17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Сумах, Крывым Рогу і Мірнаградзе расейцы пацэлілі ў жылыя дамы, ёсьць загінулыя
Уначы і раніцай расейцы абстралялі 7 грамадаў Сумскай вобласьці Ўкраіны кіраванымі авіябомбамі, артылерыйскімі ракетамі і дронамі. На тэрыторыі рэгіёну зафіксавалі 64 выбухі. У Сумах дрон пацэліў у жылы 5-павярховы дом. Пашкоджаныя 30 кватэр, з-пад завалаў дасталі 10 чалавек, ёсьць загінулыя.
Позна ўвечары 12 сакавіка ў Мірнаградзе Данецкай вобласьці часткова зруйнавалі 5-павярховы будынак — 2 чалавекі загінулі, яшчэ 6 дасталі з-пад завалаў. У Крывым Рогу расейцы пацэлілі ў дзевяці- і пяціпавярховы будынкі. Загінулі 4 чалавекі, яшчэ паўсотні атрымалі раненьні:
https://smarturl.click/aJeLg
Беларускі свабодны тэатар намінавалі на найвышэйшую тэатральную ўзнагароду Вялікай Брытаніі
Опэра «Дзікае паляваньне караля Стаха» прынесла Беларускаму свабоднаму тэатру намінацыю на Olivier Awards 2024 — найвышэйшую прэмію брытанскага тэатру. Тэатар вылучалі на прэстыжную ўзнагароду ў катэгорыі «Выбітныя дасягненьні ў опэрным мастацтве», піша The Guardian:
https://smarturl.click/l524B
13 сакавіка — дзень памяці Ігната Грынявіцкага, забойцы імпэратара Аляксандра ІІ
13 сакавіка 1881 году расейскі імпэратар Аляксандар II быў сьмяротна паранены ў Пецярбургу бомбай, кінутай 25-гадовым ураджэнцам Беларусі Ігнатам Грынявіцкім. У замаху загінуў і сам Грынявіцкі, удзельнік рэвалюцыйнага руху, сябра нелегальнай партыі «Народная воля», адзін з заснавальнікаў яе беларускай фракцыі. У сваім запавеце рэвалюцыянэр-нарадаволец напісаў:
«Аляксандар ІІ павінен памерці. Ён памрэ, а разам зь ім памрэм і мы, яго ворагі, яго забойцы... Гісторыя сьведчыць, што раскошнае дрэва свабоды вымагае чалавечых ахвяраў...».
Іншыя памятныя даты 13 сакавіка — у матэрыяле «Ўжо сёньня»: https://smarturl.click/e56W5
«Буду судзіцца». Былая кіраўніца «Белсату» расказала, чаму яшчэ не гатовая пакідаць канал
У інтэрвію «Свабодзе» Агнешка Рамашэўска-Гузы расказала, чаму зьбіраецца абскардзіць гэтае рашэньне ў судзе, што думае пра новага кіраўніка тэлеканалу і чаму лічыць, што ёй яшчэ ня час пакідаць праект:
https://smarturl.click/jk4Od
На апошняй Алімпіядзе выступалі 108 атлетаў зь Беларусі, на будучыя гульні ў Парыжы пакуль ёсьць толькі 6 дакладных ліцэнзій
Так мала беларускіх спартоўцаў на Алімпіядах яшчэ не выступала ніколі. Пакуль ёсьць толькі 6 ліцэнзій. Пры гэтым на Алімпіядзе могуць зьявіцца як спартоўцы зь Беларусі, так і атлеты, якія зьехалі за мяжу. Даведаліся, як беларусы будуць удзельнічаць у Алімпіядзе:
https://smarturl.click/W36LX
Чаму ў Кіргізстане запанаваў страх і ці бясьпечна туды езьдзіць беларусам
Што адбываецца ў Кіргізстане, некалі адной з самых дэмакратычных краінаў Цэнтральнай Азіі, дзе былі канкурэнтныя выбары і незалежныя СМІ? Якія небясьпекі нясе кіргізам расейская мова, якая мае, як і ў Беларусі, статус другой дзяржаўнай? Ці патрабуюць па-ранейшаму ўлады Кіргізстану выдачы былога прэзыдэнта Бакіева, якому даў прытулак Лукашэнка.
