radiosvaboda | Новости и СМИ

Telegram-канал radiosvaboda - Радыё Свабода — Беларусь

17433

Сувязь з рэдакцыяй — @SvabodaBelarus Даслаць навіну ў Signal можна па нумары +37068643669

Подписаться на канал

Радыё Свабода — Беларусь

Факты пра Леніна, якія вам не раскажуць у беларускай школе

Галоўны савецкі правадыр памёр роўна 100 гадоў таму. Яму ў Беларусі прысьвечана больш за ўсё помнікаў і назваў вуліц. Аднак з краінай Леніна нічога ня зьвязвае.

Читать полностью…

Радыё Свабода — Беларусь

Прадстаўнікі РПЦ праігнаравалі штогадовую малітву аб адзінстве хрысьціян

Штогадовая малітва ў Менску ўпершыню адбылася без праваслаўных.

Традыцыйна Праваслаўную царкву Маскоўскага патрыярхату прадстаўляў намесьнік старшыні Сынадальнага аддзелу Беларускай Праваслаўнай Царквы ва ўзаемаадносінах Царквы і грамадзтва протаіерэй Аляксандар Шымбалёў. Аднак цяпер, на малітве 20-га студзеня, ні ён, ні іншы прадстаўнік царквы ў Менскую архікатэдру не прыйшлі, піша «Хрысьціянская візія».

Штогод у студзені у Менскай архікатэдры зьбіраюцца прадстаўнікі розных хрысьціянскіх канфэсій на супольнае набажэнства з нагоды тыдня малітваў аб адзінстве хрысьціян. Падобныя набажэнствы адбываюцца таксама ў іншых гарадах Беларусі. Гэтым разам малітву ў сталіцы краіны адпраўлялі грэка-каталіцкі архімандрыт Сяргей Гаек, лютэранскі пастар Уладзімер Татарнікаў, пастар Валерый Шэйбак з супольнасьці хрысьціян поўнага Эвангельля і прадстаўнік Біблейскага таварыства Аляксандар Камінскі.

Здымкі catholic.by

Читать полностью…

Радыё Свабода — Беларусь

А 15-й гадзіне беларускага часу ў Вільні пройдзе ўшанаваньне памяці паўстанцаў Каліноўскага

Каля капліцы на могілках Росы ўжо пачалі зьбірацца людзі. На цырымоніі прысутнічаюць нацыянальныя сьцягі краін, чые народы бралі актыўны ўдзел у паўстаньні супраць расейскага панаваньня — Беларусі, Літвы, Украіны і Польшчы.

У мітынгу прымуць удзел прэзыдэнты Літвы Гітанас Наўседа і Польшчы Анджэй Дуда, Украіну прадставіць амбасадар у Літве, а Беларусь — дэмакратычная лідэрка, экс-кандыдатка на прэзыдэнцкіх выбарах 2020 году Сьвятлана Ціханоўская.

Читать полностью…

Радыё Свабода — Беларусь

Пра тэхніку па-беларуску. Моўны ТЭСТ

Усё, што чалавек робіць рукамі, мае беларускія назвы. Ці ведаеце іх? Праверце сябе.

https://smarturl.click/vlgG

Читать полностью…

Радыё Свабода — Беларусь

👆🏻Запытайся ў Дубаўца. Ці лёгка навучыцца чытаць-пісаць беларускай лацінкай?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

Лёгка, асабліва калі вы валодаеце клясычным, несавецкім правапісам. Уся справа — у замене эквівалентных літар. У сеціве ёсьць адмысловыя лацінізатары, а таксама і навучальныя матэрыялы. Важна не натрапіць на фэйкавую лацінку, якіх апошнім часам зьявілася нямала і якія, наадварот, разбураюць згаданую эквівалентнасьць ды спрыяюць разнабою. За праўдзівай лацінкай — вялізная традыцыя і цэлая бібліятэка кніг і пэрыёдыкі пераважна даваенных (да 1939 году) беларускіх выдавецтваў.

Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.

