17433
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Беларусь можа выйсьці з Дамовы аб звычайных узброеных сілах у Эўропе
Гэтая дамова ўступіла ў сілу ў лістападзе 1992 году, яна рэгулюе колькасьць узбраеньняў у краінах NATO і краінах Варшаўскай дамовы.
Чаму Беларусь вырашыла прыпыніць удзел у Дамове і ці небясьпечна гэта — тлумачым у пытаньнях і адказах:
https://smarturl.click/Yz10e
Увага, пошук!🔎
Шукаем бацькоў, якія сёлета мусяць скідвацца на арганізацыю выпускных для сваіх дзяцей. Хочам задаць некалькі пытаньняў пра выдаткі.
Ананімнасьць гарантуем!
📬 Сувязь з рэдакцыяй: Telegram: @SvabodaBelarus; Signal: +37068643669
У Гомлі затрымалі буйнога прадпрымальніка Навума Каца
Апошнім часам Кац быў генэральным дырэктарам створанага ім «Цэнтру бізнэс-разьвіцьця».
Раней ён валодаў абутковай фабрыкай і вінаваціў у яе закрыцьці Віктара Бабарыку.
https://smarturl.click/3k9vB
ЦВК абвясьціла вынікі выбараў у Савет Рэспублікі і дату яго першай сэсіі
4 красавіка выбралі 56 чальцоў Савета Рэспублікі: 31 зь іх маюць дзяржаўныя ўзнагароды, 8 — навуковыя ступені і званьні.
https://smarturl.click/Yz1n1
У Беларусі ў чатырох абласьцях пачаўся ключавы этап праверкі боегатоўнасьці
вучэньні з баявой стральбой будуць праходзіць з 9 да 11 красавіка на палігонах і ўчастках мясцовасьці ў чатырох абласьцях Беларусі — Віцебскай, Горадзенскай, Берасьцейскай і Магілёўскай вобласьцях.
https://smarturl.click/W38Bk
«Паедзем да нас, у Беларусію, у нас калгасаў няма». Як раскулачвалі ў Заходняй Беларусі
Расказваем гісторыю жыхара Заходняй Беларусі, у сям’і якога забралі амаль усю зямлю, коней, кароваў і гумно, бацьку пасьля вайны адправілі ў ссылку на поўнач Расеі за «польскасьць», і той ня верыў, што калгасы прыйдуць і ў ягоны рэгіён.
https://smarturl.click/3k9eV
Журналіста-фрылансэра зь Пінску асудзілі на 6 гадоў калёніі і вялікі штраф
У судзе Столінскага раёну 5 красавіка асудзілі 53-гадовага журналіста-фрылансэра і відэаблогера Аляксандра Ігнацюка. Палітзняволенага прызналі вінаватым у арганізацыі пратэстаў у Століне і Менску, паклёпе на Лукашэнку і вымагальніцтве, паведамляе праваабарончы цэнтар «Вясна».
На судзе Аляксандар часткова прызнаў віну ў першых абвінавачаньнях, але не прызнаў віну ў вымаганьні.
Судзьдзя Сяргей Насеня прызначыў яму шэсьць гадоў калёніі ва ўмовах узмоцненага рэжыму і штраф у памеры 200 базавых велічыняў (8 000 рублёў). Суд цягнуўся з 15 сакавіка і адбываўся ў закрытым рэжыме.
https://smarturl.click/O0jj3
«Свае прапановы наконт перагляду стратэгіі Захаду адносна Беларусі нерэалістычнымі не лічу». Шрайбман адказвае крытыкам
Прапановы аналітыка Арцёма Шрайбмана наконт перагляду стратэгіі Захаду адносна Беларусі выклікалі дыскусію. Яму, у прыватнасьці, пярэчылі палітоляг, кіраўнік інстытуту «Палітычная сфэра» Андрэй Казакевіч і дарадца Сьвятланы Ціханоўскай Франак Вячорка.
