17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Асноўныя падзеі і найважнейшыя публікацыі Свабоды 13 красавіка
У Польшчы зафіксавалі рэкордную колькасьць спробаў нелегальна перасячы мяжу зь Беларусі
EPAM раптоўна выйшаў з праграмы падрыхтоўкі айцішнікаў у ЭГУ
У Вільні памёр былы добраахвотнік-каліновец, які меў анкалягічны дыягназ
Урад зацьвердзіў канцэпцыю кадравай палітыкі. Яна, сярод іншага, патрабуе «павысіць патрыятызм» у дзяржаўных органах
Зьявілася мапа дарожных камэраў, якія адсочваюць аўтамабілі без тэхагляду
Калі не да Ля-Манша, дык хаця б да Вільні. Чаму агрэсія Пуціна і Лукашэнкі супраць краін Балтыі не выглядае чымсьці неверагодным
У Вільні памёр былы добраахвотнік-«каліновец», які хварэў на рак
Пра гэта паведамляе Белсат. Аляксандр Царук з пазыўным «Сашко» быў Магілёўскім актывістам. Пераехаў у Літву ў сьнежні 2020-га пасьля таго, як агулам адбыў за ўдзел у акцыях больш як 40 сутак за кратамі.
Больш пра Аляксандра Царука тут:
https://smarturl.click/aJy0A
У Берасьці адкрылі генэральнае консульства краіны, якая дапамагае Беларусі абыходзіць санкцыі
Гэта раней раскапалі журналісты-расьследвальнікі.
https://smarturl.click/mpXk0
У Польшчы зафіксавалі рэкордную колькасьць спробаў нелегальна перасячы мяжу зь Беларусі
457 спробаў трапіць у Польшчу з тэрыторыі Беларусі зафіксавалі 10 красавіка — гэта новы рэкорд з пачатку міграцыйнага крызісу, які цягнецца з 2021 году. Мігранты кідалі ў патрулі галіны і камяні, распылялі газ, адзін памежнік паранены.
За 11 дзён красавіка польскія памежнікі зафіксавалі 2 673 спробы нелегальна перасячы польска-беларускую мяжу — гэта на 13% больш, чым за ўвесь красавік 2023-га. Учора прэм'ер Польшчы Дональд Туск заявіў, што Лукашэнка зноў хоча выкарыстоўваць пытаньні міграцыі ў палітычных мэтах:
https://smarturl.click/O0j33
EPAM раптоўна выйшаў з праграмы падрыхтоўкі айцішнікаў у ЭГУ
Як даведаўся @devby, EPAM Sistemos нечакана завяршае партнэрства з Эўрапейскім гуманітарным унівэрсытэтам па праекце EPAM School of Digital Engineering. Прычыны ў кампаніі не патлумачылі. Студэнтам прапануюць працягнуць навучаньне ў ЭГУ на спэцыяльнасьці «Інфарматыка», узяць акадэмічны адпачынак ці перайсьці ў іншыя ВНУ:
https://smarturl.click/Q1VXB
Калі не да Ля-Манша, дык хаця б да Вільні. Чаму агрэсія Пуціна і Лукашэнкі супраць краін Балтыі не выглядае чымсьці неверагодным
Чым часьцей і катэгарычней Пуцін і Лукашэнка паўтараюць, што не зьбіраюцца нападаць на краіны NATO, тым меней даверу. Найперш таму, што прыблізна такія ж заявы пра адсутнасьць агрэсіўных намераў гучалі з Масквы і Менску напярэдадні вайны ва Ўкраіне. Дык чаму падобнае ня можа адбыцца ў дачыненьні да краін Балтыі? — Пра гэта ў новым блогу Віктара Багдзевіча:
https://smarturl.click/G60lE
Нацбанк паставіў кропку ў гісторыі былога «Абсалютбанка»
Нацбанк Беларусі выключыў нябанкаўскую крэдытна-фінансавую арганізацыю «ОптыКурс» з Адзінага дзяржаўнага рэгістру юрыдычных асобаў — гэта арганізацыя зьявілася ў ліпені 2022 году замест былога «Абсалютбанка».
