17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Дзяржава абавязаная за гэтым сачыць». Якія ў Беларусі здараліся няшчасныя выпадкі на атракцыёнах і каго за гэта каралі
У Беларусі на атракцыёнах людзі ламалі хрыбет, атрымлівалі цяжкія трамы і нават паміралі. Сабралі выпадкі і парады, як засьцерагчыся і не пацярпець.
https://smarturl.click/RAv4p
У Беларусі назвалі актывістаў, у якіх «забіраюць нерухомасьць». Сярод іх і дачка Паўла Латушкі
На дзяржаўным тэлеканале ОНТ прадэманстравалі відэазапісы, як у кватэры актывістаў, якія зьехалі ад перасьледу зь Беларусі, уваходзяць прадстаўнікі сілавых органаў і апячатваюць іх «для далейшай рэалізацыі».
https://smarturl.click/kjny6
Украіна пацьвердзіла ўдзел у летніх Алімпійскіх гульнях у Парыжы
Большасьць украінскіх спартоўцаў завяршаюць перадалімпійскую падрыхтоўку за межамі краіны.
Атлетам з Расеі і Беларусі будзе дазволена ўдзельнічаць у Гульнях у Парыжы толькі як нэўтральным асобам, безь дзяржаўных сьцягоў і гімнаў.
https://smarturl.click/Dawy3
З 21 траўня ў Беларусі даражэе аўтамабільнае паліва. Цэны не мяняліся больш за год
Паліва пачне даражэць штотыдзень з крокам 1 капейка — усяго падаражэньне найбліжэйшым часам складзе 8 капеек, паведамляе прэс-служба канцэрну «Белнафтахім».
https://smarturl.click/aJ8MY
У Літве памежнікаў забясьпечаць цяжкім узбраеньнем
Міністар унутраных спраў Агне Білатайце разам з прэм’ер-міністрам Інгрыдай Шыманіце 20 траўня наведала аэрадром Палукніс у Тракайскім раёне, дзе яны азнаёміліся з магчымасьцямі авіяцыйнага кіраваньня Службы аховы дзяржаўнай мяжы Літвы.
https://smarturl.click/4kDWG
UEFA аштрафаваў футбольную фэдэрацыю Літвы за адмову гуляць зь Беларусьсю
Матчы павінны былі прайсьці 31 траўня і 4 чэрвеня, аднак ЛФФ раней заявіла, што жаночая каманда ня будзе сустракацца з суперніцамі зь Беларусі з прычыны падтрымкі ўладамі Беларусі расейскай агрэсіі супраць Украіны.
https://smarturl.click/AdMZY
Фота Lietuvos Futbolas (@ltfutbolas) / X
Указ, якога ніхто ня бачыў. Як беларускім выпускнікам ускладнілі паступленьне за мяжу
Выпускнікам, якія хочуць паступаць у замежныя ВНУ, перасталі выдаваць у Беларусі некалькі папераў – даведку зь Міністэрства адукацыі і даведку са зьместам праграмы са школы.
Даведаліся, як вырашаюць гэтую праблему:
https://smarturl.click/JDz0q
Мінабароны паведаміла, што прыводзіць у гатоўнасьць тактычную групу 6-й мэханізаванай брыгады ў Горадні
Вайсковае ведамства сьцьвярджае, што гэта робіцца «ў рамках праверкі».
«Асабісты склад на штатным узбраеньні рушыць у прызначаны раён, дзе выканае комплекс мерапрыемстваў па інжынэрным абсталяваньні раёнаў і пазыцый», – гаворыцца ў паведамленьні без пазнакі канкрэтнага месца, дзе будуць рабіцца згаданыя дзеяньні.
Рэжым Лукашэнкі ў апошнія гады няспынна праводзіць вучэньні, трэніроўкі, зборы на фоне абвастрэньня дачыненьняў з Захадам і вайны Расеі супраць Украіны, у якой афіцыйны Менск падтрымлівае Крэмль.
ЧАСТКА 2:«На хвалі Свабоды»
Цыкль перадачаў «На хвалі Свабоды» Сяргея Шупы, прысьвечаных гісторыі Радыё Свабода (1954–2013), якія гучалі на нашых хвалях у 2003, 2004, 2009 і 2014 гадах.
•Чытаць на сайце
•Слухаць на Soundcloud
«Свабода бяз радыё: больш Свабоды»
30 красавіка 2019 году на сярэдняхвалевай частаце 1386 кГц апошні раз прагучаў наш сыгнал. Радыё Свабода пасьля амаль 65 гадоў штодзённага этэру канчаткова пакінула радыёхвалі.