Свабода папрасіла Шрайбмана адказаць на крытычныя заўвагі апанэнтаў.
https://smarturl.click/nyLLp
Пагутарылі з Андрусам Кубілюсам:
https://youtu.be/gpArlVkRG6w
Каліноўскі, Геніюш, Быкаў... Што адбудзецца, калі ў нас адбяруць галоўныя імёны беларускай незалежнасьці
Новапрызначаны дырэктар Нацыянальнае бібліятэкі рэжымны прапагандыст Гігін вырашае, як беларусам ставіцца да Кастуся Каліноўскага, Ларысы Геніюш і Васіля Быкава.
Гучыць, мякка кажучы, кур’ёзна, бо ацэнку названым асобам даўно далі і ўлады, і навука, і людзі. Яны — у кантэксьце Канстытуцыі Беларусі як незалежнай дзяржавы, а таму спробы зацерці іх ідуць на шкоду беларускай дзяржаўнасьці і незалежнасьці.
Піша Сяргей Дубавец:
https://smarturl.click/nyLbp
Зь Беларусі эвакуавалі былую палітзьняволеную Вольгу Філатчанкаву
Пра гэта паведаміў Андрэй Стрыжак.
«Улічваючы ўзровень пагрозы новага перасьледу з боку сілавікоў, Вольга была пасьпяхова эвакуаваная зь Беларусі і знаходзіцца ў бясьпецы».
Вольга Філатчанкава – адна зь фігурантак «студэнцкай справы», выкладчыца БДУІР, удзельніца страйку і былая палітзьняволеная.
Яе затрымалі 12 лістапада 2020 году, у гэты ж дзень у яе дома сілавікі правялі ператрус. Пазьней судзьдзя Марына Фёдарава прысудзіла Вользе 2 гады і 6 месяцаў зьняволеньня.
Палітзьняволеная цалкам адбыла тэрмін і 30 лістапада 2022 году выйшла на волю.
У Беларусі пачалі завочную справу супраць дзяўчыны знойдзенага павешаным у Кіеве актывіста
Сьледчыя органы Беларусі пачалі спэцыяльнае вядзеньне крымінальнай справы супраць беларускі Бажэны Жолудзь, якая з 2020 году знаходзіцца ва Ўкраіне.
Як паведаміў адмысловы Telegram-канал, створаны для інфармаваньня пра асобаў, супраць якіх вядзецца завочнае расьсьледаваньне, расьсьледаваньне вядуць паводле чатырох артыкулаў Крымінальнага кодэксу Беларусі.
https://smarturl.click/0eYpv
У Беларусі зьнізілі выдаткі на адукацыю і павялічылі фінансаваньне Камітэту судовых экспэртыз
Савет Міністраў Беларусі абавязаў Міністэрства фінансаў павялічыць у 2024 годзе выдаткі на Дзяржаўны камітэт судовых экспэртыз.
Згодна з рашэньнем ураду, дадатковыя 674 273 рублі выдзеляць за кошт скарачэньня на тую ж суму фінансаваньня, прадугледжанага для Міністэрства адукацыі Беларусі на «вышэйшую і навукова арыентаваную адукацыю для падрыхтоўкі і атэстацыі навуковых супрацоўнікаў вышэйшай кваліфікацыі».
Нямецкія войскі пачынаюць прыбываюць у Літву, іх кантынгент складзе 5 тысяч вайскоўцаў
З 8 красавіка дня ў Літву пачынае прыбываць нямецкая брыгада Lietuva.
Як паведаміла агенцтву BNS Міністэрства абароны Літвы, першыя 20 вайскоўцаў прыбываюць 8 красавіка, каб «адказваць за плянаваньне перакідваньня брыгады ў Літву і ўзгадняць патрабаваньні да вайсковай інфраструктуры». Яшчэ 150 нямецкіх вайскоўцаў прыбудуць у Літву сёлета ў кастрычніку.
Як паведаміў LRT міністар абароны рэспублікі Лаўрынас Кашчунас, асноўная частка брыгады прыбудзе ў Літву з 2025 году, а поўнай апэратыўнай магутнасьці плянуецца дасягнуць у 2027 годзе.
