17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Аўтакатастрофа ў Баранавіцкім раёне: адзін чалавек загінуў, пяцёра ў шпіталі
Загінуў 81-гадовы расеец. Стан здароўя іншых пакуль невядомы.
https://smarturl.click/9zqRz
«Эратычнае шоў». Пінскі актывіст Рамановіч расказвае, як уцёк з радзімы
«ГУБАЗіК выцягнуў мяне з ложка. Пагражалі голым выкінуць на вуліцу і затрымаць. Потым пачалася гульня „За правільны адказ — прадмет адзеньня“. Я нават пажартаваў: „Гэта што, эратычнае шоў?“. Расказваем гісторыю пінскага актывіста Алеся Рамановіча.
https://smarturl.click/W3aLk
85 гадоў Валерыю Раеўскаму — вядомаму тэатральнаму рэжысэру
20 чэрвеня 1939 году нарадзіўся Валер Раеўскі, беларускі тэатральны рэжысэр, на працягу 35 гадоў быў галоўным рэжысэрам і мастацкім кіраўніком Нацыянальнага акадэмічнага тэатру імя Янкі Купалы.
Больш важных датаў і падзей гэтага дня ў гісторыі чытайце ў матэрыяле «Ўжо сёньня»: https://smarturl.click/M1dmp
Лівень і град паралізавалі рух транспарту ў Менску
Моцны дождж і град накрылі Менск увечары 19 чэрвеня. З прычыны залевы спыніліся некалькі маршрутаў грамадзкага транспарту. Бачнасьць на дарогах абмежаваная. На некалькіх маршрутах спыніліся трамваі, тралейбусы і аўтобусы. Відавочцы публікуюць у сацсетках відэа непагадзі. Паводле іх зьвестак, праз падтапленьне на вуліцы Арлоўскай утварыўся затор.
А ў Заслаўі мясцовыя жыхары зьнялі на відэа сапраўдную буру. Там таксама выпаў град, быў вельмі моцны вецер, які ледзь не ламаў дрэвы. https://smarturl.click/e5z6q
Васіль Быкаў 100». У Празе выдалі кнігу цытатаў клясыка і ўспамінаў пра яго
19 чэрвеня ў Нацыянальнай бібліятэцы Чэхіі ў Празе прэзэнтавалі новую кнігу, прысьвечаную стагодзьдзю клясыка беларускай літаратуры Васіля Быкава.
Кнігу «Васіль Быкаў 100» выдала асьветная суполка «Скарына» — адна зь першых беларускіх арганізацый, заснаваных у Празе пасьля падзеньня камунізму.
У выданьні сабраныя 100 цытатаў пісьменьніка, якія гучалі ў розныя гады на Радыё Свабода, агляд яго выданьняў у Чэхаславаччыне, лісты з Хэльсынкі, Бэрліну і Франкфурту ў Прагу, успаміны пра ягонае знаходжаньне ў сталіцы Чэхіі. Над кнігай працавалі былыя журналісты Беларускай службы Радыё Свабода Аляксандар Лукашук, Галіна Навумчык, Сяргей Навумчык, Алена Ціхановіч і Сяргей Шупа. Чытаць https://smarturl.click/Q1emB
Дубавец і Навумчык: За што Васіля Быкава любяць беларусы і ненавідзіць рэжым Лукашэнкі
Пра гэта ў праграме «ПіК Свабоды» разважаюць літаратар Сяргей Дубавец і публіцыст Сяргей Навумчык.
Сяргей Дубавец кажа, што з савецкіх пазыцыяў Быкаў быў «няправільным» пісьменьнікам і нагадвае, што ягоныя кніжкі выходзілі часам зь цяжкім боем з цэнзурай.
