16579
Сиёсатшунос Камолиддин Раббимовнинг расмий телеграм саҳифаси Реклама учун мурожаат: @media_adsx
«Сиёсий конфликтга илмий назар»
«Фикрат» таҳлилий дастурининг кузатувчилари таклифига биноан 7-декабр, соат 19:00да Фикрат таҳлилчиси, сиёсатшунос Hamid Sodiq билан вебинар ўтказиш режалаштирилган. Zoom платформасида бўлиб ўтадиган ушбу тадбирда қатнашиш пулли бўлиб, тўлов бир иштирокчи учун 40 минг сўмни ташкил этади.
Мурожаат учун: +99890-9204978, fikratonline@gmail.com
Тўловни амалга ошириш учун ушбу ҳавола орқали ўтинг: https://payme.uz/fallback/merchant/?id=65253bf61ff1e7cb8e16a60d
Gmail: (gmail тизимидаги электрон почта манзилингизни киритинг)
Контент: «Siyosiy konflikt» ёки 08003
Тўлов: 40000 сўм
@Rabbimov_rasmiy
Ўзбекистонда олий ҳокимиятида шаклланаётган сиёсий тафаккурнинг битта йирик структурали муаммоси бор. Давлатда мухолифат йўқ. Парламентда турфа қарашлар жуда заиф. Фуқаролик жамияти, нодавлат ташкилотлар сиёсий муҳитга деярли таъсир қила олмайди. Натижада, Президентнинг, олий ҳокимиятнинг сиёсий қарашларини айнан куч ишлатар тизимлари бир ёқлама шакллантиради. Куч ишлатар тизимларига муқобил қарашлар – жуда катта дефицит.
Шунинг учун давлатда ваҳимали сиёсий тафаккур, жумладан, “ҳозир халқ кўчага чиқиб кетади”, “ҳозир осмон узилиб, ерга тушиб кетади...” каби қўрқиш ва қўрқитиш тафаккури доим кучли бўлган ва шундай қолмоқда. Аслида, жамият қанча эркин бўлса, шунчалик ижтимоий баҳс-мунозаралар сиёсий майдонга чиқади ва муаммолар каналлашаверади. Бу худди ўша ваҳималар амалга ошгандек кўринади, лекин жамият борган сари барқарорлашаверади...
@Rabbimov_rasmiy
Генийлар! Барибир куч ишлатар тизим раҳбарлари жуда узоқни кўра олади. Формулани қаранг: кимки куч ишлатарларга ёқмаса, таппа ушлаб қамаб, йўқотиб борилаверади ва ўтмишда шундай қилинганлар – оқланиб, сиёсий капитал олинаверади. Бир томондан безовта қилувчи элементлардан тозалаш ва ўтмишда шундай қилинганлар номини ишлатиб, обрўй олиш.
Сталин айтганидек, “одам бўлса, статья топилади”. Ким хато қилмайди дейсиз?! Хозир ёқмаётганларни қатъий ишонч билан жазолаш ва ўтмишда жазоланганларни “э-э, хато жазолашган экан-ку... Товба!” деб, оқлаш... Зўр усул, генийлар!
@Rabbimov_rasmiy
Араб-мусулмон дунёси нега ожизлик ҳолатида?
Исроилнинг Фаластин ҳудудлари ва халқига қилаётган тажовузи кўп ўн йилликлардан бери давом этмоқда. Лекин салкам 2 миллиард аҳолига эга мусулмон дунёси Исроил давлати ва унинг иттифоқчиларини халқаро қонунчилик доирасида тийиб туришга эриша олмади.
Исроил – шу пайтга қадар БМТнинг резолюцияларида энг кўп қораланган, танқид қилинган давлатлардан бири. Лекин нега мусулмон дунёси Исроилни халқаро ҳуқуқ доирасида инсониятга қарши жиноятлардан тийиб тура олмайди?
Нега мусулмон дунёси, 50 дан ортиқ давлатни қамраб олувчи Ислом ҳамкорлик ташкилоти доирасида, 18 та араб давлатини қамраб олувчи Араб давлатлари лигаси ва бошқа кўплаб халқаро бирлашмалар доирасида Исроилни тийиб турувчи ҳуқуқий, сиёсий, иқтисодий, дипломатик чораларга эриша олмайди?
