17324
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Дыпляматычнаму прадстаўніку Беларусі ў Вільні ўручылі ноту пратэсту праз выказваньні Лукашэнкі
29 сакавіка Міністэрства замежных спраў Літоўскай Рэспублікі выклікала часовага паверанага ў справах Рэспублікі Беларусь Яраслава Хмыля (на выяве зь дзяржаўнага тэлеканалу) і ўручыла яму ноту пратэсту.
МЗС Літвы запатрабавала ад Беларусі неадкладнага афіцыйнага тлумачэньня заяваў Лукашэнкі пра Сувальскі калідор.
https://smarturl.click/jkO4q
Распачаўся збор сродкаў на адвакатаў для Андрэя Гнёта, якому пагражае дэпартацыя з Сэрбіі ў Беларусь
Андрэй Гнёт знаходзіцца пад вартай у Цэнтральнай турме Бялграда. У судзе пачаўся працэс аб яго экстрадыцыі, наступнае пасяджэньне пройдзе 1 красавіка.
Справай рэжысэра займаюцца чатыры адвакаты, іх праца працягваецца ўжо пяты месяц. У бацькоў затрыманага грошай на аплату іх працы няма. Таму сябры Гнёта, які ўтрымліваецца пад вартай у Бялградзе, адкрылі збор.
https://smarturl.click/EegGW
У Таджыкістане затрымалі 9 чалавек. Іх падазраюць у сувязях з абвінавачанымі ў тэракце ў «Крокусе» і «Ісламскай дзяржавай»
У Таджыкістане затрымалі дзевяць чалавек, якіх падазраюць у сувязях з абвінавачанымі ў тэракце ў «Крокус Сіці Холе» і з афганскай ячэйкай групоўкі «ІД Харасан», якая прызнана тэрарыстычнай многіх краінах сьвету.
Пра гэта паведамляюць «Азія-Плюс» і Reuters са спасылкай на крыніцы ў органах бясьпекі Таджыкістану.
У затрыманьні бралі ўдзел сілавікі з Расеі: https://smarturl.click/3kaMV
Падпісвайцеся на Свабоду ў radio_svaboda">TikTok!
Нашыя журналісты публікуюць там унікальныя кароткія відэа на розныя тэмы. Вось відэа апошняга тыдня:
👉🏻 Трагедыя ў Хатыні: radio_svaboda/video/7349239801545067782">узгадваем некаторыя факты і міты пра яе
👉🏻 Эканоміка на Свабодзе. Тradio_svaboda/video/7349624662877310214">лумачым «на пальцах», што такое дэфолт
👉🏻 Да Дня Волі: radio_svaboda/video/7350355819487038726">каротка расказваем, як і чаму абвясьцілі Беларускую Народную Рэспубліку
👉🏻 Пазбаўляемся англіцызмаў: radio_svaboda/video/7350737086842014982">сабралі для вас ёмістыя беларускія адпаведнікі
👉🏻 Бел-чырвона-белы сьцяг: radio_svaboda/video/7351115109122706693">ці быў ён у ВКЛ, хто і калі насамрэч яго стварыў
👉🏻 Эканоміка на Свабодзе. radio_svaboda/video/7351494259490442501">Разьбіраемся, ці ёсьць насамрэч у Беларусі прыватная ўласьнасьць
«Гэтыя людзі намагаюцца, каб мы пачалі маўчаць», — Саша Філіпенка пра сваю крымінальную справу ў Беларусі і рэжым Лукашэнкі
Кнігу Сашы Філіпенкі ў турме на Акрэсьціна чыталі і перадавалі з камэры ў камэру. Аўтар лічыць, што гэта галоўная ўзнагарода, якую можа атрымаць пісьменьнік, што кніга дапамагае людзям.
Тэлеканал «Настоящее время» пагаварыў з Сашам Філіпенкам пра яго крымінальны перасьлед на радзіме, яго кнігі і пра тое, ці ўдаецца рэжыму Лукашэнкі разьяднаць беларусаў.
https://smarturl.click/xBEVY
Саша Філіпенка — беларускі расейскамоўны пісьменьнік. Ён нарадзіўся ў Менску, пісаў сцэнарыі да праграм на расейскім тэлебачаньні, апошнія гады жыве ў Швайцарыі.
