17324
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Камандуючы беларускіх ВПС: у верасьні 2025 году ў Беларусі адбудуцца супольныя з Расеяй стратэгічныя вучэньні
Ім будуць папярэднічаць апэратыўна- і лётна-тактычныя вучэньні на расейскіх і беларускіх палігонах. Агулам на 2025 год міністэрствы абароны Беларусі і Расеі заплянавалі больш за 160 супольных мерапрыемстваў:
https://smarturl.click/Dab9v
У Расеі дваіх беларусаў пакаралі 12 гадамі калёніі ў справе аб дывэрсіі на чыгунцы
У Расеі суд прызнаў ураджэнцаў Віцебску Басько і Брэскага, якія прыехалі ў Маскву на заробкі, вінаватымі паводле артыкулу аб дывэрсіі і прысудзіў кожнаму па 12 гадоў калёніі строгага рэжыму.
https://smarturl.click/2qGBA
Аляксей Коласаў стаў першым беларускім брамнікам у гісторыі НХЛ
Гэта ўжо 16-ы беларус у гісторыі НХЛ і першы брамнік зь Беларусі, які згуляў у наймацнейшай хакейнай лізе плянэты.
Адна з праблем, якую «Флаерз» павінны вырашыць з Коласавым, — гэта камунікацыя. Аляксей Коласаў не размаўляе па-ангельску, таму часам ён і ягоныя абаронцы не на адной хвалі.
https://smarturl.click/aJj5X
У сьвеце жывёлаў, падобных да людзей. Каму замінаюць квадробэры
«Пасьля порцыі штодзённых навінаў — што зь Беларусі, што з Расеі — іншы раз сапраўды хочацца надзець хоць ваўчыную, хоць зайчыную маску і хвост, стаць на карачкі і схавацца дзе-небудзь у іншым вымярэньні». Пра рознае стаўленьне да квадробэраў ў Беларусі і Расеі піша Сяргей Дубавец.
https://smarturl.click/kj4kR
Беларускі дом у Вільні пасьля інцыдэнту з спробай падпалу не зьмяніў графіку працы
Дырэктарка віленскага Цэнтру беларускай супольнасьці й культуры Людвіка Кардзіс сказала Свабодзе, што Беларускі дом працягвае працаваць, як і раней, згодна з сваім плянам:
Усе заплянаваныя імпрэзы праводзяцца і будуць праводзіцца далей
Як пройдзе «Ноч расстраляных паэтаў». Расклад падзей за межамі Беларусі
Ужо чацьвёрты год запар акцыя памяці праходзіць па-за межамі Беларусі — да яе далучаюцца людзі ў розных гарадах Літвы, Польшчы, Грузіі, Амэрыкі і іншых краін.
Расказваем, дзе памятныя падзеі адбудуцца сёлета.
https://smarturl.click/l5Wk1
«Жанчыны з падвышаным пачуцьцём справядлівасьці». Расказваем пра юрыдычную ініцыятыву Partyzanka
Сузаснавальніца Partyzankі Ганна Маціеўская расказала Свабодзе, як паўстала гэтая жаночая ініцыятыва, каму яна дапамагае і ці ўсім бясплатна, а таксама — як беларусы масава сталі выяжджаць зь Літвы ў іншыя краіны.
https://smarturl.click/1dJWb
Кіроўная ў Літве партыя прайграла парлямэнцкія выбары
Літоўская сацыял-дэмакратычная партыя перамагае на выбарах у Сэйм 27 кастрычніка, значна апярэдзіўшы сваіх найбліжэйшых супернікаў, паведамляе LRT. У першым туры два тыдні таму сацыял-дэмакраты атрымалі 20 месцаў у Сейме, а ў другім туры 27 кастрычніка кандыдаты партыі лідзіруюць або перамаглі ў 32 аднамандатных акругах.
Кіроўная партыя кансэрватараў «Зьвяз Айчыны — Літоўскія хрысьціянскія дэмакраты» займае другое месца на выбарах. Лідэр партыі Габрыэлюс Ландсбергіс павіншаваў сацыял-дэмакратаў зь перамогай:
https://smarturl.click/67dlZ
Прэзыдэнтка Грузіі не прызнала вынікі парлямэнцкіх выбараў, заклікала да пратэстаў і абвінаваціла Расею ва ўмяшаньні
«Новай формай гібрыднай вайны, апрабаванай на грузінскім народзе», назвала прэзыдэнтка Грузіі Саламэ Зурабішвілі мінулыя парлямэнцкія выбары, вынікі якіх яна лічыць татальна сфальсыфікаванымі. Прэзыдэнтка заклікала грузінскі народ змагацца за свой голас:
https://smarturl.click/YzQ8e
Рэдкі выпадак: у Беларусі перайменавалі дзьве чыгуначныя станцыі
Беларуская чыгунка 25 кастрычніка перайменавала дзьве станцыі ў Гомельскай вобласьці. Чыгуначную станцыю Козенкі афіцыйна перайменавалі ў станцыю Мазыр, а ранейшая станцыя Мазыр цяпер называецца Мазыр-Паўночны, прычым па-расейску — «Мозырь-Павночный».
