17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Уначы «Шагеды» ізноў заляталі ў Беларусь
Тэлеграм-канал «Беларускі Гаюн» паведамляе, што ўначы 16 ліпеня дрон-камікадзэ тыпу «Шагед» трэці раз за апошні час зайшоў у паветраную прастору Беларусі. Паветраныя сілы Ўкраіны гавораць пра два бесьпілётнікі.
https://smarturl.click/e5RV5
Памёр вядомы беларускі футбаліст Міхаіл Вергеенка
На 75-м годзе жыцьця памёр Міхаіл Вергеенка. Вядомы футбольны брамнік, сярэбраны мэдаліст моладзевага першынства Эўропы 1972 году ў складзе зборнай СССР, чэмпіён СССР у складзе менскага «Дынама».
https://smarturl.click/YzyMj
«Лёгікі няма». Каго ў Беларусі ўключаюць у «сьпісы экстрэмістаў і тэрарыстаў»
Масава запісваць у «экстрэмісты» беларусаў пачалі ў сакавіку 2022 году. У сьпісе тэрарыстаў да 2020 году спрэс былі іншаземцы, цяпер у ім больш за 450 беларусаў.
https://smarturl.click/AdBZO
Пасьля ўступленьня Беларусі ў ШАС у Лукашэнкі пачаўся пэрыяд рэнэсансу шматвэктарнасьці — украінскі палітоляг Магда
Украінскі палітоляг, дырэктар Інстытуту сусьветнай палітыкі Яўген Магда аналізуе, чаму афіцыйны Менск адвёў войскі ад украінскай мяжы, адказвае, ці азначаюць некаторыя апошнія падзеі карэкцыю замежнапалітычнага курсу, і распавядае, як Кіеў паставіўся да вызваленьня Менскам украінскіх грамадзянаў. https://smarturl.click/3kpgG
Трамп назваў свайго кандыдата ў віцэ-прэзыдэнты
Гэта сэнатар ад штату Агаё Дж.Д. Вэнс. Пра кандыдатуру Трамп напісаў у сваёй сацыяльнай сетцы.
Асноўнае за 15 ліпеня
📌 Бесьпілётнікі «Герань», паказаныя на парадзе ў Менску, імаверна, вырабілі не ў Беларусі
📌 Анёл Сьмерці. Гісторыя беларускі, якая паведамляе родным загінулых каліноўцаў пра іх гібель
📌 «Прыбіральні толькі на адной вуліцы». Як Лукашэнка 30 гадоў паляпшае жыцьцё на вёсцы, дзе за гэты час стала на 1,3 мільёна менш жыхароў
📌 Стала вядома пра новыя ахвяры ўрагану ў Беларусі
📌 У аўторак у Беларусі чакаецца да +35. Абвешчаны аранжавы ўзровень небясьпекі
📌 Латвія з 16 ліпеня перастане прапускаць аўтамабілі зь беларускай рэгістрацыяй
📌 «ПіК Свабоды». Павал Латушка — пра Польшчу, санкцыі, пакаяньне і Каардынацыйную раду
📌 Тэртэль заявіў, што Ўкраіна адвяла свае войскі ад мяжы зь Беларусьсю 3-4 ліпеня
📌 Пасьля польскай блякады руху ўлады Беларусі запрасілі Польшчу сумесна вывучыць сытуацыю на мяжы
📌 Былога кіраўніка Рэспубліканскага турыстычнага зьвязу асудзілі за «дзяржаўную здраду»
📌 Жыхара Бярозы судзяць за «тэрарызм» і разбой. Што пра яго вядома
📌 Змітра Дашкевіча пачнуць судзіць па новай крымінальнай справе на гэтым тыдні
📌 Былы палітвязень Алег Грузьдзіловіч выпускае дзіцячую кнігу зь вершамі і малюнкамі, створанымі на «Валадарцы»
📌 Суд спыніў крымінальную справу аб сакрэтных дакумэнтах супраць Трампа
📌 Замах на Трампа стаў ня першай спробай забойства прэзыдэнтаў і кандыдатаў у ЗША. Як гэта ўплывала на выбары
Павал Латушка — пра выбары, санкцыі, пакаяньне і Каардынацыйную Раду
Калі Польшча перакрые транзыт зь Беларусі – добра ці кепска гэта будзе для беларускага народу? Ці зьбіраецца Латушка каяцца за службу ў Лукашэнкі? У чым ён гатовы на кампраміс зь меншасьцю ў Каардынацыйнай радзе?
