17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Замест Абельскай». Што стала прычынай замены Піневіча на Хаджаева, меркаваньне «Белых халатаў»
Аляксандар Лукашэнка 25 студзеня прызначыў 43-гадовага Аляксандра Хаджаева новым міністрам аховы здароўя. Да гэтага больш за тры гады пасаду займаў Дзьмітрый Піневіч.
Пагаварылі з ініцыятывай «Белыя халаты», каб даведацца: хто ж такі Аляксандар Хаджаеў і чаго ад яго чакаць на пасадзе міністра?
https://smarturl.click/k7j4
👆🏻 Запытайся ў Дубаўца. Як разумець формулу: ісьціна адна на ўсіх, а праўда ў кожнага свая?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Гэта формула расейскай улады, яна значыць, што адной праўды — няма. І спадзявацца няма на што, і дамагацца няма чаго. Бо ісьціна падаецца як нешта вузкацаркоўнае. Заўважце, што на іншыя мовы гэтая формула не перакладаецца, бо і праўда, і ісьціна называюцца адным словам — праўда. Калі ж праўды няма, на яе месца прыходзіць хлусьня. Тыя ж „выбары“, у праўдзівасьць якіх ніхто ня верыць, тая ж прапаганда замест навін… Выкараненьне праўды з грамадзкага жыцьця тлумачыць усё, што робіць цяперашні рэжым. Ён папросту перастаўляе беларускі паравоз на расейскія рэйкі.
Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.
❓ Задайце ваша пытаньне. Telegram: @SvabodaBelarus; Signal: +37068643669
«Пасьля гісторыі з аблігацыямі інвэстары пераканаюцца, што зь Беларусьсю лепш ня мець спраў»
Старшая навуковая супрацоўніца дасьледчага цэнтру Beroc эканамістка Анастасія Лузгіна расказвае, як паўплывае на інвэстыцыйны клімат гісторыя з фактычнай нацыяналізацыяй «Макдональдса» ў Беларусі, і разважае, чаму ўлады ня хочуць выконваць свае абавязаньні па дзяржаўных аблігацыях.
https://smarturl.click/najW
Ціханоўская прапанавала распрацаваць дарожную карту далучэньня будучай дэмакратычнай Беларусі да Рады Эўропы
Беларуская дэмакратычная лідэрка Сьвятлана Ціханоўская назвала даклад прадстаўніка Фінляндыі Кіма Кільюнэна і Камітэту палітычных адносінаў і дэмакратыі «бліскучым». Яна выказала спадзяваньне, што кожны эўрапейскі палітык прачытае дадзены даклад і ўключыцца ў справу.
https://smarturl.click/a2BJ
Як 20 экспэртаў хацелі зрынуць Лукашэнку? Спрэчка Вусава і Красулінай
Сьледчы камітэт распачаў так званае спэцвядзеньне ў дачыненьні да 20 чалавек, якіх назваў «аналітыкамі Ціханоўскай». Як і дзеля чаго ўзьнік у нечым рандомны сьпіс і як гэта ўпісваецца ў кантэкст масавых рэпрэсій апошніх дзён.
Суразмоўцы Ганны Соўсь — фігуранты сьпісу так званых «аналітыкаў Ціханоўскай» — прэсавая сакратарка Сьвятланы Ціханоўскай і намесьніца старшыні Аб’яднанай грамадзянскай партыі Ганна Красуліна і доктар палітычных навук, прадстаўнік руху «Вольная Беларусь» Павал Вусаў.
📜 ТЭКСТ: https://smarturl.click/92g4
🎥 ВІДЭА: https://youtu.be/MY36v2qL8cs
Тацяну Севярынец аштрафавалі на 5400 рублёў
Маці палітзняволенага Паўла Севярынца затрымалі 9 студзеня. У жанчыны падняўся ціск, яна трапіла ў шпіталь, і пазьней яе адпусьцілі. Супраць Тацяны Севярынец склалі два пратаколы: за «распаўсюд экстрэмісцкіх матэрыялаў» і «несанкцыянаванае пікетаваньне».
