18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Прэзыдэнтка Вугоршчыны заявіла аб адстаўцы праз скандал з памілаваньнем асуджанага ў справе пэдафіліі
Каталін Новак заявіла ў суботу, што сыходзіць у адстаўку. Разам з прэзыдэнткай у адстаўку пайшла і міністарка юстыцыі, якая рэкамэндавала падпісаць дакумэнты аб памілаваньні.
Летась у красавіку прэзыдэнтка Вугоршчыны ў ліку 22 чалавек, памілаваных у сувязі з візытам у краіну папы Рымскага Францішка, памілавала таксама былога намесьніка дырэктара дзіцячага дома ў горадзе Бічка. Дырэктар дзіцячага дома асудзілі за пэдафілію, а яго намесьнік ведаў аб гвалце ў адносінах да дзяцей і дапамагаў свайму начальніку хаваць факты. Намесьніка асудзілі на 3 гады і 4 месяцы турмы, да канца ягонага тэрміну ў момант памілаваньня заставалася дзевяць месяцаў. https://smarturl.click/1dM6o
Сталі вядомыя дэталі нападу пацыента зь сякерай на брыгаду хуткай дапамогі
Паводле крыніцаў парталу «Люстэрка», выклік паступіў днём у суботу, 10 лютага. Спэцыяльнай брыгадзе для транспартаваньня пацыентаў з псыхічнымі парушэньнямі гарадзкой станцыі хуткай мэдычнай дапамогі трэба было забраць 33-гадовага мужчыну, які жыве з бацькам у адным з прыватных дамоў на вуліцы Пржэвальскага. Даставіць яго трэба было ў РНПЦ псыхічнага здароўя ў Навінках. Раней на гэты адрас спэцыяльныя брыгады ўжо езьдзілі, паведамляюць крыніцы.
Паводле суразмоўцаў парталу, у дом зайшлі двое — 42-гадовы старэйшы брыгады фэльчар Сяргей Савельеў і 30-гадовы фэльчар Глеб Чарнякоў. Што было далей, чытайце тут. https://smarturl.click/nyjRW
У Менску пацыент напаў з сякерай на брыгаду хуткай дапамогі, два фэльчары ў бальніцы
У Менску пацыент напаў з сякерай на брыгаду хуткай дапамогі, якая прыбыла да яго па выкліку, паведаміла 10 лютага прэс-служба Міністэрства аховы здароўя.
Адзначаецца, што два фэльчары шпіталізаваны ў сталічную бальніцу. https://smarturl.click/nyjRW
Лех Валэнса: Адчуваю віну, што не пасьпеў дамагчыся ўступленьня Беларусі і Ўкраіны ў NATO
Колішні прэзыдэнт Польшчы Лех Валэнса падчас выступу ў Вашынгтоне ў рамках праекту аналітычнага Цэнтру стратэгічных і міжнародных дасьледаваньняў «Росквіт і разьвіцьцё» заклікаў да падтрымкі Ўкраіны і барацьбы з сусьветнымі аўтакратыямі.
Лех Валэнса згадаў і Беларусь. Былы польскі прэзыдэнт прызнаўся, што «адчувае віну» за тое, што «не пасьпеў за сваю кадэнцыю дамагчыся рашэньня аб уступленьні Беларусі і Ўкраіны ў NATO», засяродзіўшыся на роднай Польшчы. https://smarturl.click/ql59v
Як Карпянкоў уручае вайскоўцам шаўроны «Група Вагнэра. Штурмавік»
Як паведаміла прэсавая служба Ўнутраных войскаў МУС Беларусі, па завяршэньні 6 сэзону курса тактыка-спэцыяльнай падрыхтоўкі ваеннаслужачых спэцпадразьдзяленьняў унутраных войскаў «кожны ўдзельнік атрымаў шаўрон «Група Вагнэра. Штурмавік»».
Паведамляецца, што «такія шаўроны могуць насіць толькі вайскоўцы, якія прайшлі курс інтэнсіўнай падрыхтоўкі з інструктарамі, якія валодаюць баявым вопытам». Згаданыя інструктары – былыя ваеўнікі ПВК "Вагнэр".