Цалкам інтэрвію глядзіце ў відэафармаце на Youtube https://www.youtube.com/watch?v=adNoiDbC5ms&t=339s
Тэкставая вэрсія https://smarturl.click/xBLpe
Экспэртка ацаніла, якія краіны лепшыя па выдачы турыстычных візаў беларусам
Больш за 80 працэнтаў запытаў на атрыманьне шэнгенскай візы прыпадае на такія краіны як Італія, Нямеччына і Францыя. Найбольш у візах беларусам адмаўляюць Грэцыя і Польшча. https://smarturl.click/l5RXY
Украіна працягвае атакаваць расейскія нафтавыя магутнасьці. Інфаграфіка
У адказ на пастаянныя атакі энэргетычных аб’ектаў, якія часам пакідаюць безь сьвятла цэлыя вобласьці і гарады Ўкраіны, вайскоўцы УСУ запускаюць бесьпілётнікі на расейскую тэрыторыю і ўжо некалькі месяцаў пасьпяхова зьнішчаюць нафтаперапрацоўчыя і іншыя рэсурсавыя магутнасьці агрэсараў.
https://smarturl.click/mpDBm
Быкаву — 100. Відэа
19 чэрвеня 1924 году нарадзіўся Васіль Быкаў, беларускі пісьменьнік. У апошнія гады жыцьця ён вельмі нэгатыўна ацэньваў сытуацыю ў краіне, называў прыход Лукашэнкі да ўлады пераваротам і ня верыў у хуткія перамены. Але, нягледзячы ні на што, заклікаў беларусаў берагчы і разьвіваць беларускую мову, умацоўваць нацыянальную тоеснасьць і назапашваць сілы для новай спробы ўсталяваць дэмакратыю ў краіне.
У відэа Свабоды можна пачуць голас Васіля Быкава і ягоныя думкі пра Беларусь і яе будучыню.
Кім Чэн Ын на сустрэчы з Пуціным заявіў, што адносіны Паўночнай Карэі і Расеі ўвайшлі ў «новы росквіт»
У Пхэньяне Пуціна суправаджаюць некалькі высокапастаўленых чыноўнікаў, у тым ліку віцэ-прэм’ер, міністар абароны і міністар замежных спраў. Падчас візыту будзе падпісаны шэраг дакумэнтаў, у тым ліку, магчыма, пагадненьне аб усебаковым стратэгічным партнэрстве.
https://smarturl.click/AdOdy
Як Алега Бембеля выгналі з працы і з партыі. Дысыдэнцкая акцыя, якая апярэдзіла час
У Лёндане выйшла з друку кніга Алега Бембеля «Роднае слова і маральна-эстэтычны прагрэс», якая нагадала пра часы позьняга савецкага застою і дысыдэнцкую акцыю, у якой сорак гадоў таму ўзялі ўдзел многія дзясяткі чалавек. Першае выданьне гэтай кнігі пабачыла сьвет у 1985 годзе, і таксама ў Лёндане. Пра гісторыю кнігі піша Сяргей Дубавец.
https://smarturl.click/DagmE
Дзьве гадзіны на вышцы і 3000 эўра на суды. Як беларус амаль 4 гады дамагаецца міжнароднай абароны ў Літве
Ягор Міхалькевіч кажа, што ў 2020 працаваў са штабам Віктара Бабарыкі, а зараз амаль чатыры гады дамагаецца міжнароднай абароны ў Літве. Прайшоў праз некалькі судоў і дэпартацыйны ізалятар у Эстоніі. Расказваем ягоную гісторыю.