❓Задайце ваша пытаньне. Telegram: @SvabodaBelarus; Signal: +37068643669

Читать полностью…

Радыё Свабода — Беларусь

Сто гадоў бязь Леніна. Ці варта беларусам быць удзячнымі правадыру бальшавіцкай рэвалюцыі

«Мяне будуць дэманізаваць, як Сталіна і Леніна». Лукашэнка загадзя прадказаў, як яго ацэняць нашчадкі.

Хоць статуі Леніна ў Беларусі застаюцца пераважна на ранейшых месцах, колішняй пашаны, павагі, пакланеньня асобе правадыра больш няма і ўжо ня будзе.

Піша Віктар Багдзевіч. https://smarturl.click/MWY4

Читать полностью…

Радыё Свабода — Беларусь

Вальфовіч заявіў, што спэцслужбы ведаюць «склад ячэек», якія «рыхтуюцца для зьмены ўлады» ў Беларусі

Дзяржсакратар Рады бясьпекі Аляксандр Вальфовіч у эфіры «Беларусь 1» заявіў, што спэцслужбы «ведаюць склад баявых ячэек», якія рыхтуюцца для зьмены ўлады ў краіне і ў курсе аб месцах трэніровак гэтых людзей, піша «Зеркало». Таксама Вальфовіч выставіў шэраг абвінавачаньняў у бок Польшчы, краін Балтыі і Ўкраіны.

«На тэрыторыі Польшчы, Украіны і краін Балтыі рыхтуюцца дывэрсійна-выведвальныя групы і незаконныя ўзброеныя фармаваньні зь беглых з тэрыторыі Расеі і Беларусі. Розных крымінальнікаў усіх кшталтаў, таму што нармальныя людзі ня пойдуць у гэтыя структуры, — заявіў Вальфовіч.

Пры гэтым ён не згадаў, што цяпер беларускіх вайскоўцаў навучаюць былыя баевікі прыватнай расейскай вайсковай кампаніі Вагнера, у шэрагі якой таксама набіраюць зьняволеных, пакараных за цяжкія і асабліва цяжкія злачынствы.

https://smarturl.click/n9m6

Читать полностью…

Радыё Свабода — Беларусь

21 студзеня Сьвятлана Ціханоўская разам з прэзыдэнтамі Літвы і Польшчы ўшануе памяць герояў паўстаньня 1863 — 1864 гадоў

У 12:30–13:30 адбудзецца сьвятая імша ў Катэдральным саборы. У 14:00–14:45 пройдзе памятная цырымонія на могілках Росы. На Росах заплянаваныя выступы прэзыдэнтаў Літвы і Польшчы, пасла Ўкраіны і лідэра дэмакратычнай Беларусі Сьвятланы Ціханоўскай.

Паўстаньне 1863–1864 гадоў пачалося 22 студзеня 1863 году ў Варшаве. На тэрыторыі сучасных Беларусі і Літвы яно пачалося 1 лютага 1863 году, калі ў Вільні было абвешчана аб стварэньні Часовага правінцыйнага Ўраду Літвы і Беларусі на чале з Кастусём Каліноўскім.

Увосень 1863 году паўстаньне было крывава задушанае.
Кастусь Каліноўскі, які выдаваў беларускамоўную газэту «Мужыцкая праўда» і, як кіраўнік ураду, публікаваў дзяржаўныя загады па-беларуску, быў арыштаваны 29 студзеня 1864 году і 22 сакавіка павешаны на Лукіскім пляцы ў Вільні.

https://smarturl.click/mOa5

Читать полностью…

Радыё Свабода — Беларусь

Генэральны сакратар ААН прыбыў ва Ўганду дзеля двух самітаў, а канал МЗС Беларусі выдаў гэта за дасягненьне Алейніка

Неафіцыйны тэлеграм-канал Міністэрства замежных спраў «Глас МИДа» спэкулюе на імі генэральнага сакратара ААН Антонію Гутэрыша, каб надаць вагу ўдзелу кіраўніка беларускага зьнешнепалітычнага ведамства Сяргея Алейніка ў XIX саміце Руху недалучэньня (РН) у сталіцы Ўганды Кампале.

