17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Кінапартызанства на чырвоным дыванку «Бэрлінале». Як прайшла цырымонія ўручэньня прэміі «Чырвоны верас»
У мінулыя выходныя беларускія кінакрытыкі раздалі цагляныя статуэткі «Чырвоны верас» найлепшым творцам і стужкам 2021/2022 гадоў. Былі і «чырвоны дыванок», і ананімныя аўтары, і размовы аб праблемах беларускія кінэматаграфістаў.
https://smarturl.click/VDDkj
Праект Belarus Outside Sound System выпусьціў альбом, прысьвечаны беларускім палітвязьням
«Гэта — рэліз-рупар, складзены з 13 асабістых сучасных гісторый з Беларусі ў стылях house, ambient, dram’n’bass, disco, trap, somatic techno, future-bass і EDM. У складанцы беларускія электронныя прадусары (-кі) дасьледуюць нацыянальны культурны код», — пішуць стваральнікі.
Праз пагрозу рэпрэсій большасьць музыкаў выдалі свае працы ананімна. Паслухаць альбом можна на некалькіх плятформах.
Дэмакратычныя сілы дамовіліся аб працэдуры выбараў у Каардынацыйную раду
Дэмакратычныя сілы дамовіліся аб працэдуры выбараў у новы склад Каардынацыйнай рады (КР), адпаведны праект неўзабаве будзе прадстаўлены на галасаваньне дзейнага складу Рады.
«Рабочая група па выбарах, складзеная з прадстаўнікоў офіса Сьвятланы Ціханоўскай, Аб’яднанага пераходнага кабінэта і партый, дасягнула кансэнсусу», — гаворыцца ў паведамленьні.
Удакладняецца, што па выніках пасяджэньня фінальны варыянт праекту будзе накіраваны Ціханоўскай.
«Варыянт, які прапануе рабочая група, прадугледжвае толькі адзін голас у выбаршчыка, а пасьля выбараў у КР будзе створаная кансультатыўная грамадзкая палата для няўрадавых арганізацыяў», — адзначае КР.
https://smarturl.click/gpp9a
Як адрэагавалі на гібель Навальнага беларускія палітвязьні і іх родныя
Як успрынялі гібель Навальнага беларускія палітзняволеныя і іх родныя? Ці адрозьніваюцца беларускія і расейскія рэпрэсіўныя турэмныя практыкі, якія даводзяць да сьмерці палітвязьняў. Суразмоўцы Ганны Соўсь – былая палітзьняволеная Вольга Класкоўская, а таксама Андрэй Шарэнда, муж палітзьняволенай Паліны Шарэнды-Панасюк.
Тэкст:
https://smarturl.click/1ddky
Відэа:
https://youtu.be/k2AfN0R75rk
У Менску заклікалі пашыраць ужываньне беларускай мовы і анансавалі выхад невядомай аповесьці Ўладзімера Караткевіча
Дзень роднай мовы, які будзе адзначацца 21 лютага, — «гэта сьвята, якое мы б не хацелі сьвяткаваць, таму што беларуская мова павінна гучаць кожны дзень і ўсё меней адчуваць патрэбу ў абароне, у клопаце», заявіла 19 лютага на прэс-канфэрэнцыі ў Менску галоўная рэдактарка дзяржаўнага часопіса «Роднае слова» Натальля Шапран. Паводле яе слоў, беларуская мова «павінна адчуваць сабе як мага болей разьняволена і спакойна».
Галоўны рэдактар часопіса «Полымя» Віктар Шніп паведаміў пра публікацыю дзёньнікаў Уладзімера Караткевіча і анансаваў выхад ягонай «невядомай» да гэтага аповесьці.
https://smarturl.click/l5595
Улады пашырылі магчымасьці ID-картак для дыстанцыйных фінансавых паслуг
Аляксандар Лукашэнка 19 лютага падпісаў указ №64, якім ствараюцца дадатковыя ўмовы для далейшага разьвіцьця і ўдасканаленьня дыстанцыйных фінансавых паслуг. Будзе лягчэй у тым ліку ўзяць крэдыт.
