17433
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Адбылася атака на старонкі беларускіх палітыкаў і ініцыятыў
Атака ішла з дапамогай дасыланьня скаргаў. Вядома як мінімум пра тры старонкі. Атак зазналі сайт фонду BySol, профілі Сьвятланы Ціханоўскай і «Палітвязынкі» ў Інстаграм Адміністратары былі вымушаныя часова закрыць профілі.
Кіраўнік МЗС Літвы: Стварэньне лініі абароны краінаў Балтыі на межах зь Беларусьсю і Расеяй — падрыхтоўка да вайны
Падрыхтоўкай да магчымай вайны назваў міністар замежных справаў Літвы Габрыелюс Ландсбергіс пагадненьне аб стварэнні агульнай балтыйскай лініі абароны на ўсходняй мяжы зь Беларусьсю і Расейскай Фэдэрацыяй, прынятае 19 студзеня на сустрэчы міністраў абароны Літвы, Латвіі і Эстоніі. Пра гэта паведамляе партал Delfi.
Згодна з пагадненьнем, на мяжы маюць пабудаваць доўгатэрміновыя ўмацаваньні, што дазволіць забясьпечыць абарону зь першых мэтраў тэрыторыяў краінаў Балтыі.
Ландсбергіс назваў гэта «палітычным пасланьнем» аб тым, што Літва, Латвія і Эстонія адчуваюць «набліжэньне вайны». На ягоную думку, «калі Расея ня будзе спыненая ва Ўкраіне, яна пойдзе далей. А далей будуць краіны Балтыі». https://smarturl.click/j5Gy
«Купалаўцы» пачалі праглядаць пляцоўкі для новага тэатру. Два варыянты прыйшлося адкінуць
Адно не падышло з тэхнічных прычын, другое трэба адаптаваць для сцэны. Канчатковага рашэньня аб сталым месцы для выступаў пакуль не прынялі.
Былы дырэктар Купалаўскага тэатру, прадстаўнік НАК Павал Латушка расказаў Свабодзе, што ў сьнежні і студзені адбыліся перамовы з прадстаўнікамі польскай улады. «На гэтых сустрэчах абмяркоўвалася ў тым ліку стварэньне сталай пляцоўкі ў Варшаве для беларускіх тэатральных дзеячоў, якія былі вымушаныя пакінуць Беларусь і сёньня знаходзяцца ў Польшчы», — расказаў Латушка.
https://smarturl.click/yEVm
«У вашу гісторыю ня верым». Актыўнай удзельніцы пратэстаў у Беларусі адмовілі ў прытулку ў Нямеччыне
«У мяне было сумоўе. Я казала ўсю праўду. Тым больш я маю дакумэнты – даведку з ІЧУ, пастанову суду, акт вобшуку. Мне сказаў спэцыяліст, што «дакумэнты – гэта добра, але ў гісторыю мы ня верым». Аксана Ліхадзіеўская актыўна ўдзельнічала ў пратэстах 2020 году ў Беларусі. Праз рэпрэсіі і ціск мусіла ўцякаць у Нямеччыну, дзе цяпер атрымала адмову ў прытулку. Расказваем яе гісторыю. https://smarturl.click/Z3md
На Менскай кальцавой аўтадарозе зьявіліся такія плякаты
Увесь мінулы год улады праяўлялі павышаную ўвагу да людзей, якія пасьля падзеяў 2020 году ахвяроўвалі ў розныя фонды салідарнасьці. «Данатамі» займаліся як КДБ, так і Дэпартамэнт фінансавых расьсьледаваньняў. Людзям ставілі ўмову — напісаць «яўку з павіннай», пералічыць грошы ў некалькіразовым памеры на рахункі розных дзяржаўных установаў. Інакш пагражалі крымінальнымі справамі.
Паводле праваабаронцаў, за «фінансаваньне экстрэмізму» ўжо асуджаныя ня менш за 20 чалавек. Беларусы распавядалі Свабодзе, як за ахвяраваныя 10 даляраў іх прымушалі плаціць 500 даляраў. З прадстаўнікоў сфэры IT бралі значна большыя сумы, нават 5 тысяч даляраў. (Фота даслалі чытачы Свабоды)
NATO пачынае самыя буйныя вучэньні ў Эўропе з канца халоднай вайны
У вучэньнях Steadfast Defender, якія працягнуцца да канца траўня, задзейнічаюць каля 90 тысяч чалавек.