«Пасьля ўчорашняга выступу беларускай дэлегацыі генэральны сакратар ААН Антонію Гутэрыш перапыніў усе свае справы, скасаваў выходны ў суботу і тэрмінова прыбыў ва Ўганду, каб падзякаваць і асабіста паціснуць руку Сяргею Алейніку за сумленную, адкрытую і прынцыповую пазыцыю Беларусі», — гаворыцца ў паведамленьні, якое суправаджаецца трохсэкундным відэазапісам з поціскам рукі Алейніка і Гутэрыша.

Паводле інфармацыі МЗС Уганды, Гутэрыш прыбыў у краіну 19 студзеня для ўдзелу ў двух самітах — Руху недалучэньня і «G77+Кітай».

https://smarturl.click/03gp

Читать полностью…

Радыё Свабода — Беларусь

Расказваем, як немцы прыйшлі ў Беларусь і што прынесьлі

Калісьці на тэрыторыі Беларусі жылі дзясяткі тысяч этнічных немцаў. Яны гандлявалі, займаліся рамёствамі, служылі ў войску, мелі вялікія дзяржаўныя пасады, засноўвалі калёніі на Палесьсі. А ў мінулым стагодзьдзі амаль цалкам зьніклі.

Сьцісла тлумачым 👆🏻, калі прыйшлі на тэрыторыю Беларусі немцы і што ёй далі.

Читать полностью…

Радыё Свабода — Беларусь

Казкі, зьнявечаныя цэнзурай. Як камуністы «рэдагавалі» Андэрсэна і калі зьявяцца беларускія хрысьціянскія дзіцячыя кнігі

Беларускія дзеці па-ранейшаму чытаюць праўлены савецкай цэнзурай і далёкі ад арыгіналу варыянт «Сьнежнай каралевы», адной з найпапулярнейшых у сьвеце зімовых казак. Чаго іх пазбавілі? Хто нарэшце перастворыць казку па-беларуску? І хто сёньня спрабуе напісаць беларускія хрысьціянскія дзіцячыя кнігі?

Пагаварылі пра гэта зь Нікай Ціхай (імя зьмененае дзеля бясьпекі), мамай дваіх дзяцей, філялягіняй, якая цікавіцца дзіцячымі чытанкамі і іх мастацкім перакладам:

https://smarturl.click/Bo7l

Читать полностью…

Радыё Свабода — Беларусь

Зьмітра Дашкевіча перавялі ў калёнію, ён зноў у ШЫЗА, скардзіцца на «дзікі холад»

Апошнія навіны ад палітзьняволенага экс-старшыні «Маладога фронту» расказала ягоная жонка Наста Дашкевіч.

«Зьміцер прабыў у Жодзіна паўгода ў бэтоннай клетцы. Увесь час у карцары: ад ліпеня і да студзеня. Цяпер яго перавялі зноў у Навасады. Туды ж, дзе яму завялі крымінальную справу. Зараз ён зноў у ШЫЗА, дзе скардзіцца на дзікі холад. Кажа, што яму даводзіцца па 8 разоў за ноч уставаць на зарадку, каб сагрэцца. А за гэта яму складаюць рапарты, што ён не ляжыць пасьля адбою», — падзялілася Наста Дашкевіч у Фэйсбуку і адзначыла, што «ня ведае, як даваць рады з усімі бытавымі пытаньнямі і чацьвярымі дзецьмі», ведаючы, што муж пакутуе.

Таксама Наста апублікавала верш Зьмітра зь няволі:

https://smarturl.click/5weD

Читать полностью…

Радыё Свабода — Беларусь

👆🏻Запытайся ў Дубаўца. Што будзе зь дзяржаўнай сымболікай Беларусі ў будучыні?

25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.

