18400
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Новыя чальцы Аб'яднанага пераходнага кабінэту: Вадзім Кабанчук, Маргарыта Ворыхава, Арцём Брухан, Уладзімер Астапенка.
Читать полностью…
Улады Беларусі хацелі абмяняць Пачобута на Латушку — былы польскі міністар унутраных спраў
Былы міністар унутраных спраў і адміністрацыі Польшчы Марыюш Каміньскі ў інтэрвію тэлеканалу Telewizja Republika расказаў пра перамовы, якія вяліся зь ягоным удзелам адносна вызваленьня палітвязьня Анджэя Пачобута.
Каміньскі нагадаў, што пасьля абвяшчэньня прысуду Анджэю Пачобуту Польшча закрыла памежны пераход «Баброўнікі». Умовай яго адкрыцьця было вызваленьне Пачобута. Аднак, паводле былога польскага міністра, рэжым Лукашэнкі выступіў зь іншай прапановай: перадаць уладам Беларусі кіраўніка НАУ, намесьніка Сьвятланы Ціханоўскай у Пераходным кабінэце Паўла Латушку і тады «на наступны дзень мы вам перадамо Пачобута» (Ад 13:29 на запісе інтэрвію — РС).
https://smarturl.click/xBn0O
На найбуйнейшым фэстывалі мастацтваў прэзэнтавалі арт-інсталяцыю ў гонар беларускіх палітвязьняў
Да 26 жніўня ў сталіцы Шатляндыі Эдынбургу ў рамках найбуйнейшага фэстывалю мастацтваў Fringe дэманструецца мастацкая інсталяцыя «Галасы, якія праціскаюцца скрозь краты» з імёнамі больш за 1400 беларускіх палітвязьняў, паведамляе праваабарончая арганізацыя Libereco.
Экспазыцыя, якая займае амаль 50 кв. мэтраў, паказвае маштабы палітычнага прыгнёту ў Беларусі. Таксама ў будынку Summerhall выставілі 15 рэпрадукцый малюнкаў беларускіх палітвязьняў, якія тыя даслалі з турмы сваім сем’ям і блізкім.
https://smarturl.click/O0dvA
«Галоўнай праблемай быў Кебіч», — Анатоль Лябедзька ў праекце «Сьведкі Лукашэнкі»
«У мяне было разуменьне, што Кебіч — гэта тромб, тупік, мы не разьвіваемся. І трэба зрабіць усё магчымае, каб не дапусьціць старую намэнклятуру на чале з Кебічам», — кажа палітык Анатоль Лябедзька.
«Мы ня ведалі пра абмен вязьняў і ня ўдзельнічалі ў ім». Ціханоўская на адкрыцьці канфэрэнцыі «Новая Беларусь»
У Вільні 3 ліпеня пачалася канфэрэнцыя «Новая Беларусь — 2024», якая сабрала каля 300 чалавек. Перад імі выступіла лідарка беларускіх дэмакратычных сіл Сьвятлана Ціханоўская. У сваёй прывітальнай прамове яна, сярод іншага, пракамэнтавала нядаўні абмен вязьнямі паміж Расеяй і краінамі Захаду, у які ня трапілі беларускія палітвязьні:
https://smarturl.click/l5E1g
Беларуская вясьлярка Тацяна Клімовіч заняла 8-е месца на Алімпіядзе, фінал з удзелам Яўгена Залатога перанесьлі
У фінале «B» па акадэмічным веславаньні, дзе спартоўкі спрачаліся за месцы з 7-га па 12-е, Тацяна Клімовіч была другой: на дыстанцыі 2000 м яе вынік — 7.25,61.
