18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Беларусі хочуць вырабляць самалёты, ракеты і баявыя лазэры
Беларуская вайсковая прамысловасьць анансавала выпуск двухматорных шматмэтавых самалётаў, бесьпілётнікаў, а таксама сродкаў паражэньня БПЛА, якія нізка лятаюць, з выкарыстаньнем лазэра. Пра гэта заявіў старшня Дзяржаўнага камітэту вайсковай прамысловасьці Дзьмітры Пантус.
Ён паведаміў, што, з улікам санкцый, прадпрыемствы Дзяржкамваенпрама яшчэ ў 2021 годзе распрацавалі праграмы імпартазамяшчэньня абароннага сэктару.
На фота беларускі бесьпілётнік «Барражирующая труба».
Вызвалілі пасьля 15 дзён арышту былога журналіста Сяргея Гардзіевіча. За кратамі яму двойчы выклікалі «хуткую»
Яго затрымалі 24 студзеня, а пазьней асудзілі за рэпост артыкулу выданьня «Ганцавіцкі час» на 15 дзён арышту. Па зьвестках БАЖ, усе 15 дзён Гардзіевіч правёў у камэры-адзіночцы. За гэты час яму двойчы выклікалі хуткую дапамогу.
У 2021 годзе яго асудзілі за «абразу» Лукашэнкі, «паклёп», «абразу прадстаўніка ўлады» на 1 год 6 месяцаў калёніі. Праваабаронцы прызналі яго палітвязьнем. Увосень 2022 году Сяргей Гардзіевіч выйшаў на волю.
Падпісвайцеся на Свабоду ў radio_svaboda">TikTok!
Там вы знойдзеце шмат унікальных кароткіх відэа на розныя тэмы. Вось відэа апошняга тыдня:
👉🏻 Што малодшы сын Лукашэнкі робіць у інтэрнэце? — radio_svaboda/video/7332572002710064389">Журналісты даведаліся ягоны email і нумар тэлефону ды паглядзелі
👉🏻 Ці сапраўды ў Беларусі бясплатная адукацыя? — radio_svaboda/video/7332953671002574085">Разьбіраемся, хто за яе плаціць
👉🏻 «Архітэктар цяперашніх рэпрэсій у Беларусі». radio_svaboda/video/7333266734629080326">Расказваем пра намесьніка міністра ўнутраных спраў Мікалая Карпянкова
У Менску за ўдзел у акцыі пратэсту на 3 гады «хатняй хіміі» асудзілі мастачку Ганну Крук
Яе абвінавацілі ў арганізацыі і падрыхтоўцы дзеяньняў, якія парушылі грамадзкі парадак, альбо ўдзеле ў іх паводле ч. 1 арт. 342 КК, паведамляе «Вясна».
Сваёй віны Крук не прызнала і патлумачыла суду, што сапраўды разьмясьціла ў кавярні сваю карціну, але на ёй няма выявы бел-чырвона-белага сьцяга.
Ганну затрымалі ўвечары 29 лістапада 2023 году ў кавярні «Маркс» у Менску. Праз два дні яе арыштавалі на 13 дзён у адміністрацыйнай справе паводле арт. 24.23 КаАП («Несанкцыянаванае пікетаваньне»). Паводле пратаколу, Ганна «дэманстравала карціну з БЧБ-сьцягам, што стала даступна неабмежаванаму колу асоб».
Справу разглядала судзьдзя Іна Сівец.
Больш пра рэпрэсіі ў Беларусі:
https://smarturl.click/dp603
Харчовыя рэпрэсіі: як у Беларусі затрымліваюць тых, хто атрымліваў дапамогу самым неабходным
Чаму некаторым людзям у Беларусі не хапае грошай на ежу і наколькі былі важныя для іх гэтыя прадуктовыя данаты?
Што расказваюць пацярпелыя ад новай хвалі перасьледу, якая зачапіла сацыяльную ініцыятыву INeedHelpBY, якая дапамагала прадуктамі харчаваньня пацярпелым ад рэпрэсій.
https://smarturl.click/0eMLW
Мінуў год, як няма лістоў ад палітвязьня Міколы Статкевіча
Апошні ліст ад яго прыйшоў 9 лютага 2023 году. Як паведаміла ягоная жонка Марына Адамовіч, на 8 лютага 2024 году ад Міколы лістоў так і не прыйшло.
https://smarturl.click/4kM1X
🇵🇱 У Польшчы хочуць зрабіць больш эфэктыўнай сьцяну на мяжы зь Беларусьсю
Кіраўніцтва Міністэрства ўнутраных спраў супольна з Памежнай службы Польшчы працуе над павелічэньнем эфэктыўнасьці агароджы, пабудаванай на мяжы зь Беларусьсю ў 2022 годзе.