«Больш чым за паўгоду інтэнсіўнай баявой падрыхтоўкі пад кіраўніцтвам нашых братоў з Расеі ўнутраныя войскі сталі яшчэ мацнейшымі і значна павысілі свае баявыя магчымасьці», – заявіў намесьнік міністра ўнутраных справаў Мікалай Карпянкоў. https://smarturl.click/71MGl
Саліст «Бі-2» апублікаваў фота і відэа з тайскай турмы, у якой музыкі правялі некалькі дзён
«Канцэрты ў Тайляндзе па незалежных ад нас прычынах атрымаліся гучнымі і багатымі на ўражаньні. Пра тое, што адбывалася, сказана і напісана дастаткова. Проста жадаем нагадаць, што галоўнай каштоўнасьцю „Бі-2“ была і застаецца воля. Яна ўнутры нас заўсёды. Змагайцеся за яе — пры любым надвор’і! Да сустрэчы на канцэртах!» — напісаў Лёва (Ягор Бортнік) у Інстаграме і апублікаваў фота і відэа ўмоваў у тайскай турме.
Лекцыя, падобная да інтэрвію. Пра што не сказаў Пуцін
«Пуцін начытаўся кансьпіралягічных кніжак, наслухаўся падхалімаў і, падобна, страціў рэшткі разважлівасьці і дальнабачнасьці падчас пандэміі і ізаляцыі».
«Больш за 5 месяцаў не атрымліваем заробкі». Супрацоўнікі менскага «Рыбакансэрвавага камбінату «Сталічны» запісалі зварот да Лукашэнкі
У звароце яны кажуць, што зь верасьня 2023 году — ужо больш за 5 месяцаў — не атрымліваюць заробкі.
«Працы на сёньня ў нас няма, з 8-га студзеня — прастой. Мы не працуем, мы не зарабляем, у нас няма кавалка хлеба. Дапамажыце вырашыць сытуацыю», — просяць супрацоўнікі. Яны кажуць, што скардзіліся ў пракуратуру і ўжо пісалі ліст Лукашэнку і «ўжо пайшлі паўторныя лісты», але «рашэньня пытаньня няма»:
https://smarturl.click/ql5Y0
👆🏻 Запытайся ў Дубаўца. Як беларускае грамадзтва магло дапусьціць цяперашні масавы тэрор?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Тэрор стаў поўнай нечаканасьцю. Бо грамадзтва ў масе сваёй нічога ня ведала пра катаваньні і забойствы Мураўёва, пра чырвоны тэрор бальшавікоў, пра расстрэлы НКВД, пра пасьляваенныя аблавы і высылкі ў ГУЛАГ. Грамадзтва не зьвяртала ўвагі і на папярэднія «подзьвігі» Лукашэнкі: пагром парлямэнту, сотні арыштаваных у «Менскую вясну» (1996)... Для большасьці тэрор рэжыму стаў відавочным толькі ў 2020 годзе, калі закрануў усіх. Як той казаў, «хто не зразумеў свайго мінулага, вымушаны перажыць яго зноў».
Віцэ-сьпікер парлямэнту Славаччыны пасьля сустрэчы з амбасадарам Беларусі назваў санкцыі адносна Менску «абсурднымі»
«Мы зробім усё, каб нармалізаваць адносіны як з Расеяй, гэтак і зь Беларусьсю», — заявіў віцэ-сьпікер парлямэнту Славаччыны Любаш Блага пасьля сустрэчы з амбасадарам Беларусі ў Браціславе Андрэем Дапкюнасам (на фота).
Летась у Славаччыне прайшлі пазачарговыя парлямэнцкія выбары, на якіх перамагла левацэнтрысцкая партыя «Напрамак — сацыяльная дэмакратыя» на чале з Робэртам Фіца. Блага — чалец партыі Фіца. Ён вядомы скандальнымі выказваньнямі, прытрымліваецца антызаходніцкіх і антылібэральных поглядаў:
https://smarturl.click/kj6l2
Рэктар ЭГУ заявіў пра свой сыход. Ён не папрацаваў там і году
Кшыштаф Рыбіньскі патлумачыў сваё рашэньне, якое
прыйшло пасьля доўгіх разважаньняў, неабходнасьцю засяродзіцца на надзённых праблемах са здароўем, як асабістых, так і ў маёй сям’і.