11 ноябр куни Саудия Арабистони пойтахти Ар-Риёдда бир вақтнинг ўзида иккита катта саммит бўлиб ўтди. Ислом ҳамкорлик ташкилоти ва Араб давлатлар лигаси саммити. Унда 50 дан ортиқ давлат ва ҳукумат раҳбарлари иштирок этишди. Саммитнинг асосий мақсади – Исроилнинг Ғазо секторида олиб бораётган ва кўплаб бегуноҳ инсонларнинг ўлимига сабаб бўлаётган урушини тўхтатиш эди.
Саммитда Ўзбекистон тарафидан бош вазир Абдулла Арипов иштирок этди ва Ғазо секторидаги тинч аҳолига нисбатан бўлаётган жиноятларни қаттиқ қоралади. Шунингдек, саммитда Туркия президенти Эрдўған ҳам нутқ қилиб, “Шарли Эбдо воқеасида дунё лидерлари намойиш ўтказган эди, лекин 11 минг фаластинлик тинч аҳоли ўлдирилди, ҳеч кимнинг парвойи йўқ, мусулмон бўлгани учунми?” деди.
Мусулмон дунёси ва араб ҳамжамиятининг талаблари Исроил томонидан инобатга олиндими? Йўқ, Исроил Ғазо секторида урушни давом эттирмоқда. Тинч аҳоли орасидаги қурбонлар сони кескин ошиб бормоқда. Қолаверса, кўплаб араб давлатларида ҳаттоки Фаластинни қўллаб намойишлар ўтказиш тақиқланди. Бу ҳақда гапириш тақиқланган араб монархиялари ҳам бор. Сабаб нима?
Бу – аксарият араб ва мусулмон давлатларидаги ҳокимият табиати, унинг жамият билан, халқ билан муносабатларига бориб тақалади. Мусулмон дунёсида ҳокимиятлар халқ билан, жамият билан узвий ва тизимли боғланмаган. Ҳокимиятлар – халқдан автоном, мустақил корпорациялар сифатида фаолият юритади. Ҳокимиятлар – халқнинг иродаси ҳосиласи эмас, ҳукуматлар жамиятга институтлашган ҳолда боғлиқ эмас. Сайловлар сохта.
👉 Батафсил
@Rabbimov_rasmiy
Тошкент кўчаларида автомобиллар шиддат билан кўпаймоқда. Автомобиллар сони билан биргаликда, пропорционал равишда ёки янада тезроқ авариялар сони ҳам ошмоқда. Олдинлари ҳар куни 1-2 та авария кўрардим, кейинги вақтлар шу авариялар сони 3-4 гача етмоқда. Мошиналар тўқнашуви, мошина ва автобусларни тўқнашуви одатий ҳол бўлиб қолди. Катта муаммо!
Йўлда автомобилда юриш – коллектив маданиятни, коллектив мулоқот ва ўзаро ҳамкорликни талаб қилади. Бизни сиёсий маданиятимиз – ўзаро ишончсизлик, ўзаро рақобат ва ким ўзари ўйнаш, “бошқаларни ютиш”га мойил...
Ёши 50дан ошган ҳайдовчилар ҳам қоида бўйича мошина ҳайдамайди. Бурилишларда "поворотник"ни ишлатмайди, "обгон" қилиш учун кутиб турмай, йўлни хавфли шаклда кесиб ўтади. Одамлар ўта агрессив, яна қоида бузади...
Менимча, ТВ каналларида йўл қоидаси бўйича махсус дастурлар қилиш керак, кеч бўлганда (болалар ухлаганда), йўл ҳаракати ҳалокатларини кўрсатиш керак. Жамиятнинг маданияти – сиёсатнинг асоси, платформаси ҳисобланади. Оддий йўлда шунақа кўп ҳалоқат бўлиши, сиёсий маданиятимиз ҳам юқори эмаслигини билдиради. Авариялар сонининг кўплиги – жамият учун одатий, стандарт холат бўлиб қабул қилинмаслиги керак. Жиддий миллий безовталик кўрсатиш керак!
@Rabbimov_rasmiy
🇺🇦Украинанинг тақдири нима бўлади? Киевдаги тушкун кайфият сабаблари
7 октябрда Исроил-Фаластин урушининг янгиланиши оқибатида дунё ҳамжамиятининг эътибори Украинадан Яқин Шарққа кўчди.