Паводле кіраўніка МУС і адміністрацыі Польшчы Марціна Кярвінскага, сьцяна на мяжы зь Беларусьсю пакуль што не зьяўляецца настолькі шчыльнай, каб выключыць перасячэньне мяжы мігрантамі. Марцін Кярвінскі лічыць, што агароджа «не выконвае сваёй функцыі», хоць і не зьяўляецца «дзіравым як рэшата».
https://smarturl.click/B6z9Q
Сама меней 120 чалавек асудзілі ў Беларусі ў студзені ў палітычна матываваных крымінальных справах
Сярод іх 93 мужчыны і 27 жанчын, паведамляе праваабарончы цэнтар «Вясна». У Менску вынесьлі 70 выракаў палітычнага характару, у Горадзенскай вобласьці — 16, Гомельскай — 14, Берасьцейскай — 8, Менскай — 6, Магілёўскай — 5, Віцебскай — 1.
Пры гэтым праваабаронцам пакуль вядомыя вынікі толькі 19 судоў, бо ўлады ўсяляк імкнуцца абмяжоўваць інфармацыю пра такія працэсы.
Якім будзе «інфармацыйны гігант» Лукашэнкі і Пуціна, які «ствараюць» з канца 2021 году
Гаворкі пра стварэньне мэдыяхолдынгу «саюзнай дзяржавы» ідуць ужо чацьвёрты год. Упершыню такую прапанову агучыў Лукашэнка ў лістападзе 2021 году. А што на практыцы? — Тлумачыць Дзьмітры Гурневіч:
🎥 ВІДЭА: https://www.youtube.com/watch?v=etKKDtLsx7g
Галоўнае за 8 лютага
👫 Эўрапейскі парлямэнт прыняў рэзалюцыю з асуджэньнем рэпрэсій у Беларусі, згадаўшы Ігара і Дар’ю Лосікаў
🇪🇺 У праект 13-га пакету санкцый Эўразьвязу трапіла беларускае прадпрыемства «Пеленг»
🇺🇦 Зяленскі адправіў у адстаўку Залужнага і прызначыў новага кіраўніка УСУ
🙍🏻♂️ «Мяне адзінага выцягнулі з-пад завалаў у Бахмуце». Аповед беларускага добраахвотніка «Нёмана»
👮🏻♂️ «Яго апісваюць як дэбіла, але гэта далёка ня так». Гісторыя жыцьця Мікалая Карпянкова
🇷🇺 Адхіленьне Надзеждзіна ад удзелу ў выбарах азначае, што Крэмль вывучыў беларускія ўрокі, — палітоляг Рудкоўскі
👱🏼♂️ 95 гадоў з дня нараджэньня Леаніда Лыча. Мінуўшчына Беларусі ў біяграфіі гісторыка
МАЗы ў агні. Чаму аўтобусы беларускай вытворчасьці рэгулярна гараць на вуліцах гарадоў
«Імпартазамяшчэньне і адсутнасьць кантролю». За першыя няпоўныя два месяцы 2024 году ў Расеі загарэліся чатыры беларускія аўтобусы МАЗ. У Беларусі за мінулы год агонь пашкодзіў 6 такіх аўтобусаў. Расказваем, у чым прычына:
https://smarturl.click/AdEkv
Шрайбман пра небясьпеку падчас выбараў і затоеную актыўнасьць беларусаў
Чаму ў Расеі не зарэгістравалі Надзеждзіна кандыдатам у прэзыдэнты? Чаму беларускія ўлады напярэдадні выбараў напампоўваюць градус небясьпекі? Ці мае рацыю Пазьняк, што новы лідэр народзіцца толькі ўнутры Беларусі?
На гэтыя пытаньні Юрыя Дракахруста ў праграме «Падзея і камэнтар» адказвае палітычны аналітык Арцём Шрайбман:
https://youtu.be/EAhRqabg3Xg
Зяленскі сустрэўся з Залужным і абмеркаваў «абнаўленьне» Ўзброеных сіл Украіны
Сустрэча прайшла на фоне размоваў аб хуткай адстаўцы Залужнага з пасады галоўнакамандуючага УСУ. Ці адправілі Залужнага ў адстаўку, не зразумела. Адпаведнага ўказа на сайце Зяленскага пакуль няма.
