17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Ня менш за 181,5 рубля ў месяц. Рамесьнікаў абавяжуць плаціць унёскі ў Фонд сацыяльнай абароны насельніцтва
Рамесьнікі, якія выплачваюць рамесны збор, з 1 кастрычніка будуць абавязаныя плаціць унёскі ў Фонд сацыяльнай абароны насельніцтва, паведамілі ў Мінпрацы. Сума ўнёскаў будзе вылічвацца ад сумы заяўленых даходаў, «але не ніжэй, чым з памеру мінімальнага заробку».
«Калі ў лічбах, гэта ў месяц 626 рублёў, памнажаем на 29%, штомесячная сума плацяжу — 181 рубель 54 капейкі», — патлумачылі ў Мінпрацы:
https://smarturl.click/mpz3o
Беларусь замяшаная ў вывазе рапсу з акупаваных тэрыторый Украіны, — расьсьледаваньне
Сельскагаспадарчую прадукцыю, вывезеную з акупаваных тэрыторый Украіны, перапрацоўваюць у Беларусі, высьветліў Беларускі расьсьледніцкі цэнтар дзякуючы выцеку дакумэнтаў. Падрабязнасьці:
https://smarturl.click/67XD5
Беларускія ВНУ сёлета недабралі 870 студэнтаў
Сёлета беларускія вышэйшыя навучальныя ўстановы недабралі 870 студэнтаў, пры гэтым каля 500 зь іх — на сельскагаспадарчыя спэцыяльнасьці і каля 120 — на спэцыяльнасці інжынэрнага-тэхнічнага профілю, паведаміў міністар адукацыі Беларусі Андрэй Іванец:
https://smarturl.click/AdzD3
Зяленскі назваў апэрацыю ў Курскай вобласьці часткай пляну перамогі Ўкраіны і заявіў пра выпрабаваньне першай украінскай балістычнай ракеты
«Куршчына ўваходзіць у наш плян перамогі Ўкраіны... Адзін з кірункаў, частка якога ўжо зроблена — гэта Куршчына. Другі напрамак — стратэгічнае месца Ўкраіны ў інфраструктуры бясьпекі сьвету. Трэці напрамак — пакет прымусу, магутны пакет прымусу Расеі да заканчэньня вайны дыпляматычным шляхам», — заявіў Зяленскі.
Таксама на прэс-канфэрэнцыі Зяленскі, сярод іншага, заявіў пра выпрабаваньне новай украінскай балістычнай ракеты, назваўшы яе першай у краіне:
https://smarturl.click/71yaD
Разгляд апэляцыйнай скаргі Андрэя Гнёта завершаны
У Бялградзе скончыўся разгляд апэляцыі, якую падрыхтавалі беларускі рэжысэр і ягоныя адвакаты. Рашэньне пакуль невядомае. Як спадзяецца абарона беларуса, яго абвесьцяць у наступныя 3-4 тыдні.
«Маім галоўным пасланьнем было прасіць суд падумаць, маючы вялікія абавязкі, пра тое, што кепскае рашэньне можа зьнішчыць ня толькі жыцьцё адной асобы, маё, але й жыцьцё маіх сваякоў і сяброў»
Перад разглядам справы Андрэя Гнёта каля суду у Бялградзе адбыўся пікет
Ад 5 чэрвеня беларускі рэжысэр знаходзіцца пад хатнім арыштам, да гэтага ён 7 месяцаў знаходзіўся ў ізалятары. Як паведаміла балканская служба Радыё Свабода, Гнёт ужо прыбыў у Апэляцыйны суд.
https://smarturl.click/9zwGj
Міністэрства энэргетыкі рыхтуе справаздачу пра мэтазгоднасьць пабудовы ў Беларусі другой АЭС
Дакумэнт маюць падрыхтаваць у 2025 годзе.
Цяпер пытаньне канкрэтнага месца разьмяшчэньня не абмяркоўваецца. Ідуць дыскусіі пра тое, якой магутнасьці блёк можа быць інтэграваны ў беларускую энэргасыстэму і ў які пэрыяд.
https://smarturl.click/AdzA9
Расея ўначы зноў абстраляла Ўкраіну: ёсьць ахвяры і пацярпелыя
У прыватнасьці, у Крывым Розе часткова разбураны гатэль, пад заваламі загінулі людзі. Ёсьць ахвяры і пасьля абстрэлу Запарожжа.
https://smarturl.click/kjEmy
Здымак з сацыяльных сетак кіраўніка Днепрапятроўскай абласной вайсковай адміністрацыі Сяргея Лысака
100-годзьдзе Лявона Мурашкі
27 жніўня 1924 году ў вёсцы Сіняўка на Клеччыне нарадзіўся Лявон Мурашка, опэрны сьпявак (бас), лідэр і актыўны ўдзельнік беларускай дыяспары ў Літве. У 1950–1988 гадах быў салістам Дзяржаўнага акадэмічнага тэатру опэры і балету Літоўскай ССР. Заслужаны артыст і заслужаны дзяяч мастацтваў Літоўскай ССР.