🚧 Што адбываецца на мяжы Беларусі з Эўразьвязам
Пагаварылі зь беларусамі, якія праходзілі мяжу Беларусі з Эўразьвязам у сакавіку, пасьля закрыцьця яшчэ двух літоўскіх пераходаў.
«Плянуй, што ў цябе будзе 12 гадзін вольнага часу».
https://smarturl.click/yqxqm
Пацярпелы беларус, які ратаваў людзей у «Крокус Сіці Холе», памёр
Стала вядома пра сьмерць грамадзяніна Беларусі Аліма Кашаварава. Пра гэта паведаміла амбасада Беларусі.
https://smarturl.click/RA0Av
🇺🇦 Спачатку дронамі, а потым ракетамі. Расея нанесла чарговы маштабны ўдар па Ўкраіне
Увечары 28 сакавіка расейскій войскі запусьцілі па Ўкраіне ўдарныя дроны, а пад раніцу 29 сакавіка пачалі абстрэльваць ракетамі з авіяцыі.
🇵🇱 Праз маштабную расейскую атаку Польшча падняла ў паветра свае і саюзныя самалёты для «бясьпекі польскай паветранай прасторы».
Цэлямі расейскіх удараў сталі Дніпро і Днепрапятроўская вобласьць, Львоўская вобласьць і Івана-Франкоўск. Найбольш зноў пацярпеў энэргетычны комплекс.
Расея выкарыстала супраць Украіны аэрабалістычныя ракеты «Кінжал», балістычныя «Іскандэр», кіраваныя зэнітныя «С-300» і «С-400» і кіраваныя авіяракеты Х-59, які запускаліся авіяцыяй з Тульскай, Калускай і Самарскай абласьцей, а таксама з акупаванага Крыму.
https://smarturl.click/JDeGO
Дзьмітры Гардон — пра тое, як сын Лукашэнкі дапамог яму зрабіць інтэрвію з бацькам
Адзін з папулярных украінскіх журналістаў Дзьмітры Гардон распавёў у інтэрвію парталу «Люстэрка» пра абставіны свайго інтэрвію з Аляксандрам Лукашэнкам, пра стасункі з Уладзімерам Макеям і стаўленьні да Сьвятланы Ціханоўскай.
"Я думаю, што паміж кіраўніцтвам Украіны і Беларусі існуе кантакт. І я думаю, што вынікам гэтага кантакту стаў няўдзел беларускага войска ў вайне. І гэта вельмі важна. Што да самога Лукашэнкі, ён падонак, чысты падонак. Па-першае, таму што ён зладзіў генацыд у адносінах да свайго народа, які не хацеў яго больш бачыць на пасадзе прэзыдэнта, — з катаваньнямі, зьдзекамі, пасадкамі, турмамі. А па-другое, ён па-быдлячаму павёў сябе ў адносінах да Ўкраіны. Ён мне ў інтэрвію некалькі разоў сказаў, што ніколі расейскае войска не нападзе на Ўкраіну з тэрыторыі Беларусі. Схлусіў. Ён прапусьціў расейскую армію, яна напала з тэрыторыі Беларусі і пускала ракеты", сказаў Гардон. https://smarturl.click/W3vEZ
Галоўныя падзеі і асноўныя публікацыі Свабоды 28 сакавіка
Кіраўнік Каталіцкай царквы Беларусі памаліўся за сьвятароў у зьняволеньні
Мазырскі МПЗ можа стаць «законнай цэльлю» для Ўкраіны, і гэта павінна палохаць беларускія ўлады, — Кныровіч
«Умовы працы мэдыкаў у Беларусі блізкія да рабства». Доктар Салавей пра новага міністра, «дэградацыю сыстэмы» і сьмерці ў радзільнях
Доктар Станіслаў Салавей стаў намесьнікам Вольгі Гарбуновай у Аб’яднаным пераходным кабінэце ў пытаньнях аховы здароўя
Праваабаронцы апублікавалі выніковую справаздачу па выніках назіраньня ў Адзіны дзень галасаваньня ў Беларусі