На пытаньні Юрыя Дракахруста ў праграме «ПіК Свабоды» адказвае кіраўнік Народнага антыкрызіснага ўпраўленьня, чалец Аб'яднанага пераходнага кабінэту, дэлегат Каардынацыйнай рады Павал Латушка.
https://youtu.be/Y88I502zxjU
Агрэсіўная моладзь напала на польскіх салдат на мяжы Польшчы і Беларусі
У сеткі трапіў відэазапіс, на якім бачна, як агрэсіўная моладзь у ноч з суботы на нядзелю ў Вычулках непадалёк ад мяжы Польшчы зь Беларусьсю нападае на польскіх жаўнераў. Справу расьсьледуе паліцыя. Пра грамадзянства нападнікаў не паведамляецца. https://smarturl.click/5O21D
Аб’яднананы пераходны кабінэт неўзабаве прэзэнтуе праект «Плятформы 2025»
Павал Латушка праанансаваў кадравыя зьмены ў складзе Аб’яднанага пераходнага кабінэту, якія адбудуцца на канфэрэнцыі «Новая Беларусь» https://smarturl.click/AdBg3
Вольга Лойка пра суд: «Гэта іх працэс, ня буду ім дапамагаць»
Паводле экс-журналісткі Tut.by Вольгі Лойкі, яе ў суд, які праходзіць у Беларусі, як і для ўдзелу ў працэсе праз скайп, не запрашалі.
«Адносна працэсу мне сказаць няма чаго — ня ўдзельнічаю, мяне ніхто не інфармаваў і я адваката ня брала. Гэта іх працэс, ня буду ім дапамагаць. Унутры краіны засталося шмат людзей, каму патрэбная юрыдычная дапамога — ня буду адцягваць на сябе рэсурсы», — сказала Вольга Лойка ў інтэрвію Свабодзе.
Падрабязьней пра завочны працэс: https://smarturl.click/ppa97
Латвія з 16 ліпеня перастане прапускаць аўтамабілі зь беларускай рэгістрацыяй
Забарона распаўсюджваецца на ўезд у Эўразьвяз праз латвійска-беларускія і латвійска-расейскія памежныя пункты. Улады Латвіі патлумачылі гэты крок.
https://smarturl.click/qlm90
Пасьля польскай блякады руху ўлады Беларусі запрасілі Польшчу сумесна вывучыць сытуацыю на мяжы
З заявай выступіў міністар замежных спраў Беларусі Максім Рыжанкоў, прызначаны на гэтую пасаду гэтым летам. Пры гэтым Рыжанкоў абрынуўся на палякаў з крытыкай і зазначыў, што «польскаму боку ня вельмі цікавае разьвязаньне гэтага пытаньня».
https://smarturl.click/DaBpZ
Былога кіраўніка Рэспубліканскага турыстычнага зьвязу асудзілі за «дзяржаўную здраду»
Паводле вэрсіі прапагандыстаў, мужчына супрацоўнічаў з польскімі і літоўскімі спэцслужбамі. Літоўцы нібыта завэрбавалі яго яшчэ ў 2015-м.
https://smarturl.click/6768g
Сёньня народзіны паэткі Алаізы Пашкевіч (Цёткі)
15 ліпеня 1876 году нарадзілася Алаіза Пашкевіч (Цётка), паэтка, палітэмігрантка, дзяячка нацыянальна-вызвольнага й сацыялістычнага руху пачатку ХХ ст.
Больш падзей гэтага дня ў гісторыі — у матэрыяле «Ўжо сёньня»: https://smarturl.click/G6Bnd
У Рэчыцкім раёне ад урагану загінуў хлопчык
У аздараўленчым дзіцячым лягеры імя Марата Казея ў Рэчыцкім раёне 7 дзяцей пацярпелі, калі ўпалі дрэвы. Адзін зь іх загінуў.
Загінуламу хлопчыку было 13 гадоў, паведамляе Сьледчы камітэт. (Відэа СК)
Агулам ужо тры чалавекі загінулі ў выніку цяперашняга ўрагану ў Беларусі, 14 — у тым ліку 10 непаўналетніх — пацярпелі.