Аслида, Украинада бўлаётган уруш – дунё геосиёсий тартиботини ўзгартиришга қаратилган энг йирик ходисадир. Исроил-Фаластин урушининг эса 75 йиллик тарихи бор, у цивилизацион характерга эга, сурункали можаро.
Лекин айнан Украина уруши орқали Россия дунё тартиботини, глобал статус-квони ўзгартириш ниятида. Постсовет ҳудуди учун эса, бу давлатларнинг ҳудудий яхлитлиги, суверенитети масаласи ҳамдир. Чунки агар Украинада Россия тезда ва осон ғалаба қозонганида эди, унинг империячилик кайфиятлари янада ошарди.
Гарчи Украинадаги уруш ўтган 2022 йилинг февралида бошланган бўлса-да, шу пайтга қадар, ташаббус гоҳ у томонда, гоҳ бу томонда бўлди. Бугун, Киевда анча тушкун кайфият. Бунинг бир қанча сабаблар бор.
Биринчидан, Исроил-Фаластин можаросининг янгиланиши коллектив ғарбнинг диққат-эътиборини Украинадан олиб, Яқин Шарққа қаратди. Унга қадар ҳам, ғарб давлатларининг Украинага бераётган молиявий, ҳарбий-технологик ёрдами кескин пасайиб бораётган эди. Яқин Шарқдаги можаро ғарбдаги “Украина урушидан толиқиш” ҳолатини расмийлаштириб берди.
Эътибор қилинса, 2023 йилнинг биринчи ойларида коллектив ғарбдан Украинага берилаётган молиявий ёрдам баъзи ойларда 5 миллиардга етди, лекин бир миллиарддан тушмаган эди. Кейинги ойларда эса ғарб давлатларининг ойлик ёрдами 350-250 миллион доллар даражасига тушиб қолди.
@Rabbimov_rasmiy
Бугун блогер дўстимиз Олимжон Ҳайдаровнинг охирги суди бўлиши кутилмоқда. Бу суднинг ҳукми, айни пайтда, Ўзбекистондаги сўз эркинлиги ва давлат институтларининг танқидга тоқатлилиги устидан ҳам ҳукм бўлади. Олимжон хатолар қилган бўлиши мумкин.
Лекин, суд тизимимиз реал мустақил эмас, адвокатура реал тортишувга асосланмаган. Фуқаролик жамияти жуда заиф. Давлат ниҳоятда марказлашган ва қудратли. Мана шу фонда, Олимжонни айблаш – жуда онсон бўлади. Бу ҳукмни тафтиш қила оладиган на мустақил юристлар синфи, на ватандошлик жамияти йўқ.
Демак, ҳукмни, давлат ўз манфаатларини ўйлаб чиқариши керак. Яъни, бир томондан хато ва камчиликлар бўлса – унга муносабат билдириш, бошқа томондан, давлатнинг ташқи дунёдаги репутацияси ва ички легитимлигини ҳам, тарозини бир палласига қўйиши керак бўлади. Бугун, давлатнинг совуққонлик даражасини ҳам кўришимиз мумкин бўлади...
@Rabbimov_rasmiy
АҚШ собиқ давлат котиби Генри Киссинжер 100 ёшида вафот этди
У 1969–1977 йилларда Ричард Никсон ва Жералд Фордга маслаҳатчи ва кейин Давлат котиби сифатида СССР ва Хитой билан билан муносабатлардаги кескинликни юмшатиш сиёсати меъморларидан бири бўлганди. Виетнамдаги урушни тўхтатиш борасидаги саъй-ҳаракатлари туфайли 1973 йилда тинчлик учун Нобел мукофоти билан тақдирланган.
@Rabbimov_rasmiy
Барча дўстлардан катта бир илтимос! Мен жамоатчиликдан ниманидир жуда кам илтимос қиламан. Бугун, Тошкент вақти билан соат 20:00 да, яъни, икки соатдан кейин, кимники виждони имкон берса #FreePalestine (Ozod Falastin), (Озод Фаластин) хештеги остида ўз қарашини билдирсин!
Бу Ўзбекистоннинг позицияси, бу туркий дунёнинг позицияси, бу мусулмон дунёсининг позицияси, бу холис инсоният позицияси! Бу бегуноҳ ўлаётган болачалар, ва ҳар қандай инсонларнинг ўлимига бўлган кичик бир муносабатимиз бўлади! Илтимос, дўстлар! Тириклигингизни ва буюклигингизни кўрсатинг! Бу - бутун дунё бўйича кутилаётган акция!