Насельніцтва Беларусі за год скарацілася амаль на 45 тысяч чалавек
«Статыстыка ня ўлічвае эмігрантаў». Што гавораць сьвежыя дадзеныя Белстату пра скарачэньне жыхароў Беларусі
У ЦВК зарэгістравалі 56 кандыдатаў у Савет Рэспублікі. Астатніх 8 прызначыць Лукашэнка
Жанчыны з труной. Як працуе фірма, якая ладзіла пахаваньне беларускі Лізаветы ў Варшаве
Доктар Салавей пра новага міністра, «дэградацыю сыстэмы» і сьмерці ў радзільнях
Што зьмянілася ў беларускай мэдыцыне з прыходам новага міністра аховы здароўя? Што стане з сыстэмай аховы здароўя Беларусі, калі ў краіне нічога ня будзе мяняцца бліжэйшыя гады? Зь якімі праблемамі сутыкнуліся беларускія мэдыкі ва Ўкраіне, пасьля таго як Украіна скасавала пагадненьне зь Беларусьсю аб узаемным прызнаньні дыплёмаў? Дзеля чаго мэдыкам патрэбны незалежны прафсаюз? На гэтыя ды іншыя пытаньні адказвае прадстаўнік незалежнага прафсаюзу мэдыкаў «Панацэя», доктар акушэр-гінэколяг Станіслаў Салавей. Сёньня Станіслаў Салавей прызначаны намесьнікам прадстаўніцы па сацыяльнай палітыцы Аб’яднанага Пераходнага Кабінэту. Відэа: https://youtu.be/yBXAvpuY29U
Доктар Станіслаў Салавей прызначаны намесьнікам прадстаўніцы ў сацыяльнай палітыцы Аб’яднанага пераходнага кабінэта Вольгі Гарбуновай
Ён будзе адказваць за пытаньні аховы здароўя. Асноўная задача, якая перад ім стаіць, — распрацоўка праекту рэформаў аховы здароўя пераходнага пэрыяду. Таксама Салавей будзе займацца абаронай правоў беларускіх мэдыкаў у замежжы.
Станіслаў Салавей — доктар, прафсаюзны лідэр, грамадзянскі актывіст у сфэры аховы здароўя. З 2016 па 2021 год — акушэр-гінеколяг, доктар ультрагукавой дыягностыкі ў 3-м Гарадзкім клінічным шпіталі імя Я.У. Клумава. У 2021-2024 гадах акушэрам-гінеколягам ва Ўкраіне. З 2021 году — прафсаюзны актывіст і старшыня галіновай прафсаюзнай арганізацыі мэдыкаў «Панацэя». https://smarturl.click/vw2l5
«Статыстыка ня ўлічвае эмігрантаў». Што гавораць сьвежыя дадзеныя Белстату пра скарачэньне жыхароў Беларусі
Мінус 252 тысячы чалавек з 2020 году. Як скарачаецца колькасьць жыхароў Беларусі і пра што сьведчаць дадзеныя афіцыйнай статыстыкі. Разьбіраемся:
https://smarturl.click/8EOZ0
Ніну Багінскую будуць судзіць за нацыянальны сьцяг на тумбачцы
Вядомая грамадзкая актывістка Ніна Багінская мусіць зьявіцца ў суд Першамайскага раёну Менску для разгляду адміністрацыйнага пратаколу за тое, што ў яе кватэры сілавікі знайшлі нацыянальны сьцяг Беларусі, паведамляе @belsat.
Бел-чырвона-белы сьцяг быў на тумбачцы ў пакоі, дзе жыве Багінская. Сілавікі пабачылі яго, калі ў Дзень Волі 25 сакавіка прыйшлі дадому да Багінскай. Яе адвезьлі ў пастарунак міліцыі і трымалі там да вечара, распавяла крыніца «Белсату». Імаверна, сваім візытам сілавікі хацелі «перадухіліць» традыцыйны выхад актывісткі на вуліцы Менску з нацыянальным сьцягам.
