17433
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Рымашэўскага, Кавалькову, Садоўскага і Аксёнава выключылі з БХД
10 лютага ў Варшаве ў Музэі Вольнай Беларусі адбыўся зьезд партыі «Беларуская хрысьціянская дэмакратыя». На ім прынялі рашэньне аб выключэньні з партыі былых сустаршыняў Віталя Рымашэўскага, Вольгу Кавалькову, Дзяніса Садоўскага, а таксама былога кіраўніка Магілёўскай абласной арганізацыі БХД Алега Аксёнава.
Сустаршынямі застаюцца Павал Севярынец і Георгі Дзьмітрук, пры гэтым Дзьмітрук фактычна будзе кіраваць партыяй, пакуль Севярынец, прызнаны яе адзіным лідэрам, знаходзіцца за кратамі з палітычных прычынаў.
https://smarturl.click/1dMZe
Карпянкоў дапусьціў, што ўнутраным войскам падчас выбараў дапамогуць вагнэраўцы
Паводле яго, інструктары ПВК за сем месяцаў падрыхтавалі 1,6 тыс. спэцыялістаў унутраных войскаў.
https://smarturl.click/670bY
Каардынацыйная рада як непраяўленае фота. Пытаньні патэнцыйнага выбарніка самому сабе
Сяргей Дубавец піша пра Каардынацыйную раду дэмакратычных сіл у выгнаньні як непраяўлены фатаздымак: ніхто толкам ня бачыць, што на ім, аўтар спрабуе яго праявіць, хаця б для сябе.
https://smarturl.click/JDG6D
ФСБ правяла ператрусы ў офісах Расавіяцыі з-за перапродажаў самалётаў за мяжу
У Расеі ФСБ распачала некалькі крымінальных справаў з-за незаконнага продажу за мяжу амаль 60 самалётаў. Пэўная тэхніка, зьнятая з рэгістрацыі ў абыход указаў Пуціна і ўраду, удзельнічала ў вайне з украінскага боку.
https://smarturl.click/Eemj0
Улады Эгіпту прыгразілі прыпыніць дзеяньне мірнай дамовы з Ізраілем, калі ізраільскія войскі ўвойдуць у прымежны з Эгіптам горад Рафах у сэктары Газа. Пагроза прагучала пасьля таго, як прэм’ер-міністар Ізраілю Біньямін Нэтаньягу заявіў, што ўвесьці войскі ў Рафах неабходна для перамогі ў вайне супраць палестынскай групоўкі ХАМАС, прызнанай тэрарыстычнай у ЗША і Эўразвязе.
Увечары 11 лютага на сайце Белага дому зьявілася паведамленьне пра тэлефонныя перамовы паміж прэзыдэнтам ЗША Джо Байдэнам і Нэтаньягу. Амэрыканскі прэзыдэнт падкрэсьліў, што нельга праводзіць ваенную апэрацыю ў Рафаху без рэалістычнага пляну, які б гарантаваў бясьпеку і падтрымку больш чым 1 мільёну чалавек, што знайшлі там прытулак.
У Рафах ад пачатку наземнай апэрацыі ізраільскай арміі ў кастрычніку 2023 году зьбегла амаль палова насельніцтва сэктару Газа. Большасьць палестынцаў цяпер жывуць там у намётавых лягерах і сховішчах ААН паблізу мяжы з Эгіптам.
На фота ўцекачы ў горадзе Рафах, 8 лютага 2024 https://smarturl.click/0eMz7
Генэральны сакратар NATO адрэагаваў на пагрозы Трампа
Енс Столтэнбэрг заявіў, што словы былога прэзыдэнта ЗША «ставяць пад пагрозу жыцьцё амэрыканскіх і эўрапейскіх салдат». Ён дадаў, што любы напад на краіну NATO сутыкнецца з «аб'яднаным і моцным адказам».
Раней экс-прэзыдэнт ЗША і найбольш імаверны кандыдат ад Рэспубліканскай партыі на новыя выбары Дональд Трамп працытаваў нібыта пытаньне прэзыдэнта неназванай «вялікай краіны»: «Сэр, калі мы не заплацім і на нас нападзе Расея, Вы нас абароніце?»
