17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Другі раўнд Стратэгічнага дыялёгу паміж ЗША і дэмакратычнымі сіламі Беларусі пройдзе 3–4 сьнежня
Пра гэта паведаміў кіраўнік «Народнага антыкрызіснага ўпраўленьня», намесьнік кіраўніка Аб’яднанага пераходнага кабінэту Павел Латушка. Паводле яго, беларуская дэлегацыя на чале з дэмакратычнай лідэркай Сьвятланай Ціханоўскай будзе налічваць 24 чалавекі. У яе ўвойдуць прадстаўнікі Аб’яднанага пераходнага кабінэту, Каардынацыйнай рады, грамадзянскіх ініцыятыў.
Першая сэсія дыялёгу адбылася 6–8 сьнежня 2023 году ў Вашынгтоне.
https://smarturl.click/ql95W
Што казаў Дональд Трамп пра Беларусь
Дональд Трамп зноў будзе прэзыдэнтам ЗША. Беларусы, як у дыяспары, так і ў краіне, з гэтай нагоды разважаюць, якой будзе палітыка Злучаных Штатаў у дачыненьні Беларусі і беларускіх пытаньняў.
Свабода сабрала, што Трамп раней казаў пра Беларусь.
Кавалеўскі ацаніў працяг Стратэгічнага дыялёгу беларускай апазыцыі і ЗША пасьля выбараў
Валер Кавалеўскі, кіраўнік Агенцтва Эўраатлянтычнага супрацоўніцтва, які быў датычны да арганізацыі Стратэгічнага дыялёгу Дэмакратычных сіл Беларусі і ўладаў ЗША, камэнтуе Свабодзе імавернае вяртаньне ў Белы дом Дональда Трампа.
https://smarturl.click/M1MJ3
У Менску будуць судзіць цэлую сям’ю за «распальваньне варожасьці». Пагражае да 12 гадоў турмы
Суд над сям’ёй Стаўрыцкіх пачнецца 13 лістапада ў Менскім гарадскім судзе.
https://smarturl.click/nyY9A
Дональд Трамп назваў сябе прэзыдэнтам ЗША
Палітык зьвяртаецца да прыхільнікаў на Ўэст-Палм-Біч у Флёрыдзе. Кандыдат ад Рэспубліканскай партыі абвясьціў сябе пераможцам выбараў і падзякаваў за падтрымку жонцы і дзецям.
Агенцтва Associated Press назвала Трампа пераможцам у яшчэ адным «хісткім» штаце — Пэнсыльваніі.
Цяпер у Трампа 267 галасоў электараў, а ў Камалы Гарыс 214. Да перамогі Трампу не стае ўсяго трох галасоў.
Мапа прэзыдэнцкіх выбараў у ЗША: https://smarturl.click/W3pWk
Рэспубліканцы зьбіраюцца вярнуць кантроль над Сэнатам ЗША
Рэспубліканцы забралі два важныя месцы ў Агаё і Заходняй Вірджыніі, у той час як большасьць у іншай палаце Кангрэсу, Палаце прадстаўнікоў, яшчэ ня вызначылася.
https://smarturl.click/9z42z
Рэспубліканцы блізкія да кантролю над Сэнатам
Пра гэта сьведчаць апошнія лічбы на выбарах у Сэнат. Што тычыцца прэзыдэнцкай гонкі, там лік стаў 230:210 на карысьць Дональда Трампа.
The New York Times цяпер дае толькі 10% шанцаў на перамогу Камалы Гарыс. Застаецца падлічыць галасы ў дзевяці штатах: Нэвадзе, Арызоне, Мінэсоце, Вісконсіне, Мічыгане, Пэнсыльваніі, Нью-Гэмпшыры, Джорджыі і Алясцы.