З Карымавым ня ладзілі, зь Мірзіёевым — наадварот. Чым адметны візыт Лукашэнкі ва Ўзбэкістан
Аналітык Валер Карбалевіч згадвае, як у Лукашэнкі не складаліся адносіны з былым прэзыдэнтам Узбэкістану Карымавым, і разважае, чаму беларускі палітык ва Ўзбэкістане публічна не крытыкаваў Захад
https://smarturl.click/jkBGk
Галоўнае за 9 лютага
❌ Мінуў год, як няма лістоў ад палітвязьня Міколы Статкевіча
🛒 Харчовыя рэпрэсіі: як у Беларусі затрымліваюць тых, хто атрымліваў дапамогу самым неабходным
🗳 Каардынацыйная рада прыняла рашэньне пра мэханізм і дату выбараў у новы склад
🤔 Што адбываецца ў Каардынацыйнай радзе? Два погляды на сытуацыю знутры
🚓 Праваабаронцы: У аблавах на сваякоў палітвязьняў удзельнічалі 174 сьледчыя
🇺🇦 «Эпоха ў нашых адносінах, зьвязаная з Лукашэнкам, у мінулым». Вялікае інтэрвію з паслом Украіны па асаблівых даручэньнях па Беларусі
🇵🇱 Камісія ў Польшчы вывучае магчымасьць аднаўленьня пасажырскіх чыгуначных зносін зь Беларусьсю
📺 Якім будзе «інфармацыйны гігант» Лукашэнкі і Пуціна, які «ствараюць» з канца 2021 году. Расказваем у ВІДЭА
«Затрымлівалі людзей па сьпісах Е-дастаўкі, сеткі гіпэрмаркетаў "Гіпа" – пайшлі па сем’ях палітзьняволеных»
Праваабаронцы шэрагу арганізацый правялі прэс-канфэрэнцыю. На ёй расказалі пра масавы перасьлед родных палітвязьняў, які адбыўся напрыканцы студзеня:
Агулам вядома пра 229 чалавек, якія зазналі перасьлед за атрыманьне дапамогі, і 24 заведзеныя крымінальныя справы
https://smarturl.click/vwbAR
Што адбываецца ў Каардынацыйнай радзе? Два погляды на сытуацыю знутры
Учора павінны былі скончыцца паўнамоцтвы дэлегатаў Каардынацыйнай рады, але новыя выбары сяброў да гэтага часу арганізаваныя так і не былі. Кіраўніца кампаніі «Честные люди» Алена Жываглод і прадстаўнік «Народнага антыкрызіснага ўпраўленьня» Арцём Брухан пакінулі Каардынацыйную раду.
Паспрабавалі высьветліць, што там адбываецца
https://smarturl.click/JDGam
Асноўныя падзеі і найважнешыя публікацыі Свабоды 10 лютага
На рыбакансэрвавым камбінаце запісалі зварот да Лукашэнкі пра тое што там больш за 5 месяцаў не атрымліваюць заробкі. Вынік - дырэктарам рыбакансэрвавага камбіната запісалі «пакаяннае» відэа
У Менску пацыент напаў зь сякерай на брыгаду хуткай дапамогі, два фэльчары ў бальніцы
Карпянкоў уручыў беларускім вайскоўцам шаўроны «Група Вагнэра. Штурмавік»
У бальніцы Полацка не хапае траціны пэрсаналу
У Гомлі па трох крымінальных артыкулах судзяць экс-кіраўніка мясцовай дырэкцыі «Белінвестбанка»
Што адбываецца з Амэрыкай. Першы выпуск падкасту «Куды коціцца сьвет»
«Я быў першым польскім журналістам, які зьняў фільм пра Акрэсьціна». Размова з дакумэнталістам Блюзам
Кацярына Дабкене: «Суцяшаю сябе тым, што трасянка таксама мае права на існаваньне»
Чаму Лукашэнка ўцягвае войскі ў палітыку? Вынікі тыдня ад Карбалевіча
Урад надаў паўнамоцтвы Апэратыўна-аналітычнаму цэнтру самастойна адключаць сувязь
Апэратыўна-аналітычны цэнтар пры прэзыдэнту (ААЦ) мае паўнамоцтвы самастойна адключаць тэлекамунікацыі, вынікае з пастановы Савету міністраў № 88 ад 6 лютага.
Цяпер ААЦ лічыцца адным з прыярытэтных карыстальнікаў сетак і сродкаў электрасувязі ў выпадку надзвычайных сытуацый. Аналягічны статус ужо маюць міністэрствы – абароны, унутраных справаў, надзвычайных сытуацыяў, а таксама камітэты — памежны, мытны, дзяржаўнай бясьпекі. https://smarturl.click/mp8VB
Чаму Лукашэнка ўцягвае войскі ў палітыку?
Што азначае дазвол для вайскоўцаў ужываць зброю супраць цывільных грамадзян Беларусі і як нерэгістрацыя Надзеждзіна ў Расеі зьвязана з будучымі выбарамі ў Беларусі. Падзеі тыдня – ад палітычнага аглядальніка Свабоды Валера Карбалевіча.