«Не, я б вас не абараняў. Насамрэч, я б заклікаў іх рабіць усё, што яны хочуць. Вы павінны заплаціць», — сказаў Трамп. На фота Енс Столтэнбэрг і Дональд Трамп (на пярэднім пляне зьлева направа) падчас саміту NATO ў Брытаніі ў сьнежні 2019 году https://smarturl.click/71MR7
Намесьнік пракурора Горадзенскай вобласьці параіў выдаліць з сацсетак «сумнеўную» інфармацыю за апошнія пяць гадоў
Колькасьць новых крымінальных спраў за «экстрэмізм» зьніжаецца, заявіў намесьнік пракурора Горадзенскай вобласьці Андрэй Скурат 8 лютага на сустрэчы з калектывамі ААТ «Беллакт» і Ваўкавыскага мясакамбінату ў раённым цэнтры.
«Тым ня менш: у кагосьці ў стужках сацсетак, на старонках асабістых акаўнтаў, магчыма, засталіся карцінкі, рэпосты, лайкі, камэнтары з суполак ці груп, прызнаных экстрэмісцкімі, падпіскі на іх», — цытуе Скурата сайт ваўкавыскай дзяржаўнай газэты «Наш час».
Праваабарончы цэнтар «Вясна» адзначае, што Скурат злоўжывае службовымі паўнамоцтвамі, бо сам ён кандыдат у дэпутаты Горадзенскага абласнога савету, а арганізаваныя мясцовымі ўладамі сустрэчы фармальна ня лічацца агітацыяй. https://smarturl.click/9zxvp
Камандуючы ўкраінскімі Аб’яднанымі сіламі кажа, што пра звальненьне з пасады даведаўся са СМІ
«Пра сваё звальненьне з пасады камандуючага Абʼяднанымі сіламі Ўзброеных сіл Украіны, якую займаў з 2020 года, я даведаўся са СМІ. Гэта былі цяжкія часы. Адзін з самых цяжкіх пэрыядаў у гісторыі Украіны», — напісаў у Тэлеграме Сяргей Наеў.
Раней сёньня прэзыдэнт Уладзімір Зяленскі ў рамках шэрагу кадравых зьмяненьняў у войску звольніў Сяргея Наева з пасады камандуючага Абʼяднанымі сіламі Ўзброеных сіл Украіны і прызначыў на яго месца Юрыя Содаля. https://smarturl.click/yqdOJ
Украінская выведка заявіла, што расейскія захопнікі актыўна карыстаюцца тэрміналамі Starlink
Украінская выведка адзначыла, што радыёперахоп размовы захопнікаў сьведчыць аб устаноўцы тэрміналаў Starlink для наладжваньня доступу ў інтэрнэт, напрыклад, у падразьделах 83-й Асобнай штурмавой брыгады Расеі, якія дзейнічаюць у Данецкай вобласьці ў раёне Клішчаўкі і г.п. Андрыеўка.
https://smarturl.click/mp8k5
Дзьмітры Баскаў пракамэнтаваў паводзіны расейскіх юніёраў на хакейным турніры
Хакеісты юніёрскай (U-18) зборнай Расеі адмовіліся забіраць індывідуальныя і камандныя прызы пасьля паразы ад беларускай моладзевай зборнай (U-20) у фінале турніру «Кубак Будучыні». Расейцы былі незадаволеныя якасьцю судзьдзёўства, а таму вырашылі не забіраць узнагароды, хоць і прымалі іх з рук арганізатараў. Яны ціснулі рукі, забіралі прызы, а затым ставілі іх на лёд.
Сёньня Баскаў пракамэнтаваў такія паводзіны расейцаў, назваўшы «недапушчальным».
https://smarturl.click/4kM6W
Ці добра вы ведаеце гісторыю антымаскоўскага Магілёўскага паўстаньня 1661 году? ТЭСТ
У 1661 годзе мяшчане Магілёва, які з 1654 году знаходзіўся ў складзе Маскоўскага царства, паўсталі супраць акупантаў і вярнулі горад у склад Рэчы Паспалітай. Гэта адбылося ў часе вайны 1654–1667 гадоў паміж Рэччу Паспалітай і Масквой. Праверце, ці добра вы ведаеце гісторыю тых векапомных падзеяў.
https://smarturl.click/xBp2m
Лукашэнка і прайграныя выбары. Да чаго рэжым рыхтуе беларусаў, узмацняючы палітычныя рэпрэсіі
Лукашэнка ў свой час трапіў на вяршыню ўлады дзякуючы кароткаму пэрыяду адноснай гарбачоўскай лібэралізацыі. І наступныя 30 гадоў рабіў і робіць усё магчымае, каб нічога падобнага ў Беларусі не паўтарылася.