Больш падзей 27 жніўня ў беларускай і ўсясьветнай гісторыі ў матэрыяле «Ўжо сёньня»: https://smarturl.click/Ee0R5
Крыніца фота: Нацыянальная бібліятэка Беларусі
Расея запусьціла па Ўкраіне ня менш за 127 ракет і 109 дронаў — Зяленскі
Прэзыдэнт Украіны Ўладзімір Зяленскі паведаміў аб пасяджэньні Стаўкі вярхоўнага галоўнакамандуючага па аднаўленьні энэргетыкі пасьля аднаго з самых вялікіх расейскіх абстрэлаў 26 жніўня.
Па словах кіраўніка краіны, войскі РФ запусьцілі па Ўкраіне сёнЬня сама меней 127 ракет і 109 дронаў.
«Дэталёва, па кожным рэгіёне прааналізавалі эфэктыўнасьць сыстэм СПА і РЭБ, мабільных агнявых груп, а таксама інжынэрнай абароны. Прынялі адпаведныя рашэньні. На саміх аб’ектах ідзе ліквідацыя наступстваў, рамонт, разьмініраваньне. Дзе-нідзе дзяржава-тэрарыст атакавала грамадзянскія аб’екты касэтнымі боепрыпасамі. Павінны папрацаваць сапёры, перш чым энэргетыкі пачнуць рамонт», — напісаў Зяленскі.
https://smarturl.click/B6a3Q
Пракуратура Францыі назвала ўсе 12 злачынстваў, у якіх падазраюць Дурава
У пракуратуры Францыі пацьвердзілі, што затрыманьне Паўла Дурава зьвязанае з адміністраваньнем мэсэнджара Telegram.
У прэсавым рэлізе ведамства гаворыцца, што Дурава падазраюць у 12 злачынствах.
https://smarturl.click/Da6dv
«Гэта не палітычнае рашэньне». Эманюэль Макрон зрабіў заяву пра затрыманьне Паўла Дурава
«Затрыманьне кіраўніка Telegram на тэрыторыі Францыі адбылося ў рамках судовага расьсьледаваньня. Гэта ні ў якім разе не палітычнае рашэньне. Рашэньне павінны прымаць судзьдзі... Францыя як ніколі адданая свабодзе выказваньня меркаваньняў і камунікацыі, інавацыям і прадпрымальніцтву. Так і застанецца», — напісаў прэзыдэнт Францыі ў сацыяльнай сетцы Х.
Макрон дадаў, што чытае «ілжывую інфармацыю аб Францыі» пасьля затрыманьня Дурава.
https://smarturl.click/LYX2R
Памёр футбольны трэнэр Свэн-Ёран Эрыксан
На 76-м годзе жыцьця памёр адзін з найлепшых трэнэраў сьвету канца ХХ стагодзьдзя. Швэд стаў найлепшым трэнэрам у гісторыі знакамітага рымскага клюбу, здабыў эўракубак з клюбам з радзімы і стаў першым замежным трэнэрам у гісторыі ангельскай зборнай. А таксама сустракаўся на футбольных стадыёнах зь беларусам.
https://smarturl.click/Q1kRw
Аднавіўся сайт «Белсату»
Кіраўнік тэлеканалу Аляксей Дікавіцкі паведаміў пра тое, што праца вядзецца, і старонка ў сеціве вярнулася. Ідзе праца над вяртаньнем іншых праектаў.
https://smarturl.click/Da6ee
Расея праводзіць масавы ракетны абстрэл Украіны
Ужо вядома пра гібель і раненьні людзей. Атака адбываецца амаль на ўсе вобласьці Ўкраіны. Польшча пасьля атакі расейцаў на суседзяў падняла ў паветра сваю авіяцыю. У Кіеве фіксуюцца масавыя адключэньні сьвятла, з праблемамі сутыкнулася і чыгунка.