Паводле зьвестак @belzhd_live, станцыя Козенкі была адной зь 10 галоўных станцыяў Гомельскага аддзяленьня БЧ па дастаўцы тэхнікі і снарадаў падчас уварваньня расейскага войска з тэрыторыі Беларусі ва Ўкраіну^
https://smarturl.click/4kblG
Выбары ў Грузіі былі азмрочаныя няроўнымі ўмовамі, ціскам і напружанасьцю, — міжнародныя назіральнікі
Міжнародныя назіральнікі за парлямэнцкімі выбарамі ў Грузіі адзначылі неапраўданы ціск на выбарнікаў і грамадзянскую супольнасьць. Таямніца галасаваньня часта парушалася, і паступалі паведамленьні аб прымусе да галасаваньня, запалохваньнях і ціску на выбарнікаў, асабліва на работнікаў дзяржаўнага сэктару і іншыя групы.
Усе высновы міжнародных і грузінскіх назіральнікаў:
https://smarturl.click/w9RjW
Ці сапраўды ўзровень халестэрыну можна зьнізіць без прыёму лекаў
З разьвіцьцём мэдыцыны і распаўсюджваньнем навуковых ведаў пра здароўе роля, якую адыгрывае ў нашым арганізьме халестэрын, стала зразумелаю для самых шырокіх колаў людзей. Высокі ўзровень гэтага рэчыва нясе значныя пагрозы для здароўя. The New York Times пацікавілася ў экспэртаў, наколькі эфэктыўна могуць уплываць на ўзровень халестэрыну немэдыкамэнтозныя спосабы і сродкі:
https://smarturl.click/B6bqM
Уначы Ўкраіну атакавалі каля 80 дронаў, адзін зь іх паляцеў у напрамку Беларусі
Каля дзясятка дронаў атакавалі Кіеў, іх удалося зьбіць, пацярпелых ці разбурэньняў не зафіксавана. Агулам украінскім вайскоўцам удалося зьбіць 41 з 80 дронаў у Адэскай, Кіеўскай, Мікалаеўскай, Херсонскай, Сумскай, Кіраваградзкай, Чаркаскай, Жытомірскай, Хмяльніцкай і Чарнігаўскай абласьцях. 32 дроны «лякальна страчаныя», адзін паляцеў у напрамку Беларусі.
Мінабароны Расеі заявіла, што ў ноч на 27 кастрычніка над тэрыторыяй Расеі зьбілі 51 украінскі бесьпілётнік:
https://smarturl.click/Dab33
👆🏻Запытайся ў Дубаўца. Чаму ў Беларусі няма Дня ўдзячнасьці?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
На жаль, няма. У Паўночнай Амэрыцы першапачаткова гэта было нешта накшталт нашых Дажынак, але з часам сэнс паглыбіўся. Увогуле адчуваньне ўдзячнасьці фармуецца (або не фармуецца) ў чалавеку ў раньнія гады, усё залежыць ад выхаваньня. Усеагульнае сьвята ўдзячнасьці спрыяе зьмякчэньню нораваў. Але пры дыктатуры такіх сьвятаў не бывае, бо ўлада апынаецца ў руках тых, хто акурат ня ведае, што гэта такое, і запаноўвае атмасфэра безэмацыйнасьці. Пасьля Лукашэнкі беларусам трэба будзе ўвесьці такое сьвята — як разгавеньне душы пасьля дыктатуры.
У Літве праходзіць другі тур выбараў у парлямэнт, пасьля якога сфармуюць новы ўрад
Сёньня ў Літве — другі тур парлямэнцкіх выбараў у мажарытарных акругах, вынікам якога стане фармаваньне Сейму, што можа цалкам зьмяніць урадавую кааліцыю. Чаго баяцца літоўскія выбарнікі і ці могуць вынікі гэтых выбараў прывесьці да істотных зьменаў у замежнай палітыцы Літвы?
