17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Літве пачалі кампанію па падрыхтоўцы добраахвотнікаў да абароны краіны ў выпадку вайны
У Міністэрстве абароны паведамілі, што на добраахвотнай аснове ў камэндатуры могуць запісацца ўсе патрыятычна настроеныя грамадзяне.
https://smarturl.click/G6Yy4
Кляштар, канцлягер, калёнія асаблівага рэжыму для рэцыдывістаў. Гісторыя глыбоцкай вязьніцы
«У гэтае месца мяне адправілі на гібель. Мне ствараюцца такія ўмовы, у якіх жывы пазайздросьціць мёртвым… На 32 чалавекі адна прыбіральня і адзін умывальнік», — так расказваюць вязьні пра ПК-13 у Глыбокім.
Калёнія асаблівага рэжыму № 13 у Глыбокім мае рэпутацыю самай закрытай у Беларусі. Праваабаронцы таксама называюць яе адной з самых строгіх. Расказваем пра ПК-13, дзе сядзяць рэцыдывісты, «пажыцьцёвікі» і палітык Мікалай Статкевіч:
https://smarturl.click/W3BMW
Ва Ўкраіне завялі справу супраць бізнэсоўца, які празь Беларусь пастаўляў люксавыя аўтамабілі ў абыход санкцый
СБУ выявіла ўкраінскага бізнэсоўца, які праз свае кампаніі ва Ўкраіне, Беларусі і на Кіпры ў абыход міжнародных санкцый пастаўляў з Украіны ў Расею аўтамабілі вядомых усясьветных брэндаў. Паводле сьледзтва, украінец дапамагаў Расеі легалізаваць «паралельны імпарт», які расейскі ўрад узаконіў пасьля ўвядзеньня санкцый за ваеннае ўварваньне ва Ўкраіну:
https://smarturl.click/G6Y1V
🚗 Увага, пошук!
Шукаем беларусаў, якія ў апошнія тыдні перасякалі мяжу з краінамі Эўразьвязу і правялі ў чэргах 48 і больш гадзінаў. Ананімнасьць гарантуем!
📬 Сувязь з рэдакцыяй: Telegram: @SvabodaBelarus; Signal: +37068643669
«Не магу здаць даляры». У некаторых беларусаў узьніклі праблемы з абменам валюты. Разабраліся, чаму так і што рабіць
Раней беларусы не маглі купіць даляры, цяпер — здаць. Чаму ў некаторых банкі не прымаюць даляраў, з чым гэта зьвязана і дзе іх здаць. Расказваем:
https://smarturl.click/jkZgl
Cёньня — дзень памяці найбуйнейшай чыгуначнай катастрофы ў Беларусі
2 траўня 1977 году на чыгуначнай станцыі Крыжоўка пад Менскам пасажырскі цягнік сутыкнуўся з электрычкай. Паводле афіцыйных зьвестак, загінулі 22 чалавекі, паводле неафіцыйных — да 200 чалавек. Гэта была самая буйная чыгуначная катастрофа ў гісторыі Беларусі.
Іншыя адметныя даты і падзеі 1 траўня ў гісторыі — у матэрыяле «Ўжо сёньня»:
https://smarturl.click/W3BoA
Кандыдат у КР у 2018 годзе напісала ў КДБ данос на блогера Пальчыса
Кандыдат у новы склад Каардынацыйнай рады Вольга Тышкевіч у 2018 годзе напісала ў Камітэт дзяржбясьпекі данос на блогера Эдуарда Пальчыса, паведамляе праект «Альянс расьсьледнікаў Беларусі».
https://smarturl.click/mp1Ro
«Ціханоўская таксама сутыкаецца з сэксізмам»
Чаму жанчыны неахвотна ідуць у палітыку і праз што сыходзяць зь яе? Ці адкрыла лідэрства Сьвятланы Ціханоўскай дарогу жанчынам на пазыцыі, дзе прымаюць рашэньні? І чаму сярод лідэраў 12 выбарчых сьпісаў у Каардынацыйную раду толькі чатыры жанчыны?
На гэтыя пытаньні адказвае сябра Кантактнай групы па Беларусі ў Радзе Эўропы, лідэрка фэмфракцыі 2-га складу Каардынацыйнай рады, гендэрная экспэртка Юлія Міцкевіч.