@Rabbimov_rasmiy
Ўзгача амбицияларга эга давлат – Қатарнинг Ғазодаги воситачилиги нимадан дарак?
Яқин Шарқда Саудия Арабистони, Миср ёки Эрон анъанавий етакчилар деб қабул қилинса-да, ҳудуди кичик, лекин овози анча баланд Қатар мафкуравий ва геосиёсий позицияси жиҳатдан минтақада уникал давлат ҳисобланади. Расмий Доҳа бу сафар Ғазода 4 кунлик оташкесимга эришишда марказий ўрин тутди.
Камолиддин Раббимов:
— Қатарнинг глобал бренди бу “Ал-Жазира” телеканали ҳисобланади, у 300 млндан ортиқ араб ҳамжамиятининг сиёсий тафаккури ва ахборот қарашларини шакллантириб бераётган глобал ресурс. Бошқа араб давлатларининг ахборот ресурслари унга рақобатчи бўлолмайди. Қатар ўзи кичик давлат бўлса-да, жуда катта геосиёсий ресурс ва мавқе шакллантирди.
Қатарнинг геосиёсий қарашлари бошқа араб давлатлариникидан фарқ қилади, авваламбор Саудиядан. Қатарни шартли равишда иҳвончилар дейиш мумкин. Биламизки, бир пайтлар Мисрда Иҳвон ал-муслимун сиёсий ташкилоти шаклланган эди. Бугунги кунда шу бренд остида бир қанча лидерлар бор, жумладан, Эрдўған ҳам. Бугунги иҳвончиларни ислом қадриятларини сиёсий фаолликка ва баъзан демократик институтларга қориштирган сиёсий гуруҳ, дейиш мумкин.
Саудия халқ фаоллиги, демократик институтлар билан у ёки бу кўринишда курашаётган бўлиши мумкин, лекин Қатар бундай эмас. Араб баҳорининг меъмори “Ал-Жазира” дейиш мумкин, лекин бу лойиҳа кутилганидек муваффақиятга эришмаган.
Қатарнинг қараши бўйича дунё глобаллашди, бундай вазиятда инсон тафаккурини ахборот билан тўйинтириш ва улар сиёсий фаол бўлиши керак. Натижада араб ва мусулмон дунёси фаоллиги дунё архитектурасини трансформация қилиши керак. Қатарнинг амбициялари, лойиҳалари ана шундай жуда катта.
Батафсил
@Rabbimov_rasmiy
Хитой ва БРИКС Ғазодаги урушда қандай рол ўйнаши мумкин?
Душанба куни араб давлатлари дипломатлари Пекинда, БРИКС аъзолари эса виртуал тарзда Исроилнинг Ғазога босқини масаласини муҳокама қилди. Хўш, Хитой ва БРИКС аъзолари бу можарога қандай таъсир қила олади?
📹 ТЎЛИҚ ВИДЕОНИ КЎРИНГ
@Rabbimov_rasmiy
«АҚШ Хитойни тийиб туриш учун Тайван жуда қулай восита» – экспертлар билан суҳбат
Узоқ кутилган учрашув, Байден Си Жинпингни Сан-Франсискода қарши олди. Музокаралар чоғида икки томон ҳам икки хил мавзуларни ўртага ташлади. Ҳўш, бу учрашув кутилган натижаларни берадими? Марказий Осиё давлатлари бу курашнинг қайси нуқтасида бўлади? Тайван сабаб икки давлатнинг ҳарбий тўқнашуви содир бўладими? «Геосиёсат»нинг бу галги сонида АҚШ-Хитой муносабатларининг бугунги ҳолати ва зиддиятларнинг эҳтимолий версиялари ҳақида суҳбатни томоша қиласиз.
👉 Томоша қилиш 👈
@Rabbimov_rasmiy
Дунёда аллақачон Исроил ва унинг яҳудий аҳолиси тўғрисида глобал тафаккур шаклланиб бўлган. Исроилнинг инсоният тарихидаги узоқ муддатли катта жиноятчи, зулмкор, агрессор эканлигига, бугун ҳеч ким шубҳа қилмайди. Тарихан антисемитизмнинг байроқдорлари – христианлар бўлишган. Бу миллатни қувмаган европа халқи ёки давлатини ўзи йўқ...