25 студзеня, у судзе Першамайскага раёну Віцебску Тацяне Севярынец прысудзілі штраф памерам у 5400 рублёў, даведаліся праваабаронцы.
Віцебскі грамадзкі актывіст Барыс Хамайда выйшаў на волю
Былога распаўсюдніка незалежнага друку будуць судзіць 2 лютага. Двое сутак ён правёў у ізалятары часовага ўтрыманьня.
Барыс Надзеждзін — расейскі варыянт Сьвятланы Ціханоўскай?
«Ёсьць вэрсія, што кандыдатура Надзеждзіна ўзгодненая з Крамлём, у яго занадта багатая палітычная біяграфія, каб цалкам выключаць такую вэрсію», — кажа гісторык, палітычны аглядальнік расейскай службы Радыё Свабода Яраслаў Шымаў.
У інтэрвію Свабодзе ён адказвае на пытаньні, ці падобная выбарчая кампанія расейскага палітыка Надзеждзіна да кампаніі Ціханоўскай 2020 году, што гавораць пра расейскае грамадзтва чэргі, якія зьбіраюцца, каб паставіць подпіс за Надзеждзіна, і ці ўяўляе ягоная кампанія небясьпеку для Пуціна:
https://smarturl.click/XRWl
У Берасьці і Менску асуджаных на «хатнюю хімію» адпраўляюць прыбіраць сьнег
У Берасьці асуджаныя на «хатнюю хімію» дапамагалі прыбраць сьнег на тэрыторыі берасьцейскай школы № 27. На мясцовай дзяржаўнай тэлевізіі заявілі, што асуджаныя самі «праявілі ініцыятыву», заўважыў Reform.by.
Некалькі дзён таму падобную «акцыю» правялі ў Менску. На дзяржаўным тэлеканале расказалі, што былыя вязьні і «асобы, якія адбываюць пакараньне без ізаляцыі ад грамадзтва», чысьцілі ад сьнегу тэрыторыі сацыяльных аб’ектаў:
https://smarturl.click/Z33z
Рэцыдывісты і мэталаапрацоўка. Што вядома пра калёнію ў Навасадах, куды перавялі Зьмітра Дашкевіча
Днямі стала вядома, што Зьмітра Дашкевіча перавялі ў калёнію ў Навасадах. Да гэтага ён паўгода правёў у карцары жодзінскай турмы. Мы сабралі 6 фактаў пра калёнію, а таксама запыталі блізкіх палітвязьняў, ці шкодзіць розгалас зьняволеным. Праваабаронца Васіль Завадзкі, які раней працаваў у Навасадах, расказаў Свабодзе пра асаблівасьці калёніі №14:
https://smarturl.click/5wGo
У Тайляндзе затрымалі ўдзельнікаў «Бі-2» за выступ без дазволу на працу, піша ТАСС
Яны павінны заплаціць штраф, памер якога вызначыў суд, паведамілі ў турыстычнай паліцыі правінцыі Пхукет. Музыкам пагражае дэпартацыя ў Расею.
«Бі-2» — рок-гурт, утвораны ў 1988 годзе ў Бабруйску, ягоныя заснавальнікі і нязьменныя ўдзельнікі Аляксандар Уман (Шура) і Ягор Бортнік (Лёва) паходзяць зь Беларусі. З часам музыкі перабраліся ў Расею. Яны асудзілі расейскае ўварваньне ва Украіну. Саліст «Бі-2» прызнаны ў Расеі іншаземным агентам:
https://smarturl.click/wWV4
Сярод затрыманых — адны жанчыны: падрабязнасьці масавага рэйду сілавікоў на сваякоў палітвязьняў у Берасьці
Як паведамляе @viasna96, затрыманых вазілі і ў КДБ, і ў Сьледчы камітэт, і ў Ленінскі РАУС. Сярод іх былі адныя жанчыны і іх было так шмат, што людзі сядзелі ў калідорах. Тых, хто моцна абураўся і скардзіўся — адпраўлялі ў ІЧУ на 72 гадзіны.
Агулам, людзі налічылі каля 70 затрыманых 23 студзеня толькі ў Берасьці.