Беларускі вясьляр Яўген Залаты сёньня пазмагаецца за мэдалі на дыстанцыі 2 000 м сярод мужчынскіх адзіночак. Фінал перанесьлі на 12.30 праз тое, што аўтобус ня змог своечасова даставіць беларуса на вясьлярны канал праз паломку:
https://smarturl.click/dp7Ro
Урад даў «Беларусбанку» гарантыі па крэдытах Беларускай біятэхналягічнай карпарацыі, зьвязанай зь сям’ёй Бакіева
Частка інфармацыі аб крэдытах прадпрыемству знаходзіцца пад грыфам «для службовага карыстаньня». У пастанове гаворыцца толькі пра крэдыт у 15,3 млн беларускіх рублёў для закупкі прадукцыі расьлінаводзтва ўраджаю 2024 году. Плата за наданьне гарантыі беларускага ўраду складзе 0,01%.
Бізнэс БНБК зьвязаны зь сям'ёй зрынутага прэзыдэнта Кіргізстану Курманбека Бакіева, які хаваецца ў Беларусі:
https://smarturl.click/1dYXD
Удава забітага ў Нямеччыне чачэнца асудзіла выдачу яго забойцы Красікава Расеі
Удава забітага ў Бэрліне былога чачэнскага палявога камандзіра Зэлімхана Хангашвілі Манана Цатыева выказала неразуменьне рашэньня ўладаў Нямеччыны выдаць Расеі злачынцу.
https://smarturl.click/9zYBz
«Нас ніхто не пытаўся». Перад абменам Кара-Мурза і Яшын адмовіліся падпісваць прашэньне аб памілаваньні Пуціну
«Нас ніхто не пытаўся. Па законе нельга адпраўляць зьняволенага без яго згоды. Але нас проста загрузілі ў самалёт і адправілі ў Анкару. Ні пасадзіць паводле закону ня могуць, ні вызваліць», — сказаў Кара-Мурза, працытаваўшы савецкага дысыдэнта Ўладзіміра Букоўскага.
https://smarturl.click/4kYXx
Вызвалены ў рамках абмену расейскі шпіён браў у Варшаве інтэрвію ў Латушкі і Зарэмбюка
Сярод асобаў, якія фігуравалі 1 жніўня ў сьпісах на абмен зьняволенымі, знаходзіўся Павал Рубцоў, абвінавачаны ў шпіянажы на карысьць РФ у Польшчы.
https://smarturl.click/3kYnV
Што зрабілі дэмсілы за год і ў чым для іх асноўная небясьпека. Тлумачыць палітоляг
Што абяцалі на леташняй канфэрэнцыі «Новай Беларусі» і што было выканана? Чаму выканаць атрымалася ня ўсё? Чаго варта чакаць ад сёлетняй канфэрэнцыі «Новая Беларусь»?
На пытаньні Юрыя Дракахруста адказвае ў праграме «ПіК Свабоды» доктар палітычных навук, дырэктар інстытуту «Палітычная сфэра» Андрэй Казакевіч.
https://youtu.be/NctuWajJ9dI
Расейскага сэнатара затрымалі наўпрост у парлямэнце ў справе аб замоўным забойстве
Выданьне «База» без спасылкі на крыніцы сьцьвярджае, што палітык спрабаваў замовіць забойства свайго бізнэс-партнэра, і наняў для гэтага супрацоўніка ФСБ, які знаходзіцца пад прыкрыцьцём. Забойства было інсцэнаванае, Савельеў яго аплаціў, сьцьвярджае выданьне.
https://smarturl.click/B6lAn
Беларуска Віялета Бардзілоўская заваявала срэбраны алімпійскі мэдаль у скачках на батуце
19-гадовая Віялета Бардзілоўская нарадзілася ў Магілёве. Трэнавалася ў магілёўскай гарадзкой дзіцячай спартовай школе.
Палітычная пазыцыя невядомая.
Срэбра Віялета заваявала з вынікам 56. 060. Пасьля кваліфікацыі ў 19-гадовай беларускі быў другі вынік сярод 16 спартовак — 56.340.