Напрыклад, з дапамогай адной мабільнай праграмы можна будзе карыстацца рахункамі або банкаўскімі плацежнымі карткамі розных банкаў, не праходзячы працэдуру аўтэнтыфікацыі для кожнага зь іх. Таксама больш зручным і хуткім стане атрыманьне банкаўскага крэдыту на набыцьцё тавараў у арганізацыях гандлю.
https://smarturl.click/Eeepg
Андрэй Паршын, які страляў па падлетках, стаў генэралам
Гэта распараджэньне Лукашэнкі. Да красавіка 2022 году Паршын узначальваў у МУС Галоўнае ўпраўленьне па барацьбе з арганізаванай злачыннасьцю і карупцыяй (ГУБАЗіК) — структуру, вядомую палітычным перасьледам іншадумцаў. Пасьля гэтага яго перавялі ў Дэпартамэнт забесьпячэньня апэратыўна-вышуковай дзейнасьці.
Паршын стаў шырока вядомым тым, што страляў у падлеткаў у двары і не панёс за гэтага ніякага пакараньня.
https://smarturl.click/Xyy0G
У Беларусі падрыхтавалі законапраект аб адказнасьці за «прапаганду нетрадыцыйных сямейных адносін»
Новы закон, калі яго прымуць і зацьвердзяць, будзе прадугледжваць адміністрацыйную адказнасьць, сказаў генэральны пракурор Рэспублікі Беларусь Андрэй Швед.
З ініцыятывы пракуратуры таксама прыняты «пэўныя рашэньні», што тычацца захадаў мэдыцынскага характару ў адносінах тых асоб, якія гвалтавалі дзяцей. Акрамя таго, кожны факт суіцыду, кожны факт гібелі непаўналетніх знаходзіцца на кантролі органаў пракуратуры.
Раней законы супраць «ЛГБТ-прапаганды» ў розных фармулёўках і азначэньнях прымалі Расея і Вугоршчына.
https://smarturl.click/l5581
Калі заўтра вайна... Як Пуцін можа напасьці на Эўропу
Сяргей Дубавец піша пра сцэнары нападу Пуціна на Эўропу: «Сцэнароў шмат, палітыкі і палітолягі навыперадкі прапануюць свае вэрсіі, якія звычайна не даюць адказу на пытаньне: чым гэта ўрэшце можа скончыцца, а значыць – які ў гэтым, па вялікім рахунку, сэнс?»
https://smarturl.click/xBB6O
Перавозчык маршруткі, якая трапіла ў аварыю ў Віцебскім раёне, не застрахаваў адказнасьць перад пасажырамі
Перад выездам на лінію маршрутнага таксі, якое трапіла ў аварыю 12 лютага, не былі праведзены мэдычны агляд кіроўцы і тэхнічны агляд транспартнага сродку, а таксама не было страхоўкі перавозчыка перад пасажырамі на выпадак ДТЗ.
ДАІ 16–26 лютага праводзіць рэйды з праверкамі.
https://smarturl.click/yqqaL
Улады хочуць па-новаму правяраць даходы насельніцтва. Што зьмянілася на гэты раз
З 1 студзеня ўведзена некалькі зьмен у працэс праверкі даходаў і расходаў насельніцтва. Пра гэта паведамляецца на сайце Міністэрства падаткаў і збораў.
1 студзеня ў Беларусі перагледзелі спосабы, якімі супрацоўнікі падатковай інспэкцыі могуць запытваць тлумачэньні ў грамадзян Беларусі, адкуль у іх зьявіліся «лішнія» грошы — высьвятляць крыніцу даходаў.
Пералічаюцца і выпадкі, калі гэта можа здарыцца. Увагу можна прыцягнуць, напрыклад, пакупка кватэры ці машыны.
https://smarturl.click/3kkbB
Юры Шаўчук прысьвяціў песьню «Свабода» Навальнаму
Лідэр рок-гурту ДДТ Юры Шаўчук на канцэрце ў сталіцы Казахстану Астане прысьвяціў адну з самых вядомых сваіх песень, «Свабода», памяці Аляксея Навальнага.
