17433
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Берасьці і Менску асуджаных на «хатнюю хімію» адпраўляюць прыбіраць сьнег
У Берасьці асуджаныя на «хатнюю хімію» дапамагалі прыбраць сьнег на тэрыторыі берасьцейскай школы № 27. На мясцовай дзяржаўнай тэлевізіі заявілі, што асуджаныя самі «праявілі ініцыятыву», заўважыў Reform.by.
Некалькі дзён таму падобную «акцыю» правялі ў Менску. На дзяржаўным тэлеканале расказалі, што былыя вязьні і «асобы, якія адбываюць пакараньне без ізаляцыі ад грамадзтва», чысьцілі ад сьнегу тэрыторыі сацыяльных аб’ектаў:
https://smarturl.click/Z33z
Рэцыдывісты і мэталаапрацоўка. Што вядома пра калёнію ў Навасадах, куды перавялі Зьмітра Дашкевіча
Днямі стала вядома, што Зьмітра Дашкевіча перавялі ў калёнію ў Навасадах. Да гэтага ён паўгода правёў у карцары жодзінскай турмы. Мы сабралі 6 фактаў пра калёнію, а таксама запыталі блізкіх палітвязьняў, ці шкодзіць розгалас зьняволеным. Праваабаронца Васіль Завадзкі, які раней працаваў у Навасадах, расказаў Свабодзе пра асаблівасьці калёніі №14:
https://smarturl.click/5wGo
У Тайляндзе затрымалі ўдзельнікаў «Бі-2» за выступ без дазволу на працу, піша ТАСС
Яны павінны заплаціць штраф, памер якога вызначыў суд, паведамілі ў турыстычнай паліцыі правінцыі Пхукет. Музыкам пагражае дэпартацыя ў Расею.
«Бі-2» — рок-гурт, утвораны ў 1988 годзе ў Бабруйску, ягоныя заснавальнікі і нязьменныя ўдзельнікі Аляксандар Уман (Шура) і Ягор Бортнік (Лёва) паходзяць зь Беларусі. З часам музыкі перабраліся ў Расею. Яны асудзілі расейскае ўварваньне ва Украіну. Саліст «Бі-2» прызнаны ў Расеі іншаземным агентам:
https://smarturl.click/wWV4
Сярод затрыманых — адны жанчыны: падрабязнасьці масавага рэйду сілавікоў на сваякоў палітвязьняў у Берасьці
Як паведамляе @viasna96, затрыманых вазілі і ў КДБ, і ў Сьледчы камітэт, і ў Ленінскі РАУС. Сярод іх былі адныя жанчыны і іх было так шмат, што людзі сядзелі ў калідорах. Тых, хто моцна абураўся і скардзіўся — адпраўлялі ў ІЧУ на 72 гадзіны.
Агулам, людзі налічылі каля 70 затрыманых 23 студзеня толькі ў Берасьці.
UPD. ❗️Паводле праваабаронцаў, агулам за гэтыя дні пад перасьлед трапілі сама меней 157 чалавек.
👆🏻Запытайся ў Дубаўца. Калі ў Беларусі будзе адна дзяржаўная мова, беларуская, што гэта дасьць людзям?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Па-беларуску загавораць усе службовыя асобы. Міліцыя, судзьдзі, пракуроры, уся чынавенская бюракратыя. Паспрабуйце ўявіць, як гэта будзе, і вы пабачыце, што такія суды проста ня змогуць быць нацэленыя на рэпрэсіі, што такі бюракрат ня зможа свавольна пагарджаць наведнікамі, што такі міністар ня зможа ігнараваць нацыянальныя інтарэсы. Радыкальна палепшыцца клімат у грамадзтве, зьявіцца павага да чалавека. Гэткі парадак існуе ў дэмакратычных краінах і немагчымы без адзінай дзяржаўнай нацыянальнай мовы.
Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.
