17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
24 красавіка — дзень народзінаў палітзьняволенай Марыі Калесьнікавай
Беларуская палітычная і грамадзкая актывістка, а таксама прафэсійная музыкантка (флейтыстка) Марыя Калесьнікава нарадзілася 24 красавіка 1982 году ў Менску.
Падчас выбарчай кампаніі 2020 году ў Беларусі Калесьнікава была адной з кіраўнікоў штабу Віктара Бабарыкі. У верасьні 2020-га сілавікі спрабавалі выдварыць яе з краіны, але на мяжы яна парвала свой пашпарт. У выніку Марыю абвінавацілі ў «змове з мэтай захопу ўлады» і асудзілі на 11 гадоў калёніі. Ужо больш за год блізкія Калесьнікавай ня маюць вестак ад яе.
Іншыя адметныя даты і падзеі 24 красавіка ў гісторыі ў матэрыяле «Ўжо сёньня»: https://smarturl.click/kjOzx
Генэральны сакратар NATO: Плянаў разьмяшчаць ядзерную зброю ў новых краінах няма
«Няма ніякіх плянаў разьмяшчэньні большай колькасьці ядзернага ўзбраеньня дадаткова ў якіх-небудзь краінах NATO», — заявіў Енс Столтэнбэрг падчас сумеснай прэс-канфэрэнцыі з прэм’ер-міністрам Вялікай Брытаніі 23 красавіка ў Польшчы.
Раней на гэтым тыдні прэзыдэнт Польшчы Анджэй Дуда заявіў, што Варшава адкрытая да разьмяшчэньня на польскай тэрыторыі ядзернай зброі хаўрусьнікаў у NATO:
https://smarturl.click/jkJxy
Галоўнае за 23 красавіка
✍🏻 Беларусь увяла дадатковыя контрасанкцыі супраць «недружалюбных» дзяржаў
👫 На выбары ў Каардынацыйную раду падалі 13 выбарчых сьпісаў
🇱🇹 У літоўскім парлямэнце не падтрымалі абмежаваньня паездак у Беларусь для беларусаў з ДНЖ
❌ BelPol: Прызыўнікам забароняць выезд зь Беларусі
🎥 Падкаст-сэрыял «Архіпэляг БЕЛАГ». Этапы і папраўчыя калёніі, прымусовая праца за кратамі
📚 «Галоўнае будзе расказана і паказана пасьля перамогі». Выйшла першая друкаваная гісторыя палка Каліноўскага
🙍🏻♂️«Гэта праява клясавай нянавісьці да тых людзей, якія не залежаць ад рэжыму», — Кныровіч пра новы закон аб прадпрымальніках
👩🏼 «Запыталася б Лукашэнку, ці ён шчасьлівы». Блогерка, віцэ-сьпікерка Каардынацыйнай рады Вольга Павук
🕯 «Птушка, якая зьбіраецца ў вырай». Калегі ўспамінаюць знакавага беларускага філёзафа, гісторыка Ўладзімера Конана
«Каардынацыйная Рада можа зьдзівіць», — блогерка, віцэ-сьпікерка Каардынацыйнай рады Вольга Павук
Якая галоўная рыса цяперашніх чыноўнікаў? Ці баяцца яны званкоў папулярных блогераў? Ці выпадкова так званы «Усебеларускі народны сход» супадае з пачаткам выбараў у Каардынацыйную раду? Чаму аўтары «Рудабельскай паказухі» навучылі Сяргея Ціханоўскага?
Пра гэта гаворым з папулярнай блогеркай, віцэ-сьпікеркай 2-га складу Каардынацыйнай Рады Вольгай Павук:
🎥 ВІДЭА гутаркі: https://youtu.be/SFG-KUeHWrQ
Ва Ўнутраных войсках стварылі дванаццаты атрад спэцназу
У структуры ўнутраных войскаў МУС створаны ўжо 12-ы атрад спэцназу. Ён атрымаў назву «Гром». Атрад створаны на базе вайсковай часткі 6713 і будзе дысьлякавацца ў Магілёве і Бабруйску. Задачы атраду — пошук і ліквідацыя незаконных узброеных фармаваньняў і дывэрсійна-выведных груп, садзейнічаньне ў ахове дзяржаўнай мяжы, затрыманьне правапарушальнікаў разам зь сілавікамі МУС.