Жанчыны з труной. Як працуе фірма, якая ладзіла пахаваньне беларускі Лізаветы ў Варшаве
Расказваем пра пахавальны дом у Польшчы, дзе жанчыны абслугоўваюць цырымонію і выносяць труну зь нябожчыкам. Фірма «Mój anioł» ладзіла і пахаваньне беларускі Лізаветы, якая трагічна памерла сёлета ў Варшаве:
https://smarturl.click/O06Ra
Расейцы абстралялі Адэсу, ёсьць параненыя. ФОТА
Тры чалавекі параненыя, у тым ліку двое дзяцей 10 і 15 гадоў. Усіх шпіталізавалі зь лёгкімі раненьнямі. У будынках і аўтамабілях выбіта шкло.
Паветраныя сілы Ўкраіны паведамілі, што расейцы пацэлілі па горадзе дзьвюма кіраванымі авіяцыйнымі ракетамі тыпу Х-59.
Здымкі Сілаў абароны Поўдня Ўкраіны
Аўтамабілісты, якія стаяць на мяжы ў Літве, паведамілі аб абмежаваньні руху ў Беларусь машын на транзытных нумарах
Раней Латвія і Польшча перасталі пускаць у Беларусь аўтамабілі на транзытных нумарах з аб’ёмам рухавіка ад 1,9 літра і больш, а таксама даражэйшыя за 50 тысяч эўра. У Літве пакуль не было ніякіх афіцыйных паведамленьняў з гэтай нагоды.
https://smarturl.click/LYWG3
У Гомлі колішняга кіраўніка Чыгуначнага раёну гораду Аляксандра Сівакова і ягоную намесьніцу Натальлю Жук асудзілі на 3 гады калёніі
Як паведаміла «Наша ніва», чыноўнікам інкрымінавалі перавышэньне ўлады ці службовых паўнамоцтваў паводле ч. 3 артыкулу 426 Крымінальнага кодэксу Беларусі, які прадугледжвае ад 3 да 10 гадоў зьняволеньня.
Раней паведамлялі, што Аляксандра Сівакова і Натальлю Жук затрымалі ў пачатку лютага 2023 году працоўным месцы.
Аляксандар Сівакоў узначаліў адміністрацыю Чыгуначнага раёну Гомля ў сьнежні 2019 году. Ён быў дэпутатам Гомельскага гарадзкога Савета дэпутатаў, быў сябрам выбарчай камісіі ад раённай арганізацыяй «Белая Русь» у 2016 годзе.
«Нам проста надакучыў нэгатыў з усіх бакоў». Аўтары флэшмобу «This is Belarus» расказалі, у чым яго ідэя і як ён ствараўся
«This is Belarus. У Instagram сярод беларусаў завірусіўся флэшмоб «This is Belarus. Пакажы сваю часьцінку Беларусі». Выглядае ён як шаблён у сторыз, дзе кожны можа выкласьці сваё фота ці відэа. У асноўным людзі посьцяць помнікі архітэктуры, краявіды ці сваю сям’ю. У флэшмобе ўзялі ўдзел каля 100 тысяч беларусаў, як унутры Беларусі, так і за мяжой. Паўдзельнічалі акаўнты прапагандыстаў, Лукашэнкі, апазыцыйныя палітыкі.
Распыталі аўтараў, як зьявілася ідэя і ў чым мэта флэшмобу: https://smarturl.click/z2zd6
Праваабаронцы паведамілі пра пабіцьцё затрыманага ў Берасьці валянтэра
Затрыманага ў Берасьці Віталя Чопіка, які хадзіў на палітычна матываваныя суды, вазілі ў шпіталь са слядамі моцнага пабіцьця. Пра здарэньне піша «Вясна».