Чакаецца, што ў Літву прыбудуць каля 5 тысяч нямецкіх вайскоўцаў. Іх месцамі службы будуць Рудніках і Рукле, дадаткова сем’і будуць жыць у Вільні і Коўна.
Лаўроў прыбыў у Кітай на перамовы па Ўкраіне і Азіяцка-Ціхаакіянскаму рэгіёну
Міністар замежных спраў Расеі Сяргей Лаўроў прыбыў у Кітай, паведаміў расейскі МЗС 8 красавіка, для, як адзначылі ў ведамстве, перамоваў аб вайне РФ ва Ўкраіне, двухбаковых сувязях і сытуацыі ў Азіяцка-Ціхаакіянскім рэгіёне.
Лаўроў паразмаўляе са сваім кітайскім калегам Ван І на шэраг «гарачых тэм», сярод якіх таксама будзе супрацоўніцтва краін у міжнародных арганізацыях, такіх як ААН і «Група дваццаці» (G20), заяўлялі раней у Маскве.
https://smarturl.click/xB4YM
Чаму Пярцова прызначылі галоўны ідэолягам?
Гвалту ў сёньняшняй Беларусі дастаткова, а вось народнай любові не відаць. Таму Лукашэнка і мяняе кіраўніка, адказнага за ідэалягічную працу, піша Валер Карбалевіч.
https://smarturl.click/kjmn6
80 тысяч чалавек падпісалі пэтыцыю за вызваленьне Алеся Бяляцкага
9 красавіка спаўняецца 1000 дзён з моманту затрыманьня ляўрэата Нобэлеўскай прэміі міру, кіраўніка Праваабарончага цэнтру «Вясна» Алеся Бяляцкага і яго калегаў-праваабаронцаў Валянціна Стэфановіча і Ўладзімера Лабковіча.
https://smarturl.click/w9lQW
«Вышыванка выбрала мяне». Як беларуская дызайнэрка шыла сьцягі насупраць РАУС, а пасьля эмігравала ў ЗША
Пра тое, як модная дызайнэрка сэксуальных сукенак захапілася вышыванкамі, а потым шыла бел-чырвона-белыя сьцягі насупраць Цэнтральнага РУУС, як трапіла ў мэксыканскую турму і нарадзіла сына ў ЗША, пагаварылі з Ганнай-Марыяй Эгліт.
https://smarturl.click/9zRAz
У Вільні трэці раз праходзіць Беларускі прадпрымальніцкі форум
У рамках форуму адбудзецца сустрэча сяброў Асацыяцыі беларускага бізнэсу за мяжой з кіраўніцтвам АВВА для вызначэньня прыярытэтаў дзейнасьці ў краінах Балтыі на бліжэйшы год.
АBBA прапануе ўладам Літвы дапамогу ў ацэнцы бізнэсаў наконт абыходу санкцыяў.
https://smarturl.click/yqYo3
Улады атрымалі магчымасьць ануляваньня дамэнаў «экстрэмісцкіх» рэсурсаў
Размова пра ідэнтыфікатары, зарэгістраваныя ў нацыянальнай дамэннай зоне. Ануляваць будуць пасьля рашэньня адміністратара нацыянальнай дамэннай зоны пасьля ўключэньня рэсурсу ў рэспубліканскі сьпіс экстрэмісцкіх матэрыялаў.
https://smarturl.click/G60Lm
35 гадоў таму адбыўся крывавы разгон дэманстрацыі ў Тбілісі
9 красавіка 1989 году жыхары Тбілісі выйшлі на мірную дэманстрацыю, але савецкія ўлады жорстка адрэагавалі на яе. Супраць дэманстрантаў, сярод іншага, ужылі газ. Падзеі забралі жыцьці 19 чалавек.