•Сэрыя публікацый пра гісторыю Беларускай службы
•Фільм Аляксандра Лукашука
І на закуску: рок-гіт ад гурту Ulis
У 1990 годзе паэт Фэлікс Аксёнцаў і лідэра гурта Ulis Вячаслаў Корань напісалі песьню «Радыё Свабода», якая ад часу свайго стварэньня стала гітом і гімнам пакаленьня.
Перакладчыцы Вользе Калацкай прысудзілі штраф памерам 800 рублёў
Суд над Калацкай адбыўся 17 траўня. Афіцыйна яе пакаралі штрафам у 20 базавых велічыняў за «маханьне рукамі ў РУУС». Пра затрыманьне жанчыны стала вядома 9 траўня.
Раней Вольга Калацкая ўжо была асуджаная і цалкам адбыла пакараньне. 24 красавіка 2021 году перакладчыцу абвінавацілі ў тым, што яна пабіла супрацоўніка тэлеканалу СТБ Рыгора Азаронка (дала поўху). Нягледзячы на тое, што фігурантка справы прынесла прабачэньні пацярпеламу і той ня меў да яе матэрыяльных ці маральных прэтэнзій, судзьдзя Ала Скуратовіч пакарала перакладчыцу 2 гадамі «хатняй хіміі».
Прэзыдэнт Ірану Ібрагім Раісі загінуў у выніку крушэньня верталёта
Прэзыдэнт Ірану Ібрагім Раісі загінуў разам з усімі, хто быў на борце, пры крушэньні верталёта ў іранскай правінцыі Ўсходні Азэрбайджан.
Пра гэта паведаміў кіраўнік іранскага таварыства Чырвонага Паўмесяца Пір Хусэйн Каліванд, перадаюць дзяржаўная тэлерадыёкампанія IRIB, а таксама агенцтва Mehr.
Акрамя таго, ананімны іранскі чыноўнік расказаў Reuters, што верталёт у выніку крушэньня цалкам згарэў.
https://smarturl.click/gpj9B
Важнае 19 траўня ў Беларусі
▪️У Варшаве адбылася канфэрэнцыя кандытаў у Каардынацыйную раду. Уцекачы безь беларускіх пашпартоў на руках ня змогуць выбраць свайго кандыдата
▪️Баскетбалістка Кацярына Сныціна выйграла з камандай апошні матч у сваёй прафэсійнай кар’еры і стала чэмпіёнкай Вялікай Брытаніі
▪️BelPol выпусьціў расьсьледаваньне пра тое, як рэжым Лукашэнкі ўдзельнічае ў вайне
▪️Эўразьвяз зрабіў больш строгімі ўмовы ўвозу катоў і сабак зь Беларусі і Расеі
▪️У Менску на праспэкце Машэрава згарэў аўтобус МАЗ
▪️У Ашгабадзе паставілі амаль 5-мэтровы помнік Янку Купалу
▪️«Раю „беглым“ забыць пра сваю ўласнасьць». Пра палітычныя канфіскацыі маёмасьці як інструмэнт помсты і застрашваньня. Блог на Свабодзе
Помнік Янку Купалу ў Ашгабадзе. ФАТАФАКТ
У сталіцы Туркмэністану паставілі амаль 5-мэтровы помнік Янку Купалу. Помнік прайшоў «усе ўзгадненьні зь беларускім бокам».
Фота: МЗС Беларусі
https://smarturl.click/ba6Y1
Reuters: Жыцьці прэзыдэнта Ірану і кіраўніка МЗС знаходзяцца пад пагрозай
«Мы спадзяемся на лепшае, але інфармацыя, якая паступае зь месца крушэньня, вельмі трывожыць», – сказаў неназваны іранскі чыноўнік Reuters. Пошукі дэлегацыі, што разьбілася на верталётах, і ў якую ўваходзілі прэзыдэнт Ібрагім Раісі і міністар замежных справаў Хусэйн Амір-Абдулах’ян, працягваюцца.
Лідэр Ірана аятала Алі Хамэнэі правёў экстранае пасяджэньне Савету бясьпекі краіны пасьля паведамленьняў аб аварыі верталёта Раісі, паведамляе Tehran Times.
Верталёт, у якім ляцеў прэзыдэнт Ірану Ібрахім Раісі, зьдзейсьніў жорсткую пасадку
Дзяржаўная тэлевізія Ірану паведаміла, што на месца аварыі былі накіраваныя выратавальныя каманды, але складаныя ўмовы надвор'я і моцны туман перашкаджаюць працы ратавальнікаў. У той жа час экіпаж паветранага судна выйшаў на сувязь, і ёсьць верагоднасьць, што абышлося без ахвяр, паведамляе агенцтва Tasnim. У верталёце знаходзіліся яшчэ некалькі чыноўнікаў, у тым ліку міністар замежных спраў.
https://smarturl.click/3kdZk
21 траўня — дзень памяці Вітольда Ашурка
3 гады таму, 21 траўня 2021 году, у калёніі ў Шклове пры нявысьветленых абставінах загінуў Вітольд Ашурак, грамадзка-палітычны і экалягічны актывіст зь Бярозаўкі, палітычны зьняволены, сябра партыі БНФ.