У 2021 годзе «Абсалютбанк», які належаў набліжанаму да Лукашэнкі бізнэсоўцу Мікалаю Вераб’ю, трапіў пад санкцыі ЗША, пасьля чаго прыпыніў наданьне некаторых паслуг:
https://smarturl.click/w9lkm
Памёр італьянскі мадэльер Раберта Кавалі
Італьянскі мадэльер Раберта Кавалі памёр 12 красавіка на 84 годзе жыцьця ў Флярэнцыі, паведаміла газэта Corriere della Sera. Ён працаваў у сьвеце моды з 1970-х да продажу правоў на названы яго імем брэнд у 2015 годзе.
Адзін зь яго пікаў папулярнасьці быў у канцы 90-х, калі ў моду ўвайшлі яго фірмовыя анімалістычныя прынты ў колер шкур жывёл: леапардаў, тыграў і зэбраў. https://smarturl.click/baLe1
Асноўныя падзеі і найважнейшыя публікацыі Свабода 12 красавіка
Качанаву перавыбралі старшынёй Савету Рэспублікі. Чым яна вядомая
Лукашэнка ў Маскве патлумачыў, чаму Беларусь не нападае на Ўкраіну разам з Расеяй
Лукашэнка як «прэсавы сакратар» Крамля. Што стаіць за нечаканым візытам у Маскву
Лукашэнка добра зарабляе на вайне Пуціна, а ўдзел Беларусі прынёс бы адны страты, — палітоляг Марозаў
Журналіст Карней абскардзіў прысуд, яго перавялі ў Магілёўскае СІЗА
Музыкаў Nizkiz прыгаварылі да «хатняй хіміі»
«550 рублёў за выпускны? Гэта хіба Гарвард?». Як выпускнікі сёлета будуць адзначаць заканчэньне школы
Цой, шрубаванка і расейскія навукоўцы. Як група сяброў сем гадоў перакладала гульню пра Чарнобыль на беларускую мову
У Варшаве зьмянілі правілы падачы іншаземцамі дакумэнтаў на дазвол на жыхарства
Лукашэнка зноў хоча выкарыстоўваць пытаньні міграцыі ў палітычных мэтах, — прэм’ер Польшчы Туск
Беларусам у эміграцыі прапанавалі аддаваць 29% заробку, каб атрымаць беларускую пэнсію
Міністэрства працы і сацыяльнай абароны апублікавала на сваім сайце адказ на пытаньне, ці ўлічваецца праца за мяжой у стаж пры налічэньні пэнсіі ў Беларусі.
Як заўважае Белсат, з адказу вынікае, што эмігранту трэба прыехаць у Беларусь, зарэгістравацца і аддаваць 29% заробку. https://smarturl.click/VDV9Q
Лукашэнка зноў хоча выкарыстоўваць пытаньні міграцыі ў палітычных мэтах, — прэм’ер Польшчы Туск
Пра гэта заявіў 11 красавіка прэм’ер-міністар Польшчы пасьля сустрэчы з кіраўніком эстонскага ўраду Каяй Калас у Варшаве.
Як паведамляе інфармацыйнае агенцтва «Позірк», Дональд Туск падкрэсьліў, што будзе «тлумачыць і заклікаць усіх нашых эўрапейскіх партнэраў ставіцца да барацьбы зь нелегальнай міграцыяй як да рэальнага прыярытэту, каб увесь ЭЗ — ня толькі Польшча — прызнаў неабходнасьць абароны нашай тэрыторыі, абароны мяжы, кантролю мяжы». https://smarturl.click/M1jMb
Чаго Лукашэнка рвануў у Маскву. Расказвае расейскі палітоляг
Лукашэнка падчас візыту ў Маскву два дні заклікаў Украіну да перамоваў. У ў чацьвер і ў пятніцу палітык зрабіў заявы пра неабходнасьць для Кіева вярнуцца да мірнага ўрэгуляваньня вайны з Расеяй паводле «стамбульскага фармату». Пуцін, у сваю чаргу, пагаджаецца з гэтымі прапановамі Лукашэнкі. Ці сапраўды ў Крамлі гатовыя да перамоваў і якая роля ў іх адведзена Беларусі? Госьць Свабоды - палітычны аналітык, выкладчык Карлавага ўнівэрсытэту (Прага) Аляксандар Марозаў.