Расказваем: https://smarturl.click/qlanw
Генэральны сакратар NATO прызнаў, што Расея разьмясьціла войскі КНДР у Курскай вобласьці
Генсакратар NATO Марк Рутэ Марк Рутэ назваў гэты крок Масквы і Пхэньняна «значным абвастрэньнем» вайны Расеі супраць Украіны.
https://smarturl.click/8Eb5b
Як у Малдове рыхтуюцца да другога туру прэзыдэнцкіх выбараў і якія шанцы на перамогу мае дзейная прэзыдэнтка
Другі тур галасаваньня на выбарах прэзыдэнта Малдовы адбудзецца 3 лістапада.
https://smarturl.click/yq3Dj
У Беларусі затрымалі 26 грамадзян Латвіі. У Рызе заявілі аб вялікіх рызыках фіктыўных спраў
Як паведамілі выданьне delfi.lv і агенцтва LETA з спасылкай на прэсавага сакратара МЗС Латвіі Дыяну Эглітэ, прадстаўніцтва Латвіі ў Віцебску аказвае арыштаваным неабходную і магчымую консульскую падтрымку, але такая дапамога ўскладненая праз адсутнасьць вяршэнства закону ў Беларусі, а таксама празь мінімізацыю супрацы зь Беларусьсю ў сфэры правасудзьдзя і іншых галінах пасьля ўварваньня Расеі ва Ўкраіну.
https://smarturl.click/Adbwv
На магіле Станіслава Шушкевіча паставілі помнік
Першы кіраўнік незалежнай Беларусі Станіслаў Шушкевіч памёр 3 траўня 2022 годуе, калі яму было 87 гадоў. У канцы красавіка 2022 году ён трапіў у рэанімацыю пасьля COVID-19, наступствы якога не перанёс.
Сёлета на ягонай магіле ў Менску на Паўночных могілках паставілі помнік.
https://smarturl.click/5Obm0
У ЭЗ і ЗША заклікалі Грузію расьсьледаваць парушэньні на выбарах і скасаваць недэмакратычныя законы
Дзяржаўны сакратар ЗША Энтані Блінкен заявіў, што міжнародныя назіральнікі не прызналі вынікаў выбараў свабоднымі і справядлівымі, але яўка выбарнікаў на выбарах даказала, што грузінскі народ падтрымлівае дэмакратычныя прынцыпы.
У Эўрапейскім зьвязе заклікалі ўлады Грузіі правесьці незалежнае расьсьледаваньне ўсіх парушэньняў выбарчага заканадаўства.
Мы заклікаем Цэнтральную выбарчую камісію Грузіі і іншыя адпаведныя органы ўлады выканаць свой абавязак хутка, празрыста і незалежна расьсьледаваць і прыняць рашэньні па выбарчых парушэньнях і абвінавачаньнях у іх. Гэта неабходны крок да аднаўленьня даверу да выбарчага працэсу.
Лідэр зьліквідаванага руху «За свабоду» Губарэвіч заявіў аб сваім удзеле ў выбарах 2025 году
Юры Губарэвіч плянуе зьбіраць подпісы сярод тых грамадзян Беларусі, якія жывуць за межамі краіны.
Выбары ў Беларусі пры Аляксандру Лукашэнку носяць несвабодны і недэмакратычны характар.
https://smarturl.click/G6b25
140 гадоў таму нарадзіўся Фларыян Ждановіч, адзін з заснавальнікаў беларускага прафэсійнага тэатру
28 кастрычніка 1884 году нарадзіўся Флярыян Ждановіч — беларускі актор, рэжысэр, тэатральны дзеяч. Быў адным са стваральнікаў Першага таварыства драмы і камэдыі ў Менску. Пад кіраўніцтвам Ждановіча 14 верасьня 1920 году ў Менску адкрыўся Беларускі дзяржаўны тэатар (цяпер — Нацыянальны акадэмічны тэатар імя Я.Купалы), дзе ён быў першым мастацкім кіраўніком і акторам.
Пра іншыя падзеі 28 кастрычніка ў гісторыі чытайце ў матэрыяле «Ўжо сёньня»: https://smarturl.click/e5ZdR
14 кастрычніка касьмічны карабель Europa Clipper стартаваў у доўгае падарожжа да Юпітэра, дзе ён будзе дасьледаваць Эўропу, спадарожнік з агромістым падлёдным акіянам, дзе могуць быць умовы прыдатныя для жыцьця.