Больш падзей гэтага дня ў гісторыі — у матэрыяле «Ўжо сёньня».
https://smarturl.click/Q1WGJ
Галоўнае за 20 траўня
🔸 Радыё Свабода — 70. Хто быў супраць яе адкрыцьця, пры чым тут БНР і ЦРУ
🔸 «Настойліва зьвяртайцеся, няхай выкручваюцца». Што рабіць, калі адвакаты адмаўляюцца абараняць «палітычнага»
🔸 Ці шмат вы ведаеце пра Радыё Свабода? Тэст
🔸 Указ, якога ніхто ня бачыў. Як беларускім выпускнікам ускладнілі паступленьне за мяжу
🔸 Той самы Мюнгаўзэн, той самы Скарына. Беларускія сьляды Алега Янкоўскага
🔸 Аляксандар Лукашук: Радыё Свабода — там, дзе няма цемнаты
🔸 Прэзыдэнт Ірану Ібрагім Раісі загінуў у выніку крушэньня верталёта
🔸 Ігар Лосік чацьвёрты раз сустракае дзень нараджэньня за кратамі
🔸 З 21 траўня ў Беларусі даражэе аўтамабільнае паліва. Цэны не мяняліся больш за год
Хто такі Махамад Махбэр, які часова заняў пасаду прэзыдэнта Ірану, і якія сувязі ён мае з Масквой і Менскам
Загінулы Раісі да ўступленьня на пасаду амаль ня меў кіраўнічага досьведу, і менавіта Махбэр з моманту ўступленьня Раісі на пасаду фактычна кіраваў ягонай выканаўчай уладай.
https://smarturl.click/G6v1Q
Аляксандар Лукашук: Радыё Свабода — там, дзе няма цемнаты
20 траўня 1954 году ў Мюнхэне пачала вяшчаньне беларуская сэкцыя Радыё Вызваленьне (цяпер беларуская служба Радыё Свабода). На пытаньні пра мінулае і будучыню адказвае Аляксандар Лукашук, былы дырэктар Беларускай службы Радыё Свабода (1998–2023).
ВІДЭА: https://youtu.be/YNXLb5mr7Vw
Прэзыдэнт Ірану загінуў у выніку крушэньня верталёта. Фота зь месца здарэньня
Міністар замежных спраў Хасэйн Амір-Абдалах’ян таксама быў сярод загінулых разам зь сямю іншымі дзяржаўнымі дзеячамі.
https://smarturl.click/mp3o9
Сарвалася правядзеньне песеннага фэстывалю, задуманага Тураўскай япархіяй БПЦ
Праваслаўны фэстываль духоўнай, народнай і ваенна-патрыятычнай песьні «Палескі Вялікдзень» праводзіўся ўжо чатыры разы. У папярэднія гады колькасьць калектываў-удзельнікаў даходзіла да паўтара дзясятка.
https://smarturl.click/4kD5x
Ігар Лосік чацьвёрты раз сустракае народзіны за кратамі
20 траўня блогеру і журналісту Радыё Свабода Ігару Лосіку споўнілася 32 гады.
Ігара затрымалі 25 чэрвеня 2020 году, у сьнежні 2021-га яму прысудзілі 15 гадоў калёніі ўзмоцненага рэжыму за «арганізацыю масавых беспарадкаў і распальваньне варожасьці».
Палітвязень адбывае пакараньне ў Наваполацкай калёніі, дзе яго трымаюць у становішчы інкамунікада. Апошні ліст бацькі Ігара атрымалі ад сына летась у лютым.
Паводле праваабаронцаў, з 2023 году Лосіка трымаюць у памяшканьні камэрнага тыпу.
Жонка Ігара Лосіка Дар’я таксама палітзьняволеная. Ёй прысудзілі 2 гады зьняволеньня паводле артыкулу 361-4 Крымінальнага кодэксу («Садзейнічаньне экстрэмісцкай дзейнасьці») за інтэрвію тэлеканалу «Белсат».
Той самы Мюнгаўзэн, той самы Скарына. Беларускія сьляды Алега Янкоўскага
Савецкага і расейскага актора Алега Янкоўскага памятаюць усе. Але ня кожны ведае, што «той самы Мюнгаўзэн» многімі ніткамі зьвязаны з нашай краінай.