Мусулмонлар эса яҳудийларни яхши кўришмаган, лекин геноцидлар ҳам қилишмаган, “аҳли китоб” вакили сифатида, уларга жой ва бошпана беришган.
Шунинг учун тарихан энг катта яҳудий диаспоралари ўтмишда Бухорода, Эронда, Туркияда, Мароккода ва бошқа мусулмон диёрларида эмин-эркин яшашган.
Бугун яҳудийлар ўзларининг давлатига эга бўлиб, ҳеч ким қилмаган террорни қилишмоқда, ҳеч ким қилмаган ваҳшийликни қилишмоқда. Бугун фашизм – бу Исроил ва унинг яҳудийлари. Ҳақиқатда, Исроилнинг иши бутун инсониятни ғазабга солмоқда. Ғазабга учраган халқ, миллат ва давлат!
@Rabbimov_rasmiy
Қозоғистон ва Россия: ўзаро муносабатлар нега зиддиятли?
Қосим-Жўмарт Тўқаев Қозоғистон ҳокимиятига келгандан бери унинг Путин билан муносабатларини тушуниш анча қийин. Бир қарасангиз, стратегик шериклик ва ўсиб бораётган иқтисодий ҳамкорлик ҳақида гапирилади, бир қарасангиз, Путин билан Тўқаев айтишаётганини, улар ўртасида кучли зиддиятлар борлигини кузатиш мумкин.
📹 ВИДЕОНИ КЎРИНГ
@Rabbimov_rasmiy
Битта жуда ифлос мантиқни тез-тез учратиб тураман: “араб диктаторлари ўз аҳолисини ўлдираётганда, нега Исроилни танқид қиласан?!”, “Ўзбекистонни ўзида гўдаклар доридан ўлаётганда, нега ҳукумат Фаластиндаги гўдаклар ўлимини гапиради?!”, Уйғур қардошлар турганда, нега арабларни гапирасан?!” ва ҳ.к.
Яъни, бу мантиққа кўра, муаммоларга ечим излаш эмас, муаммоларни кўпайтириш орқали мувозанат яратиш керак. Битта муаммо ҳақида гапирсангиз, бошқа муаммо олиб келинади ва “нега шуни гапирмайсан?!” дейишади. Ақли жуда тор ва қалби жуда тубан манбаадан чиқади бундай савол ва эътирозлар...
Муаммолар бирин-кетин ечилади, бир муаммони деб, бошқаси улоқтириб ташланмайди. Бир инсон ёки халқни деб, бошқасидан воз кечилмайди. Ҳар бир муаммо айтилиши, ечим изланиши керак.
@Rabbimov_rasmiy
Охирги вақтлар профессор Азамат Акбаров анча фаоллашди. Бугун Самарқанд иқтисодиёт ва сервис институтида “8-чи халқаро талабалар симпозиумини” ўтказди. Симпозиум шиори “Тадқиқотчилик ва креатив сай-ҳаракатларни қўллаймиз” эди. 10 та хорижий давлатдан, 55 га яқин университетлардан 260 га яқин талаба оффлайн ҳамда онлайн иштирок этишди. Энг яхши 10 та мақолага “Best Student Paper Award” топширилди. Халқаро бўлганлиги сабабли барча презентациялар инглиз тилида тақдим этилди. Тадбирни Қозоғистон Республикасининг
Самарқанд шаҳридаги Бош консули Досманбетов Баурджан Бакбергенович очиб берди.
Яқинда, 21-октябр куни профессор Азамат Акбаров томонидан 1-чи Ўзбекистон-Озарбайжон академик форуми ҳамда 29-30 ноябр кунлари 13-чи "Хорижий тилларни ўқитиш ва амалий тилшунослик" (FLATL) мавзусида халқаро онлайн-анжуманларни ўтказганди.
© Зафарбек Солижонов
@Rabbimov_rasmiy
2018 йилдан бери ҳар ой бестселлер рўйхатини эълон қиламиз. Унда Asaxiy орқали Ўзбекистон бўйлаб сотилган энг кўп 20та китоб ўрин олади.
