17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Рэабілітуем культуру і ствараем новую». Арт-рэзыдэнцыя беларусаў у Варшаве просіць дапамогі
Кіраўнік «Дома творцаў» Сяржук Доўгушаў кажа, што ўстанова пад пагрозай закрыцьця. Уладальнік памяшканьня істотна павысіў кошт арэнды, скарацілася партнэрская падтрымка.
https://smarturl.click/ba4qB
Мінабароны Беларусі зноў прымае дэлегацыю з Ірану. Гэта ўжо трэцяя сустрэча абаронных ведамстваў за 2 тыдні
У рамках візыту 13 жніўня начальнік галоўнага ўпраўленьня ідэалягічнай працы Мінабароны Беларусі генэрал-маёр Леанід Касінскі і начальнік дэпартамэнту СМІ Генштабу Ўзброеных сіл Ірану палкоўнік Маджтаба Абдалмалекі абмеркавалі «пытаньні ўзаемадзеяньня ў інфармацыйнай сфэры», паведамляе Мінабароны.
Гэта ўжо трэці афіцыйны візыт па лініі абаронных ведамстваў Беларусі і Ірану за апошнія два тыдні. Больш пра сёлетнія кантакты Беларусі і Ірану: https://smarturl.click/Ad6VR
З пачатку мігранцкага крызісу на мяжы Беларусі з краінамі ЭЗ загінулі больш за 100 мігрантаў, — праваабаронцы
Сама меней 116 мігрантаў, якія спрабавалі незаконна трапіць зь Беларусі ў краіны ЭЗ, памерлі на мяжы зь вясны 2021 па канец сакавіка 2024 году, вынікае з дакладу праваабаронцаў. Акрамя гэтага, сьведкі казалі яшчэ пра сама меней 26 выпадкаў сьмерцяў на мяжы з Польшчай, Літвой і Латвіяй.
Загінулыя былі грамадзянамі Іраку, Афганістану, Гвінэі, Эгіпту, Індыі, Нігерыі, Сырыі, Самалі, Пакістану, Турэччыны і іншых краін. Непасрэдна на тэрыторыі Беларусі за гэты час памерлі сама меней 47 чалавек:
https://smarturl.click/Yz4Mv
Зяленскі: пад кантролем украінскіх вайскоўцаў 74 населеныя пункты Курскай вобласьці
Такую лічбу назваў Зяленскаму галоўнакамандуючы Ўзброенымі сіламі Ўкраіны Аляксандар Сырскі. Ён паведаміў, што ўкраінскія войскі за 13 жніўня прасунуліся ў Курскай вобласьці на адлегласьць ад 1 да 3 км і атрымалі кантроль над тэрыторыяй у 40 км²; цяпер пад кантролем Украіны знаходзяцца 74 населеныя пункты Курскай вобласьці.
Кіраўнік Курскай вобласьці Аляксей Сьмірноў учора казаў, што УСУ захапілі 28 паселішчаў рэгіёну. Экспэрты амэрыканскага Інстытуту вывучэньня вайны (ISW), па выніках аналізу заяваў і відэаматэрыялаў з геалякацыяй, мяркуюць, што на 11 жніўня ўкраінскія сілы дзейнічалі ў 29 паселішчах Курскай вобласьці ці паблізу іх і ў 40 паселішчах — на 12 жніўня:
https://smarturl.click/O0X43
«Самы вялікі страх у турме — гэта што пра цябе забудуць»
На якіх умовах могуць вызваліць Марыю Калесьнікаву? Яна — адна з 1253 жанчын, асуджаных у палітычных справах у Беларусі. 153 зь іх праваабаронцы прызналі палітзьняволенымі. Ужо некалькі гадоў палітзьняволеным жанчынам дапамагае «Палітвязынка», якая з мастацкага пераўтварылася ў мэдыйны праект, прысьвечаны палітзьняволеным беларускам.
Суразмоўца Ганны Соўсь — Яўгенія Доўгая, стваральніца «Палітвязынкі»:
🎥 ВІДЭА цалкам: https://youtu.be/-q2QUEfJRo0
19-гадовы вайсковец тэрміновай службы зьдзейсьніў суіцыд на памежнай заставе «Дзівін» ля мяжы з Украінай
Вайсковец 2005 году нараджэньня быў прызваны сёлета ў красавіку, праходзіў тэрміновую службу ў Пінскім памежным атрадзе. Яго цела з прыкметамі суіцыду знайшлі 10 жніўня.