❓Задайце ваша пытаньне. Telegram: @SvabodaBelarus; Signal: +37068643669
Андрэй Стрыжак: З 23 студзеня сілавікі затрымалі 143 чалавекі ў рамках «аблавы» на былых палітвязьняў і іх сваякоў
«Вядома пра 143 факты затрыманьня падчас аблавы з 23.01 па сёньняшні дзень» — паведаміў 25 студзеня кіраўнік фонду BySol Андрэй Стрыжак.
Па ўсёй Беларусі 23 студзеня супрацоўнікі КДБ зладзілі масавыя ператрусы, допыты і затрыманьні сваякоў і блізкіх палітвязьняў, а таксама былых палітзьняволеных, якія нядаўна выйшлі на волю і заставаліся ў Беларусі. 24 студзеня прыйшлі яшчэ да некалькіх сваякоў палітвязьняў. Падрабязнасьці:
https://smarturl.click/36EZ
У 2023 годзе 27 грамадзян Беларусі атрымалі адмовы ў выдачы пасьведчаньня на права жыхарства ў Польшчы ў сувязі з «пагрозай нацыянальнай бясьпецы»
Такі адказ Hrodna.life атрымаў ад прэс-сакратара Ўпраўленьня па справах замежнікаў Якуба Дудзяка. Рэдакцыя даслала запыт пасьля абнародаваньня інфармацыі пра выпадак беларуса Паўла Юшкевіча, якому пасьля 20 гадоў жыцьця ў Польшчы анулявалі дазвол на жыхарства.
Для параўнаньня: яшчэ адна суседка Беларусі Літва за год (з канца лістапада 2022 па канец лістапада 2023 году) прызнала «пагрозай нацыянальнай бясьпецы» 1644 беларусаў:
https://smarturl.click/n9A7
Катастрофа Іл-76 пад Белгарадам: што сьцьвярджаюць Расея, Украіна і на якія пытаньні пакуль няма адказаў
Сёньня раніцай у Белгарадзкай вобласьці ўпаў вайскова-транспартны самалёт Іл-76. У Мінабароны РФ заявілі, што ён ляцеў з падмаскоўнага аэрадрома ў Белгарад, а на борце нібыта знаходзіліся 65 палонных украінскіх вайскоўцаў.
Падсумоўваем вэрсіі Расеі і Ўкраіны, і ўсё што, вядома пра катастрофу і загінулых у ёй:
https://smarturl.click/xvjn
«Гісторыя на Свабодзе». Як і калі нарадзіўся беларускі этнас: пры чым тут балты, вужы і камяні
Якія супольнасьці на тэрыторыі Беларусі існавалі да таго, як зьявіўся беларускі этнас? Ці сапраўды так званы балцкі субстрат адыграў істотную ролю ў фармаваньні беларускага народу? Ці існавала старажытнаруская народнасьць?
Пра гэта і пра іншае мы гаворым зь беларускім этнолягам, былым прафэсарам Полацкага дзяржаўнага ўнівэрсытэту, доктарам гістарычных навук Уладзімерам Лобачам:
https://smarturl.click/bZqV
Чаму лекі ў Беларусі оптам даражэйшыя, чым у Расеі ўраздроб — расьсьледаваньне БРЦ
Экспэрты БРЦ адзначаюць, што закупіць толькі тры віды лекаў у расейскіх аптэках ураздроб абышлося б беларускаму бюджэту на 2 млн даляраў таньней, чым калі дзяржава набыла іх оптам у 2022–2023 гадах у кампаніі «Лігматон», якая да канца 2021 году належала ўладальніку кампаніі «Тытунь-Інвэст» Паўлу Тапузідзісу.