Найбольш трывалыя і даўгавечныя сымбалі тыя, за якімі стаяць чалавечыя ўчынкі, старадаўнія легенды, якія апетыя ў шэдэўрах нацыянальнай паэзіі, як, да прыкладу, у гімнах «Пагоня» Максіма Багдановіча і «Магутны Божа» Натальлі Арсеньневай. Яны прызнаныя народам, у чым нас пераканаў 2020 год, альтэрнатывы ім няма. Нічым зь пералічаных прыкметаў не падмацаваныя савецкія сымбалі Лукашэнкі. Наадварот, у 2020 годзе, калі імі «ўпрыгожылі» турмы і аўтазакі, яны канчаткова страцілі будзь якую пэрспэктыву.

Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.

❓Задайце ваша пытаньне. Telegram: @SvabodaBelarus; Signal: +37068643669

Читать полностью…

Радыё Свабода — Беларусь

Горадзенскі айцішнік ахвяраваў тэлеграм-каналу 1,78 эўра — ГУБАЗіК прымусіў яго перавесьці дзіцячаму фонду 1000 даляраў

Відэа зь ім і яшчэ двума затрыманымі апублікаваў набліжаны да ГУБАЗіК тэлеграм-канал, паведамляе партал «Люстэрка».

Сілавікі заявілі, што нібыта ўсе трое мужчын прыйшлі ў міліцыю добраахвотна. Пры гэтым у апісаньні відэа гаворыцца, што «горадзенскія айцішнікі выбралі свабоду і добрую справу замест цёмнай камэры СІЗА».

🔸 Іншы затрыманы ў відэа прызнаўся, што 17 студзеня 2021 году зрабіў данат праз PayPal «экстрэмісцкаму» тэлеграм-каналу, а сёньня «прыйшоў добраахвотна зь яўкай з павіннай». Мужчына расказаў, што працуе ў сфэры IT і сёньня зрабіў ахвяраваньне на дабрачынныя мэты ў памеры пяці тысячаў даляраў.

🔸 Трэці ўдзельнік відэа — таксама горадзенскі айцішнік. У роліку ён прызнаецца ў двух данатах у памеры 35 эўра «экстрэмісцкаму фармаваньню». «Адкупленьне віны» ў ГУБАЗіК яму таксама абышлося ў пяць тысяч даляраў.

Читать полностью…

Радыё Свабода — Беларусь

Міністры абароны краін Балтыі дамовіліся пра стварэньне абарончых зон на ўсходніх межах, каб супрацьстаяць магчымай агрэсіі Расеі

У прыватнасьці, Эстонія пабудуе ўздоўж мяжы каля 600 умацаваных бункераў. Літва і Латвія таксама будуць узводзіць абарончыя збудаваньні.

Як заявіў дарадца Міністэрства абароны Эстоніі Кайда Ційтус, лінія бункераў будзе праходзіць па павеце Іда-Вірумаа, які мяжуе зь Ленінградзкай вобласьцю, і па паўднёвым усходзе Эстоніі — на мяжы з Пскоўскай вобласьцю. Кожны бункер будзе зьмяшчаць да 10 вайскоўцаў і вытрымліваць прамое трапляньне снарада калібру 152 мм.

Літва і Латвія таксама далучацца да абароннай ініцыятывы.

Читать полностью…

Радыё Свабода — Беларусь

Польшча і Літва дамовіліся пашырыць ваеннае супрацоўніцтва. Адна з прычын — Беларусь

Прэзыдэнты Польшчы і Літвы Анджэй Дуда і Гітанас Наўседа па выніках сустрэчы ў Вільні дамовіліся пашыраць супрацоўніцтва ў ваеннай сфэры, заявілі лідэры дзьвюх краін у нядзелю, 21 студзеня.

Дуда падкрэсьліў, што асаблівай увагі, маніторынгу і канцэнтрацыі патрабуе Сувалкскі калідор — участак мяжы дзьвюх краін паміж Калінінградзкай вобласьцю і Беларусьсю, патэнцыйны захоп якога адрэжа краіны Балтыі ад наземных сіл NATO.

https://smarturl.click/wWny

Читать полностью…

Радыё Свабода — Беларусь

У Абхазіі згарэлі фонды Нацыянальнай карціннай галерэі

Пажар працягваўся 3,5 гадзіны і стаў фатальным для тысяч работ. Зьнішчана звыш 4000 унікальных карцін.