Больш падзей 9 красавіка можна знайсьці ў матэрыяле «Ўжо сёньня»: https://smarturl.click/nyLQX
Галоўнае за 8 красавіка
🔸 Лукашэнка прызначыў у сваю адміністрацыю Пярцова і загадаў заняцца «ідэалягічнай працай»
🔸 «Уступіў у BYPOL, хацеў стаць ваяром палка Каліноўскага». Жыхара Петрыкава асудзілі да 10 гадоў калёніі
🔸 Расея перадасьць Беларусі заказы на вытворчасьць запчастак для самалётаў. Пакуль толькі цывільных
🔸 У Менску восем іншаземцаў выскачылі з акна чацьвёртага паверха. Падрабязнасьці
🔸 Выходзяць беларускія пераклады двух вядомых твораў пісьменьніка Сашы Філіпенкі
🔸 Экс-прэм’ер Літвы пра «літвінізм», спэцслужбы і спробы пасварыць беларусаў і літоўцаў
🔸 «Я прайшоў 90-я, але ніколі не плаціў бандытам». Вялікае інтэрвію з кіраўніком нацыяналізаванай сеткі клінік «Новы зрок». ВІДЭА
🔸 400 «прадстаўнікоў грамадзкасьці» ва УНС. Як іх выбіралі і хто мае права выступаць ад «народу»
🔸 «Свае прапановы наконт перагляду стратэгіі Захаду адносна Беларусі нерэалістычнымі не лічу». Шрайбман адказвае крытыкам
🔸 «Людзям трэба ў нешта ўкладаць». Чаму ў Беларусі на фоне крызісу здарыўся бум на рынку нерухомасьці
🔸 Каліноўскі, Геніюш, Быкаў... Што адбудзецца, калі ў нас адбяруць галоўныя імёны беларускай незалежнасьці
У Смаленскай вобласьці абрынуўся аўтамабільны мост над чыгункай Масква — Менск. Ёсьць ахвяры і пацярпелыя
У горадзе Вязьма Смаленскай вобласьці ў панядзелак абрушыўся пуцеправод — аўтамабільны мост над чыгункай. З вышыні ўпалі легкавы аўтамабіль і грузавік, якія ехалі па мосьце.
Жанчына, якая знаходзілася ў легкавым аўтамабілі, загінула. Кіроўца грузавіка шпіталізаваны ў цяжкім стане.
Перагон Вязьма — Сямлёва мае важнае транспартнае значэньне. Ён зьяўляецца часткай чыгункі Масква — Менск, па ім паміж Расеяй і Беларусьсю могуць дастаўляцца ў тым ліку і вайсковыя грузы.
https://smarturl.click/XyGGm
«Людзям трэба ў нешта ўкладаць». Чаму ў Беларусі на фоне крызісу здарыўся бум на рынку нерухомасьці
Рыэлтары канстатуюць рэкордныя цэны на кватэры ў Менску і іншых беларускіх гарадах. Расьце і колькасьць угодаў. Распыталі экспэртаў аб прычынах павышанага попыту.
Сярэдняя цана квадратнага мэтра ў менскіх кватэрах упершыню за 9 гадоў дасягнула адзнакі 1450 даляраў сёлета ў лютым. Такую аналітыку прыводзіць партал realt.by.
У лютым у Менску набылі 1500 кватэр, што на 27% больш, чым месяцам раней. Павялічылася і прапанова: +40% у параўнаньні са студзенем.
https://smarturl.click/5O4AB
«Я прайшоў 90-я, але ніколі не плаціў бандытам». Вялікае інтэрвію з кіраўніком нацыяналізаванай сеткі клінік «Новы зрок»
Алег Каўрыгін расказаў Свабодзе пра нацыяналізацыю ягоных цэнтраў у Беларусі, стасункі бізнэсу і ўлады і цану «водкупу» ад крымінальных спраў, а таксама пра затрыманьне Інтэрполам.
Відэа:
https://youtu.be/ryl_eeovjzE?si=geGzaphwwsOKsxG8
Тэкст:
https://smarturl.click/W38LD
Яшчэ аднаго беларуса затрымалі за камэнтар пра тэракт у канцэртнай залі пад Масквой
Праўладныя тэлеграм-каналы апублікавалі відэа з супрацоўнікам будаўнічай фірмы. На ім ён кажа, што нібыта быў падпісаны на «дэструктыўныя» тэлеграм-каналы, адкуль рабіў рэпосты знаёмым, а таксама пакінуў «нэгатыўны камэнтар» пра тэракт у «Крокус Сіці Холе».
