17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Як 25 сакавіка ў Вільні адзначалі Дзень Волі — глядзі ў нашым рэпартажы 📸
Акцыя пачалася на Лукішскай плошчы, потым шэсьце прайшло каля беларускай амбасады і скончылася каля Рэфармацкай царквы.
Цалкам матэрыял глядзіце пад спасылкай https://smarturl.click/z2Gmb
«Я спадзяюся, што цяпер наш голас будзе мацнейшы». У Празе адкрылі Офіс дэмакратычных сілаў Беларусі
Сярод гасьцей прысутнічаў міністар замежных спраў Чэхіі Ян Ліпаўскі, якому Сьвятлана Ціханоўская ўручыла Крыж добрасуседзтва.
25 сакавіка ў цэнтры чэскай сталіцы прайшло ўрачыстае адкрыцьцё Офісу беларускіх дэмакратычных сілаў. Новая прастора прыняла да 50 гасьцей: гэта прадстаўнікі беларускай дэмакратычнай апазыцыі, амбасадары ЗША і шэрагу эўрапейскіх краінаў, а таксама чэскія палітыкі: сэнатары і супрацоўнікі міністэрства замежных спраў.
https://smarturl.click/vw2Ey
Лаўрынас Кашчунас стаў новым міністрам абароны Літвы
Прэзыдэнт Літвы Гітанас Наўседа прызначыў новага міністра абароны. Ім стаў Лаўрынас Кашчунас. Пра гэта паведамляе прэсавая служба Наўседы.
Кашчунас вядомы сваімі заявамі пра пагрозы «літвінізму» і патэнцыйныя пагрозы бясьпецы Літвы з боку беларусаў. Ён выступае за ўзмацненьне жорсткасьці абмежаваньняў супраць беларусаў у Літве.
https://smarturl.click/ql47W
«Кібэрпартызаны» ўзламалі сайт «Гомельскай праўды» і павіншавалі чытачоў з Днём Волі
У выніку ўзлому на сайце зьявіўся банэр:
«У 1918 годзе беларусы абвясьцілі ўсяму сьвету, што мы — народ, і што Беларусь — свабодная і незалежная краіна. Але ж за сапраўдную свабоду нам яшчэ змагацца. Лёс нашага народу і краіны вырашаецца зараз і залежыць толькі ад беларусаў. Заклікаем далучыцца да барацьбы ўсіх, хто жадае жыць у вольнай Беларусі».
На банэры зьмешчана фота бойца Палка Каліноўскага.
Раней у сакавіку 2024 году да другой гадавіны Палка Каліноўскага група «Кібэрпартызаны» ўзламала сайт ДТСААФ, на ім разьмясьцілі фотаздымак са штандаром палка і віншаваньні беларускім ваярам.
https://smarturl.click/jk8nq
Каардынацыйная рада апублікавала графік сваёй выбарчай кампаніі
📌 Да 15 красавіка мае скончыцца фармаваньне сьпісаў выбарчых суб'ектаў і падача дакумэнтаў на рэгістрацыю ў камісію. Заплянаваны дэдлайн у рэгістрацыі кандыдатаў – 22 красавіка.
📌 Агітацыя зойме адзін месяц – з 25 красавіка па 25 траўня.
📌 Галасаваньне працягнецца тры дні, з 25 па 28 траўня 2024 году.
📌 Першыя вынікі абʼявяць не пазьней за 29 траўня.
📌 На падачу і разгляд скаргаў закладзены пэрыяд з 29 траўня па 8 чэрвеня.
📌 Канчатковыя вынікі выбараў будуць абвешчаныя 8 чэрвеня 2024 году.
https://smarturl.click/yqGeL
Літва зьбіраецца дэпартаваць мужа Вольгі Карач
Дэпартамэнт міграцыі Літвы распачаў працэс дэпартацыі ў Беларусь журналіста Алега Баршчэўскага, мужа праваабаронцы Вольгі Карач. У Беларусі Алегу пагражае да 7 гадоў турмы як рэдактару сайту праваабарончай арганізацыі «Наш дом», прызнанаму ў Беларусі экстрэмісцкім.