Пра гэта расказвае дырэктарка кіргіскай службы Радыё Свабода Вэнэра Джуматаева:
🎥 ВІДЭА: https://youtu.be/qF-YtsOIvfo
Пасьля пачатку вайны беларусы зьвяртаюцца па грамадзянства Малдовы, Кіргізстану і Армэніі. Расказваем, што пра гэта вядома
Свабода паспрабавала высьветліць, ці масава беларусы атрымліваюць новае грамадзянства і ці можа гэта вырашыць праблему тых, хто апынуўся за мяжой Беларусі, але праз забарону Лукашэнкі ня мае магчымасьці абмяняць свой пашпарт у консульскіх установах сваёй краіны:
https://smarturl.click/vwYYQ
Экс-кіраўніцу гарадзенскага дзіцячага госьпісу Вольгу Вялічку будуць судзіць завочна
Як паведамілі ў СК, супраць Вялічкі распачалі працэдуру спэцыяльнага вядзеньня. Яе падазраюць паводле 7 артыкулаў, сярод іх — распальваньне варожасьці, незаконная арганізацыя дзейнасьці грамадзкага аб'яднаньня, незаконныя дзеяньні ў дачыненьні да пэрсанальных зьвестак, садзейнічаньне экстрэмісцкай дзейнасьці, паклёп на Лукашэнку і інш.
Раней на Вольгу завялі справы за «незаконнае выкарыстаньне спонсарскай дапамогі» і за ўдзел у акцыі пратэсту. Увосень 2020 году разам з дзецьмі выехала з Беларусі. Горадзенскі дзіцячы госьпіс улады зьліквідавалі летась 20 жніўня:
https://smarturl.click/2q1bJ
Як «страшны монстар» NATO ператварыўся ў абаронцу незалежнасьці Ўкраіны
У выніку агрэсіі Расеі супраць Украіны Паўночнаатлянтычны альянс умацаваў сваю ролю і місію ў сыстэме міжнародных адносінаў, зь якімі ня мог канчаткова вызначыцца цягам апошняй чвэрці стагодзьдзя.
Піша Валер Карбалевіч: https://smarturl.click/4kpp1
Прадстаўнік Freedom House: спробы спэцслужбаў Беларусі завэрбаваць літоўскіх дыпляматаў былі марнымі
Раней спэцслужбы Літвы заявілі пра «надзвычай агрэсіўныя дзеяньні» беларускай выведкі ў дачыненьні да супрацоўнікаў літоўскай дыпляматычнай місіі ў Беларусі.
https://smarturl.click/3k11G
У Менску ліквідуюць таварыства падманутых укладчыкаў, дапамогу якім абяцаў Лукашэнка
Менскі гарадзкі суд пачынае разглядаць пазоў Міністэрства юстыцыі аб ліквідацыі Беларускага грамадзкага аб’яднаньня пацярпелых укладнікаў «За сацыяльную справядлівасьць».
https://smarturl.click/qlbj0
У Эстоніі апазыцыя не падтрымлівае ініцыятыву пазбавіць беларусаў права на ўдзел у мясцовых выбарах
Прэм’ер-міністарка Эстоніі Кая Калас спадзявалася на падтрымку парлямэнцкай апазыцыі, каб часова пазбавіць права голасу беларусаў і расейцаў на мясцовых выбарах. Але ў кіроўнай кааліцыі так і не змаглі прыйсьці да адзінай думкі.
https://smarturl.click/yqk5d
Лукашэнка пасьля дыпляматычнага скандалу зьняў з пасады пасла ў 🇸🇪 Швэцыі Мірончыка
Таксама зьнятыя з пасадаў паслы ў 🇩🇪 Нямеччыне, 🇰🇬 Кіргізстане і 🇫🇮 Фінляндыі. Усе яны прадстаўлялі Беларусь у гэтых краінах ад 6 да 8 гадоў.
https://smarturl.click/71EvD
110-годзьдзе Ўладзімера Клішэвіча
Уладзімер Клішэвіч — паэт, публіцыст, вязень савецкіх турмаў, дзяяч эміграцыі ў ЗША. Пра ягоныя жыцьцё і творчасьць можна прачытаць у артыкуле «Паэт, якога праклялі сучасьнікі. 20 фактаў пра Ўладзімера Клішэвіча».