«Па службе характарызаваўся станоўча. Папярэдне прычына суіцыду абумоўленая асабістымі абставінамі і не зьвязана з праходжаннем вайсковай службы», — паведамляе Пінскі памежны атрад: Пра ранейшыя выпадкі суіцыду ў войску:
https://smarturl.click/gp4MB
Ва Ўкраіне патлумачылі, навошта напалі на Курскую вобласьць
У МЗС Украіны заявілі, што ўварваньне ў Курскую вобласьць было абумоўлена неабходнасьцю спыніць абстрэлы Ўкраіны з гэтага рэгіёну Расеі (бо Ўкраіна ня мае дазволу наносіць удары па тэрыторыі РФ наяўнай далёкабойнай зброяй), а таксама ўскладніць лягістыку для перакіданьня рэзэрваў расейскага войска на фронт у Данецкай вобласьці.
Расказваем, што вядома пра баі ў Курскай вобласьці на сёмы дзень баявых дзеяньняў:
https://smarturl.click/1d8aY
«Гэта не нязломнасьць, гэта адэкватнасьць». Сябры Анджэя Пачобута пра тое, чаму ён не здаецца
«Мы ня чуем голасу самога Анджэя Пачобута. То кажуць, што ён не згаджаецца, то, наадварот, ужо пагаджаецца — гэта гавораць за яго. А мы ня чулі Анджэя ўжо тры гады. Таму давайце не пераказваць чужыя словы». Расказваем пра журналіста, за вызваленьне якога ўлады Польшчы гатовыя адкрыць памежны пераход у Баброўніках.
https://smarturl.click/Q1jJ3
У МАГАТЭ пакуль не знайшлі доказаў заяў Украіны і Расеі аб прычынах пажару на Запароскай АЭС
У той жа час экспэрты паведамілі, што не змаглі агледзець цалкам увесь аб’ект, бо не атрымалі дазволу зь меркаваньняў бясьпекі.
https://smarturl.click/M13Zb
У Інстытуце вывучэньня вайны ўдакладнілі тэрыторыю, якую ў Курскай вобласьці кантралюе Ўкраіна
У ISW нагадалі, што расейскія войскі ў студзені-ліпені 2024 году занялі дадатковыя 1 175 квадратных кілямэтраў украінскай тэрыторыі.
https://smarturl.click/Ad6oy
На мяжы Беларусі з Эўразьвязам зноў чэргі. На ўезд у Польшчу чакае амаль тысяча легкавых аўтамабіляў
Раніцай 13 жніўня ў чэргах на мяжы з краінамі Эўразьвязу стаяла 815 легкавых аўтамабіляў, паведаміў Дзяржаўны памежны камітэт Беларусі.
https://smarturl.click/Zy485
Дзень памяці Якуба Коласа
13 жніўня 1956 году памёр народны паэт Беларусі Якуб Колас, грамадзкі дзяяч, перакладчык, пэдагог. Колас лічыцца адным з заснавальнікаў сучаснай беларускай літаратуры.
