18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Сукала заявіў, што Лукашэнка можа памілаваць палітвязьняў
«Мы выдалі судам мэтадычныя рэкамэндацыі, як правільна прымяняць некаторыя нормы амністыі. На працягу шасьці месяцаў яна будзе актыўна прымяняцца», – растлумачыў старшыня Вярхоўнага суду.
https://smarturl.click/Ad5B0
Байдэн заявіў, што падтрымлівае кандыдатуру сваёй намесьніцы Камалы Гарыс
У выпадку перамогі яна магла б стаць першай жанчынай-прэзыдэнтаў у гісторыі ЗША і першай прэзыдэнткай азіяцка-амэрыканскага паходжаньня. Аднак імя кандыдата Дэмакратычнай партыі мае назваць нацыянальны зьезд партыі.
Частка вядучых дэмакратаў падтрымлівае яе кандыдатуру. Частка прапануе правесьці хуткія праймэрыз выбраць кандыдата на зьездзе партыі.
Пазьняк заклікаў ЭЗ спыніць палітыку прыраўніваньня Беларусі і беларусаў да Расеі
Палітык канстатуе, што за апошні год Беларусь, беларускае грамадзтва, а таксама беларуская эміграцыя, сутыкнуліся з шэрагам дзеяньняў з боку эўрапейскіх краінаў, якія абмяжоўваюць правы і магчымасьці беларусаў, а таксама прыраўніваюць беларускі народ і Беларусь да Расеі.
https://smarturl.click/aJGAg
Да ўборачнай далучыліся супрацоўнікі МУС. Два дні таму Лукашэнка абяцаў прымусіць працаваць нават мёртвых
У пэрыяд уборачнай кампаніі супрацоўнікі органаў унутраных спраў і ваеннаслужачыя ўнутраных войскаў у свае выхадныя і адпускныя дні працуюць на палях. Кажуць, што самі хацелі.
https://smarturl.click/LYMQl
З 1 жніўня ў Менску падаражэюць аўтастаянкі
Сума за паркоўку павышаецца на 3 рублі.
https://smarturl.click/ny4o6
Штучныя заменьнікі цукру — ці лепшыя яны за цукар
Штучныя падсалоджвальнікі ўпершыню зьявіліся на рынку 1950-х гадах. Сёньня яны сталі часткай нашага харчаваньня, бо знаходзяцца ў мностве прадуктаў, у тым ліку ў дыетычных газаваных напоях, хлебе і ёгуртах зь нізкім утрыманьнем цукру. Шмат хто спажывае заменьнікі цукру, п’ючы ранішнюю каву ці чай.
https://smarturl.click/baGv8
Урад Расеі ўхваліў праект пагадненьня аб стварэньні аб’яднанага энэргетычнага рынку зь Беларусьсю
У Маскве ўхвалілі прадстаўлены Міністэрствам энэргетыкі праект дамовы пра стварэньне «аб’яднанага энэргетычнага рынку Саюзнай дзяржавы».
https://smarturl.click/JD5yw
Як Алеся Пушкіна судзілі за тачку гною для Лукашэнкі. Знакамітаму пэрформансу спаўняецца 25 гадоў
«Цяпер цяжка ўявіць, што 25 гадоў таму ў беларускім судзе быў такі разгул дэмакратыі! Пракурора не было. На паседжаньне пусьцілі ўсіх ахвотных. Прысутныя проста душыліся ад сьмеху». Як 25 гадоў таму Алесь Пушкін прывёз Лукашэнку тачку гною і што было далей.
https://smarturl.click/Ad5OO
У заяве з нагоды Тыдня паняволеных народаў Джо Байдэн згадаў і Беларусь
Прэзыдэнт ЗША Джо Байдэн аб’явіў тыдзень з 21 па 27 ліпеня 2024 году Тыднем паняволеных народаў.
У сваёй дэклярацыі прэзыдэнт ЗША згадаў барацьбу за свабоду ў Расеі і Беларусі і высока ацаніў мужнасьць народу Украіны ў барацьбе з расейскай агрэсіяй.
«Свабода ніколі не дастаецца дарма», — заявіў Байдэн, падкрэсьліўшы мужнасьць і стойкасьць людзей, якія жывуць у аўтарытарных рэжымах.
https://smarturl.click/baGzl
Беларусы Польшчы стварылі пэтыцыю да прэзыдэнта Дуды з просьбай скасаваць для іх апастыль
На сайце Openpetition зьявілася пэтыцыя да прэзыдэнта Польшчы Анджэя Дуды, у якой беларусы просяць скасаваць працэдуру абавязковага апастыляваньня дакумэнтаў аб адукацыі пры пацьверджаньні беларускіх дыплёмаў і атэстатаў у Польшчы.