Боязь уласнага грамадзтва, недавер да яго, жаданьне не пакінуць людзям і самай малой надзеі на тое, што перамены магчымыя, — вось што стаіць за цяжкавытлумачальнай гістэрычнай падрыхтоўкай улады да «выбараў». Піша Віктар Багдзевіч: https://smarturl.click/VDykb
Асноўныя падзеі і найважнешыя публікацыі Свабоды 10 лютага
На рыбакансэрвавым камбінаце запісалі зварот да Лукашэнкі пра тое што там больш за 5 месяцаў не атрымліваюць заробкі. Вынік - дырэктарам рыбакансэрвавага камбіната запісалі «пакаяннае» відэа
У Менску пацыент напаў зь сякерай на брыгаду хуткай дапамогі, два фэльчары ў бальніцы
Карпянкоў уручыў беларускім вайскоўцам шаўроны «Група Вагнэра. Штурмавік»
У бальніцы Полацка не хапае траціны пэрсаналу
У Гомлі па трох крымінальных артыкулах судзяць экс-кіраўніка мясцовай дырэкцыі «Белінвестбанка»
Што адбываецца з Амэрыкай. Першы выпуск падкасту «Куды коціцца сьвет»
«Я быў першым польскім журналістам, які зьняў фільм пра Акрэсьціна». Размова з дакумэнталістам Блюзам
Кацярына Дабкене: «Суцяшаю сябе тым, што трасянка таксама мае права на існаваньне»
Чаму Лукашэнка ўцягвае войскі ў палітыку? Вынікі тыдня ад Карбалевіча
Урад надаў паўнамоцтвы Апэратыўна-аналітычнаму цэнтру самастойна адключаць сувязь
Апэратыўна-аналітычны цэнтар пры прэзыдэнту (ААЦ) мае паўнамоцтвы самастойна адключаць тэлекамунікацыі, вынікае з пастановы Савету міністраў № 88 ад 6 лютага.
Цяпер ААЦ лічыцца адным з прыярытэтных карыстальнікаў сетак і сродкаў электрасувязі ў выпадку надзвычайных сытуацый. Аналягічны статус ужо маюць міністэрствы – абароны, унутраных справаў, надзвычайных сытуацыяў, а таксама камітэты — памежны, мытны, дзяржаўнай бясьпекі. https://smarturl.click/mp8VB
Чаму Лукашэнка ўцягвае войскі ў палітыку?
Што азначае дазвол для вайскоўцаў ужываць зброю супраць цывільных грамадзян Беларусі і як нерэгістрацыя Надзеждзіна ў Расеі зьвязана з будучымі выбарамі ў Беларусі. Падзеі тыдня – ад палітычнага аглядальніка Свабоды Валера Карбалевіча.
Глядзіце відэа https://www.youtube.com/watch?v=YZeUXtEh6jQ
У Барысаве пачалі банкруцтва прадпрыемства, якое нядаўна прайшло мадэрнізацыю
Эканамічны суд пачаў працэдуру банкруцтва Барысаўскага завода палімэрнай тары «Паліміз», якое заснавалі ў 1968 годзе.
https://smarturl.click/mp8wn
На выяве памятны значок да 30-годзьдзя «Палімізу» з онлайн-аўкцыёну
«Зрабілі з дапамогай скотчу і таленту». Былыя акторы Купалаўскага тэатру прэзэнтавалі свой першы фільм
Адзін Арык Фергас загінуў у 1942-м ад рук фашысцкіх захопнікаў, другі — у 1920-м ад рук белапалякаў, а трэці — у 1905-м ад рук царскіх жандараў. У Варшаве вольныя «Купалаўцы» прэзэнтавалі свой першы кароткамэтражны фільм «Дух месца».
https://smarturl.click/4kM9m
Увага, пошук 🔎
Шукаем тых, хто больш ня можа знайсьці ў беларускіх аптэках патрэбных яму замежных лекаў. Нават за вялікія грошы. Напішыце нам, калі ласка. Ананімнасьць гарантаваная.