У верасьні 2022 году Юры Шаўчук даслаў паштоўку палітзьняволенай журналістцы «Белсату» Кацярыне Андрэевай: «Дабра і міру Андрэевай Каці. Дарагая, мы з табой», — напісаў Шаўчук і намаляваў свой партрэт.
У лістападзе 2020 году Юры Шаўчук падпісаў ліст, зь якім сьвятары і вернікі Расейскай Праваслаўнай Царквы, а таксама хрысьціяне іншых канфэсій, зьвярнуліся са словамі салідарнасьці, падтрымкі і суцяшэньня да хрысьціянаў Беларусі.
https://smarturl.click/0eeLn
Акт аб дэмакратыі ў Беларусі ўжо рыхтуецца да разгляду ў Кангрэсе ЗША, — дарадца Ціханоўскай
Падрыхтоўку Акту аб дэмакратыі ў Беларусі, а таксама стратэгічны дыялёг паміж ЗША і дэмакратычнымі сіламі абмеркавала Святлана Ціханоўская падчас сустрэч з амэрыканскімі кангрэсмэнамі і сэнатарамі на палях Мюнхэнскай канфэрэнцыі аб бясьпецы.
Як адзначыў галоўны дарадца дэмакратычнай лідэркі Беларусі Франак Вячорка, Акт аб дэмакратыі ў Беларусі ўжо рыхтуецца да разгляду ў абедзьвюх палатах Кангрэсу ЗША.
Паводле Вячоркі, Ціханоўская правяла сустрэчы з былым сьпікерам Палаты прадстаўнікоў Нэнсі Пэлосі, кіраўніком дэмакратычнай фракцыі ў Палаце прадстаўнікоў Хакімам Джэфрысам, сустаршынём беларускага кокусу (парлямэнцкай групы) у Палаты прадстаўнікоў Джо Ўілсанам, сустаршынёй беларускага кокусу ў Сэнаце Джын Шагін, сэнатарам Дэнам Саліванам і іншымі.
https://smarturl.click/W3399
Ціханоўская працягвае ўдзел ў Мюнхэнскай канфэрэнцыі аб бясьпецы
Ціханоўская ўзяла ўдзел у панэльнай дыскусіі, прысьвечанай грамадзянскаму супраціву і ролі жанчын у барацьбе за дэмакратыю, мадэратаркай на якой выступіла Гілары Клінтан.
Падчас сустрэчы з былой дзяржсакратаркай ЗША абмеркавалі сытуацыю зь беларускімі палітвязьнямі, нядаўна запушчаны стратэгічны дыялёг паміж Беларусьсю і ЗША і плянаванае прызначэньне спэцпасланьніка па Беларусі, а таксама паказала ёй архіўнае відэа яе візыту ў Менск у 1994 годзе, калі Клінтан разам з жонкай Шушкевіча развозілі гуманітарную дапамогу па дзіцячых бальніцах, на што Гілары адрэагавала эмацыйна 👆🏻.
На палях канфэрэнцыі Ціханоўская на паразмаўляла зь лідарам дэмакратаў у Палаце прадстаўнікоў ЗША Хакімам Джэфрызам, з прэзыдэнткай фонду Signal і віцэ-прэзыдэнткай OPENAI:
https://smarturl.click/O00oz
СМІ: Цела Навальнага ў моргу Салехарда, на ім выявілі сінякі
Паводле крыніцы выданьня «Новая газета. Европа», па стане на 17 лютага ўскрыцьце не праводзілі. Крыніцы ў «хуткай» паведамілі выданьню, што на целе Навальнага былі выяўленыя сінякі, атрыманыя пры жыцьці — але не ад зьбіцьця.