Раман Галоўчанка сустрэўся зь Нікалясам Мадура і заявіў пра «станоўчы эфэкт» ад санкцый
Прэм’ер-міністар Беларусі ў час сустрэч з іншымі вэнэсуэльскімі палітыкамі заявіў пра тое, што на перамовах абмеркавалі «амаль увесь комплекс гандлёва-эканамічных адносінаў Беларусі і Вэнэсуэлы» і дамовіліся «перазапусьціць сумесныя праекты».
https://smarturl.click/w9DM8
У Мазыры другія суткі няма электрычнасьці, але падалі ваду
Да раніцы 16 ліпеня электразабесьпячэньне, парушанае наступствамі непагадзі, было адноўлена ў 397 населеных пунктах вобласьці, але ў Мазыры яго няма ўжо больш за суткі.
https://smarturl.click/2qemZ
Сёньня гадавіна падзелу хрысьціянскай царквы
16 ліпеня 1054 году — папскія легаты абвясьцілі адлучэньне ад царквы канстантынопальскага патрыярха Міхаіла Керуларыя, а ён — легатаў. Гэтая дата лічыцца пачаткам Вялікай схізмы, якая падзяліла адзіную да таго часу хрысьціянскую царкву на дзьве часткі: каталіцкую і праваслаўную.
Больш падзей гэтага дня ў гісторыі — у матэрыяле «Ўжо сёньня»: https://smarturl.click/gp3nR
На фота гатычная царква XVI ст. у вёсцы Мураванка Шчучынскага раёну Гарадзенскай вобласьці, якая за сваю доўгую гісторыю пабывала і праваслаўнай, і ўніяцкай.
Што вядома пра кандыдата ў віцэ-прэзыдэнты ЗША? Ён ня раз выступаў супраць падтрымкі Ўкраіны. Будзем дапаўняць тут. https://smarturl.click/dpVRE
Читать полностью…
Зяленскі: Расея павінна быць на наступным саміце міру
Прэзыдэнт Украіны Ўладзімір Зяленскі заявіў у панядзелак, што мае намер падрыхтаваць усе элемэнты мірнага пляну да лістапада, з тым, каб Кіеў мог склікаць другі міжнародны мірны саміт. На ім будуць чакаць прадстаўнікоў Расеі.
У мінулым месяцы Украіна правяла ў Швайцарыі першы мірны саміт, на якім прысутнічалі прадстаўнікі 92 краін. Расея не была запрошаная на гэты форум.
На мінулым тыдні намесьнік міністра замежных спраў Расеі заявіў, што Масква ня будзе прысутнічаць на другім мірным саміце па Ўкраіне. https://smarturl.click/O0mBb
У аўторак у Беларусі чакаецца да +35. Абвешчаны аранжавы ўзровень небясьпекі
У дзённы час 16 ліпеня на большай частцы тэрыторыі Беларусі максымальная тэмпэратура паветра дасягне +30 +34°С, па поўдні краіны месцамі да +35°С.
У сувязі з гэтым улады выдалі папярэджаньне аб неспрыяльнай гідрамэтэаралягічнай сытуацыі (аранжавы ўзровень небясьпекі). Падрабязнасьці тут: https://smarturl.click/nyxZW
Былы палітвязень Алег Грузьдзіловіч выпускае дзіцячую кнігу зь вершамі і малюнкамі, створанымі на «Валадарцы»
Кніга журналіста Свабоды «Прыгоды дзядзі Віці на Валадарцы» ўтрымлівае дзіцячыя вершы, напісаныя для ўнукаў у турме, якую ўлады нядаўна закрылі.
Выданьне выходзіць у беластоцкім выдавецтве «Камунікат». https://smarturl.click/71BwD
Менск загаварыў іншай мовай. Ці будуць за гэтым дзеяньні?
Каскад заяваў беларускіх афіцыйных асобаў, скіраваных на нейкую разрадку напружанасьці з Украінай і Захадам, наўрад ці можна лічыць выпадковым. Да гэтага трэнду варта далучыць і нечаканае вызваленьне каля двух дзясяткаў палітвязьняў. З чым зьвязаныя гэтыя крокі? Аналітыка Валера Карбалевіча: https://smarturl.click/EeBlL
Бесьпілётнікі «Герань», паказаныя на парадзе ў Менску, імаверна, вырабілі не ў Беларусі
Трэцяга ліпеня, падчас вайсковага параду ў Менску, улады паказалі ўдарныя бесьпілётнікі «Герань-2» нібыта беларускай вытворчасьці. Вонкава яны выглядаюць як іранскія Shahed 136 ці іх расейскі варыянт з такой жа назвай, «Герань-2». Свабода з дапамогай экспэртаў паспрабавала разабрацца, ці сапраўды яны маглі быць вырабленыя ў Беларусі, як гэта аб’явілі на парадзе.