Раней атрады спэцназу стварылі ў Менску, Берасьцейскай, Гарадзенскай і Гомельскай абласьцях, а таксама ў Астраўцы:
https://smarturl.click/Zynqd
Ініцыятарку закону пра УНС прызначылі судзьдзёй Канстытуцыйнага суда Беларусі. Яна знаходзіцца пад санкцыямі 35 краін
Дэпутатку мінулага, сёмага скліканьня Палаты прадстаўнікоў Сьвятлану Любецкую прызначылі судзьдзёй Канстытуцыйнага суда. Расказваем, што пра яе вядома:
https://smarturl.click/vwjyw
Улады Ўкраіны абмежавалі доступ да консульскіх паслуг для мужчын прызыўнога ўзросту за мяжой
Сёлета ў красавіку ва Ўкраіне ўхвалілі закон аб мабілізацыі, які набудзе юрыдычную моц з 16 траўня 2024 году.
Пра абмежаваньне консульскіх паслуг украінцам за мяжой заявіў кіраўнік МЗС Дзьмітро Кулеба.
https://smarturl.click/8EVv0
У літоўскім парлямэнце не падтрымалі абмежаваньня паездак у Беларусь для беларусаў з ДНЖ
Гэтую прапанову падтрымаў 41 дэпутат, супраць яе прагаласавалі 37 і ўстрымаліся 39 дэпутатаў Сейму.
https://smarturl.click/9zMaD
На выбары ў Каардынацыйную раду падалі 13 выбарчых сьпісаў
Агулам у сьпісах 280 чалавек. Выбарчая камісія зараз займаецца спраўджаньнем інфармацыі, пададзенай у выбарчых сьпісах.
Сьпісы ўзначальваюць Георгі Дзьмітрук, Аляксандар Азараў, Максім Шабуцкі, Віталь Савюк, Павал Латушка, Вадзім Пракоп'еў, Аляксандар Дабравольскі, Вадзім Кабанчук, Роза Турарбекава, Яраслаў Грыгор'еў, Лізавета Пракопчык, Надзея Нортан і Тацяна Мартынава.
Выбары ў КР пачнуцца 25 траўня і працягнуцца да канца дня 27 траўня. Будзе абрана 80 дэлегатаў, тэрмін паўнамоцтваў — 2 гады.
Падрабязьней пра працэдуру і сьпісы: https://smarturl.click/3keLk
«Птушка, якая зьбіраецца ў вырай». Успамінаючы Ўладзімера Конана
23 красавіка Ўладзімеру Конану магло б споўніцца 90. Пра знакавую постаць беларушчыны, гісторыка, літаратуразнаўца, фальклярыста, доктара філязофіі, прафэсара ўспамінаюць ягоныя калегі, сябры, выхаванцы.
https://smarturl.click/W3XQ4
«Галоўнае будзе расказана і паказана пасьля перамогі». Выйшла першая друкаваная гісторыя палка імя Каліноўскага
«Мы паспрабавалі даць магчымасьць чытачу крыху „пажыць“ жыцьцём беларускіх добраахвотнікаў, прайсьці за імі ад гораду да гораду, прыблізна адчуць дух рызыкі, вайны, братэрства, а яшчэ перажыць моманты посьпехаў, падтрымкі і гонару». Фотаальбом «Гісторыя палка імя Кастуся Каліноўскага ў фатаграфіях і ўспамінах ваяроў. 2022–2024» будзе прадавацца, каб сабраць грошы на 10 грузавых квадрацыклаў для ваяроў.
https://smarturl.click/VDXp4
Калінінградзкі губэрнатар заклікаў перагледзець філязофію Канта і назваў таго «расейскім трафэем»
У панядзелак губэрнатар Калінінградзкай вобласьці Расеі Антон Аліханаў выступіў на Міжнародным кантаўскім кангрэсе ў Балтыйскім фэдэральным унівэрсытэце, прысьвечаным 300-годзьдзю з дня нараджэньня філёзафа. Чыноўнік назваў Канта «расейскім трафэем», як і ўсю Калінінградзкую вобласьць.