Расказваем падрабязьней пра гэту захапляльную місію NASA 👆
«Беларусіфікацыя Грузіі». Шэраг заходніх палітыкаў заклікалі Эўразьвяз не прызнаваць вынікі выбараў у Грузіі
З заявай, у якой заклікалі не прызнаваць вынікі парлямэнцкіх выбараў у Грузіі, выступілі кіраўнікі парлямэнцкіх камітэтаў у замежных справах зь Нямеччыны, Літвы, Латвіі, Украіны і Канады, а таксама экспэрты па міжнароднай палітыцы з Польшчы, Італіі і Швэцыі. «Мы вельмі занепакоеныя „беларусіфікацыяй“ краіны», — адзначыў кіраўнік камітэту у замежных справах Бундэстагу Міхаэль Рот:
https://smarturl.click/LYbRd
Новы рэкорд. У чарзе на выезд зь Беларусі ў Польшчу сёньня больш за 1,3 тысячы легкавых аўтамабіляў
На мяжы з Польшчай — рэкордныя чэргі зь легкавых аўтамабіляў. Па стане на 18.00 27 кастрычніка ў пункце пропуску Берасьце, у чарзе на выезд зь Беларусі ў Польшчу стаялі 1363 легкавікі і 75 аўтобусаў. На выезд у іншыя краіны сабраліся чэргі з грузавога транспарту:
https://smarturl.click/B6bvM
Ці наблізілася Грузія ў выніку выбараў да Беларусі і Расеі? Меркаваньне грузінскага журналіста Мчэдлішвілі
Ці адбываюцца ў Грузіі пасьлявыбарчыя пратэсты? На чым грунтуюцца заявы пра тое, што выбары ў краіне былі «скрадзеныя»? Ад чаго залежыць далейшае разьвіцьцё падзеяў? Што чакае ў Грузіі палітычных эмігрантаў зь Беларусі і Расеі? — На пытаньні Юрыя Дракахруста адказвае грузінскі журналіст тэлеканалу «Настоящее время» Зьвіяд Мчэдлішвілі:
https://smarturl.click/aJjqY
У Ізраілі грузавік пратараніў аўтобусны прыпынак, дзясяткі параненых
Каля Тэль-Авіва грузавік урэзаўся ў аўтобусны прыпынак.
Непадалёк разьмешчаная штаб-кватэра ізраільскай выведкі «Масад», а таксама некалькі выведвальных падразьдзяленьняў Арміі абароны Ізраіля. Ізраільская паліцыя падазрае тэракт, але пакуль афіцыйна не кваліфікавала здарэньне як тэракт, піша The Times of Israel.
Ізраільская паліцыя паведаміла пра 24 пацярпелых, The Jerusalem Post піша, што параненыя каля 37 чалавек, 6 зь іх — цяжкім стане:
https://smarturl.click/G6bqQ
Пабудзьце карэктарам! Моўны тэст
Міжнародны дзень карэктара адзначаецца 27 кастрычніка — у памяць Эразма Ротэрдамскага, які быў ня толькі філёзафам, але й адным з самых пільных карэктараў у гісторыі. І мы сёньня адчуем смак і адказнасьць гэтае важнае працы. Тэст на вылоўліваньне моўных агрэхаў:
https://smarturl.click/vwV4E
У Грузіі на парлямэнцкіх выбарах, паводле ЦВК, перамагае кіроўная прарасейская «Грузінская мара». Апазыцыя не прызнае вынікаў
У Грузіі на парлямэнцкіх выбарах, як паведамляе Цэнтральная выбарчая камісія, пасьля падліку зьвестак з 3085 участкаў (99,164% агульнай колькасьці) перамагае кіроўная прарасейская партыя «Грузінская мара». Яна набрала 54,273% галасоў. Апазыцыйныя партыі адмовіліся прызнаваць вынікі выбараў. «Гэта канстытуцыйны пераварот і ўзурпацыя ўлады», — заявіў адзін зь лідэраў «Кааліцыі за перамены» Ніка Гварамія:
https://smarturl.click/W3AOk
Сёньня — дзень памяці Вітаўта Вялікага
27 кастрычніка 1430 году памёр вялікі князь літоўскі Вітаўт, адзін з найбольш вядомых кіраўнікоў Вялікага Княства Літоўскага, яшчэ пры жыцьці празваны Вялікім. Пры ім ВКЛ стала самай вялікай дзяржавай у Эўропе — ад Балтыкі да Чорнага мора.
Пра іншыя падзеі 27 кастрычніка ў гісторыі чытайце ў матэрыяле «Ўжо сёньня»: https://smarturl.click/z2nWA