18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Забіты лідэр ХАМАС Ісмаіл Ханія
Корпус вартавых Іранскай рэвалюцыі паведаміў, што Ісмаіл Ханія, палітычны лідэр палестынскай экстрэмісцкай групоўкі ХАМАС, прызнанай ЗША і ЭЗ тэрарыстычнай арганізацыяй, быў забіты ў сваёй рэзыдэнцыі ў Тэгеране падчас рэйду Ізраілю.
ХАМАС пацьвердзіў гібель Ханіі.
https://smarturl.click/qlAm0
У Google расказалі, як беларускія ўлады патрабавалі ад кампаніі выдаліць відэа і зьмяніць вынікі пошуку
Агулам з 2011 году ў Google паступіў 31 запыт ад беларускіх дзяржорганаў на выдаленьне 85 элемэнтаў кантэнту.
Так, напрыклад, у другім паўгодзьдзі 2020 году Міністэрства інфармацыі Беларусі патрабавала ад Google выдаліць з YouTube тры відэа, якія беларускі суд прызнаў «экстрэмісцкімі». Паводле Google, два зь іх уяўлялі сабой дакумэнтальныя фільмы, якія крытыкуюць «высокапастаўленага палітычнага дзеяча і ўрад у цэлым», трэцяе тычылася антыўрадавых пратэстаў. У кампаніі удакладнілі, што ня выдалілі відэа, «бо яны не зьмяшчалі экстрэмісцкіх матэрыялаў»:
https://smarturl.click/l5E7q
Галоўнае за 30 ліпеня
✍🏻 Лукашэнка памілаваў асуджанага на сьмяротнае пакараньне грамадзяніна Нямеччыны Рыка Крыгера
👫У Беларусі амаль на траціну вырасла колькасьць непаўналетніх асуджаных. Ёсьць і «палітычныя»
🇱🇹 Літоўская паліцыя пачала расьсьледаваньне нападу на краму беларускіх сувэніраў у Вільні
👨🏻⚖️ Фігуранта справы аб «змове з мэтай захопу ўлады» Юрыя Зянковіча чакае трэці суд
👨🏻🎨 «Вольскага я ўломваў паўтара года». Гутарка з маладым мастаком, які намаляваў больш за сто партрэтаў вядомых беларусаў
🙎🏼♂️ Баскетбаліст, дыплямат і «генэратар ідэй». Што былыя калегі кажуць пра кіраўніка МЗС Максіма Рыжанкова
🗣«Лукашэнка, Пуцін і Мадура загналі самі сябе ў адзін акоп», — журналіст Дуброўскі
🎥 «ПіК Свабоды». Беларусь пад расейскім напружаньнем: дамова аб адзіным рынку электраэнэргіі і ракеты сярэдняй далёкасьці
Лукашэнка памілаваў асуджанага на сьмяротнае пакараньне грамадзяніна Нямеччыны Рыка Крыгера
Пра гэта паведаміла прэс-служба Лукашэнкі. Раней Крыгер напісаў на імя Лукашэнкі прашэньне аб памілаваньні.
Сьмяротны прысуд Крыгеру вынесьлі 24 чэрвеня, вядома пра гэта стала амаль празь месяц. Суд прызнаў яго вінаватым паводле 6 цяжкіх артыкулаў Крымінальнага кодэксу, у тым ліку ў акце тэрарызму.
У эфіры прапагандысцкага «Беларусь 1» Крыгер сказаў, што хацеў «спатрэбіцца» Ўкраіне, таму пачаў адпраўляць заяўкі ва ўкраінскія добраахвотніцкія фармаваньні, а потым на загад «куратара» вылецеў у Менск, даставіў заплечнік на станцыю Азярышча, дзе пазьней адбыўся выбух, у выніку чаго ніхто не пацярпеў.
Створаная беларусамі IT-кампанія Flo стала «аднарогам» — яе ацэньваюць у мільярд даляраў
Беларуская ІТ-кампанія Flo, стваральнік папулярнага дадатку для жаночага здароўя Flo Health, прыцягнула 200 млн даляраў інвэстыцыяў, што ўзьняло яе рынкавы кошт да 1 млрд даляраў. Так Flo стала другой кампаніяй-«аднарогам» зь беларускімі каранямі (першай была PandaDoc). На сёньня Flo абслужыла каля 380 мільёнаў карыстальнікаў па ўсім сьвеце:
https://smarturl.click/w93LA
Літоўская паліцыя пачала расьсьледаваньне нападу на краму беларускіх сувэніраў у Вільні
Пачалі папярэдняе расьсьледаваньне па факце пашкоджаньня маёмасьці ў выніку нападу на краму Kropka ў Вільні, якую 2 месяцы таму адкрылі былы палітвязень Зьміцер Фурманаў і яго жонка Вольга. Матэрыяльную шкоду ацанілі ў 1000 эўра. Калі ў час расьсьледаваньня зьявяцца новыя падрабязнасьці, яго могуць перакваліфікаваць у распальваньне нянавісьці ці інш.