Мапа прэзыдэнцкіх выбараў у ЗША: https://smarturl.click/W3pWk
На фота назіраньне за падлікам галасоў ва ўнівэрсытэце Говарда ў Вашынгтоне
Гарыс перамагла ў Каліфорніі і штаце Вашынгтон, Трамп у Айдага
Дзякуючы перавазе ў двух штатах Камале Гарыс удалося скараціць адставаньне ад Дональда Трампа. Аднак рэспубліканец усё адно паперадзе 214 на 179.
Падлік галасоў у «хісткіх» штатах працягваецца.
Мапа прэзыдэнцкіх выбараў у ЗША: https://smarturl.click/W3pWk
Гарыс перамагае ў Калярада і акрузе Калюмбія, Трамп у Агаё
Не зьмяняюцца прыхільнасьці канкрэтнай партыі і ў яшчэ трох суб’ектах ЗША. Штат Калярада і акруга Калюмбія ўсе апошнія выбары традыцыйна аддавалі голас дэмакратам. Так і на гэты раз. Тут перамагае Камала Гарыс. А ў штаце Агаё лідэрства ў Трампа.
Лік у гонцы па галасах электараў 198 на 112 на карысьць Трампа. Пры гэтым яшчэ ідзе падлік галасоў у сямі «хісткіх» штатах, якія моцна паўплываюць на вынік выбараў.
МАПА: https://smarturl.click/W3pWk
Першыя вынікі выбараў у ЗША. Жывая трансьляцыя «Голасу Амэрыкі»
Карэспандэнты і экспэрты «Голасу Амэрыкі» абмяркоўваюць прэзыдэнцкую гонку, яе вынікі і наступствы для ўнутранай палітыкі ў Амэрыцы і адносін ЗША з краінамі Эўропы, Блізкага Усходу, Усходняй Эўропы.
https://smarturl.click/RAMnx
Гарыс ці Трамп? Мапа галасаваньня абнаўляецца
У Злучаных Штатах а 3:00 па менскім часе (гэта 19:00 на ўсходнім ўзьбярэжжы ЗША) завяршылася галасаваньне ў штатах Індыяна, Кэнтакі, Вэрмонт, Вірджынія, Паўднёвая Караліна і Джорджыя.
Для перамогі неабходныя 270 галасоў выбарнікаў. Вынікі дадаюцца ў інтэрактыўную мапу на сайце Свабоды.
https://smarturl.click/W3pWk
Як амэрыканцы выбіраюць прэзыдэнта. Тузін сьвежых фотаздымкаў
Выбарнікі па ўсёй краіне сёньня галасуюць за прэзыдэнта Злучаных Штатаў. Жорсткая барацьба адбываецца паміж Дональдам Трампам і Камалай Гарыс.
https://smarturl.click/JDL4q
Некалькі выбарчых участкаў у ЗША атрымалі пагрозы аб выбуху. ФБР кажа пра расейскі сьлед
ФБР заявіла, што выбарчыя ўчасткі ў некалькіх штатах ЗША сталі аб’ектам пагрозаў аб выбухах, многія зь якіх, выглядае, зыходзяць з расейскіх дамэнаў электроннай пошты. Прынамсі два выбарчыя ўчасткі ў Джорджыі эвакуавалі з прычыны пагрозаў выбухаў. Іх адкрылі прыкладна праз 30 хвілінаў, цяпер улады дамагаюцца судовай пастановы аб падаўжэньні часу галасаваньня, каб кампэнсаваць страчаны падчас эвакуацыі час:
https://smarturl.click/1d1E6
Вандалы пакінулі ксэнафобскія надпісы на беларускай «Карчме 1863» у Вільні
Беларускую «Карчму 1863» у Вільні атакавалі вандалы, заўважыў адзін зь мінакоў і апублікаваў фота ў сацсетках. На фота відаць, што на дзьвярах установы чырвонай фарбай намаляваны ксэнафобскі надпіс: «Lietuva lietuviams» («Літва літоўцам»).
У апошнія месяцы акты вандалізму ў Вільні ўчынілі супраць Беларускага дому ў Вільні, Цэнтру беларускай культуры, крамы сувэніраў «Кропка», якую трымае былы палітвязень зь Беларусі, капліцы беларускай праваслаўнай парафіі Канстантынопальскага патрыярхату, каля прыватнага цэнтру ўцекачоў зь Беларусі «Дапамога».