https://smarturl.click/aJWBd
Беларуска атрымала шанец выступіць за Польшчу на Алімпійскіх гульнях у Парыжы
Беларуская скакуха ў вышыню Марыя Жодзік, якая раней атрымала польскае грамадзянства, можа выступіць за Польшчу на Алімпійскіх гульнях у Парыжы. 20 чэрвеня будзе тры гады з таго часу, як Жодзік выступала за Беларусь. З гэтага дня яна здолее выступаць на міжнародных стартах за Польшчу. Жодзік выканала нарматыў для ўдзелу ў Алімпіядзе на чэмпіянаце Польшчы, у якім удзельнічала па-за залікам. https://smarturl.click/Q1g9p
Як адзначаць 100 год Быкаву ў Беларусі і за мяжой. Плян імпрэзаў
19 чэрвеня — 100-годзьдзе пісьменьніка Васіля Быкава. У Беларусі і замежжы чакаюцца сустрэчы і вечарыны, прысьвечаныя памяці пісьменьніка. Мы сабралі папярэдні плян некаторых зь іх. https://smarturl.click/3k38m
У Менску 2-гадовы хлопчык выпаў з акна чацьвёртага паверха
Цяпер хлопчык у шпіталі. Пра ягоны стан пакуль не паведамляецца.
Як паведаміў Сьледчы камітэт, паводле папярэдняй інфармацыі, увечары 18 чэрвеня 2-гадовы хлопчык быў у пакоі з адчыненым акном. Паводле СК, хлопчык застаўся без увагі літаральна на хвіліну. Дзіця ўзьлезла на крэсла, а потым на пісьмовы стол, прыбудаваны да падаконьня. Потым хлопчык абапёрся на маскітную сетку і выпаў разам зь ёй з акна чацьвёртага паверха.
Расея нанесла чарговы ўдар па энэргетыцы Ўкраіны. У двух расейскіх рэгіёнах зноў гараць нафтабазы
Папярэдне ў выніку начной расейскай атакі загінулі два чалавекі і 10 атрымалі раненьні ў Херсонскай, Днепрапятроўскай і Харкаўскай абласьцях.
https://smarturl.click/w9Lv7
Беларусізацыя вядомых сусьветных інтэрнэт-сэрвісаў. Як яна адбываецца і чаму некаторыя зь іх ўпарцяцца
«Любы вытворца думае: навошта мне перакладаць на беларускую мову, калі можна карыстацца расейскай? Або калі кліентам і рынку прапанаваць расейскую мову, то яны гэта ўсё „зьядуць“, бо ў іх няма выйсьця». Расказваем, чаму сусьветныя і беларускія сэрвісы ня хочуць дадаваць сабе беларускую мову і як гэтага ўсё ж дабіцца.
https://smarturl.click/YzAxv
«Васіль Быкаў — эўрапейскі пісьменьнік ХХ стагодзьдзя». У Празе адкрылі выставу, прысьвечаную Васілю Быкаву
У Нацыянальнай бібліятэцы Чэскай Рэспублікі прайшло адкрыцьцё выставы і сустрэча з нагоды 100-гадовага юбілею нараджэньня Васіля Быкава. https://smarturl.click/67gv2
Асноўныя падзеі і найважнейшыя публікацыі Свабоды 19 чэрвеня
Быкаў на Свабодзе. «Беларусь ня зьнікне, калі ня скорыцца чужой сіле»
Дзьве гадзіны на вышцы і 3000 эўра на суды. Як беларус амаль 4 гады дамагаецца міжнароднай абароны ў Літве
У Менску ліквідуюць аб’яднаньне «Разам», якое садзейнічала беларуска-расейскай інтэграцыі
Як Алега Бембеля выгналі з працы і з партыі. Дысыдэнцкая акцыя, якая апярэдзіла час
Пісьменьнік Саша Філіпенка расказаў, што ягонага бацьку ў Беларусі выклікаюць на допыты
Аляксандар Мілінкевіч ў праекце «Сьведкі Лукашэнкі»: «Я не лічу, што Лукашэнка быў стаўленьнікам Масквы»
Экспэртка ацаніла, якія краіны найахвотней выдаюць турыстычныя візы беларусам
«Наш Быкаў». Сьвятлана Алексіевіч: «Урок Быкава — як зрабіць выбар у бок сьвятла і ніколі не саступіць»
«Жалезная заслона» пад Горадняй і Берасьцем. Да чаго вядзе эскаляцыя беларуска-польскіх дачыненьняў
У адносінах Беларусі і Польшчы — чарговы крызіс, абвастрэньне. Забойства польскага жаўнера, учыненае мігрантам, які прарываўся празь мяжу зь беларускай тэрыторыі, стала яго кульмінацыяй. Да чаго можа прывесьці гэтая эскаляцыя? Піша Валер Карбалевіч. https://smarturl.click/xBLYM
Як беларусы будавалі свае цэрквы ў Афрыцы пасьля вайны
Як беларусы бралі ўдзел у Другой сусьветнай вайне ў складзе несавецкіх узброеных фармаваньняў, найперш польскіх? Ці быў сярод іх нацыянальны рух? Як беларусы з Лацінскай Амэрыкі трапілі на вайну ў Эўропу? І як яны апынуліся у Іране, Індыі і Ўсходняй Афрыцы? Пра гэта і пра іншае мы гаворым зь беларуска-польскім гісторыкам, прафэсарам Варшаўскага ўнівэрсытэту Юрыем Грыбоўскім.