Уначы 28 ліпеня на будынку крамы невядомыя па-літоўску напісалі «Вяртайцеся дадому, беларускія сьвіньні» і разьбілі вакно ў краме. Сам Зьміцер Фурманаў схіляецца да думкі, што напад на краму — «правакацыя лукашыстаў».
https://smarturl.click/kjv3y
Фігуранта справы аб «змове з мэтай захопу ўлады» Юрыя Зянковіча чакае трэці суд
Паводле інфармацыі ад праваабаронцаў, фігуранту справы аб «змове з мэтай захопу ўлады» цяпер выстаўленае абвінавачаньне па 411 артыкуле Крымінальнага кодэксу — «грубае непадпарадкаваньне законным патрабаваньням адміністрацыі папраўчай установы». Яму пагражае дадатковы год зьняволеньня.
https://smarturl.click/VD8gj
Рыка Крыгер напісаў прашэньне аб памілаваньні
Асуджаны ў Беларусі да сьмяротнага пакараньня грамадзянін Нямеччыны Рыка Крыгер зьвярнуўся з прашэньнем аб памілаваньні. У Лукашэнкі з гэтай нагоды сабралі нараду, напісаў тэлеграм-канал ягонай прэс-службы. Дэталяў пакуль не раскрываюць.
Сьмяротны прысуд Рыка Крыгеру вынесьлі 24 чэрвеня, вядома пра гэта стала амаль празь месяц. Суд прызнаў яго вінаватым паводле шасьці цяжкіх артыкулаў КК РБ, у тым ліку ў акце тэрарызму.
25 ліпеня дзяржаўны тэлеканал «Беларусь 1» паказаў прапагандысцкую перадачу пад назвай «Споведзь нямецкага тэрарыста», удзельнікам якой стаў Крыгер. Ён расказаў пра сваё жаданьне «спатрэбіцца» Ўкраіне, пра тое, як нібыта пачаў адпраўляць заяўкі ва ўкраінскія добраахвотніцкія фармаваньні, а затым на загад «куратара» вылецеў у Менск, дзе быццам даставіў заплечнік на станцыю Азярышча, дзе пазьней адбыўся выбух, у выніку якога ніхто не пацярпеў.
Беларускага мастака Аляксея Кузьміча затрымалі за раскопваньне магілы ван Гога
Акцыя адбылася на 139-ю гадавіну зь дня сьмерці вядомага мастака. Кузьміч назваў сваю акцыю Renaissance і абгрунтаваў яе «невыноснасьцю жыць у сьвеце, дзе закончыліся мастакі».
https://smarturl.click/5OYop
Дасьледаваньне: У Беларусі і ва Ўкраіне скаардынавана праводзяць інфармацыйныя кампаніі ў інтарэсах Расеі
У Кіеве прадставілі вынікі дасьледаваньня «Уварваньне ў сьвядомасьць: 2 гады зламысных інфармацыйных апэрацый ва Ўкраіне і Беларусі». Яго правялі грамадзкая арганізацыя «Інтерньюз-Україна» супольна з тэхналягічнай кампаніяй LetsData.
https://smarturl.click/G6MRD
У Вэнэсуэле пачаліся вулічныя пратэсты супраць вынікаў прэзыдэнцкіх выбараў, ёсьць першая ахвяра
Прынамсі адзін чалавек загінуў у Вэнэсуэле, калі сілы бясьпекі спрабавалі разагнаць пратэсты, выкліканыя спрэчнымі вынікамі выбараў. Людзі зносяць статуі Уга Чавэса.
Хваляваньні пачаліся нават у раёнах, якія лічыліся традыцыйным прыстанішчам прыхільнікаў улады.
https://smarturl.click/0e4WW
10 гадоў таму памёр кінарэжысэр Уладзімер Дашук
30 ліпеня 2014 году памёр вядомы беларускі кінарэжысэр, аўтар і суаўтар сцэнароў уласных фільмаў.
Фільмаграфія Ўладзімера Дашука:
«Партрэт зь сякерай», «Грэх» (абодва — 1987);
«Калі-небудзь», «Пэйзаж пасьля бітвы» (абодва — 1989);
«Калыска гойдаецца над безданьню» (1990);
«Форс-мажор», «Ратуйце нашы душы» (1992);
«Мы ўсё ж такі ёсьць» (1995);
«Жарсьць» (2009) — прыз за лепшую рэжысэрскую працу ў Беларусі.
