17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Сям’я гамельчука, які загінуў у аварыі з вайсковым грузавіком, дамагаецца кампэнсацыі ў судзе
У Гомельскім абласным судзе сёньня разглядаюць скаргу на рашэньне суду Савецкага раёну наконт пазову да вайсковай часткі № 12147 у Асіповічах (51-я гвардзейская артылерыйская брыгада) аб кампэнсацыі маральнай шкоды, піша «Флагшток».
Пазоўнікам указаны Віктар Каламіец — верагодна, гэта бацька Сяргея Каламійца, які загінуў у канцы 2022 году ў аварыі з удзелам вайсковага аўтамабіля «ЗіЛ». Сяргей працаваў у транспартнай кампаніі «Гаранттрансбізнес», якая пазначаная ў пазове суадказчыкам. У яго засталіся двое дзяцей:
https://smarturl.click/z2Xz8
🚗 Увага, пошук!
Шукаем беларусаў, якія ехалі зь Беларусі ў краіны Эўразьвязу пасьля 5 ліпеня, а таксама тых, хто вяртаўся адтуль у Беларусь. Ананімнасьць гарантуем.
📬 Сувязь з рэдакцыяй: Telegram: @SvabodaBelarus; Signal: +37068643669
Памёр дзеяч беларускай нацыянальнай меншасьці ў Польшчы Хведар Галёнка
Ён пайшоў з жыцьця ў Варшаве ва ўзросьце звыш 100 гадоў. Галёнка вядомы дзейнасьцю ў Беларускім грамадзка-культурным таварыстве. Таксама ён працаваў адміністратарам варшаўскага клюбу па вуліцы Сэнатарскай, дзе праводзіў вечарыны для падляскіх беларусаў. Прынцыпова ствараў беларускамоўную сям’ю.
https://smarturl.click/ppa47
На выяве зь беластоцкай газэты «Ніва», Хведар Галёнка зьлева
Працэс інтэграцыі Грузіі ў Эўразьвяз прыпынілі
Гэта адбылося пасьля прыняцьця закону «Аб празрыстасьці замежнага ўплыву». У прыватнасьці, Эўразьвяз замарозіў 30 мільёнаў эўра, прызначаных на падтрымку Грузіі ў сфэры абароны.
У кастрычніку Грузію чакаюць выбары.
https://smarturl.click/XyXxz
Двух беларусаў затрымалі на мяжы з Польшчай з кулямі і гільзамі
Беларускія мытнікі канфіскавалі 1200 куль і 100 гільзаў, якія два беларусы спрабавалі правезьці з Польшчы.
https://smarturl.click/VD3vj
Фота Дзяржаўнага мытнага камітэту
«70% грузавых цягнікоў — пастаўкі з Кітая». Чаму для Беларусі польскі тэрмінал у Малашэвічах — балючае месца
«Гэта сапсуе стасункі з Кітаем». Што будзе, калі Польшча перакрые транзыт у тэрмінале ў Малашэвічах і чаму гэта важна для Беларусі.
https://smarturl.click/1dqwO
Бесьпілётнікі атакавалі падстанцыю і нафтабазу ў Валгаградзкай вобласьці Расеі
У Валгаградзкай вобласьці Расеі бесьпілётнікі атакавалі падстанцыю ў горадзе Фралова і нафтабазу ў Калачы-на-Доне. А ў Белгарадзкай вобласьці 4 чалавекі загінулі, 20 параненыя.
https://smarturl.click/W3nye
Здымак з экрану зь відэа Astra
«Як думаеш — калі мы вернемся дахаты?». Дзёньнік беларускага добраахвотніка, які загінуў на вайне
На пачатку чэрвеня ва Ўкраіне загінуў беларус, які правёў на вайне год. Ён далучыўся да адной з беларускіх адзінак ў траўні 2023-га. Увесь час, што ён быў ва Ўкраіне, мужчына вёў перапіску зь сябрамі, дзе расказваў пра свае ўражаньні ад пабачанага, перажываньні і пляны на будучыню. Адзін зь сяброў добраахвотніка пасьля ягонай сьмерці перадаў Свабодзе сканы перапіскі. Мы публікуем іх у выглядзе дзёньніка.
https://smarturl.click/aJARb
Польская падатковая служба: Новыя санкцыі ЭЗ адносна Беларусі распаўсюджваюцца і на тавары, набытыя ўраздроб
Рэглямэнтам Рады ЭЗ ад 29 чэрвеня 2024 года пашыраная сфэра дзеяньня існых санкцыяў адносна Беларусі і пералік суб’ектаў, да якіх павінныя ўжывацца зьмененыя палажэньні. У прыватнасьці, правілы аб забароне на ўвоз і вываз тавараў цяпер распаўсюджваюцца і на фізычных асобаў, якія перамяшчаюць тавары, набытыя ўраздроб.
