17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Рэпартаж з фэстывалю беларускай музыкі «Грай»
У Варшаве прайшоў фэстываль беларускай музыкі «Грай». На сцэне выступілі вядомыя беларускія музыкі і маладыя беларускія выканаўцы, а таксама прайшоў аўкцыён у падтрымку палітвязьняў.
У Латвіі разьбіўся расейскі бесьпілётнік, які мог заляцець зь Беларусі
Інцыдэнт адбыўся 7 верасьня ў Рэжыцкім (Рэзэкнэ) краі Латвіі, паведамілі ў Міністэрстве абароны краіны. Як сьцьвярджаецца, ён мог прыляцець з тэрыторыі Беларусі. Аб пацярпелых і пашкоджаньнях не паведамляюць.
Латвійскія вайскоўцы й іншыя ўпаўнаважаныя службы праводзяць расьсьледаваньне. У Міністэрстве абароны адзначылі, што апавясьцілі камандаваньне NATO пра здарэньне, на ўсходняй мяжы Латвіі былі ўзмоцненыя сілы супрацьпаветранай абароны.
Латвійскі прэзыдэнт Эдгар Рынкевіч пацьвердзіў інфармацыю аб падзеньні бесьпілётніка, дадаўшы, што колькасьць такіх інцыдэнтаў расьце на ўсходнім флянзе Альянсу. https://smarturl.click/ZyRdY
Невядомыя вандалы зьнішчылі крыжы і стэнды ў «Віцебскіх Курапатах»
Аб гэтым расказаў стваральнік ініцыятывы «Хайсы — віцебскія Курапаты» Ян Дзяржаўцаў са спасылкай на сябраў ініцыятыўнай групы.
Дзяржаўцаў піша ў Фэйсбуку пра тое, што «зьнішчаныя ўсе 8 мэталічных указальнікаў, якія служылі арыенцірамі да магіл, у якіх ляжалі ахвяры камуністычнага тэрора».
Паводле інфармацыі Дзяржаўцава, зьнішчаныя 26 крыжоў разам з шыльдамі, а таксама стэнды, якія інфармавалі пра расстрэлы нявінных грамадзянаў пад час сталінскага тэрора.
Фота: старонка ў Facebook «Хайсы — віцебскія Курапаты» https://smarturl.click/712V7
«Як і 500 гадоў таму, праўда і справядлівасьць на нашым баку», — Ціханоўская да Дня вайсковай славы
Лідэрка дэмакратычных сілаў Беларусі Сьвятлана Ціханоўская павіншавала беларусаў зь Днём вайсковай славы.
«Сёньня мы адзначаем Дзень беларускай вайсковай славы — дзень, калі наш народ здабыў адну з найслаўнейшых перамогаў у сваёй гісторыі. У 1514 годзе ў Аршанскай бітве нашыя продкі здолелі на доўгі час спыніць тыя ж самыя захопніцкія амбіцыі Расейскай дзяржавы, зь якімі сучасны свет змагаецца сёньня», гаворыцца ў звароце Ціханоўскай. https://smarturl.click/ZyR4Y
«Я вельмі ганаруся сабой». Беларуская тэнісістка Арына Сабаленка ўпершыню ўзяла тытул на US Open
Арына Сабаленка, абгуляўшы амэрыканку Джэсіку Пегулу (7:5, 7:5), узяла тытул на US Open.
З тытулаў «Вялікага шлема» Сабаленка да гэтага брала толькі Australian Open у 2023 і 2024 гадах.
«Калі ты працуеш і ахвяруеш усім дзеля мары, то аднойчы ты яе ўвасобіш», — сказала яна пасьля перамогі.
Аляксандар Лукашэнка павіншаваў Сабаленку, зьвярнуўшыся да яе на «ты»: «У напружаных паядынках з лідэрамі сусьветнага рэйтынгу ты праявіла ўсе свае найлепшыя спартыўныя якасці».