Віялета Бардзідоўская — дэбютантка Алімпійскіх гульняў.
https://smarturl.click/aJZ9A
Здымак Reuters
Падпісвайцеся на Свабоду ўradio_svaboda"> TikTok!
Нашыя журналісты публікуюць там унікальныя кароткія відэа і інфаграфіку на розныя тэмы. Цікавае за апошні тыдзень:
👆🏻 Як Менск стаў Мінскам: radio_svaboda/video/7397113042032626950">гісторыя назвы беларускай сталіцы
👉🏻 Баскетбаліст, дыплямат і «генэратар ідэй». radio_svaboda/video/7397484865643465989">Што былыя калегі кажуць пра кіраўніка МЗС Максіма Рыжанкова
👉🏻 Эканоміка на Свабодзе. radio_svaboda/video/7398231468746476805">Тлумачым, што такое овэрдрафт
👉🏻 Цукар ці цукразайменьнікі? radio_svaboda/video/7396359707016826118">Плюсы, мінусы і «падводныя камяні»
👉🏻 Чым захапляе і чым шакуе Беларусь расейскіх турыстаў? radio_svaboda/video/7395997236657671430">Расказваем, а таксама цытуем іх саміх
👉🏻 «Каровы Гітлера» ў Белавескай пушчы. radio_svaboda/video/7397877839057440005">Узгадваем цікавы факт з гісторыі Беларусі
👉🏻 Кебаб ці шаўрма? radio_svaboda/video/7396741308620066054">Расказваем гісторыю стравы і яе назвы
👉🏻Дарагія квіткі, шматгадзінныя чэргі, нязручныя аўтобусы.radio_svaboda/photo/7395935209910439174"> Як беларусы езьдзяць зь Менску ў Вільню і Варшаву
Што азначае забойства лідэра ХАМАС для перамоваў аб спыненьні вайны ў Газе
Перамовы, накіраваныя на спыненьне разбуральнай вайны Ізраілю ў сэктары Газа, тармазіліся яшчэ да забойства палітычнага лідэра групоўкі ХАМАС Ісмаіла Ханія. Піша аналітык Радыё Свабода Рэй Фэрланг.
Паводле яго, Ханія адыграў ключавую ролю ў перамовах пры міжнародным пасярэдніцтве аб дасягненьні пастаяннага спыненьня агню ў палестынскім анкляве і арганізацыі вызваленьня ізраільскіх закладнікаў. Ён таксама лічыўся адносна памяркоўным у ХАМАС.
https://smarturl.click/B6lp9
Як паведамляе тэлеграм-канал дэмакратычнай лідэркі Беларусі Сьвятланы Ціханоўскай, у Вільні абвешчаныя новыя прызначэньні ў Аб’яднаным пераходным кабінэце.
На пасаду прадстаўніка ў абароне і нацыянальнай бясьпецы прызначаны Вадзім Кабанчук, былы намесьнік камандзіра полку імя Кастуся Каліноўскага.
Маргарыта Ворыхава ўзначаліць прадстаўніцтва ў моладзевай палітыцы, якое ствараецца ў Аб’яднаным пераходным кабінэце. Дагэтуль Маргарыта Ворыхава займала пасаду дарадцы ў моладзевай палітыцы і студэнцтве ў офісе Сьвятланы Ціханоўскай.
Уладзімер Астапенка цяпер будзе прадстаўніком у міжнароднай і эўрапейскай супрацы.
На пасаду намесьніка прадстаўніка ў транзыце ўлады Аб’яднанага пераходнага кабінэту Святланай Ціханоўскай узгоднены Арцём Брухан.
У Вільні 3 жніўня адбываецца канфэрэнцыя дэмакратычных сіл «Новая Беларусь».
https://smarturl.click/DaLye
Навукоўцы знайшлі цяжкія мэталы ў цёмным шакалядзе. Ці варта турбавацца?