Раней саму Вольгу Карач прызналі пагрозай нацыянальнай бясьпецы Літвы. 4 лютага яна падала пазоў супраць Літвы ў Эўрапейскі суд.
https://smarturl.click/VD6Ax
Здымак nash-dom.info
Рада БНР узнагародзіла журналістку Свабоды Алену Радкевіч і іншых дзеячоў за заслугі перад беларускім народам
Упершыню з 1950 году Рада БНР узнагародзіла тытуламі кавалера Ордэну Пагоні з наданьнем адзнакі Крыжа Ордэну Пагоні.
https://smarturl.click/3kXDV
Яшчэ адзін карабель і нафтабаза. Сталі вядомыя дэталі ўкраінскага ракетнага ўдару па Крыме
У Галоўным упраўленьні выведкі Міністэрства абароны Ўкраіны паведамілі аб пацэльваньні 23 сакавіка ў вялікі дэсантны карабель (ВДК) «Ямал» Чарнаморскага флёту Расеі, які знаходзіўся на суднарамонтным заводзе ў Севастопалі.
Журналісты прааналізавалі спадарожнікавыя здымкі.
https://smarturl.click/aJDnA
Бесьпілётнікі пацэлілі ў Новачаркаскую ДРЭС у Расеі. Расейскія войскі абстралялі ўкраінскі Мікалаеў
Ад пажару аўтаматычна былі адключаныя высакавольтныя лініі 330 кВ — Ціхарэцкая і Растоўская, а таксама часова выведзеныя з працы два энэргаблёкі ДРЭС. Новачаркаская ДРЭС — найбуйнейшая цеплаэлектрастанцыя і другая па магутнасьці пасля Растоўскай АЭС электрастанцыя ў Растоўскай вобласьці.
Расейцы атакавалі Мікалаеў, ёсьць параненыя.
https://smarturl.click/kj8bQ
Здымак Wikimapia
Марш беларусаў у Кёльне
У гонар Дня Волі беларуская дыяспара ў Кёльне зладзіла акцыю і марш, каб адзначыць чарговую гадавіну абвяшчэньня БНР.
Беларусы Брусэлю сёньня напярэдадні сьвята адзначылі Дзень Волі насупраць Эўрапарлямэнту. А ў Місіі Дэмакратычнай Беларусі ў Брусэлі прайшла прэзэнтацыя мапы «Шляхамі БНР». Фота і відэа чытача Свабоды
Читать полностью…
Сахашчык: Улады Расеі і Беларусі рыхтуюць выкарыстаньне ядзернай зброі і «бліцкрыг на Вільню»
Расея і Беларусь рыхтуюць пляны выкарыстаньня ядзернай зброі і «нейкага бліцкрыгу на Вільню», заявіў прадстаўнік Аб’яднанага пераходнага кабінэту (АПК) па абароне і нацыянальнай бясьпецы Валер Сахашчык, выступаючы 24 сакавіка ў Варшаве на мітынгу, прысьвечанаму Дню Волі — 106-й гадавіне абвяшчэньня незалежнасьці Беларускай Народнай Рэспублікі. «Я гэта дакладна ведаю», — цытуе Сахашчыка агенцтва «Позірк».
Паводле Сахашчыка, «беларускія генэралы са сваімі калегамі з Масквы малююць стрэлкі на мапах у бок Вільні», а ўлады Расеі і Беларусі спадзяюцца, што «цывілізаваны сьвет будзе шакаваны» такой эскаляцыяй агрэсіі і «спыніць супраціў».
Выкарыстаньне ядзернай зброі і напад на Літву Масква і Менск плянуюць празь няўдачы ў вайне з Украінай, мяркуе прадстаўнік АПК. https://smarturl.click/1dj8Y
У Празе ўрачыста адкрылі памятны знак Францішку Скарыну
Яго ўсталявалі на Старамесцкай плошчы ў самым цэнтры чэскай сталіцы. Менавіта ў Празе ў 1517 годзе была выдадзена першая друкаваная кніга на старабеларускай мове.
У цырымоніі адкрыцьця прыняла ўдзел дэмакратычная лідэрка Беларусі Сьвятлана Ціханоўская.
Памятны знак усталявалі ў бруку тратуара. Ён зроблены з бронзы і важыць каля 10 кіляграмаў. На знаку лацінскі надпіс «Domvs Severini. Institoris» («Дом купца Севярына») і прамяністае Сонца з прытуленым маладзіком.