Ён заявіў, што цяпер Расея знаходзіцца «у цэнтры наймагутнейшай кагнытыўнай вайны, дзе збольшага супернік спрабуе прыкрыцца кантаўскай спадчынай». Таму спадчыну Імануіла Канта неабходна падвергнуць рэвізіі і даць яму «расейскую інтэрпрэтацыю». https://smarturl.click/jkJ0z
Лукашэнка падпісаў закон, які абмяжоўвае прадпрымальніцкую дзейнасьць
Будуць абмежаваныя віды дзейнасьці, якія змогуць ажыцьцяўляць індывідуальныя прадпрымальнікі. Сьпіс мае вызначыць урад да 1 ліпеня. Па відах дзейнасьці, якія ня трапяць у заплянаваны пералік, з 1 кастрычніка спыняецца рэгістрацыя новых індывідуальных прадпрымальнікаў.
Паводле падлікаў Міністэрства эканомікі, пасьля перагляду відаў дзейнасьці колькасьць індывідуальных прадпрымальнікаў можа скараціцца амаль удвая — з 263 тысячаў да 143,5 тысячы, колькасьць найманых у іх работнікаў — з 64,6 тысячаў да 47,1 тысячы. https://smarturl.click/xBl2e
У Беларусі — чарговы антырэкорд на рынку працы: у краіне не хапае 146,6 тысячаў работнікаў
Столькі прапаноў ад наймальнікаў разьмешчана ў агульнарэспубліканскім банку вакансіяў. Для параўнаньня: 25 сакавіка вакансіяў было амаль на 6 тысячаў менш.
Аляксандр Лукашэнка 9 красавіка прызнаў «павальны дэфіцыт кадраў» на заводах. На некаторых прадпрыемствах не хапае па некалькі тысячаў супрацоўнікаў, прычым для асобных вакансіяў прапануюць нядрэнныя заробкі. На гэтым, піша партал «Люстэрка», адбіваюцца ў тым ліку міграцыя насельніцтва і звальненьні працаўнікоў «за палітыку». https://smarturl.click/dplE6
У Расеі суд завочна прыгаварыў прэсавага сакратара Meta Эндзі Стоўна да 6 гадоў калёніі ў справе аб «апраўданьні тэрарызму»
Летась падставай для справы супраць Стоўна стала рашэньне кампаніі не блякаваць украінскіх карыстальнікаў за допісы, якія заклікаюць да «сьмерці расейскіх захопнікаў». Аб рашэньні абвясьціў менавіта Стоўн, як прэсавы сакратар кампаніі. https://smarturl.click/8EV12
Ня толькі люксавыя аўтамабілі. Эўрапейскія грузавікі трапляюць у Расею празь Беларусь у абыход санкцыяў, — расьсьледаваньне
Нядаўна Польшча, Літва і Латвія перасталі прапускаць празь межы зь Беларусьсю люксавыя аўтамабілі, на гандаль якімі з Расеяй наклалі санкцыі. Журналісты-расьсьледнікі высьветлілі, што сетка беларускіх, расейскіх і эўрапейскіх кампаній у абыход санкцыяў увозіць з Эўропы ў Расею празь Беларусь ня толькі люксавыя аўтамабілі, але і грузавікі. Як працуе схема:
https://smarturl.click/w96ym
«Гэта праява клясавай нянавісьці да тых людзей, якія не залежаць ад рэжыму», — Кныровіч пра новы закон аб прадпрымальніках
«У Лукашэнкавым сьвеце пануе плянавая эканоміка, у якой у існаваньні індывідуальных прадпрымальнікаў няма сэнсу», — камэнтуе падпісаны Лукашэнкам закон, які абмяжоўвае дзейнасьць ІП, прадпрымальнік і блогер Аляксандар Кныровіч.
У інтэрвію Свабодзе ён аналізуе, навошта беларускія ўлады гэтак доўга і зацята змагаюцца супраць індывідуальных прадпрымальнікаў, тлумачыць, хто прыйдзе на месца ІП і як гэта адаб’ецца на спажывецкіх цэнах:
https://smarturl.click/VDXoQ
Кватэру палітзьняволенага праваабаронцы «Вясны» Ўладзімера Лабковіча прадалі на аўкцыёне
На 23 красавіка быў прызначаны аўкцыён па продажы нерухомасьці палітзьняволеных праваабаронцаў «Вясны» — Валянціна Стэфановіча і Ўладзімера Лабковіча. На таргі выставілі 1/7 частку офіснага памяшканьня і двухпакаёвую кватэру.