У фондзе галерэі захоўвалася больш за чатыры тысячы работ вядомых абхаскіх мастакоў. Страты ўжо назвалі незваротнымі.

https://smarturl.click/03Q8

Читать полностью…

Радыё Свабода — Беларусь

Міліцыя страляла ў ногі мужчыну ў Бабруйску. Ён нібыта хадзіў па вуліцах з нажом і псаваў аўтамабілі

Пасьля 44-гадовы мужчына пайшоў з нажом на міліцыянтаў, заяўляюць самі сілавікі і дзеляцца апэратыўнымі кадрамі.

Зламысьнік, згодна з іхнай вэрсіяй, паспрабаваў зьдзейсьніць самагубства, але спробу прадухілілі, пасьля чаго аказалі яму першую дапамогу. Затым бабруйчаніна даставілі ва ўстанову аховы здароўя.

https://smarturl.click/YD6j

Скрыншот зь відэа сілавікоў

Читать полностью…

Радыё Свабода — Беларусь

Два гады зь дзевяці з болем у адзінай нырцы. Адзін з найстарэйшых палітвязьняў Беларусі рыхтуецца сустрэць Дзень народзінаў за кратамі

За кратамі па-ранейшаму знаходзіцца палітзьняволены лідэр аршанскага незалежнага прафсаюзу РЭП Васіль Берасьнеў. Падчас зьняволеньня ў яго моцна абвастрыліся праблемы са здароўем — ён пакутуе на боль у адзінай нырцы.

Інфармацыя пра стан здароўя і настрой палітвязьня даходзіць вельмі рэдка, і пакуль калегі і паплечнікі ўспомнілі гісторыю жыцьця і грамадзкай дзейнасьці Берасьнева.

https://smarturl.click/wWd8

Читать полностью…

Радыё Свабода — Беларусь

Гарыць порт Усьць-Луга пад Санкт-Пецярбургам

У ноч на 21 студзеня расейскі порт атакавалі бесьпілётнікі. Іх мэтай стаў хімічны тэрмінал «Новатэк». Пашкоджана буйное газасховішча.

https://smarturl.click/EL74

Скрыншот зь відэа

Читать полностью…

Радыё Свабода — Беларусь

Міністар культуры Славаччыны адмяніла забарону на супрацоўніцтва зь Беларусьсю і Расеяй

Загад Міністэрства культуры Славаччыны пра забарону на кантакты і культурнае супрацоўніцтва зь Беларусьсю і Расеяй скасаваны рашэньнем кіраўніцы гэтага ведамства Марціны Шымкавічавай, паведамляе мясцовае выданьне Pravda.

Праз вайну ва Ўкраіне, якую пачала Расея і падтрымаў рэжым у Беларусі, ранейшы міністар Натальля Міланава 2 сакавіка 2022 году загадала Міністэрству культуры, усім падведамасным арганізацыям і іх супрацоўнікам «спыніць любое акадэмічнае культурнае ці іншае аналягічнае афіцыйнае супрацоўніцтва з Расейскай Фэдэрацыяй ці Рэспублікай Беларусь да далейшага апавяшчэньня».

Сапраўднасьць новага загаду выданьню пацьвердзіла сама Шымкавічава праз свайго прэсавага сакратара Паўла Чорбу. «У сьвеце адбываюцца дзясяткі ваенных канфліктаў, і, на нашу думку, артысты і культура не павінны за гэта расплачвацца», — заявіла яна.

https://smarturl.click/XR4Q

Читать полностью…

Радыё Свабода — Беларусь

Найважнейшае за 20 студзеня

🔸 Зьмітра Дашкевіча перавялі ў калёнію, ён зноў у ШЫЗА, скардзіцца на «дзікі холад»

🔸 Генэральны сакратар ААН прыбыў ва Ўганду дзеля двух самітаў, а канал МЗС Беларусі выдаў гэта за дасягненьне Алейніка