«Сустрэўся з генэралам Валерыем Залужным. Падзякаваў за два гады абароне Ўкраіны. Абмеркавалі, у якім абнаўленьні маюць патрэбу УСУ. Абмеркавалі таксама, хто можа знаходзіцца ў абноўленым кіраўніцтве УСУ. Час для такога абнаўленьня — менавіта цяпер. Прапанаваў Валерыю Фёдаравічу і далей быць у камандзе», — напісаў Зяленскі.
Пра сустрэчу напісаў і сам Залужны. Ён заявіў, што было «прынята рашэньне аб неабходнасьці зьмяненьня падыходаў і стратэгіі».
«Мяне адзінага выцягнулі з-пад завалаў у Бахмуце». Аповед беларускага добраахвотніка «Нёмана»
«Калі мяне заваліла плітой, то здавалася, што гэта пекла. Але зьявіліся ўкраінцы з дамкратамі і сталі нас выцягваць».
Адхіленьне Надзеждзіна ад удзелу ў выбарах азначае, што Крэмль вывучыў беларускія ўрокі, — Рудкоўскі
Палітоляг Пётра Рудкоўскі аналізуе, чаму ў Расеі не зарэгістравалі ў якасьці кандыдата на прэзыдэнта лібэральнага кандыдата Барыса Надзеждзіна:
«Крэмль вырашыў, што Надзеждзін можа папсаваць загадзя падрыхтаваны сцэнар. Калі праводзіць паралелі зь Беларусьсю, то Надзеждзін — хутчэй Бабарыка, чым Ціханоўская», — кажа ён:
https://smarturl.click/z2pwn
«Каханьне — мая рэлігія». Пачалася кампанія збору сродкаў на аплату псыхатэрапіі ЛГБТК+ людзям у Беларусі
Яна накіраваная на тое, каб зьмяніць стаўленьне да Дня закаханых у Беларусі, а таксама падтрымаць ЛГБТК+ людзей. Падчас яе актывісткі прадаюць адзеньне і шопэры. Грошы пойдуць на аплату псыхатэрапіі ЛГБТК+ людзям, актывістам і актывісткам у Беларусі.
Расказваем, як падтрымаць ініцыятыву:
https://smarturl.click/5ORVO
Зяленскі прысвоіў званьне Героя Ўкраіны звольненаму галоўнакамандуючаму Залужнаму і дзейнаму кіраўніку выведкі Буданаву
Як адзначаецца ў падпісаным Зяленскім указе, Валеры Залужны ўганараваны званьнем Героя «за значныя асабістыя заслугі ў абароне дзяржаўнага сувэрэнітэту і тэрытарыяльнай цэласнасьці Ўкраіны і самаадданае служэньне ўкраінскаму народу».
Званьне Героя Ўкраіны таксама атрымаў і кіраўнік Галоўнага ўпраўленьня выведкі Міністэрства абароны Ўкраіны Кірыла Буданаў — за асабістую мужнасьць і гераізм, праяўленыя ў абароне дзяржаўнага сувэрэнітэту і тэрытарыяльнай цэласнасьці Ўкраіны, і за самаадданае служэньне ўкраінскаму народу.
🚅 Польшча вывучае магчымасьць аднаўленьня пасажырскіх чыгуначных зносін зь Беларусьсю
Пасажырскія цягнікі з Польшчы ў Беларусь перасталі хадзіць чатыры гады таму. Гэта адбылося пасьля ўвядзеньня пастановы МУС Польшчы, якая дзейнічае з моманту ўспышкі пандэміі каранавірусу і па сёньня.
Пытаньне адмены абмежаваньняў, уведзеных 4 гады таму, будзе вырашаць міжведамасная група польскага ўраду. 7 лютага пасьля амаль трохгадовага перапынку адбылося першае пасяджэньне.
Як паведамляе ўрадавы сайт Gov.pl «падчас сустрэчы абмяркоўваліся найважнейшыя выклікі, якія стаяць перад Польшчай у пляне эфэктыўнага і бясьпечнага кіраваньня міграцыяй». Пра вынікі пакуль невядома.
У грузінскім горадзе Руставі ў выніку страляніны на рынку загінулі чатыры чалавекі
Міністэрства ўнутраных спраў Грузіі паведаміла, што ў выніку ранішняй стральбы ў горадзе Руставі на мясцовым рынку загінулі чатыры чалавекі.
Як паведаміла прэсавая служба ведамства, мужчыну, які страляў, затрымалі на месцы. Яму 35 гадоў.