Сьпіс тавараў, забароненых да вывазу з ЭЗ у Беларусь, вельмі шырокі і ўтрымлівае некалькі сотняў пазыцый. https://smarturl.click/8EBEb
За што прагаласавала Францыя?
Доктар палітычных навук, дасьледчык з Страсбурскага ўнівэрсытэту Яўген Крыжаноўскі аналізуе вынікі парлямэнцкіх выбараў у Францыі, адказвае на пытаньне, чаго чакаць ад фармальных пераможцаў выбараў — левага «Новага народнага Фронту», і заяўляе, што падтрымка Парыжам Украіны ня зьменіцца. https://smarturl.click/jkyBb
Вынесьлі прысуды па завочнай крымінальнай справе: Вераніцы Цапкале, Вользе Карач і іншым — па 12 гадоў зьняволеньня
У Берасьцейскім абласным судзе разгледзелі завочную крымінальную справу ў дачыненьні да Яўгена Вільскага, Вадзіма Дзьмітранка, Вольгі Карач, Анатоля Котава і Веранікі Цапкалы.
Сёньня стала вядома, што ўсім фігурантам прызначылі па 12 гадоў пазбаўленьня волі. Таксама Котаву і Карач прызначылі штрафы ў 15 000 базавых велічынь (600 тысячаў рублёў), Вільскаму і Дзьмітранку ў 12 000 і 11 000 базавых адпаведна (480 тысячаў і 440 тысячаў рублёў), Цапкале — 1000 базавых (40 тысячаў рублёў). Пра гэта паведамляе праваабарончы цэнтар «Вясна». https://smarturl.click/DaBav
«Мільёны стратаў». На былую дырэктарку «Белсату» Рамашэўску-Гузы падалі пазоў у пракуратуру
Паводле зьвестак Radio Zet, праверка, праведзеная на «Белсаце», нібыта выявіла, сярод іншага, фіктыўныя або пераплачаныя рахункі за IT-паслугі. Паводле аўдытараў, у выніку кантрактаў, падпісаных з вонкавымі структурамі, Telewizja Polska магла страціць амаль 7 мільёнаў злотых (каля 1,8 мільёнаў даляраў). «Каб лягчэй было ўціхамірыць і запалохаць белсатаўцаў і адпомсьціць за маю пазыцыю, зь мяне вырашылі зрабіць злодзейку. Урэшце рэшт ня здолеюць, але абмазаць г...ном хочуць», — пракамэнтавала справу ў сацсетцы X Рамашэўска-Гузы. https://smarturl.click/qlm5d
Орбан: І Расея, і Ўкраіна адмовіліся ад прапановы аб перамір’і, бо лічаць, што гэта ў інтарэсах праціўніка
Прэмʼер-міністар Вугоршчыны Віктар Орбан даў інтэрвію нямецкаму выданьню BILD пасьля вяртаньня з Кіева і Масквы. Ён расказаў, што ягоная прапанова спыніць баявыя дзеяньні, каб пачаць перамовы аб перамірʼі, не знайшла пазытыўнага водгуку ні ў расейскім, ні ва ўкраінскім кіраўніцтве.
«І ўкраінцы, і расейцы адказалі адно і тое ж, як і вы: што перамірʼе ў інтарэсах праціўніка, бо за гэты час ён зможа перабудавацца і падрыхтавацца да працягу вайны». https://smarturl.click/1dqMy
У Магілёве незалежных журналістаў Сабалеўскага і Глушкова абвінавацілі ва «ўдзеле ў баявых дзеяньнях за мяжой»
Разгляд справы магілёўцаў пачнецца 12 ліпеня ў Магілёўскім абласным судзе. Алеся Сабалеўскага затрымалі ў сьнежні 2023-га, а Яўгена Глушкова (на фота) ў студзені 2024-га.
https://smarturl.click/VD3yR
Gazeta Wyborcza: спэцслужбы Беларусі для апэрацыі ў дыскрэдытацыі Пратасевіча куплялі на яго імя два аўтамабілі
Правакацыя так і засталася б таямніцай, калі б не памылка супрацоўніка беларускай амбасады, адзначае польскае выданьне, якое правяло ўласнае расьсьледаваньне наконт плянаў беларускіх спэцслужбаў.
https://smarturl.click/qloR9
Суд Польшчы вярнуў ДНЖ беларусу Паўлу Юшкевічу, якому пагражала дэпартацыя пасьля 20 гадоў жыцьця ў краіне
У судзе адвакат Юшкевіча паведаміў, што Агенцтва ўнутранай бясьпекі Польшчы ў лютым 2024 году зьмяніла сваё ранейшае меркаваньне аб тым, што Павал уяўляе небясьпеку для Польшчы. Суд у Варшаве адмяніў рашэньне аб пазбаўленьні Паўла сталага дазволу на жыхарства, піша Hrodna.life.