Іншыя падзеі дня 12 сакавіка — у матэрыяле «Ўжо сёньня»: https://smarturl.click/jk47k
Найважнейшае за 11 сакавіка
🔸 Абвясьцілі збор сродкаў на помнік Ігару Ледніку
🔸 У Беларусі пачаў працаваць адзіны партал сацыяльных паслуг
🔸 Як мінімум 1563 грамадзкія аб’яднаньні ліквідавалі ў Беларусі з 2020 году
🔸 У Беларусі абвясьцілі аб праверцы баявой гатоўнасьці арміі
🔸 Лукашэнка прызначыў кіраўніка кампаніі «Белспэцзьнештэхніка», якая знаходзіцца пад санкцыямі, дырэктараў «Атланта» і БелАЗа
🔸 Дзеці Пуціна і Коля. Марк Фейгін разважае, у чым Пуцін хоча быць падобным да Лукашэнкі і што варта пераняць расейскай апазыцыі ў беларускай
🔸 Кайданкі для Мірсалімавай. Якую пагрозу для рэжыму Лукашэнкі нясуць прыхільнікі «рускага сьвету»
🔸 388 тысяч сонечных модуляў, мэталапракатны завод. Як беларуская дзяржава забірала прадпрыемствы ў інвэстараў
🔸 «Аўтамабілі — у разабраным стане». Як сельскагаспадарчыя прадпрыемствы «сабатавалі» магчымую мабілізацыю ў Беларусі
🔸 Паміж Амэрыкай і Беларусьсю. Што зрабіла Воля Дземка, якой за некалькі дзён сабралі вялікую суму на лячэньне
🔸 Сьцяг Швэцыі вывесілі ля сядзібы NATO, краіна стала 32-м чальцом альянсу. ФОТА
🔸 Прэм'ер Вугоршчыны Орбан заявіў, што плян Трампа па спыненьні вайны палягае ў скарачэньні дапамогі Ўкраіне
У расейскім Белгарадзе дрон атакаваў будынак ФСБ, у Разані — нафтавы завод
У Белгарадзе ў выніку атакі дронаў быў пашкоджаны фасад будынку ФСБ і выбітыя вокны, пацярпелых няма. Горад атакавалі яшчэ 2 дроны, адзін зь іх урэзаўся ў шматкватэрны дом (папярэдне — без пацярпелых), другі ўпаў у раку.
У выніку атакі дронаў па НПЗ у Разані (гэта ўжо трэці за два дні расейскі нафтавы аб’ект, які пацярпеў ад удараў дронаў) разгарэўся пажар, ёсьць пацярпелыя, двое ў бальніцы ў стане сярэдняй ступені цяжкасьці.
Мінабароны Расеі заявіла, што за ноч і раніцу 13 сакавіка над рэгіёнамі краіны зьнішчылі 58 бесьпілётнікаў.
Беларусь уводзіць чарговыя контрасанкцыі супраць «недружалюбных краін», яны тычацца падаткаў
З 1 красавіка і да канца 2026 году ўводзіцца стаўка падатку на дывідэнды ў памеры 25% для замежных арганізацый, якія не ажыцьцяўляюць дзейнасьць у Беларусі праз пастаяннае прадстаўніцтва, а іх офісы знаходзяцца ў «недружалюбных краінах» (раней было 15%, у асобных выпадках — нават ніжэй).
