17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Альгерд сабраў пад скіпэтрам заходнярускія землі»
Расейскі амбасадар анансаваў адзіныя зь Беларусьсю падручнікі па гісторыі. У расейскіх падручніках пішуць, што ВКЛ — «западнорусские земли», а падзелы Рэчы Паспалітай — «узьяднаньне славянскіх народаў». Што там напісалі яшчэ, расказваем.
https://smarturl.click/RALD8
У караля Вялікай Брытаніі Карла III знайшлі рак
Пра гэта паведамляе BBC са спасылкай на Букінгемскі палац.
На час лячэньня манарх працягне выконваць цырыманіяльныя абавязкі, але ўстрымаецца ад публічных мерапрыемстваў. Прадстаўнік караля не раскрыў тып раку, на які той хворы, але падкрэсьліў, што гэта ня рак прастаты.
На мінулым тыдні кароль выпісаўся са шпіталя пасьля хірургічнай апэрацыі ў сувязі з павялічанай прастатай. У палацы гэтую паталёгію называлі бясьпечнай. https://smarturl.click/jkBOl
У Латвіі 9 выпадкаў гепатыту А пасьля паездак за мяжу, часьцей за ўсё — у Беларусь
За апошнія два тыдні ў Латвіі зарэгістравана 9 выпадкаў гепатыту А, што значна перавышае прагназаваную колькасьць выпадкаў за адпаведны пэрыяд, паведамілі парталу Delfi у латвійскім Цэнтры прафіляктыкі і кантролю захворваньняў (SPKC).
Паводле зьвестак SPKC, усе выпадкі гепатыту А зьвязаныя з паездкамі ў іншыя краіны, у тым ліку шэсьць чалавек заразіліся гепатытам А ў Беларусі, а астатнія — у Марока, Эгіпце і Занзыбары.
Гепатыт А, таксама вядомы як хвароба Боткіна — гэта вострая вірусная інфэкцыя печані. Крыніцай заражэньня зьяўляецца інфікаваны чалавек — хворы ці чалавек, у якога інфэкцыя працякае бессымптомна. https://smarturl.click/EemAL
За 2023 год адмоўнае сальда ў гандлі Беларусі таварамі вырасла больш чым у 30 разоў
Зьнешні гандаль таварамі ў 2023 годзе склаў 83 млрд 424,5 млн даляраў, экспарт дасягнуў 40 млрд 168 млн даляраў, імпарт — 43 млрд 256 млн даляраў. Пра гэта паведамляе Нацыянальны статыстычны камітэт.
Адмоўнае сальда за 2023 год склалася ў памеры мінус 3 млрд 88 млн даляраў. Па выніках 2022 году сальда ў зьнешнім гандлі Беларусі таварамі было мінус 99 млн даляраў. https://smarturl.click/O0z6b
Супраць палітзьняволенай Вікторыі Кульшы зноў ініцыявалі справу за «непадпарадкаваньне адміністрацыі калёніі»
Вікторыю Кульшу двойчы за мінулы год асудзілі паводле ч. 1 арт. 411 КК («злоснае непадпарадкаваньне законным патрабаваньням адміністрацыі калёніі»). Апошні раз суд прызначыў жанчыне яшчэ адзін год зьняволеньня ў дадатак да трох з паловай гадоў калёніі, паведамляе «Вясна».
Паводле праваабаронцаў, Вікторыя больш за месяц знаходзіцца ў ПКТ, але сустрэла Новы год у штрафным ізалятары. Цяпер стала вядома, што адміністрацыя жаночай калёніі № 24 ініцыявала супраць яе ўжо трэцюю крымінальную справу па арт. 411 КК. Падрабязнасьці пакуль невядомыя.
Раней у калёніі адзін з наглядчыкаў душыў Вікторыю локцем, а таксама цягаў яе па камэры. Праз галадоўкі ў яе двойчы здараўся сардэчны прыступ. https://smarturl.click/670v5
Беларуская чыгунка паведаміла пра 6,6 тысячы «зайцоў» у цягніках
Такую лічбу назвала прэс-служба БЧ, пішучы пра злоўленых у 2023 годзе безьбілетнікаў у цягніках.
У Беларусі штраф за безьбілетны праезд складае ад 0,5 да 1 базавай велічыні ў залежнасьці ад віду транспарту. Пастановай ўраду з 1 студзеня 2024 году ў Беларусі ўстанавілі памер базавай велічыні ў 40 рублёў.
