17324
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Зьнікні зь Літвы». Падпалілі дзьверы «Беларускага дому» ў Вільні
Невядомы зламысьнік падпаліў дзьверы будынку і пакінуў надпіс на літоўскай мове, які ў перакладзе на беларускую азначае «Зьнікні зь Літвы». Побач зь дзьвярыма бачныя рэшткі пабітай бутэлькі са сьлядамі падпалу, меркавана гэта «кактэйль Молатава».
Гэта ўжо ня першы напад на «Беларускі дом». У верасьні там пабілі шыбу.
https://smarturl.click/YzQBv
Ізраіль нанёс удары па Іране
Паводле інфармацыі ЦАХАЛ, ізраільскія самалёты атакавалі пункты вытворчасьці ракет, якімі Іран біў па Ізраілі, а таксама ракетныя комплексы клясы «зямля-паветра» і іншыя паветраныя цэлі, якія процідзейнічалі ўдарам Ізраіля па Ірану.
Камандаваньне ізраільскай арміі папярэдзіла, што калі Іран адкажа на ўдары, Ізраіль зноў адрэагуе.
https://smarturl.click/kj4Qx
65 гадоў з дня нараджэньня Анатоля Сыса
Сёньня споўнілася б 65 аднаму са стваральнікаў першага нефармальнага літаратурнага аб’яднаньня “Тутэйшыя”, паэту Анатолю Сысу. Анатоль Сыс нарадзіўся 26 кастрычніка 1959 году і памёр 4 траўня 2005 году. Штогод на радзіме паэта ў Гарошкаве ладзілася паэтычнае сьвята, прымеркаванае да дня народзінаў паэта ды названае адным з ягоных радкоў, «Дух — гэта, людзі, я!» Анатоль Сыс - аўтар паэтычных зборнікаў «Агмень» (1988), «Пан Лес» (1989), «Сыс» (2002).
Сыса няма ўжо больш за 19 гадоў. За гэты час адны ягоныя прыхільнікі пасьпелі далучыць паэта да нацыянальнага Пантэону, іншыя працягваюць шукаць прычыны ягонага трагічнага лёсу. Трэція ж зьбіраюць параскіданыя паэтавы творы і выдаюць ягоныя кнігі.
Больш навінаў чытайце ў матэрыяле «Ўжо сёньня»: https://smarturl.click/Q1vp3
Шэраг банкаў, якія працуюць у Беларусі, паведаміў пра новаўвядзеньні. Што зьмянілася
На 1 верасня 2024 года ў Беларусі зарэгістравана 22 банкі (адзін з іх — «Дэльта Банк» — знаходзіцца ў стадыі банкруцтва).
Шэраг банкаў, якія працуюць у Беларусі, зьмяніў некаторыя правілы і прадставіў новыя магчымасьці для кліентаў, сьведчыць праведзены «Позіркам» маніторынг іх паведамленьняў. https://smarturl.click/JDblk
Асноўныя падзеі і найважнейшыя публікацыі Свабоды 25 кастрычніка
Ажыўляюць толькі фэйкі. Як пачынаецца выбарчая кампанія
Алег Гайдукевіч заявіў, што будзе балятавацца ў прэзыдэнты ў 2025-м. На мінулых выбарах ён зьняўся
«ПіК Свабоды». У чым сутнасьць «разумнага галасаваньня», якое прапануе Кныровіч на 26 студзеня
У Эўразьвязе адрэагавалі на прызначэньне выбараў у Беларусі: «Лукашэнка ня мае дэмакратычнай легітымнасьці»
У Расеі заявілі аб падтрымцы Лукашэнкі на выбарах прэзыдэнта Беларусі ў 2025-м
КДБ уключыў у сьпіс «тэрарыстаў» 20 «аналітыкаў Ціханаўскай» і трох палітвязьняў. Сярод іх — аглядальнік Свабоды
Мінабароны прыпыніла будоўлю вайсковай часткі на мяжы з Украінай? Яе першыя аб’екты павінны былі здаць у сакавіку. ФОТА
Фокусы з часам. Як у Беларусі некалькі разоў пачыналі і кідалі пераводзіць гадзіньнікі і навошта гэта рабілася
Тлумачым з Гурневічам. Як Лукашэнка клапоціцца пра беларускія дарогі
Пракурор у Расеі запатрабаваў пакараць абвінавачаных у дывэрсіі беларусаў вялікімі тэрмінамі
У Грузіі заўтра парлямэцкія выбары. Чаму яны важныя і што пра іх трэба ведаць?
