17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Легіён «Свабода Расеі» паведаміў аб прарыве ўкраінска-расейскай мяжы
Прадстаўнік вайсковай выведкі Міністэрства абароны Ўкраіны Андрэй Юсаў у размове з прэсай адзначыў, што Легіён «Свабода Расеі», Расейскі добраахвотніцкі корпус і Сібірскі батальён на тэрыторыі Расеі дзейнічаюць як самастойныя падразьдзелы, бо складаюцца з расейцаў.
https://smarturl.click/LYGaM
Украіна бесьпілётнікамі атакавала 7 абласьцей Расеі, гараць сховішчы з палівам
Міністэрства абароны Расеі заявіла, што ў ноч на 12 сакавіка СПА «зьнішчылі і перахапілі» над расейскімі рэгіёнамі 25 украінскіх бесьпілётнікаў. Расейскае ведамства заяўляе, што над Белгарадзкай вобласьцю зьнішчаны 7 дронаў, над Курскай — 11, над Маскоўскай і Арлоўскай — па 2, а ў Бранскай, Ленінградзкай і Тульскай — па 1. Пазьней Мінабароны паведаміла аб яшчэ адным зьбітым над Курскай вобласьцю.
Што адбылося?
https://smarturl.click/Adex3
«White Russia», «Russian Empire», «Born in Belarus». Як беларускіх мастакоў пераймяноўваюць у сусьветных музэях
Сёлета Хаім Суцін за месяц ператварыўся з «рускага» ў «народжанага ў Беларусі». Гісторыя адбылася ў амэрыканскім музэі. Ёсьць і іншыя мастакі зь беларускімі каранямі, якіх падпісваюць па-іншаму. Даведаліся, як ідзе кампанія за зьмену подпісаў пад творамі мастакоў беларускага паходжаньня ў сьвеце.
https://smarturl.click/B6e40
У Менску адмянілі паказы фільмаў расейскага рэжысэра Аляксандра Сакурава. Раней на яго скардзіўся Азаронак
У Менску адмянілі паказы фільмаў расейскага рэжысэра Аляксандра Сакурава, паведамляе расейскае выданьне «Медиазона» са спасылкай на адміністрацыю кінатэатра Falcon Club.
Фільмы «Сонца» і «Казка» меліся быць паказаныя 11 і 13 сакавіка.
Раней на прыезд у Менск расейскага рэжысэра Аляксандра Сакурава і яго вучня Аляксандра Залатухіна скардзіўся супрацоўнік дзяржаўнага тэлеканалу СТВ Рыгор Азаронак.
https://smarturl.click/e565X
Кайданкі для Мірсалімавай. Якую пагрозу для рэжыму Лукашэнкі нясуць прыхільнікі «рускага сьвету»
Перасьлед з боку ўладаў Беларусі прарасейскай актывісткі Эльвіры Мірсалімавай выявіў праблему, якая стала вынікам афіцыйнага курсу існага рэжыму на ўсё шчыльнейшую інтэграцыю з Расеяй. Высьвятляецца, што гэтая інтэграцыя мае свае межы, «чырвоныя лініі», якіх ці то ня ўбачыла, ці то не захацела прызнаваць гэтая грамадзянка.
Аналіз палітычннага аглядальніка Свабоды Валера Карбалевіча:
https://smarturl.click/4kpMw
Дзеці Пуціна і Коля. Марк Фейгін разважае, у чым Пуцін хоча быць падобным да Лукашэнкі і што варта пераняць расейскай апазыцыі ў беларускай
Чым выбары Пуціна адрозьніваюцца ад выбараў Лукашэнкі? Які досьвед беларускіх дэмакратычных сілаў хоча пераняць расейская апазыцыя і чаму? Ці карэктна параўноўваць Навальную зь Ціханоўскай?
Пра гэта ды іншае мы пагаворым зь вядомым расейскім адвакатам і праваабаронцам Маркам Фейгіным, абвешчаным у вышук у Расеі, які запусьціў кампутарную праграму для правядзеньня альтэрнатыўных выбараў у Расеі.
Відэа:
https://www.youtube.com/watch?v=13T0CY7-nRs
Тэкст:
https://smarturl.click/VDvyj
«Аўтамабілі — у разабраным стане». Як сельскагаспадарчыя прадпрыемствы «сабатавалі» магчымую мабілізацыю ў Беларусі
Ня менш за 260 кіраўнікоў гаспадарак пакаралі за няспраўную тэхніку, прызначаную для мабілізацыі. У «лідэрах» пакараных — кіраўнікі аграрных прадпрыемстваў Гомельскай вобласьці
Юрыдычна гэта выглядае так: пачынаецца мабілізацыя, і прадпрыемствы тут жа прадстаўляюць Міністэрству абароны сваю тэхніку. Гэта, як вынікае з судовых пастаноў, аўтобусы, грузавікі МАЗ, самазвалы, бульдозэры, экскаватары і іншае. Мабілізацыі пакуль няма, але тэхніку правяраюць.