З 1 чэрвеня да 31 сьнежня 2026 году Беларусь часткова прыпыніць дзеяньне пагадненьняў аб прадухіленьні двайнога падаткаабкладаньня з 27 «недружалюбнымі краінамі». Гаворка пра некаторыя палажэньні пагадненьняў — адносна выплаты дывідэндаў, даходаў ад даўгавых патрабаваньняў і даходаў ад адчужэньня маёмасьці:
https://smarturl.click/4kpGW
Як Эўропа рыхтуецца да магчымага новага прэзыдэнцтва Трампа, тлумачыць экспэртка
Як эўрапейскія чальцы NATO рыхтуюцца да магчымага вяртаньня ў Белы дом у Вашынгтоне Дональда Трампа, ці выведзе ён ЗША з Паўночнаатлянтычнага альянсу і ці здолее Эўропа самастойна несьці цяжар падтрымкі Ўкраіны ў вайне? — На гэтыя пытаньні і іншыя адказвае віцэ-прэзыдэнтка міжнароднага аналітычнага цэнтру GLOBSEC у Браціславе Алена Кудзько:
https://smarturl.click/XyxeQ
Галоўнае за 12 сакавіка
📺 Звольнілі дырэктарку «Белсату». «Каналам будзе кіраваць беларус»: TVP патлумачыла зьмены на тэлеканале
🇸🇪 Лукашэнка пасьля дыпляматычнага скандалу зьняў з пасады пасла ў Швэцыі Мірончыка
🇱🇹 У Беларусі за кратамі памёр грамадзянін Літвы
🇷🇺 Украіна дронамі атакавала 7 абласьцей Расеі, легіён «Свабода Расеі» заявіў аб прарыве мяжы
🧑🏻🎨 «White Russia», «Russian Empire», «Born in Belarus». Як беларускіх мастакоў пераймяноўваюць у сусьветных музэях
👫 Пасьля пачатку вайны беларусы зьвяртаюцца па грамадзянства Малдовы, Кіргізстану і Армэніі. Расказваем, што пра гэта вядома
❌ У Менску ліквідуюць таварыства падманутых укладнікаў, дапамогу якім абяцаў Лукашэнка
🤸🏻♀️На апошняй Алімпіядзе выступалі 108 атлетаў зь Беларусі, на будучыя гульні ў Парыжы пакуль ёсьць толькі 6 дакладных ліцэнзій
✍🏻 Як «страшны монстар» NATO ператварыўся ў абаронцу незалежнасьці Ўкраіны: піша Валер Карбалевіч
🇰🇬 «Цяпер у нас супэрпрэзыдэнцкая краіна». Чаму ў Кіргізстане запанаваў страх і ці бясьпечна туды ехаць беларусам
Апэляцыйны суд у Сэрбіі адмяніў рашэньне аб экстрадыцыі беларускага рэжысэра Андрэя Гнёта
Апэляцыйны суд адмяніў рашэньне суда першай інстанцыі, накіраваўшы справу на новы разгляд. Новае слуханьне па справе прызначылі на 26 сакавіка, паведамляе @dw_belarus. Тэрмін утрыманьня Андрэя пад вартай працягнулі яшчэ на 60 дзён.
Сваё рашэньне Апэляцыйны суд патлумачыў тым, што ня ўсе акалічнасьці, на падставе якіх вынесьлі рашэньне аб экстрадыцыі, былі дасьледаваныя. Акрамя таго, Андрэю Гнёту не далі слова падчас першага працэсу:
https://smarturl.click/Q1ma0
«Каналам будзе кіраваць беларус». TVP патлумачыла зьмены на «Белсаце»
Польская грамадзкая тэлевізія TVP адказала на пытаньні Радыё Свабода пра прычыны звальненьня Агнешкі Рамашэўскай-Гузы і будучыні тэлеканалу «Белсат»:
https://smarturl.click/EeGAL
Дырэктарку «Белсату» звольнілі пасьля 17 гадоў працы на тэлеканале
Агнешка Рамашэўская-Гузы паведаміла, што спачатку ёй прапанавалі звольніцца зь «Белсату» і з TVP па ўласным жаданьні і з «залатым парашутам» (г.зн. на надзвычай выгадных умовах), але яна на гэта не пагадзілася.
«Яшчэ мне сказалі, што бюджэт тэлеканалу скарачаюць на 47% і гэта рашэньне Міністэрства замежных спраў», — адзначыла яна:
https://smarturl.click/4kp71
У Беларусі за кратамі памёр грамадзянін Літвы
Ноту пратэсту ў сувязі са сьмерцю літоўца, якога затрымалі ў Беларусі 31 сьнежня 2023 году, уручыла часоваму паверанаму ў справах Беларусі МЗС Літвы. Ад беларускага боку запатрабавалі даць інфармацыю пра стан літоўца на момант затрыманьня, пацьвердзіць факт ягонай сьмерці, распавесьці абставіны і прычыны.
Іншай інфармацыі пра літоўца, які памёр за кратамі ў Беларусі, МЗС Літвы не паведаміла. Пра затрыманьне ў пункце пропуску «Беняконі» грамадзяніна Літвы паведамляла 10 студзеня Гарадзенская мытня. Паводле мытнікаў, у ягоным аўтамабілі нібыта знайшлі 98 пісталетных патронаў для зброі калібрам 9 мм. На яго завялі справу за незаконнае перамяшчэньне боепрыпасаў празь мяжу і ўзялі пад варту:
https://smarturl.click/1d4jo
Зьявілася праграма сьвята на 106-ю гадавіну абвешчаньня незалежнасьці БНР
Вядоўцамі будуць Ліза Ветрава і Дзяніс Дудзінскі, жывая трансьляцыя адбудзецца на YouTube-канале «Годна».