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/0egRv
На выяве — лінагравюра зь Якубам Коласам, работа Васіля Шаранговіча
Галоўнае за 12 жніўня
📌 «ПіК Свабоды». Чым Лукашэнку напалохаў наступ у Курску
📌 Для Лукашэнкі непасрэдны ўдзел у вайне з Украінай — гэта хуткая палітычная сьмерць, — Яўген Магда
📌 Спачатку маўчаньне, потым — бурная рэакцыя. Хто прымусіў Лукашэнку мітусіцца
📌 Сілы абароны Ўкраіны: Беларусь павінна разабрацца з Расеяй наконт бесьпілётнікаў у сваім небе
📌 У Беларусі прапаноўваюць увесьці крымінальную адказнасьць за «пагрозы былому прэзыдэнту і членам ягонай сям’і»
📌 Лукашэнка зьняў віцэ-прэм’ера і адправіў яго на Берасьцейшчыну
📌 Палітвязьняў прымушаюць пісаць прашэньні аб памілаваньні — іх родным тэлефануе Васкрасенскі
📌 «Пачобута ахоўнікі паміж сабой называюць „паляк“». Былы зьняволены наваполацкай калёніі расказаў пра сытуацыю ў вязьніцы
📌 Rzeczpospolita: Пачобут пагадзіўся пакінуць Беларусь у выпадку вызваленьня
📌 Першая Алімпіяда з гендэрнай роўнасьцю, фэномэн турэцкага стралка і спэкуляцыі вакол «трансгендэра». Разьбіраем гучныя падзеі з экспэрткай
Што мяняе для Лукашэнкі пераход вайны на тэрыторыю Расеі? Адказваюць экспэрты
Як украінскі наступ у Курскую вобласьць Расеі ўплывае на рыторыку Лукашэнкі? Што прымушае яго мітусіцца, рабіць заявы пра нібыта зьбітыя над Беларусьсю ўкраінскія бесьпілётнікі — і ў той жа час не заўважаць шахэды з Расеі, якія заляталі на тэрыторыю Беларусі? Падзеі ў Курскай вобласьці і іх уплыў на дзеяньні Лукашэнкі абмяркоўваюць Ігар Тышкевіч, украінскі палітоляг беларускага паходжаньня, экспэрт Украінскага інстытуту будучыні, і Міхайла Самусь, экспэрт Цэнтру дасьледаваньняў арміі, канвэрсіі і раззбраеньня.
https://youtu.be/bbi5qTTfzFI
Улады Курскай вобласьці прызналі страту кантролю над 28 населенымі пунктамі
28 населеных пунктаў у Курскай вобласьці на дадзены момант знаходзяцца пад кантролем узброеных сіл Украіны. Пра гэта падчас нарады з прэзыдэнтам Расеі Ўладзімірам Пуціным заявіў часовы выканаўца абавязкаў губэрнатара вобласьці Аляксей Сьмірноў.
Ён таксама сказаў, што лінія баявых сутыкненьняў размытая і нестабільная. Украінскія войскі праніклі прыкладна на 40 кілямэтраў углыб расейскай тэрыторыі. Усяго зона баёў і ўкраінскага кантролю складае прыкладна 480 квадратных кілямэтраў. З Курскай вобласьці, сказаў Сьмірноў, былі эвакуіраваныя або выехалі самастойна ўжо 121 тысяча жыхароў, і каля 180 тысяч чалавек маюць патрэбу ў эвакуацыі.
https://smarturl.click/3kqZg
44 гады таму пачаўся легендарны страйк, які запачаткаваў польскую «Салідарнасьць»
14 жніўня 1980 году ў Польшчы пачаўся страйк на чале зь Лехам Валэнсам, у выніку якога паўстаў незалежны прафсаюз «Салідарнасьць». Страйк на Гданьскай вэрфі пачаўся пасьля таго, як там 7 жніўня з палітычных матываў звольнілі Ганну Валентыновіч, якой заставалася пяць месяцаў да пэнсіі.