Жадаючых купіць офіс не знайшлося, а кватэру юрыста «Вясны» і каардынатара кампаніі «Праваабаронцы за свабодныя выбары» Ўладзімера Лабковіча ў выніку таргоў прадалі з аўкцыёну за 145 390 беларускіх рублёў:
https://smarturl.click/aJLOD
У Беларусі вырашылі пабудаваць яшчэ адну заставу на мяжы з Украінай — на працы плянуюць выдаткаваць больш за 7,6 мільёна даляраў
Памежную заставу плянуюць пабудаваць у вёсцы Ласіцк Пінскага раёну (за 6 км на поўдзень ад вёскі праходзіць мяжа з Украінай). Адпаведны тэндэр зьявіўся на сайце дзяржзакупак, заўважыла @mediazona_by. Будоўлю плянуюць пачаць сёлета ў траўні, а скончыць — у верасьні 2025 году.
Апошнім часам Памежны камітэт рэгулярна адкрывае новыя або рэканструяваныя памежныя заставы на паўднёвай мяжы Беларусі:
https://smarturl.click/op5QD
❗️Падкаст-сэрыял «Архіпэляг БЕЛАГ». Этапы і папраўчыя калёніі, прымусовая праца за кратамі
Свабода запускае чацьвёрты эпізод падкаст-сэрыялу «Архіпэляг БЕЛАГ», які расказвае пра карную сыстэму рэжыму Лукашэнкі. Гэтая частка — пра тое, як катуюць падчас этапаў, а таксама пра найбольш вядомыя калёніі Беларусі: гомельскую жаночую, наваполацкую і шклоўскую.
🎥 Відэа: https://www.youtube.com/watch?v=RIHA9DoBzP0
✍🏻 Пра падкаст + папярэднія эпізоды: https://smarturl.click/0emkm
BelPol: Прызыўнікам забароняць выезд зь Беларусі
Спасылаючыся на інфармацыю ад некалькіх надзейных крыніц, BelPol паведамляе, што ў Беларусі зьбіраюцца ўвесьці забарону на выезд за межы краіны ўсім грамадзянам, якія падлягаюць прызыву на тэрміновую вайсковую службу (ва ўзросьце ад 18 да 27 гадоў) адначасова з абвяшчэньнем чарговага прызыву.
З улікам таго, што ў Беларусі штогод аб’яўляюцца два прызывы — вясновы і восеньскі, і мерапрыемствы па прызыве доўжацца каля 4 месяцаў, мужчынам прызыўнога ўзросту выезд за межы Беларусі будзе забаронены на працягу 8 месяцаў на год, сьцьвярджаюць у BelPol:
https://smarturl.click/719WG
Палітвязьню Дзянісу Івашыну забаранілі перадачы зь вітамінамі
Пра новае абмежаваньне для палітвязьняў паведаміла жонка зьняволенага журналіста Вольга Івашына. Цяпер, каб даслаць вітаміны ў турму ці калёнію, неабходна атрымаць спэцыяльны дазвол ад лекара мэдычнай часткі ўстановы.
Раней такое правіла датычылася толькі неабходных лекаў.
Дзяніс Івашын ужо 1,5 года пазбаўлены прадуктовых перадач, у якіх можна было прысылаць садавіну ці гародніну, каб кампэнсаваць нястачу вітамінаў.
Літоўскія памежнікі патлумачылі, чаму зноў павялічыліся чэргі на мяжы зь Беларусьсю
У Службе аховы дзяржаўнай мяжы Літвы паведамілі пра павелічэньне чэргаў на мяжы зь Беларусьсю — выезду на беларускую тэрыторыю на двух дзейных літоўскіх памежных пунктах 22 красавіка чакалі 1710 грузавых аўтамабіляў і 410 легкавых.
https://smarturl.click/baOM1
🩺 Увага, пошук!
Шукаем лекараў, якія зьехалі зь Беларусі за мяжу найперш з эканамічных прычынаў. Хочам задаць некалькі пытаньняў пра ўмовы працы на Радзіме ў апошнія месяцы.
Ананімнасьць гарантуем!