Глядзець відэа https://youtu.be/o9WPR6p2W4g
Уладальнік найстарэйшай у Беларусі FM-станцыі падаў на банкруцтва праз даўгі
ТДА «Анвік», якое валодае FM-станцыямі Radio BA і «Мэлёдыі стагодзьдзя», падало заяву аб банкруцтве ў Эканамічны суд Менску.
Radio ВА распачало сваё вяшчаньне 24 сакавіка 1993 году і стала першай прыватнай беларускай станцыяй у FM-дыяпазоне, якая належыць сумеснаму беларуска-амэрыканскаму прадпрыемству «Бі Эй Інтэрнэшнл».
https://smarturl.click/xB4DM
Урад Беларусі павялічыў частку дзяржавы ў трох прадпрыемствах канцэрну «Беллеспаперапрам»
Перадача акцый ва ўласнасьць дзяржавы павінна адбыцца да 1 верасьня. Раней працу ў гэтай галіне крытыкаваў Лукашэнка.
https://smarturl.click/z24nJ
Былыя палітвязьні Віталь Шкляраў і Ільля Салей пра сустрэчу з Лукашэнкам у КДБ у 2020
🎥 Нагадаем, што цалкам другі эпізод падкасту «Архіпэляг БЕЛАГ» можна паглядзець тут: https://www.youtube.com/watch?v=Yb3AIlnNXTg
Нямеччына неадкладна дасылае Ўкраіне яшчэ адну сыстэму Patriot
«У сувязі з узмацненьнем расейскіх авіяўдараў па Ўкраіне фэдэральны ўрад прыняў рашэньне аб далейшым узмацненьні ўкраінскай СПА», – паведаміла Мінабароны Нямеччыны.
«Удзячны канцлеру за рашэньне аб пастаўцы яшчэ адной сыстэмы Patriot ва Украіну і ракет для існых сыстэм СПА», – напісаў прэзыдэнт Украіны Ўладзімір Зяленскі.
https://smarturl.click/0eYJm
У Бэрліне дэманстравалі салідарнасьць з палітзьняволенай журналісткай Ларысай Шчыраковай
Гомельская журналістка-фрылянсэрка Ларыса Шчыракова адбывае прысуд паводле двух крымінальных артыкулаў. Сёньня ёй спаўняецца 51 год.
Фота: БАЖ
https://smarturl.click/Q1VJB
Трамп пра дапамогу Ўкраіне: «Трэба надаць яе ў выглядзе крэдыту, а не падарунку»
«Мы працягваем раздаваць падарункі на мільярды і мільярды даляраў, і мы разгледзім гэтае пытаньне. Але значна больш важна для мяне тое, што Эўропа павінна зрабіць крок наперад і даць грошы. Яны павінны зраўняцца (з намі) ў выдатках».
https://smarturl.click/vw75w
Зьявілася мапа дарожных камэраў, якія адсочваюць аўтамабілі без тэхагляду
Пакуль праходжаньне тэхагляду фіксуюць усяго 6 камэр: чатыры зь іх разьмясьцілі ў цэнтры Менску, і яшчэ па адной — у Ждановічах і Копішчы. Пры фіксацыі камэрай штраф за няпройдзены тэхагляд для фізычнай асобы — 20 рублёў, пры паўторным парушэньні напрацягу года — 80 рублёў; для ІП і юрыдычнай асобы — 200 рублёў.
Агулам у Беларусі без тэхагляду езьдзіць каля 30% аўтамабіляў:
https://smarturl.click/JDM0O
💌 Рассылка Свабоды — усе цікавыя публікацыі тыдня ў адным лісьце
Штосуботу рупліва адабраныя нашымі рэдактарамі самыя зьмястоўныя, эксклюзіўныя публікацыі, найлепшыя відэа, тэсты і аўтарскія рубрыкі будуць чакаць вас у паштовай скрынцы. Проста і зручна: так вы нічога не прапусьціце і самі выбіраеце, што і калі чытаць!