Фота: facebook.com/barashko
Падрабязьней: https://smarturl.click/3kZzV
Галоўнае за 5 лістапада
👫 Былая прэс-сакратарка МУС, прадзяржаўны камуніст і Канапацкая. Каму, апроч Лукашэнкі, дазволілі зьбіраць подпісы для ўдзелу ў выбарах
👮🏻♂️ Былыя палітвязьні, актывісты, сваякі ўцекачоў. Да каго прыходзяць з арыштамі сілавікі перад выбарамі
🇺🇸 У ЗША асноўны дзень галасаваньня на выбарах прэзыдэнта. 80 млн выбарнікаў прагаласавалі датэрмінова
🎥 «ПіК Свабоды». Супраць усіх ці байкот? Спрэчка Брухана і Вусава пра «бязвыбары» ў Беларусі
🗣 Пяцёра плюс Канапацкая. Ці здольныя ўлады на тонкую перадвыбарчую гульню, разважае аналітык
✍🏻 Лукашэнка правёў нараду на тэму выбарчай кампаніі. Пра што яна сьведчыць, тлумачыць Юры Дракахруст
👨🏻⚖️ У Менску вынесьлі першы вырак за «адмаўленьне генацыду беларускага народу»
🇺🇦 Беларуска з Чарнігава пасьля сьмерці мужа трапіла ва ўкраінскі лягер для мігрантаў
❌ Улады ліквідуюць Беларускую асацыяцыю садзейнічаньня ААН, якая працавала 35 гадоў
Лябедзька пра наступствы амэрыканскіх выбараў для Беларусі: «Інтрыга ўзьнікне, але рэзкіх зьменаў ня будзе».
Дарадца Сьвятланы Ціханоўскай у парлямэнцкай супрацы і канстытуцыйнай рэформе Анатоль Лябедзька тлумачыць імаверную перамогу Дональда Трампа тым, што яму спрыяў час правядзеньня выбараў.
Лябедзька мяркуе, што перамога Дональда Трампа не азначае страты падтрымкі ЗША для сілаў, якія прагнуць дэмакратычных зьменаў у Беларусі. Беларускі апазыцыйны палітык нагадаў, што ў Кангрэсе ЗША ўжо запушчаная працэдура прыняцьця Акту аб падтрымцы дэмакратыі ў Беларусі і гэты працэс, як ён мяркуе, не спыніцца.
https://smarturl.click/2qZM0
Дональд Трамп набраў неабходную колькасьць галасоў, каб стаць прэзыдэнтам ЗША
Паводле шматлікіх паведамленьняў амэрыканскіх СМІ, у тым ліку AP і CNN, рэспубліканец Дональд Трамп набраў неабходныя 270 галасоў калегіі электараў для перамогі на прэзыдэнцкіх выбарах у ЗША, апярэдзіўшы прадстаўніцу дэмакратаў Камалу Гарыс.
Мапа прэзыдэнцкіх выбараў у ЗША: https://smarturl.click/W3pWk
Лукашэнка назваў «капіталіста і мільярдэра» Дональда Трампа пераможцам на выбарах у ЗША
Пра гэта Аляксандар Лукашэнка заявіў у часе наведваньня і афіцыйнага адкрыцьця ў Менску басэйна міжнароднага стандарту, які пабудавалі кітайцы.
«Сёньня пра сацыялізм усё больш і больш пачынаюць гаварыць. Калі ў сярэдзіне 90-х, я памятаю, проста тапталі нагамі ўсе гэтыя азначэньні... Праўда, і ў Амэрыцы сёньня гэта нецэнзурнае слова, нават з вуснаў Трампа, які перамог, прэзыдэнта, які абвінавачваў Камалу Гарыс у тым, што яна сацыялістка і камуністка. Ён заўзяты капіталіст, Трамп, мільярдэр», — заявіў Аляксандар Лукашэнка, якога цытуе дзяржаўная прэса.