У чарговым расьсьледаваньні Беларускі расьсьледніцкі цэнтар аналізуе дзейнасьць кампаніі «Лігматон»:
https://smarturl.click/VQZg
Мінінфарм прыпыніў дзейнасьць Рамана Цымберава, аднаго з апошніх незалежных выдаўцоў у Беларусі
Дзеяньне пасьведчаньня выдаўца Рамана Цімберава пакуль прыпынілі на месяц. Раман — беларускі паэт і выдавец, уладальнік электроннай крамы мастацкай і гістарычнай літаратуры Kniger.by, у якой прадаюцца і кнігі на беларускай мове. Ён, сярод іншага, выдаў кнігу казак для дзяцей «Дзедавы казкі ад Дзеда Янкеля», кнігі Дзьмітрыя Дразда «Минский тюремный замок», Вінцэся Мудрова «Гарачы парафiн», Паўла Каралёва «Купала i Колас жартуюць» і інш.
Больш пра перасьлед беларускіх выдаўцоў:
https://smarturl.click/YDqm
Праваабаронцы: учора сілавікі прыйшлі больш як да 100 чалавек. Рэйд па сем'ях палітвязьняў працягваецца
UPD❗️ Паводле крыніцы «Белсату», сёньня сілавікі наведалі яшчэ сама меней тры сям'і палітзьняволеных. Паводле «Вясны», шмат хто з затрыманых учора ўжо на волі з падпіскай аб нявыезьдзе і невыдаваньні, але некаторыя дасюль за кратамі, іх працэсуальны статус невядомы.
Па інфармацыі праваабаронцаў, у шматлікіх выпадках сілавікоў цікавіла дапамога ад INeedHelpBY. Для прадуктовай дапамогі яна выкарыстоўвала сэрвісы дастаўкі ад «Эўраопт» і «Гіпа». Сілавікі пыталі, «хто дапамагае зь перадачамі і хто аплачвае кошыкі з прадуктамі», шукалі ў тэлефонах аплікацыі замежных банкаў, патрабавалі тлумачэньняў наконт грашовых пераводаў на беларускую картку з-за мяжы. Падрабязнасьці:
https://smarturl.click/RaqW
На Кальварыйскіх могілках Менску правядуць рэканструкцыю
Спэцыялісты маюць намер рэканструяваць пабудовы, якія адносяцца да гісторыка-культурных каштоўнасьцяў краіны. Гаворка пра 6 капліцаў-пахавальняў, уваходную браму і касьцёле Узвышэньня Сьвятога Крыжа. На могілках правядуць рэканструкцыю брамаў, усталююць пажарнае апавяшчэньне і відэаназіраньне, адрэстаўруюць унутраныя інтэр'еры ў касьцёле. 5 лютага пачнецца грамадзкае абмеркаваньне праекту.
Пры гэтым рэканструкцыя, як вынікае з праекту, закране далёка ня ўсе капліцы на Кальварыі. Так, 2 капліцы каля агароджы і гаспадарчай зоны могілак, сярод якіх адна нэагатычная капліца Віткевічаў, застаюцца без увагі:
https://smarturl.click/LlZR
Сталі вядомыя новыя імёны затрыманых 23 студзеня
Гэта былая актывістка страйкаму на «Паліміры» і былая журналістка Catholic.bу.
Хроніка перасьледу тут: https://smarturl.click/1npy
На ўсходзе Ўкраіны загінулі яшчэ двое беларускіх добраахвотнікаў
У другой палове студзеня загінулі яшчэ два беларускія ваяры ва Ўкраіне. Гэтую інфармацыю пацьвердзілі Свабодзе зь некалькіх крыніц.
Дзеля бясьпекі сваякоў, якія знаходзяцца ў Беларусі, пакуль не называюцца ні пазыўныя, ні нават падразьдзелы, дзе яны служылі.
🔖 Ад пачатку поўнамаштабнай вайны ва Ўкраіне загінула як мінімум 38 беларускіх добраахвотнікаў, якія змагаліся з расейскай агрэсіяй.