У Steadfast Defender 2024 таксама возьмуць удзел больш за 50 караблёў, ад авіяносцаў да эсьмінцаў, а таксама больш за 80 зьнішчальнікаў, верталётаў і бесьпілётнікаў і ня менш за 1,1 тыс. баявых машын, уключаючы 133 танк іі 533 баявыя машыны пяхоты.
Апошнія такія вучэньні NATO праводзіла ў 1988 годзе.
Фота ілюстрацыйнае.
https://smarturl.click/lo3Y
З пачатку поўнамаштабнага ўварваньня ва Ўкраіну ў Расеі зафіксавалі каля 400 выпадкаў дывэрсій
Размова ідзе пра падпалы і напады на вайсковыя камісарыяты, чыгуначныя шляхі. Агулам адбылося 220 нападаў на камісарыянты і 184 дывэрсіі на чыгунцы.
МУС Расеі адзначыла, што 85% такіх спраў раскрытыя — 220 асоб устаноўленыя, 15 зь іх непаўналетнія. Ён дадаў, што ў справах аб дывэрсіях затрымалі 141 чалавека, зь іх 59 — падлеткі.
У Менску пачаўся завочны суд над ByPol. Частка паседжаньняў пройдзе ў закрытым рэжыме
Агулам у справе больш за 60 тамоў, па ёй праходзіць больш за 10 пацярпелых. На першае паседжаньне прыйшлі чацьвёра зь іх. Аднак імёны гэтых людзей невядомыя, іх не раскрываюць.
Улады абяцалі, што працэс над былымі беларускімі сілавікамі будзе адкрытым, але сёньня высьветлілася, што частка судовых паседжаньняў пройдзе ў закрытым рэжыме: у некаторых тамах справы ёсьць «матэрыялы для службовага карыстаньня».
Працэс вядзе судзьдзя Дзіна Кучук.
https://smarturl.click/MWOb
Каляж «Вясны»
10 гадоў таму ў Кіеве загінуў Міхась Жызьнеўскі
22 студзеня 2014 году падчас Эўрамайдану ў Кіеве быў забіты беларус Міхась Жызьнеўскі. Пазьней яго прызнаюць Героем Украіны, у 2017-м экс-прэзыдэнт Парашэнка перадасьць Зорку Героя бацькам. Забойца дагэтуль ня знойдзены.
https://smarturl.click/WV9Z
Беларусы Беластоку правялі акцыю салідарнасьці з музыкамі гуртоў Nizkiz і Tor Band
Таксама на мітынгу каля Генэральнага консульства Беларусі ў Беластоку 21 студзеня праявілі салідарнасьць з іншымі дзеячамі беларускай культуры, якія знаходзяцца за кратамі за сваю грамадзянскую пазыцыю. Мітынг адбыўся ў сквэры Вольнай Беларусі. У ім узялі ўдзел каля паўсотні чалавек.
Паводле маніторынгу Беларускай Рады Культуры, на канец сьнежня 2023 году ў Беларусі 148 дзеячаў культуры знаходзяцца ў няволі. Гэта акторы, музыкі, архітэктары, танцоры, пісьменьнікі.
Міністар Алейнік зьбіраецца разьвіваць турыстычныя паездкі беларусаў у Афрыку
«Гэта вельмі пэрспэктыўны напрамак, і з шэрагам афрыканскіх краін у нас нават падпісаны міжурадавыя пагадненьні па супрацоўніцтву ў галіне турызму, — сказаў Сяргей Алейнік. — Гэта тая сфэра, якую мы будзем разьвіваць і культываваць, прычым у абодвух напрамках».
На гэтым тыдні Сяргей Алейнік наведаў Уганду, дзе прымаў удзел у саміце Руху недалучэньня. Як паведамляюць праўладныя СМІ, там міністар сустрэўся з прадстаўнікамі Эрытрэі, Мазамбіку, Экватарыяльнай Гвінэі, Зымбабвэ.
https://smarturl.click/61ZY
Факты пра Леніна, якія вам не раскажуць у беларускай школе
Галоўны савецкі правадыр памёр роўна 100 гадоў таму. Яму ў Беларусі прысьвечана больш за ўсё помнікаў і назваў вуліц. Аднак з краінай Леніна нічога ня зьвязвае.