Пяць гадоў таму памёр Алесь Шут
6 лістапада 2019 году памёр Алесь Шут, беларускі лекар, палітык і грамадзкі дзяяч, дэпутат Вярхоўнага Савету БССР 12-га скліканьня ад БНФ.
Таксама 6 лістапада адзначае дзень нараджэньня палітзьняволеная рэдактарка Tut.by Марына Золатава. Яна сустракае сваё 47-годзьдзе за кратамі, куды трапіла ў выніку палітычнага перасьледу. Праваабарончая супольнасьць прызнала Золатаву палітзьняволенай.
Больш падзей гэтага дня ў гісторыі ў матэрыяле «Ўжо сёньня»: https://smarturl.click/EepLW
Трамп перамог у Джорджыі і амаль забясьпечыў сабе вяртаньне на пасаду прэзыдэнта ЗША
Былы прэзыдэнт Дональд Трамп, прэтэндэнт на пасаду ад Рэспубліканскай партыі, наблізіўся да вяртаньня ў Белы дом на прэзыдэнцкіх выбарах у ЗША пасьля перамогі ў двух «хісткіх» штатах Паўночнай Караліне і Джорджыі. У дзейнай віцэ-прэзыдэнткі Камалы Гарыс застаюцца толькі тэарэтычныя шанцы на перамогу.
Лік галасоў электараў 246:214 на карысьць рэспубліканца.
Трамп у выпадку перамогі стане другім прэзыдэнтам у гісторыі, які выйграе выбары пасьля перапынку ў кадэнцыях. Адзіным прэзыдэнтам, які дасягнуў гэтага, быў Гровэр Кліўлэнд яшчэ ў канцы XIX стагодзьдзя.
Мапа прэзыдэнцкіх выбараў у ЗША: https://smarturl.click/W3pWk
Гарыс адклала зварот да прыхільнікаў
Камала Гарыс ня будзе зьвяртацца да сваіх прыхільнікаў у дзень выбараў, яна зробіць гэта на наступны дзень. Пра гэта заявіў выбарчы штаб кандыдаткі ў прэзыдэнты ЗША ад Дэмакратычнай партыі.
Пакуль у галасах электараў Гарыс саступае Дональду Трампу 210 на 230.
Мурал у падтрымку Камалы Гарыс у Філядэльфіі, штат Пэнсыльванія
Трамп перамагае ў Паўночнай Караліне
Сталі вядомыя вынікі падліку галасоў у першым зь сямі «хісткіх» штатаў. Дональд Трамп сьвяткуе перамогу ў Паўночнай Караліне, паводле інфармацыі AP. Іншыя СМІ таксама паведамілі пра перамогу рэспубліканца ў штаце.
Варта заўважыць, што ў гэтым штаце рэспубліканцы перамаглі і ў 2020-м, аднак сёлета Паўночная Караліна расцэньвалася як месца, у якім могуць перамагчы дэмакраты.
Пры гэтым Гарыс перамагла ў штаце Орэган. Яна саступае Трампу ў агульным падліку 187:230.
На здымку плякат у падтрымку Трампа ў горадзе Франклін, Паўночная Караліна
Мапа прэзыдэнцкіх выбараў у ЗША: https://smarturl.click/W3pWk
Абаронцы права на аборты саступілі ў Флёрыдзе, але перамаглі ў трох іншых штатах
Гэта першая перамога прыхільнікаў права на аборты ў цэлым па краіне пасьля таго, як у 2022 годзе Вярхоўны суд прыняў рашэньне, якое спыніла агульнае права на аборты.
https://smarturl.click/XyYk6
Трамп перамагае ў Мантане і Юце
Па галасах Дональд Трамп апярэджвае Камалу Гарыс 188 на 99. Дагэтуль няма ніводнага штату, дзе ў параўнаньні зь мінулымі выбарамі зьмянілася б партыя, за якую прагаласавалі.
