказнасьці рэжыму Лукашэнкі за рэпрэсіі і саўдзел у вайне Расеі супраць Украіны, падтрымка незалежных СМІ і прыватнага сэктару беларусаў у выгнаньні.
https://smarturl.click/VDpb7
Беларус пераклаў гульню S.T.A.L.K.E.R. 2 на беларускую мову
Беларус з выдавецтва «Трасянкус» выклаў у агульны доступ поўны пераклад на беларускую мову гульні S.T.A.L.K.E.R. 2: Сэрца Чарнобыля. На беларускай мове цяпер усе тэксты гульні: субтытры дыялёгаў, мэню, падказкі, мапа і г.д. Пераклад ужо можна спампаваць:
https://smarturl.click/dpRLQ
У Менску зьнесьлі будынак Гістарычнай майстэрні Леаніда Левіна, дзе ў 1943-м хаваліся габрэі зь Менскага гета
Як стала вядома Свабодзе, у Менску зьнесьлі будынак на вуліцы Сухой, 25, дзе з 2003 году знаходзілася Гістарычная майстэрня імя Леаніда Левіна пры Менскім міжнародным адукацыйным цэнтры. Цяпер там абгароджаная будаўнічая пляцоўка, на ёй стаяць бытоўкі, відаць экскаватар, жоўты пясок, нейкае ламачча — ані знаку, што раней тут знаходзіўся будынак.
Дом на вул. Сухой, 25 быў пабудаваны ў пачатку XX ст. Падчас вайны ён знаходзіўся ў межах Менскага гета. У гэтым доме каля могілак быў таемны схрон, дзе габрэі маглі схавацца. Калі 23 кастрычніка 1943 году нямецкія акупанты абвясьцілі Менск свабодным ад габрэяў, у будынку схаваліся 26 габрэяў з гета, і 13 зь іх дажылі да вызваленьня.
https://smarturl.click/aJ0gD
Сэрбія ўсьлед за Расеяй і Грузіяй блізкая да прыняцьця закону аб «іншаземных агентах»
Падобны законапраект можа стварыць яшчэ адну праблему ў інтэграцыі Бялграду з Эўразьвязам, у дадатак да косаўскай.
https://smarturl.click/yqOAk
Беларускае слова 2024 году — інкамунікада
Як і ў іншых мовах Эўропы і сьвету, у беларускай мове вызначаецца «Слова году». Сёлета гэта ІНКАМУНІКАДА.
https://smarturl.click/Q1JW3
19-гадовага палітвязьня за здымкі вайсковых аб’ектаў пакаралі 10 гадамі калёніі
Даніілу Гарасіму пагражала да 15 гадоў зьняволеньня.
https://smarturl.click/2q4OW
Польшча западозрыла беларускае прадпрыемства ў продажы прадукцыі «Гродна Азоту» і наклала на яго санкцыі
У сьпіс прадпрыемстваў і арганізацый, на якія Польшча наклала санкцыі, трапіла маладое прадпрыемства «НФТ». Гэта кампанія прадавала ў Эўразьвяз карбамід і аміячную салетру. Яе зарэгістравала крыху больш за год таму ў Капцееўцы пад Горадняй.
https://smarturl.click/e5Dve
Двойчы за кратамі. Расказваем пра палітвязьняў, якія зноў трапілі ў турму пасьля вызваленьня
«На палітвязьняў не распаўсюджваецца выраз „На свабоду з чыстым сумленьнем“. Іх уносяць у экстрэмісцкія сьпісы, яны ня могуць адкрыць рахунак у банку, уладкавацца на працу, знаходзяцца пад татальным кантролем міліцыі. Рызыка зноў трапіць за краты высокая».
Расказваем пра палітвязьняў, якія зноў трапілі ў турму пасьля вызваленьня.
https://smarturl.click/RAG5l
Амэрыканская зорка Тэйлар Сьвіфт зноў стала самай папулярнай на музычнай плятформе Spotify
Другі год запар амэрыканская сьпявачка Тэйлар Сьвіфт названая першай паводле колькасьці праслухоўваньняў артысткай на папулярнай музычнай плятформе Spotify.