Дасьледнікі ў ЗША праверылі 72 пліткі цёмнага шакаляду, каб высьветліць, ці забруджаныя яны цяжкімі мэталамі. Сярод пратэставаных прадуктаў 43% утрымлівалі больш высокія ўзроўні сьвінцу, чым тыя, якія лічацца бясьпечнымі, а 35% мелі больш высокія канцэнтрацыі кадмію. Абодва металы таксычныя, зь імі зьвязаны шэраг праблем са здароўем.
Падрабязьней: https://smarturl.click/Ee83W
Прыніжаныя і адрынутыя. Алімпіяда, якая паказала сапраўднае стаўленьне сьвету да дыктатур Лукашэнкі і Пуціна
«Афіцыйная прапаганда, спрабуючы прынізіць, асудзіць і высьмеяць парыскую Алімпіяду-2024 і яе арганізатараў, выкарыстоўвае старыя прыёмы і мэтады савецкай прапаганды часоў позьняга СССР».
Вясьляр Яўген Залаты ўзяў срэбра на Алімпіядзе ў Парыжы
Яўген Залаты заняў другое месца ў фінале Алімпійскіх гульняў і стаў іх срэбным прызёрам. Беларус паказаў час 6.42,96. Апярэдзіць яго здолеў толькі немец Олівэр Зэйдлер.
💌 Ня маеце часу штодня гартаць навіновыя стужкі? Падпісвайцеся на рассылку Свабоды!
Усё самае важнае за мінулы тыдзень у адным лісьце! Сёньня расказваем пра адбіраньне маёмасьці ў беларусаў, посьпехі і правалы беларускай апазыцыі, пагрозу існаваньню «Белсату», маладога мастака, які намаляваў больш за 100 партрэтаў вядомых беларусаў, вялікі абмен вязьнямі, пра «чорных салаўёў» Беларусі і шмат пра што яшчэ.
Падпісвайцеся і чытайце! 👉🏻 http://eepurl.com/ijMaIv
👆🏻Запытайся ў Дубаўца. Ці людзі вартыя павагі ўжо толькі за іх беларускую мову?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Людзі ўвогуле вартыя павагі, пакуль вы ня ведаеце пра іх чагосьці, што б вашу павагу скасавала. Для мяне асабіста, калі незнаёмы чалавек гаворыць па-беларуску, ён, безумоўна, варты падвойнай павагі, бо ён ня толькі патэнцыйна добры чалавек, але і носьбіт сьветлае місіі — беларушчыны, што ў наш час і ў нашым сьвеце даецца ня так проста. Ён ужо, як мінімум, мае каштоўнасьці і прынцыпы. А далей — як складзецца. Бываюць і сярод беларускамоўных людзі, якія прымушаюць сябе не паважаць.
3 жніўня нарадзіўся беларускі пісьменьнік Алесь Адамовіч
Алесь Адамовіч — пісьменьнік і літаратуразнаўца, грамадзкі дзяяч, удзельнік нацыянальна-дэмакратычнага руху 1980-х. Ён стаў адным зь першых, хто падняў у літаратуры тэму чарнобыльскай катастрофы, яе сапраўдных маштабаў. Фільм на сцэнар Адамовіча «Ідзі і глядзі» лічыцца адным з найлепшых фільмаў пра вайну. 👉🏻 Правілы жыцьця Алеся Адамовіча
Пра іншыя падзеі 3 жніўня ў гісторыі чытайце ў матэрыяле «Ўжо сёньня»: https://smarturl.click/2qY3m
Беларус стаў залатым прызёрам Алімпіяды ў Парыжы
У фінале скачкоў на батуце Іван Літвіновіч набраў 63,090 бала.