Арына Сабаленка зазнала вострую крытыку за сваю палітычную пазыцыю, а менавіта за падтрымку палітыкі Аляксандра Лукашэнкі на радзіме і маўчаньне адносна расейскай ваеннай агрэсіі ва Ўкраіне. Фота: Reuters. https://smarturl.click/Q1Ej0
Паэт Мікола Папека пра мары ў турме і аднаўленьне на эміграцыі сваёй Мядовай прэміі
Былы палітвязень паэт Мікола Папека аднавіў на Беласточчыне заснаваную ім асабіста літаратурную Мядовую прэмію.
Пагаварылі зь ім пра расстаньне зь сям’ёй і пчоламі, жыцьцё ў выгнаньні, дзе не чуваць роднае мовы, рэабілітацыю мёдам з уласнага пчальніку, аднаўленьне ў эміграцыі Мядовай прэміі ды ўмовы яе вяртаньня на радзіму:
https://smarturl.click/VDA8b
Горадзенскі актывіст, на якога завялі «завочную» крымінальную справу, знайшоў сваю маёмасьць на сайце канфіскату
Пра завядзеньне «завочнай» крымінальнай справы супраць Сяргея Верамеенкі стала вядома ў сакавіку. Пазьней сям’я выпадкова пабачыла, што яе маёмасьць прадаецца на сайце «Белюрзабесьпячэньня»: мэбля, пральная машына, лядоўня, фатэлі, столікі, люстэрка. Гэта значыць, маёмасьць канфіскаваная. Якім рашэньнем — Верамеенка ня ведае. Лядоўню ўжо прадалі, хаця не было ніякіх судоў:
https://smarturl.click/4k1q1
У Гомельскай вобласьці гараць тарфянікі. Мясцовыя ўлады супакойваюць, Літва рэкамэндуе сваім жыхарам засьцерагчыся
Смуга і пах у Гомельскай вобласьці ўзьніклі ў выніку ўзгараньня тарфянікаў і «гаспадарчай дзейнасьці насельніцтва ва ўмовах зацішнага надвор’я», заявіла абласное ўпраўленьне МНС. Ведамства сьцьвярджае, што «перавышэньняў гранічна дапушчальных канцэнтрацый забруджвальных рэчываў у атмасфэры ня выяўлена, усе паказчыкі ў норме».
Мінлясгас паведаміў пра поўную забарону наведваньня лясоў у большай частцы рэгіёнаў краіны.
Тым часам Нацыянальны цэнтар кіраваньня крызіснымі сытуацыямі Літвы ўвечары папярэдзіў, што тарфяныя і лясныя пажары ў Беларусі выклікалі пах гару і забруджваньне паветра, і рэкамэндаваў людзям з групы «менш знаходзіцца на вуліцы, зачыняць вокны, часьцей прыбіраць у памяшканьнях»:
https://smarturl.click/Q1E4R
Беларуска ў Італіі атрымала першы пашпарт замежніка бяз статусу міжнароднай абароны
На гэтым тыдні беларуска бяз статусу міжнароднай абароны атрымала пашпарт замежніка. Гэта першы вядомы такі выпадак, паведамляе Народная амбасада Беларусі ў Італіі.
У Італіі выдачу праязнога дакумэнту для iншаземцаў рэгулюе арт. 24 дэкрэту 251/2007, паводле якога, дакумэнт выдаюць іншаземцам, якія маюць статус дадатковай абароны, прычым пры ўмове найўнасьці важкіх прычын, якія не дазваляюць запытаць пашпарт у дыпляматычных органах краіны грамадзянства:
https://smarturl.click/712el
У віленскім шэлтэры «Замак» — сьвята і Дзень адчыненых дзьвярэй. Фотафакт
Валянтэрская арганізацыя Dapamoga, якая дае прытулак беларусам, што ўцякаюць ад рэпрэсій (больш вядомая пад назвай «Замак»), адзначае 4 гады сваёй працы ў Вільні. Паглядзіце, якая там сёньня прыгожа!)