Глядзіце відэа https://www.youtube.com/watch?v=YZeUXtEh6jQ
Дырэктара рыбакансэрвавага камбіната прымусілі публічна прасіць прабачэньня
У тэлеграм-канале Менгарвыканкаму апублікавалі відэа, у якім дырэктар рыбакансэрвавага камбіната «Сталічны» Андрэй Блахін прызнае праблемы на прадпрыемстве і віну ў іх кіраўніцтва, абяцаючы ў найбліжэйшы час сытуацыю выправіць.https://smarturl.click/W3DgW
Ці добра есьці нанач? Два адказы і парада
Шмат хто з нас мае звычку есьці незадоўга да сну, іншыя любяць пасьля вячэры пад’есьці яшчэ і перад сном. Але лекары і экспэрты-дыетолягі кажуць, што гэта можа мець важныя наступствы для здароўя. Расказваем, якія:
https://smarturl.click/LYvpM
Пісьменьніца Кацярына Дабкене: «Суцяшаю сябе тым, што трасянка таксама мае права на існаваньне»
«Вымярэньне Свабоды» — так называецца кніга, якую склалі творы пераможцаў літаратурнага конкурсу, прымеркаванага да 100-годзьдзя аб’яднаньня «Маладняк». Пагаварылі зь ляўрэаткай конкурсу ў намінацыі «Проза» Кацярынай Дабкене.
«Я вырасла ў расейскамоўным асяродзьдзі і ніколі ня чула беларускай мовы, акрамя як на ўроках ды па БТ часам. Адпаведна, я заўсёды пісала па-расейску, але падзеі 2020-га разьвярнулі маё стаўленьне да моўнага пытаньня на 180 градусаў. Я запытала сябе: „Што ўва мне беларускага, чаму я лічу сабе беларускай?“» — узгадвае Кацярына:
Прэм'ера! Што адбываецца з Амэрыкай: першы выпуск падкасту Свабоды «Куды коціцца сьвет»
Свабода запусьціла новы падкаст — «Куды коціцца сьвет». Гэта цыкль гутарак пра асноўныя цывілізацыйныя тэндэнцыі і выклікі.
Першы выпуск мы прысьвяцілі выбарчай кампаніі ў ЗША, якая, бясспрэчна, стане падзеяй году. Палітыка ЗША, самай магутнай краіны сьвету, бяз пафасу, уплывае на ўсю плянэту, і нават на Беларусь.
На гэтую тэму мы размаўляем зь беларускай з ЗША, Алесяй Сёмухай-Грынбэрг. Алеся — спэцыялістка камунікацыі і маркетынгу ў фінансавай сфэры. Жыве ў Вірджыні, каля Вашынгтону. Яна таксама сябра Рады БНР:
https://smarturl.click/W3DpA
«Я быў першым польскім журналістам, які зьняў фільм пра Акрэсьціна». Пагутарылі з дакумэнталістам Янам Блюзам
Як беларускія мэдыя траплялі ў несвабоду, а журналісты – за краты. Аўтар дакумэнтальнай стужкі «Ў калёнію за праўду» расказаў пра лёс рэпрэсаваных беларускіх журналістаў і прааналізаваў стан недзяржаўных мэдыя з 1994 году, калі да ўлады прыйшоў Аляксандар Лукашэнка.
«У Эўропе думаюць, што з развалам СССР усё зьнікла. Ня ведаюць, што ў вас фактычна засталася сталінская турэмная сыстэма. Трэба пра гэта расказваць», — тлумачыць сваю задачу Ян Блюз:
https://smarturl.click/ZyaYz
Расея ўначы атакавала Ўкраіну дронамі. У Харкаве — сама меней 7 загінулых, зь іх — трое дзяцей
У Харкаве расейскія дроны ўдарылі па мясцовай АЗС. Загарэліся 14 жылых дамоў, эвакуявалі 50 чалавек, у тым ліку двое дзяцей. 7 чалавек загінулі.
У Адэскай вобласьці праз атакі бесьпілётнікаў, папярэдне, пацярпелі 4 чалавекі. Паводле зьвестак Паветраных сіл УСУ, у ноч на 9 лютага Расея выпусьціла па Ўкраіне 31 бесьпілётнік, зь іх 23 зьбілі ў межах Адэскай і Харкаўскай абласьцей.
Мінабароны Расеі заявіла, што ў ноч на 10 лютага былі зьбітыя тры дроны над Бранскай вобласьцю і адзін «безэкіпажны катэр» у Чорным моры.
Надакучыла праглядаць процьму пастоў і каналаў штодня? — Зьбіраем для вас самае важнае за мінулы тыдзень!