Менавіта на Старамесцкай плошчы, паводле некаторых дасьледчыкаў, месьцілася друкарня, якую арандаваў Скарына. Яна была заснавана пры падтрымцы віленскіх мэцэнатаў Якуба Бабіча і Багдана Онькава. У друкарні з 1517 па 1519 гады Скарына выдаў ня менш за 23 кнігі Старога Запавету.
Армянскія ўлады паведамілі, што трое ўзброеных людзей спрабавалі ўварвацца ў паліцэйскі пастарунак у Ерэване ў нядзелю, 24 сакавіка.
Паводле паліцыі, нападнікі ўжылі гранату, і двое зь іх былі параненыя выбухам. Іх даставілі ў шпіталь. Трэцяга «нэўтралізавалі» і затрымалі службы бясьпекі.
Матывы нападнікаў пакуль невядомыя. Раней паліцыя заявіла пра затрыманьне 49 сябраў групоўкі «Баявое братэрства», якая выступае супраць тэрытарыяльных саступак Азэрбайджану, паводле падазрэньняў у незаконным захоўваньні зброі. Аднак «Баявое братэрства» заявіла, што ня мае дачыненьня да нападу на паліцэйскі пастарунак.
Беларусы сьвяткуюць Дзень Волі ў Варшаве. Людзі прайшлі маршам па цэнтры гораду, цяпер адбываецца святочны мітынг. Фота і відэа чытача Свабоды
Читать полностью…
Як беларусы адзначылі Дзень Волі 2024, глядзіце ў нашым ў відэа 👆
Мы паразмаўлялі з ўдзельнікамі сёньняшніх шэсьцяў і палітычнымі дзеячамі ў розных гарадах сьвету.
Найважнейшае за 25 сакавіка
🔸 Ціханоўская: «Мы кажам „Дзень Волі“, але нашая краіна апынулася ў закладніках Расейскай імпэрыі»
🔸 «Выпадковая прэзыдэнтка. І гэта невыпадкова». Ціханоўская пра плян на выбары 2025 году, Паліну Шарэнду і Юлію Навальную
🔸 Звольнілі дырэктара Музычнага тэатру, дзе прасьпявалі песьню «Перамен!» гурту «Кіно»
🔸 Па даносе прапагандыста Прыдыбайлы затрымалі менскую тыктокерку: «Абразіла памерлых у Крокусе»
🔸 Лаўрынас Кашчунас стаў новым міністрам абароны Літвы
🔸 Рада БНР узнагародзіла журналістку Свабоды Алену Радкевіч і іншых дзеячоў за заслугі перад беларускім народам
🔸 Асуджанага журналіста Ігара Карнея прызналі палітычным зьняволеным
🔸 Літва пагражае дэпартаваць мужа Вольгі Карач
🔸 Ідэі вызначаюць рэчаіснасьць. Чаму трэба цаніць БНР
https://smarturl.click/8EORv
🔸 Ня лічыць Каліноўскага героем, але прызнае сталінскія рэпрэсіі. Што вядома пра новага сьпікера Палаты прадстаўнікоў Сергеенку
🔸 «Палёт у космас — падарунак Беларусі за ляяльнасьць». Як Беларусь асвойвала космас і колькі гэта каштуе
🔸 «Выпытвалі асабістыя зьвесткі, месца жыхарства». Як прапагандыст і спэцслужбы «прапаноўвалі» новыя пашпарты беларусам замежжа
«Выпадковая прэзыдэнтка. І гэта невыпадкова». Ціханоўская пра плян на выбары 2025 году, Паліну Шарэнду і Юлію Навальную
Калі ўпершыню Сьвятлана Ціханоўская адзначала Дзень Волі? Чаму трэба падтрымліваць Паліну Шарэнду, якая змагаецца за жыцьцё за кратамі? Як пазьбегнуць падзелу паміж беларусамі за мяжой і ў Беларусі? Які плян у дэмакратычных сілаў на прэзыдэнцкія выбары ў Беларусі ў 2025 годзе?
На гэтыя ды іншыя пытаньні Ганны Соўсь адказала лідэрка дэмакратычных сілаў Беларусі ў выгнаньні Сьвятлана Ціханоўская, якая прыйшла ў праскую студыю Свабоды падчас 4-дзённага візыту ў Прагу.