Больш падзей 30 ліпеня ў гісторыі — у матэрыяле «Ўжо сёньня»: https://smarturl.click/Ee8wz
Галоўнае за 29 ліпеня
🔸 Менск, Берасьце, Горадня. Навошта вяртаць старыя назвы, калі і новыя сталі звыклымі
🔸 У Беларусі праз навальніцу больш як у 400 населеных пунктах няма электрычнасьці. Моцныя залевы працягваюцца
🔸 Праваабаронцы: Палітвязьняў прымушаюць пісаць прашэньні аб памілаваньні, караюць за адмову
🔸 Чацьвёра маладзёнаў з Латвіі затрыманыя ў Беларусі
🔸 Было нуль мэтавікаў на ІТ, стала 67. Як дзяржава змагаецца з кадравым голадам пры дапамозе мэтавага набору ў ВНУ
🔸 Лукашэнка расказаў пра свае перамовы з Пуціным і праблемы з выкананьнем дамовы аб гарантыях бясьпекі
🔸 Пуцін даў згоду на аб’яднаньне рынкаў электраэнэргіі Беларусі і Расеі
🔸 Як вярнуць канфіскаваную маёмасьць? Ці палічыць суд трэцяга ўладальніка кватэры Ціханоўскіх «нядобрасумленным пакупніком»? Адказы юрыстаў
🔸 Змарнаваны час. Усё, што застанецца ад дыктатуры
У Варшаве па падазрэньні ў шпіянажы затрымалі былога супрацоўніка «Адкрытай Расеі» Ігара Рогава
Пра гэта паведаміла Sota са спасылкай на тры крыніцы ў асяродзьдзі актывіста, інфармацыю пацьвярджаюць таксама крыніцы «Настоящего времени». ьПольскія сілавікі правялі ператрусы ў Рогава.
У жніўні 2020 году Рогаў і яшчэ адзін супрацоўнік «Адкрытай Расеі» Арцём Важанкоў прыехалі назіраць за пратэстамі ў Менск. 11 жніўня іх затрымалі сілавікі. Рогаў тады расказваў, што сілавікі зьбілі яго, не давалі схадзіць у прыбіральню і папіць вады. Яго вызвалілі ў той самы дзень, а празь некалькі дзён на волю выйшаў Важанкоў. Яны змаглі пакінуць Беларусь.
https://smarturl.click/71YaR
Актывіста з Наваполацку завочна асудзілі на вялікі тэрмін і штраф
Віцебскі абласны суд прысудзіў 7 гадоў зьняволеньня актывісту з Наваполацку Андрэю Зуеву. Таксама ён пакараны штрафам у 8000 рублёў. Судзілі Андрэя Зуева завочна. Мужчыну прызналі вінаватым паводле чатырох артыкулаў Крымінальнага кодэксу, у тым ліку ў «стварэньні экстрэмісцкай арганізацыі» і «распальваньні сацыяльнай варажнечы». Пра вырак ён дазнаўся ад знаёмых і абскарджваць яго не зьбіраецца.
«Ніяк ня стаўлюся да гэтага прысуду, не лічу яго законным, бо сапраўдных судзьдзяў у Беларусі няма, а гэтыя, якіх прызначылі, прысмакталіся да народу і п’юць зь яго апошнюю кроў», — пракамэнтаваў прысуд Андрэй Зуеў.
https://smarturl.click/Ee8MW
75 гадоў таму у ЗША стварылі «Беларуска-Амэрыканскае Задзіночаньне»
31 ліпеня 1949 году на першым кангрэсе беларусаў ЗША ў Нью-Ёрку была створаная арганізацыя «Беларуска-Амэрыканскае Задзіночаньне» (БАЗА) — найстарэйшая беларуская арганізацыя ў ЗША. У 1950 годзе арганізацыя атрымала афіцыйнае прызнаньне з боку амэрыканскіх уладаў.
Сёньня БАЗА складаецца з шэрагу мясцовых структураў — аддзелаў і мясцовых гурткоў ад Нью-Ёрку да Каліфорніі.
Пра іншыя падзеі 31 ліпеня ў гісторыі чытайце ў матэрыяле «Ўжо сёньня»: https://smarturl.click/ppma7
Дыягназ «хвароба на ўладу» у Лукашэнкі праявіўся вельмі хутка
У новым відэа праекту «Сьведкі Лукашэнкі» — палітык Анатоль Лябедзька. Ён аналізуе, пасьля якога моманту беларуская дэмакратыя ў 1990-я пачала прайграваць, распавядае, чаму ў 1994 годзе апынуўся ў камандзе кандыдата ў прэзыдэнты Аляксандра Лукашэнкі, і ўзгадвае, як не стаў адзіным кандыдатам ад апазыцыі.