Падрабязьней пра арганізацыю мы расказвалі ў рэпартажы Свабоды.
Навіны палітвязьняў: асуджанага на 20 гадоў калёніі анархіста Сяргея Раманава зноў будуць судзіць
Анархіста Сяргея Раманава, у канцы 2021 году асуджанага на 20 гадоў калёніі, зноў будуць судзіць — гэтым разам паводле артыкулу аб злосным непадпарадкаваньні адміністрацыі калёніі (арт. 411 Крымінальнага кодэксу), паведамляе @belarus_abc. Актывіста судзяць паводле гэтага артыкулу ўжо другі раз — раней яму прысудзілі яшчэ 11 месяцаў калёніі:
https://smarturl.click/mpeGB
Уначы Расея атакавала Ўкраіну 67 дронамі, некалькі зь іх паляцелі ў бок Беларусі. У Кіеве ў выніку атакі ўзьнік пажар
Над тэрыторыяй Украіны зьбілі 58 з 67 ўдарных дронаў Shahed. «Шэсьць бесьпілётнікаў выйшлі з падкантрольнай паветранай прасторы Ўкраіны, паляцеўшы ў напрамку Расеі, Беларусі і часова акупаванай Луганшчыны», — паведамілі ўкраінскія вайскоўцы. Колькі дронаў у выніку заляцелі на тэрыторыю Беларусі, не ўдакладняецца.
Праект маніторынгу ваеннай актыўнасьці «Беларускі Гаюн» сьцьвярджае, што ў ноч з 6 на 7 верасьня ў паветраную прастору Беларусі агулам заляцелі 4 расейскія дроны «Шахед»:
https://smarturl.click/ba107
Віленскі шэлтэр «Замак»: 2000 беларускіх уцекачоў атрымалі дапамогу, сотні занятыя валянтэрствам і добрачыннасьцю
Каля беларускага шэлтэру «Замак» у Вільні 5 верасьня невядомыя пакінулі правакацыйны надпіс пра беларусаў. Паліцыя завяла справу, а МЗС Літвы асудзіла акты вандалізму, скіраваныя супраць беларусаў.
А 7 верасьня тут — сьвята і Дзень адчыненых дзьвярэй, бо валянтэрская арганізацыя Dapamoga, якая дае прытулак беларусам, што ўцякаюць ад рэпрэсій (больш вядомая пад назвай «Замак»), адзначае 4 гады сваёй працы ў Вільні. Напярэдадні сьвята журналісты Свабоды наведалі вядомы сярод беларусаў шэлтэр і пагаварылі з яго кіраўніцай Натальляй Калегавай:
Рэпартаж: https://smarturl.click/RAxX9
Ужо сёньня: Чатыры гады як Калесьнікава за кратамі
7 верасьня 2020 году кіраўніцу штабу Віктара Бабарыкі на выбарах-2020 Марыю Калесьнікаву схапілі сілавікі. Яе спрабавалі прымусова вывезьці ва Ўкраіну, але Калесьнікава на мяжы парвала свой пашпарт і вярнулася на тэрыторыю Беларусі. Там яе адразу затрымалі. Марыю судзілі ў закрытым рэжыме паводле трох артыкулаў Крымінальнага кодэксу і 6 верасьня 2021 году асудзілі на 11 гадоў калёніі.