UPD. ❗️Паводле праваабаронцаў, агулам за гэтыя дні пад перасьлед трапілі сама меней 157 чалавек.
👆🏻Запытайся ў Дубаўца. Калі ў Беларусі будзе адна дзяржаўная мова, беларуская, што гэта дасьць людзям?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Па-беларуску загавораць усе службовыя асобы. Міліцыя, судзьдзі, пракуроры, уся чынавенская бюракратыя. Паспрабуйце ўявіць, як гэта будзе, і вы пабачыце, што такія суды проста ня змогуць быць нацэленыя на рэпрэсіі, што такі бюракрат ня зможа свавольна пагарджаць наведнікамі, што такі міністар ня зможа ігнараваць нацыянальныя інтарэсы. Радыкальна палепшыцца клімат у грамадзтве, зьявіцца павага да чалавека. Гэткі парадак існуе ў дэмакратычных краінах і немагчымы без адзінай дзяржаўнай нацыянальнай мовы.
Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.
❓Задайце ваша пытаньне. Telegram: @SvabodaBelarus; Signal: +37068643669
Андрэй Стрыжак: З 23 студзеня сілавікі затрымалі 143 чалавекі ў рамках «аблавы» на былых палітвязьняў і іх сваякоў
«Вядома пра 143 факты затрыманьня падчас аблавы з 23.01 па сёньняшні дзень» — паведаміў 25 студзеня кіраўнік фонду BySol Андрэй Стрыжак.
Па ўсёй Беларусі 23 студзеня супрацоўнікі КДБ зладзілі масавыя ператрусы, допыты і затрыманьні сваякоў і блізкіх палітвязьняў, а таксама былых палітзьняволеных, якія нядаўна выйшлі на волю і заставаліся ў Беларусі. 24 студзеня прыйшлі яшчэ да некалькіх сваякоў палітвязьняў. Падрабязнасьці:
https://smarturl.click/36EZ
У 2023 годзе 27 грамадзян Беларусі атрымалі адмовы ў выдачы пасьведчаньня на права жыхарства ў Польшчы ў сувязі з «пагрозай нацыянальнай бясьпецы»
Такі адказ Hrodna.life атрымаў ад прэс-сакратара Ўпраўленьня па справах замежнікаў Якуба Дудзяка. Рэдакцыя даслала запыт пасьля абнародаваньня інфармацыі пра выпадак беларуса Паўла Юшкевіча, якому пасьля 20 гадоў жыцьця ў Польшчы анулявалі дазвол на жыхарства.
Для параўнаньня: яшчэ адна суседка Беларусі Літва за год (з канца лістапада 2022 па канец лістапада 2023 году) прызнала «пагрозай нацыянальнай бясьпецы» 1644 беларусаў:
https://smarturl.click/n9A7
Бюджэт пражытачнага мінімуму 1 лютага вырасьце ў сярэднім на 10,6%
Пастановы Міністэрства працы і сацыяльнай абароны № 1 ад 23 студзеня, для працаздольнага насельніцтва Бюджэт пражытачнага мінімуму (БПМ) з 1 лютага па 30 красавіка будзе складаць 434,6 рубля (+7,2%); пэнсіянэраў — 298,43 (+9.21%); дзяцей ва ўзросьце да трох гадоў — 260,39 (+9,7%), ва ўзросьце ад трох да шасьці — 349,9 (+7,6%), ад шасьці да васямнаццаці — 406,3 (+3,2%).
Такім чынам, у сярэднім на душу насельніцтва новы памер БПМ большы за цяперашні на 10,6% (з 1 лістапада 2023 года — 367,79 рубля).
Як заяўляе Мінпрацы, рост гэтага сацыяльнага нарматыву ў першую чаргу абумоўлены «зьмяненьнем якаснага складу мінімальнага набору прадуктаў харчаваньня, што ўваходзіць у пражытачны мінімум», які ўрад зацьвердзіў 9 кастрычніка 2023 года.
МЗС Літвы прапануе працягнуць абмежаваньні для беларусаў і расейцаў
Ведамства прапануе працягнуць на год дзейныя да траўня абмежаваньні для грамадзян Расеі і Беларусі, для апошніх парадак узмацніць, але не прыраўноўваць іх да расейцаў цалкам, піша LRT.