МКС абвінаваціў Манголію ў невыкананьні абавязаньняў, бо не арыштавала Пуціна
Партугалія ня будзе выдаваць гуманітарныя візы
Дзьве партыі зьмянілі пазыцыю і зараз галасоў для прыняцьця законапраекту не хапае, паведаміла выданьне Publico.
Кіроўная кааліцыя сацыял-дэмакратаў у парлямэнце, якая раней устрымалася пры галасаваньні, цяпер далучылася да правапапулістаў і прагаласавала супраць. «Атрымліваецца, што ў цяперашняй парлямэнцкай кадэнцыі гуманітарных візаў у Партугаліі ня будзе», — заявіў Павел Елізараў зь «Лібэральнай ініцыятывы», якая і падрыхтавала законапраект.
Елізараў — расейскі палітычны актывіст, які атрымаў палітычны прытулак у Партугаліі. Сёлета ён быў выбраны ў партугальскі парлямэнт ад партыі «Лібэральная ініцыятыва».
Прапанова гэтай партыі дазволіла б людзям, якіх перасьледуюць на радзіме, атрымаць адмысловую візу ў Партугалію, каб, прыехаўшы, папрасіць у ёй палітычны прытулак. Цяпер гэта можна зрабіць па турыстычнай візе, якую трэба атрымліваць у краіне грамадзянства ці ў іншай — пры наяўнасьці ДНЖ. https://smarturl.click/opx7a
Кныровіч прапануе свой плян на выбары 25 студзеня
Галасаваць супраць усіх, цалкам байкатаваць або аддаць голас за Алега Гайдукевіча. Так сёньня выглядаюць прапановы дэмакратычных сілаў на прэзыдэнцкія выбары, якія ўлады прызначылі на 26 студзеня. Ці могуць рэальна на нешта паўплываць гэтыя ідэі, калі ад 1994 году ніводныя выбары ў Беларусі і так ня былі сумленнымі. Госьць “ПіКу Свабоды” – сябра Каардынацыйнай Рады, блогер Аляксандар Кныровіч.
https://youtu.be/LBHLTuZgJwE
У МУС Беларусі заявілі, што колькасьць камэраў відэаназіраньня ў Беларусі перавысіла 40 тысяч
Інфармацыю агучылі ў Цэнтры падрыхтоўкі, павышэньня кваліфікацыі і перападрыхтоўкі кадраў МУС на пасяджэньні калегіі ведамства.
Міністар унутраных спраў Беларусі Іван Кубракоў пахваліўся тэхнічнымі дасягненьнямі і ахопам у сачэньні за сытуацыяй.
Вядомы факт, што з дапамогай відэаназіраньня сілавікі ў Беларусі адсочваюць палітычных апанэнтаў рэжыму Лукашэнкі. Створана цэлая сыстэма, якая дазваляе сілавым структурам ажыцьцяўляць больш эфэктыўна перасьлед удзельнікаў пратэстаў. https://smarturl.click/xBDxe
Падпісвайцеся на Свабоду ў radio_svaboda">TikTok!
Нашыя журналісты публікуюць там унікальныя кароткія відэа на розныя тэмы. Вось відэа апошняга тыдня:
👆🏻Чаму месяц кастрычнік так называецца? radio_svaboda/video/7428643748722068742">Расказваем
👉🏻 Вяртаньне спадчыны дадому! radio_svaboda/video/7427166398821993734">Беларусы выкупілі Статут ВКЛ 1588 году і вернуць яго ў Беларусь
👉🏻 Гарады Беларусі.radio_svaboda/video/7427913764197960965"> Цікавосткі пра Гомель за 1 хвіліну
👉🏻 Гісторыя на Свабодзе. radio_svaboda/video/7429025104790670597">Як расейская ўлада адпомсьціла шляхце за паўстаньне 1831 году
👉🏻 Размаўляйма па-беларуску.radio_svaboda/video/7429390344631880965"> Слоўнічак: лецішча
👉🏻 Узгадваем, як 57 гадоў таму radio_svaboda/video/7428280393406762245">ў Слуцку прайшлі масавыя закалоты
Фокусы з часам. Як у Беларусі некалькі разоў пачыналі і кідалі пераводзіць гадзіньнікі і навошта гэта рабілася
«Эканомія электрычнасьці, бізнэс-сувязі з партнэрамі». Чаму адны краіны пераводзяць гадзіньнікі, а іншыя — не, адкуль гэтая ідэя і як пераход на летні і зімовы час некалькі разоў уводзілі і адмянялі ў Беларусі.
https://smarturl.click/W3AA4
У Грузіі заўтра парлямэцкія выбары. Чаму яны важныя і што пра іх трэба ведаць?