Старшыня Сейму Літвы пра выпадак зь беларускім міліцыянтам: гэта не павінна ўплываць на разьмежаваньне беларусаў і расейцаў
Лідэрка Лібэральнага руху, старшыня Сейму Літвы Вікторыя Чміліце-Нільсэн заявіла, што сытуацыя, калі былы маёр беларускай міліцыі Аляксандар Маціевіч, які ўдзельнічаў у падаўленьні пратэстаў у сваёй краіне, атрымаў часовы дазвол на жыхарства ў Літве, ня зьменіць ейнае пазыцыі, што абмежаваньні для грамадзян Расеі і Беларусі павінны застацца рознымі.
https://smarturl.click/vwbqv
Затрымалі пяць былых сілавікоў, якія ў 2020 годзе запісалі відэа з асуджэньнем гвалту
Супраць іх завялі крымінальную справу.
Правабарончаму цэнтру «Вясна» стала вядома пра затрыманьне 31 студзеня шэрагу былых сілавікоў:
🔸падпалкоўніка міліцыі запасу Ігара Кісьляка, які скончыў службу намесьнікам начальніка аддзелу ГУБАЗ і які доўгі час праслужыў начальнікам крымінальнай міліцыі Жодзінскага ГАУС;
🔸 падпалкоўніка ў адстаўцы, былога намесьніка начальніка Жодзінскага ГАУС, начальніка міліцыі грамадзкай бясьпекі Вячаслава Ільіча.
🔸 падпалкоўніка, былога намесьніка начальніка Жодзінскага ГАУС па ідэалягічнай рабоце і кадравым забесьпячэньні Андрэя Дарошкі;
🔸 падпалкоўніка юстыцыі ў запасе, былога начальніка сьледчага аддзелу Віталя Папроцкага;
🔸 падпалкоўніка юстыцыі ў запасе, начальніка сьледчага аддзяленьня Дзьмітрыя Ўдовіна.
У 2020 годзе яны запісалі відэазварот да сваіх былых калег, у якім асудзілі гвалт над народам, піша ex-press.live.
Беларусь адправіла праз расейскія порты 14,1 млн тон грузаў
Стала вядома, наколькі інтэнсіўная супраца Беларусі з Расеяй у партовай галіне. Ёсьць і сумесныя пляны беларускай і расейскай чыгунак па будаўніцтве новых галінаў у порты.
https://smarturl.click/RALeJ
«Наш сьцяг тапталі і нішчылі, а ён жыве». Апошняе інтэрвію гісторыка Ўладзімера Ляхоўскага, якому сёньня споўнілася б 60 год
Уладзімер Ляхоўскі — выбітны гісторык, энцыкляпэдычны аўтар, летапісец беларускага нацыянальна-вызвольнага руху першай паловы ХХ стагодзьдзя ўва ўсіх яго праявах. Дасьледаваў палітычную гісторыю БНР; вайсковую гісторыю, у тым ліку Слуцкі збройны чын; пачаткі нацыянальнай адукацыі па-беларуску; беларускі моладзевы рух міжваеннае пары па абодва бакі мяжы БССР і Заходняй Беларусі.
https://smarturl.click/9zxoj
Ціханоўскую маглі праслухоўваць польскія спэцслужбы. Пракуратура пачала расьсьледаваньне
Польскія спэцслужбы маглі весьці праслухоўваньне падчас сустрэчы Сьвятланы Ціханоўскай з палітыкамі тагачаснай апазыцыі Польшчы ў адным з гатэляў Варшавы. Сярод тых, хто маглі мець дачыненьне да справы, называюць імёны былых высокапастаўленых сяброў партыі PIS.
https://smarturl.click/ppwp2
Нямеччына запускае праект чатырохдзённага працоўнага тыдня
Мэта – высьветліць, ці могуць супрацоўнікі стаць ня толькі больш здаровымі і шчасьлівымі, але і больш прадуктыўнымі, калі пяройдуць на скарочаны працоўны тыдзень. Тэставаньне працягнецца паўгоду.
Прыхільнікі праекту таксама кажуць, што ў кантэксьце агульнаэўрапейскага рынку Нямеччына магла б выйграць і ад прытоку працоўнай сілы з суседніх краін.
https://smarturl.click/gp2p2
Байдэн выйграў першыя афіцыйныя праймэрыз дэмакратаў у цяперашняй прэзыдэнцкай кампаніі
У выніку праймэрыз Джо Байдэн атрымае галасы ўсіх 55 дэлегатаў — дэмакратаў штату. Перамога ў Паўднёвай Караліне прынесла дзейнаму прэзыдэнту ЗША першыя галасы выбарнікаў. У будучыні яны вызначаць кандыдата на пасаду кіраўніка дзяржавы ад Дэмакратычнай партыі.