🔸 Мясцовы ваявода заступіўся за беларуса з Торуні, якому пагражае высылка пасьля 20 гадоў пражываньня ў Польшчы

🔸 «Застанемся адкрытымі». Вольны беларускі ўнівэрсытэт пракамэнтаваў свой «экстрэмісцкі» статус і даў парады бясьпекі жыхарам Беларусі

🔸 У Вільні адкрылася «Чытальня» — бібліятэчны праект, які прафінансавалі беларусы замежжа. Фота

🔸 Найлепшыя кнігі для дзяцей і падлеткаў: абвясьцілі кароткі сьпіс намінантаў на літаратурную прэмію Цёткі

🔸 Казкі, зьнявечаныя цэнзурай. Як камуністы «рэдагавалі» Андэрсэна і калі зьявяцца беларускія хрысьціянскія дзіцячыя кнігі

Читать полностью…

Радыё Свабода — Беларусь

Што пачытаць дзецям па-беларуску? Найлепшыя новыя кнігі для дзяцей і падлеткаў — у кароткім сьпісе намінантаў на літаратурную прэмію Цёткі

Прэмія Цёткі — адзіная недзяржаўная беларуская літаратурная прэмія за дасягненьні ў галіне дзіцячай літаратуры. Нядаўна экспэрты вызначылі кароткі сьпіс намінантаў, якія пазмагаюцца за званьні «Найлепшай кнігі для дзяцей і падлеткаў» і «Найлепшае мастацкае афармленьне» дзіцячай кнігі. Расказваем, хто ў сьпісах намінантаў:

https://smarturl.click/oLaW

Читать полностью…

Радыё Свабода — Беларусь

Украінскаму войску перадалі канфіскаваную маёмасьць беларускай кампаніі коштам больш як 61 млн даляраў

Дзяржаўнае бюро расьсьледаваньняў Украіны выявіла на тэрыторыі марскога порта Адэсы 26 тысяч тон мэталічнай прадукцыі беларускай кампаніі (яе імя не называецца) коштам у больш як 61 млн даляраў. Прадукцыю (сярод іншага, арматуру, трубы і сталёвыя нарыхтоўкі) канфіскавалі і перадалі на патрэбы вайскоўцаў Узброеных сіл Украіны — агулам 412 вагонаў:

https://smarturl.click/pbmj

Читать полностью…

Радыё Свабода — Беларусь

🎭«Купалаўцы» анансавалі новы экспэрымэнтальны спэктакль. Прэм’ера сёньня на Youtube

20 студзеня а 20-ай гадзіне па менскім часе «Купалаўцы» пакажуць на сваім YouTube-канале прэм’еру экспэрымэнтальнага спэктакля «Камэдыя Юдзіфі». Ролі ў ім выконваюць вядомыя беларускія акторы — Зоя Белахвосьцік, Аляксандар Гарцуеў, Аляксандар Казела, Валянціна Гарцуева.

Паводле выканаўцы галоўнай ролі Зоі Белахвосьцік, спэктакль — «пра ўсе войны сьвету, былыя, сёньняшнія і будучыя»:

https://smarturl.click/1nYo

Читать полностью…

Радыё Свабода — Беларусь

«Па тэхнічных прычынах»: буйная гандлёвая сетка касмэтыкі і побытавай хіміі «Міла» зноў прыпыніла онлайн-замовы

Замовы тавараў праз інтэрнэт-краму «Мілы» ня будуць прымаць прынамсі да 1 сакавіка. У пачатку кастрычніка «Міла» ўжо прыпыняла працу онлайн-крамы, гэтак жа як і іншая буйная сетка — «Востраў чысьціні і смаку», у яе апошнім часам вялікія праблемы з даўгамі. Як тлумачыў Свабодзе прадстаўнік беларускага рытэйлу, па сетцы найбольш ударыла рэгуляваньне цэнаў і праблема з эўрапейскім імпартам.