📫 Сувязь з рэдакцыяй. Telegram: @SvabodaBelarus; Signal: +37068643669
Аўтамабілі, цеплавізары, маскавальныя сеткі. Хто ў Беларусі зьбірае дапамогу для расейскіх вайскоўцаў
Поўнамаштабнае ўварваньне Расеі ва Ўкраіну пачалося амаль два гады таму. За гэты час у Расеі паўстала буйная сетка грамадзкіх арганізацый, якія розным чынам дапамагаюць расейскім вайскоўцам весьці баявыя дзеяньні на ўкраінскай тэрыторыі. Задзейнічаныя ў такой валянтэрскай дапамозе і некаторыя беларускія структуры. Расказваем пра іх падрабязьней.
https://smarturl.click/O0z4a
Галоўнае за 11 лютага
📌 Трамп заявіў, што будзе заахвочваць Расею атакаваць членаў NATO, якія ня робяць абаронных выплатаў. Кіраўнік NATO адрэагаваў
📌 Латушка зьняпраўдзіў словы чыноўніка Мінздароўя аб спыненьні паставак лекаў у Беларусь праз санкцыі
📌 У 2023 годзе Мінюст дамогся ліквідацыі 107 аб’яднаньняў, 11 партый, 2 фондаў
📌 Намесьнік пракурора Горадзенскай вобласьці параіў выдаліць з сацсетак «сумнеўную» інфармацыю за апошнія пяць гадоў
📌 Лукашэнка і прайграныя выбары. Да чаго рэжым рыхтуе беларусаў, узмацняючы палітычныя рэпрэсіі
📌 Ці добра вы ведаеце гісторыю антымаскоўскага Магілёўскага паўстаньня 1661 году? Прайдзіце наш ТЭСТ
Латушка зьняпраўдзіў словы чыноўніка Мінздароўя пра нібыта «заходнія санкцыі» на лекі для Беларусі
«Абсалютна ніякія санкцыі» на лекавыя прэпараты і вырабы мэдыцынскага прызначэньня беларускай вытворчасьці Захад ня ўводзіў, заявіў на сваім Youtube-канале 11 лютага кіраўнік Народнага антыкрызіснага ўпраўленьня Павал Латушка.
«Мы ўжо неаднаразова абвяргалі такія заявы адносна лекаў, аднак гэты прапагандысцкі тэзіс працягвае набіраць абароты і выходзіць на міжнародны ўзровень», — сказаў Павал Латушка. Пры гэтым многія кампаніі, сярод іх ёсьць і фармакалягічныя, з уласнай ініцыятывы адмаўляюцца ад супрацоўніцтва зь Менскам, растлумачыў палітык. https://smarturl.click/O0zBO
Армія Ізраілю знайшла тунэль ХАМАС пад будынкам агенцтва ААН у Газе
Армія Ізраілю выявіла тунэль радыкальнай групоўкі ХАМАС, прызнанай тэрарыстычнай у ЗША і Эўропе, пад будынкам штаб-кватэры агенцтва ААН па дапамозе палестынскім уцекачам (БАПОР) у Газе. Паводле Ізраілю, у ім разьмяшчаўся разьведвальны цэнтар ХАМАС.
Ізраільскія вайскоўцы правялі журналістаў па 700-метровым тунэлі. Ён пралягае на глыбіні 20 мэтраў пад зямлёй. Таксама падземныя службовыя памяшканьні знайшлі пад будынкам разьмешчанай непадалёк школы, якая знаходзіцца ў распараджэньні агенцтва ААН.
Кіраўнік БАПОР Філіпэ Лязарыні ў сацыяльнай сетцы Х заявіў, што ў агенцтве ня ведалі аб тым, што знаходзіцца пад будынкам. https://smarturl.click/1dMG5
«Парá! Парá!» Як магілёўцы паўсталі супраць маскоўскіх акупантаў
У 1661 годзе, падчас адной з самых крывавых войнаў у гісторыі Беларусі, жыхары Магілёва паўсталі супраць маскоўскіх акупантаў і вярнулі горад у склад Рэчы Паспалітай.
Расказваем, чаму Магілёў спачатку здалі мясцовыя жыхары, а праз 5 гадоў мяшчане самі выгналі маскоўцаў, без дапамогі рэгулярных войскаў.
Каранік павіншаваў кітайцаў з Новым годам, зьняўшы відэа з ігуанай
Кіраўнік Горадзенскай вобласьці Ўладзімер Каранік запісаў віншавальны відэазварот да кітайцаў у сувязі х іхным сьвятам. Разам зь ім на запіс у студыю прынесьлі ігуану Асю з горадзенскага заапарку.
https://smarturl.click/71MO7
У 2023 годзе Міністэрства юстыцыі дамаглося ліквідацыі 107 аб’яднаньняў, 11 партый, 2 фондаў
У краіне засталіся чатыры праўладныя партыі — «Белая Русь», Лібэральна-дэмакратычная партыя, Камуністычная партыя Беларусі і Рэспубліканская партыя працы і справядлівасьці.