Паводле праваабаронцаў, пасьля затрыманьня мужчыну дастаўлялі ў шпіталь на машыне хуткай дапамогі са сьлядамі моцнага пабіцьця, а колер твару Чопіка быў жоўтым, што можа сьведчыць аб пашкоджаньні печані.
https://smarturl.click/dp1pQ
🇵🇱 Са жніўня 2020 года больш за 10 тысяч беларусаў зьвярнуліся па міжнародную абарону ў Польшчы
Пачынаючы з 9 жніўня 2020 года па 29 лютага 2024 года па міжнародную абарону ў Польшчы зьвярнуўся 10 161 грамадзянін Беларусі.
Піша Reform са спасылкай на справаздачу ўпраўленьня па справах замежнікаў Польшчы.
Агулам ў 2021-2024 гадах было вынесена 570 рашэньняў аб прадастаўленні статусу бежанцаў і 7472 — статусу дадатковай абароны. Цяпер разглядаюцца 1607 спраў аб прадастаўленьні міжнароднай абароны грамадзянам Беларусі.
За гэты перыяд усяго больш за 124 тысячы беларусаў атрымалі дакумэнт, які дае права на знаходжаньне ў Польшчы. Каля 41 тысячы грамадзян Беларусі атрымалі дазвол на пастаяннае пражываньне
❗️ЭКСКЛЮЗЫЎ
«Архіпэляг БЕЛАГ». Як Беларусь ператвараюць у турму. Прэм’ера новага візуалізаванага падкасту Свабоды
Пасьля прэзыдэнцкіх выбараў і мірнай рэвалюцыі 2020 году аўтарытарны кіраўнік Аляксандар Лукашэнка праводзіць масавыя рэпрэсіі, ахвярамі якіх сталі сотні тысячаў чалавек. «Архіпэляг БЕЛАГ» — так называецца візуалізаваны подкаст Радыё Свабода. Яго назва адсылае да знакамітага твору расейскага пісьменьніка і дысыдэнта Аляксандра Салжаніцына, празь які сьвет даведаўся пра маштаб рэпрэсій у СССР у часы Леніна і Сталіна, у якім было апісана, як пабудаваная савецкая карная сыстэма.
У сямі частках падкаста «Архіпэляг БЕЛАГ» апісаныя ўсе кругі пекла карнай сыстэмы рэжыму Лукашэнкі.
У аўторак 2 красавіка слухаце і глядзіце першую частку падкаста.
Ужо сёньня: дзень памяці Ніла Гілевіча
29 сакавіка 2016 году памёр Ніл Гілевіч, народны паэт Беларусі, аўтар вершаванага раману «Родныя дзеці», зборнікаў «Лісьце трыпутніку», «На флейце самоты» і іншых. У 1985–1995 гадах Гілевіч быў дэпутатам Вярхоўнага Савету БССР 11-га і 12-га скліканьняў.
Іншыя адметныя падзеі 29 сакавіка — у матэрыяле «Ўжо сёньня»: https://smarturl.click/ZyBad
За паляваньне на мядзьведзя ГУБАЗіК і «Алмаз» затрымалі 19 чалавек
У Віцебскай вобласьці супрацоўнікі ГУБАЗіК і «Алмазу» затрымалі 19 чалавек. Іх падазраюць у браканьерстве, незаконным абарачэньні агнястрэльнай зброі і боепрыпасаў, паведаміла 28 сакавіка МУС Беларусі.
Па вэрсіі МУС, затрыманыя займаліся незаконным паляваньнем з выкарыстаньнем верталёта ў Віцебскай вобласьці, падчас якой яны забілі чырванакніжнага бурага мядзьведзя. https://smarturl.click/l5BvY
У Севастопалі ўпаў у мора расейскі зьнішчальнік Су-35
У Севастопалі ў анэксаваным Крыме пацярпеў крушэньне ў моры вайсковы самалёт, паведаміў у Тэлеграме расейскі губэрнатар гораду Міхаіл Разважаеў. Гэта расейскі зьнішчальнік Су-35.
Інцыдэнт трапіў на відэазапісы відавочцаў. Перад крушэньнем самалёт гарэў у паветры. Па словах Разважаева, пілёт уратаваўся.