Для перамогі неабходныя 270 галасоў электараў. За вынікамі можна сачыць на інтэрактыўнай мапе на сайце Свабоды.
https://smarturl.click/W3pWk
Выбары ў 🇺🇸: Сытуацыя ў хісткіх штатах
Падзел галасоў паміж Трампам і Гарыс, які вядомы на дадзены момант, прадказваўся раней. Самае важнае - што адбываецца ў сямі штатах, якія вагаюцца. У Джорджыі, Паўночнай Караліне, а зараз Пэнсыльваніі і Мічыгане ўжо скончылася галасаваньне і ідзе падлік галасоў. Ён ідзе нераўнамерна, дзесьці больш падлічаныя акругі, дзе мацнейшыя прыхільнікі рэспубліканцаў, дзесьці - дэмакратаў, і гэты балянс можа моцна мяняцца. Але цяпер:
👉 Джорджыя пасьля падліку 46 працэнтаў бюлетэняў - Трамп на 11 працэнтаў наперадзе,
👉 Паўночная Караліна пасьля падліку 10 працэнтаў бюлетэняў - Гарыс на 6 працэнтаў наперадзе,
👉 Пэнсыльванія пасьля падліку 7 працэнтаў бюлетэняў - Гарыс на 45 працэнтаў наперадзе,
👉 Мічыган пасьля падліку 4 працэнтаў бюлетэняў - Гарыс на 23 працэнты наперадзе.
На тэрыторыі Капітолія затрымалі мужчыну з паходняй
У паведамленьні паліцыі гаворыцца, што пры сабе ў мужчыны была зварачная паходня і сыгнальны пісталет і што ад яго «пахла палівам».
https://smarturl.click/gpYyy
У Нямеччыне затрымалі падазраваных у падрыхтоўцы захопу часткі Саксоніі
Яны плянавалі «заснаваць там дзяржаўнае кіраваньне, падобнае на нацыянал-сацыялістычную Нямеччыну». Сярод узятых пад варту ёсьць палітык з правапапулісцкай «Альтэрнатыва для Нямеччыны».
https://smarturl.click/ZyYxv
Зь ліпеня па верасень у Беларусі завялі сама меней 142 крымінальныя справы за «экстрэмізм», — Human Constanta
Агулам за тры месяцы праваабаронцы Human Constanta зафіксавалі каля 800 выпадкаў парушэньняў правоў чалавека ў сувязі з ужываньнем «антыэкстрэмісцкага» заканадаўства, у тым ліку сама меней 310 прысудаў па адпаведных крымінальных справах і прынамсі 135 затрыманьняў паводле адміністрацыйных абвінавачаньняў:
https://smarturl.click/XyYv6
Выбары прэзыдэнта ЗША: Гарыс ці Трамп? Мапа галасаваньня
5 лістапада — асноўны дзень галасаваньня на прэзыдэнцкіх выбарах у ЗША. Два кандыдаты, якія прэтэндуюць на перамогу, — Дональд Трамп ад Рэспубліканскай партыі і Камала Гарыс ад Дэмакратычнай.
Расказваем падрабязна, як і калі праходзіць галасаваньне, якія штаты ключавыя для прэзыдэнцкай гонкі, хто мае большыя шанцы на перамогу і калі будуць вядомыя вынікі, а таксама публікуем онлайн-мапу галасаваньня (абнаўляецца):
https://smarturl.click/W3pWk
Перадвыбарчыя трывогі Лукашэнкі: ці ўсё пад кантролем?
5 лістапада Аляксандар Лукашэнка правёў нараду на тэму выбарчай кампаніі. У ёй удзельнічалі кіраўнікі шэрагу ведамстваў, у тым ліку і сілавых. З заяваў, якія прагучалі на нарадзе, стала зразумела, што сумневу ў зыходзе выбараў Лукашэнка ня мае, аднак прадбачыць наперадзе неназваныя пагрозы і небясьпекі, падсумоўвае аналітык Юры Дракахруст:
https://smarturl.click/4k2xd