Так, прапануецца праводзіць дадатковую ацэнку рызыкі, калі грамадзяне Беларусі прыяжджаюць у Літву па шэнгенскай візе, каб вызначыць, якую пагрозу іх прыбыцьцё нясе для грамадзкага парадку, унутранай бясьпекі, здароўя насельніцтва ці міжнародных адносін.
Літоўскія памежнікі таксама будуць прымаць рашэньне аб далейшай праверцы беларусаў на другой лініі кантролю ў пунктах пропуску (для грамадзян Расеі такая індывідуальная дадатковая паглыбленая праверка рызык праводзіцца ўжо).
Летась Сейм прыняў закон аб абмежавальных мерах для грамадзян Расеі і Беларусі, аднак для апошніх былі ўведзены меншыя абмежаваньні. Цяпер абмежаваньні дзейнічаюць да 2 траўня.
Аўтарытэтны брытанскі часопіс для выдаўцоў кніг напісаў пра цэнзуру ў Беларусі
📚Бізнэс-часопіс для выдаўцоў кніг The Bookseller выдаецца ў Вялікай Брытаніі з 1858 году. Заснавальнік выдавецтва «Янушкевіч» Андрэй Янушкевіч расказаў пра цэнзуру і перасьлед выдаўцоў уладамі Беларусі.
🖌«Сёньня ў Беларусі немагчыма свабодна працаваць і вызначаць уласную выдавецкую палітыку».
https://smarturl.click/0VMp
Асноўнае ў Беларусі і вакол яе 25 студзеня
👮🏼♀️СК пачаў «спэцвядзеньне» супраць 20 аналітыкаў, у тым ліку журналіста Свабоды Дракахруста. Першыя рэакцыі
📃Адкуль зьявіўся сьпіс «аналітыкаў Ціханоўскай»? Спрэчка Вусава і Красулінай
💉Лукашэнка прызначыў новым міністрам аховы здароўя экс-кіраўніка «Навінак» і даручыў яму «разабрацца з клянавасьцю»
🩺Масава звальняў лекараў з «Навінак», бацька мае бізнэс у Расеі. Што вядома пра новага міністра аховы здароўя Хаджаева
👩Падчас ператрусаў у Берасьці затрымалі 70 чалавек, усе жанчыны
🔎Сама меней 159 чалавек трапілі пад перасьлед падчас масавага рэйду сілавікоў на сваякоў палітвязьняў
🇪🇺У Эўразьвязе асудзілі хвалю рэпрэсій супраць родных палітвязьняў у Беларусі
🕎На месцы колішняга ўваходу ў Менскае гета павесілі памятную дошку
🔖Урад зацьвердзіў канцэпцыю для вяртаньня на радзіму беларусаў, якія эмігравалі
🇷🇺Барыс Надзеждзін — расейскі варыянт Сьвятланы Ціханоўскай?
Хто адбельвае дыктатуру ў Беларусі. ВІДЭА
Антыэўрапейская пракачка на дзяржаўных каналах дасягае апагею. Раней Эўразьвяз прадстаўлялі проста як ворага беларусаў, які лязгае гусеніцамі і марыць захапіць беларускія рэсурсы. Сёньня ў эфірах БТ, АНТ, СТВ усё часьцей эўрапейцаў увогуле не прызнаюць за людзей.
Журналіст Дзьмітры Гурневіч расказвае, хто гэтыя так званыя міжнародныя экспэрты і палітыкі, якія «дапамагаюць» беларускім прапагандыстам распаўсюджваць хлусьню на ТБ.
https://youtu.be/mvzcU7kL8CU
У ААН прызналі парушэньні правоў палітзьняволенага адваката Віталя Брагінца
Працоўная група ААН па адвольных затрыманьнях (ПГАЗ) прызнала, што пазбаўленьне волі Віталя заснаванае на дыскрымінацыі па палітычных поглядах і яго статусе «адваката апазыцыі», бо ён абараняў кліентаў у палітычна матываваных судах.
https://smarturl.click/2XnJ
Праверыць дакумэнты музыкаў «Бі-2» улады Тайлянду папрасілі расейскія дыпляматы
Паводле інфармацыі тэлеграм-каналу Mash, музыкі гурта выйшлі на волю пад заклад, але 26 студзеня адбудзецца суд.