Дык падпісвайцеся! 👉🏻 http://eepurl.com/ijMaIv
👆🏻Запытайся ў Дубаўца. Ці ўласьцівая беларусам русафобія?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
У русафобіі два бакі: ненавідзець і баяцца. Беларусам не ўласьцівая нянавісьць да іншае нацыі як такой. Гэта вельмі глыбокая прыродная рыса. Варта згадаць пра талеранцыю яшчэ ў сярэднявечных законах нашых продкаў або пра мультыкультурнасьць самога беларускага нацыяналізму. Таму беларуса нават сілай не прымусіш зь нянавісьцю ставіцца да расейцаў, як і да кожнага іншага народу. А вось боязь – іншая рэч, беларуса часта палохаюць ірацыяналізм і бесцырымоннасьць, і ён стараецца такіх дачыненьняў пазьбягаць.
Cёньня — Усясьветны дзень рок-н-ролу
Штогод 13 красавіка адзначаецца Ўсясьветны дзень рок-н-ролу. Аднак падзея, якая дала нагоду для гэтага сьвята, адбылася на дзень раней. Менавіта 12 красавіка 1954 году Біл Гэйлі запісаў песьню «Rock Around the Clock», якая паклала пачатак новаму музычнаму стылю.
Іншыя адметныя падзеі і даты 13 красавіка — у матэрыяле «Ўжо сёньня»:
https://smarturl.click/mpXV0
BySol эвакуаваў грамадзкую актывістку зь Віцебску Крысьціну Мірсалімаву – сястру віцебскай актывісткі «русского мира»
Пра гэта паведаміў на сваёй старонцы ў Фэйсбуку сузаснавальнік фонду салідарнасьці BySol Андрэй Стрыжак.
«Чатыры гады надзеі і супраціву – актывістка была ў Беларусі да апошняга: пратэставала, валянтэрыла, прынцыпова перайшла на беларускую мову. Была актыўнай, нягледзячы на пагрозы. Але ў апошні час рызыкі сталі максымальнымі, і дзяўчына была эвакуаваная BySol», – напісаў праваабаронца.
Красьціна – родная сястра Эльвіры Мірсалімавай. Гэта адна з самых вядомых у Беларусі прарасейскіх актывістак. На сваіх старонках у сацсетках падтрымлівае расейскую агрэсію ва Ўкраіне, выступае фактычна за далучэньне Беларусі да РФ, выказвае сымпатыі да СССР і Ёсіфа Сталіна. https://smarturl.click/JDMXk
Беларусь заняла 4 месца сярод дзяржаваў Эўропы ў рэйтынгу кібэрзлачыннасьці
Беларусь заняла 12 месца (з 98) у «Сусьветным індэксе кібэрзлачыннасьці», паведамляецца ў дасьледаваньні, апублікаваным 10 красавіка групай навукоўцаў Оксфардзкага ўнівэрсытэта (Англія) і ўнівэрсытэта Новага Паўднёвага Уэльса (Аўстралія).
Адзначаецца, што першы ў гісторыі «Сусьветны індэкс кібэрзлачыннасьці», апублікаваны «пасьля трох гадоў інтэнсіўных дасьледаваньняў», паказвае, што найбольшая пагроза ў гэтай сфэры зыходзіць ад невялікай колькасьці краін. Сьпіс узначальвае Расея. За ёй ідуць Украіна, Кітай, ЗША, Нігерыя, Румынія, Паўночная Карэя, Вялікабрытанія, Бразылія, Індыя, Іран. Беларусь займае 12 месца ў глябальным рэйтынгу і чацьвёртае — сярод дзяржаваў Эўропы. https://smarturl.click/3k92k
Музыкаў Nizkiz прыгаварылі да «хатняй хіміі»
Музыкі рок-гурту Nizkiz Сяргей Кульша, Аляксандр Ільін і Зьміцер Халяўкін асуджаныя на 2,5 года абмежаваньня волі без накіраваньня ў папраўчую ўстанову.