На думку супрацоўніка «хуткай», такія пашкоджаньні, як апісвалі іх тыя, хто бачыў, могуць зьявіцца ад сутаргаў — калі чалавек б’ецца ў моцных канвульсіях, а яго спрабуюць утрымаць. Паводле крыніцы, на грудзях у Навальнага таксама пабачылі сіняк, што можа быць вынікам непрамога масажу сэрца.
Што яшчэ вядома на цяперашні час:
https://smarturl.click/PQ8B
Былая «чорная зона» са 150 палітвязьнямі. Расказваем пра калёнію, дзе Ігара Лосіка ўжо год трымаюць бяз сувязі з роднымі
Ад журналіста Свабоды Ігара Лосіка няма зьвестак роўна год. Апошні ліст ад палітвязьня яго родныя атрымалі 20 лютага 2023 году. Расказваем пра наваполацкую калёнію ўзмоцненага рэжыму, адміністрацыя якой ізалявала ад вонкавага сьвету ня толькі Ігара, але і іншых вядомых палітычных зьняволеных.
https://smarturl.click/9zzBj
Як Беларусь жыве без расейскіх і кітайскіх крэдытаў і на што гэта ўплывае. Разьбіраемся
Апошні крэдыт ад Расеі Беларусь атрымала на імпартазамяшчэньне — 1,7 мільярда даляраў у 2022 годзе, Кітай не даваў крэдытаў з 2019 году. Як гэта ўплывае на эканоміку?
https://smarturl.click/w997n
Найважнейшае за 19 лютага:
🔸 Маці Навальнага зноў ня выдалі цела палітыка і сказалі, што гэта адбудзецца не раней, чым праз 14 дзён — ідзе «хімічная экспэртыза»
🔸 «Паліна ў такіх жа ўмовах, як Навальны». Як адрэагавалі на гібель Навальнага беларускія палітвязьні і іх родныя
🔸 «Я працягну справу Аляксея», — Юлія Навальная выпусціла відэазварот пасьля сьмерці мужа ў калёніі
🔸 Чым бліжэй да выбараў, тым большы страх. Што ня так з вэрсіяй пра ўкраінскіх дывэрсантаў?
🔸 Дэмакратычныя сілы дамовіліся аб працэдуры выбараў у Каардынацыйную раду
🔸 У Бялградзе зьявіліся плякаты ў падтрымку Лукашэнкі. Хто за імі стаіць? ФОТА
🔸 Беларуская міліцыя перайшла на ўзмоцнены перад выбарамі парадак нясеньня службы
🔸 Як Беларусь жыве без расейскіх і кітайскіх крэдытаў і на што гэта ўплывае. Разьбіраемся
🔸 У Менску заклікалі пашыраць ужываньне беларускай мовы і анансавалі выхад невядомай аповесьці Ўладзімера Караткевіча
🔸 У Беларусі падрыхтавалі законапраект аб адказнасьці за «прапаганду нетрадыцыйных сямейных адносін». Раней падобны ўвялі ў Расеі
🔸 Улады хочуць уніфікаваць цэны на паслугі ў прыватных і дзяржаўных мэдустановах
🔸 Калі заўтра вайна... Як Пуцін можа напасьці на Эўропу
Беларускі кінарэжысэр заклікае Сэрбію не выдаваць яго ў Беларусь: «Я не хацеў бы падзяліць лёс Навальнага»
Апэляцыйны суд Сэрбіі разгледзеў 19 лютага справу аб экстрадыцыі беларускага рэжысэра Андрэя Гнета.
«Калі мяне выдадуць у Беларусь, маё жыцьцё будзе разбуранае», — заявіў беларускі журналіст, рэжысэр і апазыцыйны дзеяч Андрэй Гнёт 19 лютага перад судом у Бялградзе, паведамляе Балканская служба Радыё Свабода.
Ён быў арыштаваны 30 кастрычніка 2023 года ў аэрапорце Бялграда па запыце Беларусі, якая абвінавачвае яго ў нібыта ўхіленьні ад выплаты падаткаў, і з таго часу ён знаходзіцца пад вартай у Бялградзе. Высокі суд Бялграда ў сьнежні пастанавіў, што ўмовы для яго экстрадыцыі былі выкананы.