https://smarturl.click/gpZzy
Асноўныя падзеі і тэксты пятніцы, 2 жніўня
Першы мэдаль беларусаў на Алімпіядзе ў Парыжы: Віялета Бардзілоўская заваявала срэбра ў скачках на батуце
Слуцкія паясы ў мэтро, беларускі «аднарог», новы заказьнік. Добрыя навіны тыдня
«Прэзыдэнт ЗША ні пры чым, а Лукашэнку падзякавалі». Што беларускія дзяржаўныя СМІ напісалі пра абмен вязьнямі
«ПіК Свабоды». З чым дэмакратычныя сілы прыйшлі да канфэрэнцыі «Новая Беларусь»? Тлумачыць палітоляг
«У зоне сьмерці страх можа быць жудасны». Гісторыя беларускай альпіністкі, якая ў 64 гады скарае васьмітысячнікі
Працэдуры вызваленьня беларускіх палітвязьняў ідуць іншым шляхам, — кіраўнік МЗС Польшчы Сікорскі
У чарзе на ўезд у Эўразьвяз зь Беларусі — больш за тры тысячы транспартных сродкаў
«Спрошчаная сыстэма пераезду»? Што такое Нацыянальная карта Вугоршчыны і як яе атрымаць беларусу
Лукашэнка расказаў, што ён просіць у Бога наконт здароўя
Аляксандр Лукашэнка ў часе размовы з жыхарамі аграгарадку Прудок пракамэнтаваў чуткі аб сваім здароўі.
https://smarturl.click/Q14l6
Кіраўнік МУС адкрыў новы СІЗА, які пабудавалі замест «Валадаркі»
У новы комплекс СІЗА пераехаў у красавіку гэтага году з Пішчалаўскага замку на вуліцы Валадарскага ў Менску. У якасьці падарунка на навасельле міністар падараваў СІЗА сэртыфікат на тэлевізар.
https://smarturl.click/e5gE1
Добрыя навіны тыдня
У Беларусі, у Гомельскай вобласьці, зьявіцца новы заказьнік. На трэцяй лініі менскага мэтро зробяць асьвятленьне на матыў слуцкіх паясоў. Польшча прызнае праязны дакумэнт іншаземца роўным пашпарту. Расказваем: https://smarturl.click/Ee8VZ
Працэдуры вызваленьня беларускіх палітвязьняў ідуць іншым шляхам, — кіраўнік МЗС Польшчы Сікорскі
Міністар замежных спраў Польшчы Радослаў Сікорскі 2 жніўня адказаў на пытаньне, чаму падчас учорашнега абмену зьняволенымі паміж Захадам і Расеяй не вызвалілі беларускага палітвязьня Анджэя Пачобута.
«Я хацеў бы запэўніць вас, што працэдуры вызваленьня іншых палітвязьняў, беларускіх палітвязьняў, у тым ліку Анджэя Пачобута, ідуць іншым шляхам, — цытуе Сікорскага TVN24. — Гэта ў маіх думках кожны дзень».
Пра дэталі апэрацыі па абмене палоннымі, у тым ліку аб перадачы агента ГРУ Паўла Рубцова, Сікорскі гаварыць не захацеў, у гэтым пытаньні ён адаслаў журналістаў да спэцслужбаў і пракуратуры.
«У зоне сьмерці страх можа быць жудасны». Гісторыя беларускай альпіністкі, якая ў 64 гады скарае васьмітысячнікі
Лілія Яноўская ў траўні скарыла чарговы, восьмы 8-тысячнік — Макалю. Паразмаўлялі зь беларускай альпіністкай пра любоў да гор, іх небясьпеку і бел-чырвона-белы сьцяг на вяршынях.
https://smarturl.click/gpZYB
Лукашэнка абвінаваціў прэзыдэнта ЗША ў тым, што ён выкарыстоўвае «вялікі абмен» для падвышэньня свайго аўтарытэту
У часе размовы з жыхарамі вёскі Прудок Мазырскага раёну, якая моцна пацярпела ад прыроднай стыхіі, Аляксандар Лукашэнка заявіў, што «прэзыдэнт ЗША ня меў ніякага дачыненьня да арганізацыі абмену паміж Расеяй і краінамі Захаду».
https://smarturl.click/0e4wm