https://youtu.be/IYPSUIg3iFQ
«Быкаў – не ваенны пісьменьнік»
100 гадоў таму нарадзіўся Васіль Быкаў, адзін з найбуйнейшых беларускіх пісьменьнікаў XX стагодзьдзя і адна з выбітных постацяў грамадзка-палітычнага жыцьця Беларусі. За што яго цэняць беларусы і за што ненавідзіць рэжым Лукашэнкі? Пра гэта ў праграме «ПіК Свабоды» разважаюць літаратар Сяргей Дубавец і публіцыст Сяргей Навумчык. https://youtu.be/adNoiDbC5ms
У калёніях уводзяць кніжную цэнзуру: з турэмных бібліятэк прыбралі кнігі Оруэла і падручнікі польскай мовы
Зьявілася інфармацыя зь некалькіх крыніц пра тое, што ў месцах зьняволеньня пачалі ачыстку бібліятэк ад кніг, якія адміністрацыі палічылі небясьпечнымі.
Пры рэжыме Лукашэнкі палітвязьням і іншым зьняволеным праблема ня толькі вывучыць за кратамі замежную мову, але нават чытаць кнігі па-беларуску.
https://smarturl.click/Eey1J
Пісьменьнік Саша Філіпенка расказаў, што ягонага бацьку ў Беларусі выклікаюць на допыты
Саша Філіпенка расказаў пра актуальную сытуацыю вакол ягонага бацькі, якога арыштоўвалі летась у лістападзе на 13 дзён.
https://smarturl.click/w9L4v
Быкаў на Свабодзе. «Беларусь ня зьнікне, калі ня скорыцца чужой сіле»
«Мы занадта слабыя, каб дзейнічаць паасобку, каб доўга вагацца, выбіраць і перабіраць, з кожнае нагоды круціць носам. Тым болей самаеднічаць, цягнуць да халоднай вайны ва ўласным стане. Ня можам таго дазволіць сабе, бо інакш нас хутка ня стане. Ні правых, ні левых. Ні пэсымістаў, ні аптымістаў. Ні праведнікаў, ні вінаватых».
У Варшаве зьявілася выява з Васілём Быкавым і ягонымі цытатамі
Твор прысьвечаны 100-годзьдзю з дня нараджэньня славутага беларускага пісьменьніка, паведамілі аўтары — арганізацыя «Рух». У аснове — вядомы фотаздымак Васіля Быкава на плошчы Перамогі ў Менску з подпісам «Сумленьне нацыі», як народнага пісьменьніка называлі яшчэ пры жыцьці. Вакол выявы знаходзяцца актуальныя цытаты Васіля Быкава пра Беларусь, беларускі нацыяналізм, волю і незалежнасьць, мову і сьвядомасьць.