У той час, як беларускія «Міла» і «Востраў чысьціні і смаку» маюць праблемы, у Беларусь рыхтуецца сёлета прыйсьці іх канкурэнтка з Расеі — сетка касмэтыкі і парфумэрыі «Подружка»:

https://smarturl.click/loGm

Читать полностью…

Радыё Свабода — Беларусь

📚 У Вільні адкрылася «Чытальня» — бібліятэчны праект, які прафінансавалі беларусы замежжа

У новым фармаце пачынае дзейнічаць бібліятэка, у якой больш за сто гадоў таму працаваў Янка Купала. Абслугоўваньне праз электронны каталёг, чытацкі клюб і нават назва — усё новае, запэўнілі яе супрацоўнікі.

Бібліятэка пры Цэнтры беларускай супольнасьці і культуры ў Вільні займела адмысловую назву «Чытальня», свой сайт з электронным каталёгам і магчымасьцю замовы ды браніраваньня, чытацкі клюб і новыя кнігі клясыкаў і сучасных аўтараў. Абнаўленьні адбыліся ў рамках праекту па самакіраваньні на грошы, якія сабралі беларусы замежжа на плятформе «Новая Беларусь».

Рэпартаж з прэзэнтацыі: https://smarturl.click/akGJ

Читать полностью…

Радыё Свабода — Беларусь

Навошта Лукашэнка мяняе кіраўніка сваёй адміністрацыі: вынікі тыдня з Карбалевічам

Лукашэнка мяняе кіраўніка адміністрацыі. Завяршыўся этап вылучэньня кандыдатаў у дэпутаты Палаты прадстаўнікоў і мясцовых саветаў. 2024-ы год абвясьцілі «годам якасьці».

Палітычны аглядальнік Свабоды Валер Карбалевіч падводзіць вынікі і тлумачыць, чаму такіх выбараў, як сёлета, незалежная Беларусь яшчэ ня бачыла:

🎥 ВІДЭА: https://www.youtube.com/watch?v=Z1z7c5uadgA

Читать полностью…

Радыё Свабода — Беларусь

Найважнейшае за 19 студзеня:

📌 Імітацыя канкурэнцыі. Такіх выбараў незалежная Беларусь яшчэ ня бачыла

📌 «Я ўжо пачала хвалявацца». Як ходзяць лісты і пасылкі зь Беларусі ў Польшчу і наадварот

📌 У Шчучыне каля 10 чалавек затрымалі нібыта за «экстрэмізм»

📌 «Калі „экстрэмістаў“ ня будзе, іх знойдуць сярод сваіх». Чым палохаюць беларусаў перад выбарамі

📌 КДБ Беларусі абвінаваціў Украіну ў «падрыхтоўцы выбухаў на прадпрыемствах і забойстваў дзяржаўных дзеячоў і журналістаў»

📌 Міністар абароны Беларусі заявіў, што новая ваенная дактрына дэманструе зацікаўленасьць у аднаўленьні дыялёгу з NATO

📌 На беларускім рынку дэфіцыт працоўнай сілы, наймальнікі гатовы браць работнікаў бяз досьведу

📌 У Беларусі заснаваны знак якасьці, створаны на ўзор савецкага

📌 «Расея навучылася ў Лукашэнкі душыць як мага больш жорстка». Экспэрт аб пратэстах у Башкартастане

Читать полностью…

Радыё Свабода — Беларусь

«Расея навучылася ў Лукашэнкі душыць як мага больш жорстка». Экспэрт аб пратэстах у Башкартастане

У Башкартастане — рэспубліцы ў складзе Расейскай Фэдэрацыі — некалькі дзён працягваюцца акцыі пратэсту пасьля таго, як там на 4 гады зьняволеньня засудзілі актывіста Фаіля Алсынава. Ці можна назваць гэтыя пратэсты праявай нацыянальнага руху і ці ёсьць нейкія паралелі з сытуацыяй у Беларусі — пра гэта кажа дырэктар татарска-башкірскай службы Радыё Свабода Рым Гільфанаў.

🎥: https://youtu.be/pqlkL6g_TFY

Читать полностью…
Подписаться на канал