Масава звальняў лекараў з «Навінак», бацька мае бізнэс у Расеі. Што вядома пра новага міністра аховы здароўя Хаджаева
Бацька Хаджаева ў свой час быў першым намесьнікам міністра аховы здароўя, праўда, потым выехаў у Расею. Сын заняў ужо крэсла міністра. Расказваем пр новага міністра аховы здароўя:
https://smarturl.click/ELvV
Лукашэнка зьняў Піневіча з пасады міністра аховы здароўя Беларусі і прызначыў новым міністрам экс-кіраўніка «Навінак» Аляксандра Хаджаева
Да гэтага прызначэньня Аляксандар Хаджаеў узначальваў РНПЦ псыхічнага здароўя, а раней працаваў у галоўным упраўленьні арганізацыі мэдыцынскай дапамогі Міністэрства аховы здароўя. Мае вучоную ступень кандыдата мэдыцынскіх навук, ягоная спэцыялізацыя — наркалёгія.
Пра папярэдняга міністра аховы здароўя Дзьмітрыя Піневіча Лукашэнка сказаў, што «бачыць яго на іншай пасадзе» — куды перавядуць Піневіча, ён не ўдакладніў:
https://smarturl.click/D9ZZ
На месцы колішняга ўваходу ў Менскае гета павесілі памятную дошку
Усталяваньне памятнай дошкі на будынку на вуліцы Раманаўская Слабада, 1 стала магчымым дзякуючы падтрымцы амбасады Ізраілю ў Беларусі і Ізраільскаму культурнаму цэнтру ў Менску, паведамляе ў фэйсбуку Саюз беларускіх габрэйскіх грамадзкіх абʼяднаньняў і грамадаў.
На тэрыторыі Беларусі было створана 250 гета. У найбольшым — Менскім — загінулі больш за 100 тысяч чалавек. Яно было створана ў жніўні 1941 году і лічыцца адным з самых буйных ва ўсёй Эўропе, на акупаванай тэрыторыі СССР займала другое месца па колькасьці вязьняў пасьля Львоўскага, якое налічвала 136 тысяч чалавек:
https://smarturl.click/Ra6J
Аляксандар Дабравольскі, супраць якога СК распачаў ужо другое спэцыяльнае вядзеньне (першае было ў сьнежні), пракамэнтаваў новую справу Свабодзе:
«Я дзіўлюся таму, што яны кажуць, што хтосьці ўдзельнічаў у нейкіх сэмінарах і гэта нібыта супраць Беларусі. Калі абмяркоўвалася, што Лукашэнка ўзурпатар, то гэта было ня супраць Беларусі, а за Беларусь. Супраць Лукашэнкі — гэта папраўдзе за Беларусь. Яны хочуць так падаць, што гэта было нібыта супраць нацыянальных інтарэсаў, не, гэта ягоныя прыватныя інтарэсы, а не нацыянальныя. (...)
Для мяне тут выбар палягае ў тым, што трэба заставацца чалавекам і рабіць адпаведныя ўчынкі. Іншым я б параіў дбаць пра сваю бясьпеку і бясьпеку сваіх родных, бо ўлада ў прыватных інтарэсах Лукашэнкі выкарыстоўвае мэханізмы дзяржавы супраць грамадзян».
Падрабязнасьці новай завочнай справы супраць 20 беларусаў>>
СК пачаў «спэцвядзеньне» супраць журналіста Радыё Свабода Юрыя Дракахруста і шэрагу іншых журналістаў і аналітыкаў
Юрыя Дракахруста падазраюць паводле ч.6 арт.16 і ч.3 арт.130, ч.1 арт.357, ч.6 арт.16 і ч.3 арт.361, ч.3 арт.361-1 Крымінальнага кодэкса Беларусі. Дата пачатку спэцыяльнага вядзеньня — 24.01.2024.
Агулам СК распачаў спэцвядзеньне ў дачыненьні да 20 аналітыкаў: у сьпісе таксама Рыгор Астапеня, Філіп Біканаў, Аляксандар Дабравольскі, Андрэй Казакевіч, Ганна Красуліна, Яўген Крыжаноўскі, Дзяніс Кучынскі, Вераніка Лапуцька, Аляксандар Лагвінец, Ганна Любакова, Васіль Навумаў, Марыя Рогава, Пётра Рудкоўскі, Алеся Руднік, Натальля Рабава, Павел Вусаў, Тацяна Чуліцкая, Аляксандар Шлык, Кацярына Шмаціна.