ТЭКСТ: https://smarturl.click/4kn6D
ВІДЭА: https://youtu.be/iTxes2mnUAs?si=UKjt0M_Sl7mjLiSw
Глыбоцкага культурыста-палітвязьня Аляксандра Шарабайку зноў будуць судзіць
Аляксандра затрымалі 13 сакавіка 2023 году. За «абразу Лукашэнкі» яму прызначылі 1,5 года калёніі. Свой тэрмін палітвязень адбываў у Івацэвіцкай калёніі № 22.
https://smarturl.click/Xyplz
У Беларусі зарэгістравалі таварны знак Made in Belarus
Лягатып Made in Belarus уяўляе сабой графічную кампазыцыю ў выглядзе пяцікутніка, унутры якога разьмешчаны стылізаваныя фігуркі пяці чалавек з узьнятымі рукамі.
https://smarturl.click/mp1Vz
На конкурс фільмаў пра сілавікоў даслалі толькі фантазійныя і камэдыйныя ідэі
У канцы мінулага году Міністэрства культуры, якое ўзначаліла чыноўніца Ірына Дрыга, распачало пошук сцэнароў для кінавытворчасьці, у тым ліку з дапамогай дзяржаўнай тэлевізіі. Абвясьцілі конкурс на стварэньне фільму пра гераізм сілавікоў падчас падзей 2020 году. Заявак прыйшло нямала, але яны ня ў тым жанры, у якім плянавалі ўлады.
https://smarturl.click/Zy59q
Тэст пра Першамай
Дзень 1 траўня адзначаецца афіцыйна як сьвята працы і/або працоўных людзей у амаль 100 краінах сьвету. Праверце ў нашым невялікім тэсьце, колькі і што вы ведаеце пра гэтае сьвята.
https://smarturl.click/mp1Yz
Радыё Свабода абвяшчае конкурс на журналісцкую стыпэндыю імя Вацлава Гавэла
Заяўкі на стыпэндыю прымаюцца да 1 чэрвеня 2024 году ад журналістаў з Армэніі, Азэрбайджану, Беларусі, Грузіі, Малдовы, Украіны і Расеі.
У выпадку Беларусі і Расеі заяўкі могуць падаваць толькі журналісты, якія цяпер пражываюць па-за межамі гэтых дзьвюх краінаў.
https://smarturl.click/AdG79
Беларусь апынулася ў канцы сусьветнага рэйтынгу сыстэм аховы здароўя
Беларусь заняла 88-е месца з 94 у найноўшым сусьветным рэйтынгу сыстэмаў аховы здароўя (Health Care Index) за 2024 год, апублікаваным міжнароднай базай дадзеных Numbeo, якая спэцыялізуецца на ацэнцы розных аспэктаў якасьці жыцьця ў краінах сьвету. Беларусь у ім аказалася адзінай краінай Эўропы з індэксам аховы здароўя менш за 50 балаў.
Сярод суседак Беларусі найніжэй у рэйтынгу Польшча — яна разьмясьцілася на 76 месцы, за ёй Украіна — на 75 месцы, Расея заняла 55 пазыцыю, Латвія — 52-ю, Літва — 16-ю:
https://smarturl.click/Xyp0Z
Галоўнае за 30 красавіка
👨🏻⚖️ Справу «аналітыкаў Сьвятланы Ціханоўскай» накіравалі ў суд
🙍🏻♀️Ціханоўская ініцыявала Міжнародны фонд падтрымкі беларускіх палітвязьняў. Нарвэгія зрабіла першы ўнёсак
✍🏻 «Прашу прабачэньня, гатовы зьмяняцца ў лепшы бок». Як беларусы пісалі ў КДБ даносы на саміх сябе
💰Новыя стаўкі па крэдытах, улік аўтамабіляў, выбары ў Каардынацыйную раду, баўгарскія візы. Што зьменіцца ў Беларусі з 1 траўня
👮🏻♂️ Падкаст-сэрыял «Архіпэляг БЕЛАГ». Частка 5: жодзінская, магілёўская і горадзенская турмы
🇺🇦 Паліва зь Беларусі і Расеі ва Ўкраіну падчас вайны праз кампанію Wexler Group. Што вядома пра схему
🇪🇺Як далучэньне да ЭЗ паспрыяла дабрабыту суседзяў Беларусі і абмежавала ўладу палітыкаў. Тлумачыць чэскі журналіст
Зьмены ў закон аб прадпрымальніцтве закрануць каля 40 тысяч ІП, — Міністэрства фінансаў Беларусі
Намесьнік міністра фінансаў Беларусі Дзьмітры Кійко заявіў, што закон аб пераходзе з ІП у юрыдычную асобу тычыцца прыкладна 40 тысяч прадпрымальнікаў Беларусі. Раней яны плацілі падаткаў каля 150 мільёнаў рублёў штогод. Калі ж ІП гэтых відаў дзейнасьці трансфармуюцца ў форму юрыдычнай асобы, дык тая ж колькасьць юрыдычных асобаў аплочвае 440 мільёнаў рублёў падаткаў.