У часе інцыдэнту загінуў дзядзька стралка, а ягоны стрыечны брат атрымаў раненьне.
Аб прычынах стральбы пакуль не паведамляюць.
Пуцін расказаў сваю вэрсію гісторыі ВКЛ і сказаў, што бацька Зяленскага ваяваў супраць фашызму, хоць той нарадзіўся пасьля вайны
Прэзыдэнт Расеі Ўладзімір Пуцін у інтэрвію амэрыканскаму журналісту Такеру Карлсану расказаў, што лічыць Вялікае Княства Літоўскае расейскай дзяржавай, бо «рускія складалі значную частку гэтай дзяржавы». Паводле яго, пасьля аб’яднаньня Вялікага княства і Польскага каралеўства, палякі пачалі апалячваць землі сучаснай Украіны.
Таксама Пуцін расказаў пра ўмовы, пры якіх ён будзе ваяваць з эўрапейскімі краінамі.
https://smarturl.click/z2pJZ
Прэзыдэнт Літвы пра закрыцьцё яшчэ двух пунктаў пропуску на мяжы зь Беларусьсю: жалезная заслона ўжо ёсьць
Адказваючы выданьню lrt.lt на пытаньне, ці ня створыць жалезную заслону закрыцьцё яшчэ двух пунктаў пропуску на мяжы зь Беларусьсю, Гітанас Наўседа заявіў, што жалезная заслона «ужо апусьцілася ўсім сваім цяжарам 24 лютага 2022 году».
Паводле яго, «існаваньне гэтай жалезнай заслоны стварае праблемы як для NATO, так і для Літвы, якая павінна зрабіць шмат працы і зрабіць яе хутка».
https://smarturl.click/gp2ea
Украіна перадала Расеі яшчэ аднаго палоннага беларуса, які ваяваў у расейскай ПВК «Рэдут»
Пры абмене палоннымі Ўкраіна перадала Расеі грамадзяніна Беларусі Максіма Зязюльчыка, які ваяваў у падразьдзеле «Вэтэраны» расейскай прыватнай вайсковай кампаніі «Рэдут» і знаходзіўся ва ўкраінскім палоне з 19 верасьня 2022 году.
Сярод перададзеных Расеяй украінскіх палонных беларускіх добраахвотнікаў няма.
31 студзеня Ўкраіна ў межах абмену вайсковымі палоннымі перадала Расеі грамадзяніна Беларусі Максіма Запеку.
https://smarturl.click/Dam7v
Сілавікі затрымалі жыхара Полацку за камэнтар у адрас памерлага начальніка аршанскай міліцыі
Як вынікае зь відэа, яго затрымлівалі сама меней трое амапаўцаў, побач стаялі яшчэ двое ДАІшнікаў. Пры затрыманьні яго паклалі тварам у сьнег. На «пакаяльным» відэа мужчына кажа, што ўдзельнічаў у акцыях пратэсту ў 2020 годзе, публікаваў у сацсетках «экстрэмісцкія матэрыялы», а таксама «абразіў гонар і годнасьць памерлага начальніка Аршанскага РУУС». У чым яго абвінавачваюць і што зь ім цяпер, невядома.
Начальнік Аршанскага РУУС Сяргей Барвянкоў «раптоўна памёр» 4 лютага на 49-м годзе жыцьця. Менавіта пад ягоным кіраўніцтвам у Воршы адбываліся палітычныя рэпрэсіі ў 2020 годзе і пазьней.
https://smarturl.click/ZyaAj
Украіна і Расея правялі новы абмен палоннымі ў фармаце «100 на 100»
«Яшчэ 100 украінцаў знаходзяцца дома, ва Ўкраіне. Нацыянальная гвардыя, памежнікі, Узброеныя сілы. Большасьць — абаронцы Марыюпаля», — паведаміў прэзыдэнт Украіны Зяленскі і апублікаваў фота вызваленых палонных.
У Мінабароны Расеі заявілі, што ў выніку перамоваў з украінскага палону вярнулі 100 расейскіх вайскоўцаў.
Пра папярэдні абмен паведамлялі 31 студзеня: тады абмен адбыўся па формуле 195 на 195.