📬 Сувязь з рэдакцыяй: Telegram: @SvabodaBelarus; Signal: +37068643669
Беларусь увяла дадатковыя контрасанкцыі супраць «недружалюбных» дзяржаў
Галоўная навацыя новай пастановы Савету міністраў — абмежаваньне на выплату прыбытку і дывідэндаў інвэстарам з краін, якія знаходзяцца ў адмысловым сьпісе ўраду. Абмежаваньне пачынае працаваць, калі прыбытак або дывідэнды, якія захоча разьмеркаваць інвэстар зь «недружалюбнай» краіны, перавысяць 80 тысяч базавых велічынь (3,2 млн рублёў).
https://smarturl.click/Zynv2
23 красавіка 1934 году нарадзіўся Ўладзімер Конан, беларускі філёзаф, гісторык, літаратурны крытык
Вось як ацэньвае ягоны даробак культурны антраполяг Любоў Уладыкоўская: «Ведаючы нацыянальную культуру дасканала і абапіраючыся на самыя глыбокія і маладасьледаваныя яе пласты, прафэсар Конан акрэсьліў парадыгму беларускага нацыянальнага быцьця і самапазнаньня ў кантэксьце эўрапейскай хрысьціянскай цывілізацыі».
Больш падзей 23 красавіка ў гісторыі ў матэрыяле «Ўжо сёньня»: https://smarturl.click/DanEE
Галоўнае за 22 красавіка
📌 У Беларусі — чарговы антырэкорд на рынку працы: у краіне не хапае 146,6 тысячы работнікаў
📌 Лукашэнка падпісаў закон, які абмяжоўвае прадпрымальніцкую дзейнасьць
📌 «Топчуць крыжыкі, абразкі, зьбіваюць за рэлігійныя тату». Прадстаўніца «Хрысьціянскай візіі» пра зьдзекі зь вернікаў за кратамі
📌 Без параду, але з салютам. Як зьмяняюцца выдаткі на сьвяткаваньне 9 траўня
📌 Міністар ЖКГ паведаміў, што ў Беларусі адрамантавана толькі 22% ямаў на дарогах
📌 «Адна жанчына ня вытрымала і вярнулася». Як беларусам за мяжой пайсьці на пэнсію
📌 У Маскве ад Лукашэнкі не схаваесься. Пра што сьведчыць гісторыя Андрэя Суздальцава
📌 Прэзыдэнт Анджэй Дуда заявіў аб гатоўнасьці Польшчы разьмясьціць у сябе ядзерную зброю
«Топчуць крыжыкі, абразкі, зьбіваюць за рэлігійныя тату». Як зьдзекуюцца зь вернікаў за кратамі
Пратэстанцкі прапаведнік Сяргей Мельянец, які наведваў практычна ўсе суды над палітвязьнямі, пасьля арышту вымушаны быў разам зь сям’ёй выехаць зь Беларусі. Празь якія выпрабаваньні за кратамі праходзяць палітзьняволеныя пастары, сьвятары, хрысьціянскія актывісты? Расказвае тэалягіня, прадстаўніца аб’яднаньня «Хрысьціянская візія» Натальля Васілевіч, якая дапамагае палітзьняволеным хрысьціянскім актывістам і сьвятарам. https://youtu.be/-Lh4tPgfezM
Шэраг краінаў Эўразьвязу прапануюць новыя эканамічныя санкцыі супраць Менску
Пра новыя прапановы паведамілі інфармаваныя крыніцы Радыё Свабода ў Брусэлі. Абмеркаваньне прапановаў чакаецца на гэтым тыдні ў Эўракамісіі з удзелам прадстаўнікоў усіх 27 краінаў Эўразьвязу. Паводле адной з крыніцаў Радыё Свабода, ня ўсе зь іх, хутчэй за ўсё, будуць ухваленыя.
Прапануецца пашырыць сьпіс высокатэхналягічных тавараў, экспарт якіх у Беларусь будзе забаронены. У прыватнасьці, прапануецца забараніць:
❗️Экспарт у Беларусь тавараў, якія павялічваюць прамысловы патэнцыял
❗️Экспарт так званых «тавараў раскошы»
❗️Экспарт тавараў для авіяцыйнай і аэракасьмічнай прамысловасьці
❗️Экспарт тавараў для нафтагазавай прамысловасьці
❗️Экспарт тавараў і тэхналёгій для мараходнай прамысловасьці
Пра іншыя прапановы тут https://smarturl.click/LYE7l
Прэзыдэнт Анджэй Дуда заявіў аб гатоўнасьці Польшчы разьмясьціць у сябе ядзерную зброю
У інтэрвію выданьню Fakt Дуда заявіў, што неаднаразова гаварыў аб гатоўнасьці разьмясьціць ядзерную зброю ў краіне ў рамках праграмы NATO Nuclear Sharing. Паводле польскага прэзыдэнта, гэтая тэма абмяркоўваецца ўжо некаторы час. https://smarturl.click/9zM6p