У Тайляндзе гурт заплянаваў два канцэрты — 22 студзеня ў Патаі, а 24-а — на Пхукеце. Першы канцэрт прайшоў без праблем — з атрыманьнем дакумэнтаў дапамагла буйная юрыдычная кантора, адзін з супрацоўнікаў якой — фанат «Бі-2». Музыкам аформілі турыстычныя візы і асобны дазвол на гастролі. Але на Пхукеце гэта не спрацавала.
Па словах суразмоўцы выданьня ў консульстве, да ўладаў Тайлянду зьвярнуліся расейскія дыпляматы і папрасілі ўважліва праверыць дакумэнты музыкаў. Аказалася, дазволу на канцэртную дзейнасьць у іх няма.
Гурт «Бі-2» паходзіць зь Беларусі, але ягоныя музыкі даўно жылі ў Расеі. Удзельнікі рэзка асуджаюць уварваньне Расеі ва Ўкраіну, а саліст Аляксандар Уман паабяцаў ахвяраваць грошы на ўкраінскае войска да самага заканчэньня вайны.
У 2023 годзе 32,8% беларусаў, якія зьвярталіся па амэрыканскія візы, атрымалі адмову
Такія зьвесткі публікуе Дзярждэпартамэнт ЗША. Для параўнаньня: у 2022 годзе 26,05% беларусаў, якія зьвярталіся па амэрыканскую візу, ЗША адмовілі ў яе атрыманьні, у 2021 годзе адмовілі 16,81% беларусаў, у 2020 годзе — 27,01%.
Летась сярод краінаў-суседзяў Беларусі радзей за ўсё адмаўлялі атрыманьні амэрыканскай візы грамадзянам Латвіі —(9,28% адмоваў), больш адмоваў, чым беларусы, атрымалі ўкраінцы (34,29%) і расейцы (39,49%):
https://smarturl.click/2XXz
Масава звальняў лекараў з «Навінак», бацька мае бізнэс у Расеі. Што вядома пра новага міністра аховы здароўя Хаджаева
Бацька Хаджаева ў свой час быў першым намесьнікам міністра аховы здароўя, праўда, потым выехаў у Расею. Сын заняў ужо крэсла міністра. Расказваем пр новага міністра аховы здароўя:
https://smarturl.click/ELvV
Лукашэнка зьняў Піневіча з пасады міністра аховы здароўя Беларусі і прызначыў новым міністрам экс-кіраўніка «Навінак» Аляксандра Хаджаева
Да гэтага прызначэньня Аляксандар Хаджаеў узначальваў РНПЦ псыхічнага здароўя, а раней працаваў у галоўным упраўленьні арганізацыі мэдыцынскай дапамогі Міністэрства аховы здароўя. Мае вучоную ступень кандыдата мэдыцынскіх навук, ягоная спэцыялізацыя — наркалёгія.
Пра папярэдняга міністра аховы здароўя Дзьмітрыя Піневіча Лукашэнка сказаў, што «бачыць яго на іншай пасадзе» — куды перавядуць Піневіча, ён не ўдакладніў:
https://smarturl.click/D9ZZ
На месцы колішняга ўваходу ў Менскае гета павесілі памятную дошку
Усталяваньне памятнай дошкі на будынку на вуліцы Раманаўская Слабада, 1 стала магчымым дзякуючы падтрымцы амбасады Ізраілю ў Беларусі і Ізраільскаму культурнаму цэнтру ў Менску, паведамляе ў фэйсбуку Саюз беларускіх габрэйскіх грамадзкіх абʼяднаньняў і грамадаў.