«Першае — хачу атрымаць свой пашпарт, які забралі пры падачы на міжнародную ахову. І заплянаваць адпачынак і палепшыць сваё здароўе. Таму што за гэтыя паўгода маё здароўе пасыпалася і нейкія хваробы чапляюцца. Давялося таксама да псыхолягаў зьвяртацца і браць лекі», — сказаў Павал Юшкевіч пасьля суду:
https://smarturl.click/ZyWBz
Праваабаронцы прызналі палітвязьнямі 5 чалавек, накіраваных на прымусовае псыхіятрычнае лячэньне
Паводле зьвестак праваабаронцаў, іх прызналі вінаватымі паводле дыфамацыйных артыкулаў (паклёп, абраза гонару і годнасьці прадстаўнікоў улады) і адправілі на прымусовае лячэньне ў псыхіятрычныя лякарні з парушэньнем міжнародна прынятых нормаў. Расказваем, што пра іх вядома:
https://smarturl.click/qlm40
Беларусаў у Літве стала яшчэ больш, хаця агульная колькасць іншаземцаў у краіне зьмяншаецца
На 1 ліпеня ў Літве жылі 62 535 грамадзян Беларусі, паведаміў Дэпартамэнт міграцыі пры Міністэрстве ўнутраных спраў Літвы. За паўгода колькасьць беларусаў вырасла на 0,6%.
Самая шматлікая нацыянальная група іншаземцаў у Літве — украінцы, іх налічваецца 76 145, але іх колькасьць зьмяншаецца.
https://smarturl.click/JDvxg
Як склаўся лёс былых удзельнікаў выбарчага штабу Лукашэнкі
Трыццаць гадоў таму працаваў на Лукашэнку, цяпер адзін з асноўных дзеячаў каманды Ціханоўскай.
У 1994 годзе пісаў і рэдагаваў прамовы для свайго кандыдата, цяпер у турме праз абвінавачаньне ў спробе яго забойства.
Падтрымаў Лукашэнку на першых выбарах, цяпер кіруе ягонымі сакрэтнымі праектамі ў Афрыцы.
Расказваем пра тое, што стала з камандай Лукашэнкі, якая зрабіла яго прэзыдэнтам.
На каляжы зьлева направа: Леанід Сініцын, Віктар Шэйман, Валер Цапкала, Віктар Ганчар, Анатоль Лябедзька, Аляксандар Фядута
https://smarturl.click/0e2pL
Сытуацыя ў грамадзкім сэктары Беларусі ў 2023 годзе істотна пагоршылася, — даклад
Шэраг пагаршэньняў ва ўмовах дзейнасьці трэцяга сэктару Беларусі адлюстраваны ў «Індэксе ўстойлівасьці арганізацый грамадзянскай супольнасьці — 2023», вылічаным пад каардынацыяй CSO Fusion (зарэгістраваная ў Літве беларуская ўстанова) і амэрыканскай НКА FHI 360.
https://smarturl.click/l562q
Уладальнікаў жыльля, якое здаюць іншаземцам, абавязалі паведамляць міліцыі пра гасьцей цягам 3 гадзін
Урад растлумачыў, што да гэтых «сродкаў разьмяшчэньня» адносяцца «нумары, пакоі і іншыя памяшканьні, разьмешчаныя ў гасьцініцах, акватэлях, апарт-гатэлях, матэлях, спа-гатэлях, гостэлах, кемпінгах, аздараўленчых арганізацыях, санаторна-курортных арганізацыях, а таксама дамы паляўнічага і рыбалова, дамы паляўнічага (рыбака), шале, бунгала».
https://smarturl.click/B6GMj
Беларус кінуў 2 бутэлькі з запальнай сумесьсю ў каралеўскі замак у Осла
Пра гэта паведаміла нарвэскае дзяржаўнае радыё.
Паведамляецца, што здарэньне адбылося ўвечары 8 ліпеня. 50-гадовы мужчына арыштаваны паліцыяй. Ён зьяўляецца грамадзянінам Беларусі і знаходзіцца ў вышуку ў Нідэрляндах, паведаміў прадстаўнік паліцыі Уле Магнус Даніельсэн.
Паводле начальніка службы сувязі замку, падчас нападу ў замку быў адзін з чальцоў каралеўскай сям’і.
Кіраўнік апэрацыі на месцы здарэньня Андэрс Ронінг сказаў, што падчас затрыманьня ў мужчыны было некалькі бутэлек з запальнай сумесьсю.