Ужо сёньня: 100 гадоў ад нараджэньня Васіля Быкава
19 чэрвеня 1924 году нарадзіўся Васіль Быкаў, беларускі пісьменьнік. Большасьць твораў Быкава – ваенныя аповесьці, у якіх паказаны маральны выбар чалавека ў найболей драматычныя моманты жыцьця. У час кіраваньня Аляксандра Лукашэнкі пісьменьнік зазнаваў цкаваньне і ў пачатку 1998 году зьехаў за мяжу. Вярнуўся ў Беларусь незадоўга да сваёй сьмерці, перанёсшы ў Чэхіі цяжкую апэрацыю. Памёр 22 чэрвеня 2003 году.
Больш падзей 19 чэрвеня ў гісторыі ў матэрыяле «Ўжо сёньня»: https://smarturl.click/W35EX
Пуцін упершыню ад 2000 году прыехаў зь візытам у Паўночную Карэю
Каля самалёта яго сустрэў паўночнакарэйскі кіраўнік Кім Чэн Ын, сьведчыць расейская афіцыйная хроніка.
Напярэдадні Пуцін падзякаваў Пхэньяну за падтрымку вайны супраць Украіны. https://smarturl.click/mp5xn
Асноўнае за 18 чэрвеня
📌 Пяцёх магілёўцаў асудзілі за ўдзел у пратэстах 2020 году
📌 Улады закрываюць таварыства беларускіх татар «Зікр уль-Кітаб». Чым яно вядомае?
📌 Беларус Андрэй Гнёт абскардзіў рашэньне сэрбскага суду аб эстрадыцыі
📌 Урад Беларусі звольніў намесьніка кіраўніка Беларускай чыгункі пасьля заявы Лукашэнкі пра карупцыю
📌 Давер грамадзян да Лукашэнкі і органаў улады аднесьлі да праблем нацыянальнай бясьпекі
📌 Дэмакратычныя сілы Беларусі дамагаюцца статусу назіральніка ў ААН, сэнатары ЗША просяць ім дапамагчы
📌 Польскія фэрмэры пачалі па-свойму змагацца зь мігрантамі на беларускай мяжы, разьлілі сьвіны гной
📌 У сувязі з антысэміцкімі выказваньнямі Лукашэнкі ў Ізраілі адмянілі канфэрэнцыю да 80-годзьдзя вызваленьня Беларусі
📌 Чацьвёрка па Законе Божым, па астатніх прадметах тройкі. Як вучыўся Фэлікс Дзяржынскі, чыё імя далі Ліцэю БДУ
📌 Мёртвым не баліць. Як у Беларусі ўшанаваная памяць пра Васіля Быкава
📌 Як адзначаць 100 год Быкаву ў Беларусі і за мяжой. Плян імпрэзаў
У сувязі з антысэміцкімі выказваньнямі Лукашэнкі ў Ізраілі адмянілі канфэрэнцыю да 80-годзьдзя вызваленьня Беларусі
Канфэрэнцыя «Трагедыя і гераізм на беларускай зямлі — да 80-годдзя вызваленьня Беларусі ад нямецка-фашысцкіх захопнікаў», якая плянавалася на 27 чэрвеня ў Ізраілі, адмененая ў сувязі з апошнімі антысэміцкімі выказваньнямі Аляксандра Лукашэнкі. Пра гэта піша «Позірк» з спасылкай на ўласныя крыніцы.
14 чэрвеня Лукашэнка сказаў на нарадзе з урадам пра прыцягнутых да адказнасьці па карупцыйнай справе, адным з фігурантаў якой з’яўляецца яго былы памочнік — інспэктар па Віцебскай вобласьці, экс-міністар сельскай гаспадаркі і харчаваньня Ігар Брыло: «Вы мяне прабачце, я не антысэміт, але больш за палову — габрэі, — дадаў Лукашэнка. — Яны што, у нас прывілеяванае становішча займаюць, што яны крадуць і не думаюць пра сваю будучыню? Усе аднолькавыя перад законам: і габрэй, і беларус, і ўкраінец, і рускі, і паляк. Вінаваты — будзе сядзець». https://smarturl.click/gpQGD