Ноябрьда қуйидаги 20та китоб энг кўп сотилибди:
1. Девид Николлс: Бир кун. Бир муҳаббат тарихи
2. Жеймс Клир: Атом одатлар
3. Жорж Оруелл: Молхона
4. Жорж Оруелл: 1984
5. Малколм Гладуелл: Зукколар ва ландавурлар
6. Браян Трейси: Самарадорликнинг 21 йўли
7. Кел Нюпорт: Диққат: Чалғитувчи дунёда муваффақият сирлари
8. Бретт Кинг: Банк 4.0 Доим сиз билан - ҳозир ва шу ерда
9. Жавлон Жовлиев: Қўрқма
10. Ҳенри Марш: Озор берма: Ҳаёт, ўлим ва нейрожарроҳлик
11. Питер Ҳопкирк: Катта ўйин. Икки империя тўқнашуви
12. Барбара Оукли: Рақамлар учун яралган идрок. Математика ва табиий фанларни қандай қойиллатса бўлади
13. Аллан Диб: Бир варақли маркетинг режа
14. Марк Менсон: Бепарволикнинг нозик санъати
15. Жон Г. Миллер: СОС! Савол ортидаги савол
16. Френк Беттжер: Муваффақият сирлари
17. Чарлз Уилан: Яланғоч иқтисодиёт. Мураккаб соҳанинг содда қиёфаси
18. Стивен Р. Кови: Муваффақиятли инсонларнинг 7 кўникмаси
19. Девид Бах, Жон Девид Манн: Латте омили. Молиявий мустақиллик ва эркин ҳаёт сари
20. Ато Ҳамдам, Леонид Чигрин: Япон зобити. Ютаро Тоданинг асирликда бошдан кечирганлари
Эслатиб ўтаман, Сиз ушбу китобларни ягона тўпламда супер чегирма нархда харид қилишингиз мумкин: asaxiy.uz/u/656b0cb958388
@allaevuzb
Орган ходимларининг “обрўсини сақлаш”га очиқликни бўғиш орқали "ечим": Бу нимаси билан хавфли?
Ҳуқуқ органлари ходимларининг тасвирини уларни “обрўсизлантириш мақсадида” тарқатганлик учун жавобгарлик белгиланиши улар устидан жамоатчилик назоратини сусайтиради, ходимларнинг ваколатидан четга чиқиши ҳолатларини кўпайтиради ва энг асосийси, уларнинг хатто энг кичик хатолари учун ҳам сиёсий жавобгарлик юқори ҳокимият зиммасига тушади.
📹 ВИДЕОНИ КЎРИНГ
@Rabbimov_rasmiy
Медиа оламида холис ахборот топиш қийин даврларда яшаябмиз.
Мен бугун сизларга ўзбек блогосферасидаги бири бошқасини такрорламайдиган бир нечта блогларни тавсия қилмоқчиман.
Орасида сиз танийдиган таниқлилари ҳам бор.
Қолаверса бу блогларни шахсан ўзим диққат билан кузатаман шу сабаб буни шахсий тавсия деб қабул қилинглар.
Марҳамат 👉 Аъзо бўлиш 👈
Рамзий воқеа. Абдулла Қодирий Ўзбекистон Олий суди томонидан бугун расман оқланибди. Олимжон Ҳайдаров эса, 8-йилга озодликдан маҳрум қилинди. Бу, 2031 йилни охири озодликка чиқади дегани. Қўрқинчли ҳукм! Демак, судни мақсади жамоатчиликни қўрқитиш бўлган, ва бунга эришилди.
@Rabbimov_rasmiy
Бугунги кунда Tелеграмда банк соҳасида ёзадиган каналлар етарлича.
Лекин улар ичида тизимдаги энг муҳим янгиликлар, фактлар, таҳлиллар, шунингдек банк хизматларига оид керакли маълумотларни қисқа ва лўнда етказиб бериб борувчи @bankmijoz канали ажралиб туради.
Масалан:
👉 иккиламчи ипотека кредитлари,
👉 онлайн микроқарзлар,
👉 бепул пул ўтказмалари,
👉 таълим кредитлари,
👉 юқори фоизли омонатлар,
👉 кредит тарихи ва бошқа керакли маълумотларни шу ердан топишингиз мумкин:
👉 /channel/bankmijoz
Ғазодаги урушда фейк маълумотлар, расмлар ва видеолар тарқалаётгани ҳақида айтилди. Ишонаман! Лекин ким томонидан? Технологик ривожланган Исроил томониданми ёки давлат инфраструктураси тўлиқ бузиб ташланган Фаластин ва уйсиз фаластинликлар томониданми?