За пэрыяд пасьля прэзыдэнцкіх выбараў 2020 году і па студзень 2024-а ў Беларусі зьліквідавана ня менш за 1533 некамэрцыйных арганізацый.
https://smarturl.click/3kRjm
👆🏻 Запытайся ў Дубаўца. Што будзе, калі Беларусь страціць незалежнасьць?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Будзе балючае, панылае тармажэньне краіны і нацыі ў параўнаньні зь іншымі, якія вырваліся з імпэрыі і жывуць нармальна і шчасьліва. Але гэта наш стан праз усе мінулыя 200 гадоў. Гісторыя вучыць, што зноў будуць ахвяры і страты — да таго часу, калі ўсе зразумеюць, што альтэрнатывы незалежнасьці няма. Вырасьце новае пакаленьне, зноў даведаецца пра сябе і Беларусь праўду і зноў пачне пошук вакна магчымасьцяў. Сама прырода — што ў краявідах, што ў птушыных сьпевах, што ў генах — імкнецца да натуральнага, арганічнага, свабоднага разьвіцьця.
Прэзыдэнтка Вугоршчыны заявіла аб адстаўцы праз скандал з памілаваньнем асуджанага ў справе пэдафіліі
Каталін Новак заявіла ў суботу, што сыходзіць у адстаўку. Разам з прэзыдэнткай у адстаўку пайшла і міністарка юстыцыі, якая рэкамэндавала падпісаць дакумэнты аб памілаваньні.
Летась у красавіку прэзыдэнтка Вугоршчыны ў ліку 22 чалавек, памілаваных у сувязі з візытам у краіну папы Рымскага Францішка, памілавала таксама былога намесьніка дырэктара дзіцячага дома ў горадзе Бічка. Дырэктар дзіцячага дома асудзілі за пэдафілію, а яго намесьнік ведаў аб гвалце ў адносінах да дзяцей і дапамагаў свайму начальніку хаваць факты. Намесьніка асудзілі на 3 гады і 4 месяцы турмы, да канца ягонага тэрміну ў момант памілаваньня заставалася дзевяць месяцаў. https://smarturl.click/1dM6o
Сталі вядомыя дэталі нападу пацыента зь сякерай на брыгаду хуткай дапамогі
Паводле крыніцаў парталу «Люстэрка», выклік паступіў днём у суботу, 10 лютага. Спэцыяльнай брыгадзе для транспартаваньня пацыентаў з псыхічнымі парушэньнямі гарадзкой станцыі хуткай мэдычнай дапамогі трэба было забраць 33-гадовага мужчыну, які жыве з бацькам у адным з прыватных дамоў на вуліцы Пржэвальскага. Даставіць яго трэба было ў РНПЦ псыхічнага здароўя ў Навінках. Раней на гэты адрас спэцыяльныя брыгады ўжо езьдзілі, паведамляюць крыніцы.
Паводле суразмоўцаў парталу, у дом зайшлі двое — 42-гадовы старэйшы брыгады фэльчар Сяргей Савельеў і 30-гадовы фэльчар Глеб Чарнякоў. Што было далей, чытайце тут. https://smarturl.click/nyjRW
У Менску пацыент напаў з сякерай на брыгаду хуткай дапамогі, два фэльчары ў бальніцы
У Менску пацыент напаў з сякерай на брыгаду хуткай дапамогі, якая прыбыла да яго па выкліку, паведаміла 10 лютага прэс-служба Міністэрства аховы здароўя.
Адзначаецца, што два фэльчары шпіталізаваны ў сталічную бальніцу. https://smarturl.click/nyjRW
Лех Валэнса: Адчуваю віну, што не пасьпеў дамагчыся ўступленьня Беларусі і Ўкраіны ў NATO
Колішні прэзыдэнт Польшчы Лех Валэнса падчас выступу ў Вашынгтоне ў рамках праекту аналітычнага Цэнтру стратэгічных і міжнародных дасьледаваньняў «Росквіт і разьвіцьцё» заклікаў да падтрымкі Ўкраіны і барацьбы з сусьветнымі аўтакратыямі.
Лех Валэнса згадаў і Беларусь. Былы польскі прэзыдэнт прызнаўся, што «адчувае віну» за тое, што «не пасьпеў за сваю кадэнцыю дамагчыся рашэньня аб уступленьні Беларусі і Ўкраіны ў NATO», засяродзіўшыся на роднай Польшчы. https://smarturl.click/ql59v