Многія беларусы, якія ўцяклі з радзімы ад палітычнага перасьледу, проста ня могуць зрабіць апастыль на сваіх атэстатах ці дыплёмах з прычыны высокай рызыкі перасьледу пры вяртаньні ў Беларусь.
У сувязі з гэтым аўтары пэтыцыі просяць распаўсюдзіць і на беларусаў дзеяньне папраўкі ад 15 траўня 2024 году закону аб дапамозе грамадзянам Украіны, якая спрашчае працэдуру пацьверджаньня дакумэнтаў аб адукацыі, а канкрэтна скасаваць абавязковае апастыляваньне дакумэнтаў.
https://smarturl.click/ppG7j
СМІ: Польшча вызначыла асобу мігранта, які забіў вайскоўца на польска-беларускай мяжы. Ён яшчэ ў Беларусі
Польскія службы ідэнтыфікавалі і вышукваюць чалавека, які ў канцы траўня забіў 21-гадовага польскага вайскоўца, што ахоўваў мяжу зь Беларусьсю, паведамляе выданьне RMF FM са спасылкай на свае крыніцы.
Устаноўлена, што нападнік — выхадзец з Блізкага Усходу; згодна з высновамі польскіх спэцслужбаў, ён усё яшчэ знаходзіцца ў Беларусі, але можа ўцячы ў Сырыю ці іншую блізкаўсходнюю краіну.
Сьледчыя вызначылі яго асобу, прааналізаваўшы відэа з моманту нападу на мяжы. Гэта дазволіла ім вызначыць, як выглядае нападнік. Пасьля гэтага на працягу некалькіх тыдняў польскія спэцслужбы дапытвалі мігрантаў, якія ўехалі ў Польшчу, а таксама выкарыстоўвалі інфарматары з груп мігрантаў, якія знаходзяцца ў Беларусі.
https://smarturl.click/w9mbb
Недзе мы гэта чулі. Да чаго падобная рэакцыя Лукашэнкі на ўраганы ў Беларусі
«Страшныя ўраганы прайшлі ў Беларусі — шэсьць чалавек загінулі, амаль дзьве тысячы населеных пунктаў засталіся на нейкі час безь сьвятла. Лукашэнка ж цяпер гуляецца ў строгага бацьку і адчытвае чыноўнікаў за кепскую працу, але ёсьць у яго прэтэнзіі і да саміх пацярпелых. Яны, кажа, мусілі менш чакаць і больш рабіць штосьці самастойна».
Восем гадоў таму загінуў журналіст Павал Шарамет
20 ліпеня 2016 году ў Кіеве ўзарвалася машына, якой кіраваў Павал Шарамет. Журналіст загінуў на месцы. Злачынства дасюль не раскрытае. Сёньня ў Кіеве людзі прынесьлі кветкі да манумэнта, устаноўленага непадалёк ад месца ягонай гібелі (фота тут).
24 студзеня 2024 году стала вядома, што ўкраінскі суд прыпыніў разгляд справы аб забойстве Шарамета, бо абвінавачаныя цяпер ваююць у войску:
https://smarturl.click/G65kV
Колькі часу Лукашэнка застаецца ва ўладзе? Онлайн-лічыльнік
20 ліпеня 1994 году Аляксандар Лукашэнка стаў кіраўніком Беларусі. Інаўгурацыя пачалася а 10.00 і скончылася ў 10.15 раніцы. На відэа інаўгурацыі ў кадар трапіў гадзіньнік, на якім зафіксаваны дакладны час, калі Лукашэнка зачытаў прэзыдэнцкую клятву. Гэты лічыльнік у рэжыме рэальнага часу паказвае, колькі Лукашэнка застаецца пры ўладзе:
https://smarturl.click/M17ao
👆🏻Запытайся ў Дубаўца. Чаму слова «езуіт» абразьлівае?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
У Беларусь такое значэньне прынесла русыфікацыя. Пачынаючы з 16 ст. каталіцкі ордэн езуітаў стварыў у тагачаснай Беларусі ўсю сыстэму адукацыі ад школы да акадэміі. Гэта была самая перадавая эўрапейская адукацыя. У Масковію тады езуітаў не пусьцілі, бо пазьбягалі «заходніх уплываў». Маскоўскі (імпэратарскі) ўнівэрсытэт узьнік толькі празь дзьвесьце гадоў пасьля зьяўленьня ў Беларусі езуіцкіх калегіюмаў. Зь езуітамі ў Беларусі зьвязаная эпоха Асьветніцтва, агульная разам з усёй Эўропай, тады як у Масковіі працягвалася дэспатыя. Таму па-нашаму езуіт — хутчэй пашана.