Пра іншыя падзеі і даты гэтага дня ў беларускай і сусьветнай гісторыі чытайце ў матэрыяле: https://smarturl.click/M1Lda
Асноўныя падзеі і найважнейшыя публікацыі Свабоды 6 верасьня
Чаму заблукалі расейскія «Шахеды»? Галоўны хаўрусьнік як пагроза для Лукашэнкі
Пагроза з Расеі і вызваленьне палітвязьняў. Вынікі тыдня з Карбалевічам
Амбасадара Японіі выклікалі ў МЗС Беларусі ў «шпіёнскай справе»
«Стасункі беларусаў з тым сьветам — інтэрактыўныя». Беларуска апісала і сыстэматызавала больш за 2 тысячы запісаў пра сны
Сусьлік, хамяк, барсук. Расказваем пра самых рэдкіх жывёлаў краіны і паляўнічае лобі
Акружны суд Варшавы завочна арыштаваў трох грамадзян Беларусі за пасадку самалёта Ryanair у 2021-м
Рост вайскоўцаў, крыжы, зьнявагі — пра што спрачаюцца ў эўрапейскіх судах
На Гомельшчыне і Магілёўшчыне захоўваецца надзвычайная небясьпека пажараў
Гэта вынікае з паведамленьня Гомельскага абласнога ўпраўленьня МНС. На працягу сутак з 6 гадзін 7 верасьня ліквідаваныя тры лясныя пажары на агульнай плошчы 3,35 га на тэрыторыі Лельчыцкага і Жыткавіцкага раёнаў Гомельскай вобласьці, адзін тарфяны пажар на плошчы 0,0075 га на тэрыторыі Калінкавіцкага раёна і 17 пажараў травы і кустоўя на агульнай плошчы 6,705 га на тэрыторыі іншых раёнаў.
Тым часам, смог і пах гару 8 верасьня назіраецца ў Менску.
Архіўнае фота. https://smarturl.click/XyQbQ
Прадстаўнік Мінабароны расказаў, як мадэрнізуюць беларускія танкі, каб абараніць ад дронаў
Пасьля пачатку паўнаммаштабнай вайны Расеі супраць Украіны «дзеяньні танкавых падразьдзяленьняў і іх тактыка сур’ёзна зьмяніліся», — заявіў начальнік бранятанкавага ўпраўлення Мінабароны Беларусі Віталь Кільчэўскі ў інтэрвію праграме «Арсэнал» на тэлеканале «Беларусь 1» 8 верасьня.
Паводле яго, танк «застаўся той баявой сілай, якой быў увесь час, аднак яго аблічча значна зьмянілася», сказаў Кільчэўскі.
Прадстаўнік ведамства паведаміў аб мадэрнізацыі танкавага парку беларускай арміі, у тым ліку з ужываньнем «мер абароны» ад бесьпілётных лятальных апаратаў. https://smarturl.click/Q1E60
Кіраўнікі МІ-6 і ЦРУ высока ацанілі апэрацыю УСУ ў Курскай вобласьці
Кіраўнікі выведных ведамстваў ЗША і Вялікай Брытаніі Ўільям Бэрнз і Рычард Мур назвалі пачаты месяц таму наступ украінскіх войскаў у расейскай Курскай вобласьці значным тактычным посьпехам Кіева.
Паводле іх, гэты посьпех прадэманстраваў слабасьці расейскай арміі і мог прымусіць жыхароў Расеі пераасэнсаваць сваё стаўленьне да вайны ва Ўкраіне. Кіраўнікі спэцслужбаў ЗША і Брытаніі — блізкіх саюзьнікаў — выступілі ў Лёндане на мерапрыемстве, арганізаваным газэтай Financial Times. Агенцтвы адзначаюць, што такое сумеснае выступленьне — падзея беспрэцэдэнтная. https://smarturl.click/ba148
Беларускае войска. Моўны ТЭСТ
У Дзень беларускай вайсковай славы ўспамінаем перамогу нашых войскаў над маскоўскімі захопнікамі пад Воршай 8 верасьня 1514 году, ушаноўваем усіх герояў збройнае барацьбы за свабоду Беларусі, нагадваем беларускія вайсковыя традыцыі. Моўны ТЭСТ пра беларускае войска. https://smarturl.click/mpea5
👆🏻Запытайся ў Дубаўца. Што дрэннага ў тым, каб грамадзкія арганізацыі знаходзілі сабе фінансаваньне за мяжой?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Для дзяржавы, асабліва небагатай, цалкам карысная справа, калі людзі самі ствараюць, напрыклад, дзіцячы госьпіс або ахоўваюць прыроду, разьвіваюць нацыянальную культуру і знаходзяць на гэта замежнае фінансаваньне. Інакш нічога гэтага не было б, бо ў дзяржавы на гэта няма грошай. Гэта дрэнна толькі для таталітарнага рэжыму, які больш за ўсё на сьвеце баіцца самастойнай актыўнасьці людзей і праз татальны кантроль са зброяй у руках трымаецца пры ўладзе насуперак усім магчымым законам.