Ўлганлар фейк ўлмагандир? 15 мингга яқин одам ёлғондан ўлмагандир?! Ёки бу ҳам фейкми?
Исроил аёвсиз қирғин қилмоқда. Исроил сиёсатчилари фаластинликларни “инсон қиёфасидаги махлуқлар” деб атайди. Очиқча шундай дейди... Шундай экан, оммавий қирғин ҳақида гапирмай, қандайдир фейклар ҳақида гапириш – виждонсизлик!
@Rabbimov_rasmiy
Украинанинг тақдири нима бўлади? Киевдаги тушкун кайфият сабаблари
7 октябрда Исроил-Фаластин урушининг янгиланиши оқибатида дунё ҳамжамиятининг эътибори Украинадан Яқин Шарққа кўчди.
📹 ВИДЕОНИ КЎРИНГ
@Rabbimov_rasmiy
Яқинда “Опенгеймер” фильмини кўрдим. Фильмнинг бош ғояси “қанчалик гений бўлмасин, Опенгеймер ҳам Маккартизм босими остида қолган, уни атайлаб обрўйсизлантиришган, рақобат ва нотўғри сиёсий муҳит сабаб, хизматлари пучга чиқарилган...”.
Қолаверса, фильмда АҚШнинг Японияга атом бомбаси ташланиши ҳам легитимлаштирилади. Жумладан, Опенгеймер “Агар биз Японияга атом бомбаси ташламасак, Япония ҳеч қачон таслим бўлмайди. Натижада, АҚШ ва Япония тарафидан яна юз минглаб солдатлар ўларди” дейди. Тарихчилар бошқача фикрда.
Аммо, фильмдаги энг кучли фикр, жумла бошқа. Опенгеймер Эйнштейн ва бошқалар билан баҳс қила туриб, “Бутун бир борлик бир вақтнинг ўзида заррачадан иборат ва тўлқиндан иборат... Шундай бўлиши мумкинми?! Йўқ!! Лекин, бутун бир борлиқ айнан шундай ташкил топган!!!” дейди.
Ҳақиқатда, бу барча физик олимлар ўртасидаги ягона консенсус: борлиқ, бир вақтнинг ўзида зарра ва тўлқин... (вся материя одновременно состоит из частиц и волн). Бу хаётнинг нақадар қизиқ эканлигини англатади. Ҳар бир овоз, руҳият, ният, дуо еки қарғиш – шунчаки қолиб кетмайди. Шунинг учун айтиб келаманки, ҳокимиятнинг легитимлиги – бу инсонлар юрагидаги ишонч билан ўлчанади, ва легитим давлат – ниҳоятда катта қудратли кучдир.
Айтмоқчи, милиция ходимларини иш вақти аудио/видеога олишга таъқиқ ҳақидаги фикрим – бу жуда катта хато иш. Агар амалга ошса, милиция сиёсий масъулиятдан тўлиқ қутилади ва бу масъулият тўлиқ Президент ва олий ҳокимиятга юкланади. Муаммо йўқолмайди, аксинча, масъулият олий ҳокимиятга йўналтирилади.
@Rabbimov_rasmiy
Арманистон КХШТ саммитида қатнашмади. Ереваннинг ташкилотдан чиқиши аниқми?
Франция Арманистонга ҳарбий техникалар юбориши фонида, КХШТнинг Минск саммити Ереваннинг иштирокисиз ўтди. Хўш, Қорабоғдаги узоқ йиллик можаро якунланиб, тинчлик келишувига ҳаракат бўлаётган бир вақтда Жанубий Кавказда вазият қандай шаклланяпти?
📹 ТЎЛИҚ ВИДЕОНИ КЎРИНГ
@Rabbimov_rasmiy
Араб-мусулмон дунёси нега ожизлик ҳолатида?
Исроилнинг Фаластин ҳудудлари ва халқига қилаётган тажовузи кўп ўн йилликлардан бери давом этмоқда. Лекин салкам 2 миллиард аҳолига эга мусулмон дунёси Исроил давлати ва унинг иттифоқчиларини халқаро қонунчилик доирасида тийиб туришга эриша олмади.
📹 ВИДЕОНИ КЎРИНГ
@Rabbimov_rasmiy
Байден ва Си учрашуви. Нима ўзгаради?