Пра іншыя падзеі 14 жніўня ў гісторыі чытайце ў матэрыяле «Ўжо сёньня»: https://smarturl.click/B6En9
Вядомы кібэрзлачынца, арыштаваны ў выніку міжнароднай апэрацыі, аказаўся беларусам. Што пра яго вядома
У выніку міжнароднай апэрацыі быў арыштаваны «адзін з самых „плённых“ рускамоўных удзельнікаў кібэрзлачынстваў у сьвеце». Ім аказаўся 38-гадовы беларус Максім Сільнікаў. Пошук Сільнікава і ягонай хакерскай групоўкі Нацыянальнае агенцтва па барацьбе са злачыннасьцю Вялікай Брытаніі вяло з 2015 году. Паралельныя расьсьледаваньні таксама вялі Сакрэтная служба ЗША і ФБР. Расказваем падрабязнасьці:
https://smarturl.click/xBy5Y
Галоўнае за 13 жніўня
🚗 На мяжы Беларусі з Эўразьвязам зноў чэргі. Уезду чакае амаль тысяча легкавых аўтамабіляў
🇮🇹 Пасольства Італіі ў Менску заявіла, што будзе правяраць мэтавае выкарыстаньне візаў
❗️19-гадовы салдат тэрміновай службы скончыў жыцьцё самагубствам на памежнай заставе каля Пінску
🗣 Ва Ўкраіне патлумачылі, навошта напалі на Курскую вобласьць. Зяленскі: пад кантролем УСУ 74 населеныя пункты
📲 Расейскія вайскоўцы пры нападзе на поўнач Украіны карысталіся нумарамі беларускіх апэратараў
👫 Навіны 7-гадовай даўнасьці і рэкляма крыптавалюты. Што адбываецца зь некалі папулярнымі сайтамі зачыненых СМІ і НДА
🙍🏻♂️«Гэта не нязломнасьць, гэта адэкватнасьць». Сябры Анджэя Пачобута пра тое, чаму ён не здаецца
👫«ПіК Свабоды». На якіх умовах могуць вызваліць Калесьнікаву? Разважае стваральніца «Палітвязынкі»
🎥 «Сьведкі Лукашэнкі». Алесь Міхалевіч: Для Пуціна зрынаньне Лукашэнкі — гэта начны кашмар
У Менску падчас затрыманьня са стралянінай забілі падазраванага ў забойстве, які хаваўся тры гады
Сёньня менская міліцыя пры падтрымцы АМАПу затрымлівала падазраванага ў забойстве, якое адбылося ў Менску ў раёне праспэкту Ракасоўскага ў 2021 годзе. Спачатку ў МУС заявілі, што мужчына пры затрыманьні адкрыў агонь, таму сілавікі ўжылі зброю ў адказ, а пасьля мужчыну «з раненьнем даставілі ў мэдустанову». Пазьней жа ў Тэлеграм-канале МУС паведамілі, што падазраванага забілі:
https://smarturl.click/op6MD
Алесь Міхалевіч: Для Пуціна зрынаньне Лукашэнкі — гэта начны кашмар
У новым відэа праекту «Сьведкі Лукашэнкі» — адвакат, палітык, былы кандыдат у прэзыдэнты Алесь Міхалевіч. Ён узгадвае, як на прэзыдэнцкіх выбарах 1994 году выкарыстоўваў адміністратыўных рэсурс за Зянона Пазьняка, распавядае, за што яго выключылі з Партыі БНФ, у якую ён уступіў у 18 гадоў, і называе падзеі 2020 году «адкладзенай перамогай».
ВІДЭА цалкам: https://www.youtube.com/watch?v=Lz7KbV58jN8
Да +33 градусаў. У Беларусь вяртаецца сьпёка
Паводле зьвестак сыноптыкаў, тэмпэратура паветра ў Беларусі пачне падвышацца ўжо ад заўтра. 14 жніўня максымальная тэмпэратура днём складзе +21..+27°С, 15 жніўня — да +30°С па паўднёвым захадзе Беларусі, 16 жніўня максымальная тэмпэратура паветра ўдзень +23..+30°С, па паўднёвым захадзе — да +32°С.
Паводле сайту meteo.by, які дае больш доўгатэрміновыя прагнозы, рост тэмпэратуры паветра чакаецца ў Беларусі і ў наступныя дні. У цэлым сьпёка паступова пачне спадаць з панядзелка 19 жніўня:
https://smarturl.click/9z83v
Пасольства Італіі ў Менску заявіла, што будзе правяраць мэтавае выкарыстаньне візаў
Пры паўторным звароце па візу заяўнікі павінны будуць прадставіць сьведчаньні ранейшых паездак у Італію.
https://smarturl.click/3kqA7
Расейскія вайскоўцы пры нападзе на поўнач Украіны карысталіся нумарамі беларускіх апэратараў
Ва Ўкраіне адразу ў некалькіх справах, якія датычацца ваенных злачынстваў вайскоўцаў расейскай арміі, сьледчыя вывучаюць сыгналы і перамяшчэньні ўласьнікаў тэлефонных нумароў беларускіх мабільных апэратараў.
https://smarturl.click/vwn55
Reuters: Расея ў абыход санкцыяў змагла атрымаць гатоўкай больш за два мільярды даляраў і эўра
Расея з пачатку ваеннага ўварваньня ва Ўкраіну змагла атрымаць гатоўкай каля 2,3 мільярда даляраў і эўра, нягледзячы на забарону ЗША і Эўразьвязу ўвозіць банкноты на расейскую тэрыторыю.