Такім чынам, на думку Кійко, «зьнікне нездаровая канкурэнцыя», паколькі ІП нясуць значна меншыя выдаткі:
https://smarturl.click/3kGOm
Сярод аўтараў зваротаў у КДБ Беларусі знайшліся і літоўскія
Літоўскі партал Delfi зрабіў свой агляд зваротаў у КДБ Беларусі, базу якіх здабылі «Кібэрпартызаны». Выглядае, што пры дапамозе скаргаў у КДБ Беларусі некаторыя спрабуюць зводзіць асабістыя рахункі. Расказваем, хто пісаў звароты зь Літвы:
https://smarturl.click/M1X62
«Паехала да былога мужа па алімэнты, а пасадзілі за шпіянаж». Гісторыя яшчэ адной украінкі, якую асудзілі ў Беларусі
Сярод зваротаў у КДБ, якія выклалі ў сеціве «Кібэрпартызаны», стала вядома пра гісторыю яшчэ адной украінкі, якую ў Беларусі асудзілі за выведную дзейнасьць.
Летась у жніўні дзьве сястры, грамадзянкі Ўкраіны, паехалі ў Беларусь у сямейных справах. Іх затрымалі, адна адседзела ў сьледчым ізалятары 5 месяцаў і змагла вярнуцца ва Ўкраіну, а другую асудзілі на 3 гады зьняволеньня за нібыта выведную дзейнасьць на карысьць Украіны. Свабода мае іх рэальныя імёны, але ў публікацыі іх зьмянілі ў мэтах іхнай бясьпекі. Абедзьве ўкраінкі — жыхаркі Чарнігава.
Падрабязнасьці: https://smarturl.click/Yz5RM
Валер Цапкала напісаў заяву ў пракуратуру на генпракурора Беларусі Андрэя Шведа
На сваёй старонцы ў Facebook Валер Цапкала апублікаваў тэкст заявы, накіраванай у пракуратуру Беларусі, у якой ён просіць правесьці службовае расьсьледаваньне і прыцягнуць да крымінальнай адказнасьці генпракурора Беларусі Андрэя Шведа ў сувязі з продажам кватэры ягонай сям'і у Беларусі.
У заяве ён прыводзіць артыкулы законаў, Канстытуцыі і міжнародных канвэнцыяў, якія, на думку яго, парушыў Швед:
https://smarturl.click/W3BQW
Ціханоўская: «Я ўпэўнена, што Сяргея спрабуюць запэўніць, што пра яго ўсе забыліся, што ня варта было нават лезьці»
Пяты эпізод падкаст-сэрыялу «Архіпэляг БЕЛАГ» прысьвечаны тром турмам Беларусі — у Горадні, Магілёве і Жодзіне, дзе ў надзвычай жорсткіх умовах трымаюць палітычных зьняволеных.
Лідэрка дэмакратычных сілаў Беларусі Сьвятлана Ціханоўская апісвае ўмовы, у якіх знаходзіцца ў жодзінскай турме ў адзіночнай камэры яе муж Сяргей Ціханоўскі:
«Сяргей знаходзіцца ў зьняволеньні больш за тры гады. І ўвесь гэты час ён у адзіночнай камэры... Больш за год не прымаюць грошы Сяргею, і я ня ведаю нават, ці ёсьць у яго зубная паста, туалетная папера, дзе ён гэта бярэ. Але ж людзей, як Сяргей, тысячы ў турмах. І кожны чалавек — гэта боль у сэрцы».
Жорсткія сутыкненьні паміж пратэстоўцамі ў Каліфарнійскім унівэрсытэце
Жорсткія сутыкненьні адбыліся паміж прапалестынскімі студэнтамі і групай дэманстрантаў, якія падтрымліваюць Ізраіль.
За апошнія 2 тыдні больш за 1000 чалавек былі арыштаваныя на тэрыторыі 25 унівэрсытэтаў па ўсёй краіне.
https://smarturl.click/3kGj8
«Гісторыя на Свабодзе». Нельга проціпастаўляць сялянскую і шляхецкую культуры, бо гэта часткі аднаго цэлага, — Натальля Сьліж
Ці сапраўды ад беларускага сялянства XVI стагодзьдзя не засталося дакумэнтальных сьлядоў? Як мы можам пачуць з глыбіні стагодзьдзяў галасы сялян? У якіх дачыненьнях былі сяляне і шляхта? Якія правы мелі сяляне насамрэч? І што такое сялянская культура?
Пра гэта і пра іншае мы гаворым з аўтаркай больш як 150 навуковых прац, кандыдатам гістарычных навук Натальляй Сьліж.
https://smarturl.click/M1XRo
Няма каму працаваць. Лукашэнка хоча замяніць беларусаў мігрантамі
На Беларусь ідзе катастрофа – у краіне хутка ня будзе хапаць рабочых рук. Краіна штодзённа губляе ня толькі рукі для працы, грошы, якія маглі б працаваць на беларусаў, але і мазгі. Дзьмітры Гурневіч расказвае, што робяць улады, каб вырашыць гэтую праблему.