16 ноябр куни АҚШнинг Сан-Франциско шаҳрида Жо Байден ХХР раиси Си Жинпинг ўртасида учрашув ўтказилди. Учрашувни бутун дунё экспертлари ва сиёсий доиралар катта қизиқиш билан кузатиб турди. Бу икки давлат алоқалари, нимаси билан муҳим? Икки давлат раҳбарининг учрашувидаги асосий интрига нимада эди?
📹 ВИДЕОНИ КЎРИНГ
@Rabbimov_rasmiy
УЙИНГИЗДА ФАРЗАНДЛАРИНГИЗ УЧУН ЎЗ "ХУСУСИЙ МАКТАБ"ИНГИЗНИ ТАШКИЛ ҚИЛИНГ!
ОЛИЙ МАКТАБ АКАДЕМИЯСИ НТМ томонидан
“Оила-биринчи ва энг ишончли мактаб” доирасида, барча фарзандларингиз (6 ёшдан бошлаб) сифатли ва ишончли таълим олиши учун такомиллашган видеодарслар тўпламини ишлаб чиқди.
Намунавий видеодарслар:
👉🏻 МАТЕМАТИКА (1-11 синфлар учун)
👉🏻 ОНА ТИЛИ ва АДАБИЁТ (1-11 синфлар учун)
👉🏻 ИНГЛИЗ ТИЛИ (1-11 синфлар учун)
👉🏻 РУС ТИЛИ ва АДАБИЁТИ (1-11 синфлар учун)
👉🏻 КИМЁ (7-11 синфлар учун)
👉🏻 БИОЛОГИЯ (7-11 синфлар учун)
👉🏻 ФИЗИКА (7-11 синфлар учун)
👉🏻 ТАРИХ (6-11 синфлар учун)
Боғланиш учун:
@hozir_boglaningBot
Ҳар бир оилага жуда зарур бўлгани учун яқинларингизга албатта жўнатинг.
📌 @oliymaktabakademiyasi
Инсон ҳуқуқлари – давлатнинг ички ишими?
Инсоният глобаллашув даврига кириб келган. Дунёда инсон ҳуқуқлари борасидаги қарашлар ҳам ўзгармоқда. Олдинлари инсон ҳуқуқлари – давлатларнинг ички иши сифатида кўрилар эди. Янги шаклланаётган халқаро қонунчилик ва сиёсий тафаккурга кўра, инсон ҳуқуқлари – давлатларнинг ички иши бўлиши мумкин эмас.
📹 ВИДЕОНИ КЎРИНГ
@Rabbimov_rasmiy
Кеча Тошкентда ХХРдан келган уйғур қардошларимизнинг катта концерти бўлди. Концертни Шинжон маданият бўлими ташкил қилган ва ХХРнинг Тошкентдаги элчиси очиб берди. Мен бу концертга уйғур қардошларимизни кўргани, уларни руҳий холати, эмоцияларини кузатгани бордим.
Концерт ажойиб бўлди. Уйғурча, қозоқча, қирғизча, муғулча ва хитойча қўшиқлар ва рақслар ижро этилди. Қўшиқ куйлаётган ёки рақсга тушаётган уйғур қардошларимиз, ўз эҳтирос ва қадр-қимматларини, ўзлари истагандек ифодалай олмаслиги аниқ. Бир вақтлар биз ўзбеклар ҳам СССР пойтахти Москвада ўйнаганмиз, кулганмиз, ўзимизни бахтиёр хис қилганмиз. Москвага, русларга ёқиш учун ҳам роса чиранганмиз. Биз буни тушунамиз.
Эътибор берганим, кейинги вақтларда расмий Пекин ичкаридаги этник камчиликлар борасида, ташқи дунёга, жумладан, туркий-мусулмон дунёга “хавотир олманглар, уйғурларга босим йўқ!” деган маънода мужда бермоқчидек. Лекин, реал вазият нафақат Шинжонда, балки, Гонконг, Макао ёки бошқа худудларда ҳам мураккаб эканлиги кўпчиликка маълум.
Тарихнинг ўз оқими бор, глобаллашувнинг ўз шартлари бор. Вақти соати келиб, ҳаммаси бирин-кетин амалга ошаверади. Лекин, қандай вазият бўлмасин, қардошлардан, қариндошлардан хабар олиб, йўқлаб туриш, улар учун сўз айтиш – қардошликнинг асоси ҳисобланади.
@Rabbimov_rasmiy