Здымак экрану зь відэа NK Nyheter
Сёньня дзень народзінаў паэта Някляева
9 ліпеня 1946 году нарадзіўся Ўладзімер Някляеў, беларускі паэт, празаік і грамадзка-палітычны дзяяч, ляўрэат шэрагу прафэсійных і дзяржаўных узнагародаў за літаратурную дзейнасьць.
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/4k4kX
Асноўнае за 8 ліпеня
📌 Вынесьлі прысуды па завочнай крымінальнай справе: Вераніцы Цапкале, Вользе Карач і іншым — па 12 гадоў зьняволеньня
📌 Праваабаронцы заявілі, што некаторыя палітвязьні адмовіліся выходзіць на волю, бо не пагадзіліся з умовамі вызваленьня
📌 «ПіК Свабоды»: Чаму некаторыя палітвязьні не пагадзіліся з умовамі вызваленьня
📌 Ракетная атака Расеі па Ўкраіне: шмат ахвяр, у Кіеве пацярпеў найбуйнейшы дзіцячы шпіталь. ФОТА
📌 У Менску абсьледуюць атракцыёны пасьля аварыі ў парку Чалюскінцаў
📌 Вайскоўцы Беларусі і Кітая ладзяць сумесныя вучэньні каля мяжы з Польшчай і Ўкраінай
📌 «Везьлі зь мяшкамі на галаве, не казалі, куды». Гісторыя ўкраінкі, якую па абмене вызвалілі зь беларускай турмы
📌 Лукашэнка стаміўся. Што гэта азначае?
📌 Попыт на Робін Гуда. Скандалы, інтрыгі і фэйкі першай выбарчай кампаніі Лукашэнкі
📌 За што прагаласавала Францыя і як гэта паўплывае на стаўленьне Парыжу да падтрымкі Ўкраіны
📌 «Мільёны стратаў». На былую дырэктарку «Белсату» Рамашэўску-Гузы падалі пазоў у пракуратуру
Вызваленьне невялікай часткі палітвязьняў — пачатак працэсу ці адзінкавы эпізод?
Некаторыя палітвязьні адмовіліся выходзіць на волю, бо не пагадзіліся з умовамі вызваленьня, паведамляюць праваабаронцы. Што вядома пра вызваленых палітвязьняў? Суразмоўцы Ганны Соўсь – адзін зь кіраўнікоў фонду BySol, праваабаронца Андрэй Стрыжак і сястра палітзьняволенай Марыі Калесьнікавай, сузаснавальніца Асацыяцыі родных і колішніх палітвязьняў Тацяна Хоміч.
https://youtu.be/QVMnptl3-7s
Былы амбасадар Беларусі ў Нямеччыне Дзяніс Сідарэнка 23 чэрвеня «загінуў пры няясных і вельмі трывожных абставінах», заявіла 5 ліпеня на паседжаньні сталай рады Арганізацыі бясьпекі і супрацоўніцтва ў Эўропе часовая павераная ў справах ЗША пры АБСЭ Катрын Брукер.
Брукер адзначыла, што, як мяркуецца, Сідарэнка загінуў у выніку самагубства. Падобна, яно адбылося пасьля інтэнсіўнага допыту і праверкі на дэтэктары хлусьні, праведзенай беларускім КДБ пасьля яго вяртаньня ў Менск пасьля васьмігадовага знаходжаньня ў Бэрліне ў якасьці пасла. https://smarturl.click/M1z1E
Лукашэнка ўскосна прызнаў, што мае праблемы са здароўем
Читать полностью…
У Кіеве пасьля расейскага ракетнага ўдару разбураны дзіцячы шпіталь, ёсьць ахвяры. Людзей дастаюць з-пад завалаў.
Читать полностью…
Лукашэнка стаміўся. Што гэта азначае?
Здаецца, упершыню Аляксандр Лукашэнка прызнаў, што ён стаміўся. Фізычна. Раней неаднойчы ён таксама казаў пра стому, але меў на ўвазе псыхалягічны стан. Гэта была такая гульня. Маўляў, цяжкая праца прэзыдэнта, трэба ўвесь час быць на варце, у напрузе, заставацца мабілізаваным. Але ж людзі не адпускаюць, просяць, каб застаўся, таму чаго ня зробіш дзеля народу. А вось цяпер ён гаворыць пра свой нялепшы фізычны стан, піша Валер Карбалевіч.
https://smarturl.click/Yz2ml
У Беларусі год таму асудзілі грамадзяніна Польшчы. Вырак стаў вядомы толькі цяпер
Грамадзяніна Польшчы Томаша Бярозу асудзілі на 14 гадоў калёніі нібыта за «шпіянаж» і «агентурную дзейнасьць».
https://smarturl.click/8EaGa