Андрэй Ягораў аб працы Каардынацыйнай рады: «Сытуацыя складаная». Некаторыя дэлегаты склалі паўнамоцтвы
7 лютага прадстаўнікі Кардынацыйнай Рады вырашылі працягнуць паўнамоцтвы арганізацыі да моманту абраньня трэцяга складу КР. Аднак гэты крок падтрымалі ня ўсе, некаторыя дэлегаты склалі свае паўнамоцтвы. 8 лютага яе пакінула віцэ-сьпікерка Алена Жываглод, а каманда «Народнага антыкрызіснага ўпраўленьня» адклікала свайго дэлегата Арцёма Брухана. Паводле Жываглод, з КР за час яе дзейнасьці сышло больш за 13 дэлегатаў.
Сьпікер КР Андрэй Ягораў заявіў, што гатовы паставіць пытаньне аб перавыбарах сьпікера і віцэ-сьпікера, «калі нам трэба перагледзець лідэрства ў радзе»:
https://smarturl.click/Dam6e
Зяленскі аб'явіў, што новым галаўнакамандуючым Ўзброеных сіл Украіны прызначаны Аляксандар Сырскі
«У яго ёсьць пасьпяховы досьвед абароны — правёў Кіеўскую абаронную апэрацыю, а таксама пасьпяховы досьвед наступу — Харкаўскай вызваленчай апэрацыі», — адзначыў Зяленскі.
Да гэтага моманту генэрал-палкоўнік Аляксандар Сырскі кіраваў Сухапутнымі войскамі.
Міністар абароны Ўкраіны заявіў аб зьмене кіраўніцтва УСУ
Міністар абароны Ўкраіны Рустэм Умераў пацьвердзіў адстаўку Валерыя Залужнага з пасады галоўнакамандуючага УСУ.
«Сёньня было прынята рашэньне аб неабходнасьці зьмены кіраўніцтва Узброеных Сіл Украіны. Шчыра ўдзячны Валерыю Фёдаравічу за ўсе дасягненьні і перамогі», — напісаў міністар у Фэйсбуку.
Навіны палітвязьняў: Анджэя Пачобута змясьцілі ў штрафны ізалятар, яму 8 месяцаў не дазваляюць спатканьняў і перадач
«Сёньня роўна год, як агучылі прысуд на 8 гадоў зьняволеньня для Анджэя. З тае пары, як ён паехаў адбываць пакараньне ў наваполацкую калёнію, у яго не было ніводнага спатканьня, ніводнага званка, ніводнай перадачы, нават з рэчамі. Пазбаўляюць абсалютна ўсяго», — напісала ў Facebook ягоная жонка Аксана Пачобут.
МЗС Польшчы выступіла з заявай з нагоды гадавіны прысуду Пачобуту, у якой назвала сваім прыярытэтам:
https://smarturl.click/M1EYR
У праект 13-га пакету сакцый Эўразьвязу трапіла беларускае прадпрыемства «Пеленг»
Як стала вядома Свабодзе з крыніцаў у Брусэлі, у чарнавы варыянт новага санкцыйнага сьпісу супраць Расеі, які Эўразьвяз мае прыняць да 24 лютага, трапіла беларукая кампанія «Пеленг» па распрацоўцы і вытворчасьці оптыка-электроннай прадукцыі. «Пеленг» вырабляе камплектуючыя для вытворчасьці расейскай артылерыі і ваеннай тэхнікі (напрыклад, бронетранспартэраў БТР-82А), якую Расея выкарыстоўвае ў вайне супраць Украіны.
Таксама ў сьпіс трапіў ураджэнец Беларусі Васіль Шурпанаў, які зьяўляецца гендырэктарам расейскага ваенна-прамысловага прадпрыемства «Ніжагародзкі машынабудаўнічы завод»:
https://smarturl.click/vwbny
«Кібэрпартызаны» паведамілі, што выпампавалі сакрэтную інфармацыю зь сеткі вытворцы расейскіх дронаў
Арганізацыя паведаміла, што яе спэцыялісты атрымалі і перадалі ўкраінскаму боку зьвесткі аднаго з крытычна важных прадпрыемстваў ваенна-прамысловага комплексу Расеі — ТАА «Спэцыяльны тэхналягічны цэнтар» (СТЦ).
«Кібэрпартызаны» выпампавалі з базы вайсковага прадпрыемства:
🔸частку ўнутраных перапісак;
зьвесткі супрацоўнікаў.
🔸разьмяшчэньні трэнавальных пляцовак і вайсковых частак;
🔸некаторыя тэхнічныя зьвесткі і дакумэнтацыю.
ТАА «СТЦ» выпускае БПЛА «Арлан», сродкі радыёэлектроннай барацьбы, выведкі і іншай вайсковай прадукцыі Расеі.