Адвакаты Андрэя Гнёта падалі апэляцыю, і рашэньне апэляцыйнага суду павіннае быць прынятае цягам бліжэйшага месяца.
https://smarturl.click/AddmM
У Бялградзе зьявіліся плякаты ў падтрымку Лукашэнкі. Хто за імі стаіць? ФОТА
Ультраправая арганізацыя «Нашы кансэрватыўныя рухі» расклеіла ў Бялградзе плякаты ў падтрымку Аляксандра Лукашэнкі.
Плякаты з абліччам Аляксандра Лукашэнкі і надпісам «Сэрбія з Лукашэнкам» заўважылі карэспандэнты сэрбскай службы Радыё Свабодная Эўропа ў цэнтры Бялграда 19 лютага. Плякаты былі расклееныя за некалькі дзён да дня галасаваньня ў Беларусі, прызначанага на 25 лютага.
Здымкі гэтых плякатаў таксама даслалі і ў беларускую службу Радыё Свабода.
https://smarturl.click/Yzzal
Чым бліжэй да выбараў, тым большы страх. Што ня так з вэрсіяй пра ўкраінскіх дывэрсантаў?
У мінулым ужо шмат разоў падчас розных палітычных абвастрэньняў беларускія ўлады ўкідвалі ў інфармацыйную прастору скандальныя гісторыі пра страшных тэрарыстаў, дывэрсантаў, баевікоў, якія зьбіраліся парушыць беларускую стабільнасьць. Чым тое канчалася раней? І што маем цяпер?
Піша Валер Карбалевіч.
https://smarturl.click/pppzA
Выхавальніка дзіцячага садка ў Шуміліне абвінавачваюць у сэксуальным гвалце, які працягваўся 16 гадоў
Сярод пацярпелых 166 асоб. Эпізоды цягнуцца з 2007 году. Падазраваны неаднаразова зьдзяйсьняў у дачыненьні да малалетніх гвалтоўныя дзеяньні сэксуальнага характару, заявіў генпракурор Беларусі Андрэй Швед у Палаце прадстаўнікоў.
Таксама расьсьледуецца крымінальная справа па факце бязьдзейнасьці ў дачыненьні да загадчыцы дзіцячага садка, якая ігнаравала падазрэньні бацькоў.
Лукашэнка сустрэўся зь лідэрам басьнійскіх сэрбаў Додзікам. Чым ён вядомы
Лукашэнка сустракаецца з прэзыдэнтам Рэспублікі Сэрбскай — аўтаномнай часткі Босьніі і Герцагавіны Міларадам Додзікам. Хто гэта такі? Сабралі асноўную інфармацыю пра палітыка, які не хавае сваіх прарасейскіх поглядаў і намагаецца раскалоць БіГ.
https://smarturl.click/JDDjv
Кіраўнік МУС Кубракоў: Увесь Менск знаходзіцца пад відэаназіраньнем
У Міністэрстве ўнутраных спраў Беларусі падчас выбараў будзе дзейнічаць апэратыўна-сытуацыйны штаб, паведаміў кіраўнік ведамства. Паводле яго, выява з камэр назіраньня на аб’ектах з выбарчымі ўчасткамі «будзе выведзена» ў гэты штаб.
https://smarturl.click/EeeWW
Роўна 35 гадоў таму, у гэты дзень адбыўся мітынг на стадыёне «Дынама» ў Менску. У ім узялі ўдзел дзясяткі тысяч чалавек, ён стаў першым дазволеным у БССР пад нацыянальнымі сьцягамі. Яго арганізавалі БНФ і Канфэдэрацыя беларускіх суполак (на той момант каля 100 моладзевых нацыянальна-дэмакратычных арганізацый).