Падпісвайцеся на тыднёвую email-рассылку Свабоды!
Сёньня расказваем невядомыя факты пра галоўнага сілавіка рэжыму пасьля 2020-га, што можа чакаць сям'ю Лукашэнкі пасьля ягонай адстаўкі, пра зьмены ў адносінах Кіева з дэмсіламі Беларусі, што адбываецца ў Каардынацыйнай радзе, чаму Лукашэнка дазволіў вайскоўцам страляць у людзей, што яднае Тэйлар Сьвіфт зь Беларусьсю і шмат пра што яшчэ:
Падпішыцеся і атрымайце новы выпуск сёньня! https://eepurl.com/ijMaIv
Беларус, экстрадыцыі якога Менск дамагаецца ад Армэніі, баіцца, што яго пашлюць ваяваць ва Ўкраіну — адвакат
Яраслава Новікава затрымалі ў Армэніі праз абвінавачаньне ва ўхіленьні ад службы ў войску ў Беларусі. Армэнія, як і Беларусь, мае агульную базу вышуку.
Адвакат Араік Папік’ян расказаў апошнія навіны пра беларуса і магчымасьць яго выдачы:
https://smarturl.click/1dMJw
«На пытаньне, як выжыць мастаку, які апынуўся ў замежжы, у мяне пакуль няма кароткага адказу. Калі працуеш, пра гэта ня думаеш». Размова з мастаком Міхасём Мішуком.
У Вільні адкрываецца выстава пэйзажаў беларускага мастака, якога ў Менску ведалі як аўтара «памаранчавых вадалазаў». Вядомы Міхась Мішук і працай над музычнымі кліпамі. Пагаварылі з творцам пра тое, ці магчыма заставацца мастаком у эміграцыі:
https://smarturl.click/O0z2e
Падчас масавага рэйду сілавікоў затрымалі 63-гадовую Ірыну Такарчук, маці былой палітзьняволенай блогеркі Вольгі Такарчук
Вольгу і яе маці забралі на допыт у КДБ, дзе пыталіся пра е-дастаўку. Яе адпусьцілі, а маці пакінулі за кратамі. Блогерка расказала пра здарэньне праваабаронцам:
У чым мне вінаваціцца? Што мне падпісчык дапамагаў каўбасой?». Яны: "Напішы чыстасардэчнае прызнаньне, што ты раскайваесься і больш ня будзеш браць каўбасу ў падпісчыка".
«Эпоха, зьвязаная з Лукашэнкам, у мінулым», – пасол Украіны па асаблівых даручэньнях па Беларусі
Ігара Кізіма прызначалі амбасадарам па асаблівых даручэньнях па Беларусі. Што зьменіцца ў адносінах Кіева з афіцыйным Менскам і з дэмакратычнымі сіламі Беларусі, калі адбудзецца сустрэча Зяленскага зь Ціханоўскай, і чаму, паводле Кізіма, «эпоха, зьвязаная з Лукашэнкам ва ўкраінска-беларускіх адносінах, у мінулым»? Паразмаўлялі з дыпляматам
Відэа: https://youtu.be/XxoZSGtrj1A
Тэкст: https://smarturl.click/mp8Jz
У Расеі апазыцыйны палітык патрабуе прыцягнуць Пуціна за «Рэабілітацыю нацызму»
На думку палітыка з Удмуртыі Сяргея Антонава, падчас інтэрвію амэрыканскаму тэлевядоўцу Такеру Карлсану Ўладзімір Пуцін пасьпеў нагаварыць на артыкул Крымінальнага Кодэксу (да 5 гадоў калёніі). У гутарцы з карэспандэнтам «Idel.Рэаліі», актывіст заявіў, што яго заяву зарэгістравалі.
У размове Пуцін фактычна чытае лекцыю па гісторыі Расеі, Украіны і кранае нават іншыя краіны. Калі тэма зайшла пра Другую сусьветную вайну, ён заявіў, што «палякі загуляліся і вымусілі Гітлера пачаць вайну». На думку Сяргея Антонава, у словах Пуціна ўгледжваецца «адмаўленьне фактаў, устаноўленых выракам Міжнароднага ваеннага трыбуналу для суду і пакараньня галоўных ваенных злачынцаў эўрапейскіх краін восі, адабрэньне злачынстваў, устаноўленых названым выракам».
Пуцін расказаў сваю вэрсію гісторыі ВКЛ і сказаў, што бацька Зяленскага ваяваў супраць фашызму. Што трэба ведаць пра інтэрвію.
Фота: Reuters