Расейскі вайсковы блогер Барыс Рожын, які жыве ў горадзе, сьцьвярджае ў Тэлеграме, што самалёт мог трапіць пад «дружалюбны агонь». Расейскае Міністэрства абароны і ЗСУ Ўкраіны інцыдэнт на момант публікацыі навіны не камэнтавалі. У якасьці іншых вэрсій называюцца тэхнічныя непаладкі і пападаньне птушкі ў рухавік. https://smarturl.click/pp4QG
Першы пашпарт іншаземца выдалі беларусу ў Славеніі
Пра гэта паведаміла Прадстаўніцтва Аб’яднанага пераходнага кабінэту (АПК) па замежных справах.
У 9-гадовага беларуса пашпарт канчаўся ў чэрвені 2024 году. Бацькі зьвярнуліся для хлопца па пашпарт іншаземца — і атрымалі адмову. Аднак урэшце гэтай справе далі рады. Паспрыяла, сярод іншага, Народная амбасада Беларусі ў Славеніі. Яна інфармуе славенскія МЗС і МУС аб праблемах беларусаў у краіне, наступствах указу Лукашэнкі № 278 і досьведзе іншых краін у вырашэньні падобных праблемаў.
Пасьля ліста ў МЗС Славеніі бацькі беларуса паўторна зьвярнуліся па пашпарт замежніка для сына і атрымалі станоўчы адказ. Пашпарт замежніка выдалі на 2 гады. https://smarturl.click/nykaV
У ЦВК зарэгістравалі 56 кандыдатаў у Савет Рэспублікі. Астатніх 8 прызначыць Лукашэнка
Альтэрнатывы на выбарах у Савет Рэспублікі ня будзе.
Паводле ЦВК, усе кандыдаты маюць вышэйшую адукацыю і працуюць на кіроўных пасадах. 30% зь із зьяўляюцца прадстаўнікамі партый: 16 – партыі «Белая Русь» і адзін – Кампартыі. У Савет Рэспублікі вылучаныя 15 чалавек зь мінулага скліканьня, 5 – кіраўнікі абласных і раённага Саветаў дэпутатаў, 5 – прадстаўнікі органаў выканаўчай улады, 6 – кіраўнікі мэдычных устаноў і 5 прадстаўляюць адукацыйную сыстэму.
Пасяджэньне ЦВК Беларусі. Фота sb.by
https://smarturl.click/pp4bG
Насельніцтва Беларусі за год скарацілася амаль на 45 тысяч чалавек
Паводле Белстату, на 1 студзеня насельніцтва Беларусі склала 9 155 978 чалавек, за год яго скарацілася на 44 639 чалавек. У параўнаньні з пачаткам 2020 году насельніцтва Беларусі зьменшылася на 254,3 тыс. чалавек.
Гарадзкое насельніцтва за год скарацілася на 14,1 тысячы чалавек, сельскае — на 30,5 тысячы чалавек. У Менску на 1 студзеня 2024 году пражывалі 1 992 862 чалавекі — на 2609 чалавек менш, чым у пачатку мінулага году:
https://smarturl.click/JDxYk
Баўгарыя і Румынія неўзабаве пачнуць выдаваць шэнгенскія візы беларусам
31 сакавіка шэнгенскія візы беларусам пачне выдаваць Румынія, з 1 красавіка — Баўгарыя, паведамілі амбасады гэтых краінаў у Менску. Амбасада Баўгарыі таксама заключыла пагадненьне аб абслугоўваньні з апэратарам VFS Global, візавыя цэнтры якога працуюць у дзевяці гарадах Беларусі:
https://smarturl.click/vw2Q5
МУС Беларусі пачало забараняць беларускія дыяспары — «Асацыяцыю беларусаў у Амэрыцы» прызналі «экстрэмісцкім фармаваньнем»
Рашэньне аб прызнаньні «ABA Together (Association of Belarusians in America)» «экстрэмісцкім фармаваньнем» было прынятае МУС 28 сакавіка, піша @viasna96.
Раней сацсеткі некаторых дыяспараў прызналі «экстрэмісцкімі матэрыяламі».