🎥 ВІДЭА: https://www.youtube.com/watch?v=NxIS56oKvtU
«Лукашэнка, Пуцін і Мадура загналі самі сябе ў адзін акоп», — журналіст Дуброўскі
Журналіст Радыё Свабода, аўтар праграмы «Атлас мира» Аляксандар Дуброўскі аналізуе, чым могуць скончыцца пратэсты ў Вэнэсуэле, зьвяртае ўвагу на разьяднанасьць вэнэсуэльскай апазыцыі і паказвае, што аб’ядноўвае Лукашэнку, Пуціна і Мадура.
«Усе ў Вэнэсуэле разумеюць, што гэта ня выбары, а фарс і фальсыфікацыя. Паводле пэўных падлікаў, за Мадура прагаласавала працэнтаў 20–25 выбарнікаў», — кажа ён:
https://smarturl.click/O0dDe
Што так доўга рабілі Лукашэнка і Пуцін на Валааме
Што азначае для беларускай эканомікі дамова аб адзіным электрычным рынку з Расеяй? Якія высновы можна зрабіць з працягласьці сустрэчы Лукашэнкі і Пуціна на Валааме? Ці можа Крэмль у адказ на разьмяшчэньне амэрыканскіх ракетаў сярэдняй далёкасьці ў Нямеччыне разьмясьціць аналягічныя ў Беларусі?
На гэтыя і іншыя пытаньні ў праграме «ПіК Свабоды» адказвае экспэрт Фінскага інстытуту міжнародных спраў Рыгор Ніжнікаў:
🎥 ВІДЭА гутаркі цалкам: https://youtu.be/IGsExRjCt18
У Беларусі амаль на траціну вырасла колькасьць непаўналетніх асуджаных. Ёсьць і «палітычныя»
У студзені-чэрвені 2024 году ў Беларусі асудзілі 353 непаўналетніх, што на 27,9% больш, чым у 1-ым паўгодзьдзі 2023 году (276 чалавек), паведамляе прэс-служба Вярхоўнага суда. Сярод іх ёсьць і асуджаныя паводле «палітычных» артыкулаў. За што сёлета судзілі непаўналетніх і як іх каралі:
https://smarturl.click/DaLgb
Вугоршчына спрасьціла легалізацыю беларусаў і расейцаў у краіне. Эўракамісія запатрабавала тлумачэньняў
Пакуль іншыя краіны Эўразьвязу ўводзяць новыя абмежаваньні, вугорскі прэм’ер Віктар Орбан уключыў грамадзян Беларусі і Расеі ў пашыраны сьпіс на «нацыянальную карту», якая дазваляе ўладкавацца на працу ў Вугоршчыне і перавезьці туды сям’ю, а праз тры гады атрымаць сталы дазвол на жыхарства. Таксама яна дазволіць прасьцей падарожнічаць па Эўропе.
Эўракамісія запатрабавала ад Вугоршчыны тлумачэньняў наконт распаўсюджваньня праграмы «нацыянальная карта» на грамадзян Беларусі і Расеі, «маштабу гэтай схемы» і ці трапляе яна пад дзеяньне правілаў ЭЗ.
https://smarturl.click/1dYRO
Цэнтрабанк РФ: Выплаты расейцам па беларускіх эўраабондах будуць праходзіць у абыход замежных інстытутаў
У сваіх заяўках на выплату па эўрааблігацыях інвэстары павінны гарантаваць адмову ад далейшых прэтэнзій да эмітэнта.
https://smarturl.click/0e46L
«Паразуменьня не адбылося». Дэпутат Марзалюк сустракаўся ў калёніі са зьняволенымі
Дэпутат Палаты прадстаўнікоў Ігар Марзалюк сустракаўся са зьняволенымі калёніі № 15, якая знаходзіцца пад Магілёвам. Пра сустрэчу са словаў вязьня, які дагэтуль адбывае пакараньне ў калёніі, расказаў сваяк, які прасіў не называць ягонага імя.
Паводле крыніцы, сустрэча адбылася яшчэ ўзімку, але на волі зьвесткі пра яе сталі вядомыя толькі цяпер.
Слухалі, як заўсёды любога лектара ці міліцыянта, у паўвуха. А той паступова пачаў крычаць на нас, вучыць нас жыцьцю. Казаў: „Вось вы на мяне „наяжджалі“, крытыкавалі мяне, і што цяпер? Дзе вы? У турме седзіце. А дзе я?»