Пры праверках аказваецца, што тэхніка або не дапушчаная да руху (ня мае тэхагляду), або няспраўная, разабраная.
https://smarturl.click/M14Ea
Рэжысэр фільму пра Марыюпаль, адзначанага «Оскарам», падчас пратэстаў 2020 працаваў у Беларусі і зьняў момант першага забойства
Рэжысэр украінскага фільму «20 дзён у Марыюпалі» Мсьціслаў Чарноў працаваў на Associatad Press у Беларусі падчас буйных пратэстаў 2020 году.
Менавіта ён 10 жніўня зьняў момант забойства Аляксандра Тарайкоўскага — першага, забітага сілавікамі пратэстоўца. Якраз той матэрыял, апублікаваны апэратарам, стаў доказам таго, што Тарайкоўскага менавіта застрэлілі, бо ў МУС сьцьвярджалі, што Аляксандар загінуў ад выбухоўкі, якую нібыта трымаў у руках.
https://smarturl.click/0ejVW
Паміж Амэрыкай і Беларусьсю. Што зрабіла Воля Дземка, якой за некалькі дзён сабралі вялікую суму на лячэньне
«Не люблю гаварыць пра хваробу і хачу, каб мяне запомнілі не празь яе, а праз мае беларускія праекты». Так кажа беларуская рэжысэрка, сьпявачка, зьбіральніца фальклёру і нацыянальных строяў Воля Дземка з амэрыканскага Сіетлу.
https://smarturl.click/G6edD
Здымак з фэйсбуку Волі Дземкі
Беларусь на траціну павялічыла імпарт зброі за апошнія пяць гадоў
Усе ўзбраеньні Беларусь атрымлівала з Расеі. Статыстыку прывёў Стакгольмскі інстытут дасьледаваньня праблем міру.
Імпарт узбраеньня ў Беларусь у пэрыяд з 2019 да 2023 году павялічыўся на 30 % у параўнаньні з 2014-2018 гадамі.
https://smarturl.click/z2lxZ
У Беларусі пачаў працаваць адзіны партал сацыяльных паслуг
Напрыклад, працуе адзіная тэлефонная служба па нумары 139. Можна паразмаўляць з апэратарам онлайн праз адмысловае акно на сайце. Створана інтэрактыўная карта для самастойнага пошуку інфармацыі.
https://smarturl.click/jkpqb
Фільм пра трагедыю ўкраінскага Марыюпалю заваяваў «Оскар»
У Злучаных Штатах адбылася 96-я цырымонія ўручэньня прэмій Кінаакадэміі. Рэжысэр стужкі Мсьціслаў Чарноў заявіў, што для яго атрыманьне «Оскару» — гэта гонар. Аднак прызнаньне не прыносіць шчасьця.
«Я, напэўна, буду першым рэжысэрам на гэтай сцэне, які скажа, што хацеў бы ніколі не здымаць гэты фільм».
Расейскія СМІ паведамілі пра звальненьне галоўнакамандуючага ВМФ Расеі
Галоўнакамандуючы Вайскова-марскім флётам Расеі адмірал Мікалай Яўменаў адпраўлены ў адстаўку, паведамляюць выданьні «Фонтанка» і «Известия» са спасылкай на свае крыніцы.
Часовым выканаўцам абавязкаў галоўнакамандуючага, як сьцьвярджаецца, прызначаны камандуючы Паўночным флётам Аляксандар Майсееў. Аналягічную інфармацыю з раніцы апублікавалі некалькі праваенных ананімных тэлеграм-каналаў.
Навіна аб адстаўцы Яўменава супала са сьцьвярджэньнем камандаваньня Ўзброеных сіл Украіны, што Чарнаморскі флёт Расеі пятыя суткі не выходзіць на дзяжурства пасьля затапленьня ў выніку атакі марскімі бесьпілётнікамі чарговага свайго карабля — «Сяргея Котава». Украінская разьведка сьцьвярджае, што ў выніку ўдару загінулі сямёра маракоў, яшчэ 27 былі параненыя. У Міністэрстве абароны Расеі гэта не камэнтавалі.
https://smarturl.click/ZyLxj
У Менску адкрылі выставу пра дзеяча беларускай і татарскай культуры Ібрагіма Канапацкага
У Цэнтральнай навуковай бібліятэцы Акадэміі навук у Менску адкрылі выставу пра дзеяча беларуска-татарскага нацыянальнага адраджэньня Ібрагіма Канапацкага. Выстава да 75-годзьдзя з дня нараджэньня Ібрагіма Канапацкага (1949-2005) працуе ў чытальнай залі рэдкіх кніг і рукапісаў.