Байдэн сышоў з выбарчай гонкі. Што будзе адбывацца цяпер
Хто можа стаць пераемнікам Байдэна ў выбарчай гонцы? Ён падтрымаў Камалу Гарыс. Але хто яшчэ ў сьпісе? І якія яшчэ ёсьць варыянты разьвіцьця падзеяў?
https://smarturl.click/z2QX
Джо Байдэн заявіў аб выхадзе з прэзыдэнцкай гонкі
Яго зварот да амэрыканскіх грамадзян апублікаваны ў сацсетцы Х. Байдэн заявіў такама, што зьвернецца да нацыі пазьней на гэтым тыдні і патлумачыць прычыны свайго рашэньня.
https://smarturl.click/VD737
«Я атрымаў кулю за дэмакратыю»: Трамп упершыню выступіў на перадвыбарным мітынгу пасьля замаху
Акрамя таго, Трамп заявіў, што ў выпадку перамогі на прэзыдэнцкіх выбарах урэгулюе ўкраінскі канфлікт яшчэ да сваёй інаўгурацыі. «Я адзіны, хто можа зрабіць заяву: я перадухілю трэцюю сусьветную вайну», – дадаў кандыдат у прэзыдэнты ЗША.
https://smarturl.click/opGoB
Ці добра вы ведаеце гісторыю Полацку? ТЭСТ
Полацак — самы стары горад на тэрыторыі Беларусі і сталіца першай вядомай дзяржавы на землях сучаснай Беларусі. Праверце сябе, ці добра вы ведаеце гісторыю Полацку. Адкажыце на пытаньні тэсту.
https://smarturl.click/ny436
Ізраіль ударыў па порце, які кантралююць хусіты
Улады краіны назвалі гэта помстай за гібель грамадзяніна Беларусі. 19 ліпеня ў выніку ўдару бесьпілётніка ў Тэль-Авіве загінуў 50-гадовы Яўген Фрэдэр.
https://smarturl.click/dpGo6
30 гадоў кіраваньня Лукашэнкі — страта гістарычнага часу для краіны
Крызіс беларускай мадэлі — гэта разбурэньне ілюзіі, што можна забясьпечыць разьвіцьцё без дэмакратычнай трансфармацыі.
Гэтая мадэль зьяўляецца тупіковай, яна вычарпала свой рэсурс і стала тормазам разьвіцьця. Яна ня здольная адаптавацца да ўмоваў, якія зьмяніліся, а прызначаная толькі выключна для ўтрыманьня ўлады за кошт кансэрвацыі сацыяльнага статус-кво. Піша Валер Карбалевіч.
https://smarturl.click/G6574
👆🏻 Запытайся ў Дубаўца. А вы нацыяналіст? І ці гэта добра?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
У мяне няма альтэрнатывы. Як казаў Васіль Быкаў, я беларус і мая мова беларуская. Гледзячы імпэрскімі ці прарасейскімі вачыма, гэтага дастаткова, каб лічыць мяне «злодзеем-нацыяналістам». Але, калі ўдумацца, «русскоязычный беларус» — такі самы аксюмаран, як рускамоўны літовец ці паляк. У нашым рэгіёне рускамоўным можа быць толькі расеец. Гэта нармальна, калі ўсе нацыі роўныя, і сярод іх няма вялікіх і меншых. Калі нацыяналізм — гэта дрэнна, дык справа не ў нацыяналізьме, а ў дрэнных паводзінах, якія дэталёва расьпісаныя ў Крымінальным кодэксе. Нацыяналізму там няма і ня можа быць.
55 гадоў таму першы зямлянін ступіў на Месяц
55 гадоў таму, 21 ліпеня 1969 году першы зямлянін, амэрыканскі астранаўт Ніл Армстранг, ступіў на Месяц. Армстранг, разам з астранаўтам Эдвінам Олдрынам, зьдзейсьніў пасадку карабля «Апалён-11» на Месяцы днём раней — 20 ліпеня 1969 году.
Больш падзей гэтага дня ў гісторыі — у матэрыяле «Ўжо сёньня»: https://smarturl.click/xBALm
Іван Краўцоў застаўся сакратаром Каардынацыйнай рады
Іван Краўцоў працягне працаваць на пасадзе сакратара Каардынацыйнай рады, паведаміла ўвечары 20 ліпеня прэсавая служба гэтай палітычнай структуры.
Краўцова падтрымала 68% дэлегатаў Рады, якія бралі ўдзел у галасаваньні. Па выніках выбараў сёлета ў траўні Краўцоў стаў дэлегатам Каардынацыйнай рады трэцяга складу ад блёку «Моладзевы наступ» (усяго блёк атрымаў 15 месцаў). Згодна з зацьверджаным у ліпені статутам Рады, дэлегат, абраны кіраўніком сакратарыяту, на час выкананьня адпаведных функцый складае свой мандат.