Баскетбаліст, дыплямат і «генэратар ідэй». Што былыя калегі кажуць пра кіраўніка МЗС Максіма Рыжанкова
«Мне падаецца, Рыжанкоў — чалавек даволі сьлізкі, вельмі любіць уладу і дзеля яе пойдзе на ўсё. Для мяне было даволі дзіўна, што ён так і ня стаў кіраўніком Адміністрацыі, а цягам 8 гадоў быў першым намесьнікам». Што былыя калегі кажуць пра кіраўніка МЗС Максіма Рыжанкова.
https://smarturl.click/xBn84
🏸 Увага, пошук!
Шукаем беларусаў, якія сочаць за выступамі беларускіх спартоўцаў на Алімпіядзе ў Парыжы і заўзеюць за іх нягледзячы ні на што. Ананімнасьць гарантуем.
📬 Сувязь з рэдакцыяй: Telegram: @SvabodaBelarus; Signal: +37068643669
«Вольскага я ўломваў паўтара года». Гутарка з маладым мастаком, які намаляваў больш за сто партрэтаў вядомых беларусаў
Мастак Яраслаў Кірвель з Горадні зацікавіўся палітычным жыцьцём, калі яму было 15 гадоў. Кірвеля затрымлівалі разам зь Сяргеем Ціханоўскім. Цяпер ён запісвае падкасты зь Лявонам Вольскім і Аляксандрам Памідоравым, яго пазнае Сьвятлана Ціханоўская. У калекцыі хлопца больш за сто партрэтаў беларускіх сучасных дзеячаў.
https://smarturl.click/xBnmO
МУС Польшчы: праязны дакумэнт іншаземца зьяўляецца эквівалентам польскага пашпарту. Чаму гэта важна?
Цэнтар беларускай салідарнасьці ў Варшаве атрымаў адказ зь Міністэрства ўнутраных спраў Польшчы на вой запыт аб праязным дакумэнце іншаземца.
Згодна з інтэрпрэтацыяй МУС, атрыманай кіраўніцай аддзела прававой дапамогі Цэнтру беларускай салідарнасьці Вольгай Дабравольскай, польскі праязны дакумэнт зьяўляецца эквівалентам пашпарту, выдадзенага польскім грамадзянам.
Праязны дакумэнт іншаземца, такім чынам, можа служыць ня толькі для перасячэньня мяжы, але і для пацьвярджэньня асобы яго ўладальніка.
https://smarturl.click/aJZ75
Чацьвёра маладзёнаў з Латвіі затрыманыя ў Беларусі
У Беларусі затрыманыя чацьвёра маладых людзей з Латвіі, паведамілі агенцтву LETA ў Міністэрстве замежных спраў Латвіі. Пра гэта піша партал Delfi.
У МЗС паведамілі, што патэлефанавалі сваякі маладых людзей і паведамілі аб затрыманьні. Інфармацыя ад афіцыйных уладаў зараз удакладняецца. Згодна зь відэа, разьмешчаным у сацыяльных сетках, маладыя людзі прыехалі ў Беларусь на фэстываль. У машыне нібыта была знойдзеная марыхуана, і ўсе чацьвёра былі затрыманыя.
https://smarturl.click/vwD0y
Навошта вяртаць старыя назвы, калі і новыя сталі звыклымі
85 год таму сталіца Беларусі Менск афіцыйна стала Мінскам. Такое рашэньне прыняў Вярхоўны Савет БССР. Навошта гэта было зроблема і чаму дагэтуль ня ўсе беларусы згодныя з гэтым перайменаваньнем? Госьць “ПіКу Свабоды” – мовазнаўца Вінцук Вячорка.
https://youtu.be/tICs9NFOZiI
У Літве ствараюць новую лінію абароны. Што гэта такое?
Афіцыйная Вільня называе новыя захады рэакцыяй на дзеяньні рэжыму Лукашэнкі, які правакуе напружанасьць на беларуска-літоўскай мяжы.
Міністар нацыянальнай абароны Літвы Лаўрынас Кашчунас заявіў пра стварэньне на межах зь Беларусьсю і Калінінградзкай вобласьцю РФ 27 «паркаў сродкаў контрамабільнасьці», у якіх будуць знаходзіцца «зубы цмока», зборныя «вожыкі», «гішпанскія коні», дарожныя загароды. 22 жніўня адбудзецца прэзэнтацыя такога парку ў Падбродзьдзі (Pabradė), куды запросяць і журналістаў, піша LRT.
https://smarturl.click/71Yoy