Кампанія па выбарах прэзыдэнта ЗША завершыцца нацыянальным галасаваньнем 5 лістапада.
https://smarturl.click/yqddB
Стралкоў-Гіркін хоча паехаць з калёніі добраахвотнікам на вайну, але пакуль яго нібыта не пускаюць
Такую заяву зрабіў ягоны адвакат Аляксандр Малохаў. Паводле адваката, Стралкоў неаднаразова казаў, што хоча адправіцца на фронт, але яму стварылі такія ўмовы, што ён ня мог гэтага зрабіць.
Таксама, паводле Молахава, не выключаецца умоўна-датэрміновае вызваленьне былога лідэра сэпаратыстаў.
https://smarturl.click/mp88Q
Памёр легендарны швэдзкі футбаліст Курт Хамрын
Славуты гулец, які быў адным зь вядучых футбалістаў 50-60-хх, памёр у 89 гадоў. Ён быў лідэрам зборнай Швэцыі ў яе адзіным фінале чэмпіянату сьвету ў 1958-м.
Гэта ўжо чацьверты легендарны футбаліст, які пайшоў з жыцьця з пачатку 2024-а.
https://smarturl.click/gLLa
Яшчэ адзін штуршок да эміграцыі. Ці будуць садзіць за краты «дармаедаў»?
Ці сапраўды ў Беларусі зноў, як і ў савецкі час, будуць судзіць тых людзей, якія зь нейкіх прычынаў не працаўладкаваныя? І дзеля чаго гэта патрэбна ўладзе? Вось што піша аналітык Радыё Свабода Валер Карбалевіч:
❗️ У краіне зьявіўся дэфіцыт працоўных рук. Адзіны і ўнівэрсальны спосаб вырашэньня любых праблем, які выкарыстоўвае дзейны рэжым, — гэта гвалт, прымус.
❗️Эвалюцыя палітычнай сыстэмы ў бок таталітарызму заканамерным чынам падводзіць да гэтай ідэі.
❗️Калі ўсіх, хто ня мае афіцыйнай працы, садзіць за краты, то трэба будаваць цэлую сыстэму калёній, лягераў, ствараць беларускі Архіпэляг ГУЛАГ. https://smarturl.click/670wa
Галоўнае за 5 лютага
📌 Абяцаюць зьняць з вышуку, просяць паведаміць новы адрас. Беларусы замежжа расказалі пра новую тактыку сілавікоў
📌 Лукашэнка ўнёс у вайсковыя статуты зьмены, якія дазваляюць вайскоўцам прымяняць зброю супраць грамадзян
📌 Чаму Мілінкевіч лічыць, што «небеларускія сілы спрабуюць адхіліць Ціханоўскую з дапамогай Каардынацыйнай рады»
📌 «Рускаміраўцы», тыктокер, сілавікі і дзейная дэпутатка. Каго ў апошні момант зьнялі з выбараў у Палату прадстаўнікоў
📌 Затрымалі пяць былых сілавікоў, якія ў 2020 годзе запісалі відэа з асуджэньнем гвалту
«Небеларускія сілы спрабуюць адхіліць Ціханоўскую з дапамогай Каардынацыйнай рады», — Мілінкевіч
Былы кандыдат на прэзыдэнта на выбарах 2006 году, пазаштатны дарадца Ціханоўскай у пытаньнях рэалізацыі эўрапейскага выбару Беларусі Аляксандар Мілінкевіч лічыць, што адбываецца «спроба небеларускіх сілаў адхіліць Сьвятлану Ціханоўскую з дапамогай Каардынацыйнай рады». На чым грунтуецца і наколькі адпавядае рэальнасьці такая заява, гаворым з самім палітыкам. https://youtu.be/EE-GWX4iAhE
У Менску шпіталізавалі 9 пасажыраў двух аўтобусаў, якія пацярпелі ў ДТЗ
Сярод іх 5 дзяцей, паведаміў Тэлеграм-канал Міністэрства аховы здароўя. У пацярпелых ёсьць чэрапна-мазгавыя траўмы і пераломы.
Сёньня раніцай 24-гадовы кіроўца пасажырскага аўтобуса на вуліцы Сямашкі ня справіўся з кіраваньнем і ўрэзаўся ў іншы аўтобус. Паводле папярэдняй інфармацыі ДАІ Менску, кіроўца заснуў за рулём.