Краўцоў выконвае функцыі сакратара ад моманту зьяўленьня Каардынацыйнай рады ў жніўні 2020 году.
https://smarturl.click/O07Zb
20 ліпеня 1994 году Аляксандар Лукашэнка стаў кіраўніком краіны. Ён прынёс прысягу ў якасьці першага прэзыдэнта незалежнай Беларусі. Інаўгурацыя праходзіла пад бел-чырвона-белым сьцягам і на трыбуне з Пагоняй. Прыгадваем яе і наступныя прысягі Лукашэнкі за 30 гадоў.
Читать полностью…
Стала вядома, што Беларусь кантактуе зь Нямеччынай пра «разьвіцьцё сытуацыі» вакол асуджанага да сьмерці Рыка Крыгера
Прэс-сакратар МЗС Анатоль Глаз пракамэнтаваў сытуацыю з асуджаным у Беларусі за тэрарызм і наёмніцтва да найвышэйшай меры пакараньня грамадзянінам Нямеччыны. У прыватансьці Глаз заявіў:
«З улікам просьбы МЗС ФРН канкрэтныя рашэньні па наяўных варыянтах разьвіцьця сытуацыі беларускім бокам прапанаваны. Кансультацыі па гэтай тэме вядуцца па лініі міністэрстваў замежных спраў дзьвюх краін».
19 ліпеня стала вядома пра сьмяротны прысуд у Беларусі для грамадзяніна Нямеччыны Рыка Крыгера, які быў вынесены 24 чэрвеня.
https://smarturl.click/Q17gR
🚀55 гадоў таму адбылася першая высадка чалавека на Месяц. паказваем, як гэта было
16 ліпеня 1969 году астранаўты Ніл Армстранг, Эдвін (Баз) Олдрын і Майкл Колінз стартавалі з касьмічнага цэнтру Кенэдзі на ракеце Saturn V зь місіяй «Апалён-11» на Месяц. Узгадваем тыя падзеі.👆🏻
📚Вольга Гапеева пра сваю новую кнігу на эміграцыі: «Сапраўдная радзіма бывае толькі ў марах»
У лёнданскім выдавецтве Skaryna Press выйшла новая паэтычная кніга Вольгі Гапеевай «Пад асобнымі коўдрамі». Пачыталі разам з аўтаркай ейныя вершы апошніх гадоў ды пагаварылі пра самоту і адзіноту ў выгнаньні, межы чужых земляў, страх у сваёй краіне ды мары пра сапраўдную радзіму:
https://smarturl.click/0e9Op
Тыдзень на Свабодзе: узгадваем цікавае
«Анёл Сьмерці». Гісторыя беларускі, якая паведамляе родным загінулых каліноўцаў пра іх гібель
«Тое, што адбываецца ў Беларусі, на жаль, залежыць ад перамогі ў гэтай вайне. Таму, калі магу нечым дапамагчы — я буду гэта рабіць. На вайне ня так страшна, як у Беларусі цяпер», — тлумачыць «Ночка», чаму далучылася да Палка. Расказваем пра яе цяжкую місію «Анёла Сьмерці».
Чым Беларусь захапляе, шакуе і так вабіць расейцаў
Летась Беларусь наведалі 5,8 млн турыстаў, 96% зь іх — з Расеі. Расейцы ня толькі пакідаюць у Беларусі сотні мільёнаў даляраў, але даведваюцца пра Беларусь і беларусаў шмат новага. Глядзім, што іх так уражвае.
Чаму расейскія дроны лятаюць над Беларусьсю
За тыдзень у беларускім небе зафіксавалі 4 расейскія баявыя дроны. Расказваем, што за дроны, глядзім маршруты іх палётаў і спрабуем разабрацца, чаму яны лятаюць над Беларусьсю.
Усе важныя і эксклюзыўныя матэрыялы Свабоды за тыдзень — у нашай суботняй рассылцы. Падпісвайцеся, так вы нічога не прапусьціце!
Яшчэ адзін беларускі спартовец атрымаў допуск на Алімпіяду ў Парыжы
Міжнародны алімпійскі камітэт дапусьціў да ўдзелу ў Алімпіядзе яшчэ аднаго спартоўцу зь Беларусі — Магамедхабіба Кадзімагамедава (вольная барацьба). Такім чынам, ад Беларусі на Алімпіяду паедуць 17 спартоўцаў, яны будуць выступаць як індывідуальныя нэўтральныя атлеты ў 9 відах спорту.
Для параўнаньня: на папярэдняй Алімпіядзе ў Токіё Беларусь прадстаўлялі 108 спартоўцаў. Алімпійскія гульні пройдуць у Парыжы 26 ліпеня — 11 жніўня. Алімпіяду ўпершыню за 40 гадоў не пакажуць па беларускай тэлевізіі:
https://smarturl.click/e5Gab