https://smarturl.click/YzylV
«Прыбіральні толькі на адной вуліцы». Як Лукашэнка 30 гадоў паляпшае жыцьцё на вёсцы, дзе за гэты час стала на 1,3 мільёна менш жыхароў
«Пабудавалі круты спартовы комплекс, а там няма наведнікаў. Я адна плавала ў басэйне». Як беларускія ўлады 30 гадоў «ратуюць» вёску, дзе на 1,3 мільёна паменшала жыхароў. І чаму з гэтага нічога не атрымліваецца. Разьбіраемся.
https://smarturl.click/vwR9v
Замах на Трампа стаў ня першай спробай забойства прэзыдэнтаў і кандыдатаў у ЗША. Як гэта ўплывала на выбары
За ўсю гісторыю чатыры прэзыдэнты ЗША былі забітыя, іншыя станавіліся мішэньню, як і кандыдаты на гэтую пасаду. Палітычныя экспэрты дзеляцца меркаваньнямі, наколькі ўплывалі замахі на кандыдатаў на вынікі наступных выбараў для іх і іхных партый.
https://smarturl.click/ZyW9z
Добраахвотніца «Ночка», якая паведамляе родным беларускіх добраахвотнікаў пра іх гібель. Відэа
З 24 лютага 2022 году ва Ўкраіне загінула ўжо больш за 60 беларусаў, якія ваявалі на баку Кіева. Дакладная колькасьць невядомая. Пра тое, што чалавек знаходзіцца на вайне, празь небясьпеку з боку беларускіх уладаў часта ня ведаюць нават ягоныя родныя.
Камунікацыяй са сваякамі загінулых, прапаўшых бязь вестак і палонных у палку імя Каліноўскага займаецца добраахвотніца, якая служыць там зь лета 2022 году.
Анёл Сьмерці. Гісторыя беларускі, якая паведамляе родным загінулых каліноўцаў пра іх гібель
«Я з большасьцю застаюся на кантакце. Па-першае, полк — гэта сям’я. І сем’і нашых палеглых таксама цяпер наша сям’я. Яны заўсёды могуць да нас зьвярнуцца па дапамогу ці па нешта іншае. Таму з большасьцю падтрымліваем кантакты. З тымі, хто ў Беларусі, асьцярожныя. З тымі, хто за мяжой, трохі больш шчыльныя».
Чэмпіёнамі Эўропы ў футболе стала зборная Гішпаніі
У фінале, які прайшоў на Алміпійскім стадыёне ў Бэрліне, сустракаліся ангельская і гішпанская зборныя. Зь лікам 2-1 перамаглі гішпанцы. Галы за гішпанцаў забілі Ніка Ўільямс і Мікель Аярсабаль, за ангельцаў – Коўл Палмэр.
Гішпанія раней ужо была эўрапейскім чэмпіёнам тройчы – ў 1964 годзе, а потым два разы запар, у 2008 і 2012 гадах. Ангельская зборная дагэтуль ніколі не была чэмпіёнам Эўропы. Не атрымалася і гэтым разам.
Асноўнае за 14 ліпеня
📌 Былога прэзыдэнта ЗША Дональда Трампа паранілі на перадвыбарчым мітынгу ў Пэнсыльваніі. Нападнік забіты, загінуў наведнік мітынгу
📌 Замах на былога прэзыдэнта ЗША Дональда Трампа ў Пэнсільваніі. ФОТАГАЛЕРЭЯ
📌 Што вядома пра Томаса Мэт’ю Крукса, меркаванага замахоўца на Трампа
📌 У Беларусі ў непагадзь два чалавекі загінулі пасьля падзеньня дрэваў
📌 Атмасфэра, удзельнікі, грошы. Рэпартаж з фэстывалю Tutaka
📌 Літоўскі бок на 8 гадзін прыпыняў пропуск аўтамабіляў у Медніках
📌 Трагедыя на Стаўпеччыне — пара байкераў загінула пад коламі цягніка
📌 За двое сутак на вадзе загінулі сем чалавек, у тым ліку падлетак
📌 Ці шмат вы памятаеце пра 30 гадоў Лукашэнкі ва ўладзе? Прайдзіце наш ТЭСТ
📌 Беларус шые абутак для сусьветных зорак. ВІДЭА