Падрабязнасьці: https://smarturl.click/9zwdy
Галоўнае за 27 жніўня
👫 Беларусь за год страціла больш за 32 тысячы работнікаў
👨🏻⚖️ У Бялградзе скончылі разгляд апэляцыі Андрэя Гнёта на рашэньне суду аб дэпартацыі ў Беларусь
🛩 Расея другі дзень запар атакуе з паветра Ўкраіну, ёсьць ахвяры. Адзін дрон паляцеў у Беларусь
🇺🇦 Зяленскі назваў апэрацыю на Куршчыне часткай пляну перамогі Ўкраіны і заявіў пра выпрабаваньне балістычнай ракеты
❌ «Рыэлтарка плакала ў слухаўку». Як улады адмяняюць угоды па продажы нерухомасьці палітычных уцекачоў
🙍🏻♂️«Нагамі дрыгаць, на фоне гвалту граць камэдыі?». Актор Дзьмітры Есяневіч расказаў пра звальненьне ў 2020-м і ад’езд зь Беларусі
🎥 Зрынаньне рэжыму ці паразуменьне зь ім: спрачаюцца філёзаф Павал Баркоўскі і палітык Іван Краўцоў
🌾Беларусь замяшаная ў вывазе рапсу з акупаваных тэрыторый Украіны, — расьсьледаваньне БРЦ
Зрынаньне рэжыму ці паразуменьне зь ім: спрэчка Баркоўскага і Краўцова
Эскаляцыя ці дээскаляцыя — які шлях варта выбраць дэмакратычным сілам? Ці могуць паразумецца рашучыя і памяркоўныя? Які падыход падмацоўвае гістарычны досьвед? — Па гэтых пытаньнях Юрыя Дракахруста ў праграме «ПіК Свабоды» спрачаюцца філёзаф Павал Баркоўскі і палітык Іван Краўцоў:
🎥 ВІДЭА цалкам: https://youtu.be/TRfQffeKADk
Пісьменьніца Сьвятлана Курс: «Расея — гэта самае вялікае расчараваньне сусьвету»
У новым відэа праекту «Сьведкі Лукашэнкі» — пісьменьніца Сьвятлана Курс. Яна ўзгадвае пачатак 1990-х як час, калі тварылі і кахалі, адказвае на пытаньне, чаму разышлася з прыхільнікамі Пазьняка, і заяўляе, што Лукашэнка помсьціць беларускім жанчынам «за тое, што яны яго не захацелі»:
🎥 ВІДЭА цалкам: https://www.youtube.com/watch?v=rvp-0knPBXs
Расейскія ўлады заявілі, што ўкраінскае войска спрабуе ісьці на прарыў у Белгарадзкай вобласьці
У Белгарадзе настойваюць, што сытуацыя «складаная, але кантраляваная».
https://smarturl.click/1dVQw
«Нагамі дрыгаць, на фоне гвалту граць камэдыі?». Актор Дзьмітры Есяневіч расказаў пра звальненьне ў 2020-м і ад’езд зь Беларусі
«Мяне „херачыла“ вельмі моцна тады. Я страціў працу, страціў жытло. Бо сям’я жыла ў арэнднай кватэры ў „Магістры“, дзе цяпер жывуць кадэбісты, міліцыянты. Жонка была цяжарная двайнятамі, чакаліся „дзеці рэвалюцыі“».
Беларусь страціла больш за 32 тысячы работнікаў за год
За студзень-чэрвень 2024 году ў Беларусі звольнілі на 13,33% работнікаў больш, чым нанялі — 317 182 супраць 279 859.
https://smarturl.click/w9n6A
ISW пра становішча на беларуска-ўкраінскай мяжы: Лукашэнку ня выгаднае ўварваньне
🔸Свабода правяла сваю ўласную ацэнку колькасьці беларускіх вайскоўцаў на мяжы з Украінай з дапамогай спажарожнікавых здымкаў. Мы ня бачым значнага павелічэньня колькасьці асабовага складу і тэхнікі на прымежных тэрыторыях, якое магло б казаць пра падрыхтоўку наступу ці несьці пагрозу Ўзброеным сілам Украіны.
https://smarturl.click/ZyA1q
«Рыэлтарка плакала ў слухаўку». Як улады адмяняюць угоды па продажы нерухомасьці палітычных уцекачоў
«Пакупнікі кватэры былі задаволеныя, бо набылі яе за невялікую цану. І раптам такое — кватэру ў іх хоча „адціснуць“ дзяржава, прызнаўшы ўгоду несапраўднай. Рыэлтар плача ў слухаўку, бо яна пэрсанальна адказвае за чысьціню ўгоды. Там жа кватэра была „чыстая“ — ні даўгоў, ні абцяжараньняў».
Камандуючы Паветранымі сіламі ЎСУ заявіў, што сёньня ў Беларусь заляцелі два расейскія ўдарныя дроны
У ноч на 26 жніўня ўкраінская супрацьпаветраная абарона зьнішчыла 99 запушчаных Расеяй ударных бесьпілётнікаў іранскай вытворчасьці «Шахед — 131/136», яшчэ два «перасеклі мяжу» зь Беларусьсю, паведаміў у сваім тэлеграм-канале камандуючы Паветранымі сіламі ЎСУ Мікалай Алешчук.
16 ліпеня Паветраныя сілы Ўкраіны таксама паведамлялі, што два запушчаныя расейскім бокам бесьпілётнікі «Шахед» былі «лякальна страчаныя» ў паветранай прасторы Беларусі.