Расказваем, хто сёлета апынуўся ў сьпісе найбольш папулярных па колькасьці праслухоўваньняў сьпевакоў, альбомаў і кампазыцыяў у ЗША і сьвеце паводле Spotify:
https://smarturl.click/VDpX4
«У мяне скралі маладосьць». Гісторыі студэнтаў, якія прайшлі праз турму
Дакумэнтальны праект Свабоды «Скрадзеная маладосьць» — гэта шэсьць гісторый студэнтаў, выпускніцы і выкладчыцы, якія правялі больш за два гады ў турме за тое, што далучыліся да пратэсту ў 2020 годзе. Яны расказалі нам, які сьлед пакідае турма на маладосьці, аб чым шкадуюць і аб чым не, і як надалужыць скрадзеныя гады:
🎥 ВІДЭА цалкам: https://www.youtube.com/watch?v=fmlilhDu8vI
Галоўнае за 4 сьнежня
🇺🇸 Падчас другога Стратэгічнага дыялёгу ЗША і беларускага дэмакратычнага руху абмяркоўвалі, як наблізіць зьмены ў Беларусі і быць гатовымі да іх. Пра вынікі Дыялёгу
✍🏻 Беларускую выцінанку ўключылі ў Сьпіс нематэрыяльнай культурнай спадчыны UNESCO
👨🏻⚖️ У Варшаве пачаўся суд у справе аб згвалтаваньні і забойстве беларускі Лізаветы ў Варшаве. Абвінавачаны прызнаў віну часткова
🗣 У Кангрэсе ЗША на 5 сьнежня заплянавалі слуханьні аб перамяшчэньні ў Беларусь украінскіх дзяцей
🧑🏻🎨 Мастакі за кратамі. Чаму ўлады перасьледуюць творцаў
👫 «Працу знайшоў праз абвестку, яшчэ калі быў у Беларусі». Як беларускія эмігранты шукаюць працу і колькі зь іх хочуць вярнуцца на радзіму
🎥 «ЗША павінны адмовіцца ад зьмены рэжыму ў Беларусі», — экспэрт Інстытуту Квінсі
🇷🇺 Чаго можна чакаць ад візыту Пуціна ў Менск, разважае аналітык Юры Дракахруст
«ЗША павінны адмовіцца ад зьмены рэжыму ў Беларусі», — экспэрт Інстытуту Квінсі
Марк Эпіскапас, дасьледчык амэрыканскага Інстытуту адказнага дзяржаўнага кіраваньня Квінсі і прафэсар гісторыі ва Ўнівэрсытэце Мэрымаўнту, раіць, як Злучаным Штатам варта памяняць палітыку адносна Беларусі. У інтэрвію Свабодзе Эпіскапас расказаў, чаму ў беларуска-амэрыканскіх адносінах патрабуецца «мяккая перазагрузка» і чаму ён разьлічвае, што ў адміністрацыі Трампа прыслухаюцца да ягоных парадаў:
🎥ВІДЭА цалкам: https://youtu.be/netjILj0sXg
«Ня ведаю, чаму я гэта рабіў». Фігурант справы аб згвалтаваньні і забойстве беларускі Лізаветы ў Варшаве прызнаў віну часткова
На судовым паседжаньні 4 лістапада абвінавачаны Дорыян С. прызнаў віну ў згвалтаваньні беларускі Лізаветы ў Варшаве ў ноч на 25 лютага, але сьцьвярджае, што забіваць дзяўчыну не хацеў. Таксама ён распавёў больш пра сябе і пра абставіны трагедыі 25 лютага, паведамляе з залі суда «Белсат». Дэталі:
https://smarturl.click/0eJY7
«Працу знайшоў праз абвестку, яшчэ калі быў у Беларусі». Як эмігранты шукаюць працу і колькі зь іх хочуць вярнуцца на радзіму
«Заробак быў большы за тысячу даляраў, плюс адразу аплачвалася жыльлё». Расказваем, як беларусы на эміграцыі мяняюць спэцыяльнасьць і чаму 44% застаюцца ў сваёй прафэсіі. А таксама колькі беларусаў плянуюць вярнуцца і ад чаго гэта залежыць:
https://smarturl.click/M1Zj4
У Літве з пачатку 2025 году беларусам будзе складаней здаць іспыты на права кіраваньня машынай
Пасьля расейскага ваеннага ўварваньня ва Ўкраіну Літва паступова ўскладняе працэдуру легалізацыі на сваёй тэрыторыі для грамадзян Беларусі і Расеі.
https://smarturl.click/mpk05
UNESCO ўключыла ўкраінскія пісанкі ў сьпіс нематэрыяльнай культурнай спадчыны чалавецтва. А што зь беларускімі?
Украіна падала заяўку на ўключэньне ўкраінскай традыцыі ўпрыгожваньня яек у сьпіс UNESCO у 2017 годзе супольна з Эстоніяй. У гэтай краіне ўкраінская пісанка ўключана ў Нацыянальны сьпіс элемэнтаў нематэрыяльнай культурнай спадчыны Эстоніі.
У Беларусі традыцыя расьпісваньня яек з 2016 году ўваходзіць у Дзяржаўны сьпіс гісторыка-культурных каштоўнасьцяў. Гэта абавязковая перадумова для звароту ў UNESCO па прызнаньне пэўнай традыцыі нематэрыяльнай культурнай спадчынай чалавецтва. Але ўлады Беларусі адпаведнай заявы туды не падавалі.
https://smarturl.click/XyOEQ