У Мастаўлянах ушанавалі памяць Кастуся Каліноўскага. ФОТА
Клюб гістарычнай рэканструкцыі «Invictus 1863», створаны нядаўна на Падляшшы, ушанаваў у Мастаўлянах памяць нацыянальнага героя Беларусі Кастуся Каліноўскага, які нарадзіўся ў гэтай вёсцы і чый дзень нараджэньня адзначаўся 2 лютага. Чальцы клюбу выставілі ганаровую варту, запалілі зьнічы каля помніка, а таксама наведалі месца, на якім стаяла хата сям’і Каліноўскіх.
Фота Invictus 1863
Мабільны распрацоўнік Belka Games ліквідуе юрыдычную асобу ў Менску
Працэдуру ліквідацыі Belka Games запусьцілі ў канцы сьнежня 2023 году. Так вырашылі ўласьнікі. На пачатку 2022 году ў кампаніі працавала больш за 400 чалавек у шасьці філіях, у тым ліку і менскі офіс.
https://smarturl.click/1dM4w
«Апэратыўнік пісаў мне, што „я за вас!“, і слаў віншаваньні з Новым годам»
Расказваем, як невядомыя называюць сябе міліцыянтамі й спрабуюць выманіць у беларусаў пэрсанальныя зьвесткі.
https://smarturl.click/bagB7
Лукашэнка ўнёс зьмены ў вайсковыя статуты, якія дазваляюць вайскоўцам прымяняць зброю супраць грамадзян
У статуце запісана, што патэнцыйнае прымяненьне «фізычнай сілы, спэцсродкаў, баявой і спэцыяльнай тэхнікі» і яго наступствы павінны быць дакладна зразумелыя чалавеку, супраць якога будуць прымененыя, і вайсковец павінен аказаць гэтаму чалавеку пасьля раненьня мэдычную дапамогу.
https://smarturl.click/G6jew
Прэзыдэнт Украіны заявіў пра неабходнасьць «сур’ёзнай перазагрузкі» ў кіраўніцтве ўраду і войску
У канцы студзеня ў сацыяльных сетках зьявілася інфармацыя аб тым, што Ўладзімір Зяленскі адправіў у адстаўку галоўнага камандуючага Ўзброенымі сіламі Ўкраіны Валерыя Залужнага. Яна не пацьвердзілася, а цяпер Зяленскі адказаў на пытаньне, ці мае такі намер.
https://smarturl.click/z2pdw
Асноўнае ў Беларусі і вакол яе 4 лютага
🔹Ціханоўскую маглі праслухоўваць польскія спэцслужбы. Пракуратура пачала расьсьледаваньне
🔹49-гадовы начальнік Аршанскай міліцыі памёр на працы. Што пра яго вядома
🔹Брытанская выведка заявіла, што цяпер у Беларусі застаецца менш за тысячу баевікоў ПВК «Вагнэр»
🔹У Армэніі адбудзецца суд над беларусам, які ўцёк ад службы ў войску на радзіме
🔹У Менску праз тры дні працы закрылі выставу ў гонар юбілею найвядомейшай карціны Малевіча
🔹Лукашэнкава «палітбюро». Нават сыходзячы, ён будзе імкнуцца захаваць пасьля сябе дыктатуру
Alyona alyona & Jerry Heil зь песьняй «Teresa & Maria» сталі ва Ўкраіне пераможцамі Нацыянальнага адбору на Эўрабачаньне-2024.
Читать полностью…
Што вядома пра 49-гадовага начальніка Аршанскай міліцыі, які памёр на працы
«Працяглы час знаходзіўся ў сапраўднай дэпрэсіі...»
https://smarturl.click/w9YYA
Выведка Брытаніі патлумачыла, для чаго ў Беларусі застаецца тысяча вагнэраўцаў
«Працяглая прысутнасьць вагнэраўцаў у Беларусі амаль напэўна гуляе на руку Расеі».
https://smarturl.click/aJBBb
Краіны Эўразьвязу больш за тыдзень не фіксуюць спробаў нелегальных мігрантаў пранікнуць з тэрыторыі Беларусі
З пачатку мігранцкага крызісу (вясна 2021 году) гэта 19-ы такі выпадак і 18-ы — з пачатку году. Спробаў няма восьмы дзень запар.
https://smarturl.click/O558
Лідэрам ураду Паўночнай Ірляндыі ўпершыню стала каталічка і прыхільніца аб'яднаньня Ірляндыі
Мішэль О’Ніл — новая кіраўніца ўраду Паўночнай Ірляндыі. Гэта стала гістарычным момантам для брытанскай тэрыторыі, выкліканым вяртаньнем падзелу ўлады пасьля таго, як найбуйнейшая прабрытанская партыя спыніла двухгадовы байкот.
https://smarturl.click/k77X
Фота Reuters