Ібрагім Канапацкі — грамадзкі і рэлігійны дзеяч беларуска-татарскага нацыянальнага адраджэньня, кандыдат гістарычных навук, намесьнік старшыні Беларускага грамадзкага аб’яднаньня татараў «Зікр уль-Кітаб».
Ён быў галоўным рэдактарам часопіса «Байрам» (ад 1999; часопіс выходзіў на беларускай мове) — першага пэрыядычнага выданьня беларускіх татараў за болей чым 600-гадовую гісторыю пасяленьня гэтага народу на землях Беларусі.
https://smarturl.click/DaXZe
Павел Латушка абмеркаваў зь віцэ-маршалкам Сэнату Польшчы падтрымку незалежных беларускіх СМІ
У Варшаве адбылася сустрэча намесьніка старшыні Аб’яднанага пераходнага кабінэту, кіраўніка Народнага антыкрызіснага ўпраўленьня Паўла Латушкі зь віцэ-маршалкам верхняй палаты парлямэнту Польшчы Міхалам Камінскім.
На сустрэчы была дасягнутая дамоўленасьць аб правядзеньні ў Сэнаце Польшчы слуханьняў пра адказнасьць Аляксандра Лукашэнкі і ягонага рэжыму за злачынствы супраць чалавечнасьці.
Латушка адзначыў важнасьць працягу фінансавай падтрымкі тэлеканалу «Белсат» «як ключавога СМІ, які даносіць аб’ектыўную інфармацыю аб рэальнай сытуацыі ў Беларусі. Камінскі «пагадзіўся падтрымаць падчас сваіх сустрэч падыход аб важнасьці далейшай падтрымкі тэлеканалу і незалежных беларускіх СМІ ў цэлым».
https://smarturl.click/71dmR
У Эстоніі апазыцыя не падтрымлівае ініцыятыву пазбавіць беларусаў права на ўдзел у мясцовых выбарах
Прэм’ер-міністарка Эстоніі Кая Калас спадзявалася на падтрымку парлямэнцкай апазыцыі, каб часова пазбавіць права голасу беларусаў і расейцаў на мясцовых выбарах. Але ў кіроўнай кааліцыі так і не змаглі прыйсьці да адзінай думкі.
https://smarturl.click/yqk5d
Лукашэнка пасьля дыпляматычнага скандалу зьняў з пасады пасла ў 🇸🇪 Швэцыі Мірончыка
Таксама зьнятыя з пасадаў паслы ў 🇩🇪 Нямеччыне, 🇰🇬 Кіргізстане і 🇫🇮 Фінляндыі. Усе яны прадстаўлялі Беларусь у гэтых краінах ад 6 да 8 гадоў.
https://smarturl.click/71EvD
110-годзьдзе Ўладзімера Клішэвіча
Уладзімер Клішэвіч — паэт, публіцыст, вязень савецкіх турмаў, дзяяч эміграцыі ў ЗША. Пра ягоныя жыцьцё і творчасьць можна прачытаць у артыкуле «Паэт, якога праклялі сучасьнікі. 20 фактаў пра Ўладзімера Клішэвіча».