Тэкст: https://smarturl.click/5O3Dj
Відэа: https://www.youtube.com/watch?v=fQ-iu3JutkI&t=1s
Звольнілі дырэктара Музычнага тэатру, дзе прасьпявалі песьню «Пераменаў!» гурту «Кіно»
Дырэктар Музычнага тэатру Сяргей Пукіта звольнены са сваёй пасады. Яго прозьвішча зьнікла са старонкі зь імёнамі кіраўнікоў на сайце калектыву.
Мяркуецца, што прычынай звальненьня стала выкананьне песьні «Пераменаў!» савецкага рок-гурту «Кіно». 16 сакавіка ў Музычным тэатры выступаў Сымфанічны аркестар Варонескай канцэртнай залі з праграмай «Анталёгія расейскага року», у рэпэртуары якога як раз ёсьць гэтая песьня.
https://smarturl.click/713Ly
Ва Ўкраіне сканфіскавалі маёмасьць прадпрымальніка, які арганізаваў перамяшчэньне грузаў з ЭЗ у Расею празь Беларусь
Прадпрымальнік перавозіў грузы для расейскіх прадпрыемстваў, якія выраблялі прадукцыю для вайскова-прамысловага комплексу. Асуджаны ўкраінец, які мае шасьцярых дзяцей, мусіць яшчэ і сплаціць штраф у памеры 170 тысяч грыўняў (прыблізна 4 тысячы даляраў у эквіваленце. — РС).
Як адзначаецца ў судовым рашэньні, «для кансьпірацыі» ён выкарыстоўваў грузавыя аўтамабілі і прычэпы на славацкіх нумарах, зарэгістраваныя на ягоную фірму ў Славаччыне.
https://smarturl.click/aJDwY
Ня лічыць Каліноўскага героем, але прызнае сталінскія рэпрэсіі. Што вядома пра новага сьпікера Палаты прадстаўнікоў Сергеенку
Ігар Сергеенка больш за 30 гадоў адпрацаваў у КДБ, а ў 2020 годзе дакладваў Лукашэнку аб сытуацыі з выбарамі і каранавірусам. Калісьці ён прызнаваў палітычныя рэпрэсіі сталінскіх часоў, а ў 2023-м агучыў рашэньне адмовіцца ад лацінкі.
https://smarturl.click/op4mA
«Палёт у космас — падарунак Беларусі за ляяльнасьць»
Першая беларуская жанчына паляцела ў космас на расейскім караблі «Саюз МС-25». Колькі можа каштаваць для краіны палёт беларускі ў космас?
https://smarturl.click/mp7zG
Ідэі вызначаюць рэчаіснасьць. Чаму трэба цаніць БНР
25 Сакавіка — бясспрэчнае галоўнае нацыянальнае сьвята Беларусі, лічыць Алесь Чайчыц. У пэўным сэнсе, працягвае аўтар, яно важнейшае за 27 ліпеня (афіцыйны Дзень незалежнасьці ў 1991–1995) і за 25 жніўня (дзень фактычнага выхаду з СССР у 1991 годзе, які ніколі шырока не сьвяткаваўся).
Дык чаму дата 25 сакавіка такая важная для беларусаў?
https://smarturl.click/8EORv
«Выпытвалі асабістыя зьвесткі, месца жыхарства». Як прапагандыст і спэцслужбы «прапаноўвалі» новыя пашпарты беларусам замежжа
«Патэлефанаваў чалавек, назваўся валянтэрам Міхасём, размаўляў на беларускай мове. Прапанаваў запоўніць форму, куды я запісала свае асабістыя зьвесткі. Выпытаў у мяне пра ўдзел у пратэстах. Цяпер мне страшна за сваякоў у Беларусі». Як прапагандыст склаў сваю «базу» беларусаў замежжа.
https://smarturl.click/z2GgA
25 сакавіка 55 гадоў таму быў створаны вакальна-інструмэнтальны ансамбль «Лявоны»
Калектыў выступаў пад кіраўніцтвам Уладзімера Мулявіна, у яго ўваходзіў і брат Мулявіна Валер. Гурт стаў папярэднікам легендарных «Песьняроў».
Таксама 25 сакавіка адзначаецца 106-я гадавіна абвяшчэньня Беларускай народнай рэспублікі. Дзень абвяшчэньня БНР таксама вядомы як Дзень Волі.