26 кастрычніка грузіны накіроўваюцца на выбарчыя ўчасткі на парлямэнцкія выбары, якія ўсе бакі бачаць як паваротны момант у сучаснай гісторыі краіны. Напружаньне перад галасаваньнем высокае, і без надзейных апытаньняў вынік застаецца загадкай.
https://smarturl.click/2qG5X
Беларускі опэрны сьпявак дэбютаваў на самай прэстыжнай нью-ёрскай сцэне
Ураджэнец Радашкавічаў Павал Валужын дэбютаваў у нью-ёрскай «Мэтраполітэн-опэры» — адным з самых прэстыжных тэатраў у сьвеце.
https://smarturl.click/dpk0E
90 гадоў таму нарадзіўся беларускі перакладчык і літаратар Карлас Шэрман
25 кастрычніка 1934 году нарадзіўся беларускі перакладчык і літаратар уругвайскага паходжаньня Карлас Шэрман.
Карлас Шэрман перакладаў і пісаў на гішпанскай (роднай), беларускай і расейскай мовах. Быў першым віцэ-прэзыдэнтам Беларускага ПЭН-цэнтру (1989–2001 гг.), стаўшы фактычна адным зь яго заснавальнікаў. Быў сябрам навукова-экспэртнай Рады Беларускага Калегіюму.
Больш навінаў чытайце ў матэрыяле «Ўжо сёньня»: https://smarturl.click/nyEX6
Украінская выведка: вайскоўцы КНДР — у зоне баявых дзеяньняў у Курскай вобласьці. Пуцін пракамэнтаваў інфармацыю пра вайскоўцаў КНДР у Расеі
Паводле зьвестак украінскай выведкі, першыя падразьдзяленьні вайскоўцаў з КНДР прыбылі ў зону баявых дзеяньняў — 23 кастрычніка «іх зьяўленьне зафіксаванае ў Курскай вобласьці РФ».
Уладзімір Пуцін сёньня пракамэнтаваў паведамленьні аб прысутнасьці ў Расеі вайскоўцаў з КНДР. Калі журналіст NBC News, спасылаючыся на здымкі спадарожнікаў, якія паказваюць наяўнасьць салдат КНДР у Расеі, спытаў Пуціна пра мэты вайскоўцаў, той адказаў: «Здымкі — рэч сур’ёзная. Калі ёсьць здымкі, значыць яны нешта адлюстроўваюць» — і згадаў дамову аб стратэгічным партнэрстве з КНДР, у якой ёсьць артыкул аб узаемнай ваеннай дапамозе:
https://smarturl.click/jkGdd
Лукашэнка чарговы раз загаварыў аб праблеме дарог. Якасьць беларускіх дарог доўгі час была прадметам гонару ўладаў і выклікала захапленьне наведнікаў Беларусі, але ўсё часьцей беларусы нэгатыўна адгукаюцца пра іх стан.
Дзьмітры Гурневіч тлумачыць асаблівасьці дарожнай гаспадаркі ў Беларусі.👆🏻
👆🏻Запытайся ў Дубаўца. Калі праграміст піша коды, якія будуць працаваць на перасьлед ягоных суграмадзян (а інакш ён у Беларусі ня зможа пракарміць сям’ю), ён, па-вашаму, калябарант?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Думаю, гэта адбітак скажонага ўяўленьня пра мінулую вайну і акупацыю. Быццам усе, хто жыў пад немцамі, так ці інакш вінаватыя ў злачынствах. Але пад немцамі жылі ўсе беларусы, хто не эвакуяваўся. Уся нацыя. Умоўна кажучы, «пісалі коды» (працавалі на заводах, пяклі хлеб, лячылі хворых). Ад таго, што была акупацыя, людзі не рабіліся злачынцамі, бо не рабілі зла. А «коды», рэчы «падвойнага прызначэньня» ёсьць у кожным доме. Напрыклад, нож.
💌 Не сачылі за падзеямі тыдня? Для вас — самае галоўнае ў рассылцы Свабоды
Расказваем пра выбары-2025 у Беларусі, якія ўжо праз 3 месяцы, ды цяперашнія выбары ў Грузіі (і чаму яны важныя), пра выклікі, зь якімі сутыкаюцца беларускія эмігранты, новы фільм «Сем сымптомаў беларускасьці» і ня толькі — глядзіце і чытайце тут.