ВІДЭА: https://youtu.be/YdUJNgOhe7U?si=dnwUWBHgePgbM0uh
Беларусь стала найбуйнейшым пастаўшчыком мяса на расейскі рынак
Летась Беларусь адправіла на расейскі рынак 293 тыс. тонаў мясной прадукцыі. Гэта — каля паловы ўсяго расейскага імпарту ў гэтай таварнай катэгорыі.
https://smarturl.click/vwG1v
«Аўтары часам начытваюць свае творы ня вельмі добра». Як беларускі матэматык, які працуе ў Google, выдае аўдыёкнігі
Неўзабаве можна будзе паслухаць «Плошчу Перамогі» Бахарэвіча, «Палёт над гняздом зязюлі» Кізі, «Дарогу» Макарці. У плянах — выдаць усю кніжную сэрыю «Амэрыканка». Пагаварылі з заснавальнікам праекту audiobooks.by Мікітам Белаглазавым.
https://smarturl.click/vwGvR
Навошта беларускім функцыянэрам езьдзіць у жаночыя калёніі
Фарс працягваецца — так званая грамадзкая назіральная камісія не знайшла парушэньняў у жаночай калёніі ў Зарэччы, якая вядомая жорсткімі ўмовамі і дзе ўтрымліваюцца жанчыны, якіх асудзілі паўторна.
Відаць, прапагандысцкага фільму з удзелам Паліны Шарэнды-Панасюк уладам здалося мала, і яны дадаюць публічна яшчэ адну, так бы мовіць, крыніцу інфармацыі. Піша Наста Захарэвіч.
https://smarturl.click/ql19x
Падчас пратэстаў у Тбілісі паліцыя затрымала 63 чалавекі
Намесьнік міністра ўнутраных спраў Грузіі заявіў, што ў ноч на 30 красавіка 6 супрацоўнікаў праваахоўных органаў атрымалі раненьні.
https://smarturl.click/8En6Q
1 траўня нарадзіўся Янка Серада — беларускі грамадзкі і палітычны дзеяч, першы Старшыня Рады БНР
Янка Серада ўдзельнічаў у беларускім нацыянальна-вызваленчым руху з 1917 году. Пад ягоным кіраўніцтвам Рада БНР на пасяджэньні ў ноч з 24 на 25 сакавіка 1918 году прыняла Трэцюю Ўстаўную грамату, у якой абвяшчалася незалежнасьць БНР. 22 ліпеня 1918 году сфармавалі Ўрад БНР на чале зь Янкам Серадой.
У адрозьненьне ад іншых кіраўнікоў БНР Серада не пакінуў Беларусі. У 1930 ён быў арыштаваны паводле абвінавачаньня ва ўдзеле ў «Саюзе вызваленьня Беларусі» і сасланы ў Яраслаўль на 5 гадоў. У 1941 годзе яму вынесьлі паўторны прысуд — 10 гадоў пазбаўленьня волі. Янка Серада памёр у 1943 годзе ў нявысьветленых абставінах.
Іншыя адметныя даты і падзеі 1 траўня ў гісторыі — у матэрыяле «Ўжо сёньня»: https://smarturl.click/1d9Jy
Сьледчыя знайшлі былую палітзьняволеную за мяжой, каб паведаміць пра завядзеньне супраць яе новай справы
Былая палітзьняволеная Ганна Вішняк расказала Свабодзе, што ёй у мэсэнджар Viber (зарэгістраваны на замежны нумар, вядомы абмежаванай колькасьці людзей) напісала сьледчая Кастрычніцкага раённага аддзелу СК па Менску Вікторыя Любіч.
Яна паведаміла, што на Ганну ў Беларусі завялі новую крымінальную справу паводле ч. 1 арт. 361-4 КК, дадала, што ёй вядома, што Ганна знаходзіцца за мяжой, і спытала, калі тая мае намер вяртацца ў Беларусь, бо зь яе ўдзелам «неабходна правесьці шэраг сьледчых дзеяньняў»:
https://smarturl.click/Da2Rv
Праект «Хуткая гуманітарная дапамога» да 1 чэрвеня пачаў збор для дзяцей палітвязьняў
Грошы пойдуць на экскурсіі, падарожжы і дзіцячыя летнікі, адукацыйныя гурткі, спартовыя сэкцыі, амуніцыю для гульняў і матэрыялы для творчасьці для дзяцей беларускіх палітвязьняў. Агулам плянуюць сабраць 20 тысяч эўра.
«Штораз мы нагадваем грамадзкасьці, зь якімі выклікамі і цяжкасьцямі сутыкаюцца сем’і зь дзецьмі. У многіх семʼяў сродкаў хапае толькі на тое, каб закрыць базавыя патрэбы», — кажуць аўтары збору:
https://smarturl.click/l5LW5