У музычнай праграме будуць удзельнічаць:
🔸J: Морс
🔸Naviband
🔸Dlina Volny
🔸Dzieciuki
🔸Nochy
🔸Volski
Арганізатары абвясьцілі збор на арганізацыю сьвяткаваньня. Сродкі патрабуюцца на арэнду тэхнічнага абсталяваньня, пляцоўкі, працу тэхнічнай каманды ды арганізацыю выступаў.
У Расеі ля вайсковага аэрадрому ўпаў транспартны самалёт
Відавочцы ў расейскім горадзе Іванаве паведамілі аб падзеньні самалёта ля аэрадрому.
Паводле папярэдніх зьвестак, самалёт разьбіўся пры заходзе на пасадку, на борце знаходзіліся 12 чалавек.
Легіён «Свабода Расеі» паведаміў аб прарыве ўкраінска-расейскай мяжы
Прадстаўнік вайсковай выведкі Міністэрства абароны Ўкраіны Андрэй Юсаў у размове з прэсай адзначыў, што Легіён «Свабода Расеі», Расейскі добраахвотніцкі корпус і Сібірскі батальён на тэрыторыі Расеі дзейнічаюць як самастойныя падразьдзелы, бо складаюцца з расейцаў.
https://smarturl.click/LYGaM
Украіна бесьпілётнікамі атакавала 7 абласьцей Расеі, гараць сховішчы з палівам
Міністэрства абароны Расеі заявіла, што ў ноч на 12 сакавіка СПА «зьнішчылі і перахапілі» над расейскімі рэгіёнамі 25 украінскіх бесьпілётнікаў. Расейскае ведамства заяўляе, што над Белгарадзкай вобласьцю зьнішчаны 7 дронаў, над Курскай — 11, над Маскоўскай і Арлоўскай — па 2, а ў Бранскай, Ленінградзкай і Тульскай — па 1. Пазьней Мінабароны паведаміла аб яшчэ адным зьбітым над Курскай вобласьцю.
Што адбылося?
https://smarturl.click/Adex3
«White Russia», «Russian Empire», «Born in Belarus». Як беларускіх мастакоў пераймяноўваюць у сусьветных музэях
Сёлета Хаім Суцін за месяц ператварыўся з «рускага» ў «народжанага ў Беларусі». Гісторыя адбылася ў амэрыканскім музэі. Ёсьць і іншыя мастакі зь беларускімі каранямі, якіх падпісваюць па-іншаму. Даведаліся, як ідзе кампанія за зьмену подпісаў пад творамі мастакоў беларускага паходжаньня ў сьвеце.
https://smarturl.click/B6e40
У Менску адмянілі паказы фільмаў расейскага рэжысэра Аляксандра Сакурава. Раней на яго скардзіўся Азаронак
У Менску адмянілі паказы фільмаў расейскага рэжысэра Аляксандра Сакурава, паведамляе расейскае выданьне «Медиазона» са спасылкай на адміністрацыю кінатэатра Falcon Club.
Фільмы «Сонца» і «Казка» меліся быць паказаныя 11 і 13 сакавіка.
Раней на прыезд у Менск расейскага рэжысэра Аляксандра Сакурава і яго вучня Аляксандра Залатухіна скардзіўся супрацоўнік дзяржаўнага тэлеканалу СТВ Рыгор Азаронак.
https://smarturl.click/e565X
Кайданкі для Мірсалімавай. Якую пагрозу для рэжыму Лукашэнкі нясуць прыхільнікі «рускага сьвету»
Перасьлед з боку ўладаў Беларусі прарасейскай актывісткі Эльвіры Мірсалімавай выявіў праблему, якая стала вынікам афіцыйнага курсу існага рэжыму на ўсё шчыльнейшую інтэграцыю з Расеяй. Высьвятляецца, што гэтая інтэграцыя мае свае межы, «чырвоныя лініі», якіх ці то ня ўбачыла, ці то не захацела прызнаваць гэтая грамадзянка.
Аналіз палітычннага аглядальніка Свабоды Валера Карбалевіча:
https://smarturl.click/4kpMw