Пра гэта паведамляе інфармацыйнае агенцтва «Позірк» са спасылкай на праваабарончы тэлеграм-канал MAYDAY.TEAM.
12 красавіка музыкі былі ўключаныя МУС у «сьпіс экстрэмістаў».https://smarturl.click/W38pZ
Лукашэнка як «прэсавы сакратар» Крамля. Што стаіць за нечаканым візытам у Маскву
Пуціну спатрэбіўся тэрміновы прыезд Лукашэнкі, каб празь яго агучыць прапагандысцкую прапанову мірных перамоваў з Украінай на базе праекту стамбульскіх пагадненьняў 2022 году. Лукашэнка выступіў у ролі своеасаблівага «прэсавага сакратара» і «добрага сьледчага» Крамля. З гэтай прычыны ад яго не вымагалі абвінавачаньняў на адрас Украіны ў датычнасьці да тэракту ў «Крокусе». Піша Юры Дракахруст. https://smarturl.click/mpXvm
Лукашэнка ў Маскве патлумачыў, чаму Беларусь не нападае на Ўкраіну разам з Расеяй
Лукашэнка паведаміў, што сустракаўся з чальцамі Савету Бясьпекі Расеі.
«Вось гэтыя вось заклікі, Беларусь у вайну з Украінай, гэтыя ўсе заклікі на карысьць NATO. Гэта яны робяць усё, каб уцягнуць Беларусь у вайну з Украінай».
А вы ўжо падпісаліся на Свабоду ў radio_svaboda">TikTok? 😉
Там вы знойдзеце шмат унікальных кароткіх відэа на розныя тэмы. Вось відэа апошняга тыдня:
👉🏻 Размаўляем па-беларуску. radio_svaboda/video/7355184615318932741">Вобразныя беларускія адпаведнікі расейскаму «так сабе»
👉🏻 Мова варожасьці. radio_svaboda/video/7355554069722729733">Тлумачым, чым гэта небясьпечна
👉🏻 Гісторыя на Свабодзе. radio_svaboda/video/7355921974855617798">Усё пра беларускую шляхту, сьцісла
👉🏻 У Беларусі 3 разводы на 5 шлюбаў. radio_svaboda/video/7356298062597295366">Разьбіраемся, чаму так адбываецца
👉🏻 Вясна! radio_svaboda/video/7356661480156056837">Гуляем у парку/лесе і расказваем пра гэтую прыгажосьць па-беларуску
Цой, шрубаванка і расейскія навукоўцы. Як група сяброў сем гадоў перакладала гульню пра Чарнобыль на беларускую мову
Трое паплечнікаў пераклалі кампутарную гульню пра Чарнобыль на беларускую мову. На гэта пайшло сем гадоў. Ніхто зь іх ня мае філялягічнай адукацыі. Але некаторыя беларускія словы ў гэтым перакладзе вы, магчыма, сустрэнеце ўпершыню.
https://smarturl.click/e5WZk
Журналіст Ігар Карней абскардзіў прысуд. Яго перавялі ў магілёўскае СІЗА
Пра гэта паведаміла сваячка палітвязьня. На «Валадарцы» Ігар Карней прабыў больш за 8 месяцаў. Таксама сваячка журналіста пацьвердзіла, што раней ён абскардзіў вынесены яму прысуд.
«Ігара сёньня этапуюць у Магілёў, там будзе ўвесь час падчас апэляцыі. Настрой нармальны, учора быў адвакат. Сёньня яшчэ пасьпелі перадаць невялікую перадачу», — паведаміла сваячка Ігара Карнея.
22 сакавіка Менскі гарадзкі суд прызнаў Ігара Карнея вінаватым паводле артыкулу «Ўдзел у экстрэмісцкім фармаваньні» і прысудзіў яму 3 гады зьняволеньня і штраф у 20 тысяч рублёў. Праваабаронцы прызналі перасьлед журналіста палітычна матываваным.