На тэрыторыі Беларусі было створана 250 гета. У найбольшым — Менскім — загінулі больш за 100 тысяч чалавек. Яно было створана ў жніўні 1941 году і лічыцца адным з самых буйных ва ўсёй Эўропе, на акупаванай тэрыторыі СССР займала другое месца па колькасьці вязьняў пасьля Львоўскага, якое налічвала 136 тысяч чалавек:
https://smarturl.click/Ra6J
Аляксандар Дабравольскі, супраць якога СК распачаў ужо другое спэцыяльнае вядзеньне (першае было ў сьнежні), пракамэнтаваў новую справу Свабодзе:
«Я дзіўлюся таму, што яны кажуць, што хтосьці ўдзельнічаў у нейкіх сэмінарах і гэта нібыта супраць Беларусі. Калі абмяркоўвалася, што Лукашэнка ўзурпатар, то гэта было ня супраць Беларусі, а за Беларусь. Супраць Лукашэнкі — гэта папраўдзе за Беларусь. Яны хочуць так падаць, што гэта было нібыта супраць нацыянальных інтарэсаў, не, гэта ягоныя прыватныя інтарэсы, а не нацыянальныя. (...)
Для мяне тут выбар палягае ў тым, што трэба заставацца чалавекам і рабіць адпаведныя ўчынкі. Іншым я б параіў дбаць пра сваю бясьпеку і бясьпеку сваіх родных, бо ўлада ў прыватных інтарэсах Лукашэнкі выкарыстоўвае мэханізмы дзяржавы супраць грамадзян».
Падрабязнасьці новай завочнай справы супраць 20 беларусаў>>
СК пачаў «спэцвядзеньне» супраць журналіста Радыё Свабода Юрыя Дракахруста і шэрагу іншых журналістаў і аналітыкаў
Юрыя Дракахруста падазраюць паводле ч.6 арт.16 і ч.3 арт.130, ч.1 арт.357, ч.6 арт.16 і ч.3 арт.361, ч.3 арт.361-1 Крымінальнага кодэкса Беларусі. Дата пачатку спэцыяльнага вядзеньня — 24.01.2024.
Агулам СК распачаў спэцвядзеньне ў дачыненьні да 20 аналітыкаў: у сьпісе таксама Рыгор Астапеня, Філіп Біканаў, Аляксандар Дабравольскі, Андрэй Казакевіч, Ганна Красуліна, Яўген Крыжаноўскі, Дзяніс Кучынскі, Вераніка Лапуцька, Аляксандар Лагвінец, Ганна Любакова, Васіль Навумаў, Марыя Рогава, Пётра Рудкоўскі, Алеся Руднік, Натальля Рабава, Павел Вусаў, Тацяна Чуліцкая, Аляксандар Шлык, Кацярына Шмаціна.
Паведамляецца, што «названыя асобы прымалі актыўны ўдзел у выпрацоўцы і рэалізацыі канцэпцыі дэструктыўнай дзейнасьці, накіраванай на прычыненьне шкоды нацыянальнай бясьпецы Рэспублікі Беларусь, а таксама садзейнічалі ўзбуджэньню сацыяльнай варожасьці і звады ў грамадзтве».
🎼 Зоркі беларускай індзі-сцэны Сьвета Бень і Галя Чыкіс прысьвяцілі новую песьню «тым, хто больш не знаходзіць сіл»
Вядомы беларускі творчы дуэт выклаў у Youtube новую кампазыцыю пад назвай «Згустак бліскавак». «Гэтую песьню мы прысьвячаем тым, хто часам не знаходзіць больш сіл зьзяць», — пішуць аўтаркі ў анатацыі да песьні.
Паслухаць песьню і пачытаць больш пра яе можна тут:
https://smarturl.click/mOZz
«Міс Японіяй-2024» стала этнічная ўкраінка
Грамадзянка Японіі ўкраінскага паходжаньня Караліна Шыіно перамагла ў нацыянальным конкурсе прыгажосьці «Міс Японія-2024». Падзея выклікала бурную дыскусію ў сацсетках аб правілах спаборніцтва і аб тым, ці варта дапускаць да яго неэтнічных японак. Караліна нарадзілася ў Цярнопалі ў 1998 годзе, яе бацькі — украінцы. У Японію пераехала ва ўзросьце 5 гадоў, калі маці выйшла замуж у другі раз — за японца:
https://smarturl.click/QzyY