Прадстаўнікі РПЦ праігнаравалі штогадовую малітву аб адзінстве хрысьціян
Штогадовая малітва ў Менску ўпершыню адбылася без праваслаўных.
Традыцыйна Праваслаўную царкву Маскоўскага патрыярхату прадстаўляў намесьнік старшыні Сынадальнага аддзелу Беларускай Праваслаўнай Царквы ва ўзаемаадносінах Царквы і грамадзтва протаіерэй Аляксандар Шымбалёў. Аднак цяпер, на малітве 20-га студзеня, ні ён, ні іншы прадстаўнік царквы ў Менскую архікатэдру не прыйшлі, піша «Хрысьціянская візія».
Штогод у студзені у Менскай архікатэдры зьбіраюцца прадстаўнікі розных хрысьціянскіх канфэсій на супольнае набажэнства з нагоды тыдня малітваў аб адзінстве хрысьціян. Падобныя набажэнствы адбываюцца таксама ў іншых гарадах Беларусі. Гэтым разам малітву ў сталіцы краіны адпраўлялі грэка-каталіцкі архімандрыт Сяргей Гаек, лютэранскі пастар Уладзімер Татарнікаў, пастар Валерый Шэйбак з супольнасьці хрысьціян поўнага Эвангельля і прадстаўнік Біблейскага таварыства Аляксандар Камінскі.
Здымкі catholic.by
А 15-й гадзіне беларускага часу ў Вільні пройдзе ўшанаваньне памяці паўстанцаў Каліноўскага
Каля капліцы на могілках Росы ўжо пачалі зьбірацца людзі. На цырымоніі прысутнічаюць нацыянальныя сьцягі краін, чые народы бралі актыўны ўдзел у паўстаньні супраць расейскага панаваньня — Беларусі, Літвы, Украіны і Польшчы.
У мітынгу прымуць удзел прэзыдэнты Літвы Гітанас Наўседа і Польшчы Анджэй Дуда, Украіну прадставіць амбасадар у Літве, а Беларусь — дэмакратычная лідэрка, экс-кандыдатка на прэзыдэнцкіх выбарах 2020 году Сьвятлана Ціханоўская.
Пра тэхніку па-беларуску. Моўны ТЭСТ
Усё, што чалавек робіць рукамі, мае беларускія назвы. Ці ведаеце іх? Праверце сябе.
https://smarturl.click/vlgG
Зяленскі падпісаў указ аб «гістарычна населеных украінцамі» землях у Расеі
Прэзыдэнт Украіны Ўладзімір Зяленскі даручыў ураду распрацаваць і перадаць Радзе нацыянальнай бясьпекі плян дзеяньняў па захаваньні нацыянальнай ідэнтычнасьці ўкраінцаў, якія пражываюць у Расеі.
У тэксьце частка расейскіх рэгіёнаў названая гістарычна населенай украінцамі. У прыватнасьці, гаворка ідзе аб Краснадарскім краі, Белгарадзкай, Бранскай, Варонескай, Курскай, Растоўскай абласьцях. Пры гэтым у дакумэнце ня згадваюцца рэгіёны ў Сібіры і на Далёкім усходзе з гістарычна значным адсоткам украінскага насельніцтва.