Паведамляецца, што «названыя асобы прымалі актыўны ўдзел у выпрацоўцы і рэалізацыі канцэпцыі дэструктыўнай дзейнасьці, накіраванай на прычыненьне шкоды нацыянальнай бясьпецы Рэспублікі Беларусь, а таксама садзейнічалі ўзбуджэньню сацыяльнай варожасьці і звады ў грамадзтве».
🎼 Зоркі беларускай індзі-сцэны Сьвета Бень і Галя Чыкіс прысьвяцілі новую песьню «тым, хто больш не знаходзіць сіл»
Вядомы беларускі творчы дуэт выклаў у Youtube новую кампазыцыю пад назвай «Згустак бліскавак». «Гэтую песьню мы прысьвячаем тым, хто часам не знаходзіць больш сіл зьзяць», — пішуць аўтаркі ў анатацыі да песьні.
Паслухаць песьню і пачытаць больш пра яе можна тут:
https://smarturl.click/mOZz
«Міс Японіяй-2024» стала этнічная ўкраінка
Грамадзянка Японіі ўкраінскага паходжаньня Караліна Шыіно перамагла ў нацыянальным конкурсе прыгажосьці «Міс Японія-2024». Падзея выклікала бурную дыскусію ў сацсетках аб правілах спаборніцтва і аб тым, ці варта дапускаць да яго неэтнічных японак. Караліна нарадзілася ў Цярнопалі ў 1998 годзе, яе бацькі — украінцы. У Японію пераехала ва ўзросьце 5 гадоў, калі маці выйшла замуж у другі раз — за японца:
https://smarturl.click/QzyY
Абноўленая ваенная дактрына Беларусі вызначае ў якасьці «недружалюбных» афіцыйнаму Менску краін і арганізацый Польшчу, Вялікую Брытанію, ЗША, Украіну, краіны Балтыі і NATO
Пра гэта заявіў БЕЛТА намесьнік начальніка факультэта Генштабу Вайсковай акадэміі палкоўнік Андрэй Багадзель.
Паводле яго, саюзьнікамі афіцыйнага Менску, згодна з абноўленай Ваеннай дактрынай, лічацца Расея, краіны-сябры Арганізацыі дамовы аб калектыўнай бясьпецы і Садружнасьці незалежных дзяржаў:
https://smarturl.click/03lL
Асноўнае ў Беларусі і вакол яе 24 студзеня
👮🏻♂️ Забіралі тэлефоны, прымушалі даваць падпіскі аб маўчаньні. Як адбываліся масавыя затрыманьні 23 студзеня. Рэйд па сем’ях палітвязьняў працягваўся і 24 студзеня
🇺🇦 На ўсходзе Ўкраіны загінулі яшчэ двое беларускіх добраахвотнікаў, якія ваявалі за Ўкраіну. Украінскія СМІ паведамілі пра гібель беларуса, які ваяваў на баку Расеі
✈️ Пад Белгарадам упаў расейскі вайскова-транспартны самалёт, на якім нібыта былі палонныя ўкраінскія вайскоўцы. Усё, што вядома пра катастрофу
👫 Як бясьпечна дапамагаць рэпрэсаваным? «Сілавікі не разумеюць, як мы працуем, таму і ня могуць нас зьнішчыць»
🙍🏻♂️ Нашчадак сасланага ў Сібір беларуса, знаёмы зь Лябедзькам і Дабравольскім. Што зьвязвае магчымага кандытата ў прэзыдэнты Расеі Надзеждзіна і Беларусь
👱🏼♂️Дом у заплечніку. Беларус, які едзе вакол сьвету, расказаў пра стому, дранікі і каханьне ў дарозе
Чаму КДБ узялося за пакупнікоў «Эўраопту»
Больш за сотню чалавек затрымлівалі ў аўторак і сераду па ўсёй краіне. Сілавікі прыйшлі да былых палітвязьняў, іх сем’яў і да тых, хто нібыта дапамагаў ім. Менавіта з салідарнасьцю з рэпрэсаванымі і зьвязаная новая хваля перасьледу. Ці здольныя сілавікі спыніць дапамогу тым, хто апынуўся ў патрэбе і як бясьпечна дапамагаць у сёньняшняй Беларусі?