Сёньня — 510-годзьдзе бітвы пад Воршай, Дзень беларускай вайсковай славы
8 верасьня 1514 году пад Воршай, на рацэ Крапіўне, адбылася бітва вайны Маскоўскай дзяржавы зь Вялікім Княствам Літоўскім, у якой войска ВКЛ пад кіраўніцтвам Канстанціна Астроскага разьбіла войска Масковіі. Аршанская бітва — адна з найбуйнейшых бітваў на тэрыторыі Эўропы ў пачатку XVI ст.
У Беларусі нацыянальна арыентаваная частка грамадзтва з пачатку 1990-х адзначае гэтую дату як Дзень беларускай вайсковай славы.
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/ppea7
Нядопуск назіральнікаў, «карусель», электроннае галасаваньне і дзеці на ўчастку: як праходзяць рэгіянальныя выбары ў Расеі
У першы дзень галасаваньня на рэгіянальных выбарах у Расеі масава не дапускалі назіральнікаў, была зафіксавана як мінімум адна «карусель» і адзін выпадак скупкі галасоў. «Агентство» паведамляе пра масавы прывод на выбарчыя ўчасткі выхаванцаў дзіцячых садкоў. Ужо звыклым мэтадам прымусу да галасаваньня ў Расеі стала электроннае галасаваньне:
https://smarturl.click/0eX4p
Моўны актывіст даслаў у шэраг райвыканкамаў просьбы памяняць расейскамоўныя шыльды на беларускамоўныя. Што яму адказалі
Беларускі моўны актывіст Ігар Случак, які раней зьвяртаўся ў шэраг райвыканкамаў з просьбай памяняць расейскамоўныя шыльды з назвамі вуліц і іншых геаграфічных аб’ектаў на беларускія, атрымаў за апошні час атрымаў шэраг адказаў ад мясцовых уладаў. Сярод іх — як станоўчыя, так і адмоўныя:
https://smarturl.click/aJwZJ
Сілавікі ў Баранавічах затрымалі двух былых вайскоўцаў, якія ў 2020 годзе падтрымалі пратэсты
Відэа зь імі апублікаваў тэлеграм-канал, блізкі да сілавікоў. Адзін з затрыманых у відэа кажа, што служыў ва ўнутраных войсках МУС, але пасьля 9 жніўня 2020 году спаліў форму і зьняў гэта на відэа, бо ў яго «была вялікая крыўда на калег».
Другі затрыманы кажа, што служыў у вайсковай частцы № 25887, а ў 2020-ым вырашыў звольніцца з войска і запісаў відэа пра гэта. У роліку паказваюць урывак відэа, на якім мужчына ў форме кажа, што «яму вельмі сорамна» за тое, што «дапусьціў ўжываньне сілы ў дачыненьні да мірных грамадзян».
Дзе цяпер затрыманыя і ў чым дакладна іх абвінавачваюць, невядома.
👮🏻♂️ Хроніка перасьледу 7 верасьня. Абнаўляецца
На захадзе Менскай вобласьці сьведкі сёньня заўважылі дрон і авіяцыю
Прыблізна а 6.30-ай раніцы 7 верасьня ў заходняй частцы Менскай вобласьці былі заўважаныя бесьпілётнік і авіяцыя. Пра гэта Свабодзе паведамілі сьведкі здарэньня. Па словах сьведкі, спачатку быў чутны гук бесьпілётніка, які накіроўваўся з усходу на захад, а пазьней зьявіўся самалёт.