Падпісвайцеся на рассылку: 👉🏻 http://eepurl.com/ijMaIv
Літва адключаецца ад адзінай энэргаэлектрычнай сыстэмы зь Беларусьсю і Расеяй
Сёньня ў літоўскім горадзе Цяльшай быў уключаны сынхронны кампэнсатар — прылада, якая забясьпечвае незалежную працу электрасыстэмы Літвы. Прэм’ер-міністарка Інгрыда Шыманіце заявіла, што Літва вяртае кантроль над энэргетычнай сыстэмай у свае рукі і робіцца часткай агульнай энэргетычнай сыстэмы Эўразьвязу.
«Мы павінны клапаціцца аб сваёй энэргетыцы як аб частцы энэргасыстэмы ЭЗ, а ня нейкага незразумелага саюзу, часткай якога мы да гэтага часу зьяўляемся, будучы ў БРЭЛЛ, даючы тым самым варожай дзяржаве магчымасьць кантраляваць нашу энэргетычную сыстэму», — сказала Шыманіце. https://smarturl.click/5Oby2
Тлумачым з Гурневічам. Як Лукашэнка клапоціцца пра беларускія дарогі
Усяго ў Беларусі налічваецца 18 888 мясцовых аўтадарог. Іх працягласьць 70 648 км. У сацыяльных сетках беларусы да нядаўняга часу рабілі багата пастоў пра іх стан. Цяпер за такое можна трапіць у турму. Дзьмітры Гурневіч паглядзеў, як кіраўнік краіны рамантуе дарогі апошнія 30 год.
Відэа https://www.youtube.com/watch?v=GpnivSUF9SI
Аляксандар Лукашэнка ў інтэрвію брытанскаму журналісту Стывэну Розэнбэргу сказаў, што гатовы разгледзець магчымасьць памілаваньня палітзьняволенай Марыі Калесьнікавай, калі паступіць такая просьба, і заявіў, што яе сям'я, магчыма, ня хоча сустрэцца зь ёй. Сястра Калесьнікавай Тацяна Хоміч пракамэнтавала гэтыя заявы.
Читать полностью…
Кубракоў абвясьціў пра вучэньні МУС перад прэзыдэнцкімі выбарамі
Кіраўнік МУС Іван Кубракоў сёньня на пасяджэньні калегіі ведамства абвясьціў, што «ужо зь лістапада наступіць актыўная фаза правядзеньня вучэньняў і трэніровак».
«Пачынаючы з ідэалягічных мерапрыемстваў, маніторынгу стану грамадзкай бяспекі ў кожным населеным пункце, адпрацоўкі баявога зладжваньня, функцыянаваньня апэратыўна-сытуацыйных штабоў, заканчваючы працай спэцпадразьдзяленьняў па вызваленьні закладнікаў і спыненьні захопу адміністрацыйных будынкаў», — патлумачыў міністар. https://smarturl.click/8Eb40
Пракурор у Расеі запатрабаваў пакараць абвінавачаных у дывэрсіі беларусаў вялікімі тэрмінамі
Пракурор папрасіў пакараць Арцёма Брэскага 14,5 года і Кірыла Басько — 14 гадамі калёніі строгага рэжыму, перадае «Медиазона» з Маскоўскага абласнога суду.
Ураджэнцаў Віцебска Басько і Брэскага, якія прыехалі ў Маскву на заробкі, затрымалі ў Маскве 27 сьнежня 2022 году. У той дзень на іх склалі пратаколы аб дробным хуліганстве і аштрафавалі за лаянку ў грамадзкім месцы. Пазьней суд арыштаваў беларусаў паводле артыкулу аб наўмысным пашкоджаньні маёмасьці, і толькі потым абвінавачаньне перакваліфікавалі паводле артыкулу аб дывэрсіі.
Па вэрсіі сьледзтва, Басько і Брэскі за ўзнагароджаньне падпалілі электравоз у лякаматыўным дэпо «Арэхава-Зуева». У судзе Басько заявіў, што падпісаў пратакол, не чытаючы, бо падчас допыту нейкі мужчына біў іх з Брэскім і пагражаў надзець мяшок на галаву. Абодва падсудныя прасілі перакваліфікаваць справу па артыкуле аб пашкоджаньні маёмасьці. https://smarturl.click/z2nao
Лукашэнка заявіў, што спроба ўключыць Беларусь у склад Расеі можа прывесьці да вайны
Аляксандар Лукашэнка таксама прызнаў, што супрацоўнічае з акупаванымі Расеяй украінскімі рэгіёнамі — Крымам, Данецкай і Луганскай абласьцямі, а таксама пацьвердзіў факт перамоваў з прадстаўнікамі заходніх краін.