Іншыя падзеі дня 12 сакавіка — у матэрыяле «Ўжо сёньня»: https://smarturl.click/jk47k
Найважнейшае за 11 сакавіка
🔸 Абвясьцілі збор сродкаў на помнік Ігару Ледніку
🔸 У Беларусі пачаў працаваць адзіны партал сацыяльных паслуг
🔸 Як мінімум 1563 грамадзкія аб’яднаньні ліквідавалі ў Беларусі з 2020 году
🔸 У Беларусі абвясьцілі аб праверцы баявой гатоўнасьці арміі
🔸 Лукашэнка прызначыў кіраўніка кампаніі «Белспэцзьнештэхніка», якая знаходзіцца пад санкцыямі, дырэктараў «Атланта» і БелАЗа
🔸 Дзеці Пуціна і Коля. Марк Фейгін разважае, у чым Пуцін хоча быць падобным да Лукашэнкі і што варта пераняць расейскай апазыцыі ў беларускай
🔸 Кайданкі для Мірсалімавай. Якую пагрозу для рэжыму Лукашэнкі нясуць прыхільнікі «рускага сьвету»
🔸 388 тысяч сонечных модуляў, мэталапракатны завод. Як беларуская дзяржава забірала прадпрыемствы ў інвэстараў
🔸 «Аўтамабілі — у разабраным стане». Як сельскагаспадарчыя прадпрыемствы «сабатавалі» магчымую мабілізацыю ў Беларусі
🔸 Паміж Амэрыкай і Беларусьсю. Што зрабіла Воля Дземка, якой за некалькі дзён сабралі вялікую суму на лячэньне
🔸 Сьцяг Швэцыі вывесілі ля сядзібы NATO, краіна стала 32-м чальцом альянсу. ФОТА
🔸 Прэм'ер Вугоршчыны Орбан заявіў, што плян Трампа па спыненьні вайны палягае ў скарачэньні дапамогі Ўкраіне
Увага, пошук 🔎
Шукаем беларусаў, якія пастаянна ахвяруюць грошы на беларускія ініцыятывы ці беларусам, якім трэба дапамога!
Калі ласка, напішыце нам. Ананімнасьць гарантуем.
📬 Сувязь з рэдакцыяй. Telegram: @SvabodaBelarus; Signal: +37068643669
Лукашэнка прапанаваў ускласьці на жыхароў Менску частку выдаткаў на добраўпарадкаваньне двароў
Прызначаючы 11 сакавіка новых кіраўнікоў мясцовай вэртыкалі, Аляксандр Лукашэнка пракамэнтаваў скаргі, якія паступаюць ад жыхароў Менску на «неналежную якасьць утрыманьня дваровых тэрыторый, дарог і гэтак далей».
Ён прапанаваў частку выдаткаў на добраўпарадкаваньне двароў перакласьці на насельніцтва.
«Каб зрабіць у Менску за адзін раз усе двары (нешта мы пачалі, вядома, рабіць, нікуды ад гэтага ня пойдзеш), мы з нейкай вёскі забяром грошы. Лішніх грошай не бывае. Трэба тлумачыць гэта, і перш за ўсё тут, у Менску», — сказаў Лукашэнка.
https://smarturl.click/mpl8z
Сталі вядомыя месца і час пахаваньня памерлай у Варшаве беларускі Лізаветы
Пахаваньне Лізаветы адбудзецца ў чацьвер, 14 сакавіка, у 13:00 на Паўночных могілках (Pownocny cmentarz) Варшавы ў залі С, паведаміў «Белсату Даніла, хлопец Лізаветы.
1 сакавіка памерла 25-гадовая беларуска Лізавета, якую згвалтавалі і душылі ў цэнтры Варшавы. Дзяўчына памерла ў шпіталі, у якім прабыла амаль тыдзень пасьля нападу. 6 сакавіка ў польскай сталіцы прайшоў марш яе памяці.
Падазраваным аказаўся 23-гадовы грамадзянін Польшчы. Яго арыштавалі на тры месяцы. Па выстаўленых абвінавачаньнях яму пагражае пажыцьцёвае зьняволеньне.
https://smarturl.click/VDGWj
Расея распрацавала сыстэму «перавыхаваньня» ўкраінскіх дзяцей на акупаваных тэрыторыях
Факты прыводзіць журналісцкае расьсьледаваньне. Апрацоўка і русыфікацыя ўкраінскіх дзяцей прапісаныя ў афіцыйных дакумэнтах і падручніках Расеі.
Пры гэтым расейскія настаўнікі баяцца, што юныя ўкраінцы вырастуць і адпомсьцяць.
https://smarturl.click/2qwXA
Як мінімум 1563 грамадзкія аб’яднаньні зьліквідавалі ў Беларусі з 2020 году
Гэтая лічба на 30 арганізацый большая, чым у студзені.
Паводле інфармацыі Lawtrend, на канец лютага ня менш за 981 арганізацыі знаходзіліся ў працэсе прымусовай ліквідацыі, 582 прынялі рашэньне аб самастойнай ліквідацыі.
У Пухавіцкім раёне знайшлі дзьвюх дзяўчынак, іх здароўе не выклікае асьцярог
Дарына і Валерыя Багдзевіч згубіліся ў вёсцы Рыбцы 10 сакавіка. Паводле інфармацыі Міністэрства надзвычайных сытуацый, іх шукалі 600 чалавек, было задзейнічана 50 адзінак тэхнікі.