У гадавіну сьмерці Янкоўскага цікавыя факты яго біяграфіі ўзгадвае Сяргей Дубавец: https://smarturl.click/opODD
ЖЫВАЯ ГІСТОРЫЯ: 70 ГАДОЎ БЕЛАРУСКАЙ СЛУЖБЫ РАДЫЁ СВАБОДА
20 траўня 1954 году пачаліся беларускамоўныя перадачы Радыё Вызваленьне (пазьней — Радыё Свабода). Сёлета мы адзначаем 70-годзьдзе Беларускай службы і прапануем вам нізку гістарычных матэрыялаў.
ЧАСТКА 1: «Гаворыць Радыё Вызваленьне...»
Гэта рэпрынтнае выданьне першага зборніка радыёперадач «з вольнага сьвету для суродзічаў», які «стараньнем Беларускае Рэдакцыі Радыя Вызваленьне» выйшаў у Мюнхэне у 1956 годзе.
Чытаць кнігу (pdf)
«Птушкі пералётныя». Успаміны вэтэрана Радыё Свабода Галіны Руднік
Больш як сорак гадоў Галіна Руднік (1930–2017) аддала працы на Радыё Свабода. Сюды, у беларускую рэдакцыю яе рэкамэндаваў прэзыдэнт Рады БНР Мікола Абрамчык. Працавала яна і для ўкраінскай, і для рускай рэдакцый, адышоўшы на пэнсію у 1995 годзе. У 2011 годзе Свабода апублікавала ўспаміны Галіны Руднік.
•Чытаць кнігу (PDF)
•Слухаць аўдыёкнігу на Soundcloud
«Настойліва зьвяртайцеся, няхай выкручваюцца». Што рабіць, калі адвакаты адмаўляюцца абараняць «палітычнага»
“Калі я працавала адвакатам, не было розьніцы, вяду справу па дамове альбо мяне прызначылі. Я юрыдычную дапамогу аказвала аднолькава”, – кажа былая адвакатка.
І раіць пагаджацца на дзяжурнага адваката, калі іншыя адмаўляюцца абараняць кліента.
Падрабязьней пра тое, як забясьпечыць свае права на абарону: https://smarturl.click/ppy99
Сёньня — 70-я ўгодкі беларускай службы Радыё Свабода
20 траўня 1954 году ў Мюнхэне пачала вяшчаньне беларуская сэкцыя Радыё Вызваленьне (цяпер беларуская служба Радыё Свабода). Першую беларускамоўную перадачу падрыхтавалі Вінцэнт Жук-Грышкевіч, Пятро Сыч, Сымон Кандыбовіч, Янка Ліманоўскі, Лявон Карась.
Пра іншыя падзеі, пра якія варта ўзгадаць 20 траўня - у матэрыяле Ужо сёньня.
https://smarturl.click/vwzv5
Выбары ў КР: уцекачы без беларускіх пашпартоў на руках ня змогуць выбраць свайго кандыдата. ШМАТ ФОТА
Таксама ўдзельнікі прызнаюць, што кампанія не прыцягнула належнай увагі. Але арганізатары абяцаюць агучыць колькасьць галасоў, «колькі б іх ні было». Рэпартаж Свабоды з канфэрэнцыі кандытаў у Каардынацыйную Раду.
https://smarturl.click/71pJG
У Славаччыне кажуць, што нападнік на прэм'ера мог мець хаўрусьнікаў
Бо нехта выдаліў ягоны акаўнт у ФБ ужо пасьля арышту.
Інфармацыя вынікае зь сёньняшняй заявы міністра ўнутраных спраў Славаччыны Матуша Шутая Эштака. Прычым раней менавіта міністар казаў, што падазраваны ня меў саўдзельнікаў.
https://smarturl.click/9zZ4D
Легенда беларускага баскетболу Кацярына Сныціна выйграла з камандай апошні матч у сваёй прафэсійнай кар’еры і стала чэмпіёнкай Вялікай Брытаніі
Кацярына Сныціна ў 2020 годзе падпісала ліст вольных спартоўцаў. У сакавіку 2021 году Сныціна абвясьціла, што завяршае кар’еру ў нацыянальнай зборнай Беларусі, дзе яна тады была капітанам, каб ня быць часткай прапаганды рэжыму Лукашэнкі. Апошнія два сэзоны яна адгуляла ў брытанскай камандзе «London Lions».
https://smarturl.click/B6wpw
Ці добра вы ведаеце гісторыю былой сталіцы ВКЛ Вільні ў ХІХ стагодзьдзі? ТЭСТ
Вільня была сталіцай Вялікага Княства Літоўскага на працягу амаль пяці стагодзьдзяў – з 1323-га да 1795 году. Гісторыя гэтага места такая складаная і багатая, што можна зрабіць не адзін і ня два тэсты і ўсё роўна не ахапіць яе ўсю. Тым ня менш паспрабуйце праверыць сябе і адказаць на некалькі пытаньняў нашага трэцяга тэсту пра Вільню.
https://smarturl.click/Yz0aA