https://smarturl.click/4kb2m
Ажыўляюць толькі фэйкі. Як пачынаецца выбарчая кампанія
Выбарчая кампанія пачалася паводле загадзя вызначанага ўладай сцэнару. Усё робіцца, каб не было залішняй палітызацыі, а выбары прайшлі як тэхнічная працэдура, як адпрацаваны сумны рытуал, піша Валер Карбалевіч.
https://smarturl.click/Xy00M
Нямецкі аўтар зьняў фільм пра беларускую ідэнтычнасьць, яе сымптомы і мары беларусаў. Інтэрвію і фота з прэм’еры
«Сем сымптомаў беларускасьці» — так назваў свой фільм Якаб Вёленштайн, кіраўнік беларускага офісу фонду Конрада Адэнаўэра, які месьціцца ў Вільні. Рэпартаж з прэм'еры і інтэрвію з аўтарам.
https://smarturl.click/opxxw
У Лёндане з аўкцыёну прадалі калекцыю працаў Марка Шагала
Самым дарагім творам аўкцыёну стала карціна «Сьвятое сямейства ў чырвоным і каза ў зялёным» (1950). Яе прадалі за 163 800 эўра.
https://smarturl.click/vwVAg
Мінабароны спыніла будоўлю новай вайсковай часткі на мяжы з Украінай. Яе першыя аб’екты павінны былі здаць у сакавіку. ФОТА
«Аб’ект выглядае кінутым. Ніякай актыўнасьці. Няма тэхнікі, будаўнікоў ці вартаўнікоў. Можа, перадумалі будаваць ці пакуль няма грошай». Мінабароны спыніла будоўлю новай вайсковай часткі на мяжы з Украінай. Яе першыя аб’екты павінны былі здаць у сакавіку. Фота
https://smarturl.click/w9R88
Сама меней 12 грамадзян Украіны ўтрымліваюць у турмах Беларусі з палітычных матываў, — праваабаронцы
У месцах зьняволеньня ў Беларусі цяпер знаходзяцца сама меней 12 грамадзян Украіны, якіх абвінавачваюць у «агентурнай дзейнасьці», «шпіянажы» і па іншых палітычна матываваных крымінальных артыкулах, паведамляе праваабарончы цэнтар «Вясна». Праваабаронцы сабралі інфармацыю пра іх:
https://smarturl.click/ZyVOY
Галоўнае за 24 кастрычніка
✍🏻 ЦВК зацьвердзіла выбарчы каляндар: на фармаваньне ініцыятыўных груп адвялі тыдзень. За мяжой выбарчых участкаў ня будзе; імёны сяброў выбаркамаў схаваюць
👮🏻♂️ «Уцягнутыя прадстаўнікі 11 прадпрыемстваў». МУС Беларусі заявіла пра выкрыцьцё карупцыі ў лёгкай прамысловасьці
🗣 Лукашэнка скрытыкаваў статус Беларусі ў BRICS і дапусьціў, што на выбарах-2020 былі фальсыфікацыі
📄 Што такое BRICS і якія краіны ўваходзяць у гэтую групу? МАПА
👫 «Кепская вада, не стае лекараў». На што скардзяцца жыхары спадарожнікаў Менску, якія зноў узяўся разьвіваць Лукашэнка
🙍🏻♂️«Юрыстка пастараецца гэта абскардзіць». Беларуса, які прасіў прытулку ў Славаччыне, адправілі ў закрыты лягер
✍🏻Нязломнасьць Калесьнікавай стала для Лукашэнкі псыхалягічнай праблемай, — палітоляг Рудкоўскі
🎥«ПіК Свабоды»: Гарбунова і Кавалеўскі — пра рэалістычныя сцэнары вызваленьня палітвязьняў да выбараў і магчымыя перамовы з рэжымам
❌Расказваем, як Казахстан і Ўзбэкістан супраціўляюцца спробам Расеі збудаваць кааліцыю
На якіх умовах Лукашэнка можа вызваліць палітвязьняў да 26 студзеня?
Што адбываецца падчас непублічных перамоваў прадстаўнікоў заходніх краінаў з прадстаўнікамі рэжыму? І якая тут можа быць роля дэмакратычных сілаў?
Расказваюць Валер Кавалеўскі, кіраўнік Агенцтва Эўраатлянтычнага супрацоўніцтва, і Вольга Гарбунова, былая палітзьняволеная, заснавальніца дабрачыннага фонду падтрымкі «21 траўня». Абое — былыя чальцы Аб’яднанага пераходнага кабінэту, пакінулі яго з уласнага жаданьня, у тым ліку празь нязгоду з пэўнымі пазыцыямі:
https://youtu.be/I87GpCl3eJA