У эфіры «Свабоды Premium» абмяркоўваюць Марына Касінерава з ініцыятывы Dissidentby і Аляксей Лявончык, з фонду ByHelp. Абодва аб’яднаньні дапамагаюць ахвярам палітычных рэпрэсіяў:
🎥 ВІДЭА: https://www.youtube.com/watch?v=Fh2GMuF9zDU
Запалохваюць іншых і ўсё больш баяцца самі. Чаму ўлады пашыраюць палітычныя рэпрэсіі
За тры гады няспынных палітычных рэпрэсій у Беларусі яны павінны былі б ператварыцца ў руціну, паўсядзённасьць, звыклы фон, на якім насельніцтва краіны жыве звычайным жыцьцём. Але так не атрымліваецца. Усё новыя захады ўладаў супраць неляяльных ці толькі западозраных у неляяльнасьці грамадзян становяцца галоўнымі палітычнымі навінамі, пытаньнямі грамадзка-палітычнага парадку дня.
Чаму так? Разважае аналітык Валер Карбалевіч:
https://smarturl.click/61Ge
Нашчадак сасланага ў Сібір беларуса, знаёмы зь Лябедзькам і Дабравольскім. Што зьвязвае магчымага кандыдата ў прэзыдэнты Расеі Надзеждзіна і Беларусь
60-гадовы Барыс Надзеждзін займае антываенную пазыцыю і выступае супраць палітыкі Пуціна. У многіх гарадах Расеі стаялі чэргі для таго, каб падпісацца за яго.
Калісьці Надзеждзін казаў пра «акупацыю Беларусі». Пры гэтым ён ганарыцца продкам, які ўдзельнічаў у барацьбе супраць імпэрыялізму. Ён бываў у Беларусі, пасьля чаго напісаў, што ангельскую мову яму разумець прасьцей, чым беларускую. Свабода паглядзела, што зьвязвае Барыса Надзеждзіна зь Беларусьсю:
https://smarturl.click/lom5
Ва Ўкраіне загінуў беларус, які ваяваў на баку Расеі
Дзяніс Лазараў — былы афіцэр беларускага войска. Мае сына і свой дом пад Менскам. Расказваем пра яго.
https://smarturl.click/BoRQ
Марыну Адамовіч арыштавалі на 15 сутак
Жонку экс-кандыдата ў прэзыдэнты Міколы Статкевіча затрымалі напярэдадні, 23 студзеня, падчас рэйду КДБ, які адбываўся па ўсёй краіне.
Згодна з інфармацыяй праваабаронцаў, сёньня Адамовіч асудзілі за «дробнае хуліганства». Суд Заводзкага раёну Менску арыштаваў яе на 15 дзён.
Пад Белгарадам упаў вайскова-транспартны самалёт
Старонкі ў сацыяльных сетках і тэлеграм-каналы публікуюць відэа падзеньня самалёта ў Белгарадзкай вобласьці Расеі. Папярэдне вядома, што гэта вайскова-транспартны Іл-76.
🇷🇺 Паводле расейскага Міністэрства абароны, на якое спасылаецца РИА «Новости», на борце Іл-76 знаходзіліся 65 палонных украінскіх вайскоўцаў, якія перавозіліся ў Белгарадзкую вобласьць для абмену, 6 чальцоў экіпажу самалёту і 3 суправаджальнікі.
🇺🇦 У той жа момант «Українська правда» спасылаецца на свае крыніцы ў Генштабе Ўкраіны, які сьцьвярджае, што на самалёце перавозілі ракеты для комплексу ЗРК С-300.