«Гэта быў „Шахед“ ці нейкі бесьпілётнік. Ляцеў нізка, яго было выдатна чуваць. Але з-за дамоў яго відаць не было, толькі чуваць гул як у мапэда, усё як на відэа з Украіны. Ну і ня проста ж зьявіўся самалёт адразу», — расказвае сьведка.
Паводле абноўленых зьвестак @Hajun_BY, уначы ў паветраную прастору Беларусі агулам заляцелі сама меней 8 дронаў.
Падрабязнасьці: https://smarturl.click/jkeLl
Вяртаньне ў несвабоду. Калі Лукашэнка спыніць палітычныя рэпрэсіі
«Лукашэнка спрабуе зрушыць кола гісторыі так, каб вярнуць грамадзтва назад — у зразумелае, камфортнае і асабіста для яго блізкае мінулае, калі на выбары ішлі не дзеля таго, каб мяняць уладу, а каб засьведчыць поўную паслухмянасьць і пакору».
👆🏻Запытайся ў Дубаўца. Ці вартыя шкадаваньня беларусы, якія загінулі на вайне ва Ўкраіне з расейскага боку?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
На здаровы розум, для гэтай вайны няма ніводнай рацыянальнай прычыны. Гэта цалкам бяздумная агрэсія. У самога найміта можа быць адзіная матывацыя — зарабіць грошы. Можна было б шкадаваць ягоную сям’ю, якая засталася без карміцеля, хоць часьцяком такая сям’я толькі радуецца «кампэнсацыям». Сапраўды моцна і штодзённа шкада ўкраінскія сем’і, якія гінуць на сваёй зямлі, у сваёй хаце ад рукі расейскага найміта зь беларускім пашпартам у кішэні.
📩 Не стае часу штодня сачыць за СМІ? Не бяда! Усё самае цікавае за мінулы тыдзень — у суботняй рассылцы Свабоды
Сёньня — пра тое, як беларусы працягваюць дапамагаць адзін аднаму, нягледзячы на рызыку рэпрэсіяў; што цяпер укладваюць у галовы беларускіх студэнтаў; чым тлумачыцца шалёны рост беларускай эканомікі; які лёс прарочаць Лукашэнку экспэрты; чаго ён хоча дамагчыся вызваленьнем палітвязьняў; як новы кіраўнік МЗС мяняе яго функцыю і інш.
Падпісвайцеся і чытайце: 👉🏻 http://eepurl.com/ijMaIv
Боепрыпасы, сродкі СПА і БМП «Брэдлі»: новы пакет дапамогі ЗША Ўкраіне
ЗША абвясьцілі аб новым пакеце вайсковай дапамогі Ўкраіне на 250 мільёнаў даляраў. Аб ім паведаміў міністар абароны Ллойд Осцін, які раней узяў удзел у чарговым пасяджэньні Кантактнай групы па абароне Ўкраіны ў так званым фармаце «Рамштайн», на якім міжнародныя партнэры Ўкраіны абмяркоўваюць з украінскімі прадстаўнікамі вайсковыя пастаўкі. У пасяджэньні ўзяў удзел і прэзыдэнт Украіны Ўладзімір Зяленскі, які прыехаў з візытам у Нямеччыну.
У амэрыканскі пакет увойдуць боепрыпасы, у тым ліку для сыстэм HIMARS і сыстэм супрацьпаветранай абароны, зэнітныя ракеты RIM-7, ПЗРК «Стынгер», а таксама баявыя машыны «Брэдлі» і M113. https://smarturl.click/xBeLZ
Пагроза з Расеі і вызваленьне палітвязьняў. Валер Карбалевіч падводзіць вынікі тыдня
На гэтым тыдні беларускія ўлады ўпершыню публічна пракамэнтавалі зьбіцьцё дронаў «Шахедаў» у Беларусі, і таксама працягнулі вызваляць палітвязьняў. https://www.youtube.com/watch?v=QqC7W8msfvo