Больш адметных падзей беларускай і ўсясьветнай гісторыі ў матэрыяле «Ўжо сёньня»: https://smarturl.click/VD6Jn
Беларусы ў Беластоку, Лодзі і Познані ў Польшчы сёньня ладзілі імпрэзы ў гонар Дня Волі. Відэа чытачоў Свабоды з Лодзі і Познані, фота зь Беластоку
Читать полностью…
Галоўнае за 24 сакавіка
📌 Сярод загінулых падчас нападу ў Расеі ёсьць грамадзянка Беларусі
📌 Што абмяркоўвалі на Канфэрэнцыі беларусаў сьвету
📌 Польшча павялічыць вайсковую прысутнасьць на ўсходняй мяжы
📌 У Празе ўрачыста адкрылі памятны знак Францішку Скарыну
📌 У Варшаве адкрылася выстава твораў Алеся Пушкіна, прымеркаваная да Дня Волі
📌 Гісторык Натальля Гардзіенка расказала аб ушанаваньні памяці пра дзеячоў БНР
📌 Ці добра вы ведаеце падзеі і абставіны, зьвязаныя з абвяшчэньнем незалежнасьці БНР 25 сакавіка 1918 году? Прайдзіце наш ТЭСТ
Сярод загінулых падчас нападу ў Падмаскоўі 22 сакавіка ёсьць грамадзянка Беларусі 1978 году нараджэньня. Пра гэта паведаміла агенцтва БелТА са спасылкай на амбасаду Беларусі ў Расеі.
Увечары ў пятніцу, 22 сакавіка, некалькі людзей у камуфляжнай форме адкрылі ў канцэртнай зале на ўскраіне Масквы стральбу з аўтаматаў. Потым адбыўся выбух і пачаўся моцны пажар. Колькасьць загінулых у выніку тэракту ў падмаскоўным «Крокус Сіці Холе», паводле апошніх зьвестак, узрасла да 137. Колькасьць забітых можа павялічыцца. Больш за 180 чалавек пацярпелі.
Польшча ўзмоцніць прысутнасьць войскаў на ўсходняй мяжы і запатрабуе ад Расеі тлумачэньняў наконт ракеты, якая заляцела на польскую тэрыторыю
Міністар абароны Польшчы Ўладзіслаў Касіняк-Камыш заявіў, што краіна ўзмоцніць прысутнасьць войскаў на ўсходзе краіны ў памежных зь Беларусьсю і Расеяй, а таксама Літвой і Ўкраінай раёнах. https://smarturl.click/Q1RjB
Тым часам польскае Міністэрства замежных спраў паведаміла, што запатрабуе ад Расеі тлумачэньняў наконт ракеты, якая заляцела на польскую тэрыторыю. Раней стала вядома, што ў ноч на нядзелю, 24 сакавіка, запушчаная Расеяй ракета ў бок Украіны, заляцела ў польскую паветраную прастору і прабыла там 39 сэкунд.
«Мы заклікаем Расейскую Фэдэрацыю спыніць тэрарыстычныя атакі на жыхароў і тэрыторыю Ўкраіны, пакласьці канец вайне і заняцца вырашэньнем унутраных праблем краіны», — гаворыцца ў заяве МЗС Польшчы.
Польскае войска ў ноч з суботы на нядзелю паднімала ў паветра сваю авіяцыю. Расейскі бок інцыдэнт пакуль не камэнтаваў. https://smarturl.click/EeAa1
У Варшаве адкрылася выстава твораў Алеся Пушкіна, прымеркаваная да Дня Волі
24 сакавіка ў Варшаве на пляцоўцы Беларускай прасторы «Робім Разам» адкрылася выстава арыгінальных карцін Алеся Пушкіна. Усяго дэмаструецца паўтара дзясятка твораў — гэта карціны зь дзьвюх прыватных калекцый і аднаго ўнівэрсытэту: партрэты гістарычных дзеячаў, пэйзажы. Уладальнікі задарма прадаставілі карціны на выставу на тры дні.
На выставе выступілі польскія сябры Алеся Пушкіна — мэцэнат Войцех Гурэцкі, гісторык мастацтва Раман Постэк, а таксама віцебскі калега, мастак Эдвард Галустаў. Прагучала шмат цёплых словаў і кранальных успамінаў пра беларускага мастака, які заўчасна памёр у беларускай турме. https://smarturl.click/ql4AV