Читать полностью…
Найважнейшае за 18 лютага:
🔸 Родным Навальнага агучылі новую прычыну сьмерці палітыка. СМІ: на ягоным целе выявілі сінякі
🔸 Ціханоўская ў Мюнхэне: сустрэчы з Гілары Клінтан і Блінкенам, з кіраўніцтвам Signal і ChatGPT
🔸 З часу апошняй аблавы на сем’і палітвязьняў BySol вывез зь Беларусі больш за 35 чалавек
🔸 Беларускі Чырвоны Крыж пасьля страты фінансаваньня хоча абавязаць менскіх мэдыкаў пералічваць яму грошы — Фонд мэдычнай салідарнасьці
🔸 У Бэрліне назвалі пераможцаў Беларускай прэміі кінакрытыкаў «Чырвоны верас»
🔸 Колькасьць стратных арганізацыяў у сельскай гаспадарцы Беларусі за год вырасла амаль удвая
🔸 Віцэ-сьпікер парлямэнту Славакіі прапанаваў аднавіць дэпутацкую групу сяброўства зь Беларусьсю
🔸 Найлепшыя беларускія кнігі для дзяцей і падлеткаў: абвясьцілі ляўрэатаў прэміі Цёткі
🔸 Артур Камароўскі: «Ствараючы новы часопіс паэзіі, мы не імкнуліся заняць нечае месца»
Праваслаўнага сьвятара з Рагачова арыштавалі за падпіскі пасьля вяртаньня з Італіі
У пачатку лютага, пасьля вяртаньня з паездкі ў Італію, быў затрыманы сьвятар Ігар Кавальчук, былы настаяцель парафіі Усьпеньня Сьвятой Багародзіцы аграгарадка Гарадзец.
Як піша «Хрысьціянская візія», тэлефоне сьвятара былі знойдзеныя падпіскі на «экстрэмісцкія» рэсурсы, на яго быў складзены пратакол паводле артыкулу 19.11 КаАП Беларусі.
Сьвятара асудзілі да адміністрацыйнага арышту тэрмінам на 15 сутак.
https://smarturl.click/xBBGQ
З часу апошняй аблавы на сем’і палітвязьняў BySol вывез зь Беларусі больш за 35 чалавек
Пра гэта паведаміў кіраўнік BySol Андрэй Стрыжак і расказаў, чым гэтая хваля эвакуацыі адрозьнівалася ад іншых.
«Пасьля таго, як сілавікі пайшлі па сваяках палітвязьняў, адбыўся ўсплёск. За гэтыя тры тыдні было вывезена больш за 35 чалавек. А калі глядзець на статыстыку, то ва ўмоўна спакойным часе цягам трох тыдняў было б чалавек 10-15», — кажа Андрэй Стрыжак.
https://smarturl.click/baamB
🎥 У Бэрліне назвалі пераможцаў Беларускай прэміі кінакрытыкаў «Чырвоны верас»
У конкурсе бралі ўдзел 70 фільмаў 2021 і 2022 гадоў — створаныя беларусамі гульнявыя, дакумэнтальныя і анімацыйныя карціны, кароткамэтражнае і поўнамэтражнае кіно. Узнагароды ўручылі ў 13 катэгорыях.
«Найлепшымі дакумэнтальнымі поўнамэтражнымі фільмамі» названыя «Мара» Сашы Кулак і «Сьмеласьць» Аляксея Палуяна, «Найлепшы гульнявы поўнамэтражны фільм» — «Спатканьне ў Менску» Мікіты Лаўрэцкага.
Сьпіс пераможцаў цалкам: https://smarturl.click/1ddy6
Колькасьць стратных арганізацыяў у сельскай гаспадарцы Беларусі за год вырасла амаль удвая
Па выніках 2023 году ў сельскай гаспадарцы колькасьць стратных арганізацый павялічылася з 42 да 78 (у 1,9 раза). Рост адбыўся нават нягледзячы на істотнае павелічэньне дзяржаўнай падтрымкі ў 2023 годзе адносна 2022-га — на 29%, або на 900 мільёнаў рублёў:
https://smarturl.click/z22eA