Зяленскі распарадзіўся таксама распаўсюджваць у сьвеце інфармацыю пра гісторыю Ўкраіны і населеных украінцамі земляў і ўнясеньне «праўдзівай гісторыі» этнічных украінцаў і «паняволеных народаў» у Расеі ва ўкраінскія навучальныя матэрыялы. Акрамя таго, ён распарадзіўся пашырыць сувязі паміж украінцамі і народамі, названымі паняволенымі. https://smarturl.click/Z3Vd
Галоўнае за 22 студзеня
📌 У Менску пачаўся завочны суд у «справе ByPol»
📌 Добраахвотнік «Кусь» пра баі ў Бахмуце, як адміраюць ныркі і хто галоўны ў палку Каліноўскага
📌 «У вашу гісторыю ня верым». Актыўнай удзельніцы пратэстаў у Беларусі адмовілі ў прытулку ў Нямеччыне
📌 «Купалаўцы» пачалі праглядаць пляцоўкі для новага тэатру. Два варыянты прыйшлося адкінуць
📌 На лячэньне хворай дзяўчынкі зь Ліды сабралі амаль 2 млн даляраў
📌 «Выжыць. Прывабіць зумэраў». Што адбываецца з KYKY і як мяняюцца незалежныя СМІ
📌 NATO пачынае самыя буйныя вучэньні ў Эўропе з канца халоднай вайны
📌 Асноўны супернік Трампа на кандыдата ў прэзыдэнты ЗША ад Рэспубліканскай партыі спыніў кампанію
Што адбываецца з KYKY і як мяняюцца незалежныя СМІ
У якім фармаце цяпер працуе праект KYKY? Ці ёсьць небясьпека, што донары пакладуць у адзін кошык беларускія і расейскія незалежныя СМІ ў выгнаньні? І хто павінен і можа фінансаваць незалежныя СМІ? Пра гэта Ганна Соўсь размаўляе з дырэктаркай KYKY Сашай Раманавай.
https://youtu.be/ifickJWWGnI
Добраахвотнік «Кусь» пра баі ў Бахмуце, як адміраюць ныркі і хто галоўны ў Палку Каліноўскага
Аляксандар «Кусь» Клачко, добраахвотнік палка імя Кастуся Каліноўскага, дванаццаць гадоў адпрацаваў у структурах Беларускай чыгункі. Быў у БРСМ і нават сябрам выбарчых камісій. У 2020 годзе далучыўся да пратэставага руху. Клачко затрымлівалі і прысудзілі штраф.
Пасьля ператрусу дома ў сьнежні 2020-га Аляксандар выехаў у Вільню. На вайне ад лютага 2022 году, удзельнічаў у баях у Херсонскай і Данецкай абласьцях, у абароне Бахмуту. Камісаваны праз стан здароўя.
У размове са Свабодай ён апавёў, што ядуць, дзе сьпяць і ў што апранаюцца беларускія добраахвотнікі, чаму ў Бахмуце менш страшна, чым у Беларусі і чым былі выбітнымі «Брэст» і Міраслаў Лазоўскі. https://www.youtube.com/watch?v=6PdEUuzXVao
На лячэньне хворай дзяўчынкі зь Ліды сабралі амаль 2 млн даляраў
Цяпер дзякуючы гэтай суме дзяўчынцы зробяць неабходны ўкол.
У Рыты сьпінальная цяглічная атрафія II тыпу. Для лячэньня хваробы патрабуецца адзін укол Zolgensma, а ён каштуе амаль 2 млн даляраў.
Пра тое, што гэтыя грошы сабралі, напісала маці дзяўчынкі ў Instagram.
https://smarturl.click/akEq
У Расеі стаяць чэргі, каб падпісацца за кандыдата ў прэзыдэнты Надзеждзіна
Відавочцы публікуюць фатаздымкі і відэа чэргаў да пунктаў збору подпісаў у падтрымку кандыдата Барыса Надзеждзіна.
У Беларусі чэргі да месцаў збору подпісаў за апазыцыйных кандыдатаў былі ў 2020-м.
Разабраліся, хто такі Барыс Надзеждзін і чаго ён хоча на выбарах.
https://smarturl.click/e8me
У Францыі прададуць з аўкцыёну яхту з залатым корпусам, якая належала беларускаму мільярдэру
Размова пра 41-мэтровую яхту Stefania, якую сканфіскавалі падчас расьсьледаваньня аб адмываньні грошай беларускім мільярдэрам.