Гэта 13-ты беларус, пра якога вядома, што яго затрымалі за камэнтары пра тэракт у Расеі, піша Праваабарончы цэнтар «Вясна».
Сярод іншага, затрымалі нават дзяўчыну, якая спытала ў камэнтарах, чаму пасьля тэракту пад Масквой у Беларусі адмянілі імпрэзы, а калі Расея бамбіць украінцаў — не.
Раней стала вядома, што жыхар Капыля пакінуў камэнтар, у якім выказаў сваё меркаваньне, што за тэрактам у Расеі могуць стаяць расейскія ўлады. Пра яго жорсткае затрыманьне стала вядома з праўладных каналаў.
Латушка прадставіць рабочай групе Рады ЭЗ шляхі прыцягненьня Лукашэнкі да адказнасьці
Рабочая група Рады Эўрапейскага Зьвязу па Ўсходняй Эўропе і Цэнтральнай Азіі 8 красавіка разгледзіць беларускае пытаньне, паведаміла «Позірку» прэс-служба намесьніка кіраўніка Аб’яднанага пераходнага кабінэта і кіраўніка «Народнага антыкрызіснага ўпраўленьня» (НАУ) Паўла Латушкі, які возьме ўдзел у гэтай сустрэчы.
https://smarturl.click/mpXlm
Саша Філіпенка ў сваім Instagram паведаміў, што ягоны раман «Былы сын» выходзіць па-беларуску.
«Мы будавалі, будавалі і нарэшце пабудавалі — «Былы сын» выходзіць па-беларуску ў выдавецтве „Гутэнбэрг” !!!»
Саша Філіпенка — вядомы беларускі расейскамоўны пісьменьнік родам зь Менску, жыве ў эміграцыі, ляўрэат літаратурных прэмій, аўтар раманаў «Чырвоны крыж», «Цкаваньне», «Былы сын», «Задумы», «Вяртаньне ў Астрог», «Крэмулятар», апавяданьняў і п’ес. Ягоныя творы перакладзеныя больш як на 10 моваў.
Ён быў удзельнікам многіх жнівеньскіх пратэставых акцыяў у Менску ў 2020 годзе, асудзіў поўнамаштабнае ваеннае ўварваньне Расеі ва Ўкраіну ў 2022-м.
Пасьля паводкі ў Расеі затапіла 10 з 17 рэгіёнаў Казахстану. Абвясьцілі надзвычайную сытуацыю
Адной з прычын маштабнай паводкі стаў павялічаны скід вады з Ірыклінскага вадасховішча ў Арэнбурскай вобласьці Расеі, дзе ў выніку прарыву дзьвюх дамбаў затапіла шмат населеных пунктаў.
Прэзыдэнт Казахстана Касым-Жамарт Такаеў заявіў, што ў краіне склалася цяжкая сытуацыя зь вясновай паводкай, якую выклікала моцнае раставаньне сьнегу.
Як паведамляецца на афіцыйным сайце прэзыдэнта Казахстану, у дзесяці рэгіёнах праз паводку абвясьцілі рэжым надзвычайнай сытуацыі мясцовага маштабу. Урад стварыў рэспубліканскі штаб для ліквідацыі наступстваў.
https://smarturl.click/mpXbn
На выезд зь Беларусі ў Польшчу сабралася рэкордная чарга легкавікоў
Як паведамляе Дзяржаўны памежны камітэт Беларусі, на выезд з Беларусі ў Польшчу на адзіным адкрытым цяпер памежным пераходзе Берасьце — Тарэспаль знаходзіцца 500 легкавых аўтамабіляў і 34 аўтобусы.
Як піша «Люстэрка», гэта рэкорд з пачатку году.
У чаце падарожнікаў паведамляюць, што, каб пераадолець беларуска-літоўскую мяжу на легкавым аўтамабілі, патрабуецца 12 гадзін, спазьненьне аўтобусаў адносна раскладу нязначнае.
Разам з тым на выезд зь Беларусі ў Літву ў Каменным Логу цяпер стаіць 130 аўтамабіляў і ніводнага аўтобуса.