Іх знайшлі ў лесе каля садовага таварыства «Колас Залаты» — за 2,5 км ад вёскі Рыбцы. МНС паведаміла, што іх шпіталізавалі з дыягназам «агульнае пераахаладжэньне». Цяпер іх здароўю нічога не пагражае.
Відэа МНС
388 тысяч сонечных модуляў, мэталапракатны завод. Як дзяржава забірала прадпрыемствы ў інвэстараў
Гэтыя кампаніі ўклалі ў Беларусь сотні мільёнаў даляраў і пазбавіліся сваіх праектаў. Расказваем, як дзяржава «адціскала» бізнэс у прыватнікаў і на якіх падставах.
https://smarturl.click/W3y16
185 гадоў таму памёр Сымон Канарскі
Сымон Канарскі — дзеяч вызвольнага руху 1830-х, удзельнік паўстаньня 1831 году, ахвяра рэпрэсій расейскіх каляніялістаў. Пасьля задушэньня паўстаньня рыхтаваў новае, але ў 1838 годзе трапіў пад арышт і празь дзевяць месяцаў расстраляны. Расейскія акупацыйныя ўлады імкнуліся схаваць месца пахаваньня, але рэшткі цела Канарскага таемна перапахавала Антаніна Сьнядэцка на кальвінскіх могілках у Вільні.
🗓 Іншыя падзеі дня 11 сакавіка чытайце на сайце ў матэрыяле «Ўжо сёньня»: https://smarturl.click/z2lbb
Праверкі ў банках, забарона на зямлю і субсыдыя ад дзяржавы:. Беларускія эмігранты расказалі, як купляюць кватэры ў Літве
Беларусы купляюць жыльлё ў Літве, нягледзячы на інфармацыйнае напружаньне, якое расьце вакол іх, піша Delfi. lt.
У 2023 годзе грамадзяне Беларусі сталі ўласьнікамі 471 аб’екта нерухомасьці. Колькасьць зьдзелак значна вырасла пасьля 2020 году. Delfi паразмаўляў зь беларускімі эмігрантамі, якія за апошні год купілі кватэры ў Літве.
Беларусы расказалі, чаму яны прынялі такое рашэньне, як праходзіць працэс, ці былі цяжкасьці і што яны думаюць пра ўласныя рызыкі.
https://smarturl.click/w9wOQ
Кулеба пра заявы Папы Рымскага: «Украіна ня будзе падымаць іншыя сьцягі апрача сіне-жоўтага»
Міністар замежных спраў Украіны Дзьмітро Кулеба адрэагаваў на заяву Папы Рымскага Францішка аб тым, што Ўкраіна павінна «набрацца сьмеласьці» падняць «белы сьцяг» і «быць гатовая да перамоваў з Расеяй».
«Наш сьцяг — сіне-жоўты. Пад ім мы жывем, паміраем і перамагаем. Мы ня будзем паднімаць іншыя сьцягі», — сказаў кіраўнік МЗС Украіны.
Раней Папа Рымскі Францішак у інтэрвію для швэйцарскай тэлерадыёкампаніі RSI у кантэксьце вайны Расеі супраць Украіны заклікаў Украіну да перамоваў, а таксама казаў пра мужнасьць падняць «белы сьцяг».
«Слова „перамовы“ насамрэч мужнае. Калі вы бачыце, што церпіце паразу, што справы ідуць не лепшым чынам, вы павінны мець мужнасьць весьці перамовы», — сказаў Францішак.
https://smarturl.click/mpbZO
Спартоўку, якая вярнулася ў Беларусь, асудзілі на два гады «хатняй хіміі» за ўдзел у пратэстах
Як паведамляе выданьне «Трыбуна», тыятляністку Валянціну Зелянкевіч прыгаварылі да двух гадоў «хатняй хіміі» за ўдзел у мірных пратэстах у 2020 годзе.
Выданьне сьцьвярджае, што Валянціна Зелянкевіч нядаўна вярнулася ў Беларусь з Расеі. Калі менавіта адбыўся разгляд справы Валянціны Зелянкевіч, «Трыбуна» ня піша. У артыкуле толькі гаворыцца, што прысуд вынес «адзін з судоў».
Паводле «Трыбуны», увосень 2020 году спартоўка пераехала ў Расе і працягвала там трэніроўкі, а таксама працавала трэнэрам па трыятлёне і плаваньні. «Трыбуна» піша, што некаторы час таму Зелянкевіч вярнулася ў Беларусь і неўзабаве пасьля гэтага была затрыманая сілавікамі. Да суду яна знаходзілася за кратамі.
https://smarturl.click/5OMz0