У інтэр’еры судна ёсьць рэдкі карабельны камін.
https://smarturl.click/ELOJ
Улады вырашаць, ці дазволіць праезд стоячы ў прыгарадных маршрутках
Цяпер перавозка стоячы ў маршрутках падпадае пад адміністрацыйную адказнасьць. Кіроўцу пагражае штраф да чатырох базавых велічыня — 160 рублёў, бо цяпер 1 базавая складае 40 рублёў.
https://smarturl.click/Z3O5
Запытайся ў Дубаўца. Чаму ў даведніках пра ахвяраў сталінізму абавязкова ўказваюць, калі і якім савецкім органам чалавек быў рэабілітаваны? Хіба гэта сёньня каму-небудзь важна?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Важна, напэўна, для сваякоў ахвяры ў нейкіх бытавых і цывільных справах. Магчыма і для ўнутранага спакою камусьці істотна, што чалавека афіцыйна прызналі невінаватым. Што да публічнай прасторы і ў маральным пляне гэтыя зьвесткі нічога ня значаць, бо рэабілітавала тая самая ўлада, якая і рэпрэсавала.
Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.
❓Задайце ваша пытаньне. Telegram: @SvabodaBelarus; Signal: +37068643669
Беларус пазваніў у міліцыю і сказаў «Слава Украіне». Яго асудзілі за пікетаваньне
Судзьдзя вырашыла, што шляхам «публічнага ажыцьцяўленьня званка» Барыс Казельскі «правёў несанкцыянаванае пікетаваньне без дазволу Наваполацкага гарвыканкама, выказваючы свае грамадзка-палітычныя, асабістыя і іншыя інтарэсы».
https://smarturl.click/EL90
У Вільні ўшанавалі паўстанцаў 1863-1864 гадоў
У цырымоніі брала ўдзел Сьвятлана Ціханоўская як прадстаўніца Беларусі, Украіну прадстаўляў амбасадар Пятро Бешта, а Літву і Польшчу — прэзыдэнты Гітанас Наўседа і Анджэй Дуда.
Польшча і Літва дамовіліся пашырыць ваеннае супрацоўніцтва. Адна з прычын — Беларусь
Прэзыдэнты Польшчы і Літвы Анджэй Дуда і Гітанас Наўседа па выніках сустрэчы ў Вільні дамовіліся пашыраць супрацоўніцтва ў ваеннай сфэры, заявілі лідэры дзьвюх краін у нядзелю, 21 студзеня.
Дуда падкрэсьліў, што асаблівай увагі, маніторынгу і канцэнтрацыі патрабуе Сувалкскі калідор — участак мяжы дзьвюх краін паміж Калінінградзкай вобласьцю і Беларусьсю, патэнцыйны захоп якога адрэжа краіны Балтыі ад наземных сіл NATO.
https://smarturl.click/wWny
У Абхазіі згарэлі фонды Нацыянальнай карціннай галерэі
Пажар працягваўся 3,5 гадзіны і стаў фатальным для тысяч работ. Зьнішчана звыш 4000 унікальных карцін.
У фондзе галерэі захоўвалася больш за чатыры тысячы работ вядомых абхаскіх мастакоў. Страты ўжо назвалі незваротнымі.
https://smarturl.click/03Q8
Міліцыя страляла ў ногі мужчыну ў Бабруйску. Ён нібыта хадзіў па вуліцах з нажом і псаваў аўтамабілі
Пасьля 44-гадовы мужчына пайшоў з нажом на міліцыянтаў, заяўляюць самі сілавікі і дзеляцца апэратыўнымі кадрамі.
Зламысьнік, згодна з іхнай вэрсіяй, паспрабаваў зьдзейсьніць самагубства, але спробу прадухілілі, пасьля чаго аказалі яму першую дапамогу. Затым бабруйчаніна даставілі ва ўстанову аховы здароўя.
https://smarturl.click/YD6j
Скрыншот зь відэа сілавікоў
Два гады зь дзевяці з болем у адзінай нырцы. Адзін з найстарэйшых палітвязьняў Беларусі рыхтуецца сустрэць Дзень народзінаў за кратамі
За кратамі па-ранейшаму знаходзіцца палітзьняволены лідэр аршанскага незалежнага прафсаюзу РЭП Васіль Берасьнеў. Падчас зьняволеньня ў яго моцна абвастрыліся праблемы са здароўем — ён пакутуе на боль у адзінай нырцы.
Інфармацыя пра стан здароўя і настрой палітвязьня даходзіць вельмі рэдка, і пакуль калегі і паплечнікі ўспомнілі гісторыю жыцьця і грамадзкай дзейнасьці Берасьнева.
https://smarturl.click/wWd8