8 жніўня беларуская дэмакратычная лідэрка Ствятлана Ціханоўская паведаміла ў сацсетцы Х, што, паводле яе зьвестак, у ліпені прынамсі дзевяць расейскіх бесьпілётнікаў «Шахед» уварваліся ў паветраную прастору Беларусі, зь іх «адзін выбухнуў, другі зьнік, а астатнія працягнулі палёт ва Ўкраіну».
https://smarturl.click/8Ejob
Галоўнае за 26 жніўня
📌 Сталі вядомыя імёны яшчэ трох палітвязьняў, якія выйшлі на волю па памілаваньні
📌 На фоне закліку Кіева адвесьці войскі ад мяжы ў Гомельскай вобласьці пачаўся новы этап праверкі тэраабароны
📌 Паўнавартасны наступ з тэрыторыі Беларусі немагчымы — Рада нацыянальнай бясьпекі Ўкраіны
📌 У Францыі Дурава падазраюць у 12 злачынствах
📌 «Наўрад ці Telegram закрыюць ці ён будзе ламацца». Чаго чакаць ад арышту Дурава карыстальнікам мэсэнджара
📌 Аднавіў працу сайт «Белсату», які адсутнічаў у сеціве з 1 жніўня
📌 За выходныя чарга фур у Беларусь вырасла на 300 аўтамабіляў
📌 Кампанію ў абарону Андрэя Гнёта падтрымалі Сьвятлана Алексіевіч, Алег Сянцоў, Жульет Бінош, Кен Лоўч, Агнешка Голянд
📌 Ад вядомых на ўвесь СССР ровараў — да банкруцтва і тэхналягічнага хаба. Расказваем гісторыю заводу «Мотавела»
«Наўрад ці Telegram закрыюць ці ён будзе ламацца». Чаго чакаць ад арышту Дурава карыстальнікам мэсэнджара
«Калі Telegram перапыніць працу, то гэтаму будуць рады канкурэнты. Іншыя мэсэнджары падхопяць карыстальнікаў». Што экспэрты кажуць пра арышт Паўла Дурава.
Свабода паразмаўляла з экспэртамі пра магчымае разьвіцьцё сытуацыі вакол Telegram.
https://smarturl.click/aJnpX
Расейская ПВК «Вагнэр» заяўляе, што не ваюе ва Ўкраіне, а дзейнічае толькі ў Беларусі і Афрыцы
З рэдкай пасьля сьмерці свайго заснавальніка Яўгенія Прыгожына заявай выступіла расейская групоўка «Вагнэр».
Заява прагучала пасьля абвінавачаньня МЗС Украіны на адрас беларускіх уладаў у тым, што зь беларускага боку да ўкраінскай мяжы падведзеныя беларускія вайскоўцы і баевікі групоўкі «Вагнэр».
«Вагнэр» заявіла ў панядзелак, што яна дзейнічала толькі ў Афрыцы і ў Беларусі, саюзьніцы Расеі, і што яе салдаты больш ня ўдзельнічаюць у вайне ва Ўкраіне. Украіна ў нядзелю заклікала Беларусь адвесьці, як яна назвала, значныя сілы, разгорнутыя ўздоўж іх агульнай мяжы. У заяве гаворыцца, што яны ўключаюць беларускія сілы спэцыяльнага прызначэньня і былых наймітаў ПВК «Вагнэр».
https://smarturl.click/RAZRW
На НПЗ у Омску пасьля выбуху пачаўся пажар
Паводле папярэдніх зьвестак, узарвалася ўстаноўка АВТ-11, прызначаная для дзяленьня нафты на фракцыі і наступнага іх перапрацоўваньня. Мясцовыя жыхары расказалі, што перад пажарам быў чуваць гучны выбух: затрэсьліся дамы і задрыжэлі шыбы.
https://smarturl.click/ppAlA
Агенцтва Reuters пацьвердзіла гібель свайго супрацоўніка ад удару Расеі па Краматорску
Загінулы ў выніку ўдару Расеі па Краматорску — Раян Эванс, удзельнік каманды Reuters, якая асьвятляла вайну ва Ўкраіне, заявіла інфармацыйнае агенцтва.
https://smarturl.click/vw3qy
Што вядома пра затрыманьне заснавальніка Telegram Дурава ў Парыжы
У панядзелак 26 жніўня пракуратура Парыжу, якой была перададзена справа заснавальніка Telegram Паўла Дурава, плянуе зрабіць заяву для прэсы — яна стане першай афіцыйнай рэакцыяй францускіх уладаў на паведамленні аб затрыманьні Дурава ў францускай сталіцы ўвечары ў суботу.
https://smarturl.click/w9nwQ