https://smarturl.click/gp4no
Алімпіяда ў Парыжы стала самай эканомнай сярод праведзеных у ХХІ стагодзьдзі
Алімпійскія гульні каштавалі Францыі рэкордна танна — прыкладна $15 млрд. Гэта амаль у чатыры разы менш, чым выдаткаваў Кітай на Пэкін-2008.
https://smarturl.click/Yz4Ba
Навіны 7-гадовай даўнасьці і рэкляма крыптавалюты. Што адбываецца зь некалі папулярнымі сайтамі зачыненых СМІ і НДА
Замест СМІ — навіны пра крыптавалюту, замест НДА — сайт казіно. Чаму дзяржава адбірае дамэны ў СМІ і НДА і што зь імі пасьля адбываецца.
https://smarturl.click/VD5lQ
Для Лукашэнкі непасрэдны ўдзел у вайне з Украінай — гэта хуткая палітычная сьмерць, — Яўген Магда
Украінскі палітоляг, дырэктар Інстытуту сусьветнай палітыкі Яўген Магда сьцьвярджае, што ў Кіеве апошнія заявы афіцыйнага Менску ўспрынялі іранічна; лічыць, што Лукашэнка псэўдаактыўнасьцю вымушаны апраўдвацца за сваё бязьдзеяньне перад Масквой; і дае ўласны адказ на пытаньне, што будзе, калі Масква загадае беларускаму войску ўступіць у вайну.
Чытайце інтэрвію цалкам:
https://smarturl.click/M13wV
Абвінавачанага ў «падрыхтоўцы тэракту ў Дзень перамогі» завочна асудзілі да 20 гадоў калён
Суд у гучнай справе «падрыхтоўкі тэракту ў Дзень перамогі» распачаўся ў Менскім гарадзкім 26 ліпеня ў закрытым рэжыме. Судзілі адразу пяць чалавек: 25-гадовага Валера Водзіна (завочна), 29-гадовага Андрэя Грыгор’ева, 30-гадовую Вікторыю Волчак, 25-гадовую Ганну Савачкіну і яе маці Таццяну Русак. Іх абвінавачвалі у тым ліку ў «здрадзе дзяржаве» (ч. 1 арт. 356 КК) і «падрыхтоўцы да акту тэрарызму» (ч. 1 арт. 13 і ч. 2 арт. 289 КК). Працэс у справе скончыўся 9 жніўня.
Праваабаронцам «Вясны» стала вядома, што 25-гадовага Валера Водзіна (на здымку справа ўверсе) судзілі ў парадку спэцвытворчасьці і асудзілі да 20 гадоў калёніі і буйны штрафу ў памеры 600 базавых вялічыняў (24 тысячаў рублёў). Пакараньні яшчэ чатыром фігурантам высьвятляюцца.
https://smarturl.click/VD544
Палітвязьняў прымушаюць пісаць прашэньні аб памілаваньні — іх родным тэлефануе Васкрасенскі
Праваабаронцы атрымліваюць сьведчаньні таго, што апошні час палітвязьняў масава прымушаюць пісаць прашэньні аб памілаваньні на імя Лукашэнкі. Гэта адбываецца ў розных месцах няволі па ўсёй краіне. Пра гэта паведамляе тэлеграм-канал праваабарончага цэнтру «Вясна».
У ліпені «Вясна» паведамляла, што ў наваполацкую калёнію № 1 кожны дзень прыяжджаюць прадстаўнікі менскай пракуратуры, якія прымушаюць палітвязьняў пісаць прашэньні аб памілаваньні.
Таксама ў апошнія тыдні актывізаваўся Юры Васкрасенскі — ён тэлефануе родным палітвязьняў і распавядае ім пра ўмовы і акалічнасьці памілавання, агітуючы за тое, каб іх сваякі за кратамі напісалі прашэньне на імя Лукашэнкі.
https://smarturl.click/2q8kX
Беларуская рэжысэрка Дар’я Жук здымае навукова-фантастычную драму-антыўтопію
Фільм убірае ў сябе змрочную навукова-фантастычную сатыру на сучасны аўтарытарызм.
https://smarturl.click/vwnvg